---الــــــــــــــ ج ـــــــزء الــــ خ ـــامـــــــــــس---


في بيت ابــــو سليــــ م ــــــان



كانوجالسين على قهوة العصروزوجة ابو هديل طبعا اخت سليمان من ابوه بس كانت تكره هديل كره وبنتها هناء نفسها تكره هديل مع ان هديل اختها من ابوها ومعروف عن هديل الطيبه والدين الي ورثتهم من جدتها الي ربتها ومايحبها غير مشعل اخوها وابوها سلبي مايدافع عن بنته ولاشي [[[لسر خفي راح تعرفونه بعدين]]] اما اهل سليمان امه وابوه واخوته يحبون هديل مررره
ابو سليمان: زين وانا ابوك جيتي يا ام مشعل مابغيتي تجين للرياض ماكان لك ابو تسألين عنه
ا م مشعل: والله يابوي توني فضيت لام تخرجت هناء والحمد لله تعينت مدرسه قررنا نقل لجده سنه سنتين حتى تنقل هناء عندنا
هديل: ببرائتها وجمالها التفت على اختها الف مبروك هناء التعيين
هناء: من غير نفس الله يبارك فيك
ام مشعل: لانها تحقد مره على هديل حبت تقهرها وتضيق صدرها التفت على سليمان وقالت الا ياسليمان ماتبون تفرحونا انت وهديل بصغير
سليمان: كان ياخذ فنجال القهوه من يد هديل على طول رفع عيونه لهديل وشاف وجه هديل حمر وقال الله يجيب خير
هديل: تحملت على نفسها وحاولت تكتم قهرها ورجعت جلست
ام مشعل: ايه ياخوي الي بعمرك معه ولدين ثلاثه الحين لاتهمل نفسك ياخوي ترانا ودنا نفرح فيك الله يهديك بس
ام سليمان: لام لاحظت احراج زوجة ولدها وحبيتها هديل الي تغليها مثل بنتها ردت الله عليك يالولوه الي يسمعك يقول عمر ولدي 40 لاتنسين ترا عمره 25 يعني الي بعمره بعضهم ماتزوجو وهديل الله يحفظها لسه صغيره عمرها عشرين الله يحفظهابس هي تزوجة بدري لام كان عمرها 16
ام مشعل: وانا وش قلت ياخاله الله يهديك بس من حبي لاخوي ابي مصلحته
ام سليمان: بقلبها امحق تبين مصلحته الا بس ودك تقهرين هالمسكينه وتنقمين من امها فيها وهي مالها حيل ولاقوه بس الله يخلف على هالسليمان الي ماوقفك عند حدك
هديل: على اذنكم ابروح اذاكر فوق
ام مشعل: وش لك بالتعب والشقا وانا خالتك اخوي مومقصر عليك بشي
ابو سليمان: يابنتي الي نبيه لبناتنا نبيه لهديل والدنيا ماتضمن
ام مشعل: انا ابي لها الراحه والا هديل مثل بنتي هنا ءوولدي مشعل الله يرده لي بس
لميا: اخت سليمان بقلبها والله من النصب بس
هديل رقت لغرفتها وجلست على سريرها وهي تبلع عبرتها ااااخ ياسليمان متى تبي تدافع عني متى يكون كلامك زي خالتي وعمي مايرضون احد يضايقني الله يهديك بس غصب عنها نزلت دموعها من القهر الي تحسه بس مسحتها بسرعه وراحت تلهي نفسها بمذكراتها



