كاتب الموضوع :
دَمعَةْ يتيِمةْ
المنتدى :
القصص المكتمله من وحي قلم الاعضاء
يارب إنـزَع من قَلبي تلك الآشياَء التي تُؤلمنـــي .
.. فقد خابَ الظّن بالكثير والظّن بكَ ابدا لا يخيب !
جـآلسه على الارض وهي مآده رجولها قدآم بـ شرود ،،
تفكيرها منحصر بـ شي وآحد ،، بالمصيبة الي سُوتها ،
طعنـــت أحمـــد ...!!!!!!
كآنت صدمتها عنيفة لدرجة انها مو مصدقه الي صآر ،
تحس انه مو هي الي سُوت كذآ ، آكيــد فيه غلط بالموضوع ،،
لآزم يكون فيه تدخل من طرف ثآلث ولآ هي ما تقدر تدوس على نملة ،، تجي تطعن انسآن ؟!
ولو لا ان رب العالمين كتب له عمر طويل مآ كـآن رح يقوم منها لآ سـآمح الله ،
و كآنت سـآعتها رح تكون قاااتله .. مجرمـــة !!
حست انها سلمت عقلها للشيطـآن أكثر من اللآزم ، ولآ لو انها متمسكة بأيمـآنها برب العآلمين ، و مقتنعه ان الي صار لها أختبـآر لـ صبرها على بلوآها ، كـآنت رح تقآوم !!
كرهت عمرها هاللحظة .. ليـش سمحت لوسـآوسها تسيطر عليها .. لييييييييش ؟!
سيف اتصل و قآل انه أحمد صـآر احسن بعد العمليه وهو الحين صـآحي ، بس ضروري يبـآت بالمستشفى الليله ،
قلبها معورها .. مو مستوعبة للحين انه الي صار معآه هُو بالذآتْ
ولآ قـآدره تصدق انها خلته يتألم هالكثر بالرغم من معرفتها الأكيـده انه هـُو بصوب و الاحسآس بصُوب
الا انه مـآ تحمل هول الالـم الي نهش فيـه ،
سمـعت صُوت الأذآن الي صـدح في المكآن و بـ حركآت بطيئة قآمت من على ارض المطبخ الي غسلته امها من الدم من شُوي و تحركت بـ خطوآت تعبـآنه نآحية الدرج عشـآن تصعد فـوق تتوضى و بعدهآ تتوجه لأرحـم الـرآحمينْ ..!
.♪
.♪
.♪
تمللت بجلستها على الكرسي وهي تقول بطفش من الي معها : هييي انت ويـآها انطموآ عـآد ، والله صجيتوآ رآسي
و التفتت له وهي تكمل بعصبيه : وانت مآ لقيت الا هالفيلم الرومانسي الغبي عشـآن تدخلنآ له ؟ والله انه تااااافه
سمعت صرخة استنكآر منهم هم الاثنين و اعترآض البنت الي قالت بحوآجب معقوده : حرآم عليكي كآدي .. والله انو الفيلم بيجنن ،، و الأبطآل بيطيروووا العئل ،، و بعدين دخلك ما انتي كمآن بتحبي هيك افلآم ؟
كمل هُو والي كـآن مبتسم على تكشيرتها : طبعآ كنت متأكد انها رح تتزمر هيك لأنها اصلا طول الفيلم مآ كـآنت معنآ ولآ فهمت شي !
ابتســمت وهي للحين عاقده النونة بتمثيل للعصبيه : جب !
ضحك وقـآل بغمزة وهو يستند على الطآوله بكوعه عشان يقترب لها : أهآ .. بدينـآ بحركآت الهروب السخيفة .. مدري شو بكي هالأيآم يا حلوووي ، شكلك بتحبي ؟!
سمع اعتراض الي جنبه وهي تقول بـ غيره : ريـآآآآض ، لآ تكلمهاا هيـك .. تعرف اني بغآآآر
ضحك و سند ظهره على الكرسي من جديد ،، سحب يدهآ الي فيها الدبلـة و بآسها برقة وهو يقول بخفة وعيونه كل شوي تبتسـم لـ كآدي : انتي الئلب يآ روحي ، بس شو بدي اعمل .. انا ابتليت بهالبلوي و بدي اقنعها تفك هالتعصيبة !
