جرح المدينه وجرح القلوب الحزينه / للكاتبة : همس ..

---جرح المدينه وجرح القلوب الحزينه---



---الـــــــــــ ج ــــــــــزءالاول---


ندى:هديل بسرعه يالله تلقين السواق جاي الحين
هديل :ايش هالحرص دايم يجي وترصينه ساعه عند الباب والا اليوم علشان زيارتكم لبيت الغالي غيرررر
ندى:احمرت خدودها وقالت ايه اليوم عندي غير ومميز بعد وتقدرين تسمينه تاريخي هههههههه
هديل:ياحظك ياسامي الي كل هالحب لك
ندى:خلينا نستانس بشبابنا ونحلم بالحب موزيك يالعجوز الي كبرت نفسها بزواجها
هديل:الله يخلي لي حبيبي وزوجي وابو عيالي سلماني
ندى:الي يسمعها الحين يقول عندها درزن من العيال
هديل:اختفت ابتسامتها وقالت الله يجيبهم يارب
ندى:ندمت على كلمتها الي جرحت فيها اعز صديقاتها والتفت على هديل وحطت يدها على كتفها وقالت{اسفه هدوله وربي ماقصدت اجرحك}
هديل :تنهدت وقالت تدرين ندى مانغص علي سعادتي مع سليمان الا هالحمل بعد مانحلت مشاكلي معاه وكسبت قلبه انحرمت من العيال والله يستر ايش يبي يصير لي بعدين تعرفين مافيه رجال يعيش بدون عيال
ندى:هدوله لاتفكرين كذا كثير وتنكدين على عمرك ربك كريم
طلعت ندى وركبت بسيارتهم مع السواق
هديل:كانت تنتظر زوجها وسرحت بعيد هديل بنت جميله لانها اخذه من جمال امها سوريه بيضاء وشعرها اشقر فاتح وعيونها عسلي فاتح وبيضاء ومشربه بحمره وطويله ونحيفه ابوها تزوج امها لام كان بدوره في سوريا اعجب فيها وتزوجها بس امها توفيت بحادث وهديل عمرها سنتين [هذا الي تعرفه هديل من كلام جدتها]اضطر ابوها يجيبها للسعوديه ويحطها عند امه الي حنت عليها بقوه وزجته كرهتها بقوه وقومت الدنيا ولاجلستها علشان زوجها خانها على حد تعبيرها وتزوج غيرها وهو الي كان مدللها المهم هديل المسكينه اليتميه عاشت عند جدتها واكتسبت طيبت جدتها وحكمتها بس جدتها لام بلغت هديل 16 سنه توفيت هنا ضاقت الدنيا بابوها واحتار ببنته وين يسكنها وزجته حالفه عليه انها ماتسكن معهم ياهي ياهديل وراحت تشتكي لاهلها ابوها فكر يحل مشكلة بنته ويزوجها لولده سليمان الي يصير اخو مرت ابو هديل من ابوها هنا سليمان جن جنونه لانه كان يحب بنت جيرانهم ومتفق معاها على الزواج بس ابوه ماكان يبغاهم ورفض زواجه منهم واصر يزوجه المسكينه هديل اول زواجه من هديل تعذبت معاه كثير لانه كان قاسي معاه ودايم يقولها انتي سبب فراقي من ساره بس بعد فتره تزوجة ساره ورحلو اهلها من الحي وانقطعت اخبارهم وبدا سليمان يشوف لطيبة هديل معاه ومع اهله الي كسبت حب زوجه واهله بجداره
هديل: فاقت من سرحانها ببوري سيارة زوجها ومشت بسرعه له
سليمان: يناظرها من تحت نظارته ويبتسم لها
هديل: فتحت باب السياره وركبت وقالت السلام عليكم حبيبي
سليمان: وعليكم السلام يانور العين
هديل : اخبار الشغل وياك حبي
سليمان : يلتفت عليها ويبتسم ويقول الحمد لله تمام التمام انتي اخبار الجامعه معاك
هديل:الحمد لله امورها ماشيه بس حبيت ا قولك ان وحده ذكرت لي طبيبه زينه مره احسن من الي رحنا لها ذاك المره وو
سليمان:هدوله لاتكملين كم من مره نروح للمستشفى يقولون لنا انتم سليمين صح والا لا
ندى : ايوه صح بس
سليمان: لابس ولاغيره وانتي الحين لسه صغيره وكملي جامعتك ويحلها حلال
ندى: بس العمر يمضي سليمان وابغى تكمل سعادتك بولد يرفع راسك سليمان مابغى شي ينقصك صدقني
سليمان: سعادتي اذا كانت هدوله جنبي وبس
ندى: اخاف يجي يوم ويتغير رايك وتخليني وتتزوج غيري
سليمان:افاااااا اتزوج غير هدولتي وتدخل حياتي وحده ثانيه لا والف لا مستحييييل تعرفين كيف مستحيل انتي كل شي با لنسبه لي
ندى:تناظره وتقوله وعد سلماني حبيي
سليمان: وعد هدولتي حبيتي هههههههههههه
ندى :ههههههههههه الله لايحرمني منك
سليمان: ولا منك حبي
في بيت خال نددى ابو نايف
ابونايف:حيا الله من جانا تو ماسفرت ونورت
ابو مازن:الله يحييك ويخليك يالغالي
نايف:قوم سامي جب القهوه
سامي: ابشر وكان مبسوط علشان يدخل ويشوف حبية القلب سامس عمره 22 طويل ونحيف مره ومطول شعرهواسمراني بس الدخان هاده مره
ام نايف: شوق حبيتي روحي جيبي القهوه للرجال الحين يدخل اخوك وياخذها
سامي: احم احم
نوره وندى تغطو بس ندى قلبها يد ق طبول فرحانه انها راح تشوف حبيب القلب ومشغل البال ماحد يلومها تحبه ويحبها من يوم هم صغار
سامي: هلا وغلا بعمتي تو مانور البيت فيكم
ام مازن: منور فيك مع اني زعلانه عليك
سامي: افا والله الا زعل عمتي الغاليه
ام مازن: لو اني غاليه ماجلست من عيد الفطر ماشفتك والحين مابقى شي على عيد الاضحى يالي ماتستحي
سامي:اعذريني عمتي ورب البييت انشغلت بالامحتانات تعرفين الجامعه وتعبها وانا رجال ابي معدل زين علشان اشتغل بسرعه

تابع بسيارة ابو مازن
ندى: ياربيه من زمان عن المطر الجو خيال ولا اروع
ام مازن: صادقه والله يابنيتي الجو يجنن
ابو مازن: شاف شي من بعيد وتوتر مره حاول يرجع بالسياره بس ماقدر وقال لاحول ولاقوة الا بالله الله يستر يارب
ام مازن : ايش فيك ابومازن ماكلت كلمتها الا وموج الماء الي يغرق سيارتهم
وبدا الصراخ وندى ومازن يضمون بعض ويبكون
ابو مازن : يحاول يخرج السياره بس بدون فايده الماء كل شوي ويزيد
ام مازن : لاحول ولاقوة الا بالله يارب استر واحظنا
ابو مازن: حاولو تفتحون البيبان وتسبحون
فعلا فتحو بيبان السياره وطلعو وتمسكو جميع وقالهم ابوهم تمسكو ببعض نغر ق جميع او نعيش جميع ندى كانت تبكي مره وتتخيل شكل نوره اذا ماتو كل اهلها وصارت وحيده بالدنيا فجاه انفكت يدها من امها الي كانت ماسكتها هي ومازن واخذت تصارخ يبه يمه مازن لاتخلوني وتسمعهم ينادونها وحاولت تسبح لانها تعرف تسبح بس جت موج قويه وفرقت بينهم وضربتها خشبه على راسها وصرخت صرخه قويه وغابت عن الوعي
ندى: تحس باحد يمسح على راسها واحد جنبها يبكي بصوت خافت بس تحاول تفتح بس بسرعه تغمض اخيرا فتحت وشافت الي حولها اجهزه وراسها ثقيل مره كانه ملفوف بشي وناظرت حست فيه شخصين جنبها ورفعت عيونها وشافت الي يمسح على راسها اتاريها صديقت عمرها هديل والي جنبها الثانيه الي تبكي حبيتها وشقيقتها نورها
هديل: ابتسمت لها وقربت لها وباستها حمد لله على سلامتك ندو وتمسح دمعه تمردت من عيونها
ندى:: وين انا ماما بابا ومازن وينهم
نوره هنا بكت بقوه بس تحاول تكتم شهقاتها
هديل: الحين اهم شي انك طمنتينا عنك حبيتي
ندى:جاوبيني على قدر سؤالي هديل اهلي وينهم فرقنا الموج عن بعض هم وينهم جاوبووووني
نوره: حطت يدينها على وجهها وصارت بس تبكي
ندى: شكت باجابتهم الي كفيله انها تخيلها حزينه مدى حيالتها بس لعل وعسى انها تكون غلطانه حاولت تتهرب من واقعها الاليم وقالت ريحوني الله يرحكم اهلي وينهم جاووووووووووبوني
هديل : سكتت وماقدرت تجاوب
ندى:هدوله نوره لاتقولون ا ناهلي تركوني بالدنيا لحالي ارجوكم ونزلت دموعها
نوره: ضمتت اختها وقالت لا حبيتي انا معاك انتي مولوحدك
ندى: صرخت بقوه يعني هم ماتووو وخلووووووووووني لااااااااااااااااا مستحيل ليه خلوني بابا قالنا نموت سوا اونعيش سوا هنا فكرت فيكي نوره قلت ونوره تكون لحالها بس انتي لو مت انا معاهم انتي مولوحدك انتي عندك زوجك نايف وعيالك بس انا من لي من لي جااااااااوبوني
هديل: كان دايم حكيمه وملتزمه ومؤمنه بقضاء ربها وقدرده قالت ندى ربك لك ندى ربك مايخلي احد ماخلاني بعد امي وبعد جدتي وبعد ابوي ماتحلى عني وهنا نزلت دموعها
ندى: جلست تصارخ وقالت ياليتني مت معهم ليتني ماعشت وتصارخ بقوه ليه انقذتوني اكرررهكم كلكم ابغى امووووووووت
هديبل: استغفري ربك ندى وهم مايبون منك الا الدعاء واحتسبيهم عند ربك
دخلت الممرضه وطلعتهم وعطتها ابره مهدئه
انتهت ايام العزاء وهديل ببيت خالهم ابو نايف وهديل كانت مع ندى ماتفارقها الا عند النوم بس وشوق تنام عند ندى واختها نوره
اخر ايام العزاء وبعد ماطلعو المعزين دخل ابو نايف وام نايف في غرفة ندى
ابو نايف: ندى وانا خالك انا الود ودي تعيشين طول عمري ببيتي وعين فراش وعين غطاء بسسسس



