كاتب الموضوع :
بياض الصبح
المنتدى :
القصص المكتمله
البارت..........
هيفاء/ابي اكلم خالد يصير؟؟؟
مها/وليش مايصير؟
هيفاء رفعت جوالها ودقت عليه...وهي متوترة وخايفة....
خالد رد بحنان وضعف/هلا..
هيفاء بنكسار/ليش ياخالد ليش...ليش قلتها اليوم وتعبتني زيادة!!!
خالد تنهد/بس ياهيفاء انا ماقلت احبك لاجل اجامل واسليك؟؟؟كلام قلبي ونطقت به شفتاي!!!!
هيفاء من بين دموعها/اللحين جاي تقولها وتكسر قلبي فيها ياخالد؟؟؟ليه؟؟؟تدري ليه؟؟لانك اناني!!!اناني ماتعرف الحب؟؟؟
خالد بحزن/هيفاء انا..
قاطعته هيفاء/اللحين يوم انكتب لنا قدر جديد نتباعد فيه ونفترق قلتلي احبك!!!قلتها علشان تزيد ناري نار وتتعبني معك ياخالد؟؟؟؟
مها كان فكرها مشغول بجدتها بس كلام هيفاء لخالد مقطع قلبها وماهي عارفة وش تسوي اخذت بعضها وطلعت من الغرفة؟؟؟؟؟
خالد بنفس الاسى/حبيبتي لاتظلميني انا ما..
هيفاء/خلاص ياخالد خلاص...ماابي اسمع أي شي....اتركني في حالي واذا شفتني بيوم لاتسالني حتى عن احوالي!!!بيكون اريح لي واريح لك؟؟؟؟
***********************************في الحوش مشاري كان راكب بسيكله ومعه عبود يلعبه ويسليه لان اللي داخل كلهم مشغولين وناس رايحة وناس جاية وماهو داري وش قاعد يصير......
وهو يمشي بالسيكل اعترض طريقه عصا..وها العصا طبعا معروفة عصاة منو؟؟؟
مشاري/خير اللهم اجعله خير؟؟وش عندك بعد؟؟
الجدة/شيل عبود اللحين دوري؟؟
مشاري فتح عينه على وسعها/دورك؟؟؟انتي بتركبين فوق السيكل؟؟؟؟؟
الجدة شالت عبود رغم صراخه واعتراضه وركبت ورى مشاري ونص ملفعها طايح بالارض/اقول ونسني ترى بعد شوي عند مشوار بيرفع ضغطي بس ملزومة اسويه؟؟؟
مشاري للحين مو مستوعب انها وراه لاوبعد ماسكته مسوية وكانها قاعدة بدباب الحلوة؟؟؟؟؟
////////////////////////////////////////////////////////
هيفاء سكرت من خالد وهي كلها الم وتعب وضيق حاولت تنام شوي وماقدرت قامت وغسلت وصلت لها ركعتين وبعدها رجعت تحاول تنام وماقدرت طلعت من غرفتها وراحت غرفة هند يمكن تكون مها هناك.....
هيفاء/هند.....
فتحت الباب وكانت الغرفة خالية مافيها احد...سكرته ونزلت تحت....وهي نازلو وهند راكبة والتقوا بنص الدرج...
هيفاء/وينك انتي؟
هند بذهول/موجودة يعني وين بروح؟؟
هيفاء/رحت غرفتك مالقيتك قلت يمكن ان مها عندك...
هند/مها طلعت؟
هيفاء/وين راحت؟
هند/مدري بس قالت لي بتروح مشوار مع جدتي وبعدها بتروح مشوار مع اخوها....
هيفاء/أي اخو فيهم؟
هند/ماقالت لي وماحبيت اسالها يوم امها ماسالتها؟؟؟المهم ابوي يبيك تحت....
هيفاء/وين...
هند/بالمطبخ.....
هيفاء/معه احد...
هند/لا بروحه ويبيك بروحك بعد!!!!!
////////////////////////////////////////////////////
فاتن تكلم عادل/وبعدين؟
عادل/ولاشي...
فاتن/شلون يعني ولاشي...
عادل/....
فاتن/انت فيك شي اليوم منت على طبيعتك؟
عادل تنهد/مشغول بخالد شوي...
فاتن/الله ياخذها؟؟لاتطريه قدامي مااحبه!!!
عادل/ليش عاد!!!!
فاتن/خالد مو قد المسئولية ابدا!!!!بيظل يظلمها لااخر يوم بحياته وحياتها؟؟؟
عادل/لاتحطين بذمتك ..هو يحبها وهي تحبه بس القدر وقف لهم يافاتن وفرقهم..
فاتن/......وانت ليش تحاتيه!!!
عادل/لانه قاعد يواجه مصير يايكسبه يايخسره؟؟؟؟
فاتن/مافهمت....
عادل/على العموم انا بروح عنده اللحين وبعد شوي يعني اذا رجعت بدق لك طيب...
فاتن/ماشي...
عادل/فاتن....
فاتن/شنو....
عادل/ها...لاخلاص بعدني اقولك...
///////////////////////////////////
خالد كان قاعد مع ابوه.....
ابو خالد/هذا كله مايقنعني...تكلم مثل الرجاجيك وشيلها من بالك؟
خالد/ماراح اشيلها وبعدين انا اللي بتزوجها يبى مو انت؟
ابو خالد عصب/قوم اضربني علشانها؟؟؟
خالد/حاشاك يبى...انا بس كنت اقول..
ابو خالد/لاتقول ولااقول..انتهينا من ها السالفة ياخالد؟؟لاتصير لحوح عاد؟؟
خالد/يبى هاذي حياتي!!!وانا اللي لازم اقررها؟؟
ابو خالد/انت اصلا وش لك في العرس ياخالد؟؟؟مو جربته قبل وشفته مايسوى؟؟؟بس بتتعبك معها وبتوجع لك راسك وبتجيك المشاكل اللي انت اللحين بغنى عنها!!!!
خالد باصرار وعصبية/أي انا ابي المشاكل تجيني مو هامني؟؟بس لازم اتزوج؟؟
ابو خالد/اخطب لك اذا السالفة سالفة عرس وبس!!!
خالد وبنفس الاصرار/غير هيفاء ماراح اخذ؟؟؟
ابوخالد/الواكد انها ساحرتك ها الهيفاء وماني مستبعدها!!!خالد انت مسحور يبى؟؟؟؟
خالد فتح عينه على وسعها مو مصدق كلام ابوه؟؟؟
ابو خالد/انا يوم قلت لك طلقها...طلقتها وعشت بالرياض مرتاح ولالا ياخالد؟؟؟ليش يوم جيت هنا تعلقت فيها من جديد..معناتها انها ساحرتك؟؟؟؟
خالد بدهشة/يبى...انت كيف يطاوعك لسانك تقول ها الكلام؟؟؟
ابو خالد/ماعلينا ..امك متى راح ترد...كلمتها اليوم وماردت علي!!!!
