كاتب الموضوع :
doll
المنتدى :
الارشيف
رسالة الى الاخت هبه
اللى يدخل يبقى ينبهها للرسالة دى ياجماعة
صباح الخير اخت هبه
انا كنت عاوز اقول حاجة بس مش عاوزك تعتبريها تدخل فيما لا يعنينى او اننى فضولى او رخم او نحو ذلك
ولكن خديها من اخ صغير نصيحة واقبليها بينك وبين نفسك بس بالله عليكى بلاش تزعلى لانى مش بحب حد يزعل منى
الموضوع بخصوص مشكلة اختك اللى عرضتيها فى الاستراحة امبارح انا سمحت لنفسى اتابع مادار فى الاستراحة امس وتابعت المشكلة واسمحى لى اقول رأيى من دافع حبى لكم واعتزازى بمعرفتكم بنات بلدى واخوة لى واكرر اعتذارى لو اعتبرتى ده لقافة او رخامة بلهجتنا
شوفى اختى الشاب اللى بيلاقى بنت تسامحه على طول بيستغلها حسب اخلاقه ..... يعنى هو كده كده هيستغلها بس الكيفية بترجع لاسلوب تربيته ...... يعنى مثلا لو شاب محترم جدا هيستغل النقطة دى انه يشوفها بتحبه ولا لا فيعمل زعلان وهى تتحايل عليه وتطلب رضاه وهو يتقل وبكده يبقى فرحان وحاسس ان فيه حد بيعبره وهى تتعذب وتتنازل ولو عن جزء من كرامتها فداء حب تعتقد انه ممكن يكون اسطورى ........
اما الاصناف التانية من الشباب الغير محترمين فانا مش هتكلم عنهم لانى واثق ان اختك متربية ومش بتعرف الانواع دى ............
صدقينى مهما كانت شخصية الشاب فهو دايما يحب يلاقى البنت اللى بيحبها مهتمية بى ودا عن طريق انها تترجاه يسامحها او تبان ضعيفة قدام حبه حتى لو هو ملاك .......... انا شاب ويعلم ربنا انى عمرى ماظلمت بنت وكنت لما احب بنت اكلم والدى انى اخطبها ولكن محصلش نصيب بس لو كنت لاقيت بنت الحلال فى الفترة السابقة اكيد كنت هتمنى اشوفها ضعيفة قدام حبى ........ دى طبيعة بشرية فى الراجل مش افتراء لانه بيبقى كده فاهم انها ليه وبس ومش لحد غيره ..........
جايز بعد كده يتغير اسلوبه حسب شخصيتها يعنى بصراحة ربنا لو وضحت انها شخصية قوية ترفض ان تضعف مهما كان مقدار الحب فى قلبها اكيد هيخاف يزعلها منه ........
اختك غلطتها انها وضحت لحبيبها انها بتحبه لدرجة كبيرة ...... اسمحى لى دا كلام افلام وروايات ........ الحب فى مجتمعنا بمعناه الواقعى دلوقتى هو علاقة احترام وتقدير وبناء شخصية ......... يعنى نصه بالقلب ونصه التانى بالعقل بل ان كفة العقل ترجح كثيرا .........
الانسانة اللى بتفكر صح تبحث عن شخص يقدر عقلها وثقافتها وشخصيتها ويحبها هو ........ والراجل العاقل نفس الكلام يدور على اللى تقدر شخصه وعقليته وثقافته وتحترمهم كمان .........
عمر وسلمى اصلهم الحقيقى تامر حسنى النجم اللى عاوز نجوميته تطغى على الجميع ومى عز الدين اللى عاوزة تضيف لرصيد نجوميتها انها مثلت مع نجم الجيل ...... لكن شوفوا حياتهم الاصلية ...... تامر مش متجوز لسه واللى يهمه مستقبل النجومية ومى عز الدين فسخت خطوبتها مع محمد زيدان بعد خطوبة كام شهر ......
اما قصص الجاهلية زى قيس وليلى وعنتر وعبلة فدول ناس نسينا نظرتنا لشخصيتهم ......... اكيد احترموا شخصية بعض وكل منهم كان سيد فى قومه يعنى كانوا رجالة يعتمد عليهم ودا طباع اغلب العرب ........ كليوباترا وانطونيو انتهت قصتهم بانتحار ........ روميو وجوليت وغيرهم كانوا مجتمع غربى يعنى عادات وتقاليد غير العادات والتقاليد ........
بصى قوليلها نصيحة من اخ صحيح اصغر منها لكنى اعرف اكتر منها ........ امحى نقطة ضعفك ....... يعنى لو زعلك ازعلى بجد ........ لو طنشك طنشيه بجد ......... دايما لما يغلط غلطة اقفى عندها وحاسبيه لكن خدى بالك ....... اوعى تتخللى عن شخصيتك اللى حبك عشانها ......... لان لو شخصيتك اللى حبها اختفت هينساكى للابد ....... واعذرينى لو حبك عشان انتى جميلة مثلا يبقى انسان لايعتمد على فكره واسلوب اختياره وهيلاقى الاجمل منك ويروحلها ........
بكررتخللى عن نقطة ضعفك بس مش شخصيتك بالكامل .......... وهو لو بيحبك بجد وبيخاف عليكى مش هيستحمل زعلك منه وهيسعى انه يصالحك علطول وساعتها بس يبقى يستحق انك تتحدى الدنيا عشانه وتستنيه لاخر العمر .......
انا مش متشائم وبقول مفيش حب فى الحياة ....... لا والله ابدا ....... الحب موجود ولكن كمسلمين سيناريو الحب عندنا اوله تقدير واوسطه احترام واخره الرباط اللى ربنا قال عليه وهو الزواج وبناء الاسرة
غير كده اسمه تهريج وغضب لربنا ......... وساعتها عمرنا ما هنلاقى التوفيق
اختى انتى جوهرة مسلمة اوعى تسمحى لحد انه يستغل حبك وتقديرك واعتزى دوما بنفسك وخللى راسك فوق .....
اسف انى طولت بس كان واجب عليا اوضح وجهة نظرى لاخت اختى العزيزة اللى بحترمها واقدرها حتى لو اعتبرتم دا تدخل فيما لايعنينى
احلى سلام و تحية
|
13-12-10, 07:32 AM
جديد مواضيع قسم الارشيف
العرض العادي
