الجزء الحادي عشر


للامـــــ بقيه ـــــــل

بعد ما طلعت من غرفة سارة وأنا ما حصلت منها جواب
قررت أعتمد على نفسي بما أني راح أروح لناس غرب فالأحسن أني أتابع خطوط الموضة أول بأول ويكون عندي خبره في كل شئ
بس الراي ذا مو في محله الحين لازم أستعين بأحد بما أنه العرس بعد عشره أيام فما يمديني أسوي شي غير أني أدور أنسان أعتمد عليه في البدايه ويمسكني أول الطريق والحل مافيه غيرها
الوالدة أم الذوق كله
رحت أدورها
ولقيتها في غرفتها بس ماكان مزاجها ذاك الزود مادري ليش

XXXXXXXXXXXXXXXXXX
للامــــــــــ أمنيه ــــل


صراحة مالي خاطر أتكلم مع الوالدة لاني عارف وش راح يصير بالآخر راح تزعل مني علشان كذا فضلت أدخل البيت ساكت وأطلع ساكت إلى أن جيت في يوم وكانت جالسه تنتظرني في الصالة
ناصر: السلام عليكم مساء الخير يمه
منيرة : وعليكم السلام ناصر أنا زعلانه عليك
ناصر: أفا ليه عسى ماشر
منيرة :ناصر مو شر يمه وفكني من ها لطاري
ناصر : ابشري وش اللي مزعل الحلو علينا
منيرة : أبد طال عمرك بس زواجك باقي عليه أسبوع وانته
خبر خير
ناصر: يمه الله يهديك وش ودك أسوي يعني
منيرة: ابد يا لشيخ أبيك تشوف الجناح اللي إلى ماسنعت فيه
شئ وين تذاكر شهر العسل أي ديرة بتسافرون
ناصر: يمه من جدك تبين العجوز تنام بجناحي ولابعد تسوين لها شهرعسل
منيرة:لا ياعيون أمك العب معك ناصر أنته منت طفل علشان أعلمك الاصول
ناصر حرام تجرح إنسان بدون ماتعرفه فما بالك إذا كان هاللانسان زوجتك وأم عيالك أن شاء الله
ناصر: وع زوجتي أحاول أقبلها أما أم عيالي كيف تجي
يمه الحرمة عــــــــــــــجوز
تستوعبين
منيرة : ناصر خاف الله وبعدين ماتثق في أختيار أمك
ناصر: يمه أكيد أثق لو ماأثق ما تبعتك للهلاك
منيرة:نـــــــــــــــــــــــاصــــر


ناصر:ههههه يالله يمه توصين شئ
منيرة : وين يمك أجلس شوي
ناصر : باروح أنام تعبان من الدوام
يمه حللتي سكر اليوم والا لا
منيرة : أيه يمك حللت والحمدلله كل شئ تمام

XXXXXXXXXXXX

طلعت للجناح تبعي وفجأة تذكرت شئ ورجعت لامي
أخبرها فيه وأنا بصراحة
خايف من ردت فعلها
XXXXXXXXXXXXXXX
للامــــــ بقيه ــــــــــــل

ماني مصدقه الكلام اللي أنقال لي يعني أختي سارة مزوجها أبوي من ثلاث سنين
طيب وأحنا وين كيف ماحسينا
كيف ما أحد خبرنا بالموضوع أو على الاقل لمح لنا
أنا أشوف أمي وسارة موعلى بعضهن
اثاري الموضوع فيه أناّ
يعني لولا هيام خبرتني بالموضوع ولا مادريت عن شئ
بس الحين وش موقفي من سارة أبسط شئ تسويه تشيل في خاطرها
حنان: أقول هيام أنتِ من خبرك بالموضوع
هيام : أمي خبرتني وقالت أنهم من أول ماخطبوا شرطت عليهم أذا كانوا شارين
أول شئ مافيه زواج إلا بعد حنان ويكون الكلام فيه
بعد زواج حنان بشهر كان عندها أمل تنخطبين قبل تخلص سارة الكلية لانه ياحلوه أذا خلصت سارة الكليه وأنتِ ماأنخطبتي راح تمم الزواج غصب عليها
حنان : الحمد لله وش الحكمة من ذا
هيام : أمي كان في أعتقادها تحافظ على شعورك
ما درت أنها بكذا تجرح شعور سارة وتحرمها من أبسط حقوقها أختيار الزوج اللي يناسبها مثل ماكانت كل مرة تخطبين فيها ما ترتاح إلا لين تشاورك كذا العدل يحنان ولا لا
حنان: هيام الصراحه مادري كيف أطلع من ساره بعذر أتمنى أنها ماتشيل في خاطرها علّى
هيام :لاأن شاء الله ماراح تشيل عليك بس الخوف أنها تعاند أمي وأبوي وتفشلهم عند الناس الله بس يستر

