الجزء الأول
للأمــــــــــــــــ بقيه ـــــــــــــــــل
عريسنا يابدر بادي زانت لياليك السرور عريسنا ياعطرزاهي غطى على كل العطور
يايمــــــــــــــــــــه
بسم الله الرحمن الرحيم دايم الناس تفزعهم الكوابيس
المرعبة بس انا غير تفزعني الأحلام السعيدة يا ربي متى
الأحلام تصيرحقيقه بس للأسف مافيه أمل احد يسألني ليه
اكيدماراح أجاوب بس بيني وبين نفسي مواكيد إلا أكيدين
راح أجاوب عمري
قارب ع الأربع وثلاثين والى الآن فارس أحلامي المنتظر شرف ونقطه
ع السطــــــــــــــــــــــــــــــــــــــــــــــــــــــــ ــــــر
للأمــــــــــــــــــــــــــــــــ أمنيه ـل
قمت من النوم بسرعة على صرخة
أمي تنادي بصوت مبحوح نزلت
الدرج بسرعة أدورها ومن العجله
نسيت أدورها بغرفتها رقيت الدرج
مره ثانية بسرعة لقيتها جنب السرير
ووعيونها مفتوحه وما ترد علي؟
يمه؟
يمه ؟
لامجيب بعد شوي تذكرت هذا وانا
دارس تمريض ونسيت بالربكة أمي
وش عندها رحت للمطبخ وأخذت
كاس وحطيت شوي مويه وسكر
ورحت لها رفعت رأسها وبديت
اسقيها شوي شوي وبدت تفيق امي
عندها السكر وفي الأيام الأخير
صارت غيبوبة السكر تجيها بشكل
مستمر وأنا رجال ماقدر اجلس في
البيت باستمرارياربي وش الحل؟؟؟
أمي وبدت تفيق
منيرة :ناصر
ناصر:نعم يمه أمري
منيرة:ليش مارحت الدوام
ناصر:ليش كم الساعة
منيرة:مادري يامك بس شكل الوقت متأخر
ناصر:عن أذنك يمه
,,,,,,,,,,,,,,,,,,,,,,,,,,,,,,,,,,,,
طلعت من غرفت أمي ورحت غرفتي
كانت الساعة أربع الفجر أمي شكلها
من بعد الغيبوبة ماميزت بعذرها الله
يكون بالعون رحت توضيت لصلاة
الفجر وطلعت للمسجد انتظر الصلاة
صليت الفجر وطلعت وأنا عند باب
المسجد
الأمام:ناصرمومعقوله علومك
ناصر:بخير تسلم بس ليش مومعقوله
الإمام:أمس تواجهت أنا وجارك
حسين وقال أنك بالمدينة عند الشيخ
ناصر:لاياشيخ كان عندي مناوبة في
المستشفى
الإمام :الله يكون في العون
ناصر:فمان الله
الإمام:مع السلامة
مشيت باتجاه البيت وأنا أفكر حسين
وش راح يستفيد من الكلام كله ماعليه
الدنيا دواره قل لن يصيبنا الاماكتب
الله لنا
دخلت البيت ولقيت أمي مجهزه
الفطور ياحليليها جيت من وراها
وحطيت أيديني على أكتافها وبست
رأسها وش يسوي الحلو
أمي:اجهزلك الفطور
ناصر:تسلم الأيادي
أمي:الله يسلمك انشالله
ناصر:يمه ارتاحي لاتعبين نفسك
أمي:تعبك راحة يا يمه ناصر قل آمين
يمه
ناصر:آمـــــــــــــــــــــــين
أمي:الله يخليك لي مآبي غيرها
ناصر:بابتسامه آمين ويخليك لي
خلصت فطور وطلعت من المطبخ
وقفت الباب وسمعت أمي وتقول
حسبي الله عليها وين ماكانت اللي
سوت فيك كذا
سندت راسي ع الباب وصرت
اتذكر يا لله أربع سنوات مرت بسرعة
كنها البرق رددت بلساني نسيت والله
نسيت يربي أحس بصدري يطبق
علي من الضيق اللي أحس فيه رحت
اركض لغرفتي فتحتها وشغلت
المسجل وكان فيه شريط قرآن
رميت نفسي ع السرير ورحت في
إغمائه طويلة إلى متى يربي كنت
بادعي على نفسي بالموت بس
تذكرت أمي يربي ساعدني مالي
غيرك ارحم حالي..................
