كاتب الموضوع :
dali2000
المنتدى :
القصص المكتمله
بين الزحمه والعفسه نروح لدانة توها داخله البيت
دانة : بـــابــــاتــي انــــا يـــت وحـــاملــه معاااي الصوره اللي قلت لك عنهااا يباا
مافي حس ولاصوت والبيت مو طبيعي هدوء عجيب وغريب خلت دانة تشعر بالقشعريره بجسمها والخوف
دانة : يـــــبـــــــه حبيبي وييييييييينك ؟؟؟؟
ميري يايه ركيض : ماما دانــــــــــة باب فيه طيحي فوق دريه
دانة : شنووو يباااااااااااااا
-راحت ريض دانة عل الدري مسكت راس ابوها وتمسح عليها يبه يبه جاافت الدم يطلع من راسها : شنو هذاا يبه قووم والي يخليك ميررري اتصلي بالاسعاف بسررعه
ميري اتصلت للاسعاف وعقب 5 دقايق وصل
شالو عبدالعزيز بالكرسي وبسرعه ودوه المستشفى دانة وميري ركبو وياهم
دخلوه بسرعه الطوارئ غرفة العمليات قالو بيسون عمليه براسه لانه تفتح واذا تم مده بيصيده جفاف وبيطيح بغيبوبه
دانة بصدمه : ي.. ي.. يـبـه
الدكتور : راح نسوي له العمليه احين مافي احد غيرج وين امج
دانة بحزن : امي توفت دقيقه
راحت خذت التلفون من ميري واتصلت حق عمامه ياو بسرعه
عبدالرحمن مع زوجته وخالد
احمد قعد ويا اخته مروة في البيت
عبدالله مع زوجته
يوسف قعد ويا خواته العنود وبيان بالبيت
دانة ركضت لعمها عبدالله
دانة : عــــــــــــــــمــــي ابوي يا عمي ابوي جوف شفيه مادري انا مادري عمي روح له عمي لا تخليه يروح عني عمي ( وطيح بحظن عمها
عبدالله يهدي فيها : بس يبه بس مافيه الا الخير ان شاء الله
خالد عوره قلبه على بنت عمه وحبيبت قلبه
عبدالرحمن راح لدكتور وسمع اللي في اخوه من توشوشات في المخ والجفاف اللي شوي شوي يتكون عليه
عبدالرحمن : دكتور جم نسبة نجاح العمليه ؟
الكتور : 20%
عبدالرحمن بحزن : طيب دكتور مايصير نوديه برع ويتعالج
الدكتور : النجاح نفس الشي مافيه فرق والعمليه لازم تصير بسرعه ولا الجفاف بيكمل على كل جزء من المخيخ والراس وراح يطيح بغيوبه مايقوم منها طول عمره
عبدالرحمن طلع والحزن والصدمه تبين في ويه
راح وقعد على الكرسي وحط يده على راسه : لا حول ولا قوة الا بالله
دانة لحين بيداها الصوره اللي سوتها حق ابوها كانت الصوره تحمل امها وابوها واهيا صغيره ماسكه ابوها وحصة مساكه امها ويضحكون
دانة نزلت دموعها على الصوره : يبه لا تخليني يبه
داخل الغرفه الاجهزه موصله لكل جزء من راس عبدالعزيز يراقبون كل حركه براسه يحاولون يستوعبون اللي يصير اول مره اتيهم حاله جذي
عبدالله هد دانة عند شيخه وشيماء زوجاتهم وراح عند اخوه
عبدالله : خير يا اخوي شفيه اخوي عبدالعزيز ؟
عبدالرحمن قاله
عبدالله والصدمه مو شايلته : لا حول ولا قوة الا بالله اللهم لا اعتراض يارب قومه بالسلامه يارب
الدكاتره يدخلون الغرفه واحد ورا الثاني بسرعه يتراكضون
الجفاف سيطر على راسه وطاح في غيبوبه والنبض صاير بطيئ كل دكتور يحاول يقومه من الغيبوبه حطو له الجهاز الكهربائي
وعبدالرحمن اول مرة يخاف مثل هالخوف وقف عند باب الحجره يجوف شيصير في اخوه