---اختكم وحبتكم دوما[[[ هــــــــــمـــــــــــس]]]---

---الــــــــجـــــــــزءالـــــــثـــــــــانــــــي---


ابو نايف:انا ياندى لو الود ودي انك تعيشين معي طول عمري بس
ندى: الي كانت ذبلانه من الحزن على فراق اهلها رفعت راسها ومغصها بطنها من اسلوب خالها ووجهه الي مايبشر بالخير بس ماكان فيها حيل تساله التفتت على اختها الي كانت حاظنتها
نوره: بس ايش ياخال
ابو نايف: والله يابنيتي مادري ايش اقولكم تعرفون غلاكم من غلا الغاليه الله يرحمها بس مابيدي حل ولاعقد
نوره: عصبت شوي وقالت خال ان كان قعدت ندى مضايقتكم فانا ابسكنها عندي
ندى: هنا تالمت مره وقالت الله يرحمكم ياهلي الحين صرت عاله على غيري ونزلت دموعها
ابو نايف: نوره الله يهديك افهميني صح لاتفهميني غلط انا مستحيل امل من ندى هي بنت اختي وبمقام شوق بس عمها ابراهيم طلبها اليوم وقال ابجي اخذها تعيش عندي
نوره: ماطلبها الا عمي ابراهيم من متى وهو يعرفنا او يسال عنا حتى والا لام سمع بتعويض الملك لاهل الضحايا ركض للفلوس
ابو نايف: والله مادري ايش ارد عليكي يابنيتي بس تعرفين ان رديته راح يطالب فيها بالمحكمه وهو من عصبتها واولى فيها
ندى: حرام عليكم مابي اروح والله ماعرفهم من يومي صغيره مابيهم هم مايحبونا ولاحنا نحبهم بعد
ام نايف:والله يابنيتي واحنا مانبي نفرط فيك بس خالك يبي يحاول فيه والله يسهل
في الصاله تحت
سامي: توه داخل من سهرته مع الشباب بالاستراحه طبعا كان حزين على فراق عمته بس مبسوط ان حبيبته ساكنه عندهم ماعرف ايش الي صار لقى امه وابوه توهم نازلين من فوق وهم متضايقين
شوق: سامي شفت ندى يبي يجي عمها وياخذها تسكن عنده
سامي: ايش ايش عشنا وشفنا قولو لهم تبطون تاخذونها
نايف: هذا عمها وهو اولى فيها
سامي: اسكت انت بس لو فيك حميه وغلا لعمتك الله يرحمها الي امنتك بنتها ماتخليت عن اختها
نايف: احترمني ياولد وقام له وقال لاتنسى اني اخوك الكبير
ابو نايف: اهدو وخلونا بالمصيبه الي حنا فيها
سامي: أي مصيبه أي ندى ماراح تطلع من هنا لو على جثتي لو وترووح لعمها الي يكرهونهم مستحيل ارضى بكذا
البنات كانن يسمعن حوارهم وندى تبكي بس نفس الوقت يزيد حبها لسامي الي يحامي عنها
ابو نايف: بكره يجي واحاول اقنعه باي شي ان شاءالله وان كان راكض علشان الفولس اسال ندى واسكته فيهن بس اهم شي يخلي ندى عندنا
سامي:يحب ابوه مع راسه ويقول الله يخليك لنا يبه
في بيت ابراهيم ابـــــــــــو ســـــــــعـــــــــود
ام سعود:اجل مصمم تجيبها تسكن عندنا
ابو سعود:ان شاءالله بنت اخوي ومستحيل افرط فيها
ام سعود: بنت اخوك الي خذل ولدك وحطمه بحايته وزاعلك وهجرك بعدها وانت مالك ذنب
ابو سعود:الله يرحمه مهما كان هذا اخوي والظفر مايطلع من اللحم وبنته ماراح اتخلى عنها حتى تتزوج الي يسعدها ويستر عليها
نسرين: بس تعرفون اذا جت اخوي سعود راح يتضايق مره
ابو سعود:الظاهر البيت بيتي واخوك هو الي اغلط بعد
ام سعود: يكفي ماجا ولدي من عذاب تبي تزيد همه وتجيب بنت اكره الناس عنده في البيت وانا ماصدقت تنتهي دارسته ويرجع وليدي لي
ابو سعود: الظاهر انتهى النقاش ولا احد يزعجني لاني ابنام بكره وراي سفر لجده
ام سعود: تناظر زوجها حتى اختفى عن عيونها وتاكدت انه دخل غرفته وقالت الله يعنينا عليها
نسرين: بدلع انا من الحين كارهتها لانها عدوة سعودي
ياسمين: توام نسرين بس اطيب منه واعقل منها حرام عليكي هي مالها ذنب فقدت اهلها لازم نعوضها
نسرين:ليه حنا ملجاء للمتشردين
ياسمين: اعوذبالله من كلامك انتي ايش قلبك حجر او قلب بشر ابغى افهم انا وقامت وراحت غرفتها
ناديه: من جد نسرين انتي ليه كذا
نسرين : بسم الله علي انا ايش قلتا
ماجد: اهم شي تكون حلوه اشبع عيوني فيها
ناديه: عيب عليك بنت عمك هذي المفروض تحرص عليها زي خواتك
نسرين: يوه فكينا من نصايحك وروحي لزوجك
ام سعود: بنت استحي هذي اختك الكبيره
نسرين ياربيه انا ابروح انام احسن لي ورقت فوق وهي متضايقه من اهلها ومسكت جوالها
سعود: الو هلا ومرجبا نسرين بصوته الضخم ورجولته ورازنته
نسرين : هاي سعودي
سعود: لاحول الله كم من مره اقولك لاتقولين هاي وانا تراني سعوووووووود
نسرين : تخاف من سعود وماتقدر ترد عليه قالت بس حبيت ا علمك بخبر جديد يبي يصير ببيبتنا
سعود: خير يام الاخبار ايش يبي يصير
نسرين: يبون يجيبون بنت عمي ندى تسكن عندنا
سعود: ايش ايش من قاله
نسرين: بابا قاله وهو مصمم على كذا وانا وماما قلنا له سعود راح يتضايق قال هو بيته والا بيتي
سعود: عقد حواجبه وقال يصير خير ان شاءالله وعلى طول سكر الجوال بدون مايقولها مع السلامه
نسرين: عمى ان شاءالله ماعبرني وقالي مع السلامه هذا جزاتي اقوله الخبر متى تجي سلطان وتتزوجني بس وتفكني منهم [سلطان هذا تحبه نسرين عن طرق الجوال]
سعود جلس عند صديقه الغالي زياد الي يصير اخو هديل من ابوها بس يحب هديل عكس امه الي تكره هديل كره الاعمى
مشعل: ايش فيك سعود عسى ماشر
سعود:الشر مايجيك يالغالي بس ابوي يبي يجيب بنت عمي ندى تسكن عندنا
مشعل: ايش فيها ابوك ماغلط انتم عصبتها والي عرفته من اختي هديل انها مره حزينه ومحتاجه احد حولها وانت سعود تساعد الغريب كيف القريب
سعود: ناظر بوجه صديقه شوي ورجع يناظر قدامه قال قلتها يامشعل اساعد الغريب بس هذولا اعدهم عدو مو قريب
مشعل: افااااا سعود ماهقيتها منك والله هذا عمك وبنت عمك
سعود: قام معصب قال أي عم الي جرحني وقدم الغريب علي تسميه عم
مشعل: حط ايده على كتف سعود وقاله ممكن افهم سبب كرهك لهم