خالد/خلينا من سالفة امي اللحين...وابي اقولك ان الليلة بتقدم لهيفاء واذا رضت ورضى ابوها بجي الشيخ وبملك وبخلص من ها السالفة؟؟؟
ابو خالد بخبث/اللحين امك طالعة من البيت ولاهي هامتك!!!بتروح تتزوج حضرتك وبيت امك وابوك بينهد؟؟؟من وين جايب قلبك ياخالد؟؟
خالد بنفس الاصرار/يبى امي في راسها شي وتبي تسويه!!!!الله اعلم شنهو ..بس اذا بغيت تحضر بكون ممنون لك يابو خالد....
ابو خالد وقف بعصبية/قلت لك مافي يعني مافي؟؟؟لاتخليني اعيد وازيد بالحكي ياخالد!!!!!ولا صدقني بوريك كيف الرجال يتعاملون؟؟؟
خالد وقف بنفس العصبية/مو مشكلة انت تبي نتعامل مع بعض مثل الرجال مو مثل ولد وابوه!!!طيب....الارض اللي انا شاريها جنب البيت ومفكر ابنيها علشان نسكن مع بعض ونوسع البيت لاتزوجنا انا واحمد انساها؟؟؟؟المحل اللي قاعد اشتغل لك فيه بالسوق علشان تجارتك بعد انساه؟؟؟العمارة اللي بانيها وباجرها لعمي بدون مقابل سنة كاملة هاذي بعد انساها وبلغه لاباجرها اياه بمقابل ولابدون بعد؟؟؟حمد ولد اخوك من بكرة يعتبر نفسه مفصول من شركتي ولاعاد يوريني وجهه؟؟؟؟؟وفي شي بعد......العقد اللي متفق معك اسويه لك بشركتي اعتبره ملغي يبى؟؟؟هذا تعامل الرجال لبعض اذا ماصارت بينهم مصالح؟؟؟انت تبي كذا!!!!!
سكت بو خالد وقام يناظر بولده بتشكيك وقطع عليهم صوت الجرس؟؟؟؟؟؟؟؟؟
/////////////////////////////////////////////
ابو محمد بحنية/ماقلتي شي يبى ياهيفاء؟؟؟
هيفاء رفعت راسها وناظرت في ابوها والدموع بعينها/شتبيني اقول بس يبى...
ابو محمد/قولي كل اللي عندك يبى ياهيفاء انا اسمعك....
هيفاء/يبى....ابوه مو راضي كيف اتزوجه...انا عارفة خالد مايحب يزعل احد وخصوصا امه وابوه؟؟؟؟هو متى قال لك ها الحكي؟؟؟
ابو محمد/الضهر.....اول ماجيت من الدوام كلمني وطلع وقال لي المغرب بجي وبعرف رايك......
هيفاء تنهدت وسكتت يعني ماقال لها الكلمة الا بعد مافاتح ابوها بالموضوع!!!!!
ابو محمد/يبى ....قبل كل شي تذكري ان عبدالله بالنهاية محتاج لاابو يربيه مو ام؟؟؟هذا ولد بكرة بيصير شاب....يدور بالشوارع خوب مابتدورين انتي وراه وبتشوفينه وين يروح وين يجي ومع منو يطلع ومع منو يقعد؟؟؟محتاج رجال يخاويه ..يعلمه....انتي ماراح تقصرين ادري فيك ...وانا وخواله مو دايمين له...انا بموت وخواله كل واحد بينشغل ببيته وعياله...
هيفاء/لاتقول ها الحكي يبى...عساك سالم وتبقى لنا...
ابو محمد باصرار/لازم ياهيفاء تفكرين بحياته هو قبل حياتك انتي...بكرة بيسالك عن ابوه وليش انتوا ماتعيشون مع بعض في بيت واحد مثل كل اللي بيكونن معه؟؟؟شبتقولين له بعدين تطلقنا انا وابوك وبعدها خطبني وانا رفضت علشان جدك كان رافض؟؟؟
هيفاء/.............
ابو محمد/ماتدرين بعدين شيصير بالمستقبل يمكن يغير ابو خالد رايه ويمشي الامور طبيعي وبعدين لاتنسين انه يحب عبود ..واذا شافه حوله هو مع اخوانه بيتاثر اكيد؟؟
كلمة اخوانه خلت قلبها يدق بسرعة ..معقولة بترد لخالد وبيجيون عيال بعد غير عبود؟؟؟؟؟؟
ابو محمد/ماشكلك اقتنعتي بكلامي؟؟؟طيب عطيني اللي عندك وخلنا نتفاهم.....
/////////////////////////////////////////////////////////
احمد/انزل معكم لو تبون تكونون بروحكم؟
خالد/وش اللقافة اللي عندك؟؟
مها/وانت وش فيك معصب؟
خالد/وش تبي تسوي بالله؟؟؟روح ود خواتك عند امك وطمني لاعرفت شي؟
مها/وانت شتبي من هنا ياخالد؟
خالد/نزلي وبقولك؟
مها/والله اني مو قادرة افهم شي من اللي قاعدين تسونه كلكم؟؟؟قاعدة امشي مع الواحد والثاني وانفذ طلباته ولااحد راضي يقولي شلي صاير؟؟؟
احمد/مو انا وانتي ضايعين بالطوشة؟؟ظبس يالله خليها على الله يابنت....
خالد بحزم/واذا دقينا عليك تجينا بدري؟
نزلوا خالد ومها واحمد فاتح عيونه على وسعها/ان شاءالله مفكريني من جد سايق؟؟؟وقت مايبي شي حضرته اتصل تعال ووقت مابغى يرد قال مرني!!!!والله حالة ابتلشنا احنا بيدك اللي انكسرت يابو عبدالله!!!بس يالله يدك ولارجلك بعدين حتى الشيلة بنشيلك على ضهورنا!!!!!!
/////////////////////////////////////////
مها/قبل لااسوي لك اللي تبيه ابي اقعد معك وافهم شي ماني فاهمته؟
خالد وقف بالممشى/وشو؟
مها/خلنا ندخل اقرب كافي واقولك.....
********************************************بالكاف ي..
خالد/مهاوي لاتاخريني الله يخليك..وقولي اللي عندك باختصار؟
مها/خالد..ابوي ليش يكره خالي لهدرجة ؟؟؟؟انا من وعيت وانا اسئل نفسي ها السؤال ومالقيت له اجابة؟؟؟حتى اذا سالت امي ماترد علي ؟؟؟؟
خالد تنهد وسكت..
مها/لعلمك عاد ماحد بيقومني من ها المكان الا اذا عرفت السالفة؟
خالد بتردد/ماحد يعرف ها السالفة غير جدتي وهي اللي قالتها لي بعد ماطلقت هيفاء؟؟؟؟؟؟وقالت لي لاتقول لااخوان ولا لعيال خالك...بس علشانك راح اقولك اللي اعرفه واللي قالته هي لي بلسانها والله اعلم........بداية الموضوع...زكان ابوي خاطب امي وخالتي ام محمد مخطوبة لعمي ابو سعود...بس بعد مدة فكت خطوبتها منه ومابغته..ليش ماادري؟؟؟وتقدم لها خالي ووافقت عليه وتزوجوا..وها الشي طبعا ضايق ابوي كثير لانك تعرفينه يموت على شي اسمع عمي بو سعود واعتبر ان بو محمد خصم له وهو يعرف ان ها الانسانة كانت خطيبة اخوه بيوم من الايام وبدت اول شرارة كره من ابوي لخالي!!!!!بعد ماتزوجوا امي ولدت وجابت تؤام بنتين وولد بس توفوا بنفس اليوم ومرة خالي جابت هنادي.....
