كاتب الموضوع :
doll
المنتدى :
الارشيف
بعد صلاة العيد نقعد فالبيت نستقبل المهنئين من قرايبنا لان امي اكبر خواتها فتشوفي ولاد اخوالي يجوا فبل العشر للسلام ويكون طبعا فاستقباللهم القهوه العربيه واي نوع من الحلو صنف او صنفين..طبعا لازم تكونين صرفتي العديد من الاوراق النقديه الورقيه كعديه للاطفال وما شاء الله خلال العيد راح تكونين صرفتي ميزانيه لوحدهالان عدى كثرتهم اللهم زيد وبارك بيطلعولك بالحركات العجيبه الي بتمشي عالعجايز بيسلم عليكي الصبح ولما تشوفيه بالليل يرجع يسلم وعينيه بتقولك بكل براءه (طلعي المقسوم) الاطفال بيزيد حبهم لينا شويتين فالوقت ده وتشوفيهم بيدورونا دواره هههههههه لزيادة رصيدهم المادي هههههه..
عال11 نكون بحمى الميك اب ليييييييه حنروح ع12 او 12 ونص للغداء في بيت خالي القريب وهو خالي الكبير الي تتلم عنده كل الاجيال والفروع قد يتجاوز عدد المدعوين 120 وهذا التقدير قابل للزياده والنقصان.طبعا الرجال في الدوانيه الي بيكون لها جهه معاكسه عن المكان الي تستقبل فيه النساء وهناك تكون الحلويات والموالح بشتى الاشكال وطبعا مستحيل ان تكملي جملتين عللى بعض للي جنبك وعيونك معلقه بازياء البنات واخر اخبارهم بعدها وبعد ان يخف الجمع ع2 ويكون الاكثريه ذهبوا ليرتاحوا تتبقى الخلاصه وهي الاهم والاكثر انس ثم ياتون اخوالي الرجال للسلام علينا عالسريع بعدها ينفض الجمع ونرجع للبيت احيانا بغنيمه او غنيمتين يعني ترجع معنا احدى بناتنا القريبات لي ونكمل للمغرب بعد العشا ناخذ جوله على كبار السن من اقاربنا او من تربطنا به صلة دم حتى لو من صلة القرابه الجد العاشر او العشرين هههههه او بمصاهره بعيده.
السهره للجميع حرية الاختيار للمكان الذي يريده.
اليوم الثاني عند بيت عمي الكبير (لانه البيت الي تعودنا نقضي العيد فيه كاطفال..فجدي وجدتي وابوي واعمامي الثلاثه توفوا خلال عشر سنوات..ماتصدميش فالغريب والمحزن ان ناحية ابي توفي الجميع ونحن مازلنا اما اطفال او على عتبات المراهقه فكانت لمة العيد بعدهم صحيح حزينه) لكن مضحكه وغريبه لانه ترتب على عدم وجود سلطه قويه تحول اجتماعتنا الى اجتماعات فوضويه و يتخللها الالعاب الناريه حرفيا الالعاب الناريه والهرج والمرج كان الكل استقل العيدللعوده للطفولهو التحرر من القيود التي يفرضها النضج ..فشتان ما بين الانسانه التي تضحك باعتدال موزون في يوم العيد الاول والاخرى فاليوم الثاني حتى اننا لا نستطيع الالتزام بالملابس المقيده باناقتها ونستبدلها بثياب مريحه بعد فقط 3 ساعات وطبعا اللمه تكون عالغدا وتنتهي فجرا..اما 3 و4 العيد تفسح وبعد العيد رااااااحه من الاجهاد المتواصل
تعبت من الشرح يالله دورك هههههههههههههه
|
09-09-10, 05:51 AM
جديد مواضيع قسم الارشيف
العرض العادي