مآ طفت نآر غيرتها ، سحبت يدها منه بخفة و وقفت على حيلها وهي تقُول بصُوت منزعج : انا رايحة الحمآم
كآلعـآده تزعل و ترد ترضى بروحهآ ،،
لأنها عارفة و متأكـدة انه ريآض يحبها هي ،،
و انه كـآدي .. مجرد بلشة ابتلش فيها !!
لمـآ ابتعدت كآدي ابتسـمت بسخرية وهي تنآظره : خطيبتك خبله
ضحك وهو يرد يجلس نفس جلسته السآبقة عشـآن يبين لها اهتمآمه ، و ان الي قاله لـ لمى بس عشان يهدي من عصبيتها : أي وحده فيهم ؟
رفعت حآجب و ابتسـمت بخفة : هممممم .. بدينـآ بالحكي المآصخ ؟!
ضحك و قـآل بعد شويآت بجديه والابتسـآمة مو مفآرقته : لآ عن جد كآدي .. والله حاسك متغييره كتير هاليومين و مو عارف شو المشكلي ، حدا ازعجك بالجآمعه ولآ شي ؟!
هزت راسها وهي تبتسـم له بأمتنآن : مو كآدي الي تنزعج من أي حد يا ريآض .. افهمها عآد
قآل بقلة حيـلة و هو ينآظر بعيونها : لكآن شو المشكلي ؟! والله مو فاهمك ،، وانتي عارفي كتير ئديش بزعل لمآ شوفك زعلآني و مآ يطلع بأيدي شي اعملوو
فتـحت فمها بتتكلم لكنها سكتت لمـآ حست بـحد وقف ورآها و شافت عيون ريآض تثبت عليه ،
مآ أهتمت .. و توقعت انه القآرسون ،
ولأنهم بـ مطعمها فـ بدون لآ تلتفت قـآلت بترفع : جب لنآ نفس طبق كل مره ، سـ....!
سمعت صُوت خلآها ترتعش بـ آرتيآع وهي تلف تنآظره : قومي بنفسك جيبيه !
بلعت ريقها وهي تشُوف عيونه الحآدة و نظرآته الي كل شوي تنتقل لـ ريآض ،
حست نفسها طآحت بوهقة عمرها ،
لكنـها و الحمد لله قدرت تتمـآسك بسرعه وهي تقوم وآقفه على حيلها لمـآ وقف ريآض وهو يقول بـ أستغرآب و تقطيبه : خيييير خيي شو بك ؟ شو بـدك ؟!
ضحك ضحكة استهزآء حآره وهو يقُول بنفس مقطوع : وصلت فيك الموآصيل لـحد هنآ ؟ كذبتي بـ موضوع مشعل و جرآح و قلتي انهم اصحآبك ، و هالمره هذااااا من ؟؟ لبنـآني و بـــــزر ؟؟؟ شكل عمآلك ما كذبوآ لمآ قـآلولي معدنك الرخيص و انـآ الغبـي الي صدقتك و كـذبتهم
بدون شعور رفعت كاسة العصير الي على الطآوله و رمتها هي و محتوآها نآحية وجهه بكل عنف وهي تصرخ فيه صرخة مكتومة مصدرها ظلمه لها : أحتــــرم نفسسسسسك
صارت انفآسها تتسـآرع وهي تبي تشآهق تطلع الحسره الي كونها بجوفها ،
يا كثر حقآرة هالأنسآن ؟؟
هو رد لورآ بحركة دفاعيه لكنه ما قدر يتفآدى الكـآسه ،، و ضربت بوجهه والعصير طآح على وجهه وملآبسه ،،
تعوووور من الضربه و لعن ابليس وهو يفرك مكآنها و ينقل نظرآته الحآقدة لهآ
ريـآض طلع من ورآ الطآولة و قرب نـآحيته وهو يتكلم بعصبيه : هيييييي يازلميييييي شوووو بك ؟؟ و ميييييين انتـآ تـَ تكلمها هيييييك ؟!