والتقوا بالمستشفى وماراحت على عمي اللي كان ناوي الشر لخالي بعد مااخذ مرته.....ظل يحش راس ابوي بان ابو محمد اللي هو خالي مترصده ويكرهه ويسوي الشي اللي يضايقه...وكان بيتنا بالدمام....وجنب البيت كان مكتب ابوي وبقالة صغيرة فاتحها بنفس البيت...هاذي امي تقسم عليها قسم ان ابوي كان بذيك الليلة بالرياض وانها شافت عمي يدخل ويحرق المكتب والبقالة ولولا ستاير الله كان حتى البيت احترق....المهم ان اللي تورط بالسالفة خالي بو خالد...لان عمي قال انه شايفه قريب من البيت ذيك الليلة وبالبقالة شافوا شي يخص خالي..مع العلم ان خالي طبعا كان موجود لان امي اتصلت فيه بعد مااتصلت بالمطافي والجيران!!!!
هني ابوي مارضى يتنازل عن خالي وقرر انه مايتنازل عن القضية بس جدي كان عايش وظل رايح جاي علشان يتنازل وهو مبري ولده ودخلوه فيها كبارية المنطقة وتنازل ابوي بالنهاية؟؟؟؟والشي اللي ماتعرفينه بعد انهم كانوا يشتغلون بنفس الدائرة بالحكومة ويوم جت خالي ترقية وابوي ماجته حس بالغيرة من خالي وترك الحكومة وفضل الاعمال الحرة.....وهاذي كل السالفة يامها؟؟؟
سكتت مها وهي تطالعه...بدون أي تعليق؟؟؟؟؟؟
//////////////////////////////////////////////////////////////////في بيت الفايز,,,,,,,,
كانت ام محمد وام ياسر يناظرون بالنافذة وهم يشوفون عمال تدخل وعمال تطلع ويطلعون باغراض شقة محمد....
ام محمد/معقولة بينقل وماقال لنا؟؟
ام ياسر/لالامو معقولة..اللحين بس ينزل ورى العمال نناديه ونشوف وش سالفته..اذا قال الليلة بينقلون جهزي حالك بالله ومن الليلة نروح معهم؟؟
مامضت دقايق كثيرة الا والعمال كلهم طلعوا ومحمد دخل لهم البيت بدون ماينادونه..
ام محمد/هلا يمه...
ناظرهم بدون مايتكلم,,
ام ياسر بسرعة/اقول يمه...وش له العمال مطلعين اثاكم واغراضكم كلها لايكون بتنقلون؟
محمد/لا...انا بعت الاثاث والاغراض كلها؟؟؟
ام محمد/وش يعني؟
ام ياسر/مافهمنا؟
محمد/احنا نقلنه خلاص وبناْثث البيت على راحتنا شوي شوي..
ام محمد بصدمة/متى نقلتوا؟
ام ياسر بنفس الصدمة/وليش ماقلت لنا نروح نساعدك ونساعد هنادي يمه.؟
محمد/مايحتاج..احنا اصلا اثاث بيتنا كله بعنا ومامننبي منه شي؟؟حتى الثياب تبرعنا بيهم للجمعية وهاذي مفاتيح الشقة يمه شوفي وش بتسوين فيها؟؟؟
ام محمد/وش يعني كلامك يامحمد...
محمد بحزن/يعني ان في شيخ قايل لهنادي بيتك فيه عمل؟؟؟معمول لك عمل ومدفون بنفس البيت اللي انتي ساكنته؟؟؟وانا بصراحة ماابي اتعب البنت اكثر من كذا؟؟
ام ياسر بانفعال/أي عمل واي خرابيط؟؟مرتك لانها ماتجيب عيال قام يتهيا لها ها الاشياء؟؟؟
ام محمد بتايد/يعني يمه من بيكون بالبيت غيري وغير خواتك وزوجات اخوك بالله!!!احنا بنسوي لها العمل؟
محمد باستهتار/موشرط..اي واحد يقدر يدخل اللبيت يقدر يدفن العمل خوب مايبيلها شي يمه؟؟؟؟على العموم انا بجيك كل يوم يمه لاتحاتين وبشوف شناقصك..
ام محمد/........
ام ياسر/بس انت لازم تاخذ امك معك في بيتك يامحمد ولاتبي تحرمها من بينتك ومن شوفتها؟؟تراها تموت على سارة يامحمد؟؟؟
محمد ابتسم/لاتخافين ياعمتي عيالي؟؟وشددي على كلمة عيالي...بجيبهم لها كل اسبوع تشوفهم وانا جاي لها؟؟؟؟؟
ومشى عنهم وقاموا يناظرون في بعض بنظرات غريبة ؟؟؟؟؟؟
////////////////////////////////////////////////
مابغى ياْذن العشى ويصلون في بيت السالم.....
علشان يترقبون للي بيصير بعد لحظات لانالغالبية عارفين بللي صار واللي راح يصير!!!!
مرت الثواني ثقيلة لين وصلوا مها وخالد....وطبعا قبلها كان احمد جاي مع مرام وجود.....
ابو محمد/.........
خالد/ها ياخالي كلمتها؟
ابو محمد/أي كلمتها؟
خالد/وطبعا ماوافقت؟؟؟قالها بحزن والم وبانت على وجهه مشاعره؟؟؟
ابو محمد/بلى ياخالد وافقت....بس انا ابيك توعدني وعد قبل لاتاخذها...
خالد بفرح/ابشر ياخالي ابشر.....
ابو محمد/انت بتحطها بعيونك ياخالد ولا ..لا؟
خالد تنهد وقال بسرعة/مو بس بعيوني ياخالي...الا بقلبي وبروحي بعد!!!انت بس عطني وياها وكل اللي تبيه بيكون؟
ابو محمد/انا ماادري وش اللي غير رايك على بنتي ولا شنو اللي صار لكم مع بعض!!!!كل اللي ابيه منك ياخالد انها ماتطلع من بيتك ياخالد مرة ثانية الا على قبرها!!!!واذا بتردها بيتي ردها ومعها سبب يقنعني ويقنع غيري ليش هي ردت؟؟؟
خالد بخجل/خالي...سامحني على اللي صار انا عارف انك شايل بقلبك من اللي صار بس صدقني كان الشي مو بيدي!!!!بس اوعدك ياخال وعد...راح اخليها بعيوني وماتشوف معي الا السعادة؟؟؟انت بس تطمن وريح قلبك.............................................. .................................................. .................................................. .................................................. .................................................. **********************************في فندق الهولدي ان بالخبر وبجناح من الاجنحة...