XXXXXXXXXXXXXXXXXX

قمت من عند هيام وقررت آخذ غفوه لين صلاة العصروبعدين أشوف الوالده لاني كنت عارفه أنها تبي تصدع راسي بسالفة سارا وتنيب الضمير

xxxxxxxxxxxxxxxxxxxxxx

قررت أهم قرار بحياتي
قرار ممكن يدمر عايلتي ويحكم علي بالفشل طول عمري
الحقيقه قرار الطلاق جاء وأنا موقتنعه فيه تعبت أعيش الظلم من أعز أنسان على قلبي
تعبت أبين له أنه مومتهمه
وأنا أحس الغيرة تحرقني ومادري وش أسوي أذا كلمت أمي أصبري وأجلسي على عيالك الحين المستقبل لهم خلك وأمك من هالكلام اللي ماينفع أحد أبد فكري كيف تربين اللي عندك تربيه صالحه وبس خليك الجندي المجهول اللي تقوم كل المعركة عليه حتى ولو في النهاية ما يذكره ابيك ياهيام أم أم وبس
طيب يمه الأم مالها مشاعر تحب وتكره وأنا خلاص كرهته وأستحاله أرجع له زمان كنت صابرة لما أشوف الكل في ها لبيت له هم واليوم الحمدلله أحس بنظرة تفاؤل وأمل أن الله بيبدل حياتنا للأفضل
أبوي خف عنه المرض بزيارة الطبيب النفسي والشور كان لحنان
أمي أحس الايــــام هذي أيام فرح عليها علشان كذا مابي أكدر عليها وبخلي الموضوع بعد عرس البنات بما أني أتفقت معه أجلس عند أهلي لين ينتهون البنات من التجهيزات بس يارب أن كان فيه خير لي يسره ياكريم

XXXXXXXXXXXXXXXXXX

الافكار تجي وتروح في بالي
خاصة بعد ماجا لبوي أمس العصر أتصال ماراح يغير حياتي ألابيقلبها فوق تحت
كنت جالس مع الوالده والبنات وأخوي سعود في الصاله الا جاء الوالد وقال
أبوسعود :فيصل تعال في المجلس أبيك في موضوع مهم
فيصل : أن شاء الله يبه
أبوسعود : عجل وأنا بوك ألحقني
فيصل : على أمرك
سعود : لحظه فيصل ابوي وش يبي بك
فيصل : حلوه والله وانا وش دراني تعال معي وتعرف
سعود: تنكت أنت قال فيصل ما قال سعود
صراحة في البدايه كنت متخوف من الوالد بس بعدين طمنت نفسي وقلت أكيد الوالد يبيني في سالفة شغل خاصة أني مهندس وأكيد يحتاجني بعد مافتح له شركة مقاولات بعد التقاعد
دخلت المجلس على الوالد
فيصل : سم يبه
أبوسعود : سم الله عدوك آمين
جهز نفسك يوم الخميس وعلم أمك وخواتك نبي نروح لهل زوجتك ونحدد معهم كل شئ
فيصل : لايبه لاتقول العانس ماتت
أبوسعود : لاأعوذ بالله من فالك لا تزوجت
فيصل : تزوجت أكيد من دعواتي أجل في الزمن هذا متزوج ولا هوب متزوج
يبه أنا كنت عايش معناة
مايعلم فيها ألا الله من جهتك ومن جهت الوالدة اللي مو راضيه عن هالزواج
أبوسعود :ماعليك من أمك أمك لوفيها خير ماخربت حياة سعود ويتمت ولده وأمه حيه
فيصل : شف يبه علمهم أني أبي العرس قبل الاجازة تنعس وحده تموت وحده مالي دخل خل عندهم خبر أنت عارف
يبه أنا بسافر عندي مشروع بالربع الخالي راح أجلس هناك سنه كاملة يعني بالمختصر أبي معي أحد يتهم بلبسي وأكلي لاني طفشت من أكل الهنود يعني أخذها ولا أخذ غيرها
أبو سعود : خلاص يابوك مايصير خاطرك ألا طيب
فيصل : أقول يبه ألا هي وش أسمها
أبو سعود: أسمها بنت أبو نادر
فيصل : يبه أعرف أبوها بس هي وش أسمها
أبوسعود: فيه أحد في الكون مايعرف أسم زوجته أسمها
سارة بس خبر أمك لا تنسى
فيصل : الله يعين بس تدري يبه أسمها موشين
XXXXXXXXXXXXXXXXXX
صراحـــة أنا خايف من الوالدة
رجعت نازل من الدرج وأنا أقدم خطوة وأخرها بس في النهايه عزمت أمري
ناصـر : أقول يمه
منيرة : بسم الله عليك يمه وش ردك
ناصر: ههههه ردني الشديد القوي
منيرة : ناصر أنت تعبان
تونس شئ خاطرك حاس بشئ
ناصر :يمـــــــــــه أجلي زواجي


أنا تـــــــــــــــعبان