تابع سعود: هذي سالفه قديمه قبل عشرررررررررر سنين اسمعها مني وماتوقعت احكيها لحد بس يمكن من ضيقي وكبتي
مشعل: جلس وقال يالله اسمعك تكلم
سعود قبل عشر سنين كان نايم وقام من نومه عطشان نزل للمطبخ بس تفاجا فتح عيونه بقوه قال يمكن الي اشوفه حلم بس دقق وركز وعرف انه بعلم موبحلم والغزال الي يشوفه قدامه غزال بشري حقيقي
ناديه:سعود ايش فيك انجنيت انت يالله اطلع
سعود: انتبه لعمره وقال اسف بس بغيت اشرب مويه
الغزال كانت واقفه ورا ناديه خايفه من نظرات سعود الحاره لها
ناديه اطلع سعود وانا اجيب لك ماء
سعود طلع وجلس بغرفته سرحان بالي شافه مستحيل هذي بنت هذي غزال بصورة انسان
ناديه: هاك الماء ومره ثانيه لاتطير عيونك كذا غض بصرك
سعود: انتي بس امري بس ماقلتي لي من هذي
ناديه: هذي نوره بنت عمي يوسف
سعود: فعلا نور واشد من النور بعد
نوره كانت كاشخه وكانت حلوه والي يشوفها تشده بس فيها شبه كبير من ندى بس ندى ابيض واحلى منها
طبعا نوره مافارقت خيال سعود عشقها مره وحاول يتقرب لها هي واهلها ونوره حست بحبه لها وفرحانه زي أي بنت يحبها ولد وكان نايف بعد يحبهابس نايف كان احلى ذاك الوقت لان سعود كان اسمراني حيل ونحيف مره ونحفه اثر على شكله نايف اكبر من سعود وكان متوظف نوره ما كانت تعرف ان نايف راعي مغازل ب وكان يشدها بسعود انه مخلص بحبه لها وكان طيب ومتواضع اكثر من نايف الي تحسه مغرور شوي كانت محتاره بينهم بس قالت الي يحبني اكثر هو الي يسرع بخطبتي
سعود: من زود حبه لها ماتحمل وجلس يلح على ابوه يخطبها له ابوه قال اصبر حتى تتخرج قال اخاف تطير مني يبه ابخطبها واذا تخرجت تزوجتهاطبعا ارسل اخته ناديه لنوره علشان يتاكد سالتها ناديه لو يخطبك سعود توافقين قالت ماعندي مانع
تقدمو لهم وقال ابوها ابغاها تفكر انتظر سعود واهله يوم يوميبن اسبوع اسبوعين وبعدين كمل شهر
سعود: يبه ماتحس انهم تاخرو
ابو سعود: ياوليدي عسى المانع خير
سعود راح لعمه ماقدر يصبر وساله ايش صار على موضوعنا
ابو مازن: البنت خطبها ولد خالها نايف
سعود: طير عيونه بعمه قال بس انا طلبتها قبله
ابو مازن: بس مالك نصيب وانا عمك البنت اختارت ولد خالها هي وامها لانه مكون نفسه وانت لسه ماتخرجت وانا ماقدر اجبرها على شي
سعود: عصب على عمه ورفع صوته وقاله وانت تمشي براي حريم ماتوقعت الحريم يسرينك كذا
ابو مازن: صدق انك ماتستحي الحمد لله مازوجتك بنتي يالي ماتسحتي اطلع من بيتي لا بارك الله فيك
طلع سعود من بيت عمه وهو معصب وشاف قدامه اكره الناس نايف الي من يومهم صغار مايحبون بعض ابتسم نايف وقال تراني اغار على خطيبتي رجاء لاشوفك جاي هنا مره ثانيه
سعزد هنا ثار ازود من ثورتهم وهجم على نايف واشبعه ضرب ومافكه حتى اجتمعو الناس وطلبو الدوريه
طبعا سعود سجن ونايف دخل للمستشفى كم يوم وطلع ولاتنازل نايف وعم سعود عن حقهم مع ان ابو سعود ترجاهم وقالهم امسحوها بوجهي بس رد ابو مازن وقال لاخوه خل ولدك يعفن بالسجن ويتربى ورجاءا اذا ماتبريت من ولدك لا انت اخوي ولا اعرفك
طبعا تجرع سعود الويلات بالسجن وتم زواج نوره ونايف وسعود يتعذب بالسجن ودموعه ماتجف طلع من السجن وابوه رفض يشوفه حتى توسطت امه وبعدها ظل سعود بحزنه وطلب من ابوه يسافر كندا يكمل دراساته هناك اخذ البكالوريوس وبعدها الماجستير والحين اخرسنه له بالدكتوراه كل هذا يبي يثبت للجميع ذاته الي اهانوها له
مشعل: مادري ايش اقولك سعود الله يرحم عمك وزجته والي فات فات بس غريبه لي سنين معاك وماتوقعت تحمل كل هلجروح بقلبك
سعود: بس الي فات عيا يفوت عن قلبي وربي اكرههم من قلب والي يده بالنار مو مثل الي ايده بالماء قام ووقف عن الشباك وهو يناظر تساقط الثلج كمل كلامه ماتتخيل كيف اتجرع العذاب ست شهور وفاتت علي دراستي وكان يجيني الحقير نايف بالسجن ويقولي اليوم ملكتي على ملاك روحي نوره وانت تبي تعفن بالسجن ويضحك ضحكه استهزاء ومره جاني قالي اليوم ابنزف عليها والله يعز الحكومه الي ضفت الكلاب الداشره عن طرقي وانا كنت ارص على اسناني تمنيت اطلع واكمل عليه وقتله لو اروح مؤبد بعد ماطلعت راحت وبست راس امي وانا ناوي عليه بس امي ضمتني وقالت لي ياوليدي ان كنت ناوي تحط راسنا بالتراب كمل انتقامك يكفي اننا نقلنا من جده الى الرياض علشان كلام الناس رحت لابوي وطحت على راسه وبكيت رفع راسه بيدينه وقال ياوليدي البكاء للحريم انت رجال واثبت نفسك وانتقم من ظلم الي حولك بتكميلك درستك وانا حجزت لك جامعه ببريطانيا تكمل وتعوض الي فاتك بعدها مانزلت دمعه من عيوني ولامره وكبرت وكبر حقدي على عمي وعياله والحقير نايف ومات الحب بقلبي صح هو حب مراهقه بس عمي ماقصر ذبحه وهو في اول مهده وحول هالحب الى حقد

طبعا عرفت من امي ان ابوي حاول يرجع العلاقه مع عمي بس عمي رفض يقول انا مايشرفني يصيراخوي ولده خريج سجون وعمي عارف ان نايف هو الي اهاني وهو الي جاب العصا علشان يضربني بس انادفيته احمي نفسي وهو طاح على حصاة ودخلوه المستشفى
وامي حاولت تسوي الوضع واتصت على زوجة عمي علشان يحضرون زواج بنتهم بس زوجة عمي قالت الصراحه اخاف على بنتي وازوجها منكم وسكرت السماعه طبعا جتني اختي ناديه تهديني وتقول لاتذبح نفسك على وحده ماتساتهل لاني كنت انا اظن ان نوره مغصوبه على نايف قالت لي ناديه ترانوره جتني وقالت لي خل اخوك يبعد عن طرقي لمتها وقلت لها ليه موسالتك وقلتي تبين توافقين قالت صح مانكر بس كنت اميل لنايف اكثر ولام تقدم لي ايش ابغى باخوك بعد كلام ناديه مات اخر حب مراهقه بقلبي واخر حب لاي بنت على وجه الارض
