---البارت التاسع والثلاثين---
*************************************
/////////////////////////////////////////////////////////
ليالي/يعني اذا قلت لك لاتملك على بنت خالتك ماراح تملك؟
سكت ثواني وناظر بالارض بعدها رفع راسه وقال/اذا ماكنتي تبين ها الموضوع يصير فتاْكدي انه ماراح يصير!!!
مد يده على الطاولة علشان يمسك يدها بس هي سحبتها بسرعة قبل لايلمسها..
تنهد بقوة وقال لها بحسرة/كنت اظنك انتي ياليالي!!!!لو كنت عارف انها بتكون غير وماراح تكون انتي ماتكلمت بالموضوع اساسا!! ابيك تصدقيني بها الشي...
ليالي ببرود/وليش تبيني اصدقك!!!
جاسر بنرفزة/لاني مااكذب عليك!!!هذا الصدق,,,انا فعلا يوم شفتك حسبتك وحدة من بنات خالتي لاني من زمان عنهم وماشفتهم ويوم شفت وحدة فيهم حطيت في بالي انها الثانية اكيد...
ليالي بسخرية/أي وبعدين؟
جاسر بنرفزة اكبر/انتي ليه مو مصدقتني!!!
ليالي/وليه اصدقك اصلا!!!
جاسر/وليه اكذب عليك؟
ليالي/مدري...بس ليه تقولي الصدق بعد!!!تتوقع لك مصلحة؟
جاسر بكبرياء/انا قلت لك اللي عندي وسواء كنتي بتصدقين ولالا فهذا الشي راجع لك؟
رجع الصمت يخيم عليهم من جديد وماقطعها الا صوت الجوال وهو يدق,,,,
ليالي/هاذي عبير...
جاسر/...............
ليالي/فيني ارد؟
جاسر/أي اكيد.....
ليالي/هلا عبير....اي....مدري بشوف جاسر وش يقول وبعدين بعطيكم خبر....
////////////////////////////////////////////////////////////////////////////////////على كورنيش الدمام,,,
كانوا عبير وضاري يتمشون,,,,
عبير/مشاءالله اذا لكم مصلحة وبغيتوا شي نشوفكم بسرعة؟
ضاري/لاهاذي مو صحيحة عاد ياعبير...
عبير/بلى...يعني لو ماكنت تبيني بها السالفة ماكنت شفتك؟
ضاري/شدعوة انا اشوفك كل اسبوع...
عبير/ضاري!!اقول ورى ماتسكت افضل لنا....متى تشوفني كل اسبوع وانا مااشوفك...
ضاري/المهم اللحين هذا مو وقت عتاب.....شقلتي؟
عبير/انت من وين تعرفها....
ضاري/يمكن تكون طريقة تعارفنا غريبة شوي.....
عبير/أي...
ضاري/بس بالنهاية قلبي مال لها ياعبير....
عبير/كل الشباب يقولون ها الكلام ياضاري؟
ضاري/أي بس انتي تعرفيني مو مثل أي احد!!!انا ضاري واللي مايمشي مايمشي عندي لو شيصير؟
عبير/كم عمرها؟
ضاري/توها داخلة العشرين...
عبير/من بنته...
ضاري/وانا ليش مفاتحك بالسالفة ياعبير...علشان تعرفين ها الاشياء,,,
عبير/طيب يعني انت ماتعرف عنها شي...
ضاري/كل اللي اعرفه ماله دخل بالارتباط الرسمي...يعني سوالف من هنا وهنا.....
عبير/طيب لنشوف وش سالفتها بعد ها الدانة؟
ضاري/خذي رقمها عندك علشان تكلمينها..
عبير/لا..
ضاري وقف مكانه/ليش لا...
عبير/مو حلوة تعطيني رقمها وانت مابعد قلت لها اني بكلمها..
ضاري/أي بس...
عبير/انت مو تقول ان الرقم لصاحبتها ياضاري....لازم تعطيها خبر بالاول وبعدها ادق عليها واكلمها....
//////////////////////////////////////////////////////////////////
محمد/خلاص شلنا الشيلة ماباقي شي...
متعب بشرود/أي...
محمد/متعب..خير صاير معك شي...
متعب بتنهيدة/لا..
محمد/الاهل فيهم شي؟
متعب/ان شاءاللله مايكون فيهم شي...للحين الامور مستقرة....
محمد/اجل انت وش فيك؟منت على بعضك؟
متعب سكت ثواني بعدها قال/شفتها يامحمد شفتها وعرفتها؟
محمد/منهي؟
متعب/..................
محمد بذهول/لاتقول البنت اللي تزوجت وتركتك؟
متعب بتنهيدة/أي هي نفسها؟
محمد/وين شفتها؟
متعب/هناك بالشرقية؟
محمد/صار بينكم كلام.....
متعب/أي...