الدكتور طلع بيأس يكلم عبدالرحمن والكل صخ يسمع شيقول الدكتور واولهم دانة وحصة اللي من اول مايات المستشفى قلبته صياح × صياح
الدكتور : احنا مافي يدنا شي توكلو على الله
عبدالرحمن تنزل دموعه اول مره وعبدالله نزلت دموعه ومشهم بسرعه بالشماغ
دانة اللي انسمعت صرختها في كل ارجاء المستشفى : لالا ابوي مابيروح عدل دكتور تكلم يـــــــــــــبــــــــــه
طاحت على الارض وقعدت تصيح
حصه : ابوي انا بيروح لا ابوي ما يهدنا بروحنا ابوي يحبنا ابوي احين بيرجع ( تطالع دانة ) دانو قومي لا تخافين ابوي احين احين بيرجع بس اهوه راقد وتعبان شوي بس مافيه شي صح دكتور عدل يا جماعه ابوي مافيه شي ابدا مافـيـ ( اخر كلمة نطقاها لسان حصه وغمى عليها
حمد راكض لها وناده النرس ودخلوها غرفه وقاسو الضغط والدم مالها
حمد يمسك يدها وبيدها الكبيره يمسح خدها اللي نزلت عليه الدموع
وبرع دانة حالتها مو احسن من حالت اختها
دانة واقفه عند باب الغرفه وتجوف ابوها والاجهزه
عبدالرحمن قاعد على الكرسي ودموعه على خده وزوجته شيخه تهديه
وعبدالله اللي مايقدر يحس بكل شي بس يفكر بأخوه عبدالعزيز يوم صغره شكثر كان يدافع عنه وشكثر يحبه لانه عبدالله اصغر واحد
وشيماء زوجته قاعده يمه وتفكر بطفولة عبدالعزيز وشكثر كان يحب عايلته وشكثر كان يصيح لما يجوف احد حزين
خالد ضاق صدره على عمه وعلى حالة دانة اللي دموعها تخونها وتشهق من الصياح
الدكتور طلع وبعين كلها حزن : عظم الله اجركم
دانة اللي واقفه يم الدكتور تقريبا ورافعه راسها تجوفه وبان قصرها ماتت رجعت تجوف ابوها
عبدالرحمن عصب : انتو قلتو في غيبوبه شلون تقلون ماات تكلم يا دكتر فهمنا
الدكتور : حالولنا نضبط وصول كل الاجزاء لمخيخ ولكنه للاسف فشل واستسلم المريض عبدالعزيز للموت
عبدالرحمن شوي ويكفخ الدكتور من برود اعصابها خلاص فقد كل احاسيسه اخوه الاصغر منه مات راح وماحس بطعم الراحه يوم
دانة مرت ذكره ابوها في بالها وقاعده بهدوء على الكرسي
محد كان متوقع هالهدوء منها لكن دانة من داخلها براكين تتفجر ودموع تتحذف على خدها المورد
خالد * عمي مات ؟ لا عمي مابيروح وبيترك بناته عمي يحبهم ومستحيل يتركهم بروحهم مستحيل عمي اكيد احين بيقوم اكيد *
دانة راحت لدكتور اللي واقف عند الباب بهدوء : لو سمحت دكتور ابي ادخل
الدكتور : اسف اختي ممنوع
دانة شوي شوي تنفعل : قلت ابي ادخل
الدكتور تورط : بس ممنوع
دانة تدز الباب : يـــبــــه يـــبــه قووم يـــبــه لا تــروح يــبــه دخيلك لا تخليني يــبــه
خالد عصب من دانة شلون راحت وكلمت الدكتور جذي وشلون وقفت يمه (( متفرغ
دانة طلعت كل ماتملك من قوه وقعدت تدز الباب والدكتور يمنعها : ماتفهم انت هاي ابوي انت شفيك خلني ادخل وخـــــــــر قلت لك وخـــر
الدكتور بقلت حيله : ياجماعه * جاف الكل في حاله وميتين صياح الا خالد اللي كان يجوف الدكتور بكره *
الدكتور : اخوي ممكن تهدي البنت
خالد اتجه حق دانة : بس بس دانه امشي