في بـــــــــــــــريطانــــــيا


مشعل: جالس على الكنب وماسك جواله الحين ابتصل على هدوله وربي لها وحشه
سعود: جلس بالكنب الي مقابل لمشعل ابفهم الحين شي انت تحب وتحرص على هديل اكثر من اختك الي من امك وابوك هناء
مشعل: ايش جاب لجاب هذي هدوله غيرررررررر
سعود" بس ولو المفروض ماتفرق بين خواتك ولاتنسى ان هناء شقيقتك
مشعل: سعود قلتها شقيقتي يعني عندها شقيق واب وام موزي هديل الي كانها مقطوعه من شجره سعود انت تقول كذا لانك ماتعرف هديل بنت طيبه بماتحمله كلمة طيبه من معنى ملتزمه ماتحمل حقد لاحد تخيل على الي تسويه امي فيها مع ذلك ماعمرها ردت على امي الا ببتسامه وتسكت ماتخذ حقها ابوي الي مهملها تبره ويوميا تتصل عليه بس امي غالبا تصرفها عكس هناء الي مابقلبها حب الا لنفسها وبس
سعود: حط يده على كتف مشعل وقال الله يخليك لهديل ذخر ودخر يامشعل
مشعل: امين ياسعود تصدق انها لو مومتزوجه ورب البيت ماسافر واخليها عند امي امي الله يهديها تكرهها كره اعمى كله ليش علشان ابوي تزوج امها ابفهم ايش ذنب هديل مادري
سعود: الله يهدي امك ويسخرك لها
مشعل: مسك الخط لاتشغلني عن اختي الوووو هلا هدوله
هديل: كانت تذاكر وفجاه رن جوالها بانشودة مخصصتها هديل لاخوهاقامت بسره وشالت جوالها ولقت الشاشه تاشر باسم تاج راسي ردت بسرعه هلا وغلا عسى الدنيا ماتخلى منك ياغلى ناسي ياعزوتي انت
مشعل: بنفس مرحه بشويش علي يابنت ماتحمل كل هالمدح انا ههههههههههههه
هديل: فديتك بس وربي ولهانه عليك مووووووت
مشعل: وانا اكثر ها بشريني عن صحتك ودراستك
هديل: الحمد لله دراستي ماشي حالها بعد ماتركت ندى الدراسه احس الجامعه ملل وطفش يامشعل وصحتي ادع لي ربي يرزقني طفل افرح فيه انا وسلماني
مشعل: بالنسبه لدراستك وتركت ندى لجامعتك انتي تكلمين ندى مولازم تكون معاك وحملك الله يجيب خير ياختي لاتفكرين بالموضوع هذا كثير ياختي
هديل: تمسح دمعه طاحت من عينها وتذكرت خالتها على فكره ياخوي ترا خالتي وهناء عندنا اليوم
مشعل: ماشاءالله اجل جاينكم لجده اليوم
هديل: ايه اخذو عمره ومرونا قبل ماتباشر هناء لانهم خلاص راح يستقرون هنا حتى تنقل هناء
مشعل: حلو انا ان شاءالله اليوم راح اكلمهم انتي اخبارك مع زوجك
هديل: فديته مومقصر علي بشي وماكملت كلامها الي وسليمان يدخل عليها
سليمان: ايش فيني انا اكيد ندى
هديل: ارتبكت تخاف يتضايق انها تكلم وهو موجود بس اخوها ماتقدر تصده لا هذا اخوي مشعل
سليمان: عطيني اياه اكلمه قليل الخاتمه
مشعل: ليش قليل الخاتم هاه انا ووجهك ايش سويت ههههههههههه
سليمان: تكلم هدوله وماعمرك كلمتني
مشعل: وليه اكلمك اهم شي هدولتي تراك خال بالاسم بس لاتنسى اني اكبر منك بسنتين هههههههههه
سليمان: مالت عليك بس من ولد اخت
مشعل: واحذرك الله الله بعيوني الي معاك الي هي هدوله اينا واياك يجيها شي ترا اوريك نجوم الليل بعز الظهر
سليمان: لايكثر بس وانت تعرف انه هدوله بين عيوني مطبق عليها
هديل: هنا حمرت خدودها وابتسمت لزوجها ابتسامه كلها حب وحنان ونزلت راسها وطاحت الخصلات المترده على وجهها
سليمان: ذاب مع ابتسامتها وجمالها وقال مع السلامه تراك اشغلتنا ههههههههههههههه
مشعل: وجع ماسرعه سكر الدوب قبل مارد السلام
سعود" هههههههههههه تستاهل وانا بعد ابتصل على اهلي من زمان ماتصلت عليهم
في قــــــــــــصــــــــتر ابــــــــــــو ســــــــــــــــــ ع ــــــــــــــود
راحت ناديه لبيتها وكلهم رقو ينامون الا ندى وياسمين جالسات ياكلن شيبسات ويسولفون ويضحكون ياسمين ابروح لحمام الله يكرمك ندو واذا دق التلفون ردي اكيد ناديه لانها قالت اذا وصلت للبيت ابكلمكم ونامو عيالي ابكلمك انتي وندو ونسولف شوي
ندى: اوكي بس انتي لاتتاخري راحت ياسمين وشوي الا يد ق التلفون رفعته ندى وبكل نعومه هلا وسهلا يعني لسه مافقدناك هههههههههه
سعود: استغرب من نعومة والرقة هالصوت وجلس يناظر شاشته جواله يتاكد هو غلطان اولا
ندى: هيه وين لسانك لايكون بلعه القطو وانا مادري ههههههههههههههه
سعود: هنا زاد قهره من هالبنت واستغرب مين هذي الي ماخذها راحتها وتتدلع بعد مشكله ظن ان ندى تدلع بصوتها وماعرف ان ندى طبيعة صوتها ناعم سالها بصوته الخشن من انتي
ندى: اتفاجات بالرجال بس انقهرت قالت اكيدلعاب تو ساكت وانا امزح اظنه ناديه والحين يسال بعد ردت عليه بقوه, شين وقوة عين تكلمنا وتسالنا من احنا
سعود:انقهر من جراتها وردها ورص على سنونه انتي مين وتذكر لتوه ان بنت عمه ندى معاهم وهنا بغى يدخل يده مع السماعه ويخنقها ويريح عمره منها
ندى: موملزومه ارد عليك انا مين والحين اذا سكرت السماعه تعرف اجابتي طووووووووط
سعود: خلاص ولع ووصلت معاه جلس يعيد بالاتصال مره واثنين وثلاث وندى مطنشه وتكمل اكل الشيبس حقها
ياسمين: جات وشافت التلفون يرن وندوووش مطنشته قالت لها دوبه ليه ماتردي وانا موصيتك بعد
ندى: طنشيه واحد لعاب وجلست تفرفر بالقنوات وتكمل اكلها
ياسمين: ناظرت الكاشف وجع مولعاب هذا اخوي سعود
ندى: غصت وقالت ظنيته لعاب ردي عليه واعتذري لي منه فديتك
ياسمين: وهقتين معاه جد دوبه وشالت السماعه
سعود: كان مفول على الاخر وقال بصوت عالي الووووو
ياسمين: خافت منه وعرفت انه معصب على الاخر هلا سعود اخبارك اخوي ترا ندي
سعود: وينهها عطيني اياها
ياسمين: هدي الله يهديك ندى والله ماعرفتك
ندى: كانت تناظر ياسمين ومرتبكه شوي بس طبعها شخصيتها قويه ماتحب انها تظهر خوفها من احدلانها ماغلطت تظنه لعاب لانه ماعرف عن نفسه يعني حتى مغلط
سعود: ياسمين عطيني اياها
مشعل: ياشر لسعود بيده يعني هدي
سعود: ماكانه يشوف مشعل من الغضب وجهه محمر من هي نبت ابوها الي تسكر السماعه بوجهه لا بعد بنت اكره الناس له
ياسمين: سعود امسحها بوجهي الله يخليك
سعود : يااااااااااااااااااااااسمين
ندى: سمعت صراخه الي طلع من السماعه من قوتهوقامت بكل ثقه وقربت لياسمين وسحبت السماعه منها الظاهر المساله ماتحمل كل هذا ظنيتك لعاب وسكرت وانت مغلط لانك ماعلمت عن نفسك
سعود: زاد غضبه وقال اخر زمن تجي بنت حمد تعلمني الصح من الغلط
ندى: رصت على سنونها وقالت بنت حمد تاج راسك
سعود: تخسى تكون تاج راسي الا تحت رجولي ادوسها واعلمها الادب
ندى: خلاص هنا زاد غيظها منه ودها تخنقه من القهر ماعاش والي جابته امه الي يدوسني
سعود: ابشرك ان امه جابته وكبر وبصحه وعافيه وعايش علشان علشان يرجع ويدوسك تحت رجوله
ندى: الظاهر انك نسيت تحظر الدكتوراه بالادب وحسن تعامل مع الناس ياشاطر
سعود: اصلا من سمح لك تردين على تلفون بيتنا هذا اولا
ندى: هذا بيت عمي موبيتك هذا اولا
سعود: بيت عمك ياشاطره بيت ابوي ورب البيت بس ارجع لربيك يابنت حمد
ندى: ابوي وامي الله يرحمهم مربيني قبل جيتك وعمي الي يسواك مقدمني عليك يالي ماتعرف الادب وسكرت السماعه بوجهه ورقت فوق لغرفتها لانها ماتبغى تنهار قدام ياسمين كذا طبعها ماتحب تبكي قدام احد
سعود: خلاص هنا لوانها قدامه كان ذبحها سكرت السماعه بوجهه للمره الثانيه وعاد الاتصال
ياسمين: طارت عيونها بقوة بنت عمها وموقف سعود الي ماله داعي وهو الرجال الحكيم الي يعلم الناس الادب
ندى: راحت لغرفتها وسكرت الباب على نفسها ورمت نفسها على السرير وتمسك مفرش السرير وتجمع جزء منه بيدها من الكره وكل ماتنزل دمعه تمسحها بسرعه وتقول ماعاش تافه زيك ياسعود يبكيني وانا بنت ابوي
[طبع ندى شخصيتها قويه ماتحب تنزل دموعها او تضعف عند احد]
سعود:عاود الاتصال وهو بقمة عصبيته
ياسمين: كانت مره خايفه لانها تعرف ان سعود بقمة عصبيته
سعود: الو وينها الزفت الي ماتربت اعرفها الادب
ياسمين::تعوذ من ابليس سعود انت كبير وعاقل
مشعل : كان واقف عند راس سعود هدي ياسعود تعوذ من ابليس
سعود: خلاص عيونه كبيره ووجهه محمر من العصبيه شوفي اعرف انها جبانه مراح تكلمني بس قولي لها الوعد اذا جيت قسم لاربيها وانا سعود وسكر السماعه بقوه بدون مايقول لدلوعته ياسمين مع السلامه
مشعل: يهز راسه الله يهديك ياسعود طيب وحبوب بس اذا عصب يجيب العيد وهي الله يهديها راسها يابس مادري كيف هدوله تحبها سبحان من خلق وفرق والمشكله صديقات ليتها تعدي اختي علشان تاخذحقها شوي
سعود: الا هديل اختك تكرم عنها وانصحها تصادق بنات اخلاقهم طيبات مو زي هالاشكال الي ماتعرف التربيه
مشعل: هههههههههه خلاص سعود انت معصب ماختلفنا بس لاتسب البنت كذا وتظلمها باخلاقها بعد انت نرفزتها بكلامك
سعود: لا هذا طبع عمي الل وعياله كلهم مغرورين وشايفين انفسهم بس هذي زادت عن اختها بطولة اللسان بس قسم لاقطع لسانها قطع من حيني اكرهم لاعاد تصير اخلاقهم زفت لا وتعيش ببيتنا بعد
مشعل: جلس جنبه سعود وحط يده على كتف سعود اسمعني ياخوي لاتنسى انها يتيمه ومالها احد بهالدنيا غيركم انتم عصبتها لاتعذبونها وتغربولنها صدقني حالها يرحم
سعود: التفت عليه الي يسمعك تتكلم يقول يتكلم عن بنت كتوته عمرها 5 سنين ومؤدبه وضعيفه وترحم هذي بنت بالجامعه ولسانها اكبر منها بخمسين سنه
مشعل: هههههههههههه يازينك ياسعود اذا عصبت ههههههههههه
سعود: يازينك بعد وانت ساكت احر ماعندي ابرد ماعندك
مشعل: هونها تهون وانا اخوك هذي توها مراهقه لاتواخذها وجارها على قدر عقلها
سعود: اخليها تذلني واجاريها بس مابقى لي الا شهر الله ينهيه بخير وتشوف وقام وهو معصب ودخل غرفته وسكر الباب بقوه وجلس على سريره وقال وين تروحين من انتقامي يازفت يالي اسمك بنت عمي كيف غثاهم ومشاكلهم ماراح تفكني طول عمري بس خلاص موانا سعود الضعيف انا سعود القوي وانتي الذليله الكسيره بيتنا ان ماخليت عزتك ذله ماكون سعود
ياسمين: رقت ودقت الباب على ندى وهي متاكده ان ندى ذابحه نفسها من البكى وماراح تفتح لها بس قالت مستجيل اخليها لازم اواسيها
ندى: فتحت الباب وهي ماسكه الروج بيد وتغني وكاشخه
ياسمين: فتحت عيونها تناظر بندى
ندى: تاشر بيدها هي سم الله عليك ايش فيكي سكري فمك يالحلوه لايدخلها ذبانه ههههههههههه
ياسمين: ضمت ندى وتقول فديتك ندو الله يديم عليك السعاده قلبي
ندى: ضمتها وهي تخفي حزنها وتقول وياك قلبي بس بسرعه تداركت الوضع علشان ماتحس ياسمين بحزنها يالله يالدوبا ابغير ملابسي وانام ورانا جامعه بكره
ياسمين: تمسح دموعها ايوه الحين ابجري واندعس بفراشي ههههههههههه
ندى: سكرت الباب وتسندت عليه ودموعها تسيح على عيونها وتقول أي سعاده ياياسمين وانا وحيده وبعيده ومادري ايش ينتظرني بحياتي وهالعله الي طلع لي موكافي اخته وامه الي غاثيني والا اخوه الي اذا شافني نظراته تجيب لي الاشمئزاز والخوف منه استغفرالله صايع مارتاح له جلست على سريرها تقول مسكين عمي ماجاه على طيبته واخلاقه الا ناديه وياسمين
اختكم ومحبتكم......>>>>
[[[ هــــــــــــــــ ؛ ـــــــــ م ـــــــ؛ــــــــــــس]]]

