ياهية بعيونك حكي وبقلبي دقات الدفوف

[SIZE="5"]

اختكم غلاكم

السلام عليكم اخواني الاعضاء والعضوات
بس حبيت أوضح اني غلطت في عمر سلطان بن سعود يعني يمكن شفتو عمره 44 سنه وعنده ولد عمره 30 لكن اقولكم السموحة لخطائي المطبعي عمر سلطان 48 يعني تزوج عمره 18 سنه زواج اجباري على بنت عمه وهو صغير لاسباب ساذكرها لاحقا...

السلام عليكم اخواني اخواتي الاعضاء وانا قاعدة اكتب القصه فيه عضو نسيت اتكلم عنه في العائلة الثانيه (بدور )


اسفه بتقولون ويش سالفتها كل شوي ناسيه شي بس ان شاء الله تكون آخر الاخطاء

العائلة الثانية :
عائلة مشعل بن سعود
الأب : مشعل عمره 52 سنه ويشتغل في شركة أبوه وأخوانه وشريك فيها وجاد جدا ومايحب اللف والدوران وشديد شويه .
الأم : فاطمة بنت فيصل عمرها 50 سنه وطيبة وحنونه حيل على عيالها عكس زوجها وتصير أخت نوره زوجة نايف .

سلطان : 28 سنه مالك على شيخة بنت عمة سلطان وسيم مملوح طويل عريض شوي مخفف العارض ويشتغل مع أبوه في الشركة وصديقه محمد ولد عمه سلطان ويموت فيه .

نايف 20 سنه وصديق فهد ولد عمه سلطان ودايم مع بعض مزيون حنطي وعيونه بنيه ووجهه دائري وشعره طويل شوي لين تحت الرقبة ويدرس مع فهد بالجامعة سنة أولى .

............................................................ ...............

البنات
الجازي : عمرها 22 سنة تدرس في الجامعه جميلة ملامحها حادة أكبر مافيها عيونها لونها عسلي وشعرها كثيف لين ظهرها وهي صديقة شيخة وتخصصها علم إجتماع .

حصة : 19 سنه تدرس ثالث ثانوي علمي في نفس مدرسة منى وهي عكس منى حيوية وتشبه الجازي بس عيونها أصغر .

بدور : العمر 17 سنه وهي صديقة ساره دبدوبه حلوه عيونها ناعسه حنطاويه شعرها لين كتفها وعندها عمازتين في خدودها .

...........................................................

الحين اخليكم مع الفصل الثاني






الفصل الثاني :

وفي جزء آخر من العالم نذهب لنرى كيف هي أحوال المغترب الذي طالت غربته وعصف به شوقه لأهله وديرته وربعه وجماعته .. هناك يجلس فيصل في شقته التي يشترك فيها مع زميل دراسته طلال الذي توطدت اواصر الصداقه والأخوه بينهما وزادت سنين الغربه من ارتباطهما