محمد/أي...متعب انت بتتكلم بالقطارة؟قول شسالفتك؟
متعب/ماتزوجت؟
محمد/شلون يعني ماتزوجت؟
متعب/يعني كذبت عليّ...ماكان في احد اصلا موجود؟
محمد/؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
///////////////////////////////////////////////////////////////////////
في محمع مارينا مول بالدمام,,,,
كانوا ام احمد وعبير وبسمة وتهاني واصايل هناك ودقوا على ليالي وجاسر اللي كانوا جايينهم بالطريق,,,,
اصايل/وين نروح بالاول؟
ام احمد/السواني...
تهاني باعتراض/لا..
عبير/وانتي دايما خالف تعرف مع امك؟
بسمة/ماعمرهم اتفقوا على شي؟
اصايل/انا لو منك ياعمتي كان اسوي الشي اللي هي ماتبيه!!
تهاني /ههههه ظريفة..
اصايل/أي ادري..منتي اول وحدة تقولين لي!!
ام احمد/يالله اللحين بيبدون بمعاركهم اللي ماتنتهي...
عبير/والله محد مرتاح من قعدة اصايل الا انتي ي اختي؟؟على الاقل خففت عنك كثير من حنة بنتك وتحملتها هي؟
اصايل/أي والله انا ابتلشت وانتي ارتحتي ياعمتي؟
تهاني/وش قصدكم بالله!!اني علة؟
ام احمد/لامنتي علة بس تشيبين الراس....
بسمة/ها ام احمد لاتغلطين على اختي علشان بنت اخوك؟
تهاني/تعيش اختي القمر اللي تفهم مو مثل باقي الناس؟
عبير/ها تهاني...مين باقي الناس اللي مايفهمون؟
تهاني/انا ماحددت اسماء...بس في ناس انا زعلانة منهم ليش ان ضاري دق عليهم يبيهم بسالفة وبعدها طلعوه معه ورجعوا وماقالوا شنهي السالفة؟
ام احمد/يامشين اللقافة يابنيتي!!!
تهاني/تدرون فيني مااتحمل ماادري عن شي...لازم اعرف كل اللي قاعد يدور حولي!!!
اصايل/ههههههههه
///////////////////////////////////////////////////////////////////////////////////
بالليل وبفندق شيراتوان الكويت,,,,
دخلوا بعد يوم طويل عاشوه مع بعض بروحهم وبدون أي منغصات من احد ..حتى هم نفسهم كانوا متصافين مع بعض والجو بينهم رايق ومافيه أي مشاحنات,,,,
نايف رمى نفسه على السرير بتعب وتسند على المخدات..وصبا راحت تبدل ثيابها وتغسل وتجي .....
غمض عيونه لثواني بعدها حس بحركة جنبه كانت بدلت ودخلت تنام بقربه...
مد يده وسحبها لحضنه ومااعترضت...
صار راسها على صدره...
نايف/انبسطتي اليوم؟
صبا/كثير...ياليت ها اليوم ينعاد يانايف؟
نايف/بينعاد ياصبا..اكيد بينعاد...
صبا/......
نايف/علامك ساكتة؟
صبا/ماعندي شي اقوله؟
نايف بهمس باذنها/قولي احبك....
صبا/...................
نايف بنفس الهمس/قوليها.....
صبا بتلعثم/نايف...سكر النور..
نايف/ليه؟
صبا بربكة/سكره...مو حلو الجو صاير لو تسكر النور بيكون افضل...
نايف مد يده وسكر النور مثل ماطلبت....
نايف وهو يلعب بشعرها/ها...كذا الجو احلى؟
صبا بهمس/أي....
نايف/معناته بتقولينها؟
صبا تنهدت بقوة وبالها رايح لبعيد.....يعني مافي غير ها السياسة ياصبا بتمشي معها؟؟انتي بنفسك شفتي كيف لان وتغير....وانتي اللي جربتيه تحقرينه وتصدينه وتراددينه وتعاندينه.....قوليها له وخليه يخف عنك شوي من بلاه وعناده وقسوته...
نايف/صعبة؟؟
صبا بعد ماانتبهت من سرحانها/ها...شنو؟
نايف/اقول صعبة مو قادرة تنطقينها؟
صبا/مو عارفة اقولها؟
نايف/حاولي...
صبا/وش تبي فيها انت؟
نايف/ابي اسمعها ولاانتي ناسية اني زوجك ولي حق اسمع اللي ابيه منك؟
صبا/أي بس...يعني مااعرف اقولها شلون؟
نايف/انا ابيها مثل ماهي ..قوليها وبس...
تنهدت صبا وقالت بهمس ماينسمع/احبك...
بس الاكيد انه سمعها لانه قربها من حضنه اكثر وضمها بقوة اكبر....
///////////////////////////////////////////////////////////////////////////////////
عند طاولات المطاعم كانوا قاعدين تهاني واصايل وليالي مع بعض...
تهاني/بسرعة قولي وش صار بينكم؟
اصايل/شقلتوا؟
ليالي/كم تدفعون؟
اصايل وتهاني ناظروا في بعض,,,
تهاني/اه يالملعونة !!!وش اللي خرب تفكيرك كذا!!!انتي ماكنتي مادية؟
اصايل/قعدة مع اللي مايتسمى قست قلبك علينا!!