---لجزء الــــــــــــــــســــــــــــــادس--- ا

في جامعة ســــــــ ع ـــــــــــود


سعود كان لابس تي شي رصاصي وفوقها جاكيت اسود وبنطلون اسود ومسرح شعره الي موقصير ولاطويل بس اسود وناعم وكثير مسرحه على واكان يمشي مستعجل توه منتهي من امتحانه ومبسوط منه بس كان تعبان يبي يروح لشقته لان الماده كانت صعبه وكان سهران
شهد: لو سمحت سعود دقيقه
سعود: وقف بس مايحب يركز بالبنات فلهذا كان يناظر الي قدامه ويتلفت يمين ويسارهلا شهد امريني
شهد: استحت وحمرت اخدودها أي كلمه من حبيبها سعود تهزها هزمايامر عليك ظالم بس انا مسويه بارت حلو بمناسبة تخرجنا ابغاك تحضره لو سمحت وهذي بطاقة الدعوه
سعود: مشكوره شهد بس اناااا
شهد: ارجوك سعود انسى كرهك لي شوي واحضر
سعود: نسى نفسه والتفت لها وعقد حواجبه وقالها من قالك اني اكرهك شهد
شهد: نزلت راسها بحزن وقالت تصرفاتك تقول صدودك عني تقول بلعت عبرتها ورفعت عيونها تبغى دموعها تروح سعود انا كل ماتقرب منك شبر تبعد عني ذراع
سعود: دق قلبه طبول وارتبك لانه خاف ان شهد تصرح له بحبها وهذا مايبغاه ابدا لانه مايبغى يفشلها ويكسر بخاطره شهد ورب البيت اني ماكرهك وتاكدي ان قلبي يحمل لك كل معزه واحترام
شهد: رفعت عيونها وبغت تطير من الفرحه قالت صحيح سعود
سعود: لام شاف فرحتها تدارك نفسه وقال وربي اعزك معزت خواتي واخاف عليك زيهن
شهد: تغير وجهها وقالت مشكور وماتقصر بس لاتنسى موعدنا ارجوك
سعود: ابتسم وقال ان شاءالله ولايهمك واسمحي لي الحين ميت من السهر والتعب كرفنا كرفك هههههههههههه
شهد: نست صدمتها من كلامه انها زي اخته وذابت لابتسامته وضحكت بوجهه وتناظره وهو يمشي معطيها ظهره متجه لسيارته وتناظر جسمه العريض المتناسق مع طوله كشخته ورزته وتنهدت وقالت احبك ياسعود احببببببببببك
سعود: ركب بسيارته ويتذكر شهد ونظراتها قال حاس فيكي ياشهد بس ياليت هذا يذوب جليده ويحبك ياليت ويطق على صدره هز براسه وقال الله يسامح من صدمه وجمده الله يعين بس
[في قصر ام فيصل عمة هديل بس قبل اعلمكم عنهاهي وفيصلام فيصل ماجابت الا فيصل واخته نادين الي كبر هديل لام كبرت نادين وصارت باول ثانوي توفيت هي وابوها بحادث وزجها كان من اغنياءالرياض طبعا مابقى لها الا ولدها وحيدها وقرة عينها فيصل تزوج فصل من ريم بس ريم تكره امه كره اعمى غرها دلال فيصل لها مع ا ن ام فيصل مره طيبه وحبوبه طبعا ام فيصل ماتحب المشاكل لهذا مخليتهم براحتهم وهم ساكنين ببيت لحالهم بس مسويه الدور الثاني كله لفيصل وزوجته وبنته تولين ورولين على امل تحن ريم يوم وتجي تسكن معها بدال سكناها بالقصر لحالها هي والخدم طبعا فيصل كبير عمره 35 وصديق حميم لسعود ومشعل ويتمنى ان ريم تحن على امه وتعيش معاها او تعاملها باحترام وتقدير بس امه دايم تهديه وتقول خلها براحتها طبعا ام فيصل تحب هديل مره لانها كبر بنتها نادين وفرق كبير بين نادين وفصيل لان العمه كان صعب يثبت لها جنين اذا وصلت الخامس ماتو واخيرا حملت بنادين وفرحت فيها بس ماتت بحادث بس العمه كان ايمانها بربها قوي وعرفت ا نالي جاها هو امتحان من ربها
فيصل : دخل قصر امه واخذ الخدم منه سيارته ووقفوها في المواقف طبعا فيصل هو الي يدير املاكه واملاك امه
العمه: جالسه عند قناة المجد العلميه وكانت تتقهوى
فيصل: السلام عليكم ياحلى ام في الدنيا وباسها مع راسها
امه: وعليكم السلام ورحمة الله وبركاته هلا والله وغلا بجمارة قلبي اخبارك ياوليدي واخبار زوجتك وبناتك
فيصل: الحمد لله يمه ماعندهم خلاف انتي بشرينا عنك وايش مسويه
امه: ابد ياوليدي بس توني مسكره السماعه من بنيتي هدوله
فيصل: يالهدوله الي تبي تسحب مني البساط فرحان اني دلوعة امي وتجي هذي تنافسي عليها
امه: هههههههههه الله ياخذ ابليسك تراها غلاها من غلا نادين الي يشفع فيها
فيصل
يبوس امه مع راسها عارف يمه وانا اعتبرها مثل اختي واخبرها هي وقرونها اول لام تجي عندنا ههههههههههههه
امه : ههههههههه ايه زمان اول الله مستعان لام كانت عند اميمتي تدللها وتهتم فيها
فيصل: بس الحمد لله عوضها الله بزوجها سليمان احسه ابن حلال وطيب
امه: فيصل الرجال ابن حلال بس قلبي مومرتاح مادري ليه هديل اذا كلمتني احس فيه شي منكد عليها فيصل انا اخاف عليها هديل شافت شي كثير ماشفوه غيرها تبهذلت وتزوجت وهي صغيره بس الله يستر عليها ويسعدها يارب
فيصل: ماهنا الا كل خير ياميمتي وريحي بالك ولاتشغلين نفسك يالله يمه توصيني على شي
امه: مابي الا سلامتك وانا امك ولاتنسى تجيب بناتك معك
فيصل: ان شاءالله اصلا بكره اربعاء وابخليهم يجون وينامون عندك الى الجمعه المدام ودها تروح لشالهاتنا الي بالشرقيه
امه: الله يسعدكم ياوليدي اهم شي جيبو بنياتي وانتم الله يسعدكم
فيصل: الله لايحرمنا منك يمه
طلع فيصل وترفع امه يدينها للسماء يارب انك ترده لي مردا جميلا وانام واقوم وهو وبناته حولي يارب اني مااموت الي لام اشوفه عايش معاي ياكل ويشرب وينام عندي يارب هذا وحيدي وقرة عيني لاتحرمني منه واسعده يارب وتنزل دموعها وتمسحها
[في بيت ام مشعل تكلم بالتلفون ورد عليها سليمان
ام مشعل: هلا وغلا باخوي
سليمان: هلا وغلا بام مشعل ايش اخبارك واخبار هناء ودوامها
ام مشعل : سكنا في جده علشان داومها والحمد لله مبسوطه مره بس تعرف سليمان الي زاد انبساطها ايش
سليمان : ايش
ام مشعل: بكل خبث ان سارة معاها بالشغل
سليمان: ارتبك وقال سارة أي سارة
ام مشعل تكمل خبثها: نسينا حبية القلب سارة
سليمان: يحاول يخفي ارتباكه ودقات قلبه المتسارعه من ذكرى سارة أي حبية قلب الله يسعدها مع زوجها وانا مع هديل
ام مشعل: ايش زوجها مسكينة انفصلت عنه صار رجال مايستاهلها وحملت منه وضربها ضرب وسقطت جنينها وانفصلت عنه
سليمان: عصب لام عرف ان حبيبة قلبه احد مد يده عليها قال وربي تافه لو قدامي حلال ادفنه بالتراب
ام مشعل: ماتت من الفرحه لام حست بحماس اخوهاوعرفت ان مخططها لتدمير سعادة المسكينه هديل نجح
سليمان: تدارك عمره وقال عموما الله يعوضها خير منه
ام مشعل: وليش مايكون انت الي تعوضها
سليمان: اقول شكلك خبطتي
ام مشعل: وليه خبطت
سليمان: اتزوج على هديل
ام مشعل: وليه لا حلال محلله الله لك ولاتنسى انها ماجابت لك ظنى يفرحك ويشل اسمك انا ماقلت طلقها خلها بالحفظ والصون بس الشرع محلل لك اربع والا انت ناسي
سليمان: خلاص لايكثر انا مشغول مع السلامه
ام مشعل الله يسلمك ويسعدك ياخوي وسكرت وهي متشققه من الفرح ان مانكدت عليك وجبت لك جاره وخليتك تذوقي الحزن الي ذقته من فقد زوجي مثل ماذوقتني امك حر الجاره ماكون انا بنت ابوي ياهديل يابنت نوال
[في قصر ابو ســــــــــ ع ــــــــــــــودجالسين يتقهون كل العايله
ابو سعود: اليوم كلمني سعود وقالي الشهر الجاي بعد الامتحانات راح يجي ان شاءالله
ندى: كانت تشرب قهوتها وشرقت فيها
ياسمين: سم الله عليك حاسبي
نسرين: يوه وربي مشتاقين لسعودي شوق خيال وهي تناظر بندى بطرف عينها
ياسمين: ايوه وربي وحشني حيل
ام مشعل: البيت ماينفع بدونه
ابو سعود: اكيد الله يرده لنا رجال وكفو موزي الصايع ماجد الي ما يجلس بالبيت سهرات وسفرات الله يخلف علي بس
ام سعود: وليدي ماقصر معنا بس يحب يرفه نفسه بعد الجامعه
ابو سعود: أي جامعه الي كم سنه وهو مافلح فيها واخرتها يفصلونه ويدرس من كيسنا
ام سعود: وتبخل على ولدك يابو سعود
ابو سعود: ثمني كلامك زين يامره مو انا الي ابخل على عيالي
ام سعود: حقك علي يابو سعود
ابو سعود: حصل خير[ قالها بشينة نفس]
ندى: ماكانت معاهم سارحه بالعله الي يبي يرجع ويجلس على قلبها رفعت راسها لعمها عمي تسمح لي بالاجازه اروح لي كم يوم عند اختي وخالي اشتقت لهم حيل
عمها: اكيد وانا عمك وبكره راح احجز لنا طياره اوديك لهم
ندى: مايحتاج تكلف على نفسك ياعمي احجز لي وان اروح واختي ونايف يستقبلوني بالمطار
عمها: افا عليكي ياندى انا الي اوديكي واسلمك بنفسي لهم وانا الي راح ارجعك
ام سعود: بس سعود يجي وماتستقبله ولاتكون فيه
ابو سعود: اودي ندى قبل بيوم من جيت سعود
ندى: حست من نظرات زوجة عمها انها مقهوره لانها راح تشغل زوجها عن ولدها سعود قالت عمي مايحتاج انك
عمها: رفع ايده قال خلاص ندى النقاش بالموضوع هذا انتهى يالله تصبحون على خير
الجميع وانت من اهل الخير
نسرين: التفت على ندى يعني لازم تزعجين بابا معاك يعني وماتتخلينه يتهنى بولده
ياسمين:وهي ايش قالت طلبت من بابا بس هو رفض
نسرين: يعني الى هالدرجه غيرانه ان شملنا راح يلتم وتبين تحسدينا علشان ماعندك اهل
ياسمين: بنت وربي لاعلم بابا عليك
ندى: قامت قالت لاتعلمين عمي ولاشي كلامها ماعمره هز فيني شعره يالله تصبحون على خير
ياسمين: لام شافت ندى رقت قالت يعني عجبك تجرحيها كذا وانتي ياماما ليه ساكته عن بنتك
امها: لان بنتي ماقالت غير الصواب والا ماختارت تسافر الا بالوقت الي يرجع فيه سعود وانتتي لادافعين عنها وتتحمسين كذا تراها معاها لسان ياكل مدينه
ندى: دخلت غرفتها وجلست على سريرها وضمت رجولها وحطت راسها بين رجولها الجلسه الي تلازمها كل ليله وكالعاده تحاول تمتنع تنزول دموعها بس جواها كان يحترق نار تسيل على خدها وتقول الى متى وانا اظهر اني قويه وهم يطعنون فيني بسكاكينهم الى متى حالي يظل كذا اجلس برحمتهم يارب فرجها لي متى بس يجي اليوم الي تنقذني فيه ياسامي من العذاب والاهانات الي انا فيه لي يارب وجلست ترثي حالها كالعاده مايعرف فيها الا ربها


مع تحيات محبتكم [[[هـــــــــــ؛ـــــــــــ م ــــــــــ؛ــــــــــس]]]