دخال خالد وبجنبه هيفاء.......
وبعد ماسكر البا وقف يطالعها..وهي كانت ساكنة وساكتة طول الوقت وماتكلمت بكلمة وحدة بس يوم يسالها الشيخ اذا كانت موافقة ولالا وقالت أي وبعدها خالد مايذكر انه سمع صوتها ابدا!!!!!
خالد بهمس/بتظلين واقفة هنا؟
هيفاء وهي تتجول بنظرها باركان الجناح.../وش تبيني اسوي؟انت فاجاْتني بصراحة؟؟ماقلت بتملك وبطلع معك بنفس الليلة؟
تقرب منها خالد وهمس باذنها/ليش ماتبين تجي معي الليلة؟؟؟ناوية تتركيني بروحي بعد ماصرتي زوجتي حلالي!!!!!
هيفاء اكلت لسانها القطة مثل مايقولون وظلت ساكتة....
خالد شال شيلتها بشويش طبعا لان يده الثانية مجبرة وماتساعد...
هيفاء/خالد...
خالد/روحي شيلي عبايتك وبدلي يالله!!لاتوقفين كذا وتضيعنا وقتنا على الفاضي!!!
هيفاء ناظرته وهو عيونه تناظرها بخبث يودي الوحدة ورى الشمس!!!
هيفاء بصوت واطي/انا جيتك بعبايتي وشيلتي وشنطتي بس!!!!
خالد/ادخل الغرفة انا رايح السوق مع مها وشريت لك لليلة ولبكرة بس!!!روحي بدلي وانتبهي على نفسك لاتحترقين وتحرقينا معك؟؟
ودفها قدام الباب...وهي مافهمت كلمته بس مشت للداخل....
//////////////////////////////////////////////////
الجدة/محمد...
لف لها محمد...اللي كان قاعد بالخيمة ينتظر على نار.....
كانت مها جنبها...ووقف اول ماشافها....
الجدة/تفضل ..عروستك......
محمد بامتنان/شكرا...يااحلى جدة بالعالم,,,
الجدة وكان بيدها بوكيه الورد اللي جايبه محمد الصباح لمها/خذ عطها اياه اللحين ومسك يدها مثل ماتبي صارت حلالك وماحد قايل لك شي؟؟؟؟؟
مها نزلت راسها من الفشيلة ومحمد ارتبك....بس تقرب لان جدته طلبت منه يتقرب ويسلم على مها ويشيل شيلتها.....
طبعا الجدة العصر يوم طلعت مع مها راحت لبيت بو سعود وسوت له سالفة كبيرة عريضة علشان تخلي ابو خالد يوافق على ملكة محمد ومها اللليلة وبوسعود تفشل طبعا بماانها وصلت لنص بيته واحرجته بطلبها وماقدر يرفض اقنع اخوه بالزور يوافق وجا ابو خالد لملكة محمد ومها رغم انه مابارك لخالد وهيفاء؟؟واول ماملكوا محمد ومها مشى....لانه ظل يحاول يكلم ام خالد اللي مارضت تكلمه ولاترد عليه...
طلع من الفشيلة لان الكل كان ياخذ ويعطي مع ابوسعود حتى بو محمد نفسه وكانه نسى او تناسى اللي بينهم وحتى ابو سعود بعد نفس الحكاية ..وهو حس انه مثل الغريب بينهم ففضل الانسحاب!!!!!
الجدة بعصبية/شوف الردي شلون واقف؟؟؟اقولك تقرب وسلم على مرتك؟؟؟
محمد مشى بارتباك وكانه اول مرة يشوف مها وهي مرعوبة وفرحانة ومتوترة ومرتبكة وكل المشاعر متناقضة فيها!!!!
محمد فتح وجهها وكانه يشوفها لااول مرة...ظل يتاملها بحنان وحب مامنهم بالعالم كله........وشيئا فشي انسحبت الشيلة كلها من يده.......
ومها ظلت عيونها بالارض وماقدرت ترفعها من النار اللي بصدرها...
كان ودها اول مايعلنوهم زوج وزوجة على سنة الله ورسوله ترمي نفسها بصدر محمد وتبكي بس وقوف جدتها صاير عايق لهم!!!!!!!
محمد بارتباك/مها...مبروك...
مها بدون ماترفع راسها وبصوت واطي/وانت بعد مبروك...
الجدة/أي..اللي يسمعكم يقول ماكنتوا مع بعض الصباح وانا كشفتكم؟؟؟
محمد ناظر بمها اللي ارتبكت وابتسمت..
محمد بامتنان/ياليت لو كشفتينا من زمان ياجدتي!!!والله اني ماراح انسى لك ها المعروف طول عمري؟؟
الجدة/انت لاتصير لوح وتخبي مشاعرك بقلبك وتكتمها؟؟يبى أي شي بخاطرك قوله مو تسكت؟؟؟صير مثل الثور اخوك....الله ياخذه خلني اروح مااشوف له حس بس لايشوف الكيكة اللي جابها احمد....
وراحت بسرعة..ووقفوا جنب بعض ويطالعون في بعض....
محمد مسك يدها ودخلها معه الخيمة وجلسها جنبه وهي مسيرة ورى رغبته وتسوي كل شي بدون أي اعتراض.....
محمد بحنان/والله اني مو مصدق انك صرتي حلالي يامها؟
مها واخيرا قدرت ترفع راسها..../والله لو المكان كان مسكر كان وريتك وش اللي كنت بسويه؟
محمد/ومن قال لك بنظل هنا...قومي انا ابي اسهر فوق معك..خوب انتي الللية معي ....
مها/...........
محمد/خلينا نتكلم عن الترتيبات فوق وعلى راحتنا لاتنسين ان عرسنا الشهر الجاي ولازم نتفق على كل شي يابعد عمري....
ومسك يدها وصعدوا فوق بغرفة محمد...
//////////////////////////////////////
نرجع للعشاق الثانيين....
(ومعليش اسمحولي بفلها شوي وللي اعمارهم تقل عن 18 سنة لايدخلون ههههههه هو مو فل فل بس علشان لاتقولون ان فيها السالفة مصاخة بس حرام المفروض يعوضون عن الدموع اللي بطول الفلم مدري الرواية يذرفونها...خلاص مابكثر حكي لاتنقطع الاحداث)
هيفاء اول مادخلت الغرفة شافتها ملايانة شموع مرمية على الارض وفهمت كلام خالد....
بس متى مداه يسوي هذا كله؟؟؟؟وبيد وحدة معقولة؟؟؟؟
راحت لعند الدولاب واللي ماكان فيه غير بنطلون وبلوزة على جنب وثوب نوم معلق....
رفعته لقته ذهبي ...قصير لحد الركبه...بسيور ناعمة ومزموم عند الصدر......
ماتدري ليش ترددت تلبسه...رغم انها لبست من قبل اشكال والوان لخالد؟؟؟؟؟بس اللحين في شي مختلف...في مشاعر بينها وبين خالد متهيجة....وخايفة حتى من مجرد التفكير فيها شلون بتكون......