بعدها اهلي قاطعوهم لان بيت عمي ذابحها الغرور لان حال عمي كان احسن من حالنا بس سبحان الله صارانتقالنا للرياض احسن ابوي فتح له مكتب عقاري وصار يبع ويشتري بالاراضي حتى الحمد لله فتح له شركه كبيره واغتنى وعمي سمعنا انه انكسر وخسر كثير من امواله وهذا عاقابة الظالم
مشعل: قلبه طيب مثل اخته هديل حط يده على كتف سعود وقال الله يعينك بس صفي قلبك وانا اخوك ترا الدنيا ماتستاهل وهم ماتو الله يرحمهم
سعود:التفت على مشعل وناظره وماتكلم مشى ودخل غرفته وسكر الباب دخل غرفته وخل مشعل بالصاله
مشعل: اول مره اشوف سعود بالحزن هذا وانا اقول ليه الرجال كذا من حيني شاك انه واجهته شي من حيني اشوف الحزن بعيونه وماعمري شفته مبسوط او سعيد بشي او يضحك من قلب سبحان الله الدنيا ماتصفى لحد اكيد فيصل ولد عمتي يعرف قصته لانه صديقه الروح بالروح وهو الي عرفني عليه
[سعود وفيصل ومشعل بعمر بعض كلهم اعمراهم 32]
في بيت ابــــــــــو نـــــــــــــأيــــــــــــــف
ابو نيف: والله يابو سعود البنت مبسوطه عندي وبالحفظ والصون
ابو سعود :مع انه مايحب نايف وابوه بسبب المشاكل بس ابو سعود محترم مره قال عارف ماجي منك قصور بس هذي بنت اخوي ولا يهدا بالي وهي بعيده عني
سامي: بس ندى ماتعودت عليكم وهي تبي تجلس عندنا
ابو سعود: تضايق من رد سامي وتدخله بكلام الكبار وناظره نظره فهم منها ابونايف ان ابوسعود تضايق
ابو نايف: اجل انت مصمم تاخذها يابو سعود
ابو سعود: بنص ابتسامه لوماصممت ماعنيت لكم من الرياض الى جده وخليت اشغالي يالله نادوهاابي اكلمها قبل مانمشي
ابو نايف: سم طال عمرك
دخل ورقى لندى ولقى نوره وشوق عندها
ابو نايف: ندى وانا خالك عمك تحت يبي يكلمك
ندى: ان شاءالله اقتنع بكلامك ياخال
ابو نايف: للاسف يابنتي رفض
ندى: كان عطيته كل فلوسي الي جتني من الحكومه بس يخليني
ابو نايف: عمك ماتعر فينه له هيبه وماقدرت اقوله كذا اخاف انه موباله الفلوس ويعتبرها اهانه منه بس انتي روحي كلميه يمكن يقتنع منك
ندى : تنظر اختها نوره تطلبها تنقذها
نوره: قربت منها وقالت لها خابرتك قويه وانا اختك لاتضعفين ابد وروحي شوفي ايش يبيغى منك وانا ابجلس جنب باب المجلس وماراح اخليك ياقليبي
ندى : نزلت وهي لابسه بلوزه سماوي وتنوره جنز ورافعه شعرها ذيل حصان وواضح الحزن بوجهها ودخلت على عمها وهي بقمة توترها
ابو سعود: لام شافها قام لها وهو بهيته وقرب لها وباسها على راسها وحظنها وقال هلا والله بريحة الغالي وطاحت من عينه دمعه متمرده غصب عليه
ندى:اول شي كانت خايفه بس ارتاحت بحظن عمها لانه يشبه ابوها وحست انها بحظن ابوه ومسكته وجلست تبكي وتقول راح ابوي عني وخلاني ياعم لحالي بالدنيا
ابو سعود: مولحالك وانا عمك ورب البيت وهالراس يشم هاالهواءماخليك لحالك حتى يدفنوني بقبري كفايه اخوي راح وانا ماشفته وانحرمت منه عشر سنسن انتي مارح يفرقني عن ريحة الغالي الا الموت
ندى: الي كانت تبي تطلبه يخليها عند خالها ارتاحت لحنانه اكثر من خالها واستحت تقوله شي لانه فعلا حست بالامان معاه
نوره الي كانت واقفعه تسمع كلامهم لانها كانت خايفه على ندى من عمها بس لام سمعت كلام عمها دخلت بسرعه وركضت لحظنه هو ضمها مع ندى وقالت نوره سامحني ياعم والله اني
ابو سعود: حط يده على فم نوره وقال الي راح راح وانا عمك وحنا عيال اليوم وخلينا ننسى الماضي
نوره/ الله لايحرمنا منك ياعم
ابو سعود: ولا يحرمني منكم والله اني ولهان عليكم حيل وابعد ندى عن حظنه وقال والله وكبرتي بعدي ندى خابرك صغيره بس جد صرتي ماشاءالله عليك ملكة جمال حاول انه يبعد حالة الحزن الي تمر فيها ندى والتوتر الي فيها
وانتي يانوره غيركي الزواج والعيال
نوره: الله يعين عليهم
ابو سعود: جيبهم وانا عمك اشوفهم واسلم عليهم قبل مامشي وانتي ياندى جيبي شنطتك الطياره مابقى لها شي
ندى: قالت سم طال عمرك وطلعت
ابو سعود سم الله عدوك التفت على نوره قبل ماتطلع ومسك ايدها وقالها نوره وانا عمك وجهك ماعجبني بس ماقدر احكم عليكي لانك بحزن بس انا قارنت بين وجهك ووجه اختك اسمعي وانا عمك لاحد يضرك ويضايقك وراسي يشم الهواء ابوكي راح بس عمك موجود وهو عصبتك وماراح يتخلى عنك
نوره: باست عمها مع راسه قالت ماتقصر ياعم والله لايخلينا منك يارب بس يمكن وجهي كذا مع الحزن وطلعت من عمهابس زادت حسرتها على ظلمها لعمها وولد عمها خالها وهو يشوفها كل يوم ويعرف تقصير نايف عليها ماهمه ولاسال عنها ولاعمره وقف ولده عند حده ابوها الله يرحمه مالاحظ شحوبها وعمها بحنانه وحكمته على طول عرف انها حزينه وماهي مبسوطه مع نايف
ندى لبست عباتها وودعت بنت خالتها وزوجة خالتها وودعت اختها
نوره: اول كنت خايفه عليك بس لام سمعت كلام عمي طاح نصف همي
ندى: وانا زيك مع ان خالي حنون علي وماقصر بس وانا بحضن عمي حسيت بالامان اكثر كاني بحضن ابوي
نوره: شفتي ان ربك مايخلي احد
ندى : ونعم بالله ابمشي تاخرت عليه تغطت ونزللت بس شافت قدامها حبها الاول ولاخير سامي وهو واضح عليه الحزن لفراق ندى
سامي: قرب لها وقال ندى لو طلعتي من هنا ماراح تطلعين من هنا واشر على قلبه لو يطولك كذاواشر على اصبعه كلميني وانا والله ماراح يردني شي
ندى: بصوت خافت ماتقصر سامي
سامي: ياحلات اسمي على لسانك
ندى : استحت من جراته ونزلت بسرعه
سامي: ضحك على خجلها وقال احبها ياناس احبها اموووووووووت فيها
ركبت ندى وعمهابالطياره وجلس يعدد لها عياله ويسولف عليها علشان يبسطها وهي معاه شوي وشوي تفكر بحياتها مع عمها صح عمها حنون مره زي ابوها اوااكثر بس
تفكر هل ياترى عيال ومرت عمها يبون يحبونها زي عمها الله العالم هذا الي نبي
نعرفه بالجزء الـــــــــــثـــــــــــالـــــــــث واعمارهم راح تعرفونها اثناء الروايه
ان شاءالله محبتكم [[[هـــــــــــمـــــــــــس]]]

