كاتب الموضوع :
doll
المنتدى :
الارشيف
بنات سؤال شصار على حفظ القران...ياريت نستمر بحفظ سورة البقره او اي سور من القران..ونستمر نقارن انجازنا الاسبوعي نفسي يصبح الموضوع ضمن جدولي لانه دايما في البدايات فيه زوغان وعدم التزام..
بنات انا عندي دفاتر كاتبه فيها خواطر وافكار هبله...بعضها لعمر 12 سنه شنو مت ضحك لما لقيت خربشه كاتبه فيها..اول مره ..اكيد احد قايلي عن هالفكره بس مت من الضحك شوفوا شنو كنت كاتبه.
* اول مره اعرف ان الحرامي مو نوع من الجن كان بعمر 5 او 6 سنوات لان قرايبنا كانوا يتكلمون عن حرامي لقوه في بيتهم وكنت مصدومه ومرتعبه من الفكره لكن صدمت لما قالوا الشرطه مسكته !!!! شلون ما اختفى بالارض او طار او الذي منه !!!
طبعا عرفت انه انسان والوحيد الي تضرر من المعرفه امي..خسرت اداة مهمه في تهديدها لي خاصه اني قليل الي يخوفني...طبعا هذا ايام الطفوله لاني على كبر صرت جبانه.
* اول مره اعرف ان (الجنس الثالث) بشر او حتى اسمع فيهم يمكن بعمر 10 سنوات خبر القبض على مجموعه في احدى المزارع بالجريده..واذا مفكرين اني بذاك العمر كان عندي منطق راجعوا تفكيركم..واذكر اختي الي اصغر مني سالتني عنهم قلتلها وهذا ظني انهم نوع كمااااان من الجن (فالطفوله كنت مدمنة افلام رعب) ..لما سالتني شلون الشرطه قبضت عليهم قلتلها من غير لحظة تردد استعانوا بمجموعه كبيره من مشايخ الدين والقران...تدرون قعدنا فتره نخوف بعض فيهم الي تمشي بالليل متاخر يطلعلها احم الثالث الي تمشي لوحدها احم الثالث الي ما تصلي يطلعلها كمان احم الثالث..
* ولان الذكاء وراثه فالعايله للحين اذكر اصغر اخواني بعد اول اسبوع له في اولى ابتدائي وكان داخل صغير اصغر من 6 سنوات..رجع من المدرسه خانقته العبره ولما سالته امي عن السبب قعد يبكي ويقولها عن الخبر المهول (يمه انتي دريتي النبي محمد مات) ههههههههههههه.هو ظن ان الخبر فرش وهذي كانت اول مره اشوف احد يبكي على وفاة الرسول عليه الصلاة والسلام.
تصدقون والله اني لما طالع الدفاتر الي عندي احس اني اطالع حياة انسانه ثانيه ..من المذكرات الي الشعر المنقوص الى القصص الاكثر نقصا ..وخربشات معارفي واشياء لها معنى وكثير بلا معنى والوقت صنع لها معنى.
يالله كل وحده تدور في اوراقها القديمه او تحاول التذكر اول مره تسمع عن شي او يبهرها..
|
02-11-10, 03:08 AM
ــــــــــــــــــاح الخـــــيـــــــــــ
ــــــــــــــــــــن
جديد مواضيع قسم الارشيف
العرض العادي