تنهدت ودخلت الحمام تغسل وتلبس...
وطلعت فتحت شنطتها وفلت شعرها وبخت لها كم بخة عطر...ووقفت قبال المراية...
كان شكلها هادىء جدا وبدون أي مساحيق حتى كحل مافي عينها!!!!
ومايبين عليها بليلة زواجها!!!بس الفرحة كانت باينة بعينها وثوب النوم مفصل جسمها تفصيل وبارز انوثتها...وظلت واقفة عند المراية تفكر في اللي ممكن يقوله خالد وهو شايفها بها الثوب...وهي رايحة يمين وطالعة شمال واللحين تناظر قدام واللحين تلف على جنب...
بالاخير سمعت صوت خالد وراها ووقفت مكانها...
خالد/ياربي على البنت المجنونة؟؟؟ورى ماناديتيني يوم انك بدلتي وقاعدة تطالعين بروحك!!!اللحين أي اهم انا اشوفك ولاانتي تشوفين نفسك؟؟؟
سكتت هيفاء وقامت تطالعه من المرايا وشافته يتقدم منها وهو يعبر بين الشموع اللي على الارض ووصل عندها وحوط خصرها بيده وقربها منه...
وصاروا حاضنين بعض وصدره بصدرها...
خالد بهمس وهو يطالعها من المرايا/اخاف اقول انك صايرة تجننين ومااكون منصف!!!!
هيفاء بهمس/متى امداك تحط الشموع..؟؟
خالد/العصر ....
هيفاء/طلعت عندك افكار بعد!!
خالد باسها على راسها/يصير اكذب واقول انها افكاري!!!هههه فكرة مهاوي والله...
هيفاء/والثوب بعد اختيار مهاوي؟؟قالتها وهي مسوية روحها زعلانة ومتضايقة وغيرانة؟؟
خالد ضمها بيده اكثر وغمضت عيونها..
خالد بهمس/مهاوي عليها المقاسات بس وانا علي الاختيار ياقلبي!!!بشري عجبك؟؟انا اشوفه يذوب...صراحة ماتخيلته بيفصل لي جسمك كذا!!!صايرةة تهبلين وانا مافيني حيل اوقف بعد اكثر من كذا!!!
هيفاء فتحت عينها.../خالد...انت ناسي ان يدك تعورك؟
خالد بخبث/مو بس يدي اللي تعورني كل شي فيني صار يعورني؟؟؟
هيفاء/.........
خالد/وانا ليش ماخذ لي ممرضة بالله!!!موعلشان تقوم فيني!!!
هيفاء بصوت واطي/من اول ليلة عاد؟؟
خالد وهو جارها من يدها /لااخر ليلة بعد!!!ترى ماعندنا وقت حبي الساعة اربع ونص طائرتنا؟
هيفاء بذهول/وين؟؟
خالد/بنروح بيت الله...وبنزور النبي...انا حجزت لنا اسبوع بنقضيه بمكة والمدينة.....
هيفاء/كنت متاْكد من موافقتي؟؟؟لهدرجة مشاعري فاضحتني؟؟؟
خالد/لاوالله كنت خايف الى اللحظة اللي قال لي فيها خالي انك موافقة وانا حاس اني بحلم مو بواقع!!!بس الحمد الله..علشان كذا قلت لازم نروح نصلي في بيت الله ونزور النبي ونصلي عنده....
هيفاء/وعبود؟؟
خالد تقرب منها وباسها على شفايفها مرة وحد’’’وقال لها بهمس/لاعاد تطرين احد خلاص!!!!الوقت هذا ملك لخالد وبس!!!!!!!!ماابي ولاشي فيك يفكر بغيري؟؟؟؟
/////////////////////////////////////////////////
في غرفة محمد...
فتح لها الباب ودخلت ووقفت واول ماسكر محمد الباب ابتسمت له وناظرها بفرح وتساؤول...
محمد/ليش تضحكين؟
مها /لان الفكرة هاذي نفسها موجودة عند ثانيين الليلة!!!
محمد/شلون يعني؟
مها/اول قولي من مسويها لك؟
محمد بثقة/انا طبعا!!!
كانت الغرفة كلها ملايانة شموع وموزعين بكل مكان..وفوق هذا حاط اغنية راشد الماجد....
يسالوني ليه احبك حب ماحبه بشر...
وليه انتي بحياتي شممسها وانتي القمر..
وليه صوتك لاوصل صحراي يملاها الزهر..
علميهم يالحبيبة..اه يااغلى حبيبة..
علميهم وانتي اكبر من سوالفهم جميع...
وانتي اجمل ماخلق ربي بها الكون الوسيع..
واني اتلاشى بدون عيونك الخجلى اضيع..
علميهم يالحبيبة ..اه يااغلى حبيبة...
يسالوني وفي شفاتي يرتعش حر الجواب...
مادروا انتي بحياتي راحتي وانتي العذاب..
يسالوني والاصابع باليدين الواحدة ماهي سوى..
عندهم حبك طبيعي وعندي فوق المستوى... .
فهميهم يالحبيبة ..اه يااغلى حبيبة)
لفت له مها وهي قلبها يدق بسرعة...محمد ها الانسان الرومنسي...بيضيعها لامحالة!!!
الحمد لله انها صارت له وعلى سنة الله ورسوله...
تقرب منها محمد/ليش كنتي شاكة ان في احد مسوي لي هالشي؟
مها وهي تناظر عيونه وجماله وسمارته /معقولة يامحمد لنا نفس التفكير!!!!تصدق عاد اني مسويتها لخالد العصر بالفندق علشان ليلته مع هيفاء!!!!وتفاْجات انك مسويها اللحين هنا!!!بس تدري الحمد الله انك محمد مو خالد؟؟يعني بتكون حياتنا فيها اشياء رومنسية كثيرة من تفكيرك!!!!
محمد تقرب منها اكثر واكثر وصار ملاصق لها ووجوهم في بعض.....
محمد بهمس/ماقلتيلي وش تبين تسوين لو كنا بمكان مسكر مو مفتوح؟؟؟
ناظرته مها بخوف في البداية بس بعد ماقرت الحب بعيونه وينطق من شفاته غيرت رايها بسرعة وضمته بقوة كبيرة...وهو بعد ضمها له اكثر واكثر!!!!!!
/////////////////////////////////////////////////////////////////////الجدة/بسك خلاص..اكلت كثير الليلة؟
مشاري/مايصير جدتي؟؟مو كلها لك؟
عبود مد صحنه/ابي...
الجدة/انت فارق مافيه لاامك هني ولاابوك هني وش بتسوي يعني!!!
مشاري/هذا مايعني اني موهني!!!!انا لعلمك ادافع عنه اكثر من امه ومن ابوه بعد؟؟؟وعضها بيدها لين تركت الكرتونة اللي فيها الكيكة وسرقها وقام يركض ووراه عبود وهم يضحكون عليها..