ليالي/هههه معناته موتوا بحسرتكم ماراح اقول شي,,,,
اصايل/قولي بسرعة قالت موتوا بحسرتكم؟
ليالي/عندنا الليل وش طوله نتكلم فيه براحتنا..
تهاني/شوف اللي ماتستحي؟
ليالي/ههههه ها اذا بتغلطون ترى بقوم اقعد معه؟
اصايل/ليش هو ماراح؟
ليالي/لا...مع عماتي؟
تهاني/اشوف نزلت صلة الرحم عند الاخ جويسر والاخ ضويري ها اليومين؟
ليالي/ليش شفيه ضاري بعد؟
اصايل/قولي وبنقول؟
ليالي/لاتقولون اقدر اعرف؟
اصايل/كيف بتعرفين اذا ماقلنا لك؟
ليالي/مو مشكلة؟
تهاني/لاتتنيذلين ياليالي ياحبيبتي...تكلمي بسرعة؟
ليالي/اوووف منكم يعني مصرين تعرفون؟
اصايل/لانمزح...اكيد نبي نعرف؟
ليالي/مايبي يطلق؟
تهاني/أي....وانتي وش قلتي له؟
ليالي/....................................
///////////////////////////////////////////////////////////////////////////
ضاري كان مع عبير يوم قالت له انها بتروح لمارينا مول مع البنات اللي ماحددت منهم ومع اختها....فكان راجع البيت ولقى امه قباله اخذه وراحوا مارينا مول,,,,,,,,
كان ضاري وامه واقفين عند مطعم البردوني يوم تمر اصايل من هناك وهي كاشفة لانها كانت بتاخذ لها شي تشربه وصارت مقابل ام ضاري وضاري ومايفصلهم شي,,,,,
ام ضاري وهي تناظر باصايل اللي ضاري بعد كان يناظر فيها...
ام ضاري بذوق ابتسمت وقالت/فرصة سعيدة نلتقي مرة ثانية؟
اصايل ناظرت بالارض وحست انها بموقف لاتنحسد عليه؟
بس اضطرت ترفع راسها وتقول بارتباك/وانا اسعد اكيد...بالاذن؟
مامداها ام ضاري تتكلم الا وطيف اصايل من زمان راح؟
ضاري بلهفة/يمه انتي تعرفين دانة؟
ام ضاري/أي دانة؟
ضاري/اللي سلمتي عليها مو اسمها دانة؟
ام ضاري/لاانا مااعرفها بس شفتها مرة وهاذي المرة الثانية اللي التقي فيها معها....بس حلوة كثير وش رايك فيها ياضاري...
ضاري بتسرع/جنان..
ام ضاري بخبث/يعني عجبتك؟
ضاري/أي...اصلا انا حاط عيوني عليها؟
ام ضاري/وانت وش عرفك فيها؟
ضاري/عبير بتتكفل بالسالفة وبتجيب لي كل شي عنها؟
ام ضاري/يعني معزم عليها؟
ضاري/وبدون تراجع,,,,
اصايل بروحها مادلت طريق غير الحمام تدخله بذيك اللحظات
فتحت المويه وغسلت وجهها مرتين وثلاث علشان تخفي ارتباكها ...
اصايل وهي تناظر بوجهها بالمرايا/لكن استاهل على ها الموقف اللي انحطيت فيه من قال لي اكشف وجهي!!!!
مالي غير البس نقاب اللحين لااشوفهم مرة ثانية...ولانلتقي مع عماتي وفضيحتي عنده ببلاش؟؟؟لاانا ماابيه يعرفني هنا وبها الموقف..مو قبل مااعرف هو وش يبي من عبير...بعدها اقرر اذا كان لازم يعرفني اللحين ولالا؟
///////////////////////////////////////////////////////////////////////////////
طلعوا من المجمع وجاسر اصر ان ليالي تركب معه وهو بيوصلها بيت عمتها وطول الطريق يتحايل عليها انها تنام بالبيت وماترد بيت عمتها بس هي رفضت...
وبنص الطريق قالت له انها تبي شي من الملحق اذا ماعنده مشكلة يوصلها تاخذ اغراضها وبعدها ترجع بيت عمتها وهو قال لها اكيد...
طبعا ليالي ماقالت كذا الا بعد ماشافت كمية الاتصالات اللي جاية لجاسر من اهله ومبين انها من خالته وامه فقالت بنفسها خلني اشوف وش بيصير اذا شافوه معي.......
راحت معه البيت وقالت انها بتمر تسلم على جدها بس الجد كان في بيت بو ضاري ومانفعت الحجة,,,
ثامر/جاسر انت رجعت خالتي تسال عنك؟
لفوا اثنينهم لثامر اللي كان وراهم واقف.....
جاسر/وش تبي؟
ثامر وهو يناظر بليالي بذهول/مدري...تقول كان المفروض تتفاهمون اليوم مدري شنو؟
لف يناظر بليالي وكانه ياخذ منها جواب غير انها طنشته وكلمت ثامر,,
ليالي/شلونك ثامر؟
ثامر/......
جاسر بعصبية/وانت ماتعرف تسلم!!!