فيصل : آه من هم الفراق وعيشة الغربة
آه من برد الشتى واشواق وجداني

يا زمن عود بساعة طالبك طلبه

لين اجاوب يا زمانِ فنجاني

جاء يصارع للوصل ظروفه الصعبه

جا يبي يسعف خفوقِ طاح ضمياني

وقلبي اللي من فقدته مشعلٍِ حربه

كل ما سجيت عنه قام ينخاني

كم شعور في صميم الذات مضطره

وكم بيوت من بحور الشعر تنصاني

واللحون اللي تجي بلساني العذبه

تستبيح الدمع كله بين الاعيان

الفضا ضايق علي من شرقه وغربه

من فقد بالوقت ربعه عاف الاوطان

ياهلي كيف الوصل دام القدر غربه

والله اعلم وين وضعي ووين ميداني

ما رحلت من الديار ورفقت الصحبه

الا وانا ناوي بالمجد عنواني

بتعزوى في كريم يجلي الكربه

الحليم اللي هداني خمس الاركاني

انت واحد وانا واحد خايفين ربه

وانت ربي عالمِ حسني وعصياني


(منقول )
فيصل عقب القصيده هذي زفر تنهيده طويله ( هييه متى اخلص وافتك .. هييه الله المستعان) دخل عليه وصديقه طلال ( الله يريح قلبك يافيصل ) ...........
طلال : ياسلام على القصيد الزين صح لسانك .. صح لسانك
فيصل : صح بدنك ياطلول
طلال : وبعد سماعنا قصيدة الشاعر فيصل بن نايف وهو شاعرنا من دولة قطر
نقوله فالك البيرق ... واحينه نتعرف على شاعرنا الثاني ولكن بعد الفاصل اتريونا
فيصل : ههههههههه الله يقطع بليسك وين حسين العامري منك
طلال : هه شرايك انفع مقدم لشاعر المليون
فيصل : لاوالله ... حرام الإجرام على خلق الله
طلال : بل قويه .. الله يسامحك زين جاملني
فيصل : خلاص ولاتزعل ... وهذي حبة خشم كم طلول عندي
طلال : علشان تدري ان مالك غيري
فيصل : ايه والله وانت صادق ..... المهم نقلت محاضرتنا اللي فاتت
طلال : ايه خذتها ... بس حرام عليك كسرت قلب البنيه كانت تتوقع انك انت اللي بتاخذها
فيصل : يارجال انا ماحب البنت اللي فاصخه الحيا بالمره .. ماتستحي اعنبوا انا الرجال طاح وجهي من جرأتها
طلال : بس بأمانه ماهي بمزيونه
فيصل : ياحبيبي عندي اللي تسواها هي وطيفتها
طلال : آآآآآآآآآهه بنت العم طبعا
فيصل : إييه بنت العم والمعزبه بعد ..
طلال : شفتها
فيصل : ويش ذا الكلام الله يحييك وين اشوفها بس اخبرها ام 13 سنه وماشاء الله عليها كانت حلوه
طلال : اييه بس وانا أخوك الوحده تتغير يوم هي صغيره شكل ولما تكبر تكون شكل ثاني
فيصل : شقصدك ياطلال
طلال : اسمعني وانا أخوك انا ماابي اهز قناعاتك بس ابيك تتأكد من انها تناسبك من حيث الافكار والميول وما ابيك تكون فكره على صوره شفتها وهي صغيره.
فيصل : الحمد لله مقتنع وبعدين من كلام خواتي يوم الملكة انها عاقلة ورزينة وحياوية وهذا اللي ابيه .
طلال : الله يتمم لك وتتخرج وتفرح هلك برجعتك لهم
فيصل : آآآآآآآآآمين والله اشتقت لهلي حيل
............................................................ .........................
وينه .. وينه .. كل شوي الاستاذ سعود بيقابلك بعد ربع ساعة .. بعد نص ساعة وانا نقعت صار لي ساعة وانا انطر المحترم يخلص من العميل اللي عنده مايسوى علينا انا لواني رايح لمحامي ثاني ابرك لي ...
معليش استاذ بس لو سمحت مايصير اللي تسويه
خير وشفيه وشوله الصوت العالي .. هنا مكان عمل محترم .. وين عايشين فيه
السكرتير : معليش استاذ سعود هذا ابو غانم يقول انه قاعد ينطرك لوقت طويل
سعود : ابو غانم هلا والله .. شلونك ياعمي عساك طيب
ابوغانم : طيب طاب حالك سعود وانا عمك مليت من النطره
سعود : بس انت الله يهداك جاي قبل موعدك وانت تعرفني زين ملتزم بوقتي
ابوغانم : معليه بس انا رفيق الوالد يعني مافيه واسطة وانا عمك لي
سعود : ياعمي القانون قانون مثل مالك حق فيه عملاء بعد لهم الحق اني اقعد واشوف سالفتهم ... مثل مانت تحب لنفسك حب لغيرك وكلها خمس او عشر دقايق بالكثير استريح .
يا سالم شوف العم غانم شيحب يشرب
السكرتير : تامر طال عمرك
............................................................ ......................
الله ويش ذا الريحة الزينه ياسلام وفتح غطاء القدر ياروووووووحي يمه ... يمه يله اغرفي لي تراني ميت من الجوع تعرفين ماحب اكل المطاعم وفهيدان النذل ماعزمني على غداءهم معني موصله وناقع معه في الصناعية علشان سيارته خربت عليه التفتت عليه امه : خلاص وانا امك روح بدل ثيابك وصل الظهر وان شاء الله تلقاه الغداء زاهب
طلع نايف من المطبخ وشاف سلطان والجازي في الصاله مجتمعين ينطرون ابوهم علشان يتغدون جميع ...
أووووووووه الحبايب مجتمعين هاااه سليطين شايفك محضر بدري اليوم مــــاهي بالـعاده ...
سلطان : اولأً اســـمي ســــلطان ثــانيا اليـوم مــاداومت في الشركة علشان كان عندي مشاغل برا الشركه وبعدين ويـــش ذا الخـيــاس اللــي على ثــوبــــك