هي ردت قبل لا يتكلم هو النذل .. الحرآمي .. المغآزلجي : اطــلع برآ مطعممممممي ،، آطـلـــــع
آنفآسه صارت تتسـآرع بعصبية وآضحة ودمه صآر يغلي غلي : كلي تبـــن و آنطمي ، لك عين تتكملين بعـد الي شفته
ريـآض بغـى يسطره ،، تقدم له بـخطوآت متنرفزة وهو يقُول بـصوت مليآن ازدرآء : شووو هالحقير هيدآ ؟؟!
على طول وقفت بينهم و هي معطيه زيـد ظهرهآ و وجههآ مقآبل لـ ريآض ، حطت يدها على صدره وهي تقُول بـ ترجي وآضح : خلآص ريآض .. خله يولي ، لآ تتعب نفسك عشـآنه وهو ما يستآهل !
جن جنونه .. وصلت فيها الحقآره لهالموآصيل ؟!
تلمس الرجآل عادي قدآم الخلق و النآس ؟!
بس ليه يستغرب وهي مآ خآفت من الخآلق ؟
لآ وتبي الناس ما يتكلمون عنها و هم يشوفون هالـسفاله الي هي فيها ،،
بدون شعور سحبها من ذرآعها بقوة وبعدها عن طريقه وهو يقول بعصبيه : خايفه عليه ؟ ليه مهوب رجآل ؟!
ثـآرت شيآطين ريآض و تقدم منه و هو نآوي يخليه يندم على الكلآم الي قاله عنها ، الا انه وقف لمـآ هي جت من جديد و هالمره وقفت معطيته ظهرهآ و وجههآ لـ هذآك السـآفل
صرخت بـ حرقة و قلبها يدق بعنف .. خايفه انه تصير فضيحة في المكآن بسببه : خلآص عـآد ،، مآله دآعي الفضآيح هذا ولد بو رياااااض
و خذت نفس وهي تهمس بحرآره لما ما شافت أي ردة فعل منه : هذآ خطيبي يالغبي
جمد وجهه و نقل نظرآته المصدومة نآحية ريـآض الصآمت ،
هي تنفست اقوى و هي تنآظره بشرر و من التوتر الي فيها ما قدرت تستمتع بنظرآته الـمعصبة : ارتحت الحين ؟ ياللا فااااارق
عض على شفته و صار ينآظرها هالمره ،، فتحآت خشمه وسعت من التعصيبه ،
انقهر بالقوووووة ،،
هز راسه هزه خفيفه و قـآل بعد نفس قصير : وتبيني اصدق ؟!
دمعت عيونها و كملت بنفس الطبقة الهآمسة : والله خطيبي بس انت روح ، خلآص ...!!
بهالوقت ردت لمـى من الحمآم و النرفزة وآصلة حدها لأنها تقصدت تتأخر كثير عشـآن تشوف لو رياض يجي و يرآضييها لكنه مآ جآ
لمآ شافتهم من مكآنها استغربت وقفتهم و تقدمت لهم و هي عاقده النونة ،،
لمآ قربت من ريـآض ما التفت لها و كل باله مع هالوقح ،
الوقـح الي يحس انه يبي جدآر عشـآن يهده يمكن يتخلص من هالنآر الي ثآرت فيه و بقوووة ،،
رد خطوة لـ ورآ و التفت و تحرك يبي يطلع برآ هالمطعم الـ مشؤوم ،
هُو كـآن جآي يبي يشوفها صدفة ، توقع لأنه اليوم خميس ممكن تجي فيه مع أخوها ،،
لكن الأخت مو من هالنوع البـآرد .. هي تشتغل على الثقيل ، مشرفة مع خطيبها ..!
طيب هو وش دخله ، خلها تصطـــفل
عسـآها طلعت معاه لأخر الدنيـآ .. هُو وش دخله ؟
وش له بهالسآلفة التعبآنة ؟ و ليه يبي يعور راسه بهالتفآهات غصب ؟!
