---البارت الواحد والأربعين---
*************************************
,,,,,,,,,,,,,,,,,,,,,,,,,,,,,,,,,,,,,,,,,,,,
ضاري بخبث/معناته بنتقابل لاني ابي اعرفك زين يادانة؟
اصايل بثقة/طيب انا ماعندي مانع....
ضاري/متى؟
اصايل/اكيد مو اليوم لانه بيكون اول يوم لي بالمعهد..
ضاري/يعني قريب...
اصايل/اممم...
ضاري/تصدقين اني تعلقت فيك كثير..
اصايل/وانا بعد...
ضاري/ماودي افارقك ابدا...ودي تكونين دايم قبالي!!!
اصايل/وبعد..
ضاري بهيام/احبك..
اصايل بنتصار/أي بس هاذي بروحها تذوبني من حرارتها!!!
//////////////////////////////////////////////////////////////////////
رغم التعب اللي فيها والنعس اللي كان ذابحها بس ماقدرت تنام..
كانت قاعدة جنب نايف على الفراش تتاْمل شكله وهو نايم,,,
احاسيس غريبة تحسها كل ماكان معها رايق وبعيد عن الشرانية والقسوة,,,
يكون انسان ثاني مايبي غير قربها وحبها بس!!!
حبها؟؟؟أي حبها,,,,معقولة يكون يحبها صدق ولابس يتلاعب فيها!!!
ليه طلب منها البارح انها تقولها واصر على انه يسمعها!!!ليه حسته تغير بعد ها الكلمة مية وثمانين درجة وروحه دخلت روحها واندمجوا في بعض!!!ليه اذا قالت له كلام حلو ودلعته ينقلب حاله معها!!هل فعلا تحبني يانايف؟ولاانا قاعدة اتوهم اشياء ماتصير ؟أي طبعا ماتصير ياصبا ولا وش اللي بيخليك ياولد التميمي تحب وحدة اخوها سارق حلالكم!!!!انا نفسي اعرف بس وش بعد ها اللي بينا يانايف؟لاتعلقني فيك تكفى انا مافيني اغرق في بحر واموت؟تراني خسرت كل شي معك وعلشانك يانايف لاتتركني؟
///////////////////////////////////////////////////////////////////////////////////
ام احمد وهي تكلم عبير/ليش شنو كان يبي منك ضاري؟
عبير على الخط/تصوري ..]قول متعرف على وحدة ويبيني اتعرف عليها وعلى اهلها....
ام احمد باستنكار/وش ها الجيل التعبان اللهم ياكافي!!
عبيربحسرة/ماتدرين شكثر تقطع قلبي على بنت اخوي ذيك اللحظة؟
ام احمد/أي وانتي الصادقة..شفيها اصايل الله يحفظها مزيونة والف من يتمناها..بس النصيب؟
عبير/الله يوفقها ان شاءالله ولاتحتاجه لاهو ولااهله؟
ام احمد/تصدقين فكرت اني اعرضها على سلمان ولد حماي..
عبير/ليش هو قايل يبي يتزوج؟
ام احمد/أي امه تقول اذا تعرفون بنات مزايين قولوا لنا عنهم خبرك ماعندها بنات ولالها بسوالفهم وماتدري عنهم ولو ماهو راضع مع تهاني ومتربي معها كان رميتها عليه وارتحتمنها؟
عبير/هههه عطيه بسمة..
ام احمد/مو هاذي مشكلتي كبير مرة عليها..ولاالولد صراحة ماينعاب وبنت اخوي مافي منها...قلت بسوي لهم عزيمة بالبيت يشوفونها بطريق غير مباشر لان موحلوة ادلل على بنت اخوي...
عبير/أي زين ماتسوين,,,,
ام احمد/الله يوفقها ان شاءالله هي واختها ونلاقيهم مستقرين ومرتاحين...
عبير/أي على الطاري شخبار ليالي؟
ام احمد/البارحة نامت هناك...
عبير/تتوقعين يعني....
ام احمد/مدري والله بس جاسر بين يوم وليلة قلب حاله؟؟
عبير/هذا بعد سالفته سالفة معها,,,الله يعينها على اللي ناوي لها عليه؟
ام احمد/انا بيني وبينك كنت بكلمه امس بس قلت خلهم يحلون امورهم بنفسهم وبما انهم ماتكلموا يعني الجو للحين صافي بينهم....ومايحتاج تدخلنا,,
////////////////////////////////////////////////////////////////////
في صالة الملحق,,,,,
جاسر/احد يشرب قهوة على الريق بدون ماياكل؟
ليالي وهي تشرب قهوتها/متعودة..
جاسر/أي بس ها العادة مو زينة ولازم تبدلينها,,,
ماردت عليه وكملت شرب قهوتها وهو يبي الحجة بس علشان يكلمها ويسمع صوتها..
جاسر/وش قررتي ؟
ليالي/بخصوص شنو؟
جاسر/مدري عنك؟
ليالي/مو كاْنك تتكلم بالالغاز,,,
جاسر/ابدا!!
ليالي/وش تقصد بكلمة قررتي اجل؟
جاسر/يعني طلباتك شنو؟
ليالي/قلت لك...
جاسر/شنو...
ليالي/تطلقني؟
جاسر/اذا حلمتي؟؟؟وغيرها...
ليالي بنرفزة/ولاشي اجل,,,
جاسر/وبسالفة بنت خالتي؟
ليالي بعصبية/وانت مفكرني بتحمل برقبتي اني اقطع رزقها؟
جاسر/شلون يعني؟
ليالي/يعني من الجنون انك تسالني عن رايي بها السالفة؟لاتظلمني ولااظلمها انا مالي شغل,,,,
جاسر/أي بس انا محتار,,,,
ليالي/من قال وقع نفسك بها الورطة؟
تنهد وقال/جنوني يوم احسبها انتي!!!
ليالي/معناته تحمل جنونك بروحك ولاتدخلني فيه,,
جاسر باستعطاف خبيث/أي بس انتي زوجتي!!واذا اخذتها اكيد مابنصف معكم ووحدة بتاءكل جو الثانية؟
ليالي بلامبالاة/انا مايهمني شي لان كل اللي بيني وبينك ورقة وبس!!!
جاسر بعصبية/وبعدين مع سالفة ها الورقة قلنا لك شيليها من بالك..
ليالي حطت كوب القهوة على الطاولة ووقفت/انا قايمة البس عبايتي,,,
جاسر بنرفزة/وانا ماخلصت كلامي؟
ليالي/وانا ماعندي شي ازيده؟
////////////////////////////////////////////////////////////
شمايل/صباح الخير,,,قالتها وقعدت وماكان فيه غير امها وهتون,,,
شمايل/شدعوة حتى مافي رد؟
ام جاسر بعصبية/مو رايقة لك انتي بعد!!!
