خلص حنانك ,,,؟؟؟

جالس على أعصاب أعصابه في قمة التوتر والضيقة

اللي تنهش بقلبه ...

مهو قادر يركز بشي ولا قادر يفلت يدينه عن بعضهم

من جلس وهو يفرك فيها ويستنى بس يقول اللي بباله

عشان يرتاح

كل مامرت دقيقة رفع عينه عليهم وناظرهم بصمت

بس اذا وصل نظره له هو بذات يحس بنار تطلع

من عيونه ويركز فيه كثير الين مااخوه اللي جالس

جمبه ينبهه

وفكرة وحده تدور براسه وتزيد وتعيد

,, هذا اللي جالس قدامه جاي اليوم يملك على بنت

عمه وحبيبته من ايام الطفولة

رفع راسه لولد عمه سعد اللي كان يصب له القهوة

وابتسمله ابتسامة مبين انها مو من قلبه

ورجع يركز نظره على عدوه...,,

والقهر ياكل قلبه منه ومن نفسه ومنها هي اكثر..,,

انعادت عليه احداث صارت قبل اسبوعين بشكل

سرييع وهو يحاول مايفكر فيها بس مو قادر

,,,,
ولد اخوه نصوري ابو سنتين كان بحضنه يلعبه ومعطيه

جواله يلهيه وهو يسولف مع اخته مها

مها :: ماجد يالله البنت لحالها جالسه قول وش تبي

وقف وشال نصوري معه وهو يقرب لها ويهمس لها

: طيب يابنت الحلال بس قوليلي وش قالت لما

وصلتي سلامي لها؟

مها سوت نفسها تبكي وهي تمسك راسها:: اهئ

مااجد حلفتك كم مره سألتني هالسؤال قالت الله

يسلمه والشر مايجيه وبسسس

نقل ناصر ليده الثانيه وهو يقصر صوته اكثر : اييه

عارف بس متأكده ماقالت شي ثاني؟؟

تو مها بترد عليه سمع صوت ابوه يناديه عطى

مها ناصر بسرعه وأشرلها تستناه وراح لبوه

غاب حوالي الخمس دقايق ورجع للصالة

توه بيصوت لمها سمع شي حس انه ذوب قلبه

مها تهمس لها :: العنود شفيك؟؟ عطيني الجوال

لايزعل ماجد ردينا على خويه

العنوووووود

انقطع تفكيره على دخلة عمه عبدالعزيز وقف يسلم

عليه ونظراته مع عمه مانقطعت

نظرة متساءلة

ونظرة فيها الم واصرار

,,,,،//////////.........,,,,

كانت تسوي الشاي وهي سرحاانه وماهي قادرة

تفتح فمها بكلمة

تروح وتجي وعقلها ابد مو معها

مها تمسك يدينها وتوقفها :: العنود مليت وانا اتكلم

وانتي ولا قلتي ولا كلمة

رفعت راسها وكانها تمنع دمعة تنزل بعدين ردت::