---الــــــــجزء الــــــــــــــثـــــــــالـــــث---


هديل:جالسه على فراشها وتبكي
سليمان:جلس عندها ومسك كتفها ايش فيك هديل
هديل: ترفع عيونها لسليمان الي كلها دموع وتقول ندى سافرت للرياض عند عمها
سليمان: اوف والبكى هذا كله علشان كذا الله يهديكي
هديل: تتكلم وهي تشاهق سليمان انت تعرف تعلقي بندى كيف انا مالي خوات شقيقات ياسليمان ندى هي اختي وكاتمت اسراري كيف اروح للجامعه بدونها
سليمان: صدق انكم زي الاطفال اسمحي لي هديل تخلين من الحبه قبه الحمد لله بينكم جوال وهي تراها حيه ماماتت
هديل: بس انا ياسلمان ماستغني عنها واحب اشوفها يوميا واسمع لها وتسمعني انا ماعندي ام وخوات زي غيري اخوي مشعل الي فعلا يحبني بعيد عني يدرس بالخارج وحاولت اصبر نفسي مع اني فقدته وفقدت حنانه لانه الوحيد من اهلي الي يحبني وعمتي الي معوضتني حنان الام الي تعتبرني بنتها بعيده عني بالرياض والحين بعد ندى ياربيه والله احس بالغربه والوحشه لفقدهم
سليمان: قام من السرير معصب وانا هديل وين رحت
هديل: قامت من السرير ووقفت قدام سليمان وقالت انت كل شي بالنسبه لي سليمان انت امي وابوي واختي واخوي لاتفهمني غلط فديتك انت غير وهم غير
سليمان: بعد عنها وقال المهم مالنا بالكلام الزايد ابدخل اخذ شاور وانتي جهزي لي ملابسي للصلاة الجمعه والبخور
هديل: وهي تمسح دموعها من عيوني ياعيوني
سليمان: وهو يمشي ومعطيها ظهره تسلم لي عيونك
هذي مشكلة سليمان يدلع هديل اذا كانت توهامعطيته فلوس ومنقذته من ورطه صح يغليها بس مايحبها زي ماتحبه و هديل طيبه وهاديه مره وماتحب احد يزعل منها حتى لو موهي الغلطانه ودايم سليمان لو زعلها بشي ورفض يتنازل وزعل منها ماتتحمل زعله وتروح تستسمح منه هديل بنت طيبه لابعد الحدود وقلبها مايحمل حقد على احد وسليمان ما يوضح غلاهالانه مسوي رجال وثقيل لانها مدلعته مره ويحس انها ماتستغني عنه ابدا لانها وحيده ومالها غير الله ثم هو بالدنيا ابو مايبغاها لان زوجته ماتبغاها ببيته بس الله معاها سبحانه ومايخلي احد ودايم ندى تحذرها من طيببته الزايده وتنازلها لو ماكنت غلطانه بس هديل هذا طبعه ماتقدر تغيره والسبب الريئسي لبي يمنع حبه لهديل بقوه لان حب ساره مازال ساكن جواته عجز ينساها
سليمان:طلع من الشاوروشاف ملابسه مجهزتهن له هديل على السرير ومعطرتهن ومبخرتهن ابتسم وقال الله لايحرمني منك هدوله مادري انا كيف بدونك
هديل: دخلت عليه وكانت ماغيرت بيجامتها الورديه وشعرها رافعته على فوق بشباصه ونازل منه خصل ومع بكاها الي قبل شوي صاير خدودها ورديه لانها بيضاء وطالعه خيال ابتسمت لحبيب قلبها وزوجها سليمان وقربت منه وباسته على راسه وقالت لاتزعل من كلامي الي قبل شوي ياروحي ترامو قصدي وربي ووو
سليمان: حط يده على فمها وقالها اووووص وخلاص انسي وماصار شي وباسها على راسها وابتسم لها وطلع
هديل: تشوف الباب بعد تسكيرته وتاخذ فوطته وتقربها لها وتشمها وتبوسها وتقول الله لايحرمني منك سليمان والله يرزقني بالولد الي نفرح فيه ويهدا بالي لاني مابغى اخسر ك زي ماخسرت الي قبلك وتبكي بهدووء
هذا حال هديل خوفها على سليمان كثير ومن سالفة هالحمل متعبها ومنغص عليها سعادتها لانها تحب سليمان بجنون ومتعلقه فيه وماتتخيل بيوم انها تفقده
فــــــــــي الريـــــــــــــــتاض في قـــــــــــصــــــــر العــــــــم ابـــــــو ســــــــــــ ع ـــــــــــــــود
نزلت ندى وعمها من سيارة السائق الخاص لعمها وتناظر بقصر عمها وفخامته وتقول والله اني غشيمه وانا كنت اظن ان عمي طمعان بالفلوس الي جتني تعويض لموت اهلي انتبهت لسرحانها بيد عمها الي مسكها علشان يدخلون القصر شافت الخدم يفتحون ابواب القصر ودخلت مع عمها بهدوء وقلبها يدق طبول خايفه من الحياة الجديده والناس الجدد الي راح تواجهم
ام سعود: استقبلتها هي وبناته بناءا على اوامر زوجها ابو سعود الي طلباته او امر وماحد يقدر يخالف اوامره قربت لها وسلمت على ندى وقالت حمد لله على سلامتك يابنتي بس من ورا قلبها وجواها تكرهها موت علشان الي سووه بولدها سعود وتقول سبحان من جمل بناتك يابو مازن تشبه اختها نوره بس هذي زايد جمالها
ابو سعود : بكل حزم يناظر بزوجته وبناته وكيف راح يستقبلون بنت اخوه الي عهد على نفسه انه يشيلها جوا عيونه ويحافظ على هالامانه الي مالها احد بالدنيا بعد الله غيره
نسرين: كانت تغلي من الكره والحسد على ندى خصوصا لام شافت جمال ندى البارز وتقدمت لها بكل غرور وتبتسم ابتسامه مصطنعه علشان ابوها الي واقف جنب ندى ويراقبهم قربت لها وقالت حمد لله على سلامتك
ابو سعود: هذي بنتي نسرين من عمرك ياندى[عمر ندى والتوام نسؤين وياسمين 20سنه وطبعا هدوله بعمرهن]
ندى: ابتسمت لهم بس جواها ماتعرف ليه ماراتاحت ابدا لنسرين وقالت تشرفنا ياقلبي
ياسمين: قربت لها وهي بقمة بشاشتها
ندى: مدت يدها علشان تصافحها زيها زياا مها واختها الي ماكلفو نفسهم ولايبوسونها بس تفاجئت ان ندى جرتها لحضنها وضمتها بقوه
ياسمين: هلا وغلا ببنت عمي وريحة اهل ابوي هلا فيك اخت وغاليه قبل ماتصيرين بنت عم
ندى : فتحت عيونها مندهشه من طيبة بنت عمها وحسة الصدق بكلامها وانها ماتجاملها علشان ابوها بس
ياسمين: ماراح انتظر بابا يقولك انا مين انا ياسمين توام نسرين يعني بعمرك ياقمر بس موزي جمالك وغمزت لها وضحكت
ندى: طارت عيونها مستغربه ان نسرين وياسمين توام لانهم مابينهم أي شبه في الشكل والظاهر ولاحتى بطيبة القلب
ابو سعود: ابتسم لبنته وحبيته ياسمين واعجب باستقبالها لبنت اخوه وارتاح شوي واتطمن شوي على ندى مادام ياسمين حبتها تقدر تبسطها لانه عارف ان ندى في بيت خالها مرتاحه لهم اكثر لانها متعوده عليهم ونوره اختها عندهم بس ماقدر يرتاح ان بنت اخوه الي يتعبرها جزء منه بعيده عنه ومايعرف ايش يمر عليها من ظروف ولهذاقرر يجيبها رحمها لانه عارف انها اول شي راح تحس بالغربه بس تطمن لام شاف فرحة ياسمين فيها
ام سعود: تبون تظلون واقفين تفضلو
مشت ندى مع عمها ودخلو للصاله الكبيره دائريه ونازله منها اعمده والثريات الفخمه موزعه في ارجاء القصر الكبير
ابو سعود: اذا ارحتي وانا عمك ترقين لجناحك لان الخدامات رقو شناطك هناك قبلك ورتبو ملابسك وان شاءالله تنزلين نتغدا ونتعشى سوا عندك جرس يبلغونك الشغالات بوقت غدانا
ام سعود: بس لاتنسى ان ماجد معانا على السفره
ابو سعود: ومن متى ولدك حضر معانا حضرت جنابه هو يابجناحه ياطالع مع ربعه
ام سعود:بس ولدي مستحيل انحرم من جلسته معنا على السفره
ندى: تضايقت وانحرجت من نقاش عمها مع زوجته وقالت بقلبها من الحين صرت سبب هوشاتهم مستحيل انكد على عمي الي غمرني من اول ماشافني بحنانه وقالت ياعمي ماجد الي داخل وانا الي طالعه ولاتنسى ياعم انه اولى مني بالجلسه مع اهله
ابو سعود: ناظر بندى بغضب حتى ندى خافت من نظرته وقال اسمعي ياندى وانتم اسمعو كلكم وهو ياشر باصبعه بغضب عليهم مابي اسمع منك ياندى او منكم انك غريبه هنا من اليوم وطالع انتي زيك زيهم هنا انتي بنت اخوي يعني بنتي فاهمين او لا
ام سعود سكتت على مضض هي ونسرين
وندى/ نزلت راسها وهي منحرجه من مومقفها وماتدري كيف هالعم يحمل كل هالحب والحنان بس ماتبغى يكرهونها اهل عمها وماتدري كيف تصرف
فكرت وفكرت وقالت عم
عمها: لبيه
ندى: لبيت بمنى ممكن اطلب منك طلب
عمها: تفضلي وانا عمك
ندى: انت تبغاني اكون هنا كاني ببيتي صح
عمها: اكيد هذا الي ابغاه منك
ندى: اجل ياعم راحتي اذا كان ماجد مو معاكم على الغداء او العشاء تنادوني بس تبعده عن السفره وجمعت اهله بسبتي وربي كذا مارتاح وانت اذا سويت كذا احس اني دخيله ومالومه لو ماجد بعدها ماحبني وخالتي تضايقت مني لاني خربت نظامكم وفرقت شملكم وجمعتكم
عمها: بس ياندى هو من زمان قليل مايجلس معانا بالسفره
ندى: هذاك تقول قليل وانا قلت لك اذا كان مومعاكم نادوني وتراني احيانا افضل اكل لحالي حتى في بيت اهلي كذا
عمها : اعجب برد بنت اخوه الذكي الرد الي ماكسرت كلمته فيها وحلت المشكله مع زوجة عمها ورد عليها براحتك ندى بس اعرفي انه اهم شي راحتك
ندى: قامت وباسته مع راسه وقالت راحتي براحتك وراحة عايلتك ياعم
ياسمين: ياالله ندى افرجك على البت وارويك جناحك
ندى: تمسك يد ياسمين وتبتسم لها وتقولها مشينا
بــــــــــــــعــــــــــــيد هناك في بريطانيا
شهد:تناظر سعود وهو واقف مع مشعل وصديقهم المصري لؤي والكويتي جاسم وتتامل حركاته ونقاشه وقوة شخصيته وهيبته على طول جاسم بس لاشي بالمقارنه مع سعود وضخامته ونظاراته المهيبه مره
هاله: هيه نحن هنا وهي تاشر بيدها عند وجه شهد
شهد: الله ياخذ بليسك نزيتي فيني
هاله: تلتفت على الي تناظره شهد وتكتف يدينها وتغمز لها وتقول الي اخذ بالك يتهنى فيه
شهد:ااااااااااااااه ياهاله احبه واموت فيه بس ياليته يحس بحبي له
هاله: سبحان الله مابعد الحب الا الكره
شهد: وهي تعدل حجابها وتتاكد انه ما اطلع منه شي تعرفي هو سبب حجابي تعرفي كنت فعلا دايما بحرب معاه لانه كان دايم ينصحني علشان لبسي وتبرجي واحيانا يتريق علي ويتعمد يحرجني عند الكل بس تصدقين ياهاله
هاله : ايش
شهد : تذكرين كيف كان تبرجي وتذكرين كيف الشباب يتهافتون على شهد بس علشان تعطيهم وجه وكنت اعاملهم بكل كبرياءبس داخليي مبسوطه وهم زي النحل علي
هاله: اكيد كنت زمان جميله وتبرزين جمالك ولونك البرونزي وجسمك الخيال وكلهم عارفين ان ابوكي رجل اعمال كبيرويتهافتون على البنت الي جمعت جمال ومركز ودلال
شهد: تضحك وتقول بس تصدقين كنت احتقرهم كلهم مع انه حبني الجميل والقبيح الغني والفقير بس كلهم ماهموني بس لام جاء سعود وبدت الحرب بيني وبينه وكل ماشوفه لازم ندخل انا وياه بحرب ضروس كنتم تظنون اني اكره وماطيقه
هاله: كلنا عارفين كرهك الشديد له وانك ماتتحملين وجوده
شهد: ابتسمت وبانت سنونها الحلوه وقالت بالعكس انا نفسي كنت مستغربه بالي يصير لي
هاله: بالعكس قصدك ايش لايكوني كنتي ساعتها تحبيه بعد
شهد: كنت مستغربه من نفسي اني اكره اشوفه وبنفس الوقت يوم سعدي شوفته تعرفي كنت اتضايق اذا غاب عن الجامعه وبنفس الوقت يجن جنوني اذا شفته وابدا ارمي عليه كلمات والبس لبس الي يكرهه واسوي تصرفات تنرفزه
هاله: طيب كيف تغيرتي فجاه
شهد: كنت جواتي امر بحرب شخصيته تعجبني بس نفس الوقت تقهرني بس بيوم كنا نتهاو شانا وياه بس كنا لوحدنا