شمايل/وانا شكو؟؟؟جاسر يقلب الدنيا وانا تطيح فوق راسي,,,
هتون/انا قلت لك يمه مافي غير انها ترد عند ابوها...
ام جاسر بضيق/قلت لاابوك ها الحكي قال بيكلم جاسر بيشوفه وش ناوي عليه وها الجاسر مو مبين؟
هتون/قال لك ثامر انه البارح راح معها الملحق وسيارته موجودة يعني لسه قاعد معها ومقابلها؟؟؟
ام جاسر/...........
شمايل/انا ماتوقعت شكلها بيكون كذا ابدا!!!يعني توقعتها بتكون لابسة برقعها طول الوقت وعليها جلابية.حمر..
هتون بعصبية/محناقاصرين رايك انتي الثانية بعد نورينا بسكوتك؟
شمايل/انا ماقلت شي؟؟؟؟وين خالتي وبناتها؟
ام جاسر تنهدت وغمضت عيونها,,,
///////////////////////////////////////////////////////////////////////////
صبا بهمس/نايف.. نايف..
نايف بدون مايفتح عيونه ولايتحرك من مكانه/نعم...
صبا/مابتقوم صارت الساعة ثنتين ونص يالله..
نايف/قايم...
صبا/تراني طابخة لك الغذى بنفسي..
اخذ يدها وباسها وحطها على قلبه وهو بعده متمدد ومغمض عيونه وصبا ارتعشت من حركته اللي سواها وتقربت منه وتجراْت تحط يدها علشان تلعب بشعره وهي تهمس/يالله قوم...لاتتاءخر على الاجتماع حبيبي...
فتح عيونه على وسعها اول ماقلت ها الكلمة والتقوا عيونهم في بعض وظلوا ساكتين فترة طويلة لين قطعت صبا الصمت...
صبا بارتباك/اقوم اجهزه...
نايف/ليش متعبة نفسك كنا بندق على السايق يجيب لنا ..
صبا/تعبك راحة ....
نايف/مانمتي!!!مو كنتي بتموتين من النعس بالسيارة ولابس عيارة؟
صبا/ماعرفت انام بصراحة يمكن لاني البارحة نمت بطريقة مختلفة وتغير عليّ الجو اليوم؟
اعتدل بقعدته ونزلت راسها بالارض,,
نايف بهمس/شلون يعني تغير عليك الجو ؟شلون نمتي البارحة؟
صبا بتهرب/بقوم احط لك الاكل...
مسكها من يدها قبل لاتقوم وقربها عنده وسالها بهمس/شلون ماقلتي؟
ماردت عليه بس حطت راسها بحضنه وتنهدت بالقوة,,,,
////////////////////////////////////////////////////////////////////
لبست عبايتها ووقفت عند الباب...
جاسر/انا ماقلت ان احنا بنمشي؟
ليالي بعناد/الطريق واضح واذا مافيك توصلني اقدر اروح امشي بروحي!!
جاسر/وليه كل هذا بالله!!!
ليالي/لاني ابي اروح عند عمتي؟
جاسر/طيب خلينا بس نتكلم وبعدها بتروحين؟
ليالي بنفس العناد/قلت لك كل اللي عندي ومابضيف شي زايد؟
جاسربنرفزة/انتي لمنو طالعة عنيدة؟؟!!
ماردت عليه وطنشته وبالاخير استسلم لها واضطر انه يقوم وراها لانه شاف انها مصرة ماتقعد ولاتتكلم وماحب يضغط عليها اكثر لانه يبي يكسبها شوي ويكسب ثقتها...
طلعوا من الملحق وشافوا الجد اللي قاعد عند باب ملحقه وراحت له ليالي بسرعة وحبت راسه واكتفى بانه يناظرها ويناظر جاسر اللي كان وراها,,,,
ليالي/ليش قاعد بالشمس ياجدي ماهو زين لك؟
مارد عليها وظلوا ساكتين لين تقرب جاسر وسلم...
جاسر/السلام..
وعليكم السلام والرحمة....
جاسر/يالله مشينا..
ليالي/جدي تروح معي بيت عميت ام احمد؟
ابو عبدالرحمان/وانتي ليه رايحة هناك؟
ناظروا في بعض وسكتوا....ومرت فترة صمت قصيرة..
الجد وقف/بخلي السايق يوصلني؟
ليالي/لاياجدي مايصير احنا طالعين طالعين والدرب واحد تعال معنا...
ناظر الجد بجاسر اللي ماقال شي واكتفى انه يطلع ورجع ناظرها ومسكت كتفه ومشت معه للسيارة...
///////////////////////////////////////////////////////
ضاري/شسويتوا بالكويت؟
نايف/ساعة صفا وساعة هواش...
ضاري/يعني ماتغير الحال مثل هنا...
نايف/بالضبط...
ضاري بفرح/بنلتقي ها الاسبوع؟
نايف/انت ودانة؟
ضاري/أي..كنت بعرفها على عمتي وهي رفضت وقالت ماله داعي تحط بينا حواجز انا بقولك كل اللي تبي تعرفه...
نايف/حلو...
ضاري/احس ان احنا اوشكنا...
نايف/على شنو؟
ضاري/على الارتباط...
نايف/أي بس مو كانه بدري يعني مو من زمان تعرفها؟
ضاري/في ناس يانايف مايلزمك وقت تعرفهم لانهم واضحين مثل الشمسس من اول مرة تلتقي فيهم ,,,
نايف/اممم..
ضاري/علامك شارد؟
نايف/ولاشي...
ضاري/بلى..فيك شي يانايف؟
نايف تنهد بقوة,,,,وقال بضعف/صبا,,
ضاري بنرفزة/شفيها بعد!!!هاذي مانخلص من سوالفها ابدا!!!
نايف بحسرة/قالت لي احبك يانايف؟
ضاري/أي وبعدين انت ذبت من ها الكلمة؟
نايف تنه وماقال شي...
ضاري/بتقولك احبك وبتصدقها؟
نايف/لامو كذا السالفة,,,,
ضاري/اجل وش السالفة؟
نايف/والله مدري,,,
ضاري/اخاف مو هي اللي قالتها انت اللي بالنهاية بتقولها؟؟؟
///////////////////////////////////////////////////////////////////
تهاني/هاذي احلى الساعات ياجدي,,,
ابو عبدالرحمان/لو تبيني وتبين قعدتي كان مريتيني؟
تهاني/وانت لو تبينا كان قعدت معنا؟
ابو عبدالرحمان/.........