نايف : هذا الله يسلمك بركات فهيدان وسيارته
الجازي : مسكين حـكـك حـك فهود
نايف : ههه حلوه بس لاتعيدينها
الجازي : وجع نايف الواحد مايمزح معك لكن معليه بتجي اللي تسنعك هي الوحيدة اللي تعرف لك حــصوح
عفوا احد نادني وتدخل عليهم حصوص
نايف : ايه يقولون فيه حيوان ضايع من حديقة الحيوان اللي يشوفه له مكافأه ماليه ... تعرفين ويش هو الحيوان
حصه : اكيد وهل يخف القمر اكيد الغزال
نايف : لا وانتي الصادقه الزرافه
حصه : هههاااااااااي اللي مايطول العنب حامض عنه يقول مشكلة الناس القصار
بيموتون لويحصلهم طولي بس ماااااااااااااااااااااااش
نايف وهو يفسخه نعاله ويحذفها فيه انقلعي انا قصير هين اوريش يالنخله
سلطان والجازي ماتوا ضحك على هبال الثنين وعلى حساسية على مسألة الطول
ويشفيكم ليش الضحك سلطان : سلامتك يالغاليه هذا نايف وحصة ومزحهم الثقيل
الأم الله يهداهم ويصلح بالهم .. يمه الجازي ادعي ابيش للغداء يله ..
............................................................ .......................
هاه جبت اللي قلت لك عليه بس شوف مابيه زي اللي فات ترا ماراح اعطيك فلوسه .... لا هذا الشريط غير روووووووعه كله أكشن روعه اخوي شاريه لي من برع ...... خلاص .. خلاص انا باخذه وبرده لك بعدين زين ياخلود .. ماشي كلام بس ياعبود لاتطول علي ابي العب فيه .. خلاص برجعه بسرعه ..
............................................................ ......................
يبه بتودينا فلاجيو حق الالعاب .. فيلاجيو اليوم والله تعبان وانا ابيش خليها يوم ثاني ... لالالالالالا انت قلت لي اليوم الله يخليك يبه .. حتى اختي النوري تبي تروح الملاهي .
تركي : النوري انتي بعد تبين ملاهي فلاجيو
انوووري : ايه يبه نبي نلعب
منيره : شفت شلون تكفى يبه
تركي : خلاص ننطر امكم وبعدين بنروح ..... وين بتروحون .. تتفقون من دوني .. منيره ونوره : لايمه حنا نقول لبونا نبي نروح ملاهي فلاجيو قال خلاص لما تجي امكم
خلود : خلاص بس مهو ذا الحين خلوها عقب المغرب وبعد علشان تنعشا هناك
تركي : خلاص مدام حن اتفقنا انا بروح اقيل شوي وقيميني لصلاة العصر ..
خلود : ان شاء الله والحين ياحبيباتي حليتو واجباتكم اللي عليكم اليوم
منيره : انا حليت وخلصت بس باقي نوره عندها هوم وورك علوم
خلود : يله النوري نحل الواجب
............................................................ ..............................
لوسمحت اخوي .. نعم .. سياره الجمس اللي عندك للبيع .. لاوالله ماني ببايعها
ليه حد قالك اني ابي ابيعها ... لاأخوي بس لوفكرت انك تبيعها تراني شراي
لا ماني بايعها .. ( شسالفة ذا العالم كل واحد جاي يبي الجمس اللي عندي )
مشعل .. مشيعل .. شفيك .. ياالاخو ماتسمعني من مساعه احاكيك
هلا سعيد اسمحلي وانا اخوك بس بصراحهه شي يحير
سعيد : وشنو اللي يحير
مشعل : قبل شوي جايني واحد يبي يشتري جمسي اللي عندي مع العلم اني ماذكرت اني ابي ابيعه
سعيد : زين وشفيه يمكن حد سمعك تتكلم مني والامناك
مشعل : لا انا متأكد ( وهو قاعد يفكر قطع تفكيره ضحكة مألوفه)
هههههههه وهذا شوي من اللي حنا بنسويه فيك يالبخيل عجل اطلبك انا ونيوف نبي نستعرض في جمسك تعيي به .
مشعل : فهيدان وجدري كل السالفه من تحت راسك انت والتبن اللي معك نيوف
نايف : انا مالي خص .. الفكره فكرته بس انا علي التنفيذ معه
فهد : مااسرع مانكبتني ..
نايف : وانا صادق ... فكرتك والاماهيب فكرتك
فهد : بلا فكرتي بس انتي المفروض معي في كل شي
مشعل : الله يرفع ضغطكم مثل مارفعتولي ضغطي ... انا داري اني ماقلت شي الله يخسكم شككتوني بنفسي ....
سعيد : يعني السالفة مفبركه منكم ... الله يستر منكم
............................................................ .........................
قومي يامره قيمي عيالش للصلاه وقولي لهم الوعد بيت عمهم نايف
ليش فيهم شيء .. لابس الجمعه عندهم اليوم بس قبل بمر سلطان اتطمن عليه
فاطمه : وشفيه .. فيه شي
مشعل : لابس تعيبين شوي من الصبح معنا في الشركه وقلنا له ارجع بيتك ريح شوي
فاطمه : مايشوف شر ان شاءالله
يالله انا استرخص منش
في امان الله
............................................................ ..............................
العمل الحين ترا السالفه إن دخل فيها سعود رحنا وطي ... حنا مب قده اخاف يدري بالتلاعب اللي صاير في الحسابات ... لاتخاف دام انا معك محد بيدري بعدين سعود وينه فيه الحين مايجي للشركه من بيعلمه .. بس ... لابس ولاغيره انت سو اللي باقوله وانت المستفيد...
............................................................ ........................
نهاية الفصل الثاني