---الـــــــــــجــــــــــزء الـــــــســــــــــابــــع ---


في الجامعه وبعد 3 اسابيع من الاحداث
اليوم شهاداتهم طلعت وطبعا سعود الاول عليهم مع مرتبة الشرف وصارمهندس بمعنى الكلمه وطبعا مشعل نحج بتقدير جيد جدا وشهد جيد وهاله جيد جدا مرتفع
مشعل: مبروك يالدافور
سعود: هههههههههه الله يبارك فيك من جد وجد ومن غرس حصد
شهد: بكل حياء وهي فرحانه بان سعود طلع الاول وتشوف فرحته بعيونها ماهما نفسها من جد سعود اجتهد ويستاهل
هاله: ياعيني بس
مشعل : لنا الله
هاله ومشعل: هههههههههههههههه
شهد: ولعت خدودها حمراء ونزلت راسها وابتسمت ابتسامه صغيره وخجوله
سعود: ارتبك وحاول يصرف يالله على اذنكم شباب
مشعل: وين يابو الشباب
سعود: تعرف مابقى غير اسبوع ونرجع لديارنا ااااااااه بس كم انا مشتتتتتتتتتاق لبلادي
مشعل: حلو كم انا مشتاق ابوك ياللغه العربيه
الجميع: ههههههههههههههههه
شهد: طيب لاتنسون البارت بكره بالليل ارجوكم ترا ماراح اسامح ولا واحد منكم يتخلف عنه
وهي عيونها معلقه بسعود
مشعل: التفت على سعود سمعت لاتنسى يعني نروح سوا رجلي على رجلك علشان اضمن جيته شهد
شهد: يكون احسن بعد ههههههههههه
هاله: يعني لو ماجاء احنا نبي نقوم بالواجب ومشعلوه قدها وقدود هههههههههه
مشعل: احم احم بس شكلنا مو مالين العين
هاله ومشعل هههههههههههههههه
شهد: لا والله كلكم خير وبركه بس يظل سعود نور حفلتنا
هاله ومشعل: ياعيني بس ههههههههههههههه
سعود: وده يخنق هالاثنين الي يستخفون دمهم على حسابه مشكوره شهد والجميع فيهم خير وبركه يالله على اذنكم
شهد: بضيقة اذنك معاك
هاله: لام راح سعود انا نفسي افهم على ايش شايف حاله
شهد: نزلت راسها وبلعت عبرتها
مشعل: لاتظلمينه هاله عمر سعود ماشاف نفسه طول عمره رجال كفو وحنون بس الناس عندها اسرار وظروف
هاله: أي ظروف وهو يتكبر على وحده تموت بالارض الي يمشي عليها فيه احد يحصل له تحبه شهد بنت سلطان ويتركها
مشعل: حب يمزح ويلطف الجو ليه تصير بنت سلطان عمياء وتحب واحد معقد زي سعود وقدامها غزال زي مشعل ههههههههههههههه
شهد: اخيرا ضحكت قالت والنعم فيك مشعل
مشعل: الله ينعم بحالك يالله استرخص انا الحين
هاله وشهد: الله يساعدك
شهد: قد ايش حبوب وطيوب هالمشعل ليته يعطي شوي من نفسيته ومراحته لسعود
هاله: الله يعينك على حب هالبليد الي اسمه سعود
شهد: يجنن يهبل ياهاله واذا ضحك زي اليوم وانبسط اروح فيها انا
هاله: مااقول الا الله يشفيك من مرضك بس يالله مشينا نجهز لحفلتك الي غثيتينا فيها
شهد: مشينا يالدوبا
في حفلة شــــــــــــ هـ ــــــــد
اليوم حفلة تخرج شهد الي سوته في افخم فندق وكانت كاشخه على الاخر لابسه فستان احمرومطقمه معاه شال احمرحطته حجاب على راسها بس كان مشكوك ومزخرف ومطلعه شوي من شعرها كتسريحه بسطه ومسطعه مكياجها
هاله: بسم الله عليك الله يحرسك من العين الف مبروك وهذي هديتك
شهد: الله يبارك فيك وانتي الف مبروك تخرج
هاله: اتوقع سعود تبي تنكسر كل حصونه الي واضعها ضد حب البنات
شهد: ربنا يسمع منك بس ههههههههههه
شوي والا سعود ومشعل جايين
سعود: كان كاشخه بالبدله الرسميه وطالع جنان وهو مايحب يحضر زي هالاحتفالات لانها فيها اختلاط ماله داعي موزي الجامعه يعتبره للضروره علشانه راح يدرس بس خاف انه يجرح شهد اكثر وجاء
هاله: شهد شهوده طالعي جاء فارس احلامك
شهد: كانت لاهيه بالتسليم على الضيوف بس فز قلبها لام سمعت كلام صديقتها التفت شافت سعود هو مشعل بس سعود بارز بطوله وعرضه وجماله عن مشعل واناقته باللبس
هاله: يالله مشينا لهم
شهد: احس اني مرتبكه رجولي ماتشيلني
هاله: ماقلنا تعالي نزفك ليه قلنا تعالي نسلم عليه مشينا وتجرها مع يدها
مشعل وسعود شافوهم وهم جايات لهم مشعل ابتسم بس سعود ماوضحت عليه أي ابتسامه بالعكس تغير وجهه ومثل العاده صار يناظر يمين ويسار علشان مايركز فيهم
شهد: هلا والله وغلا حياكم
مشعل: هلا فيك زود والله يحيك
شهد استغربت من تطنيش سعود لها ومارد عليها وانقهرت مره منه بس بلعت غيضها قالت تفضلو
راحو سعود ومشعل وجلسو على احد الطاولات
هاله: انا استغرب ايش شايفه بالمغرور هذا شفتي كيف سوا
شهد: ايوه ولاحتى ابتسامه ولا رد السلام ابد اوف احس اني طفشت
هاله: طنشيه بس وانبسطي بحفلتك قسم خساره الحب في واحد مغرور زيه
شهد: وانتي الصادقه مشينا للبنات هناك
على طاولة مشعل وسعود
مشعل: الحين ماتقولي توك بالسياره تعلق وش حليلك ليه لام جينا هنا مديت بوزك
سعود: تعرف طبعي ماحب هالحفلات وعلى فكره ماراح اطول اكثر من نص ساعه
مشعل: سعود كلمني زين ليه لام شفت شهد تغير وانقلب مزاجك ياخي اقرا على نفسك شكل واحد طاخك بعينه لانك فزت بقلبها ههههههههههه
سعود: لا طخني ولا يحزنون البنت ماشيل بقلبي لها الا كل معزه واحترام
مشعل: طيب ليه لام شفتها تغير مزاجك 180 درجه
سعود: بالله عليك شفت لبسها وحجابها الي تحول زينه اكثر من ماهو ساتر بالله عليك هذا لبس انسانه محجبه
مشعل: اهم شي انها تحجبت وبس
سعود : عمر الحجاب ماكان كذا هي بتصرفها تسيء لسمعة المتحجبات قلت لك يامشعل شهد مالبست الحجاب باقتناع لبسته لارضاء احد ونست رضاء الواحد الاحد والا شف حجاب هاله ولبسها وسترها عمره ماتغير لابحفله ولابغيره
مشعل: ونعم بالله الواحد الاحد بس هدي نفسك والمساله ماتحمل كل كذا مشكلتك سعود طيب بس عصبي وتعامل مع المسائل بعصبيه ياخوك الشي يجي باللين والهداوه عمر امورنا ماتنحل بالعصبيه ماعداك فصولي كيف يحل المشاكل
سعود: هين فيصل بالع ثلج وحاط اعصابه بفريزر اشتقت له الدوب
شوي ينتبهون على صوت ضحك نسائي وبدلع
التفتو لقو شهد تضحك مع شاب وسيم للغايه وواضح عليه الثراء
[غبيه عماها قهرها منه وسوت هالحركه علشان تخليه يغار هليخا تبي تطحلها اعمتها]
سعود: هز راسه بعصبيه وقال استغفرالله بس
مشعل: سعود لايكون بديت تحب شهوده وتغار عليها
سعود: ياليتك تسكت بس قال حبيتها قال اقول لاترفع ضغطي بس
مشعل: والله ماندري هههههههههههههههه
شهد: قربت منهم قالت ممكن تجون تسلمون على بابي
مشعل : بكل سرور مشينا سعود
سعود: قام وماطالعها متقزز من تصرفها وصوت ضحكها يرن باذنه
شهد: انقهرت منه وهي ماسوت كذا الى علشان تشوف هو يغار عليها او لا
سلطان ابو شهد: سلم عليهم بس اعجب بشخصية سعود ورزته وبعد التعرف والسلام
سعود: انا استاذنكم الحين
شهد: تفاجات وتناظر فيه مقهوره ماتبغاه يطلع بالسرعه هذي
سلطان: افا وانا عمك والعشاء
سعود: عساه دايم وعامر ياعمي بس وربي مشغول الى راسي بس جيت تلبية لرغبة شهد ومن غلاها والل شهد: بغت تطير من الفرحه لام سمعته يقول غلاها وولعت خدودها نار
قالت ليتك تتكلم من قلبك سعود وليت هالغلا ينقلب لحب بيوم ليتني افوز بقلبك مستعده ادفع اموال العالم بس افوز بقلبك ياسعود يامعذبني بحبك
سلطان: الله يغليك ويخليك مابي اقيدك وانا عمك
سعود: ارتاح وافتك يالله مع السلامه
الجميع الله يسلمك
