كاتب الموضوع :
doll
المنتدى :
الارشيف
اقتباس :-
المشاركة الأصلية كتبت بواسطة sunsat  |
بنات امبارح كانت الذكرى السنوية لوفاة ابنى طاهر
انا مخنوقة بحاول اغير مواضيع بحاول اكتب مع البنات واهزر بس مش قادرة
احس ان شهر عشرة بيعدى عليا مثل السنه واكتر
انا بكتب دلوقت بحاول اطلع اللى جوايا علشان انا حاسة انى هنفجر
بكيت كتير بس مش قادرة انسى او اتناسى
بحمد ربنا كتير على لطفة بيا
بس حاسة انى مقصرة علشان انى حزينة ومش بنسى
اخاف من كتر حزنى ان ربى يعتبرنى باعترض على قضاءه ولطفة بيا
انا عارفة ان فى قضاءه رحمة وعارفة كمان ان كده احسن ليه
بس قلبى بيوجعنى وصدقونى لمابقول الكلمة دى حاسة فعلا بيوجعنى
مش عارفة اذا كان انى عملت صح لما افضفض معاكو ولا لا بس انا حساكو اخواتى
حتى اخواتى مش قادرة اقول الكلام ده ليهم
يفكرو انى بعترض على حكمة ربنا ولطفة
انا اسفة انى تقلت عليكم بس خلاص مش قادرة
|
حبيبتي صني ربنا يصبرك ويصبر قلبك واللة انا عارفة يعني اية لما تقولي قلبي بيوجعني مش تعبير وخلاص بتحسي انة الم جسدي انا الحمد للة ربنا يصبرني ويصبرك يا رب عارفة احساسك لان انا كان عندي احمد وفريدة
وربنا افتكرهم وعقبالي يارب لما احصلهم تذكري دايما ان مهما وجعك قلبك ان هو فمكان احسن بكتييييييير انا عارفة ان الكلام دا مش هيخفف حزنك وانو حزن بيفضل ملازم الواحد يروح ويجي لكن لا يختفي وكلمات التعازي والتهدئة والصبر تبدو فارغة في كثيييير من الاحيان لكن افتكري حكمتة وان ربنا اكييييييييييد رايد لك انت الخير اولا وتذكري دائما سورة الكهف واقريها ربنا يصبر قلبك بيها
انا لاول مرة اتكلم عن الموضوع دا من يوم ما ماتوا لاني بحس ان محدش هيفهم او يقدر لكن انت اكييد فاهمة قلبي معاكي وحاولي تتجاهلي التاريخ باي شيئ لان كدة مش هينفع
|
25-10-10, 10:57 PM
جديد مواضيع قسم الارشيف
العرض العادي