للأمــــــــ بقيه ـــــل
طلعت من غرفتي وماشفت احد
يربي وين راحوا نزلت تحت دورت
على أمي ما لقيتها يربي شكلها راحت
مع أبوي مشوار أمي ماتقدر تترك
أبوي يروح لحالة أبوي في السنوات
الأخيرة صار حساس عنده فوبيا
رهيبة من الموت مايحب يجلس لحاله
تجيه حالة اختناق وهمي ويعيش
حالة الاحتضار ومع الأسف يرفض
يروح للطبيب النفسي لأنه مو مجنون
بحسب كلامه
يربي اشفيه من عندك آآآآآآآآآآآه
أخواني أكيد في المدرسة قمت أفكر
الله يا دنيا المدرسة ما عندي فيها إلا
واحد وفي ثاني ثانوي الله أذكره زين
يوم ولد كم عمرك ياحنان تفكرين انك
صغيره هيام اكبر منك متزوجة لها
عشرين سنه وزوجها معتبرها عجوز
اخذ عليها الثانية وأنتي إلى الحين
عندك أمل إن زوجك جاي لامحا له
غمضت عيوني وأخذت نفس رحت
للمطبخ أسوي لبوي وأمي الغداء
سويت الغداء وجهزت السفرة لان
أبوي يحب الغداء وآلم أول ما يجي
رحت أغسل ملابس أمي وأبوي اللي
في سلة الغسيل وبدو اولاد المدارس
يجون نادر ثاني ثانوي
بدريه ثالث ثانوي
سارة أول كلية
نسيت أقول لكم أنا خريجة جامعه
جلست في البيت برغبة الوالد لان
ما فيه احد يجلس مع أمي ويسليها طبعا
غيري أمي كبيره في السن وعشان
كذا لبيت رغبه الوالد على مضض
حطيت الغسيل في الغسالة وطلعت
صادفت
أمي قالت: حنان دريتي
حنان:عن ايش
أمي:نوره بنت خالك تملكت وزواجها
بعد أسبوعين
حنان :بدون نفس الله يوفقها ويرزقني
طبعا أمي عارفه معاناتي فما استحي
منها
أمي: آمين
حنان: بس ليش مستعجلين
أمي:ما دري وانا أمك بس أبوها يقول
خلها تتستر في بيت زوجها أنا ماني
دايم لها
تركتني أمي وأنا أ فكرمعقوله نوره
تتزوج قبلي يربي صبرني صرت
ماأبي الزواج عشان أبني أسرة لا
يربي أبي بس طفل واحدة يحسسني
بأهميتي في العالم
أحيان أحس إن الأمل محتويني
وأحيان أحس أن الأمل يسكنه يأس
للأمل أمنية
قمت العصر على صوت الآذان
ياربي سامحني ما صليت الظهر قمت
وضيت وصليت الظهر والعصر
ورحت أدور أمي ملقيتها سألت
الشغالة
ناصر: روسي وين ماما
روسي: روح بيت جيران
طلعت من البيت ركبت
سيارتي bmwبالمناسبة لونها أسود
لوني اللي يعبر عن حالتي رحت
للمستشفى عندي مناوبة الليلة هناك
XXXXXXXXXXXXXXX
منيرة بعد للي صارلي اليوم ماقدرت
أنام أشغلت نفسي بالتطريز كنت قبل
فترة قررت أطرز أغطيه لسرير
ناصر فديته جلست أدعي له يأرب
يا ناصر يعفيك ويشفيك ويخليك لي
فجأة دق التلفون رفعته الشغالة
وأعطتني إياه
منيرة:هلا وغلا
أم حسين :هلا فيك أكثر أقول أم
ناصر يا ليت تشرفيني العصر عندي
جمعة حريم
منيرة:إذا قدرت أبشري من عيوني
أم حسين:تسلم عيونك يابنت الأصول
مع السلامة
منيرة: مع السلامة
XXXXXXXXXXXXXXX
أم حسين لبنتها شذى الله يكون في
عونها
شذى:يمه من زمان حابه أسألك سوال
في خاطري
أم حسين :اسألي يمه وش عندك
شذى:ولدها ليش الناس ماتحب طاريه
ودايم تقول الله يشفيه
أم حسين:شذى يمه خلي الناس في
حالها وقولي أستغفر الله أحسن لك
XXXXXXXXXXXXXXX
منيرة العصر سيرت على أم حسين
لأن ناصر نايم وأنا طفشت لحالي
دخلت عندها ولقيت أم سعد وقالت لي
خبر هز كياني وخلاني ما أميز
ودخلت بغيبوبة سكر!!!!!!
كنت أسمع أصوات حولي ومن بينهم
كان صوت ولدي ناصر يربي أنا
بحلم وإلا علم فتحت عيوني وشفت
ناصر قدامي وصرت أبكي بقوه وأنا
ما أحس
ناصر: يمه سلامات خوفتيني عليك
غيبوبة مرتين في يوم واحدة
منيرة:الله يسلمك يمه من حابني هنا
ناصر: الإسعاف حرام الناس توهقوا
واتصلت أمهم على الإسعاف عبالهم
متي مكنتي تتحركين أبد وجابوك هنا
منيرة :ناصر قرب يمه
ناصر: قربت
منيرة حبيته بين عيونه:الله لايخلين منك
ناصر: ولامنك يمه أحسك مهتمة
فيني هال يومين شوي صح كلامي
منيرة :لأحشى أنته كل شي بحياتي أن
ما أهتميت فيك أهتم في من
,,,,,,,,,,,,,,,,,,,,,,,,,,,,,,,,,,,,
طلعت أمي من المستشفى والحمد لله
مر أسبوع وما تعبت أمي الحمد لله
×××××××××××××××××××
كنت أقرا كتاب لما دخلت علي أمي
العصر وقالت لي
منيرة:ناصر ودي أزور خالي دحيم
مشتاقة له ومن زمان عنه
ناصر :خلاص يمه اللي تبين بس
أمهليني آخذ أجازة وما يكون خاطرك
إلا طيب يا تاج راسي...........
للأمـــــــــــــــ بقية ـــــــــــــل
اليوم بروح أنا وأمي السوق با شتري
فستان لزواج بنت خالي بس حصل
اللي موعلى بالي
أمي: حنان مبروك
حنان: على أيش
أمي: تقدم لك واحد اليوم
حنان فاتحه عيونها:صدق يمة...............
26-08-10, 07:46 PM
جديد مواضيع قسم القصص المكتمله من وحي قلم الاعضاء
العرض العادي