سعود: كان ماشي بسرعه ومانتبه ان فيه احد يلاحقه لام وصل للحديقه الا صوت انثى تناديه سعود
التفت الا ويشوف شهد جايه مسرعه له لام قربت الا وريحة عطرعا الفواحه عقد حواجبه ورد خير شهد
شهد: كانت معصبه انا ممكن افهم ليه انت شايف حالك
سعود: انا شايف حالي
شهد: تهز براسها وهي بقمة عصبيتها ايوه شايف حالك وماعمري شفت انسان مغرور زيك
سعود: كان ماسك نفسه مايبغى يعصب عليها وليه ياآنسه انا شايف حالي ايس سويت
شهد: ايش ماسويت ياباش مهندس ان كنت تفوقت علينا هذا لايعني تشوف حالك لاتنسى انا بنت مين
سعود: لا مانسيت بس لاتنسين يانسه قول الشاعر :
لاتقل اصلي وفصلي ابدا
انما اصل الفتى ماقد حصل
شهد: يعني تذلني ياسعود علشاني جبت معدل منخفض
سعود: عقد حواجبه ماذليتك ولاشي بس انتي تذلينا باصلك وبعز ابوكي حبيت ا ذكرك بس بعدين ليه انتي معصبه كذا هذا حقي وانا موجبك مع اني ماحب الحفلات والخرابيط هذي
شهد: تعتبرجيتك هذي انك قمت بواجبي ووجبتني لا كان اعتذرت وريحة عمرك
سعود: لاحووووول مايعرف لك لو انا ماحضرت كان قلتي ليه تكرهني وليه ماليه بعدين علشان تكوني بالصوره اناماكرهك ياشهد وعمري ماكرهتك بس اكره تبرجك الزايد ماكاننا مسلمين وربي امرنا بالحجاب وضحكاتك مع الشباب وحركاتك أي مالها داعي
شهد: عيونها اغرقت بالدموع حرام عليك سعود انا لبست الحجاب علشان ارضيك وتقولي كذا وضحكت كذا علشان الفت نظرك لي سعود وبد ت دموعها تسيل على خدها
سعود: هذا اكبر غلط ياشهد ترضين العبد وتخلين رب العبديعني لبسك الليله بالله عليك تسمينه حجاب
شهد: ايش فيه لبسي بعد
سعود:ريحة عطرك الي تمشي قبلك ومكياجك الصارخك وفستانك الضيق وشالك المنقوش المزخرف تسمين هذا حجاب بالله عليكي
شهد: احترت فيك سعود مادري كيف ارضيك
سعود : نصيحه لاتحتارين فيني ارضي ربك خالقك يرضى عليك الخلق
وبعدين عمر تصرفك ماراح يلفت نظري بالعكس شهد انا اكره البنات الي تصرفاتهن كذا
على اذنك شهد ومشى شوي
شهد: حرام عليك تعذبني سعود انا احبك تعرف كيف احبك متى تفهم متى وجلست على الكرسي تبكي
سعود: وقف شوي وهو مخلي ظهره لها بس التفت ورجع لها ووقف عندها
شهد ناظريني
شهد: كانت جالسه تبكي واحطه يدينها على وجهها وطنشته ماردت عليه
سعود: ارجوك شهد ناظريني ابكلمك قالها وكه حنا موزي اسولبه الدفش بالعاده
شهد: رفت راسها وكحلها ساح مع دموعها
سعود:يذ ياشهدصدقيني تمنيت انه يذوب هالجليد ويحبك ويخلص لك وربي مامتنيته يذوب الا لكل انك انتي الي تستاهليه بس للاسف ماتحرك ولاذاب سامحيني شهد سامحيني قسم ماقدرت عليه الجليد الي على قلبي قوي لانه تراكم مع السنين وراح وخلاها بين دموعها
فـــــــــــي جــــــــــــــده
طبعاسليمان بعد مكالمة اخته عن ساره وهو كان بس يفكر بحبية قلبه ساره لانه كان يحبها بجنون بس كل ماشاف جمال هديل وحبابة هديل معاه قال مستحيل اجرحها يكفي ماجاها من جراح بس ام مشعل كانت اذكى ولام شافت ان اخوها طنشها قالت عارفه ان البعيد عن العين بعيد عن القلب وخططت ان ساره تركب مع هناء وتخلي سليمان يوصلهم وتعذرت ان مافيه احد يجيب هناء من دوامها
سليمان جالس بسيارته وركبت معاه هناء
هناء: لو سمحت ياخال ممكن طلب
سليمان: ايش اطلبي
هناء: وربي مستحيه منك بس ساره لوحدها ومافيه احد يوصلها ممكن
سليمان: ارتبك بس بدا قلبه يدق الطبول من الفرحه ومن الخوف انه يرجع حبها ويجرح زوجته هديل خلاص هناء ناديها
هناء: من تحت نقابها بغت تنقز من الفرح لانها لاحظت عليه الشوق طبعا خطت امها نجحت لو شوي
طلعت ساره وكان جسمها مليان شوي وركبت بس ريحة عطرها تسبقها طبعا ماقصرت العبايه مخصره على الجسم موزي هديل ملتزمه وتلبس قفارزها بس طبعا لاتقارن جمال هديل بساره بس ساره فنانة مكيا ج والا موجميله بحد ذاتها
سليمان: خلاص هنا ضاعت علومه وبدا قلبه يدق طبول
ساره: السلام عليكم
سليمان: سمع الصوت الرخيم الي يحب دلعه وتميعه وبلع ريقه وعليكم السلام
ساره: كيف الحال سليمان
سليمان: رفع عيونه للمرايه وشاف عيونها لانها ماقصرت فاتحه نقاباها ومكيجه عيونها بانواع المكياج وشاف نظرات الوله والعشق الي رجعته لعشر سنسن ورا لام كانو يحبون بعض
رد عليها بخير يا ااااا ساره قالها بتلعثم وان تكيفك
ساره: نزلت عيونها بتمثيل متقن علشان تستعطفه ان شاءالله اني بخير
سليمان: تقطع قلبه وتذكر رسايلها زمان لام عرفت انه ابوه قرر يزوجه لهديل وكاتبه مستحيل اكون بخير وانت بعيد عني والسعاده ماراح تجيني واحنا مولبعض
هناء: طبعا تشوف المشهد وهي مبسوطه مررررررررررره وعرفت ان امها داهيه بالافكار
طبعا وصلوها لبيتها وسليمان كان يتمنى ان بيت اهل ساره ابعد علشان يناظر فيها اكثر ويشبع عيونه منها طبعا لانه كان طول الطريق يناظرها ونسى ان الله امره بغض البصر
نزل لبيتهم بعد مانزل هناء ومر من عند اهله وزوجته وهم يحطون غداء وكان مهموم والافكار ذابحته بين حبه لساره وبين رحمته لهديل كيف يجرحها وهي ماقصرت معاه وضحت معاه وباعت ذهبها لام كان مديون علشان يسدد دينه لها مواقف كبيره وعظيمه معاه
امه: وين سليمان مو متغدي معانا
سليمان: لا والله يالغاليه مالي نفس على اذنكم
هديل: ضاق صدرها لام شافت حال زوجها كذا قالت على اذنكم
ابو سليمان: وين بعد انتي مومتغديه معانا
هديل: عمي ابروح اشوف سليمان انتم تغدو ان رضي تغدينا سوا والا انا فاطره بالجامعه الخير كثير
ابوه: خذي راحتك يابنيتي والله يهني زوجك فيك
امه: آآآآمين لان امه عارفه ان اخته تخطط على ساره لان ام مشعل قالت لها بس امه هاوشتها وقالت اصحي يالولوه تهدمين بيت ولدي وزجته بس عارفه ان لولوخ اذا حطت شي ببالها تنفذه
في غرفة سليمان
سليمان كان جالس على السرير وسرحان وصورة وصوت وعطر ساره مافارقته
هديل: راحت تغير ملابسها بغرفة الملابس وكبت من العطر وفكت شعرها وجلست جنبه وحركت يديها قدام عينه الي اخذ عقلك يتهنى فيه ههههههههه [ مسكينه هدوله ماتعرف ان حبيبها وزوجها فعلا فيه وحده غيرها اخذه عقله]
سليمان: ناظر لها وسرح بجاملها وبرآآآئتها الي تذبحه وابتسم لها شوي وصد عنها وسكت
هديل: حطت يدها على كتفه حبيبي ايش فيك فيه شي مضايقك في عملك
سليمان: لا الحمد لله
هديل: محتاج فلوس تراني توني آخذه مكافئت الجامعه 3 شهور اقوم اجيبها لك
سليمان: مسكها مع ايدها قال لا الخير كثير الحمد لله
هديل: وجعها قلبها قالت معقوله يفكر بالولد وليه لا انا لي خمس سنين وماحملت سالته اجل ايش فيك حبيبي
سليمان: ممكن هديل تسكرين الباب والنور ابنام احس اني مصدع وانقلب على جنبه وعطاها ظهره
هديل: جرحتها حركته لانه ماعبرها ولا شاركها بحزنه وهي الي تركت غداها وهي ميته جوع موزي ماقالت لعمها بس علشانه قالت من عيوني حبيبي قربت له وباسته عند اذنه وقالت حبيي لاتشغل بالك بشي ترا الدنيا ماتستاهل
سليمان: هديل ا بنام لو سمحتي
هديل: بعلت غصتها وقامت وسكرت الباب والنور ونامت بعيده عنه بس من وين يجيها النوم وهي قلبها قارصها منه خايفه انه يفكر بالعيال