ثامر باستغراب/اسلم على منو؟
جاسر بنفس العصبية/على اللي واقفين وراك!!!طبعا على اللي واقفين قبالك؟
ثامر انسحب بسرعة...
ليالي وهي تضحك/لاتشيل هم متعودة على عدم احترام اللي في ها البيت بما فيهم انت!!!يعني الشي مو غريب ابدا!!!!
جاسر بنرفزة/ليال....علامك منتي مصدقتني!!!
ليالي ببراْة/وانا شقايلة عاد!!!!
جاسر غمض عيونه وقال/ولاشي....
ليالي/شلون بنظل واقفين.....شكلهم اهلك يبونك......
جاسر بحزم/تعالي...
ليالي بذهول/وين؟
جاسر/بتدخلين معي!!!
ليالي/ليه؟
جاسر باصرار وهو يمسكها من يدها/وليه يعني ماتدخلين معي!!!!
ليالي/بس...ماابي اسبب لك أي احراج؟
جاسر وهو يمشي وهي بجنبه/ومن قال لك ان فيها أي احراج بالله!!!
دخل الصالة وكانت امه وخالته وخواته وبنات خالته قاعدين كلهم,,,,
ماكانت تدري وش تسوي ليالي بها الموقف...للحين ماهي حاسة بالامان من ناحية جاسر؟؟
هل تفرح علشان ها الموقف ولاانه بينقلب عليها اصلا!!!
تنفست بقوة وهي تشوف العيون اللي ناظرتها بذهول والاشخاص اللي وقفت من شافتهم داخلين مع بعض..
ام جاسر توها بتنطق بس اختها ام عادل سبقتها..
ام عادل/جاسر؟؟؟وش عندك؟
جاسر بشموخ/سلامتك ياخالتي!!!
ام جاسر وهي تناظر بليالي وحاسة ان الدنيا تلف فيها,,,/جاسر من هاذي؟
لف جاسر يناظر بليالي وتوه بيتكلم سبقته ليالي وقالت بثقة مهزوزة شوي/اعتقد ان احنا تعرفنا قبل؟
ام عادل/انتي محد كلمك؟؟كلامنا مع جاسر؟
حنان بعصبية/هاذي وش موقفها هنا معك ياجاسر؟
جاسر وهو يناظر بللي تكلمت ويقرب ليالي منه شوي بعد ماسحبها من يدها بشويش ويتكلم بلهجة احتقار اثارت انتباه الجميع بما فيهم ليالي/سؤالك غريب يعني مرتي وش اللي بيكون موقفها معي!!!
ام جاسر بعصبية/جاسر؟؟؟
ام عادل بذهول/وش تقصد ياجاسر؟
جاسر/ليش انا قلت شي علشان اقصد اصلا!!!
شمايل بعصبية/جاسر احنا مو متفقين ان اليوم بنتفاهم بكل شي وبنحدد موعد الملكة؟
جاسر/انا مااتفقت مع احد...بس مدام ان ليالي هنا هي بتقرر وش اللي تبيه؟
كل العيون راحت لليالي ذيك اللحظة اللي كان فيها ارتباك خفي....واللي ناظرت بجاسر وكانها تتوسله لايحطها بها الموقف لانها اكيد مابتكون قد اهله وكلامهم..
جاسر وهو يناظرها ويتكلم بثقة/انتي قولي شتبين ياليالي واللي تبينه بيصير يابنت عمي!!!
///////////////////////////////////////////////////////////////////////////////////////////////////////
---البارت الأربعين---
*************************************
بروحها ليالي كانت مرعوبة من الموقف اللي حطها جاسر فيه..
يعني مو كفاية انها بوسطهم الا يبي رايها بها الموضوع وقدامهم !!!!
حنان من بعد كلمة جاسر شهقت وامها قالت بصوت عالي/انت جنيت ياجاسر؟
ام جاسر بعصبية/صاير لك شي ولاقاعد تلعب باعصابنا ولاشسالفتك بالضبط؟
جاسر ببرود يفتت الصخر/انا ماعندي سالفة؟
هتون بحقد وهي تناظر بليالي/يوم ان ماعندك سالفة ورى تبي تعرف راي ها القروية في موضوع مايخصها؟؟؟
جاسر بعصبية/احترمي نفسك وحسني ملافظك هاذي زوجتي وكرامتها من كرامتي...يعني اللي يغلط عليها كانه غلط عليّ انا؟
ام جاسر بصدمة/جاسر؟؟؟
ام عادل/عشتوا والله....وبنتي ياجاسر؟
لف جاسر على ليالي وقال باحتقار وهو يكلمهاويقصدهم/وش رايك ياليال؟
ام عادل وهي بتنفجر /تشاور هاذي في زواجك من بنتي!!بنت الاصول والعز..تشاور ها القروية؟؟؟
جاسر بنرفزة/هاذي بنت عمي واصلها اصلي!!يعني اللي ماهو بعاجبه اصلها اكيد مابيعجبه اصلي!!!!