دانة ماتجوف احد بعيونها لانها متروسه دموع : انت بعد وخـــر ابي اجوف ابوي
خالد : بس يبه هدي شوي هدي
دانة : اقولكم ابوووي انتو شفيكم عديمين احساس هذا ابوي هذا ابوي خلوني ادخل قومو انتو قـــــــومـــــــو
خالد مسك الدكتور وبعده عن الباب ودانة دخلت
الدكتور : اخوي ممنوع شلون تسمح لها تدخل واهيا في هذي الحاله
خالد : انت ماتجوف البنت شلون تعبانه خلها تجوف ابوها ولو اخر نظره
الدكتور سكت ودخل الغرفه وخالد تسند ونزل الكبس على راسه * ااه يا عمي ااه *
عبدالرحمن يوم جاف دانة دخلت وجاف الصراخ اللي سببته عصب ازيد وراح للغرفه
دانة تهز جتف ابوها : يبه جوفني انا هني يبه يلا قوم انا يمك يبه
(تنزل دموعها ) وخذت الصوره من مخباها
ببتسامه ميته : يبه جوف هذي انا وانت وامي وحصه يبه جوفنا شلون كنا مبتسمين يبه قوم وورهم ابتسامتك قوم يبه
عبدالرحمن المعصب انكسر خاطره على بنت اخوه اللي البسمه مافارقتها اليوم بتفارقها
دانة بعدم يأس : يبه قوم تذكر يبه يوم توعدني حتى الموت مابياخذك عني تذكر يبه يوم انت تقول لي ( انفجرت صياح ) قلت لي ما بتخليني بروحي قلت لي امي خلتني لكن انت بتمسك فيني ومابتخليني عدل يبه هاي كلامك قووم وقول لهم يبه انك مامت يبه قوم وجذبهم قووم
!!! فقدتك يا اعز الناس
فقدت الحب والطيبه
وانا من لي ف هـ الدنيا سواك ان طالت الغيبه
رحلت ومن بقى وياي يحس بضحكي وبكاي
وحتى الجرح في بعدك يغزيني واهلي به
انا من لي بهل الدنياسواك ان طالت الغيبه
تصدق كثر ماحنيت
اشوفك في زوايا البيت
واسولف معاك عن حزني
واحس ان انت تدري به
انا من لي في هـ الدنيا
سواك ان طالت الغيبه
شسوي بـ الالم والاه
لكن البقاء لله
يصبرني على بعادك
واذا حظي وراضي به
انا من لي في هـ الدنيا
سواك ان طالت الغيبه !!
خالد رجع البيت واخذ يوسف ووداه مستشفى ثاني لانه ماكان له خلق يودي يوسف برع بس مايبي يفقده مثل مافقد عمه
يوسف : لا حول ولا قوة الا بالله الله يرحمك ياعمي الله يرحمك
خالد : ماجفت دانة شلون تصيح الصراحه عورت قلبي
يوسف : مسكينه ماتلام صارت يتيمه
خالد : وانت احين باوديك المستشفى وبتسوي العمليه انا حجزت وخلصت كل شي
يوسف بصدمه : شنو لكن انت قلت بتوديني حق عمي
خالد : يعني اذا قلت لك بوديك حق العمليه مابترضه اعرفك يوسف كافي نفقد اشخاص لازم تتعالج وتقوم بالسلامه انت
وصلو المستشفى ولبسو يوسف الملابس وبدو يسون له العمليه
وخالد برع يحاتي تمو بغرفة العمليات تقريبا 4 ساعات
الدكتور طلع : مبرووووووك نجحت العمليه
وطلعو يوسف وكان راقد بسبت المخدر
خالد الفرحه مو ساايعته من كثر فرحته لم الدكتور : والله مادري شاقول لك يا دكتور صج فرحتني وانا بقمت ضيقي ربي يفرحك ان شاء الله
وعطاه 10 دينار على هالبشاره
خالد راح مع يوسف الغرفه ويوسف لحين راقد
__________________
|
05-08-10, 10:31 AM
الزمن يكسر غرورك ، للكاتبة : دانة الكون ..
جديد مواضيع قسم القصص المكتمله
العرض العادي