---اختكم هموووووووووووووسه---

---الـــــــــــــــــ ج ـــــــــــــزء الـــــــــــــــثــــــــامن---


فـــي بـــيــت ام مـــشــ ع ـــل

هناء: دخل على امها وبشرتهاعن ردة فعل خالها
ام مشعل: طارت من الفرحه بالخبروقالت خلاص سليمان مع المده راح يلين مهما عارضت امه بس اعرف سليمان اذا صمم على شي ينفذه
هناء: دقيقه يمه ابروح اكلم سارة ودقت على سارة
سارة: بدلع الو
هناء: هلا سارة
سارة: هلافيك وهي مالها خلقها بس تجاملها علشان تحصل على سليمان حبيبها السابق بس
هناء: شفتي خالي كيف خق معكي
سارة: ايوه قسم واحشني موووووووووت
هناء: يالله ورينا شطارتك علشان ترجعينه ليكي ترا زوجته العقربه ماقصرت عرفت كيف تجذبه وتخليه مايشوف غيرها
سارة: ان مارجعته لي وخليته يشوتهاماكون انا ساره ماسامحها لام تتمسكن حتى خطفته مني
هناء: هي عقرب تتمسكن وتلدغ وتظهر الطيبه وهي انجس ماخلق ربي
في غرفة سليمان
سليمان: عجز ينام بس كان يتقلب بفراشه ويفكر بحبيته وزوجته لف ولقى هديل نايمه جلس يطالع فيها كانت وهي نايمه وشعرها الاشقر طايح على نص وجهها كلها برائه ونعومه رحمها قال ليه اجرحها عمرها مازعلتني بشي كانت دايم تسهر علشان راحتي هديل تعذبت كثير مع اختي ومعاي اول زواجي حتى الحين ماعطيتها من الحب والدلال كثر ماعطتني بس ليه ماحس اني احبها مره صح ارحمها بس ماحبها معقوله حب ساره معميني والا شخصية هديل الضعيفه ماخلتني اتعلق فيها ااااااااااه ياسارة ليه رجعتي بعد هالعمر وقلبتي المواجع الله يسامحك يا يبه ليتك ماجبرتني على هديل وابعدتني عن حبيبتي سارة احس اني محتار مره
طبعا جت الاجازه النصفيه وطلعت شهاداتهم هديل وندى نجحو بتفوق طبعا سليمان بارك لهديل بس كالعاده مافيه هديه ولاشي ندى جاب لها عمها هديه غاليه غاصت بهدومها من جمايله عليها الي غرقتها واليوم سافرت هي وعمها لجده نزلها بيت خالها وسلمها له وقال ماوصيك على بنتي ونور عيني ندى قال خالها افا عليك يابو سعود ندى جو عيونا ندى خلاص خنقتها العبره ولام جاء يطلع عمها ركضت له وضمته قالت الله لايحرمني منك يا عمي والله يقدرني ارد ربع جمايلك علي
عمها: رفع راسها باصابعه وقالها افا عليك ندى انا عمك وانتي بمكانة بناتي انتي من ريحة الغالي مابينا جميل ولاشي يالله خلوني اسلم على ننوره وامشي ومشى للمطار بنفس اليوم
سامي: لاتسالون عن حاله كان له يومين وهو يرتب غرفة اخته شوق لان ندى تبي تجلس فيها واشترى لها شيبسات الي تحبها ندى والشكولاتات كل يوم عندنا ومفرش جديد تنام عليه ندى وبخور وعطر وحالته حاله واخته ميته ضحك على حماسه وتقول ليت ندى
سامي: رفع ايدينه قال اللهم امين متى يجي اليوم الي ماتطلع فيه من عندي مو من عندكم
شوق: اختشي ياواد هههههههههههههههههه
في بيت ابـــو نــــايـــــف
ندى وصلت لبيت خالها كلهم استقبلوها بحماس خصوصا اختها نوره الي بطت لام شافتها وطبعا حبيتها شوق
ندى: كانت مبسوطه بالجلسه مع خالها واختها مرتاحه اكثر من بيت عمها لان مافيه احد يكرهها هنا كلهم يحبونها
شوق: الا قولي لي ندو اخبارك مع بيت عمك
ندى: عمي حبوب مو مقصر معاي وياسمين وناديه بس نسرين وامها مدوخيني مرت عمي ماتغلط علي بس نظرات الحقد واضحه بعيونها وولدهم ماجد نظراته مقززه وتخوف بس كلهم بكفه والمصيبه القادمه بكفه
نوره: وجعها قلبها حست ان سعود هو المقصود
شوق: هههههههههه الله ياخذ ابليسك من هو
ندى: اخوهم العود سعودقسم خايفه منه مررررررررره
نوره: بلعت ريقها قالت اذكر سعود زي ناديه حبوب ومسالم
ندى: اما حبوب ومسالم اسمعي ايش صار معاه واحكمي بعدها هو حبوب اولا وقصت لهم قصتها معاه
نوره: من جدك انتي رديتي عليه الرد
ندى: لامن خالي تبغينه يتكلم علي واصفق له
نوره: بس عيب عليك انتي ضيفه عندهم وهو اكبر منك
ندى: فكينا بس الكبر بالعقل مو بالسن وحظه ماقلت لعمي قسم يمسح فيه البلاط
نوره: اخنقتها العبره لا فديتك لاتقولين لعمي شي يكفيه ماشاف
ندى: وايش شاف؟؟؟
نوره: ارتبكت شوي قصدي لاتفرقين بين عمي وعياله احذري ندى
ندى: كرامه لعمي وعلشان اريحه والا هو وربي ماهمني قسم اكرهه من قبل لاشوفه سكتو شوي بعدين سالت ندى نوره على فكره كيف شكله
نوره: اممممم اذكره كان طويل شوي ونحيف حيل واسمراني واذكر وجهه كلها حبوب شباب كانت مشوهه وجهه المسكين
ندى:اجل جيكره زي ماجد ونسرين ههههههههههههه
نوره: استغفرالله ندى هذي خلقة ربي ترا اذكره من زمان مرره ايام ماكان بالمتوسط يمكن تغير الحين
ندى: ماعليك الجيكره يظل جيكره ايش يغره الا اذا كان مسوي عملية تجميل ههههههههههههههههه
شوق: الله ياخذ ابليسك ندو ههههههههههههه
نوره: اقول بلا هبال زايد على اذنكم ابروح للعيال اشوف هم نام واو لا
ندى: علينا اروح لعيالي قولي اروحي لحبيبي نايف لاتسحين هههههههههه
نوره: تغير وجهها وقال اقول اركدي ندى ولا يكثر بس تراني مالي خلق تعليقاتك وراحت لجناحها ودخلت جناحها وجلست على اقرب اريكه وتنهدت من قلبها وقالت ياحسره وين ابو العيال الي مانشوفه الا نادرا سهر وسفر ةصياعه اااااااااخ بس انا الي جنيت على نفسي بس يارب تحمي اختي ندى يكون مصيرها زيي يارب ترزقها الانسان الي يحبها ويخلص لها ويعوضها عن فقد اهلي يكفي عذابي انا وحسرتي الي اكلت قلبي اكل ودمعت عيونها
فارس: ماما ايش فيكي تبكين
نوره: ضمته ياعيون ماما مافيني شي بس عيوني شوي تالمني بس ايش صحاك حبيي
فارس: بغيت اشرب مويه بس ماما ليه مانشوف بابا ليه مايمشينا زي ابو احمد صديقي
نوره: حبيبي بابا مشغول حيل
فارس: بس ماما ابغى يكون لي ابو يمشيني
نوره: حبيبي عمه سمي يوديك للي تبغى
فارس: بس عمه موزي خاله مازن عمه قيل يطلع فيني
نوره: تذكرت اخوها وامها وابوها ودمعت عيونها وضمت ولدها قالت حبيي يالله اشرب مويه ونام
تحت في صالة ابو نايف
شوق: غريبه ليه نوره تضايقت وانقلب حالها فجاه من يوم ماجبتي طاري بيت عمك
ندى: الا وانتي الصادقه من يوم ماجبنا طاري الغثيث سعوووده
شوق: لايكون تحبه قبل
ندى: ايش الخرط الفاضي تعرفين ان نايف اخذها عن حب زي حبنا انا وسامي فديته بس
شوق: على طاري سامي: تراه مقوم الدنيا مزبط لك مفرش جديد واشترى سرير جديد وشبسات وشكولاتات الي يحبها قلبك ههههههههههه
ندى: وهـ بس فديتها ويلوووووووموني بحبه
سامي: احم احم
ندى: حمرت خدودها وتغطت بسرعه وقالت ياويلي بس لايكون سمعني
شوق: هههههههههه اكيد سمعك يالهبلا
سامي: سلم عليهم وجلس جنب اخته
ندى: خلاص انواع التوتر وتصب عرق وجهها محمرررر قالت على اذنكم
سامي: افا ااااااا اجل خربت قعدتكم ماتوقعت اني شخص غير مرغوب فيه خلك ندى انا ابقوم بس قلت ابسلم على بنت العمه الي ولهنااااا عليها حيييييييييل بس مادام جلوسنا راح يضايقها الا ضيقهاا حنا نبغى فرحها وسعادتها
ندى: تبغى تتكلم الحروف موقادره تطلع منها
شوق: حست بتوتر ندى قالت لا سامي بس ندو تعبانه من السفر ومن زمان كانت تبي تنام بس سالفه جرت سالفه
سامي: ناظر باخته قال اجل ليت سالفه وحده تبقى علشانها وتمن علينا بنت حمد فيها
ندى: جلست ثانيه بس وهي تفرك بيدينها
سامي: تشقق من الفرح وجلس يقلب بالقنوات قال وين تبغون تتمشون بكره
شوق: ووووواووووووو يابختنا راح تمشينا
سامي:وهو يناظر بطرف عينه لندى وماسك بيده الرمونت اكييييييد وعندي اغلى منكم أي مكان تختارونه ابوديكم له مفرغ نفسي لكم هالاسبوعين ولو تطول الجلسه افرغ نفسي علشانكم اكثر
ندى: خلاص زاد توترها ويالله طلعت منها كلمة مشكور ماتقصر
سامي: قلبه بدا يدق طبول وقال واجب يابنت عمتي
ندى: يالله اجل ابروح انام على اذنكم
سامي: يقولها ببطيء نوم العوافي يارب
شوق: ندو شغلي المكيف حتى اجيك ولام شافت ندى راحت التفت على سامي ابسالك سامي
سامي: تفضلي ياختي المصون اسالي هوشي اضربي فديتك كلي
شوق: ههههه حيلك حيلك كل هذا علشان ندو
سامي: يمسك ايد اخته ويحطها على قلبه واكثر واكثررررر شوق ماتتخيلين كيف احبها وامووووت فيها
شوق: طيب السؤال الي يطرح نفسه ليه ماتخطبها وتريح عمرك
سامي: ارتبك شوي وقال ياغبيه تعرفين انا الى هالحين ماخلصت الجامعه كيف اخطبها وانا ماعندي وظيفه
شوق: انت الغبي مع احترامي لك ماقلت تتزوجها قلت اخطبهابس
سامي: ندو لي بس موالحين بعدين استحي من عمها اتقدم لها وانا ماعندي وظيفه
شوق: انذرتك سامي مايخفاك ان ندو ملكة جمال وترا خطابها راح يكثرووووون
سامي: كثر واو ماكثرو اولا ندو اهلهاتوهم متوفين ماراح توافق على فكرة الزواج الحين وثانيا ندو ماراح تاخذ غيري واكيد مستعده تستناني حتى اتوظف والا تظنيني ماسمعت كلمة يلووووووووموني بحبه ههههههههههههههه
شوق: سمعتها فضيحه هههههههههههههههه
ندى: جالسه بغرفة شوق وهي مبسوطه على الاخر عكس حالتها ببيت عمها بس اشتاقت لحبيتها ياسمين لانها تعودت تشوفها يوميا فكرت تدق عليها بس ناظرت ساعتها قالت اكيد نايمه الدوبا وكشرت بوجهها قالت اكيد لان الغثيث بكره يبون يستقبلونه بالمطار بس وخر كدر ذكرى سعود لام تذكرت كلام وغزل حبيبها الغير مباشر لها وتنهدت بقووووووووه وقالت الله لايحرمني منك ياسامي
شووق: دخلت بسرعه قالت سلام يالفضيحه
ندى: بسم الله الرحمن الرحيم نزيت فيني يالدوبا ايش فضيحته
شوق: جلست وهي فحمانه من ركضها على الدرج قالت ترا حبيبك سمعك وانتي تقولين تموع يلوووووووموني فيه وهي تموع كلامها
ندى: شهقت وحطت يدها على فمها وقالت من جدك انتي والا بس تروعيني
شوق: الا من عمي يالدوبا
ندى: ايش عرفك
شوق: قرصت انف ندى وقالت حبيبك قالي
ندى: حطيت ايدينها على خدودها الي ولعن نار وقالت فشيله قسم فضيحه ياويل حالي بس
شوق: اقول اركدي بس تراه متشقق من الوناسه ههههههههه
ندى: وهـ بس فديته هالسامي يبني ارجع مجنونه لبيت عمي
شوق: اكيد يبي يجننك سامي بحبه قبل مايجننك ولدهم الغثيث هههههههههههههههه
ندى: كشرت بوجهها وقالت ايش جاب طاري القمر سامي عند فص البصل سعود
شوق: هههههههههههه بس كذا حبيت ا نكد علي
ندى: هههههههههه نذله ماتتغير طباعك