ليالي حست بضيق وكتمة مو طبيعية بالجو لاسيما ان العيون كلها تناظرها بحقد وكره فقررت الانسحاب وهمست لجاسر/انا طالعة ياجاسر...
جاسر بصوت عالي/مو قبل ماتقولين رايك وتقررين وش تبين؟
ناظرت بوجههم نظرة اخيرة بس مالقت أي من النظرات تغيرت قالت بصوت عالي وهي طالعة/بفكر بالموضوع؟؟؟؟
///////////////////////////////////////////////////////////////////////////////////
كان قاعد بمكتبه يلملم باقي اوراقه وهو يناظر بالمكان ويودعه...
متعب/خلاص بتركك يامن حضنتني فترة طويلة وبروح مكان ثاني ابدي حياة جديدة.....
وان شاءاللله اقدر اتناسى فيها الامي واللي سبب لي ها الالم؟؟؟
انا خلاص قررت اشيل أي ذكرى ممكن تنغص حياتي...ماراح افكر بغير ليالي واصايل وسعادتهم وبس!!!!
وبنساها؟؟؟؟أي بنساها.....يكفي انها كذبت عليّ!! ماراح انتظر اسمع مبرراتها للكذبة مهما كانت ولو اني مااعتقد بيكون في سبب قوي لكذبها....بس انا لازم انساها واشيلها من بالي وماراح اندم على ها الشي ابدا!!!!
تنهد بقوة وهو يمسك ورقة وقلم ويخط فيها خاطرة صغيرة مرت على بال ويوثقها كانها عهد على اللي يبي يسويه اذا راح هناك,,,
ودعتها بعد كل الحب وكلي حزن وهم,,,,
تارك وراي حب سويته بيدي ونسيت كل ماخطيته بالقلم,,,
ودعتها وقطعت حبل الرجا برجوع الحب رغم الالم,,,
قراري واتخذته بعد ماشفت ان حبي مامنه امل,,,,
طال صبري عليها وعلى الحب وتجمد قلبي وماعدت بكلمات الحب اهتم,,,
الى متى ذيك الوعود اللي مامن وراها وفاء ومافيها الا الندم,,,
اقسم بقلبي اللي تجمد وبالحب تدنس اني مااذكرك طول الزمن,,,
كفاني حزن من كثرة الكذب كفاني جرح من حبيب العدم,,,,
ودعتها ومابرجع عن قرار باعيش من ورائه في نعم,,,,,
////////////////////////////////////////////////////////////////////////
في بيت بو ضاري,,,,
كانت ام ضاري قاعدة مع بناتها بالصالة,,,,
ام ضاري/شوف الصدفة شلون..
ريم باهتمام/شنو يمه,,,
ام ضاري/كنا طالعين انا وضاري والتقينا في دانة,,
رانيا بصدمة/دانة ماغيرها؟؟؟
ام ضاري/أي...والله فرحت يوم كلمني عنها ضاري وقال يبيها البنت مزيونة وماعليها كلام...
ريم/انتي تعرفين اهلها يايمه؟
ام ضاري/لايمه...هو متفق مع عبير تكلمها وتتعرف عليها...
رانيا تحلطمت بينها وبين نفسها...
ام ضاري/وش كنتي تقولين؟
رانيا بضيق/يعني معزمين على ها الدانة؟؟؟
ام ضاري/ليش ماهي عاجبتك؟؟؟
رانيا/انا ماقلت شي بس العالم ملايان مزايين ونعرفهم!!!
ام ضاري بلامبالاة/يكفي انها اختياره.....انا ضاري اعرفه ذوق صعب وكان بيعذبني بها السالفة بس يوم انه اختار بنفسه ريحني,,,
/////////////////////////////////////////////////////////////
بعد ماطلعت من باب الصالة راحت ملحقها كملجاء للهرب وفتحت الباب وماانتبهت لجاسر اللي دخل وراها وكان يمشي وراها اصلا مثل ظلها غير يوم لفت بتقفل الباب ولقته متسند عليه,,,,
ليالي/.................
جاسر/شوي شوي..علامك تركضين من بيلحقك؟
ناظرت بالارض وماردت عليه...
جاسر/ليالي لازم تعطيني ردك ..
قاطعته بسرعة/بتوصلني!!
جاسر بخبث/الوقت تاْخر ياليالي وش فيها اذا نمتي هنا .....
ليالي/..........
جاسر/بكرة الصبح وانا طالع الدوام اوصلك لهم..طيب...
ليالي/طيب....
مشت لداخل وفتحت باب غرفتها بالوقت اللي كان جاسر فاتح فيه انوار الصالة ولقاها داخلة لغرفتها وراح وراها بس ليالي سكرت الباب بوجهه بعد ماقالت له تصبح على خير!!
ثارت شياطينه من حركتها.....وضرب الجدار بيده...هاذي وش مفكرة نفسها بالله!!!اني بموت عليها؟؟؟ليه تسوي لي ها الحركات؟؟طيب ياليالي انا صبري بيكون طويل معك يابنت العم وبنشوف لوين بنوصل بالنهاية...
ابتعد عن غرفتها وراح للغرفة الثانية اللي كانوا اصايل وتهاني مستلمينها وكانت مقفلة...