السلام عليكم اتمنى اشوف ردودكم علشان اشوف تستاهل اني اكمله والا لا




الحين بنزل لكم الفصل الثالث اتمنى يعجبكم قراءة ممتعة



الفصل الثالث :

سلامات ياسلطان ماتشوف شر يالغالي
الله يسلمك يابو سعود لاتحاتي
وايش اللي لاتحاتي ... تراها ماهيب اول مره وانا اخوك اذا تحسب اني ماادري عنك تراك غلطان .. كلن ملاحظ تعبك ياسلطان
هيه يانايف انا همي هم وانا اخوك
افا مهموم وانا حي اطلب عزك وانا اخوك
بيعني في السوق
اشتريك ماابيعك وقام وحب خشم اخيه الكبير .... السالفه كايده ولا ابي ام العيال تدري هي والعيال بيتروعون علي .. وبيحاتوني ..
قول وانا أخوك
انا من شهرين تعبت شوي قلت خلني اسوي شوية تحاليل علشان اشوف ويش سالفة التعب اللي يجيني ورحت عيادة الدوحة وسويت التحاليل تحاليل شامله
زين بشر ويش طلعت نتيجة التحليل
القلب وانا اخوك لقو عندي شريان متسكر
هينه لاتشيل هم وياما ناس سوو عمليات قلب واجد ونسبة نجاحها مضمونه والحمد لله وبعدين الطب تطور بس لازم تبلغ سعود علشان يعرف يتصرف بأقرب وقت ويكلم دكتور ويحدد لك موعد مستعجل ..
يعني هذا رايك
ايه نعم هذا اللي المفروض يكون
خلاص بكلم سعود وبشوف ويش بيسوي
............................................................ .................................