اختكم همووووووسه شعاري[[[امي روحي]]]

---الــــــــــــ ج ـــــــــــزء التــــــــاسع---

فــــــــــي مـــــطــــار الـــــريــــــــــاض
رجع سعود لارض الوطن وهو مبسوط حيل برجعته لاهله
طبعا كل اهله كان بستقباله امه ضمته وبغت ترص ضلوعه من فرحتها فيه وفرحانه برجعت ولدهاوياسمين دلوعته ارتمت بحضنه وبكت طبعا سعود طبعه مايبين فرحه من حزنه دايم صلب بس كان يبتسم ابتسامه صغيره بس صورة شهد ماتفارق خياله لام كانت تبكي وهي تودعه بالمطار وقالت له تاكد سعود مهما صديت اوجفيت ابظل احبك رد عليهاالله يسعدك مع رجال يحبك ويخلص لك غيري اما انا الحب الي تحلمي فيه مات من قلبي من سنين شهدردت شهد عليه ابنتظرك سعود لو اظل العمر كله راح انتظرك
سعود: انتبه من سرحانه بصوت ابوه وهو يكلمه وهم جالسين بالسياره
ابو سعود: بكره ان شاءالله ابسوي عزيمه لكل معارفنا علشان رجعتك الليله ابغاك ترتاح
سعود: لاتكلف نفسك يبه
ابو سعود: ان ماكلفت نفسي علشان مهندسنا وتاج روسنا من اكلف نفسي علشانه الله يصلح اخو مثل ماصلحك
سعود: اصبر عليه يبه طيش شباب واستهتار بكره يبي يفوق
ابو سعود: يارب متى يجي ذاك اليوم الي اشوف فيه ماجد رجال يعتمد عليه مثلك
سعود: ربك كريم يبه
ابو سعود: ونعم بالله
اما في جده عند عصافير الحب ندى وسامي
دار فيهم المولات الي يبغون وهم في احد المولات
ندى: كانت تطالع فستان وردي ناعم عاجبها تقلب فيه تاخذه اولا متردده مالاحظت ان فيه احد يراقبها
سامي: قرب لها وهي ماتحس قالها خوذيه يبي يكون جنان عليكي
ندى: فزت وارتبكت وتركت الفستان وطلعت من المحل ندى تتضايق من جراة سامي معاها صح تموت فيها بس جراته الزايده معاها تضايقها
سامي: انقهر من تطنيشها له وسوا شعره الطويل وابعده على وراابعد عنهم شوي وجلس يدخن علشان يهدي من نفسيته فجاه رن جواله
دلع: اهلين حبي
سامي: هلا بحبي هلا والله بالصوت وراعيته
دلع: وحشتني حبيبي
سامي: وانا اكثر
دلع: لو من جد وحشتك كان ماطنشتني يومين ايش مشغلك عني
سامي: تذكر حبيبته ندى الي اشغلته عن ربعه وعن لعبه تنهد بس شوية مشاغل حبي
دلع: فيه شي يشغلك عن حبيبتك
سامي: شاف البنات جايات له قال بقلبه شكلها تبي تفضحنا هذي ورطه قال لها دلوعتي جوني ربعي يالله لازم اسكر
دلع: اووووف تصريفه زي ا لعاده
سامي:موتصريفه ولا شي يالله حبيتي باي
دلع: اووف سكر بسرعه زي ا لعاده بس مشكلتي اموت فيه وهو يتهرب مني
سامي: طفى زيقارته بسرعه وعدل من فنيلته ويناظر في ندى ويبتسم
ندى: حاطه نقاب ودايم هديل تقولها لاتوسعينه بس ندى عنيده لاحظت نظرات العشق والشوق من سامي نزلت عيونها
سامي: ياربيه تبي تجطلني هالبنت فديت المستحيات بس يلوموني بحبها
ركبو البنات معاه وندى تتهرب من نظرات سامي لها لانه كان يطالعها بمرايى السياره وكل شوي يبتسم
سامي: بنات وين تبغون تنعشى
شوق: نبي اممممممم
سامي: لا امممم ولاشي انت اسكتي وخلي ضيفتنا هي تقرر وناظر بندى وابتسم
شوق:ارجوك ندو خليه يودينا لمطعم عمو حمزه اموووت فيه
سامي: ياربيه انا مادري ليه انتي ماتغيري هالمعطعم
شوق: طبخهم رووووعه
سامي: انا معاك طبخهم روعه بس غيري
شوق: احبه وماحب اغيره مو فيه ناس اذا حبو مايغيرون ويحلسون سنين على نفس حبيهم وغمزت بعينها له
سامي: ههههههههههه في هذي ماغلطتي وناظر بندى
ندى: تفرك بيدينها وتقول بقلبها ايش طلعني معاهم لحالي ياليت نوره معانا كان مايتجرا كذا
شوق : هاه ايش رايك
سامي: دق جواله بنغمة اغنية عشق ناظره وسكره [طبعا كانت احد معجباته]
ندى: تضايقت انه يحط اغاني لا وبعد غزليه لانها متاثره من حبيبتها هديل وماتسمع اغاني
سامي: قلت لك اذا قررت ندو
ندى: قلبها دق طبول وجهها حمر لام دلع اسمها قالت بقلبها لا الولد انجن بس فديته وفديت جنونه
شوق: ارجوكي ندووو خلينا نروح له
ندى: الي تشوفينه حبي انتي فصلي وانا البس
سامي: اولانتي الي تفصلين واحنا نلبس وثانيا ماحب تقولين حبي لاحدلاني اغاااااااااار
ندى: تضايقت حيل من جراته وتسب نفسها لانها رضت تطلع معاهم وهديل محذرتها بس ماسمعت نصيحتها
شووق: يالله ايش قلتو
ندى: بضيق من جراة سامي ردت الي يعجبكم بس خلصونا علشان نرجع للبيت
سامي: تضايق من ردها هذي المره الثانيه الي تجرحه بس اسكت وبين على وجهه
دخلو المطعم وطلبو طبعا رفضت ندى تاكل شي بس اكتفت بشرب عصير طازج لانه ماتقدر تاخذ راحتها وسامي مبحلق فيها بس سامي تضايق واعتبر جرح ثالت له كانها ترفض عزيمته
سامي: راكب في السياره وهو معصب وبس ساكت ولا يناظربندى
ندى: حست بتغيره وشكت انه زعلان وزعلت لزعله بس قالت بقلبهاليه يتعدى الحدود
شوق: مسكينه تحاول تلطف الجو بس لاحياة لمن تنادي كلهم ساكتين
سامي: نزلهم وشخط بالسياره وراح لاجتماع زملاءه وهو معصب من تطنيش ندى ويقول شكلها شافتني احبها موت وشافت نفسها علي وهو يفكر ومعصب دقت حنين قال جابها ربي خليني انسى تطنيش ندى لي اجلس يسولف ويتغزل بحنين بس باله وقلبه متعلق بندى لانه يحبها موت بس اخذ هذولي بس يتسلى فيهم ومايدري ان تصرفه غلط بغلط
فـــي بـــيــت ام مــــشــــ ع ــــل
كان سليمان يبي يزور اخته وام مشعل عرفت بزيارته وخلت هناء تطلب من ساره تكشخ وتجيهم طبعا حطت خطه علشان سليمان يشوف ساره علشان يرجع يحبها ويلزم يخطبها
سليمان: دق الباب افتحت له الشغاله دخلته للصاله وراحت سليمان متعود ان بيت احته مافيه احد يتغطى عنه دخل عادي ومانتبه الا بالي يشوفها قدامه حاول يغمض ويفتح هو بعلم او بحلم
ساره: كانت مسويه انها تدور بالبيت وتناظر بالمناظر كانها مومنتبهه وكانت مستشوره شعرها عند مشغل وضاربه من الزينه وصايره حلوه وفاتنه ولابسه فستان بفسجي فتحت صدره كبيره وكان قصير طبعاناظرته كانها متفاجئه
سليمان: كان فعلا متفاجئ وكان قلبه يدق طبول قدامه حبه الازلي صح هديل اجمل منها بكثير لان هديل جمالها طبيعي بدون مكياج بس الحب عمى مثل مايقولون
طبعا ام مشعل كانت تناظرهم من بعيد بدون مايحس فيها سليمان وتبتسم بمكر وعرفت ان خطتها نجحت بوجه اوخها الي منبهر بشكل ساره
ساره: ركضت داخل كانها مستحيه
سليمان: جلس على الاريكه يحاول يهدي من ضربات قلبه
ام مشعل: الله ياخذها هالشغاله غبيه ليه ماعلمتك ان ساره فيه مسكينه البنت تبكي من داخل من الفشيله
سليمان: بسم الله عليها قصدي ليه تبكي حصل خير
ام مشعل: خجوله فديتها
سليمان: عموما اعتذري لها وقولي وربي ماعرف انك فيه وانا ابطلع الحين واجيكم وقت ثاني
ام مشعل: لاتطلع هي اصلا تبي تطلع
سليمان: وليه تطلع لايكون علشاني شفتها بس
ام مشعل: لا موعلى شانك انت اجلس شوي ابجيب لك الشاهي والقهوه
ساره: دخلت داخل واخذت تدوووور بكل دلع بعدين ضمت هناء وتدور معاها وتقول وووواو فديته شفته ماتغير علي
هناء: عاد خالي موحلو تفرحين كذا الي يشوفها يقول شايفه مهندهههههههههههه
ساره:بعيوني اجمل من مهند
ام مشعل: تناظر بنتها الغبيه بتهديد وتقول صادقه ساره اخوي يسوي الدلو خ الي تقولين يالله سوير االبسي عباتك ومري من عنده ترا سواقنا ينتظرك بره
ساره: اوكي خالتو
ام مشعل: تقول بقلبها تخلخت عظام العدو بس اهم شي تهدمين سعادة هديلوه
سليمان: كان جالس وحاط يده على راسه وسرحان بصورة ساره