هاله: ايوه وبعدين
شهد: قالي كلمه رنت بذهني كثير قالي شهد البنت المتحجبه والساتر هذي الالماسه الثمينه الي مايشتريها الا الي يقدر يحافظ عليها واذا حصلها باموال كبيره راح يحافظ عليها وماراح يفرط فيها بس البنت السافره الي ببلاش تنشاف ورخصيه تنشرا بسرعه يفرط فيها لانه مو ملك لاحد معين ورخصيه مره يعني لوضاعت ماراح يندم عليها لان بدالها مليون عكس الغاليه لو ضاعت صعب تتعوض وطلع وخلاني جلست اسبوع افكر بكلامه واقتنعت بكلامه مره وقررت اتنازل عن كبريائي والبس الحجاب واتستر شفت الفرحه بعيونه لام شافني متحجبه بس بسرعه غض بصره عني وقالي مبروك يالاماسه ومشى وخلاني بس ترك في قلبي اعجاب بشخصية هالانسان الي ماعمري شفت زي شخصيته
هاله: علينا بس اعجاب
شهد:ماكذب عليك هالاعجاب انقلب لحب كبير بس احسه من طرف واحد ياهاله
هاله: مستحيل احد يشوف زي جمالك ويقدر ويقاوم
شهد: صح مع رجال غير سعود بس سعود احس انه ماحرك شعوره مره ليه مادري يمكن صار له موقف كره الحريم او يحب وحده في السعوديه بس الله اعلم بس اهم شي انه هو بعد ماتحجبت راحت نظرات الاستحقار منه[وهذي مشكلة شهد تحجبت علشان ترضي سعود موعلشان ترضي ربها]
قربو مشعل وسعود للبنات الشباب السلام عليكم طبعا عادة سعود مع ان هاله وشهد متحجبات بس مايحب يطالع فيهم
البنات وعليكم السلام
شهد: قلبها يدق طبول ومبسوطه علشان سعود جا ءعندهم
سعود: يالله مطولات هنا ترا المحاضره بدت الحين
هاله: ايش اسوي شهد قرقر كثير بلشت فيها هههههههههههههه
شهد: حمر وجهها وناظرت سعود
سعود: ابتسم مجامله كالعاده ماعمره ابتسم من قلبه وقال انا ابروح للمحاضره الحين على اذنكم ومشى
مشعل: يطالع فيه ويقول ناظرو النذل راح وخلاني
شهد: تناظر بظهر سعود وهو يمشي كان قمه بالروعه لابس فنيله صوف بيضاء بس مخططه شوي بالوان متناسبه وبنطلون جنز ولان جسمه متناسق أي لبس يكون عليه حلو وقاامت وقالت لاتقول عنه نذل وابتسمت
مشعل: ضحك عليها وقال لنا الله
الجميع ضحكو وراحو للمحاضره
في جنـــــــــــاح نـــــــــــدى
ندى: تناظر بجناحها الجديد الي كان عباره عن صاله صغيره وبوفيه صغير وغرفة نوم كبيره ونفس غرفتها لانها كبيره فيها مكتبه بس كنت فخمه مره
ياسمين: هاه بشريني جناحك عجبك
ندى: افا عليكي بس ايش عجبني الا يجنن هههههههههههه
ياسمين: هههههههههه فديتك الحمد لله انه عجبك ايش رايك نكمل جوله على البيت
ندى:مشينا
طلعو من جناح ندى وقفو عند جناح ناديه
ياسمين: هذا جناح اختي ناديه
ندى: عندكم اخت اسمها ناديه
ياسمين : ايوه فديتها
ندى: غريبه ماشفتها
ياسمين: هي متزوجه وعندها ولدين هيثم وباسل وزوجها طيار وتجلس عندنا احيانا اذا سافر زوجها تعرفي الطيارين وعملهم والحين هي مسافره بس ان شاءالله كم يوم وتجي
ندى: الله يرجعها لكم بالسلامه
ياسمين: اللهم امين
ندى: تقول بقلبها يارب انها حبيبه زيك ياياسمين موزي امك ونسرين الي شفت الكره بعيونهم شكل ياسمين طالعه على عمي ونسرين على امها حقوده استغفرالله
فتحت ياسمين جناح ناديه وقالت تفضلي
ندى: لاماله داعي ادخل وصاحبته مو موجوده
نسرين: تجرها مع يدها وتقول ادخلي بس بلاكلام فاض عادي عندا احنا
دخلت ندى وشهد للجناح
شهد: هذي صور ناديه ايام زواجها وهذي الي على التسريحه بعد تخرجها والثانيه ومعاها عيالها فديتهم
ندى : تامل بصور ناديه وتشوف عيونها وابتسامتها وتقول بقلبها ان شاءالله طيبه واضح من نظاراتها
انتبهت من سرحانها بيدياسمين وهي تجرها وتقول يالله طلعنا
مشو بصالات واعمدت الدور الثاني ودخلتها ياسمين على جناحها وضحكو فيها وجلسو شوي ومرو من عند جناح نسرين الي مرت من عندهم وناظرت ندى بكل كبرياء ودخلت لجناحها
ياسمين: مافيه تفضلو
نسرين: لاتحلمين انتي والا معاكي
ياسمين: اظن من الكرم اننا نكرم ضيوفنا
نسرين: اذا كانو ضيوف مرغوب فيهم موضيوف مفروضين علينا فرض
ندى: استغربت من جراتها ووقاحتها بس طبع ندى موضعيفه وماتحب احد يغلط عليها موزي صديقتها هديل المسالمه وماتاخذ حقها ناظرت ياسمين بكل حنان وقالت لها تزعليني كذا حبيتي
ياسمين: خافت وقالت ليه ازعلك ندو
ندى: وهي تبتسم ابتسامه مزوره وتناظر نسرين وتقول لاني انا موضيفه انا الحين من اهل البيت والاماسمعتي عمي ايش يقول يعني انا منكم الحين غصب على الي مايبغى
ياسمين: ابتسمت قالت صادقه قلبي انت منا وفينا
ندى: فديتك وفديت عمي مشينا حبي نكمل جولتنا
نسرين: كملي الجوله فيها واشبعي شرافتها بنت فقر ماتعودت
ياسمين: تناظر باختها وتقول عيب عليكي نسرين
نسرين : انت جب ولاكلمه ومالك دخل فيني
ياسمين: تشوفي ان ماقلت لابوي عن كلامك يالي ماتستحين
ندى: لا لا حبيبتي ليه نكد على عمي فديته صدقيني ياسمين انا ماتهزني كلمات من وحده سفيه ماتعرف كيف تحترم الغير مشينا وجرت ياسمين مع يدها
نسرين: ماتت قهر من رد ندى وتشوفهم وهم يبعدون ورصت على اسنانها وضربت برجلها على الارض وعلت صوتها وتقول يرجع سعود ويادبك وتشوفين ودخلت بغرفتها وسكرت الباب بقوه
ندى: سمعت كلام نسرين وقالت سعودمين هذا صح عمي اسمه ابو سعود يعني ولده الكبير اكيد بس عمي قال جلست ماجد معنا على العشاء اكيد سعود هذا متزوج بس ليه تهددني فيه لايكون خسيس زيهم ياربيه الله يعيني كثرو الاعداء ناديه صورها تقول انها طيبه بس ماعرف هي فعلاطيبه زي ياسمين وعمي او لا وسعود وماجد مادري عنهم بس نسرين هددتني بس سعود ليه يمكن لانه كبير وهي تفكيرها صغير تتخيل الكبير راح يوقف معاها ويمكن مدللها
ياسمين:: وين رحتي نحن هنا
ندى: لا معاك
ياسمين: تقرب لندى وتمسك يدها وتقول امسحيها بوجهي ولاتواخذين نسرين بكلامها ولازم تتحملينها من اليوم ورايح تراها طبعها كذا ترمي الكلام ولاتحاسب ابدا حتى معاي انا اختها
ندى: ماعليك وانا راح ارد عليها بس ماراح اشيل عليها وتقول بقلبها يارب بس نسرين صغيره كبري ومقدرو عليها ياخوفي امها واخوها بعد ضدي بس ياسمين حذرتني من نسرين بس
ياسمين : نبي نظل واقفين عند جناح سعود ادخلي
ندى: اخاف زوجته تزعل
ياسمين: ههههههههههههه زوجته
ندى: ايش فيكي ضحكتي ايوه مومتزوج هو لان عمي قالي جلست ماجد بس ماقال سعود قلت اكيد متزوج
ياسمين: اااااااااااه ياقلبي هو مو متزوج ولاشي بس يدرس الدكتوراه بالخارج وقريبا يرد ان شاءالله ماتتصورين كيف وحشني
ندى: شكلك متعلقه فيه هي سالت كذا علشان تعرف هوطيب والا لا لان نسرين خوفتها بتهديدها
ياسمين: هو ابوي الثاني فديته ادخلي جورحوم وحبوب طيوب ويهتم فيني موزي مجود الي مانعرفه ولانشوفه الا نادرا
ندى: فرحت قالت يارب اشوف صوره واعرف هو طيب والا لا على الاقل من خلال صوره
جناح سعود كبير عباره عن غرفيتين وصاله وبوفيه ومكتب وحمامين بس كان فخم مره وتمشي وهي تدور صوررفعت راسها ولقت له صوره كبيره بس الصوره كانت لسعود له وهو في الثانويه كان فيها ميسوط وواضح انه طيب بس ماكان جميل ابد وله صور موزعه وهو مع صديق عمره فيصل وكانت ابتسامته شاقه حلقه وكان واضح حبه لفيصل
ياسمين: شكله عجبك تراه لو متزوج بدري كان كبر ابوكي هههههههههههه شايب عمره بالثلاثين
ندى: تقول بقلبها ماعجبني ولاشي الله يخلي لي حبي وليد الي سرلق قلبي وعقلي بس وهـ بس فديته لجمل منه مليون مره واشتقت له وناظرت بياسمين وضحكت عليها وقالت الله ياخذ ابليسك لاعجبني ولاشي بس مستغربه ماشيهكم ابدا وغريبه على قولتك بالثلاثين ليه ماتزوج الى هالحين؟
ياسمين:مشغول بدراسته لان نسرين وياسمين صح يعرفون ان سعود مايحب بيت عمه بس مايعرفون قصته معاهم لانهم كانو صغار واهلهم غبو عليهم زي ندى ماتعرف قصته مع اختها والعذاب الي شافه من اهلها
في بريطانيا
دخلو للقاعه وجلس مشعل جنب سعود وشهد وهاله جنب بعض
سعود: ذبحة البنت الى متى تتجاهلها كذا
سعود: ابتسم وقاله بلاهياط بس تعرف اني موراعي حب وخرابيط
سعود: حرام عليك فيه وحده تحصله شهد بنت سلطان ولا يفرح
سعود: انا
سعود: والله انها حولا تحب واحد مايحبها ولايهم فيها
سعود: اسمع سعود مومسالة ماهتم فيها بالعكس هي معجبتني وخصوصا بعد حجابه مع ان حجابها مومره ساتربس احسن من تبرجها اول وانا اغليها بس حب قلبي متسكر من زمان عن الحب سكرت قلبي وضيعت مفتاحه
مشعل: افتحه بس وبلاخرابيط ولاتضيع بنت سلطان من يدينك
سعودد: ابقولك شي بس لاتعلم احد
سعود : افا عليك صديقك وحافظ اسرارك
سعود: لو فكرت اتزوج وشهد لسه ماتزوجت وتعدل احجابها وسترها مره يمكن راح افكرفيهالانها فعلا سبيكه و الماسه ماتتعوض
مشعل: غمز له ياعني تحبها يالدوب ومغبي علي
سعودد : مادوب غيرك موقضية حب بس هي ماشاءالله عليها ماينقصها شي من الي يطلبه الرجال بزوجته جمال واخلاق والا ورب البيت مافيه بنت حركت وذوبت الجليد الي على قلبي بعد حب المراهقه لنوره بنت عمي بعد هذيك الصدمه خلاص صار على قلبي جليد وماتوقع فيه بنت تذوب هالجليد بعد ماكبرت وقوى جليد قلبي بس اكيد يبي يجي يوم واتزوج وم لازم احب الي ابتزوجها الحب يجي بعد الزواج
مشعل: الله يوفقك ياخوي وسعدك ويسعدني معاك هههههههههه
انتهى الجزء ايش توقعتكم هل سعود وناديه راح يتقبلون وجود ندى معاهم وهل سعود راح يحب شهد بيوم
وهل يبي يتحول اعجاب سعود بشهد الى حب بيوم من الايام
محبتكم [[[هـــــــــمـــــــــــس]]] امي هي روحي