جالت عيونه بالصالة يناظرها وهو يتخيل طيف ليالي يتحرك بكل ركن فيها,,,,
///////////////////////////////////////////////////////////////////
تهاني/وين كنتي!!!
اصايل وهي تنسدخ/مع بسمة....
تهاني/ليلى ماراح تجي؟
اصايل/اولا اختي اسمها ليالي...ثانيا علامك تفاولين عليها انها ماتجي؟
تهاني/لا ..هي عطتني مسج وقالت انها بتنام بالملحق وبتجي بكرة الصباح...
اصايل/وليه ترسل لك وماترسل لي!!
تهاني بنفخة/اولا لانها تحبني اكثر منك وهاذي مايتجادلون فيها اثنين؟؟؟ثانيا ..لانك ماقلتي لنا وش اللي ضيق خلقك وعفس مزاجك يوم كنا بالمجمع؟؟؟
اصيل تنهدت بقوة وحست بضيق...
تهاني بتعاطف/وش فيك؟؟؟احد تحرش فيك؟
اصايل/لا..
تهاني/اجل وش فيك؟
اصايل بحزن/اليوم بغيت اموت..
تهاني/ليه؟
اصايل/شفته..
تهاني/منو..ضاري؟
اصايل/أي...والمصيبة ماكان بروحه كان مع امه!!!
تهاني/وبعدين؟
اصايل وهي تتنهد/تخيلي صرت قدامهم وجها لوجه وامه سلمت عليّ..حسيت اني موقادرة اتنفس ياتهاني..
تهاني بتعاطف/صدق موقف قوي تنحسدين عليه؟وش سويتي بعدها كملي؟
اصايل /اخذت نفسي ومشيت والحمد الله اني لقيت حمام بوجهي وجلست فيه لين هديت...
تهاني/طيب وش صار بعدها؟
اصايل/ولاشي....طلعت وجيتكم بعد مادقيتوا تسالوني ويني فيه؟
تهاني بتشكيك/غريب ان ماحد فيني شافهم بالمجمع؟؟؟
اصايل بانفعال/شلون يعني انا اتوهم ياتهاني؟؟؟؟انا متاْكدة اني شفتهم وكلموني لاتشككيني بنفسي الله يخليك؟
تهاني/انا ماشكك ياعمري بس يجوز انهم كانوا جايين لغرض واخذوه ومشوا علشان كذا ماشفناهم,,,
/////////////////////////////////////////////////////////////////
ام جاسر بقلق/والله مو عارفة وش اللي صار يااختي؟
ام عادل/ولاشي...بس ها الساحرة رمت سحرها عليه يوم عرفت انه يبي بنتي!!!
ام جاسر/وش اللي صار له بس ياربي....والله وحلفتك لجني لج على سالفة الخطبة وانتي شفتيه بعينك مايحتاج اقولك؟
ام عادل/ادري فيه...بس مو منه منها هي ....لكن وين بتروح دواها عندي....محد بيطلع من البيت غيرها؟
ام جاسر/انا الصبح بخلي عمها يطردها؟
ام عادل/لايطردها....
ام جاسر/..........
ام عادل/يردها ديرة ابوها مالنا حاجة فيها وفي سحرها؟
بها الللحظة دخلت ريم بنت ام عادل...
ريم/يمه...
ام عادل/وش تبين؟ترى مالي خلق شي ابدا!!
ريم/يمه حنان قاعدة تضب اغراضها تقول تبي تطلع من البيت اللحين؟
ام جاسر وقفت/شنو؟
ام عادل/وينها فيه؟
ريم/بالغرفة مع شمايل....
قاموا وراها وراحوا لحنان اللي كانت تحط اغراضها بالشنطة وشمايل تحاول تثنيها وهتون متسندة وكانها تتفرج على مسرحية,,,,
ام جاسر/يمه حنان الله يهداك وش له شايلة اغراضك؟
حنان بعصبية/انا اللي ماابيه؟
ام عادل/وش ها الحكي؟
حنان بعصبية/يساومني انا في ها القروية؟
ام جاسر/يايمه امسحيها بوجهي ...هو اكيد صاير له شي ومايقصد؟
حنان/انتي ماشفتيه من طلعت طلع وراها مثل المجنون؟
ام عادل/ماينلام ولد خالتك مسحور؟
شمايل بصدمة/مسحور؟؟؟
حنان/انا مو قاعدة هنا وذالة نفسي عندي بيت ابو ومو عجزان عني...
ام عادل/اتركوني معها شوي بروحنا..
ام جاسر بهمس/مااوصيك يااختي عليها فهميها انه يبيها وخليها تصبر....مدري شللي صار له؟
ام عادل/لاتخافين انا بفهمها بس بنتي ماتنلام هو ماقصر ...بس انا بحاول اهديها....
طلعوا من الغرفة وسكروا الباب وراحت ام عادل لبنتها وصارت تشيل بالاغراض..
حنان باعتراض/يمه..
ام عادل بهمس/وصمه ان شاءالله؟؟؟
حنان/.......