بدور : ايه ياسوير كنها ماصدقت على الله انش تكلمينها
ساره: طبعا ياحبيبتي انا ساره لازم تحب يدها مقلوبه اني التفت لها وكلمتها
بدور: بس تدرين انا مارتحت لها ماتعجبني البنت اللي مثلها
ساره : ليش انتي شايفه عليها شي
بدور : والله سمعتها في المدرسه زفت وكلن يقول شتبي فيها بنت عمش
ساره : اللي يسمعش الحين يقول مرافقتها ... كل اللي حصل اني كلمتها علشان الكتاب اللي عندها
بدور : وانتي حبكت تاخين كتابها
ساره : والله انا كتابي ضايع ويوم رحت لأمينة المخزن علشان اشتري منها كتاب قالت لي فيه بنيه في صفش عندها كتاب زايد لأنها عايده السنه
بدور : المهم خلينا من سيرتها .... متى بتزوريني
ساره : والله انا آخر وحده زرتش الدور عليش انتي وخواتش .... بدور شرايش تقولين لأمش تمسين عندي
بدور : والله يابنت العم مااعتقد انها بتوافق
ساره : فديت قلبش حاولي فيها
بدور : بشوف بس ماضمنها لش
............................................................ .................................
يمه .... يمه ... وينش
وجع بدور ليه الصوت العالي
الجازي شفتي امي وينها ابيها
الجازي : شتبين فيها
بدور : توني مسكره من السوري بنت عمي وقالت لي تمسين عندي قلت لها باشوف امي
الجازي : من الحين اقولش لاترزين وجهش عندها لانها بتفشلش
بدور : وليه ان شاء الله
الجازي : لأن امتحانش قرب ولاهو من زين نتيجتش الاوليه فابلعي العافيه واحفظي ماي وجهش
بدور : بس امتحاناتي بعد ثلاث اسابيع اف مايسوى كله دراسه اللي يسمعكم يقول بنخترع الذره .... المهم خلصيني امي وين
الجازي : تحت في الصالة عندها جارتنا حنان
بدور : الله كملت ... حنون ام العلوم وكالة السي إن إن عندنا
............................................................ ................................
مادريتي يام سلطان ... شفتي بيت بوفايز
بوفايز ماغيره جاركم ...
ايه يام سلطان ..
شفيهم .. عسى مهوب صاير لهم شي
هذا الله يسلمش خدامتهم تبي تسافر ويوم ودوها المطار ... خلوا ولدهم فايز يفتشها تعرفين يافاطمه الخدم مامنهم أمان ... المهم مااطول علييتش السالفه
لقوها يام سلطان سارقه ساعات البنات ولقوها لافه في شعرها خصل شعر... الله يستر ماادري منين ماخذته ... حسبي الله عليهم مهما سويتي لهم مايبين معاهم مشربين السحر من يومهم صغار ..
الله يستر علينا وعلى المسلمين .
يمه .. يمه
تعالي يابدور انا هنا .. تعالي ياامش محد غريب ... مابه الا خالتش حنان
بدور : السلام عليكم ... شحالش خالتي ..
حنان : الحمد لله ... شلونتش انتي يمه .. وشنو اخبار الدراسه .. هدى بنتي ذابحه نفسها من الدراسه ولاهي ملحقه بعد
بدور ( ياالله ويش بسكتها ذي .. لاوكــــل مــاشافـتني بنتي هدى وبنتي هدى .. آآآآآف )
بدور ... يمه بدور
هلا يمه آمري
انتي اللي تبيني
ايه يمه السوري كلمتني وتبيني امسي عندها قلت لها بشوف امي
مالش حاجه ...
يمه الله يخليش ... هي آخر مره امست عندي تكفين ... تكفين
زين والمدرسه بكره
بروح معها ولاتخافين بآخذ كتبي وملابسي ....بس انتي وافقي
المره ذي بس ولاعاد تعودينها
بدور : ياسلاااااااااااااااااااااااااام الحين اكلم السوري
............................................................ .................................