---الــــــــجــــــزء الـــــرابــــــــــــــع---



في قصر الـــــــــــ ع ــــــــــــــــم ابــــــــــــــو ســــــــــــ ع ـــــــــــود

ندى: نايمه على سريرها وتناضر بالسقف وتفكر ااااااااااااه ياندى صرتي وحيده كذا بدون اب ولا ام ولا اخ بس معاك نوره الي اشوف علامات الحزن في وجهها وموراضيه تقولي ايش فيها فكيف اشتكي انا لها وعمك الي ظهر لك فجاه من بعد غياب طوووويل وواضح انه حنون علي مره بس عياله وياويل قلبي على عياله حتى اعرف هم راح يتقبلون اولا راح اوجه معاهم مشاكل ياربي انك ترحم بحالي وترحم ضعفي ووحدتي ونزلت دموعها بغزاره بس بين دموعها شافت صورة وليد كانه يبتسم لها وكانه يناديها وقالت اااااااااااخ ياووليد ياحب الطفوله متى تجي وتنقذني ايش تنتظر وفجاه فزت من سريرها وتذكرت صديقتها الي اغلى عليها من اختها وقالت ياويلي انا كيف نسيت حبيتي هدوله ماعلمتها ولاشي اكيد راحت للجامعه ومالقتني وسالت عني وعلموها ياربيه اكلم عليها او تكون نايمه وازعجها مع زوجها ومسكت جوالها وهي محتاره ورجعته قالت اكلمها بكره بس رجعت له لانها بس مشتاقه لها مووووووووووت اممممممممم ياربي ايش اسوي اعطيها رساله اسالها نايمه اولا وانتظرلا ردها ارسلت لها وجلست تنظر رساله منها
هديل: كانت جالسه ترتب غرفتها وهي حزينه مره لان لها ثلاثة ايام ماتعرف شي عن حبيبتها ندى ولاكلمتها وهي تشتاق لها موت ومتعوده يوميا تكلمها في الجامعه وبعد الجامعه موصديقات بس زي الخوات فجاه دق نغمة جوالها بصوت رساله راحت تشوف وفزت وقالت الحمد لله لكي يارب انك رديت لي صديقتي وعلى طول تضغط اتصال
ندى: كانت تنظر وطال انتظارها قالت اكيد انها نايمه احطه على الصامت وانام لان بكره وراي جامعه جديده الله يعين بس وفجاه الا جوالها يدق بملاك روحي ترد بسرعه
هدبيل::دووبه ماحبك كذا اهون عليك تهون عليكي هدولتك الي تحبك
ندى:على هونك علي على طول هواش سلمي اول
هديل: لاسلام ولاكلام ليه تروحين ولاتعلمنيني ونزلت دموعها ندى ماتعرفي كيف فقدتك
ندى: حبيبتي اسمعيني اول وحكت لها كل الي صار
هديل: كانت تسمع لندى وهي تمسح دموعها لانها راحة صديقتها الي تغربت عن مدينتها الي ولدت وتربت فيها وابعدت عن اختها وحبيبها وجامعتها وصديقتها وهي كذا دخل سليمان من سهرته وناظر بهديل وهي تكلم وتبكي رفع يده وهز براسه وقال لاحول الله بدينا بالدموع كل شي عندها دموع ودخل لغرفته فصخ ملابسه وجلس على السرير متضايق
هديل" حست ان زوجها وحبيبها متضايق ونفس الوقت ماتغبى تفارق ندى لانها لسه ماشبعت منها وماعرفت الا شوي من اخبارها بس هديل تعرف ان طاعة الزوج عظيمه وماتحب تزعله بشي
ندى: كانت تقص لهديل كل الي صار معاها بس حست ان هديل مو معاها نادتها هدوله فيكي شي
هديل: لاحبيتي بس سليمان رجع
ندى: بقلبها شين الحلايا بس جاملت هديل وقالت اجل اكلمك بعدين حبيتي
هديل: لاتزعلين ندو
ندى: لا ازعل ولاشي بس ياليتنا اخذين اخوان وساكنين بنفس البيت علشان نقرق براحتنا ههههههههه
هديل: اخو زوجي يموت فيكي بس انتي موراضيه
ندى: وهـ فديت زوج المستقبل وليدي بس تقارنين سعد اخو زوجك بوليدي
هديل : مالت عليكي انت وهو هههههههههههههه
ندى: يامعوده يمكن يكون وليد وسليمان اصحاب ونسافر سوا ونطلع سوا
هديل: ياليت اتمنى بس ماتوقع سليمان يختلف عن وليد
ندى: اقول ضفي وجهك وروحي لزوجك بس وماتدرين ايش الله كاتب
هديل: ونعم بالله مع السلامه حبيبتي
ندى: الله يسلمك وتصبحين على خير
هديل: تلاقين خير وسكرت من ندى وقامت لزوجها دخلت الغرفه وهي تبتسم كالعاده وكانت لابسه روب تركوازي طالع خيال مع بياضها
سليمان: ناظر فيها ولا ابتسم وقال تو الناس
هديل: جلسة جنبه وقالت سليمان صدقني لام شفتك صرفتها
سليمان: تعرفين طبعي هديل ماحب الزوجه تشوف زوجها داخل وتكلم قدامه
هديل: حقك علي حياتي
سليمان: فديتك ياعمري
هديل: تعشيت
سليمان: لاتعبان بس جيبي لي شي خفيف مع عصير
هديل: تاشر على عيونها وتبتسم بوجهه وتقول من عيوني
سليمان: ابتسم لها وقال تسلم لي هالعيون
طلعت هديل للبوفيه الي بجناحها وتحضر لزوجها شي ياكله وتفكر فيه وتقول بقلبها فديته حار مايتحمل الغلط بس حنون وقلبه طيب فديتك سليمان[[انتي الطيبه ياهدوله وامتزعلين واذا حبيتي حبتي باخلاص]]
من بكره راحت ندى للجامعه مع نسرين وياسمين بس طبعا مو نفس تخصصها كانت لابسه بلوزه بيج مورده ببني مع تنوره وحزام كان لبسها ناعم بس حلو عليها طبعا صديقات بنات عمها انبهرو بجمال ندى لان ندى عيونها وساع مره وشعرها اسود وناعم وكثير ومدرجته على طوله ودايم ماتكثر المكياج لانها مايحتاج طولها وسط وجهها دائري وابتسامتها تذووووب طبعا الطالبات ماصدقو ان هذي بنت عمهم صح نسرين حلوه بس كانت مملوحه وجذابه بس موجميله مره بس مراسمها صغيره وناعمه ونسرين كانت عاديه والي يشينها اكثر تحب تتكلف كثير بالمكياج والبس الي تظهر فيه غناهم مع ان ياسمين دايم تحذرها وتقولها تكلفك الزايد يخرب مويجملك بس هي دايم تسكتها وتقولها انتي مالك دخل رجعو من الجامعه و دخلو للصاله جت الشغاله اخذت عباياتهم راحو البنات يقبلون راس امهم
ام سعود:ماحاولت تسئ لندى بشي بس كانت تكرهها ومو متقبلتها وقالت يالله بنات روحو غيرو ملابسكم الحين ابوكم يجي على الغداء وناظرت ندى بكل رسميه وقالت لها ترا ماجد مومعانا على الغدا عنده محاضرات
ندى: ان شاءالله اغير وانزل ورقت لغرفتها وتفكر بزوجة عمها ليه احسها تكرهني مره غيرت بسرعه واخذت شاور سريع ونزلت
ابو سعود: حيا الله من لفانا على غدانا حيا الله بنتي ندى الحين الواحد تنفتح نفسه على الغداء
ندى: راحت لعمها وباسته على راسه وقالت الله يخليك ويحيك ياعم بس ناظرت بزوجة عمها ونسرين الي الشرر يطلع من عيوونهم
ام سعود: وهم جالسين على الغداء قالت ابشرك يابو سعود ناديه رجعو اليوم
ندى: مغصها بطنها وقالت الله يستر من هالناديه بس ماعلي منها متزوجه بس ياسمين تقول تقعد كثير عندنا تنهدت وقالت الله يستر بس
ابو سعود: ناظر بكل رسميه وهيبه لزوجته وقال حمد لله على سلامتها اجل متى تجي لنا
ام سعود: اليوم العصر ان شاءالله لانها الحين تبي ترتاح هي وعيالها
ابو سعود : الله يحيها باي وقت واحسن لاني ابغاها تشوف بنت عمها
ندى: تقول بقلبها الله يستر من هالشوفه
في بيت نوره
نوره: قلت لك ماراح تسافر يعني ماراح تسافر
نايف: اقصري الشر يامره ولاتصحين العيال بصوتك
نوره: انا الي اقصر الشر او انت يانايف حرام عليك الي تسويه فيني وجلست على السرير وتبكي
نايف: جلس جنبها قال الحين ماتفهميني ايش سويت يعني كفرت لاني ابتمشى برا
نوره: وليه ماتاخذنا معاك
نايف: انتي انجنيتي تعرفين ان العيال مدارس.
نوره: خلاص اجلها للعطله موعذر تسافر بالمدارس علشان ماروح معاك
نايف: لاحوووووول الله اقول لايكثر انا رجال وماله داعي استاذنك ان كنت ابسافر اولا
نوره: تسافر مع ربعك وتصيع هناك براحتك
نايف: عطاها كف وقالها كم من مره احذرك انك ترفعين صوتك علي او تقذفيني كذا فاهمه والا لا
نوره: تبكي بقوه تمد يدك علي يانايف علشاني امنعك ومن حقي امنعك عن سفر الخارج وانا ماقذ فتك كم من مره اسمعك وانت تكلم غيري
نايف: اووووووووووه خلاص الكلام معاك تضيع وقت على الفاضي بس وصبخ بالباب وطلع
نوره: جلست على السرير وتبكي وتقول هذا جزاتي الي بعت ولد عمي انا وامي علشان ماله وظيفه بس غرتنا الفلوس وماشفنا غيرها يومها نسينا الاخلاق اااااااخ بس ااااخ وينك يابوي تشوف حالي وينك يايمه الي كنتي بس تبيني ولد اخوك لانه ولد اخوك ولاهميتي باخلاقه الله يصبرني بس علشان عيالي وجلست تبكي وتندب حظها لحالها
[نست نوره وامها ساعتها قول الرسول اللهم صلي وسلم عليه من اتاكم من ترضون دينه وخلقه فزوجه]