الجدة بحقد/عساك ماتتهنى باكلها انت وياه!!!!جعله سم الهاري اللي يعورك ويعوره ان شاءالله!!!!
مشاري/ولعلمك بعد ..شرطت على خالد يخلي عبود عندنا انا مقدر اعيش بدونه؟؟
الجدة بعصبية/مو بكيفك!!!خله يفارق خلينا ناكل مثل الاوادم براحتنا ونحس ان احنا في بيتنا!!!!!
الا تشوف اذا ماهيجته اللحين...عبود..عبود حبيبي وين ماما هيفاؤ راحت عنك؟؟؟
عبود يناظر بمشاري/وينها؟
مشاري/راحت المستشفى وبعدين بترجع..
الجدة بنحاسة/لاماعليك منه ماما هيفاء راحت مع بابا خالد الالعاب والمطعم وانت تركوك هنا؟
عبود رمى الصحن وبدى معزوفته/ابي اروح معهم؟؟
مشاري/لعنة الله على الشيطان!!!انتي وش فيك...لاتخلينه يبكي؟؟خالد قبل لايطلع قال بقفل جوالي وجوالها بعد ولو شيصير بالدنيا لاتحلمون اني بفتحه وماني مكلمكم الا بكرة اذا وصلت مكة؟؟؟اللحين وش الدبرة معه ها!!!!
الجدة/مايخصني!!!!
عبود فتح اذاعته وقال يبي امه وابوه..ومشاري راح عنهوراح لعند الجدة اللس مسوية روحها جنتل مان..
الجدة بكذب/حبيبي عبود..تعال نكلم جوال ابوك ماعلك منه مو مقفل هو يكذب عليك مايبيك تروح معهم؟؟بس وينك ياهيفوا الا اخرب ليلتك مثل ماخربتي علي اكلي بحجة الكولسترول والضغط!!!!
ورفعت سماعة التلفون ودقت على جوال خالد وعلى جوال هيفاء وبعد لقته مقفل!!!
الجدة حست بالخطر وانها ابتلشت بعبود اللي مابيسكت خلاص/وش الدبرة اللحين طلعوا صدق مقفلين جوالاتهم!!!اه بس لو اعرف لك باي فندق هم نازلين كان دقيت على الفندق ولاوديتك لهم !!!!!!
//////////////////////////////////////////////////////////////بعد مرور اسبوع....
كانوا بالمدينة وتحديدا بفندق الموفنبيك....
وحاضنين بعض وراس هيفاء بصدر خالد....
هيفاء بهمس/خلص الاسبوع بسرعة؟؟؟
خالد تنهد/والله ماحسيت فيه؟
هيفاء/وش اللي ماحسيت فيه يالكذاب احنا طول يومنا بالفندق مانطلع منه على حسابك حضرتك؟؟؟؟بكرة الصبح لازم نطلع السوق لو اروح لعبود ويدي فاضية يذبحني!!!!
ضمها خالد بقوة/قايل لك لاتجيبين سيرته لنا مااطيقه انا!!!!
هيفاء عضته بخده/احلف ماتحبه!!!
خالد بعناد/عيديها الحركة عجبتني!!!!
هيفاء عادتها مرة ثانية وقالت له بعناد/لو تعرف بس ليش عضيتك بخدك كان تمنيت اني اعضك طول الوقت!!!
خالد/ليش؟؟
هيفاء/لان خدك يذكرني بخد عبودي حبيبي!!!
خالد عناد قام يبوس فيها/قايل لك لاتجيبن طاريه!!!بكرة نرجع وتلاقينه طول اليوم بحضنك وانا مرمي على جنب!!!
هيفاء بدلع/انت شبعت دلع اسبوع كامل ولاماشبعت؟؟؟؟
خالد ببراْة/لاماشبعت ماما هيفاء عطيني بعد؟؟
هيفاء/ان شاءالله؟؟؟وقامت من حضنه ودخلت عنه داخل البطانية وتغطت كلها..
خالد باعتراض/وين..وين؟؟تو الليل ياقمر..نبي سهرة صباحي!!!
هيفاء من تحت البطانية/طلبك مرفوض استاذ خالد!!بكرة بنطلع السوق الصباح ولاتلعب علي وتقولي زين!!!لان ادري فيك بتنكب فيني ومنت قايم الا الظهر!!!خلنا ننام بدري علشان نقعد على راحتنا ولاتحاول تاْثر علي باي وسيلة لان كل وسائلكللخداع مكشوفة!!!!
خالد تنهد وسوى روحه زعلان.....وظل ساكت طول الوقت وهيفاء خافت ..غريبة هو مايسكت وش سالفته..
شالت البطانية عنها ولقته متسند على المخدة وعيونه على الباب ومافي وجهه أي ملامح لااي شي...
هيفاء بخوف/خالد..حبيبي وش فيك؟
خالد بصوت عادي/مو تقولين تبين تنامين بتطلعين السوق بكرة؟؟خلاص نامي؟
هيفاء/وانت وش فيك قلبت مرة وحدة؟؟
خالد/ولاشي بس اشتقت لعبودي@!!!!
هيفاء ضحكت وافهمت انها لعبة من الاعيبه..
هيفاء/قلت لي اشتقت لعبودي!!!طيب ماتكلم عبودي اذا انت مشتاق له!!!
خالد/جوالي بعيد تقدرين تجيبينه!!
هيفاء/هههه لامااقدر طبعا!!!
قبل لاتكمل كلمتها لف عليها وحضنها بقوة بعد ماعرف انها كشفت لعبته و................................................. .................................................. ............
///////////////////////////////////////////////////////////في غرفة محمد..
كانوا حاضنين بعض ومحمد يلعب بشعر مها..
مها بهمس/مين قدي انا حبيبي من الدوام لحضني مباشرة لايمين ولايسار!!!!
محمد ابتسم لها وضمها اكثر...
مها/بكرة بيوصلون واللي بعده بننتقل لبيتنا...وبننحرم من بعض ومن شوفة بعض!!!
محمد بهمس/ومن قال عاد؟؟كل يوم بجي اشوف خطيبتي!!!!
مها/مابتمل من شوفتي كل يوم؟
محمد/ياليت اقدر كان حياتي بتكون اهداء يابعدهم كلهم..م كذا كني مجنون ليل ونهار مقابلك؟
مها بدلعومااستاهل تقابلني!!!!
محمد/بلى..بس عبود يغار منك واجد وانا مقدر على زعله تعرفين لاامه هنا ولاابوه وماابيه يتحسس من أي شي؟
مها بهيام/تحبه يامحمد؟
محمد/مو اكثر من عمته!!!!!
مها/طيبكم ولد بنجيب!!!
محمد بجدية/مها ترانا بناْجل موضوع الانجاب!!
مها/ليش؟؟
محمد/لان ماباقي على زواجنا غير اسبوعين واحنا عندنا اشياء واجد مابعد قلناها لبعض!!!
مها/مثل شنو؟
محمد همس لها /مثل احبك..
غمضت مها عيونها ها الكلمة من شفايف محمد تضيعها وخصوصا وهي بحضنه..وقالت له بهمس/وشنو بعد!!