وفي المساء عند الكورنيش جالس يشوف الناس من حوله اللي يسوي رياضة
واللي راكب العباره واللي جالس يتمشى مع اهله وفي الجهة الثانيه عند حديقة البدع عــوايل فـــارشين لهم بسطه وقاعدين عليها واللي يلعب عياله في الالعاب
كل لاهي في ذا الدنيا بعالمه الاهو قاعد يشوف ويسمع سوالفهم وضحكهم وبينه وبين نفسه يتذكرها مع كل ضحكة يسمعها من الاطفال حوله مانساها مثل مانساها غيره عاش معها عمره كله واعتنى فيها على صغر سنه في ذاك الوقت ويوم فقدها .... فقد حنانها مع انه مالمسه منها مره طول عمره يسأل ليش انا واخوي ماعرفناها ليش ماحسينا مثل غيرنا باهتمامها فينا وخوفها علينا .....
( هييه يايمه الله يرحمش ويغفرلش ويوسع عليش قبرش ويبرد عليش من براد الجنه )
السلام عليكم .... بو سلطان
سعود : هلا ومرحبا .. شحالك عاش من شافك
فارس : طيب طاب حالك ...
سعود : زين شفناك يارجال ماعاد تبين ابد
فارس : انا اللي ما ابين والاانت ياسعود قطعتنا مره وحده ولاعاد شفناك .. ماتقول عندي خوالي وعيالهم اشوفهم اسلم عليهم ياخوك ترانا لحم ودم .
سعود : ويش ذا الكلام انا ماقطعت ودايما اكلم خالي
فارس : زين متى بتزورنا ترانا اشتقنا لسهراتنا مع بعض
سعود : قريب .... بزوركم ونسهر ونرجع ايام مضت
............................................................ .................................
اقولش ماهو بطايق مني شي يمه دايم يرفع صوته علي ويفشلني قدام عيالي والخدامات تراني زهقت ماصارت حياه ذي
اصبري وانا امش هذا رجلش وابو عيالش وولد خالش اذا ماصبرتي عليه من بيصبر ... يمكن الرجال عليه ضغوط .. بال ماتوسعين عليه تضيقين خلقه شوفيني وانا امش مرت علي اشياء الله العالم بها وما سويت سواتش
خلود وهي تدخل عليهم سمعت كلامهم ...
خلود : هذي عمايل يدش وسعود ماقصر عليش بشي
هيا : انتي اسكتي ماحد طلب رايش .... كرميني بسكاتش
خلود : لا ماني ساكته .. انتي ماتشوفين نفسش من يوم جبتي ذا العيال اهماتي بنفسش .. الرجال ياحبيبتي يبي اذا دخل بيته يشوف مرته متعدله ومتكشخه وتتفنن في نفسها هذا حقه عليش ويبي الكلام الحلو اللي يبرد قلبه مهوب الكلام اللي يغث .... اصحي على نفسش قبل لاتتحسفين بعدين
هيا : الله يسامحش ياخلود غديت انا الغلطانه ... هااااه يمه عاجبش كلام بنتش
منيره : يمه كلام صح يابنيتي ماغلطت وهي لوانها تحبش ماتكلمت
هيا : مشكورين يجي منكم اكثر ... وقامت تدعي خدامتها تجيب عيالها علشان يروحون البيت
خلود : ياهيا وانا اختش اسمعي كلامي قبل لايفوت الفوت وماينفع الصوت
هيا : يله ياعيال مشينا
منيره : ماكنش قسيتي عليها مهماكان هذي اختش
خلود : يمه سعود ماقصر معها بس دايما هي تنكر الشيء اللي يسويه يمه الرجال ان صبر اليوم ماراح يصبر العمر كله
منيره : ليه انتي تعرفين شيء
خلود : لايمه بس ماادري انا عندي احساس واحساسي مايخيب
............................................................ ...............................
في جامعة فيرجنيا تك حيث يدرس الطلبة المتفوقون والمتميزون من جميع أنحاء العالم من جميع التخصصات، تحملهم من العالم العربي وآسيا الشرقية لتصل أعدادهم إلى ما لا يقل عن ثلاثة آلاف طالب مسلم كل عام ! وهذه الجامعة المبشرة بالوعد الإنساني المميز بين الجامعات العالمية هي الأقرب بين المؤسسات العلمية والأكاديمية والتكنولوجية في الدنيا التي تقع في قلب أهدا مدينة في الولايات المتحدة ( بلاكسبيرغ ) العابقة بالبحيرات الهادئة والأشجار والغابات والجمال الطبيعي .