العصر في قصر ابو ســـــــــــعــــــــــــود
كلهم كانو مجتمعين الا ندى
ابو سعود: ياسمين وين ندى
ياسمين: تلبس يابابا
ام سعود: كل هذا لبس
نسرين: تضحك باستهزاء وقالت ايوه ياماما تبي تكشخ قدام ناديه يمكن تخطبها لاحد من اخوان زوجها
ابو سعود: بنت لايقل ادبك بس وخليك من الكلام الفاضي وخلوها براحتها
في غرفة ندى
ندى: كانت مرتبكه شوي وخايفه من موقف ناديه منها ياترى انتي ناديه زي نسرين والا زي العسل ياسمين رفعت نظرها للسماء يارب انهم مايزيدون الي يكرهوني هنا يكفي بنت عمي وامها اما ماجد واضح انه طيب من معاملته وادبه معاي وياسمين فديتها هالبنت زي عمي الله يخليه قامت ولبست بلوزه اورنجيه وطالع من تحتها قطعه بني غامق تلفت على الرقبه ومشطت شعرها وكان مدرج على طوله وحطت كلوس خفيف وكحل جوات عيونها وماحطت عطر خافت ان ماجد يدخل يسلم على اخته لبست جلالها مسكت جلالها بيدها وسمت باسم الله ونزلت ندى ماتلبس جلالها لان ماجد دايم برا او بغرفته واذا كان موجود خبرتها الشغالات انه موجود
نزلت تحت ولام شافها عمها ابتسم لها
ندى: قربت لعمها وباسته على راسه وجلست جنب ياسمين فجاه الا وناديه تدخل وندى تراقبها كلهم قامو يسلمون عليها مشتاقين لها ولعيالها لانها عودتهم غالبا عندهم بس زوجها عوضها بسفره طويله لانه دايم يسافر ويخليها علشان شغله
ناديه: كانت مبسوطه ومشتاقه لاهلها سلمت على ابوها وباسته مع راسه وبعدين امها وبعدين خواتها وقفت شوي تناظر ندى
ندى: هنا ارتبكت وتاكدت من نظرات ناديه انها تكرهها
ناديه:قربت لندى انتي ندى صح
ندى: ايوه ومدت يدها تبي تصافحها
ناديه: جرت ندى من يدها وضمتها وبكت وقالت انتي الي بقيتي من ريحة عمي الله يرحمه انتي ونوره الله يحفظكم انتم غالين علينا ندى فو ق ماتتخيلين
ندى: استغربت من موقفها وارتاحت انها لقت عون لها مع ياسمين وحمدت ربها انه سخر لها ناديه وقالت ان شاءالله راح احافظ على حبهم لي
ابو سعود: ابتسم وهو يشوف حنان ناديه على بنت عمها وقال بقلبه من حينك حنونه ياناديه وحكميه وعاقله وياسمين طالعه عليك بس الله يركد نسرين وتصير زيكم
هناك بعيد في بريطانيا
شهد كانت مريضه وجلست اسبوع ماتروح للجامعه طبعا اصدقائها قررو يزورنها وراحو هاله وسعود ومشعل ويسرى صديقه لهم مصريه
وصلو لقصر رجل العمال المعروف سلطان وفتحو لهم الخدم
شهد: كانت فوق وطبعا مبسوطه حيل بزيارة اصدقائها لها وخصوصا عشقها سعود لانها ماتوقعت جيته لان هاله خبرتها انه اعتذر بس استغربت انه غير رايه كانت تناظر نفسها بالمرايه وتتاكد من حسن مظهرها طبعا كانت لابسه بلوزه ورديه مع تنوره جنز ولابسه حجاب نفس اللون وحاطه شوي مكياج خفيف وشالها فيه تطريز ناعم نزلت لهم ولقتهم جالسين طبعا ساطعه بلونها البرونزي ولبسها الوردي رفع سعود عيونه لها وهي كانت متجه لهم بس عيونها مركزتهم على حبيب قلبها سعود طبعا سعود تضايق لانها كانت حاطه مكياج صح ناعم بس هو مايحب المراه تتزين اذا حطت حجاب لان الحجاب الغرض منه ستر المراه موتجميلها نزل راسه وسكت هنا لاحظت شهد تغير وجهه وسلمت على هاله ويسرى وسلمت على مشعل وسعود بكلام بس بدون مصافحه
هاله: اخبارك شهوده ولهنا عليكي يالدوبا
شهد: بخيرالحمد لله انتم اخباركم
يسرى : احنا اخبارنا تمام بس مشتائين ليكي
شهد: الله يخليكم لي يارب
مشعل: شكلك ياشهد تدلعين علينا تبغين تعرفين غلاك بس
الجميع ضحكو وشهد رفع عيونها لسعود الي ابتسم ابتسامة مجامله وبقلبها تقول ياوبل حالي على هالحجر الي قدامي
سعود: شهد
شهد: فزت وقالت لبيه وبدا قلبها يد ق طبول على تحرك الحجر اخيرا
سعود: هذي محاضرتك الي فاتتك الاسبوع الي طاف
شهد: ولعت خدودها نار وقالت ليه تكلف على نفسك سعود قالتها بدلع وتناظره وهي مسبله عيونها تتوقعه زي الشباب الي يذوبون اذا شافو نظارتها
سعود: لاتعب ولاشي وانتي تعرفين حكم الزملاه الي بينا يالله تاخرنا على اذنكم
قام سعود وجسمه الرياضي ووقف جنبه مشعل الي لاشي عند طول سعود
شهد: قامت معاهم وقالت ليه مستعجلين
سعود: ورانا مذاكره وتعرفين وقت التخرج قرب ولازم نجيب معدل يرفع راس اهلنا مع السلامه
شهد: الله يسلمك وتناظره وهو طالع
هاله: هيه وين الناس خلاص طلع ذبحتيه بنظراتك
شهد: هو الي ذبحني ببروده لوح مايحس
يسرى: سيبيه تلقينه طايح في غرامك من يقاوم جمال بنت سلطان رجل الاعمال المشهور
شهد: مارتاح حتى اطيحه بعشقي وغرامي ساعتها اكون اسعد بنت بالعالم سعود يحبني من دون البنات
في سيارة سعود
مشعل: انا بس ابي افهم ليه تعاملها كذا
سعود: لاحول وانا ايش سويت طلبت مني ازورها وزرتها حتى المذكرات صورتها لها
مشعل: حرام عليك البنت تحبك
سعود: مشكلتها مومشكلتي
مشعل: هو فيه احد تحصل له تحبه شهد بنت سلطان ومايحبها ياخي الشباب يبوسون رجلينها علشان تعطيهم بس نظره جمال ومال ودلال
سعود: يلتفت على مشعل اقول مشعل ايش رايك تحبها انت
مشعل : فكره حلوه بس المشكله ماهي معبرتني تحب الرجال الي جالس جنبي معقد وحالته حاله
سعود: تنهد وقال ايه هذاك قلتها معقد وحالتي حاله
مشعل: اسف سعود وربي ماكنت اقصد
سعود: لاتتاسف ياخوي انا اعرف اني معقد وقلبي تحجر عن حب أي بنت وماتوقع شهد ولاغيرها تذوب هالجليد الي كتم على قلبي
مشعل: انتع عطها وجه وتشوف تقدرشهد تذوب الحليد اولا ياخي ماعطيتها فرصه
سعود: لو شهد راح تقدر تذوب جليدي كان ذاب وانا مقابلها اربع سنوات يامشعل شهد بجاملها ودلالها ونعموتها ماقدرت تذوب هالجليد مشعل عمي بصدمته لي هو بنته وزوجته ماقصرو معاي غلفو قلبي باكبرجليد وماتوقع يجي بيوم يذوب هالجليد كم عمري الحين يامشعل وكم شفت من حريم بس ماحركن بقلبي شعره وحده
مشعل: صدقيني يبي يجي يوم ويذوب هالجليد عاد يابعد زواجك ياقبل
سعود: تصدق ان حتى فكرة الزواج موعلى بالي
مشعل: انت انجنيت ماتبي ابوك وامك يفرحون فيك
سعود: الا بالعكس منى عيني اشوف امي مبسوطه وابوي يرفع راسه فيني بس بالزواج ماتوقع لاني رجال قلبه حجر ومابي اظلم بنت الناس معاي وانا اعرف أي زوجه تبي زوجها يموت في هواها وانا خمسين بالميه ماتوقع اني ابحب
مشعل: هونها تهون وانا اخوك وارجوك طلبتك لاتضيع شهد من يدك مسكينه حتى الحجاب لبسته بعد ماقنعتها
سعود: مشكلة شهد لبست الحجاب علشان تلفت نظري لها وتجذبني مالبسته باقتناع مالبسته علشان رضاء ربها وهذي المشكله
مشعل : ايش عرفك بنيتها
سعود: ماتشوف نظرات الاغراء اذا بغت تاصل لشي ماتشم عطرها ماتشوف مكياجها الي تقتنع بالحجاب لله ماتسوي كذا مشعل
مشعل: لاتظلم البنت سعود
سعود" انا ماظلمها بس راح اذكر كان كلامي صح يالله وصلنا لشقتنا نزلنا يابطل

اختكم[[[هــــــــــمــــــس]]]