مآ يــدري ، ولآ يبي يدري ،
بس هُو مقهوووور ...... والله مقهُوووور ..!!
طيــب ورآه كذآ ؟!
عيُونه يحسهم بدوآ يطلعون شرآرآت مشتعله ،
يتمنـآها قدآم عيونه الحين عشآن يخليها تحترق بهالشرآرات يمكن يرتآح شُوي ،،
اجل ولد بو رياض ؟!
يعنـــي الرجآل ما وقف معها ببلآش ؟
مو لله في الله !
كله عشان غايه فـ نفسه و عشآن يآخذ فلوسها وهي زي الهبله ورآهم
خلهااااا بـغباءها و تفكيرها الفآرغ الي ما فيه غير الفلوس .. بنشوف وين رح توصل بهالـعقل المنجمد !
.♪
.♪
.♪
لو الكلآم يفيدْ يمكنْ تكلمتْ
بس الحكي يجرحْ فـ بعض المُوآقفْ
حزيييينْ " جدآ " و الحزنْ يفرض الصمتْ
ومن أحترآمي للحزن .. طحت وآآآقفْ ..!
جالسه على ارضية الصآلة الـرخآمية البآردة وهي مو لآبسه غير بيجآمآ صيفيه خفيفة حييييل
تحس اطرآفها في حآلة انجمآآآد رهيبه ، بس ما تقدر تتكلم ،،
لو أعترضت مو بعيده يجردها حتى من هالبجآمة و يخليها تنتفض من البرد
زوجهآ صاير شيطآن بجسد بشر ،
ما توقعت ولآ بأتعس كوآبيسها تغيير بأحد افرآد عائلتها ،،
لكن هالتغيير جآ من زوجهـآ ...!!
سمعت زجرته العنيفة وهو جآلس بـ غرفة بنتهم ،،
شـآلت نفسها بالقوة وهي مو طآيقة تنآظر وجهه ،
للحين مو مستوعبة الي صار لها معاه ,,
ولآ قادره تصدق انه اتهمهآ بشرفها ،، اتهمها بآلبـآطل ومن غير دليل ،، يآويله من عذاب ربه
تنفست بعمق قبل لآ تدخل الغرفة و عند الباب بدت تسمع دقات قلبها الثآيره من شكله التعبآن ،
كآن نـآيم على سرير بنتهم ... الي للحين مو عارفه وينها ،
سمعته يقول من غير لا ينآظرها : حضري ثيآبك بنسـآفر
جمدت رجولها مكآنها من الخرعة .. وين يبي يآخذها ؟!
عشـآن يكمل العذآب الي بدآ فيه ؟
عشـآن يطيح من عيونها اكثر و اكثر ؟
مآ أكتفى بالي سـوآه ؟!
حرمها من أغلى النآس على قلبها ،؟،
و المصيبة ما يسمح لها بالكلآم ، لو قالت حرف ، يبدي بسلسلة من العقآبآت بشتآيم وسخة قذرة ما توقعت رح تسمعها من لسآنه التقي فـي يوم من الايآم !
بدون أي كلمة .. طلعت برا و هي ضامة جسدها بيدينها من البرد الي لاف الشقة كلها ،
و كأنه هو الثاني يبي يعاااقب نفسه و يعيش الي تعيشه
لكنه ما رح يقدر ،
هو الحين مو شايف قدآمه ، و رح يجي اليوم الي تنفتح عيونه نآحية الحقيقه ،
و ساعتها ما رح ينفعه قول " ياليت "
لو تقدر تهرب و تروح بيتهم كآنت هربت ،،
الا انها ما تقدر .. هو مسكر عليها كل الطرق ،
تدعي ربها انه ما يخليها بهالمحنة .. لأنها تعبببببببت من الي صار لها كثير
و تعبها الاكبر من خوفها على بنتها المجهولة المصير ..... و منه هُو
.♪
.♪
.♪
>؛< ثآني يُومْ >؛<
من لمآ اتصل فيه أحمد امس و قاله يرد الشرقيه وهو باله و فكره و عقله كلهم مشغولين بأهل الشرقيه ،
مو قادر يشيلهم من رآسه ،،
و بنفس الوقت مشغول بـ غرآبة أحمد .. الآ انه قرر يكلمه لمآ يشوفه ، الحكي بالتلفون ما ينفع ،، خصوصآ انه الامبرآطور أحمد لو ما اعجبه الكلآم على طول يسكر بوجه الي يكلمه ، و هالصفة كريييييهة حييييل !!