ام احمد بتاْنيب/تهاني؟
تهاني/وانا شقلت يمه؟
ام احمد/قومي ساعدي ليالي ,,
تهاني/ليالي شاطرة تسوي كل شي بروحها ماتحتاج احد يساعدها,,,
ام احمد/وانتي علامك مع ها العجز؟
تهاني/وش تبون تسولفون فيه وتنحشوني اعترفوا؟
ابو عبدالرحمان/هههه ماتجوزين عن سوالفك ولاينقدر عليك....الا وينها الثانية؟
ام لحمد/أي ثانية يبى؟
ابو عبدالرحمان/اختها...
ام احمد/تقصد اصايل,,,,اليوم اول يوم لها بالمعهد...
ابو عبدالرحمان/خالهم شسوى؟
ام احمد/يقول انه شايف لهم بيت صغيرون بوسط الدمام واذا وصل ها الاسبوع بياخذهم يشوفونه,,,
ابو عبدالرحمان/ليه ذيك بتطلع من بيت زوجها؟
ام احمد/والله مدري يبى,,,
ابو عبدالرحمان/اليوم كان عندها,,,
ام احمد/أي من الامس وهو معها,,,
ابو عبدالرحمان/وش عندها معه؟
ام احمد/هي تبي الطلاق يبى وهو رافض يطلقها,,,
ابو عبدالرحمان/وليه تبي الطلاق بعد!!!مجنونة هاذي تبي تفضح نفسها بين العرب؟؟؟روحي ناديها ياتهاني...
توها تهاني بتقوم تناديها الا جرس الباب يدق وبعد ثواني دخلت ام جاسر وهي بركان ثاير,,,,
ام جاسر بصراخ/وينها ياام احمد وينها؟
ام احمد وقفت/منهي؟
ام جاسر/من غيرها بعد اللي تبي تخرب بيتي؟؟لا اللي خربته خلاص,,,
ام احمد/انتي من تقصدين؟
ام جاسر/بنت اخوك القروية وينها؟
ام احمد بحزم/ام جاسر انتي في بيتي على مااعتقد وياليت تراعين ها الشي وتلزمين حدودك؟
ام جاسر/هي خلت فيها حدود عاد!!خربت كل شي,,,
ام احمد/أي وش سوت عاد؟
ام جاسر/سحرت ولدي,,,,
ام احمد/ام جاسر وش ها الكلام؟
ام جاسر/مايبي بنت خالته؟؟؟قعد معها البارح وشاورها واليوم قال خل تشوف نصيبها الله يوفقها ماعادت تلزمني!!!
//////////////////////////////////////////////////////////////////////
لبست ثوب قصير موف ويوصل لبعد الركبة وتركت شعرها يطيح مثل مايحبه نايف وجلست بغرفة النوم وسط اضاءة خفيفة تنتظره,,,
الليلة ياصبا...الليلة لازم اصارحه باحاسيسي..احساسي بقربه مايشبه أي احساس ثاني,,,
هي عارفة انها تبيه وانه اذ كان معها يحسسها بالامان ويريحها وبمجرد يغيب عنها يضيق صدرها...
الظاهر انها هي اللي تحبه مو العكس!!!
مالك الا المواجهة ياصبا....انتي تحبينه وماتقدرين تنكرين ها الشي,,,,ولازم تقولين له...حتى لو ظل يعذبك ويهينك انتي اصلا خلاص مالك غيره,,,,
قطع عليها شرودها يد نايف اللي كانت منغرزة بشعرها وهو يهمس/ليه قاعدة هناوانتي لابسة ها الثوب الحلو؟؟؟
صبا بهمس/انتظرك...
نايف/وماتقدرين تنتظريني بالصالة؟
صبا/لا..
نايف/ليه....
قالها وجلس جنبها على حافة الفراش وماكان يفصل بينهم أي شي لدرجة ان انفاسهم اندمجت مع بعض وصارت وحدة,,,,
ماتدري ليش حست بالارتباك منه بها اللحظات,,,,
فيك شي؟قالها وهو يناظر بكتوفها العريانين,,,,
صبا/ابي اقولك شي؟قالتها بتردد....
نايف وهو يستحثها على الكلام/أي..
صبا بنفس الارتباك/وابيك تصدقني,,
نايف/وليه مااصدقك يعني؟؟اكيد بصدقك بلللي بتقولينه؟
صبا/.............
كان قلبها يدق بسرعة ماتدري ليش؟
نايف/شنو..
صبا/انا..انا...
رفع وجهها بيده وصار مقابله وحست انها بتذوب من عيونه ونظراته الجريئة...غمضت عيونها بسرعة...
نايف بهمس وهي مثل اللعبة بين يدنه/انتي شنو ياصبا؟
صبا بارتباك/احبك...
نايف اشتدت مسكته لوجهها بقوة اكبر وكانه خايف انها تبتعد لو شوي..
صبا فتحت عيونها وقالت بانفعال/عارفة اني قلتها لك البارحة,,,,بس البارحة مو مثل اليوم...
ماكان قادر يقول لها أي شي وظل يناظرها وبس...
صبا/البارحة انا قلتها لانك انت طلبتها مني....بس اليوم؟
نايف بسرعة/اليوم شنو؟
صبا غمضت عيونها من جديد/اليوم اقولها لك لاني انا حاسة فيها مو علشان انت تبيها؟
//////////////////////////////////////////////////////////////////////////////////////////////////////////////////////
---البارت الثاني والأربعين---
*************************************
///////////////////////////////////////////////
نايف/صبا...ليه..
صبا بدون أي مبالاة/لانه صار؟
نايف بتنهيدة/وش اللي صار ياصبا؟
صبا/اني...حبيتك؟
تنهد وظل يناظرها...
حطت يدها على خده بنعومة وهو بعده مرتبك ومو عارف وش يقول...
صبا بهمس/زعلان مني!!!
نايف/وليه ازعل منك؟
بتنهيدة قالت/لاني قلت لك احبك؟
نايف/...............
صبا/...............
نايف/مو هذا شعورك الحقيقي ياصبا؟انا عارف؟
صبا بانفعال/وش اللي عارفه يانايف؟
بتنهيدة قال لها/ان هاذي ماهي احاسيسك,,,هاذي سياسة جديدة تبين تستخدمينها معي!!!
نزلت منها دمعة وانفطر قلبه يوم شافها..
صبا وهي تقاوم دموعها وشهقاتها/انت شايف كذا يانايف!!!!
مارد عليها بس مسح دمعتها باصبعه....