تتربع في ساحاتها وبنائها المعماري ومنشآتها المدروسة بإتقان وذوق معماري خلاب وتجد الساكنين والمبعوثين على مكرمات البرامج الداعمة للعلم من طلبة العالم وأكثرهم من شرق آسيا والعالم العربي ، يروحون ويجيئون ولهم مسجد ولهم صلاة وصيام وقيام واحترام !!
ولا من يتدخل في صفة الطالب أو أصله وفصله بل هناك لجنة الطالب المسلم التي تعتني بأمور الطلاب المسلمين والعرب ،، وتهتم بشؤونهم بأمر وإدارة من رئيس الجامعة .
تلك الجامعه التي يدرس فيها مغتربنا عسى ربي يفرحه بشوفة هله ....
يجلس في زاويه هادئه بعيدا عن الضوضاء من حوله امامه كتابه ليراجع الملخصات التي قام يلخيصها لمساعدته في امتحانه القادم ... عكر عليه صفو هدوئه زميله طلال ودخوله عليه ..
طلال : مرحبا ابو الشباب
فيصل : هلا طلال .. شلونك وينك من الصبح ماشفتك .. طلعت بدري اليوم ماهي بعادتك .
طلال : ياخوك عندي مقابله مع دكتور الماده الي ماقدمتها وبنشوف يقدر يعدها والا يعطيني شي اسويه ابي اخلص ..
فيصل : انت ماقلت ان مقابلتك يوم الاحد
طلال : لا مقابلتي الاثنين اليوم ان شاء الله
فيصل هاه على خير ان شاء الله
وفجاءة سمعوا أصوات صياح واطلاق نار والطلاب حولهم حالتهم حاله يتراكضون ويتزاحمون وكانوا في حالة هياج تام وذعر شديد شوي واحد من الطلبه يصدم في فيصل .... مسكه فيصل وسأله عن اللي صاير وويش سالفة الأصوات اللي سمعها ..
فيصل : Excuse me. What's going on ?
لوسمحت .. ايش اللي حصل ؟
الولد : There are those who opened fire on a group of students.
هناك من اطلق النار على مجموعة من الطلاب .
وراح الولد منهم بسرعه وفيصل علم طلال باللي صاير واثنينهم راحوا يشوفون ويش صار على الطلاب .
............................................................ ..........................
ترن ... ترن ... آآآآآآآآآآآآآآآلو من
سعود ... سعود انت تسمعني .. قوم صحصح معي .. يااااااااااااااسعود
هلا معاك ... معاك ... خير ويش اللي صاير مصحيني من الصبح وانت داري اني اداوم متأخر ... انشاء الله يكون شي مهم اللي انت مخرب نومتي عليه ..
ياسعود قوم الله يخليك ماني متفيق لك اسمعني ..... يوه تدري شلون افتح الجزيره وشوف الاخبار تتكلم عن مجزره صارت في جامعة فيصل ...
سعود : ويش تقول ياسلطان من جدك .. زيييييين فيه مصابين ... خلاص سكر .. سكر .. ويقوم سعود بسرعة وياخذ ريموت التلفزيون ويحطه على الجزيره ...


(في صباح يوم الاثنين المرافق للسادس عشر من شهر أبريل في تمام الساعة السابعة والربع سمع اطلاق رصاص إحدى الطالبات وتدعي ( إيميلي ) وكذلك أطلق النار على أحد الطلبة وهو ( راين ) .. كما أصيب آخرون..وقتها بدأ رجال الشرطة بالبحث عن قاتل هارب .. ولكن للأسف لم يتم إبلاغ الطلبة وتحذيرهم توقعاً منهم أن الطلبة سيكونون بأمان بداخل القاعات الدراسية وسيتم الابلاغ عن عدد الضحايا في وقت آخر ......... )


الله يستر ... يارب انك تستر على اخوي فيصل .. امي وابي بروح اشوفهم قبل لايتروعون . هيا عطيني ملابسي بسرعه ...



ياترى فيصل بيكون من ضمن ضحايا فيرجينيا تك ؟؟
بنعرف في الفصل الرابع ....