من اول ما وصل الشرقيه على طول رآح لـ عمآد للمستشفى وهو يحس انه مو قآدر يسيطر على مشـآعره أكثر ،،
ما توقع بيوم من الايـآم رح يصير بموقف غبي مثل الي انحط فيه بسبب طفلته ..!!
ما يقدر يتخيل انه يخسرها بعد ما قرب يوصلها ،،
و يخسرها لـ من ؟
لـ عمــــآد ؟!
هالشي كآن بالنسبة له مثل الخنجر الي أندك دك بـ ظهره ، و لآ هو قادر يطلعه .. و لآ هو قآدر يذبحه و ينتهي من الموضوع
صحيح كـآره المشآعر الثآيره الي مجتآحته ، و كآره حآلته المتوتره بسبب الأقترآح ، لكن بنفس الوقت مو قـآدر يسمع كلآم عقله و يتركها بحآل سبيلها ،،
لأنها مآ رح تقدر تعيش مع غيره .. هالشي هو وآثق منه 100 % ،،
ما رح تقــدر تكون طفلة غبيه و مدللـة عند أي شخص ثآني
حس بخفقـآن عنيف بمشـآعره كآن كآفي انه يخليه يكرههآ اكثر و أكثر ، لأن كل الي فيه بسببها .. كل هالضعف السخييييييييف ما جآ الا لمآ حس انه بيفقدهآ و تصير لـ غيره !!
هو موووووو هامته !
أي صـــح ، هو مب مهتــم
بس هو ما يبيها تتعذب ، و لو خذت غيره رح تتعذب !
شهالـ أفكآر الغبيه يا تركي ؟
من متى صرت تنآقض نفسك بنفسك ؟
ولآ هذا حكي ؟
مره تقول عشـآنها و مره تحس انك مو قـآدر تتحمل فكرة زوآجها لأي رجل على وجه الارض ،
خلها كذا من غير زوآج .. لآ هو الي يبيها .. و لآ هو الي رآضي يخليها تصير لـ غيره !!!!!
يتمنـــى يحكم عليها بهالحكم ، الا انه هالشي مستحييييييل ،،
عشَــآن كذآ ماله الا حل وآحد . .وهو انه هو الي يآخذها عشـآن ما تصير لـ غيره ،
مو لأنه يبيها ....!
بس لأنه ما يحتمل فكرة انها تكون لـ غيره !!!!!!
تكلم مع عمــآد ، و عرف منه سـآلفته القديمة ، و عشقه السآبق الي اندثر ظآهريآ .. ولآ جوهريـآ فـ هو للحين في حآلة انتظآر ابله ،
ولآ من في الدنيــآ يعيش على وهم من المآضي ؟!
عمره مآ فكر يصير عنده عيآل رغم انه عيآل اخوه صآر عندهم ،،
لأنه ما يبي لـ عيآله ام غيرها ،
صحيح انـآني .. الا انه كل يوم بأعمـآقه يتمنى زوجها يموت ولآ يطلقها ولآ أي مصيبة تحوشه ... المهم انها ترد حره ،
حـــــــره عشـــآن يآخذها !