صبا وهي تبكي/لا يانايف...انت اصلا مايشرفك ان وحدة مثلي تقول لك ها الكلمة صح ولاانا غلطانة؟
نايف بتنهيدة/لاتفهمين الامور بطريقتك؟
صبا بانفعال/انت توك فاهم الكلمة بطريقتك اللحين؟معقول الشي مايتصدق حتى اذا كان طالع من الاعماق؟؟؟
نايف/انا بس كنت..
قاطعته بسرعة/اذا ماسمعتها قبل شوي اسمعها اللحين.....احبك يانايف...وبظل احبك حتى مع تعذيبك وقسوتك مابتفرق عندي لاني ماشفت منك غيرهم!!!!سمعتني..بظل احبك لو شتقول ولو شتسوي ولو شيصير؟
///////////////////////////////////////////////////////////////////////////////////
تنهدت بقوة وهي تسمع صوت ام جاسر الثايرواللي يتكلم عنها بها الطريقة....
هذا ماله غير تفسير واحد ان جاسر مايبي بنت خالته؟؟؟ياربي انا مالي شغل بها العيلة كلها,,,,انا مو طايقته وابي حريتي,,,ياربي شسوي بها المصيبة اللي حلت على راسي,,,,انا لازم اطلع واتواجه معها...مو معقولة عمتي ينحرق دمها وهي مالها شغل,,,,
سمت بسم الله وقدمت خطوة واخرت الثانية..فكرت انها تدق على جاسر تساله بس ماحبت تزيد معه العلاقة اكثر....
مسكت صينية الشاي وطلعت فيها وهي قلبها بين رجلينها من الخوف...
دخلت الصالة وام جاسر وام احمد بعدهم واقفين قبال بعض ويتلاسنون..ويوم تقربت منهم علشان تحط الصينية على الطاولة اللي بالنص انتبهت لها ام جاسر...
ام جاسر/انتي هيه وش مفكرة حالك بتسوين يعني !!!لعلمك بس جاسر مايبيك يبي بس..
قاطعتها ليالي بعصبية وانفعال/انا بعد ماابيه مو بس هو اللي مايبيني!!!!
ام جاسر باحتقار/انتي يحصل لك واحد ربعه علشان تقولين ماابيه؟؟؟؟ورفعت يدها بتاْشر فيها وضربت الصينية اللي اختل توازنها من ليالي وطاحت على الارض وتكسرت هي بللي فيها,,,,
مرت ثواني صمت بطيئة قطعتها تهاني,,,
تهاني/قعدوا وتفاهموا مايصير وقفتكم كذا!!
ام جاسر/انا مابيني وبين ها الحية السامة أي تفاهم وخل ترجع لخيمة ابوها اللي جت منها ابرك لنا ولها؟
ليالي/قلت لك انا طالبة من ولدك الطلاق ..روحي اقنعيه يطلق وبكون شاكرة لك ها الجميل طول عمري لانك بتريحيني من هم وجود اسمه ملازمني!!!
ام احمد يوم لاحظت ان ليالي بدت تضعف ودموعها قربت تنزل قالت لها/ليالي يمه ماعليك روحي ارتاحي....
ليالي/خليها تفهم ياعمتي اني مالي شغل بشي واني بعد ماكان ودي ها الزواج يكون من اساسه؟؟؟
///////////////////////////////////////////////////////////////////////////
ضاري/مشاءالله وش ها الضحك اللي لااخر العالم منتي رايحة معهد؟
اصايل وهي تضحك/لاوالله توني طالعة بس متعرفة على بنات حلوين مرة عجبوني...
ضاري/دوم الضحكة ان شاءالله؟
تنهدت اصايل..
ضاري/ها...توك تضحكين مع البنات والدنيا فرفشة عندك يوم سمعتي صوتي تنكدتي!!!
انا ودي لو العالم كله يسمع صوت ضحكتك العجيبة كان بيكون شكله ثاني بجد,,,,
اصايل بحسرة وتنهيدة طويلة/انا اخر وحدة بالعالم تفكر تضحك ياضاري؟؟؟انا اصلا مخلية الضحك والفرفشة ستار لي عن همومي والامي!!
ضاري برفق/ليه تقولين كذا!!
اصايل وهي تبكي/لاني مجروحة من الصميم ياضاري؟تفهم وش يعني يكون الانسان مجروح وماهو قاوي يسوي شي....
ضاري بزعل/مين الللي جرحك يادانة مين؟
اصايل باتهام/انت ياضاري؟جرحي صار منك مو من غيرك؟؟
ضاري بذهول/انا جرحتك يادانة؟؟؟متى؟؟؟وليه؟؟
تنهدت اصايل وماردت عليه..
ضاري بدفاع/يعني بالاول يوم كنت اصدك ماكنتي تقدرين تحاسبيني يادانة لاني طبيعي ماراح اتقبل منك ها الحب وانا مااعرفك زين ولااعرف حقيقة شعورك فما المفروض تتحسسين من ها الشي وتذكرينه دايما,,,اذكري ان احنا مع بعض وهذا الاهم...
اصايل/امممممم..
ضاري/احبك....
اصايل تنهدت وقالت له/الى أي مدى....
ضاري/مدري...بس كل اللي اعرفه اني لحظة عن لحظة يزيد تعلقي فيك...لدرجة اني صرت اتخيلك معي بحياتي واتخيل مواقفنا شلون بتكون مع بعض وبكل مكان ندخله كيف بيكون شكله,,,,,انتي ماتفكرين بها الشي يادانة؟
اصايل/بصراحة لا...مدري مااحب ابني امال وبالنهاية تطلع سراب؟؟؟
ضاري/ليه عاد!!!
اصايل/جربتها قبل وعشت بالحلم ويويله اللي يفكر يقطعه عليّ لو ثواني بس....وكانت المصيبة اني اصحى على رفض وصد واحتقار؟؟؟
ضاري/وش تقصدين؟صايرة تتكلمين بالالغاز؟
اصايل/لاعادي....
ضاري/المهم متى بشوفك؟
////////////////////////////////////////////////////////////////////////////
ام احمد/انا اسفة يبى....
ابو عبدالرحمان/على شنو؟
ام احمد/يعني لاتفكر اني مااحترمت وجودك بينا بس هي نرفزتني بجد؟داخلة وتتهجم...
ابو عبدالرحمان/توك تعرفينهم هي والثانية؟
ام احمد/يعني انا مدري لوين بتوصل ها المسكينة معهم؟
ابو عبدالرحمان/..............