وش تبيني أقول ؟؟

مها وهي تجلسها على كرسي المطبخ : قولي اي شي

بس مو كذا لاتكتمين بنفسك انا صح اخته واخته

القريبة منه بعد بس انتي صديقتي وتوأم روحي

لاتفكرين اني واقفه بصفه لانه اخوي لا والله

بس انا كل كلامي اللي قلته لك من خوفي عليك

وعليه انتوا مو بس تحبون بعض

انتوا تعشقون بعض

قاطعتها العنود :: مهااا انــ

اشرتلها تسكت: خليني اكمل كلامي اول

ادري الشي اللي صار مو سهل وادري ان كلمة

حرقة قلب شويه عليه بس انا مابي هالموقف هو اللي

يتحكم بعقلك ومستقبلك ويضيع حب سنوات

انتي للحين بقهرك حتى مامر على الموقف شهر

فعشان كذا مابيك تتسرعين وتقولين شي وتندمين عليه

بعدين

انتي والله ماشفتي حالة ماجد هالاسبوعين من جد

ترحميينه

ابتسمت العنود بقهر :: اجل انا وش حالي؟؟

مها لاتقاطعيني تكفين

ماراح اكثر كلام بس ماجد خلاص النفس عافته

مو كلام من فراغ بس من جد انا معد ابيه

دامه شايف غيري خله يتهنى معها والايام بتنسينا

انا وياه وكل واحد فينا بيلهى

وسرحت تتذكر الموقف

,,,

كانت واقفه جمب الباب ومرره قريبه تحاول بس

تسمع صوته اشتااااقتله حيييل

بس هو يقهر كان موطي صوته

سمعت مها ترد عليه وفهمت انه يسال عنها

رجعت خطوتين ودقات قلبها متلخبطة والخجل

لخبطها زياده

انتبهت على دخول مها فقالت بسرعه من غير تفكير:

وين راح ؟؟

قهرتها ضحكت مها الطويلة المبالغ فيها وهي تقول :

خلصنا منه جيتي انتي؟ مرسال الحب صرت

خذت نصوري منها وهي تحاول تضيع السالفة

واول ماكانت بتبوسه انتبهت لجواله وتوها بتتكلم

الا رن وبحركه من نصوري بالغلط انفتح الخط

اخذت الجوال بسرعه من يد نصوري واشرت

لمها تروح توديه بسرعه لماجد وهي تلطم على خدها

:: يافشله ..

بس فجأة سمعت صوت انثوي مايع يطلع من الجوال

اللي كان صوته عالي :: الوووو

تمسكت بالجوال وابعدت يد مها اللي تحاول تاخذه

وتقول بصوت هامس:: العنود شفيك؟؟ عطيني الجوال

ماجد بيعصب ردينا على خويه

حاولت تكذب نفسها وتقول وحدة غلطانه

بس الضربة اللي كانت توجع لما سمعت ::

مجووودي الوووو شفيك رد ...

,,,

صحت من سرحانها على يد تمسح دموعها :: لا

لا عاد لاتخليني اكره اخوي زياده انه حرق قلبك

خلاص العنود لو هذا اللي تبينه انسي مجيد

وطوايفه ولك مني معد افتح لك سيرته

وقالت بمزح تلطف الجو

وتعالي خلنا نحاول نطل ابي اشوف زوجك

مزيون ولا ؟ عشان تعطيني اخوه بما انك بنت عمي

وصديقتي الحميمة ..

......,,,,,/////////,,,,,,.......

كان جالس على اعصابه وهو يحاول بماجد انه يقوم

يطلع معه للحوش عشان يفهم منه السالفه

توه راجع من السفر من المطار لهنا علطول

وهو مرتاع من سمع بخبر

خطبة العنود وهو منجن وطول الوقت يدق على ماجد

بس جواله مقفل

للحين مو مصدق خطبة العنود لا وماجد حاضر ؟؟

مو معقول شي مايدخل المخ

هذا ماجد مو ولد اخوه وبس لا صديق عمره

يعني يعرف عنه كل شي وكل شي كان بالنسبة

لماجد هي العنود

كانوا بكل جلسة لهم مع بعض لازم يعصب على

ماجد عشان يسكر سالفة حبه للعنود وغرامه

ماجد يعشق العنود بشي يفوق الوصف

والعنود بعد نفس الشي

الحب والخجل يطلع من عيونها لاجاب

بس سيرته قدامها

كان يستمتع وهو يسولف معها ويجيب سالفة ماجد

كانها سالفة عابره ويشوف الوان وجهها كيف تتقلب

تحسبه مايدري

التفت على ماجد للمره الالف وقاله بصوت واطي:

بتقوم معي ولا شلون ؟؟يكفي انك مسكر الجوال

وقاهرني يومين بس استنى بطلعها من عيونك

هز ماجد فنجاله وهو يمده لولد عمه سعد ::اولا

انا كنت مسافر وتوي راجع امس وثانيا

لااا ماراح اطلع مابي اغيب عن المجلس لو دقيقه

ضغط عبدالعزيز على جواله بقهر : يعني تبي تفهمني

انك من زود الوناسة ماتبي تضيع دقيقة ؟؟

قوووم معي انا ابي افهم السالفة انت كيف سكت

عن الموضوع ؟؟ كيف رضيت ان العنود تتزوج ؟؟

التفت ماجد لعمه اللي بنفس عمره 26 سنة لثواني

ثم رجع يناظر قدام :: ومن قالك اني اصلا رضيت ؟

شد عبدالعزيز على اسنانه :: وبعدين معك؟ تتكلم

معي بالقطارة ؟ يعني انت خطبتها من اخوي ورفض؟

ولا ايش تكلم جلطتني ؟؟؟

عدل ماجد شماغه وهو يوطي صوته اكثر :: الحين

بخطبها من عمي واكيد ان شاء الله انه بيوافق

اتسعت عيون عبدالعزيز على اخرها :: وش تقول

انت وليش ماخطبتها وتكلمت من اول؟؟

اليوم ملكتها .. ليش توك تتكلم

ليش بتحرج عمي والناس وتطولها كذا؟؟

ابتسم ماجد بخبث ممزوج بقهر:: عشان شيين اثنين

اولا عشان بنت اخوك المصونة تعرف ان الله حق

وان ماجد ماينلعب معه وانت عارف

اني انا موصلها عن طريق مها

قبل سنوات اني بخطبها وانها مابتاخذ غيري

وهي وافقت وانتهى الموضوع

والشي الثاني عشان انشر في جماعتنا انها لي

ومحد يتجرأ يخطبها مره ثانية


تعدل عبدالعزيز بجلسته وهو يحاول يفهم الكلام

اللي جاه بس للحين مو مستوعبة

التفت على ماجد وهو يهمسله : طيب والعنود ليش

وافقت ؟؟

تنهد ماجد بالم :: ردت على جنى لما كان الجوال

مع نصوري

اتوسعت عيون عبدالعزيز على الاخر:: اي جنى؟؟

هــ هأ هذيك جنى هذييك؟؟

بلع ريقه :: ايه جنى ماغيرها اللي راكان خويك

عطاها رقمنا واستهبلنا عليها

عبدالعزيز :: انت تستهبل؟؟ مو هذيك لما كنا

بالاستراحه كانت اخر مكالمة وانتهينا

ماجد :: ايه والله العظيم كنت ناوي انها اخر

مكالمة والله ياعبدالعزيز بس بعدها باسبوع رجعت

دقت ورديت عليها وانا مستغرب بس قالتلي

انها تبي تسلم لانها بتسافر قلتلها اوكي ومع السلامة

والمره الثانيه اللي دقت فيها مدري وش كانت تبي

لان العنود هي اللي ردت عليها

ضرب عبدالعزيز جبهته بصدمة بس تعدل بسرعه

وهو يشوف نظرة ابوه فيها انذار

وسكتوا والمجلس كله سكت وهم يسمعون

ابو الخاطب يوجه الكلام لابو سلطان اللي هو ابو

العنود

ويتكلم لأول مره بالسالفه اليوم وهو يقول

المملك على وصول

فجأة وقف ماجد وأنظار كل اللي بالمجلس عليه ::

بس انا مو موافق ولا لك لوا ياعمي ابو أبراهيم

بنت عمي وانا اولى بها واعذروني اني توي اتكلم

اليوم بس والله توي واصل من السفر امس

وتوني ادري اليوم

والتفت على عمه ابو سلطان :: عمي انا اليوم جايك

خاطب لبنتك واعذرني ياعمي لاني تاخرت بس

ماكان عندي علم والله

والتفت على ابو ابراهيم :: ومره ثانية اعتذر لك

ياعمي

المجلس كان قمة في الهدوء والاستغراب

تغير الحال من ملكة لشخص

الى خطبة من شخص ثاني في ظرف دقايق

وفي صدر المجلس كان وجه الجد ابوصالح يتهلل

وهو يقول في نفسه :: بارك الله فيك ياولدي

هذي هقوتي فيك من صغرك اتمناك للغالية يالغالي

........,,,,////////...,,,,,......