محمد بنفس الهمس/واعشقك!!
مها/امم..
محمد/واموت فيك!!!
مها/امم..
محمد/وابي اعيش العمر كله بحضنك...ووووو..وكلام كثير..كثير يامها...
مها بدلع وهيام بنفس الوقت/اذا الكلام كذا..معناته بنطول كثير لاني ابي اظل اسمع منك ها الشي وماراح يكفيني عمري باخذ لي عمر ثاني بعد!!!محمد ...راح تتغير علي حبيبي بعد الزواج!!!
محمد قام وباسها وقال لها بهمس/ليش تقولين كذا؟؟
مها حطت يدينها برقبته وصاروا وجوههم في بعض/لاني خايفة...خايفة يامحمد اني اكون عايشة بحلم واصحى منه فجاْة!!!
محمد/لاياعمري انتي عايشة بواقع!!!وماراح تصحين من ها الواقع اصلا!!!!!!
مها/اكيد ياقلبي...
محمد/بوسيني وبتكتشفين اذا كان اكيد ولا كنت اكذب عليك!!!!!!!!
/////////////////////////////////////////////////////////////////////////////////////////////////////////////////////////////////////////////////////////////////////////////احمد كان واقف عند بيت ابو محمد وقباله هند...
هند/وش له هذا كله؟
احمد/انتي نسيتي انك بسنة ثالثة ولازم تاكلين عدل علشان تركزين!!!
هند/وانت ناسي انك اخر سمستر ولازم ماتطلع وتدخل وتركز انت بعد علشان تخلص!!
احمد/حرام عليك وانا اللي اقول اني بجيب لك عشى علشان لاتجوعين؟
هند/يالله تشكر..جيب...
واخذته منه..
هند/تبي شي ثاني بعد!!!
احمد/بتطرديني؟
هند/لا بس انت قلت انك جايبه وبس!!!يعني بتروح تذاكر اللحين صح ولالا؟؟؟لاتنسى اني بثالث وماابي أي شي يشغلني!!!
احمد/يبى تراك اذيتينا ثالث وثالث!!!!انا ماراح اخليك تكملين دراستك؟؟
هند بصدمة/احمد؟؟؟انت قلت لي بتخليني!!!
احمد بارتباك/أي صح نسيت؟؟؟شكلي نسيت تصدقين؟
هند بخوف/والله ياخوفي انك غيرت رايك؟
احمد بارتبك/لامو كذا ؟؟بس انتي وش بتسوين بالشهادة والله؟انا ماابيك تشتغلين؟
وقطع عليهم كلامهم الجدة..
الجدة/خير ان شاءالله وش تبي راز الوجه؟؟؟
احمد/........
الجدة/وانتي يللي ماتستحين وش اللي موقفك معه بروحكم؟؟
احمد تدارك الموضوع بسرعة واخذ اكياس العشى من يد هند/لاياجدتي انا جايب لك عشى وقلت لها توديه لك داخل بعد مو معقولة اناديك تاخذينه؟
الجدة برضى/يابعد عمري عسى الله يوفقك ويرزقك ببنت الحلال ان شاءالله؟؟؟ادخل عن الحر يمه ليش واقف؟؟؟
مامداها اخذت الاغراض وادخلت داخل وهند تنفست الصعداء..
هند/خلاص احمد امشي لايجي احد بعد ويشوفنا واقفين؟
احمد/مو تقولين امك وابوك رايحين يشوفوه هنادي وولدها؟
هند/أي...بس بيجون باي لحظة؟
احمد/طيب....خلنا ندردش شوي انتي صايرة ثقيلة دم وماترضين احد يكلمك يسال عن احوالك بالجوال؟
هند/خلاص احمد والله انك تشغلني؟
احمد بملل/طيب....بعدين بيطلع عليك رادي ها الوقت اللي تضيعينه؟؟؟
هند/ليش انشاءالله؟
احمد/بتسوين فيني..
الجدة/اقول احمد..
لفوا لها اثنينهم....
احمد/حبيبة احمد؟؟قالها بقهر؟
الجدة/انت جايب عشى ماجبت معه شي ينشرب؟
احمد/بلى..وينه العصير..,اخذ العصير من يد هند وعطاه الجدة وسط ذهول هند..ويوم مشت..
هند/احمد انت عطيتها كل شي؟؟؟مابقيت لي شي ولو ادخل مابشوف شي بقى؟؟
احمد برومنسية/ظل عندك احمد بكبره وهذا الاهم؟؟؟؟؟
هند بخجل/مدامك قلبت الموجة خلاص امشي؟؟؟
احمد بتوعد/صدقيني بطلعها من عينك بعدين..طول اليوم تسوين لي مساج وبتشوفين؟؟؟؟
/////////////////////////////////////////////////على الكورنيش.....
عادل/وكيفه عبدالله ولد هنادي؟
فاتن/فديته يجنن..يشبه ابوه تصدق؟؟
عادل/شكلهم كلهم الا اسمائهم عبد الله يشبهون ابوهم...لو كنا بنجيب ولد سميناه عبدالله بس بعد بنت..مدري اسميها امة الله!!!!
فاتن/ياسلام عليك...قايلة لك اسماء البنات مالك دخل فيهم ولابشكيك لخالتي؟
عادل/خلاص استسلمت انتي كل كلمتين وشكيتين لاامي!!!!لاوالقهر انها توقف معك ضدي وانا المظلوم؟؟؟
فاتن/خلاص مشي اليوم تعبت والله امشي خذ لنا عشى وخلنا نروح نتعشى مع خالتي قبل لاتنام؟؟
عادل/يالله ...متاْكدة ماتبين تمشين؟يقولون اذا مشيتي بسرعة تولدين؟
فاتن/لاماابي اولد غيرت راي بخليها في بطني لين اشوف لها اسم حلو؟؟؟؟؟
////////////////////////////////////////////////////////////////عبود/بابا خالد مابتقوم انت كله نايم؟؟؟
خالد/وانت وش عليك مني؟
عبدالله/انت ناسي ان ماما عودة راحت بيت خالتي هنادي هي مع عماتي وبيتغذون هناك ومافي الا انا وانت وماما هيفاء بالبيت ؟؟
خالد/اختصر؟
عبود بانفعال/انا جوعان وابي اكل شي؟؟؟؟
خالد/وانا شسوي لك يعني؟
عبود/ابي اكل؟
خالد/شرايك تاكلني؟
عبود/كيف اكلك بابا يصير؟
خالد/والله لو يصير ماقصرت عني مو؟
عبود/بابا ليش ماما نايمة واللحين نهار؟
خالد بخبث/علشان تفضى لي بالليل!!!!