ام احمد/انا ادري انها ماهي حلوة وصعبة يتكلمون عن موضوع زواج بين الاهل ويوقفونه بعدين بس هذا النصيب وهاذي سوايا ولدها احنا مالنا شغل؟
ابو عبدالرحمان/والله غريب جاسر بعد مو قال مايبيها؟وش اللي يبيه فيها اللحين؟
ام احمد/هذا اللي للحين انا مو فاهمته ولاني قاوية اساله بعد!!شبيقول عمتي داخلة بالنص بيني وبين مرتي؟الله يهديه ان شاءالله؟
ابو عبدالرحمان/هو ماتقدم لبنت خالته رسمي صح؟
ام احمد/لا...بس يعني بما انها معهم بنفس البيت وصار الحكي كثير خلاص....
ابو عبدالرحمان/وهي شتقول؟
ام احمد/منهي ..ليالي؟
ابو عبدالرحمان/أي...
ام احمد/المسكينة محد منظلم غيرها....يعني هي وش ذنبها بهذا كله...الله سامح ابوها يوم يرميها ها الرمية عند ناس ماترحم!!!
ابو عبدالرحمان/ماتعرفين اخوك يعني؟اكيد له مصلحة ولا ماسواها؟
ام احمد/مهما كانت ها المصلحة مالازم تكون بنته ضحية؟
ابو عبدالرحمان/هذا يبيع امه وابوه مو بس بنته!!!
ام احمد/................
ابو عبدالرحمان/قومي ناديها خليها تجي هنا وخل نعرف وش اللي بتسويه؟
ام احمد/وش راح تسوي يعني مابتسوي شي يبى....
ابو عبدالرحمان/معناته دقي على جاسر خل يجي ونتفاهم معه مايصير كذا لازم يحدد موقفه ياانه ياخذ مرته ويعيش معها بالحلال ياانه يتركها بسبيلها ويروح لبنت خالته!!!!
///////////////////////////////////////////////////////////////////////////////////
متعب/وكيف اول يوم بالمعهد؟
اصايل/عال العال...
متعب/شكلك مبسوطة؟
اصايل/أي البنات يعجبونك هنا على كيف كيفك..وناسة ومسخرة...
متعب/أي والدراسة؟
اصايل/خل تولي زين والله مافهمت ولاكلمة؟
متعب/ههههههه يعني تبين تطلعني؟
اصايل/لا اطلع !!وش يطلعني عاد!!!اقول الجو رهيب...وحدة عجبتني حيل وحجزتها لك وقلت لها انك خالي وشرحت لها كل ظروفنا؟
متعب/مشاءالله؟
اصايل/انا وحدة مع الزمن امشي بسرعة ماانتظر اموري تتراكم...
متعب/اقول حطي بالك على الدراسة لابتطلعين؟
اصايل/يمه خوفتني!!عاد مابيهددني غيرك علامك اني بموت من الخوف اللحين؟
متعب/ههه يعني ماتستحين ولاتحسبين لي حساب اصلا!!!
اصايل/اقول واللي يعافيك بس.....انت شمسوي من فراقي؟
متعب/والله مو ماءثر فيني؟
اصايل/هاذي ذكرني فيها اذا رجعت وصرنا مقابلين بعض علشان اخذ حقي منك كذا وانت بعيد مااقدر اردها لك؟
متعب/وانتي بتفوتينها يعني؟
اصايل/وش صار على البيت؟
متعب/والله اللي شفته وكان حلو ويعجبك يالغالية كان بالجبيل وغيرت رايي...بيكون بعيد حييل عن المكتب وعن عماتكم وعن كل شي..
اصايل/أي وانت الصادق...
متعب/في واحد ثاني اصغر بوسط الدمام اذا نزلت بعد يومين باخذكم تشوفونه اذا عجبكم اخذناه...
اصايل/أي بس انت عارف شروطنا ندفع بالبيت كثر ماتدفع ولا محننا جايين معك؟
متعب/يبى فلوسكم خلوها معككم بتنفعكم بها الزمن...
اصايل/وش بنسوي فيها بالله ماتقولي؟
متعب/انتي مو ضامنة الزمن؟
اصايل/مو علشان كذا ماابي اخليهم بعدين اموت ويورثني ابوي؟؟
متعب/استغفر الله يابنت اعقلي؟
اصايل/ههههههههه
متعب/وشلونك بعد؟
اصايل/وش اقولك بعد...حاسة ان الايام الجاية بتكون ماهي حلوة؟
متعب/افا..ليه بعد ها الحكي اللي يكدر الخاطر؟
اصايل بحسرة/مدري...يمكن تكون ماهي حلوة...بس ليش مدري...
متعب/مهما صار يااصايل تاكدي انها لازم تنفرج بلحظة من اللحظات...
اصايل/على سالفة تنفرج شصار مع بنت عمي العزيزة؟
متعب تنهد/مدري من اخر مكالمة وانا ناوي ماادق عليها؟
اصايل/وهي مادقت عليك؟
متعب/ابدا!!
اصايل/زين علشان ترتاح منها للابد....هاذي بروحها يبيلها دواء...لكن خل تصبر عليّ شوي؟
متعب بخوف/شبتسوين لها؟
اصايل/ليه لاتقول انك بعدك خايف عليها؟
متعب تنهد وسكت...
اصايل/يالله قول؟
متعب بنرفزة/انا ماقلت شي....
//////////////////////////////////////////////////////////////////////////
نايف/مساء النور
صبا/مساء الورد...
نايف/شلونك..
صبا/بخير...
حط مفاتيحه وجواله على الطاولة وشال شماغه وجلس,,,,
وقفت وراه وقالت بتردد..
صبا/نايف..
لف لها وقال/خير...
صبا بخجل/كان نفسي اكلمك اليوم قبل لاتجي...
سكت شوي وبعدها قال/ليه كنتي تبين شي اجيبه معي؟
بخجل اكثر/أي..
باهتمام سالها/شنو؟
صبا/ابيك تجيب معك ورد..
نايف /ورد؟
صبا/أي ورد...
ناظر بساعته شوي وشال مفاتيحه وطلع وابتسمت لطلعته ...غاب عنها اكثر من ربع ساعة وبعدها رجع وبيده بوكيه ورد....
قال لها وهو يعطيها اياه/هذا يمشي الحال؟
صبا وهي تاخذ منه البوكيه/أي....
سكتت شوي وبعدها قالت وهي تناظر بالورد/فيني اهديك اياه؟
تفاجاء من كلمتها ومارد عليها,,
قالت بحسرة وخجل/عارفة اني المفروض اجيبه لك بنفسي بس معليش اعطيك هذا؟
رفع راسها بيده والتقوا عيونهم في بعض..
نايف بهمس/ليه؟
صبا/شنو اللي ليه؟
نايف/ليه تبين تهديني اياه؟
صبا/لان الورد احلى واصدق هدية تنهدى بين اثنين يانايف؟فيك تاخذه مني؟
اخذ منها البوكيه وناظر فيه شوي..وبعدها شال وردة حمرة من النص وعطاها اياها..