ام مشعل: جايبه الشاهي والقهوه حيا الله من جانا من زمان مازرتنا والا تزوجت هديلوه وطنشت اختك
سليمان: ههههههههههه الله يهديك ياختي ايش دخل هديل بس مشاغل وانا اخوك
ساره: لابسه عباتها الكتف ومعدله من نقابها لانها راسمه عيونها زين صار شكلها بالعبياة يجنن
سليمان: لام مرت من عنده وشم عطرها[استغفرالله ماتعرف اذا الرجال شم العطر تكون كانها زنت]خلاص راح فيهاوهو يشوف مشيها ودلعها
ساره: كانت تمشي ببطئ من جنبه ظن سليمان انها مستحيه منه
سليمان: ساره اسف وربي ماقالت لي الشغاله
ساره: تنعم وترقق صوتها حيل عادي فديتك سليمان
سليمان: لام سمع اسمه بلسانها لاوتقول فديتك بعدبغى يغم عليه خلاص خق عليها بقوووووه
هناء: تناظرهم وتحجر ضحكتها عليهم
ام مشعل: طايره من الفرحه لام شافت ساره طلعت قالت ايه الله يوفقها ويسعدهابحياتها الجديده [طبعا تبي تكمل خطتها]
سليمان: بلع ريقه وفك زرار ثوبه والتفت لاخته ليش هي تبي تتزوج ثانيه وهو يدعي ربه ان اخته تقول لا
ام مشعل: تكمل كذبتها ايوه هي جت تشاورنا لانه تقدم لها واحد ماشاءاللله شاب ماتزوج ومريش وولد عيله محترمه وماعليه تعرف وحده مثل جمال ساره ماتخلى
سليمان: بان عليه الضيق الي فرح اخته اكثر وسأل بخوف وهي تبي توافق
ام مشعل: الصراحه هي متردده لان بالها وحلمها مع واحد هو مشغل بالها بس انا قلت لها توكلي على الله لو يبغاك جاك
سليمان: من تقصدين زوجها
ام مشعل: اقصد انت يالمحروس هي الصراحه صارحت هناءانها مازالت تحبك وتموت فيك وانا نصحتها قلت لها صح هو اخوي بس انا كلمته وهوقالي ماقدر علشان هديل عاد هي قالت اجل خلاص الله يسعده ابرد على اهلي واقولهم موافقه
سليمان: عصب وقام من الكنبه قالها كيف تتكلمين عني
ام مشعل: وقفت معاه ياسلام مو انا كلمتك عنها وانت رديت علي كذا
سليمان: بس ليه ماقلت لي هي مازالت تحبني ليه ماشاورتيني قبل ترد لاهلها
ام مشعل: انا والله ماقصرت وعلمتك وانت رفضت وجلست وتكتفت
سليمان: بدا يضرب كفوفه بعض ويدور بالبيت محتار ويفكر مستحيل ساره تضيع منه ثانيه ويتذكر وجه وبراءة هديل ويرحمها بس على طول يتخيل شكل وفتنة ساره وحط يده على راسه عجز يفكر رحمته لهديل وحبه الازلي لساره اختلطت عليه الامور وموقادر يركز سار ه او هديل لازم يقرر الحين لان ساره راح تضيع من ايدينه مره ثانيه
ام مشعل: كانت جالسه وتابع تحركاته وفرحانه حيل وتحجر ابتسامتها
سليمان: جلس جنبها بتوتر قالها لازم تصلحين غلطتك وتكلمينها هالحين
ام مشعل: ياخوي انا ماغلطت وبعدين كيف اسوي غلطتي [مابغت تبين فرحتها علشان مايشك فيها ان كل هذي خطه والا مافيه خطبه ولا يحزنون]
سليمان: كلميها بجوالها الحين
ام مشعل: تناظره وهي ودها تضمه من الفرح بس قالت لازم مابين له سالته متاكد سليمان
سليمان: جلس زين وقال لو مو متاكد ماقلت لك
ام مشعل: سليمان موتبكي عندك هديلوه وامك تترجاك وتقنعك ماتتزوج علي هديل بعدين تهون وتكسر بخاطر المسكينه
سليمان: انا ماقلت لك كذا الا انا مقتنع ومصمم
ام مشعل: تبي تتاكد هو مصمم او لا وعلشان تخليه مايتراجع عن ساره قالت له فكني سليمان واعذرني انا ماقدر اتعاون معاك وتجرح هالمسكينه يكفيها جرحك الاول وصدمت زواجها بالي حطمها هذا والحين تبي تجرحها ثانيه قامت قالت اعذرني اخوي
سليمان: وقف جنبها وهو معصب لولوه الي يكلمك موبزر ترا عمري 27 اذكرك ان كنتي ناسيه وانا اذا قررت قرار ابن ابوه مايخليني اتراجع عن قراري
ام مشعل:كفو ياخوي وابشر بسعدك والحين اكلم ساره ومبروك مقدما ياخوي يابو خالد وتغمز بعينها له
سليمان: ابتسم لها وجته قشعريره مجرد ماتخيل يجيه ولد من حبيته ساره وقال يمكن ربي يبي يحقق امنيتي القديم ان خالد يكون من ساره مو من غيرها
ام مشعل: فرحت مره لان اخوها من الحين بين ميوله لساره اكثر من هديل لانه توقعت حب هديل راسي بقلب سليمان مايزلزله شي لانه كانت تشوف تفاني هديل بطاعته وخدمته ولجمال هديل الي يجذب اغلب الرجال ردت عليه مالومك ياخوي لو مابغيت ولد من هديل
سليمان: تغير وجهه من ذكر هالسالفه قال يالله بس يام مشعل كلميها ماقدر انتظر اكثر اخاف تطير مني ثانيه
ام مشعل: من عيوني ياخوي هو عندي اغلى منك
سليمان: باسها مع راسها الله لايحرمني منك[ مصدق انها تحبه وهي ماتبغى غير تبرد غلها وحقدها من هديل وبس]
فـــي بـــيـــت فـــيـــصـــل
فيصل: دخل بيته ينادي ريم ريوووومه حبيتي وينك
الشغاله: مدام لسه برا
فيصل: خلاص روحي انتي رمى بمفاتيحه وقال اوف موحاله هذي كم الساعه ولسه الهانم مارجعت شوي الي يسمع صوت الباب
ريم: دخلت وجتها الشغاله تاخذ عباتها منها كانت لابسه لبس سهره ومجعده شعرها جسمها مقبول بس تهتم بنفسها بشكل موطبيعي لازم تمر اخصائية التجميل ياما تكبر شفاهها او تعدل بكذا همها مظهرها وبس زوجها بناتها مايهمونها
فيصل: هلا ريمي
ريم: جلست بفستانها العاري بكل دلع قالت له هاي وهي تناظر باظافرها
فيصل: حبيتي موكانك متاخره اليوم بالسهره
ريم: ايش تبغاني اسوي كانت الحفله فيها بنات وزوجات ارقى رجال الرياض ومابدت السهر هالا 11 وعلشانك جلست الى الساعه وحده قلت لايسويها سالفه علي بعد
فيصل:بس حبيبتي انتي طالعه من العصر الى الساعه وحده وانتي برا البيت
ريم: اكيد رحت للمشغل اسوي بدي كير واعمل مكياج وغيره تبغاني اكون شينه قدامهم
فيصل: اولا حبيتي زينك فيك ثانيا خفي من السهرت حياتي بيتك وبناتك بحاجتك
ريم: اوووووه بيتك بناتك اغلب الي معاي متزوجات ومخلينهم ازواجهم براحتهم ليه بس انا بعدين االداده مو مقصره ياناس خلوني اعيش حياتي طفشتنوي معاهم
فيصل: جلس جنبها ولف ايدنه عليها الداده مو امهم ياحبي وماراح تعوضهم حنانك ابدا شوفيهم يحبون امي اكثر منك
ريم: ايوه قل كذا ماخربهم الا امك ولا حرضك وحرضهم علي غير امك اعرف ان امك اصلا ماتبغاني
فيصل: لاحول الله من قال ا ن امي ماتبغاك لاتظلمينها ريم
ريم: تصرفاتها تقول
فيصل: يابنت الناس قسم امي حبيبه وماعمرها جابت طاريك بكلمه ويكفي انها عايشه بقصر كبير لحالهاكل هذا علشان تريحك
ريم: ذليتني بالسالفه ماسكتني معاها مخليتك براحتك انا بعد ماقيدتك انت وبناتك عنها غيري تطلب منه يترك اهله
فيصل: اما مخليتني اصلا انتي ماتجلسين بالبيت علشان تحكميني وبناتك انتي تحبين تسافرين لحالك بدونهم ووبعدين الي يبيع امه واهله علشان زوجته هذا رخمه مورجال وانا امي رافضه اجي عندها بدون رضاك والا وربي ماخليها
ريم: يووووووه تراني تعبانه وابنام على اذنك وهي تمشي تتكلم حتى انبساطتنا محاسبين عليها
فيصل: يناظرها ويهز براسه يقول الله يصلحك ياريم متى تحسين بالمسؤليه متىورقى لبناته وباسهن وهن نايمات وقال بقلبه مسكينات ماحسن بحنان الامومه ودخل لغرفته ولقى ريم تفسخ اكسسوراتها وقف جنبها وباسها على راسها ريومي لاتزعلين قلبي
ريم: بدلع مازعلت تعودت على محاضراتك الي تغث وراحت وجلست على السرير ودايم اجي مبسوطه وتنكد علي
فيصل: خلاص حبي ماعاش من ينكد عليك مسك يدها وباسها وقالها يالله احكي لي ايش صار معاك
ريم: صارت تحكي له حكايتها الممله هذي يبي يسافر فيها زوجها لسويسرا وهذي اشترى لها زوجها عقد الماس باغلى الاسعار جاه النوم ومل بس يجاملها

اختكم[[[ هـــــــــ؛ــــ م ـــــ؛ــــس ]]] شعاري امي هي روحي