ام عادل بهمس/جنيتي انتي...يوم قربنا نصيده تقومين تطلعين من البيت؟
حنان/انتي ماشفتيه يشاورها ياخذني ولالا؟ترضينها لي؟
ام عادل/ارضاها ماارضاها هاذي موقضيتنا...قضيتنا جاسر مانبيه يروح من يدينا؟
حنان/وش تبيني اسوي عاد؟
ام عادل/تقعدين مكانك لين اقولك وش تسوين..اما انك تخربين علينا وتطلعين من البيت معناته الخيط اللي احنا متمسكين فيه انقطع؟
حنان/واذا فكرت حضرتها وقالت لاتاخذها وش نسوي ساعتها؟
ام عادل/ماراح يصير امه مابتتركه بحاله ووجودك هنا وضيق خلقك وتعبك بيعطون الموضوع طابع خاص...انتي بس عقلي عن ها الخرابيط احنا ماصدقنا يتلحلح ويقول ابيها تقومين تصدقين وتزعلين وبتمشين من البيت؟
/////////////////////////////////////////////////////////////////////////
الساعة خمس ونص الفجر...بسيارة نايف...
صبا بتذمر/بذمتك هذا وقت نرجع فيه!!!انا مانمت البارحة وحاسة نفسي بموت من النعس...
نايف/اذا رجعتي الشقة حطي راسك ونامي وش عندك هناك يمنعك من النوم؟
صبا/ورى مااخرنا شوي يانايف..
نايف/صبا..عندي اجتماع العصر ومقدر اتخلف عنه...
صبا/أي بس باقي وقت لين العصر؟
نايف/انا مااضمن الطريق ولاالزحمة؟
صبا/.........
نايف/.........
صبا/اهلك متى بيردون؟
نايف/طائرتهم الضهر...
صبا/ردوا علشانك رديت؟
نايف/لا..هم مقررين اربعة ايام...
صبا/امممم.........ممكن اسالك عن شي؟
نايف/شنو؟
صبا/انت عندك خوات واخوان؟
نايف/عندي اختين وثنتينهم متزوجين...
صبا/ماكانوا موجودين بها الرحلة صح؟
نايف/لاماهم هنا...هذولا امي وعماتي ثنيتن وخالتي والثلاث الباقين صديقات امي....
صبا/انتوا متعودين امك تسافر بروحها؟
نايف/لان الوالد شغله ماخذ وقته فاامي صارت تسافر بروحها وابوي بروحه...واحنا مدبرين امورنا..
صبا/أي بس كذا موحلو يعني ماتحس بالمة
نايف/......تعودنا...
صبا/طيب انا بحط راسي وبنام شوي لين وصلنا لجمارك صحيني؟
نايف باستنكار/شنو تحطين راسك وتنامين قعدي سولفي معي واذا وصلنا نامي؟؟
صبا/اسولف شقول؟
نايف/أي شي...المهم اسمع صوتك؟
صبا/شغل لك الراديو واسمع أي شي..
نايف/ابي صوتك ماابي صوت الراديو....
/////////////////////////////////////////////////////////////////
قعدت الصباح من بدري بعد ليلة سهر قضتها بالتفكير بموقف جاسر منها؟
طلعت من غرفتها علشان تغسل وتفطر واول مافتحت الباب لقت جاسر قاعد قبال غرفتها ومبين عليه انه مانام من البارح,,,,
قام يناظر فيها وهو يشوفها بدون عباية لااول مرة,,,
كانت لابسة بيجاما احمر في ابيض...وشعرها طايح عليها باهمال...
ليالي بتردد/صباح الخير..
جاسر/صباح النور...
ليالي/عسى بس مو قاعد تنتظرني اصحى علشان توصلني وانا اخرتك؟
جاسر/لا...انا مانمت...
ليالي/ليه؟
جاسر بتنهيدة/مو لان عندي زوجة يهمها....
ليالي/انا!!!تقصدني انا!!!
جاسر/ليه في غيرك؟
ليالي/وانا شكو؟
جاسر/انا جاي معك البارح هنا...وين تبيني انام والغرفة الثانية مقفلة وانتي حضرتك قفلتي غرفتك بوجهي وكاني وحش مفترس وحتى غطا ماتركتيلي بالصالة؟
ليالي بداخلها لاتلعب عليّ وتبي تحسسني بتاْنيب الضمير...لاياجاسر انا عارفة انت وش تبي ولوين تبي توصل...بس مو انا اللي بتنازل لك بسرعة...
ليالي بلامبالاة/انا ماتصورت انك بتنام هنا توقعتك ترجع مكان ماجيت؟
جاسر/..............
ليالي/تبي تشرب شي....
جاسر/لا...ابي نتكلم؟
ليالي/طبعا بنتكلم لانك ماقصرت فيني وحطيتني بموقف انحسد عليه؟
جاسر/.........
ليالي بانفعال/جاسر انت من صدقك اللي سويته؟
جاسر/طبعا...