ابتسمت له وماقالت شي..
نايف وهو يبتسم/وانتي فيك تاخذين مني ها الوردة؟
صبا وهي تبتسم وتمد يدها للوردة/اكيد ومافيني ارفض بعد!!!
مسك يدها الممدودة بيده الثانية ورفعها لشفايفه وطبع عليها بوسة صغيرة وبعدها عطاها الوردة,,,
//////////////////////////////////////////////////////////////////////
في بيت الرميحي,,,,
ام عادل/يالله يابنات..
ام جاسر/وين يااختي فشلة تطلعين من البيت؟
حنان وهي تبكي/خالتي ماله داعي نهين في بعض اكثر؟
ام جاسر وهي تضمها/بيتغير الوضع صدقيني هاذي ساحرة وبينفك سحرها عن ولدي مابيدوم؟
ام عادل/مني لذيك الحزة افراج يااختي؟
ام جاسر/قعدي ياام عادل وين تروحين وبيتك ماخلص؟تبين تزعليني يااختي؟
ام عادل/ولدك كسر بخاطري وخاطر بنتي؟
ام جاسر/تدرين فيه ماهو بوعيه؟
جاسر من وراهم/منهو اللي مو بوعيه؟
لفوا له ثتينهم....
ام عادل/اللي سحرته البدوية بسحور اهلها وطبوبهم؟
جاسر/يعني انا المقصود؟
ام جاسر/جاسر...؟
ام عادل/انا مالي كلام معك؟
جاسر/ليه؟
حنان/يالله يمه خلينا نطلع الجو صار خانق هنا!!!!
جاسر/تحبون اخلي السايق يوصلكم لان سايقكم مبين ماوصل بعده؟
ام جاسر بعصبية/جاسر؟؟؟
جاسر/هدي يمه هدي...
ام عادل/انت وش اللي قلبك؟
جاسر/صحيح خالتي انا مريت بيتكم عمالكم مااخذوا غير يومين بس؟يعني من زمان خلصوا؟
حنان بعصبية/وش قصدك بالله؟
جلس قبالهم وحط رجل على رجل وقال بلااهتمام/ولاشي...
ام عادل/يايمه ياجاسر..
جاسر بنرفزة/محب احد يقولي ها الكلمة احس نفسي بزر مابعد كبرت!!!
ام عادل/وش اللي انت شايفه في بينت البدو انا ابي افهم؟
جاسر /كل شي؟
ام عادل/شنو يعني كل شي؟
جاسر/يعني عاجبتني كلها على بعضها...مدري ليه كذبوا عليّ ووصفوها شي ثاني وبغوا يضيعونها من حياتي ويخسروني اياها؟
ام جاسر/منو ذولا؟
جاسر/اللي كان عاطيني عنهم صورة ثانية؟
ام عادل/شوف ياجاسر...
جاسر/شوفي انتي اخالتي...انا فيني افتح بدل البيتين عشرة وانتي عارفة ان الله ناعم علي! والحمد الله الخير موجود...بس تتوقعين لو اخذت ثنتين بوقت واحد بقدر اعدل بينهم!!
حنان بسرعة/مو لازم العدل؟
ناظر فيها باحتقار وقال/حتى لو كنتي انتي المظلومة؟
ام عادل وهي ترقع/كان حلمها من صغرها انها تكون خادمة تحت رجلك وانت تامرها بس النصيب وقف بينكم؟؟
جاسر/انا لسه اشوفها مو انصاف نكمل موضوع خطوبتنا...يعني انا اسمحيلي ياخالتي مابيكون بيني وبين بنتك أي اتفاق وبميل لبنت عمي اكثر...ساعتها انتي عارفة وش بيصير؟بتنقلب حياتنا كلنا جحيم؟
/////////////////////////////////////////////////////////////////////////////
اخر الليل,,,,
اصايل/يعني هذا اللي صار؟
ليالي بشرود/أي...
اصايل/وجاسر مادق؟
ليالي/قفلت الجوال وحطيت راسي ونمت من بعد ماطلعت امه ماكنت ابي اشوف ولااسمع أي شي؟
اصايل/الله ياخذ عيال الرميحي كلهم ويتركنا احنا بس!!
ليالي/أي صحيح انتي شسويتي؟ بتلتقين مع عبير؟
اصايل/طبعا لا؟
ليالي/اجل شنو؟
اصايل/بلتقي معه هو؟
ليالي/وبتكملين كذبتك؟
اصايل/.........
ليالي/مالك الاكذا!!
اصايل بثقة/لا....بقوله اني اصايل بنت عمك؟
ليالي/طيب ليه منتي خايفة من اللي ممكن يسويه؟
اصايل/مايهمني وش بيسوي...كل اللي ابيه اني اذله وذليته خلاص....شبي بعد!!
ليالي/انسحبي افضل من حياته؟
اصايل/قبل لااقول له انا منو مستحيل طبعا!!!
ليالي/أي بس...
اصايل/يصير اللي بيصير..مايهمني أي شي....المهم اني اخذت حقي من كل كلمة قالها لي وتغزل فيني فيها...ردت لي شوي من اعتباري وكرامتي؟؟؟
ليالي/مدري ليه احس ان اعترافك ماهو بصالحك؟
اصايل/قلت لك لو شيسوي انا ماعاد يهمني....احتقرني وانا بحتقره بالمثل وبكذا نكون تعادلنا,,,
المهم انتي اللحين شبتسوين مع وجه الفقر جويسر؟
ليالي تنهدت/والله مدري....
اصايل/اسمع تهاني تقول ان عمتي دقت له يجي بكرة ويتفاهمون؟
ليالي/منو بالضبط اللي يتفاهمون؟
اصايل/الظاهر عمتي تبي تكلمه علشان اللي صار اليوم؟
ليالي/حاسة اني موقادرة حتى اناظر بوجه عمتي بعد ها الموقف السخيف من امه؟
اصايل/وانتي وش يخصك؟
ليالي/لو ماكنت في بيتها ماتهجمت بها الطريقة على عمتي وتلاسنوا؟
اصايل/احسن تستاهل عساها بها الحال واردى واحد قال لها تتشمت من البداية كاهي الشماتة ردت على بنت اختها وولدها مابغها؟
ليالي/.......
اصايل/انا لو منك اقهرها وارفع ضغطها والزق فيه ومااتركه لهم؟
ناظرتها ليالي وهي تفكر وماقالت أي شي؟
/////////////////////////////////////////////////////////////////////////
نايف/انتي ماتبين تنيمينا؟
صبا باعتراض/لا...