عبود/ليش؟؟
خالد سوى روحه رزة وعصبي/وانت ليش دايم تسال؟
عبود/صحيح بابا عمي احمد واقف برة يبيك؟
خالد/اه يالثور مادخلته ومخليه واقف ينتظرني؟؟؟؟؟
************************احمد/لا ليش تطلعون لي كان خليتوني واقف بعد!!!!
خالد/السموحة ياخوك بس والله ها النشبة ماقال لي؟؟؟
احمد/هذا غذاكم دازين لكم..مسويني دلفري علشانكم؟؟؟
خالد/هههههههه
احمد/اقول خالد...انت ليش حقود؟
خالد باستفهام/ليش يعني؟؟؟
احمد/سمعت والله اعلم انك انت نسيبك محمد اللي هو زوج مهاوي بتببنون لكم بيت مع بعض مفتوح على بعض انت وهو؟
خالد/أي صح..وش فيها؟
احمد/ومافكرت تقول ياخوي تعال معنا واسكن معنا بالبيت المفتوح؟
خالد/لاطبعا!!!
احمد/مو اقولك حقود ماصدقتني؟؟؟
خالد/هههه يالدلخ..انا اصير اخو مرته وهو يصير اخومرتي؟؟؟يعني مرته حلال علي ومرتي حلال عليه!!!بس انت والنشبة مرتك بالله كيف اشوفها وتشوفني؟؟؟؟
احمد بعد تفكير/علشان كذا بس!!!طيب انا ماعندي مانع تتحجب عنك بس مفيها مشكلة؟
خالد بخبث/انت ماعنك غيرة على مرتك؟؟؟يبى الحمو الموت!!!!
احمد بفزع/لالالا غيرت راي خلاص ماابيكم ولاابي قربكم بعد؟؟؟
خالد/ههههههههه
بس مو مشكلة بنخليك قريب حيل منا...
احمد/صدق؟؟
خالد/علشان نرمي لك عبودي ونتفرغ نشتغل على موضوع شهودة براحتنا!!!!
احمد تخصر وقال بقهر/ياسلااااااااااام تبون ترمون علي عيالكم والوناسة لكم؟؟؟ماني موافق؟؟
خالد*/ههههه شنسوي بعد هند خالته تحبه وماراح تقول لا.....
//////////////////////////////
طبعا ام خالد وبناته ساكنين مع خالد بنفس بيته واللحين مقررين يبنون جنبه بيت جديد هو محمد فيه تكون امهم قربهم وبنفس الوقت ساكنين ببيت منفصل ...
وابو خالد ظل يترجى ام خالد ترجع له وهي معندة وفكر انه اذا تزوج بتلين وبتغير رايها مادرى انها ماشالت همه من الاساس وظل متحسف عليها وكل يوم والثاني وموسط واحد من عياله بس هي قالت انه لو ماتزوج وسوى روحه طايش كان رجعت بس بزواجه خرب كل شي؟؟؟
عمر مرت عليه الليلالي وماحد يال فيه لاابو ولاعمام ومالقى غير حضن امه يرجع له ويتربى من جديد مع اخوانه وبطريقة مختلفة..والاهم من هذا كله انه بدى علاقة جديدة مع مشاري اللي بدى يغير له حياته......
////////////////////////////////////////////////////
مشاري/يالله اللحين دور عمر معي وانتي الحكم جدتي؟؟؟؟؟
الجدة باعتراض/لادوري انا عمر من وشي كان دوره؟
عمر/جدتي انتي وش عرفك بها اللعبة ؟؟؟خلنا احنا وبعدينا بنخليك تلعبين ساعة كاملة بروحك؟
الجدة/لا..
مشاري باعتراض/مايصير جدتي ها الدور حماس كثير ولازم العبه انا وعمر؟
الجدة قامت وفصلت السوني رغم اعتراض الاثنين بس لاحول ولاقوة عليها...
الجدة/احسن شي نشوف سبيس تون وش حاطين....ياه ساندي بل..يا انها ثقيلة دم بشكل مو طبيعي!!!!مااطيقها ابدا!!!!تدلع تدلع تدلع تدلع؟؟وش ذي المغثة بالله؟؟؟؟خل نشوف المحطة اللي وراها...وشي ذي؟
عمر/هاذي سما دبي جدتي؟
الجدة/الله حاطين سندباد؟؟؟احبه بس ساعات يصير ابو شلاخ يطلع من السالفة بدون شظية تصيبه؟؟؟؟
مشاري/الله يستر عليه من عينك بس؟؟
الجدة/مو هاذي نفس المحطة اللي يحطون فيها فزاع فديته يجنن؟
مشاري وعمر طالعوا ببعض....
الجدة/نشوف سندباد احسن لنا من السوني؟
مشاري غمز لعمر بتنفيذ الخطة الجهنيمة على قولتهم...
وطلع عمر وبعد شوي رجع وقام مشاري من المجلس وطلع عنهم...
عمر/اقول جدتي؟
الجدة/لاتقول جدتي انا اصغر من امك؟
عمر باستسلام/طيب..اقول ياحلوة انتي مو تحبين ياسر القحطاني؟؟
الجدة رمت الريموت من يدها وحطت يدها على قلبها/وي فديته اموت اموت عليه...
عمر بهمس/في واحد من الربع اخوه يشتغل بالاستاذ قدر يجيب لي رقم جواله وقال لي لاتعطيه أي احد؟؟لنا قلت بس اخليك تكلمينه يعني؟
الجدة فزت من مكانها/من جدك انت؟
عمر/أي؟؟؟
وطلع جواله ودق مس كول وسكر....
الجدة/ليش سكرت؟
عمر/خليه هو بيتصل فينا اللحين؟؟؟
وبعد ثواني دق الجوال ...ياسر القحطاني يتصل بك..
والجدة فزت/صدق مكتوب ياسر القحطاني يتصل بك؟؟؟ياربي وش اسوي اللحين؟
عمر كاتم ضحكته/ردي عليه جدتي؟
ردت الجدة ومشاري كان على الخط بس مسوينه مقلب فيها ومسوي انه مغير صوته/هلا والله ..من معي؟
الجدة بانفعال/معجبة..بموت من كثر الاعجاب؟
مشاري/ههه فديتهم المعجبين انا...بس وش ها الزحمة اللي عندك ياحلوة؟
الجدة/ماحد ذولا عيال الجيران يلعبون؟
مشاري/معليش تروحين مكان هادي وتقفلين عليك الباب علشان نتكلم براحتنا.....ماودي بالازعاج؟
الجدة/اكيد اكيد..كل شي لعيونك ياسر يهون؟.
مشاري/خلاص بعد ماتروحي بدق عليك انا طيب؟؟
الجدة طلعت بجوال عمروركيض على غرفتها وقفلت الباب ودخل مشاري وقاموا يضحكون هو وعمر وشغلوا السوني من جديد يلعبون..
عمر/تصدق عاد..اللحين بتقعد تنتظره لبكرة يتصل؟
مشاري/ههههه يمدينا نخلص القيم هذا!!!!
********************************في لحظات الم وقهر تنطفى من حولنا جميع الشموع....
ويخبو الامل وينطفى ايضا!!!
لكن دائما هناك بصيص امل لحياة جديدة ومشرقة نحياها مع من نحب.....
|
17-08-10, 06:37 AM
جديد مواضيع قسم القصص المكتمله
العرض العادي