ليالي/ليه؟
جاسر/شنو اللي ليه؟
ليالي/ليه تاركني انا بوجه المدفع؟
جاسر/مين يقول ها الحكي؟
ليالي/انت ماتبيها وتبي تتهرب من زواجك منها وقاط السالفة على راسي؟؟؟
جاسر/........اممم...ذكية شلون عرفتي؟
ليالي/انا مالي شغل بالسالفة..سمعتني..انت واهلك تتصافنون انا كل اللي بيني وبينك ورقة وبس؟؟؟
جاسر بنرفزة/انتي زوجتي وغصبا عنك؟
ليالي باستهتار/والورقة؟
جاسر/شيلي ها الورقة اللحين؟
ليالي/.................
جاسر/ماقلتيلي شتبين؟انا منتظر ردك...ياتقولين أي ياتقولين لا...
ليالي بانفعال/وانا شيدخلني بالله!!!بكبرهم اهلك مايواطنوني؟
جاسر/قلت لك انتي زوجتي...ويهمني رايك...بس تاْكدي صار ماصار..يعني اذا اخذتها ولامااخذتها بتظلين انتي فوق الراس وماحد بياكل حقوقك؟
ليالي/وصلني؟
جاسر/مو قبل مانخلص من ها السالفة؟
ليالي/أي لاتوصلني انا اعرف ارجع؟
جاسربعصبية/لان اللي قدامك مو رجال لوح؟؟؟؟
ليال/انا ماقلت لك شي ولاتعرضت لك بكلمة...بس انت وعدتني توصلني؟
جاسر/أي بس انا مو رايح الدوام اليوم وقاعد معك لين نوصل لطلباتك وش تبيني بعد!!!!
//////////////////////////////////////////////////////////////////////////
فتحت عيونها على صوت مسج واصلها...
قرته وكان من ضاري..
(ممكن اذا شفتي دانة تقولين لها اني ابي اسمع صوتها اليوم يعني اذا فيك تعطينها الجوال)
تنهدت بقوة......تكلمه ولاتطنشه....لا..لازم تكلمه....
دقت عليه بااصابع مرتجفة
اصايل/الو..
ضاري بلهفة/هلا وغلا..
اصايل/صباح الخير...
ضاري/صباح الانوار...يعني الجوال معك ومافكرتي تدقين؟
اصايل/ماعرفت ادق عليك؟
ضاري/عندك زحمة؟
اصايل/لا...بس مدري شلون اكلمك..حاسة نفسي خجلانة؟
ضاري/من شنو؟
اصايل/...........
ضاري/من صدفة امس الحلوة؟
اصايل تنهدت/امك صح؟
ضاري/ورى ماقلتيلي انكم التقيتوا قبل؟
وقف قلبها عند ها الكلمة وقالت بارتباك/ها..هي قالت لك ان احنا التقينا؟
ضاري/أي قالت لي.......
اصايل/وقالت لك وين؟
ضاري/لاماجابت سيرة..بس قالت ان لقاها الاول فيك كان عابر مثل كذا وهربتي منها بسرعة....انتي قولي لي وين غششيني علشان تسهلين علي الموضوع؟
اصايل/انا مااذكر وين شفتها بالضبط....
ضاري/ترى الوالدة حبتك...
اصايل/........
ضاري/انا مااجاملك؟
اصايل في قلبها/حبك برص انت وامك....مو انا اللي ماتبوني وش له حبيتوني اللحين؟
ضاري/وين سرحنا؟
اصايل/ضاري.....
اصايل/ياعيوني...
اصايل/............
ضاري/علامك منتي على بعضك اليوم؟
اصايل/مدري...
ضاري/يبيلنا نشوف بعض علشان تهدين شوي...
اصايل/قصدك علشان تضيع باقي علومي؟
ضاري/ليه عاد!!
اصايل/يعني ماتدري بحالتي كيف تصير وانت قربي؟
ضاري/يابعد قلبي انتي...المهم بغيت اشاورك بسالفة....
اصايل دق قلبها/خير....
ضاري/انا كلمت عمتي عبير
اصايل بخوف/عن شنو؟
ضاري/.علامك انتي مرعوبة اليوم؟
اصايل/لا بس...
ضاري/المهم كلمتها علشان تتعرفون على بعض انتي وياها؟
اصايل بصدمة/نتعرف على بعض؟؟ليه؟.
ضاري/شنو اللي ليه؟
اصايل/ليه نتعرف على بعض؟
ضاري/يعني هي بتكون اقرب لك مني اكيد...وبتشوفك براحتكم وبتقدرون تتواصالون افضل بكل شي بالتلفون وبالزيارات..علشان تتعرف عليك اكثر.....
اصايل/انت وش تبي تعرف بالضبط؟
ضاري/ابي اعرف دانة؟ابي اعرف كل شي عنها؟يعني مو معقولة اتزوج وحدة ماادري عنها شي..ولاحتى اهلها؟
اصايل بتحدي/انا اقولك اللي تبيه ماله داعي تحط عبير بينا ياضاري؟؟؟
///////////////////////////////////////////////////////////////////
21-08-10, 07:00 AM
جديد مواضيع قسم القصص المكتمله
العرض العادي