دآيمـآ يتعوذ من ابليـس الي يزين له هالأفكآر الشيطآنية الخبيثة ،،
لكنه ولآ يوم بهالـ 7 سنين الي رآحت قدر ينسـآها ،
صحيح بذكر رب العالمين و الايمآن يصبر على فرآقها .. و يتحمل غيآبها ،
الا انه بشــر .. و تجيه لـحظآت ضعف تخليه يتمنـــى يلمح طيفها ،
تركي بـ كل بسآطة ما اهتم للقصة الحزينة الي حكآها عمه بدون مشـآعر وآضحة ،
لأنه مو من النـآس الي يتأثرون ببسـآطة ،
و كآن بدآخله كآره عمره على هالي يسويه ،، لكــن يرد و يتذكر انه لآزم يسويه ، لأنه ما رح يقدر يكون الطرف الصآمت بعـد الحين ، مستحييييييييييل !!
لمح له اقترآح جدته عن طلب يد بنت له ،، و لمـآ سمع استنكآره الوآضح و بقوة ارتآح قلبه ،
و مآ تحرك من مكآنه الا بعد مآ تأكد مليون بالمية انه ما رح يوآفق على الزوآج الحين !!
هالشي خلاه اول ما يشرق صبآح الجمعة ، يتوجه لـــ بيت بو فيصل ، وهو كله حقد عليهآ ، و على نفسه الي تحركه على كيفها !!
من متـى صآر بهالسلبيه ؟!
من متـــى يخلي لـ نفسه مجآل بالتطفل على قراراته ؟؟!
زفر بغيـــظ عنيف من نفسه و هو يهز رجوله بـ نرفزة ،،
سمع صوت ابوها المحبب لـ قلبه وهو يقُول بـ ثقه : خير يَ بوك ؟ أحس انك تهوجس بشي ؟ قول الي عندك و انـآ عمك ؟
ثبت عيونه عليه و هو يآخذ انفـآس هآدية . . طلع صوته متمآسك و رآكز مثل العآدة و هو يتصرف من غير أي تردد : عمـي انا قررت اكمل نص ديني !
نبض عرق برقبته و رمش رمشة طويلة ، تمنـى انه الي قدآمه مو تركي .. مو الولـــد الي لمه من الشآرع و ربآه بحضنه و مآ قصر بحقه ،
يحس انه غلــــط لمـآ جابه ،
ما توقع بـ يوم هالـ شخص رح يكون السكينة الي تذبح بنته ،
مآ عرف شالي لآزم يقُوله ؟!
" على البركة ؟ ولآ على خيرة الله ؟! "
أي كلمه يقولها رح تغرس شجرة جروح بـ قلب صغيرته .. بـ روح تآجه ..!!
تركي لمآ ما سمع منه أي رد ، قال بـهدوء وهو حآس بكل الافكآر الي تدور برآس عمه : عمـــي ،، ابيــك انت الي تخطب لي !!!!
رجف قلبه و نآظره وهو يهز راسه بـ " لأ " ،
تركي بدآ يجرح بعنف مجنون ، يجرح من غير لآ يحس ،
ولآ كيف يبيه يـذبح بنته بيدينه ؟
مجنون هو ؟!
من له في الدنيــآ غير هالـ " تآج "
من له غيرها بعد رب العالمين عشـآن يـسود ايآمها بـنفسه ؟!
تمنــــى هالمره من قلب .. و بصدق انه ما شاف تركي و لآ تعرف عليه ،،
تركــي يعني دمـآر تآجه !!!!!!
تركي ابتســم وهو يقول بـنفس صوته الثقيل الخشن : عمـي وش قلت ؟!!
طلع صوته مبحوح وهو ينآظر الارض بـ تعب : من بنته ؟ من هلك ؟
ابتســآمته وسعت وهو يقُـول بـثقته المعتآدة ، و كأنه الي يصير مو خآص فيه : آي عمي .. من هلي !
رفع رآسه بقوة كـنه مقروص وهو يحس بـ صدمة عنيفة تجتآحه ،
لحد قبل لحظآت كـآن يأمل انه الله يحنن قلبه على تآج و ما يسوي الي يسويه فيها ،،،
بس الحيــن خلآص . .. تركي شكله قـآصد هالعذآب !
.♪
.♪
.♪
|
07-05-11, 03:47 AM
جديد مواضيع قسم القصص المكتمله من وحي قلم الاعضاء
العرض العادي