نايف/ليه؟
صبا/لاني مو نعسانة هذا اولا..ولاني ابي اظل بقربك طالما انت موجود ثانيا..اذا طلعت بنام؟
نايف وهو يفرك عيونه/ياسلاااام وانا الضحية مو كفاية كل يوم اروح الشركة متاءخر؟
صبا/عادي مو ششركة ابوك وانت المدير العام خلاص محد يقوى يكلمك؟
نايف/أي بس مايصير...
صبا/تبي تشاهد فلم عربي ولااجنبي؟
نايف/لاهذا ولاذاك عيوني قفلت خلاص...تصدقين مااشوف شي؟
صبا بدلع/ماابي انام ابي اشاهد؟
نايف/وانا ابي انام؟طيب وين الحل؟
صبا تربعت بجلستها واشرت لحضنها/تعال..
نايف ناظرها وقال/وين؟
صبا/تعال نام بوسط حضني..انا اشاهد وانت تنام,,,,
حط راسه بحضنها بدون أي تفكير وغمض عيونه...
هي صدق كانت مشغلة التلفزيون بس عيونها مافارقته وبعدها حطت يدها بشعره وقامت تلعب فيه...
صبا بهمس/نمت؟
نايف وهو مصحصح/لا...
صبا وهي تبتسم/زاعجك صوت التلفزيون؟
نايف/لا ...
شالت يدها عن شعره ورفع راسه لها يستفسر ولقاها تبتسم..
نايف باحراج/ليه...ليه وقفتي..ظلي حوسي بشعري؟
صبا/خفت اني مضايقتك ومنت قادر تنام من حوسي؟
نايف/لا ....كملي...
رجع حط راسه بحضنه وحطت يدها تلعب بشعره من جديد...
صبا وهي مغمضة عيونها/نايف...
نايف/قولي...اسمعك..
صبا بحالمية/انا مااعيش بدونك؟
نايف/حتى لو عشتي بعيد عن ها العالم كله؟
صبا/أي...ابي اظل معك وبس!!!ماابي احد من العالم؟؟؟
نايف بتشكيك/متاْكدة؟
صبا/امممم....
نايف تنهد ورفع راسه لها وقال/بس انا اعذبك واهاوشك واضربك؟
صبا وهي تحط صبعها على فمه تبيه يسكت وقالت له بهمس/مو مهم....يهم انك تظل...وتظل وبس يانايف؟
نايف/.........
صبا/اذبحني اذا بيرضيك بس لاتتركني يانايف لاني لحظتها بموت؟انا خلاص تعودت على كل شي فيك وعلى سجني معك وراضية فيه ومقدر اعيش بدونك؟
//////////////////////////////////////////////////////////////////////////////////
اليوم الثاني,,,,,
ريم/صباح الخير...
ضاري/صباح النور...
رانيا/شلونكم...
محد رد عليها...
ام ضاري/اهم شي تسالها عن خوالها منو وقبيلتها...
ضاري/وبعد؟
رانيا/اللحين انت بتقعد معها والاسئلة من امك؟
ام ضاري/انتي مالك شغل ؟
ضاري/مو انا مايهمني أي شي ولاابي منها شي اللي ابيه مكفيني بس ها السوالف للوالدة؟
ام ضاري/يعني شلون نتقدم لوحدة ماندري منهم خوالها ومنهم اهلها ومن قبيلتها وشنومستواهم؟
ضاري/محد قال شي يمه...بس كبرت ولانزلت ترى انا حاطها في بالي وخلي ها الشي في بالك زين؟
ام ضاري/درينا...
رانيا بدون نفس/أي الله يوفق ان شاءالله؟
ام ضاري/انتي ياتتكلمين زين ياتسكين خلقك؟
ريم بهمس/خلاص سكتي وش فيك من الصبح؟
رانيا قامت/ولاشي....بيت تحفة..وين ابوي؟
ريم/مدري...
رانيا/اروح اكمل نومتي احسن واذا اتفقوا نبهيني افصل لي ثوب العرس؟
////////////////////////////////////////////////////////////////////////////////
جاسر/السلام...
كانوا اهله كلهم قاعدين بالصالة,,,
وعليكم السلام والرحمة,,,,
ابو جاسر/جاسر..
جاسر/نعم يبى؟
ابو جاسر/اليوم اجازة ماكو شغل؟
جاسر/أي عارف...
ابو جاسر/بغيتك شوي يبى...
جاسر ناظر بساعته/اللحين؟
ابو جاسر/ليش وش عندك؟
جاسر/لا بس عمتي مكلمتني من امس وتبيني اروح لها؟
هتون/واللحين بتروح؟توها الناس انتظر لين الضهر....ماقعدت الناس من نومها؟
مارد عليها وجلس قبال ابوه...
ابو جاسر/امك زعلانة عليك؟
ناظر جاسر بامه اللي كانت تناظره بدون ماتتكلم....
جاسر/أي...وماقالت ليه زعلانة؟
ابو جاسر/جاسر؟
جاسر بعصبية/انا ابي افهم انتوا شتبون؟
هتون بعصبية/بنت البدو ترجع لااهلها؟
جاسر/انتي مالك شغل؟
هتون بنرفزة/يبى مانبيها...خربت حياتنا...
جاسر/وش سوت لك ابي افهم؟
ام جاسر بعصبية/وش ننتظرها تسوي اكثر بعد!!مو كفاية خالتك امس طلعت من البيت وهي زعلانة؟؟؟وبنت خالتك انكسر خاطرها؟؟انت ترضاها لوحدة من خواتك تكون بها الموقف؟
جاسر/طبعا ماارضاها بس يايمه انتوا اولا قلتوا ان ليالي شي غريب..كائن خرافي مدري شلون وصفتوها لي؟
هتون/وش قلنا بالله!!
جاسر/وش اللي كنتوا مصورينه بذهني!!!انها غبية...انها حثالة..انها ماتفهم شي ولاهي عارفة دنيتنا وشلون صايرة؟هذا اللي كنتوا حاطينه في بالي؟
ام جاسر/احنا كنا متصورينها كذا ...لاتنسى ان احنا ماشفناها بحياتنا؟
جاسر/كان المفروض تسكتون وماتجيبون لها أي طاري لين انا اشوفها واقرر؟
هتون/مو هذا موضوعنا...
جاسر/الا هذا موضوعنا....وبعدين انتي شفتيها اول ماجت ورى ماقلتيلي عنها انها غير؟؟؟؟ليه ماوصفتيها لي؟؟ليه ماحاولتي تخليني اشوفها يوم حسيتي انها مو مثل ماكنا متصورين؟تدرين ليش لانك ماتبينها وحاطة في بالك ها الشي؟
ام جاسر/انا اتكلم عن بنت اختي اللحين؟
جاسر/هاذي بنت اختك غلطة؟؟؟انا شفت ليالي مرتين ولاثلاث بالبيت وكل ماجيت اسال منهي ها البنت قالوا بنت خالتك ويوم شفت ريم وماطلعت هي قلت مافي غير حنان...يمه انا انخدعت مااتصور اني ممكن اكمل حياتي معها وانا ماابيها اصلا؟
ابو جاسر/أي والحل يعني؟
جاسر/برد مرتي...
ام جاسر/بس احنا مو موافقين؟
جاسر وقف/وحسبوا حساب اني بسوي عرس كبير لها على الشهر الجاي؟؟؟؟
///////////////////////////////////////////////////////////////////////////
الضهر بشقة نايف وصبا...
كانت غرقانة بسابع نومة وفجاْة انسحب الغطاء اللي عليها فتحت عيونها ولقت نايف جنبها..
صبا بخوف/نايف؟كم الساعة اللحين؟
نايف وهو يفتح ثوبه/مايتراواللي جت وحدة؟
اعتدلت بقعدتها/وش اللي رجعك بدري كذا!!!هاذي اول مرة تجي الضهر؟
نايف وهو يناظر بعيونها/يعني ارجع مكان ماجيت؟
صبا بعفوية/لاحبيبي مو قصدي... بس غريبة يعني؟
نايف/والله قلت معقولة اللي معي تكون اللحين نايمة ومتلذذة بنومتها وانا ورى ها المكتب مداوم؟؟؟يصير؟؟ترضينها؟؟
صبا ضحكت.....
نايف/وش جاي على بالك تاكلين ؟جوعان ابي اكل وبعدها انام؟
صبا/امممم بيتزا....لاني مافيني اقوم اطبخ لك؟
نايف وهو يمسك جواله/وانا ماابيك اصلا تطبخين وتمرضيني؟
صبا/يو...حرام عليك بدل ماتقول ماقصرتي؟
نايف/بغيتي تسمميني ذاك اليوم قلتي ماقصرتي؟
صبا/أي انا وش يفهمني بالطبخ بالله!!!
نايف/معناته اتركي الشي محد جبرك تسوينه؟
صبا/زين لك يانواف بتشوف؟
نايف وهو يناظرها بنص عيون/اسمي نايف...
صبا بعناد/بس عندي اسمك نواف؟
نايف كان بيقول شي بس المطعم ردوا عليه واضطر يكلمهم وهي قامت تغسل وتلبس...
قعدوا بعدها بالصالة يسولفون لين دق المطعم وقال انه تحت ونزل نايف يجيب الطلبية,,,,
قعدت تنتظره..ومر وقت طويل ومارجع..
ماتدري ليش حست بالخوف.....
مرت ربع ساعة وبعدها نص ساعة وبعدها ساعة؟؟؟هذا كله يجيب طلبية مطعم من تحت!!!!
مرت الساعتين وهو ماركب وهي مافيها ولاقطرة دم تسري...باب الشقة مفتوح على اساس انه بيجيب الطلبية وبيرجع وجواله على الطاولة بس هو ماهو هنا...
شسالفة ياصبا ووينه نايف؟؟؟؟
///////////////////////////////////////////////////////////////////////////////
على كورنيش الدمام,,,,
كانوا قاعدين قبال البحر....
اصايل اللي توها جاية قالت وهي تتنفس بقوة/تاءخرت عليك؟
ضاري وهو يناظرها ويناظر بالبنت الثانية اللي معها/لا...انا بس جيت شوي بدري؟؟
اصايل/......
ضاري/شلونك؟
اصايل/بخير؟
ضاري/شلون الدراسة؟
اصايل/ماشي......
ضاري/تغذيتي ولالسه؟
اصايل/لاتونا طالعين من المعهد قلنا بنروح فرايديز ناكل لنا شي هناك...
ضاري/حركات...
اصايل/حياك معنا؟
ضاري وهو يبتسم/يصير اجي؟
اصايل /طبعا لا؟
ضاري بحب/بعد تقولينها بوجهي وماتخافين على مشاعري!!!
اصايل/وش بغيت تعرف وليش؟
ضاري/علامك مستعجلة كذا!!
اصايل/ماابي يضيع الوقت وانت ماعرفت اللي تبيه؟
ضاري/شوفي انا مايهمني أي شي وانتي عارفة هاذي كلها مجرد شكليات ليس الا..
اصايل بتنهيدة/شكليات لشنو؟
ضاري/تعرفين الاهل وسوالف الارتباط ومن بنته ومن قبيلتها؟
اصايل/أي ارتباط؟
ضاري/علامك يادانة ارتباطنا انا وانتي!!
اصايل/انا وانت؟
ضاري/أي...قررت ان احنا لازم نكمل حياتنا مع بعض...
اصايل/أي بس..
ضاري/بس شنو؟
اصايل/انت ماخذت راي؟
ضاري بشوية خوف/رايك بشنو؟
اصايل بثقة/بسالفة الارتباط؟
ضاري/مجنونة انتي؟؟انا احبك وش تتوقعين تكون نهاية وبداية حبي لك غير ان احنا نعيش تحت سقف واحد؟
اصايل/أي بس انا ماابيك ياضاري؟
ضاري بذهول/نعم!!!
اصايل بتحدي/يعني اللي قصدت اقوله انك ماتسوى عندي سايق علشان تكون زوجي؟
ضاري بجدية/هاذي مزحة ولاتبين تلعبين باعصابي ولاشسالفتك اليوم بالضبط؟
وقفت قباله وقالت بتحدي واحتقار/لاماهي مزحة...بس انت فعلا ماتسوى عندي سايق ياضاري؟؟؟مثلك بالضبط مو انا بالنسبة لك مااسوى عندك خادمة؟
ضاري بذهول/ماتسوين خادمة!!!
اصايل/مو انت قلت ها الكلمة؟؟؟؟؟ردت لك بنفس المعنى يا...ضاري؟
ضاري/دانة شفيك؟
اصايل/منهي دانة ياضاري؟انا اقولك...دانة هي نفسها اصايل بنت عمك اللي انت قلت لها بوجهها انا ماابيك وانتي ماتسوين عندي خادمة؟؟؟هاذي هي دانة اللي قبل شوي تبي تعرف اهلها علشان تناسبهم وترتبط فيها؟
//////////////////////////////////////////////////////////////////////////////////////
21-08-10, 07:15 AM
جديد مواضيع قسم القصص المكتمله
العرض العادي
