كاتب الموضوع :
dali2000
المنتدى :
القصص المكتمله
مروة تسوي روحها زعلانه : لالا ما ابيك
يوسف :هههههههه ومن قال انا ابيج
مروة : لا والله
يوسف يقلدها : اي والله
مروة : مابيك انا من صجي زعلت عليك
يوسف بحنان : زعل الدنيا كلها ولا زعلج
مروة : اي جذي
يوسف : مروووي تدرين قومي نطلع
مروة : اوووكي فديتك جذي انت حلوو
يوسف : هههههه حق الطلعه هاا
مروة : لا والله يسوف تدري انا شسمه يعني انا انزين باقول لك انا امم انا احبك يوسف
يوسف بحب : وانا اموت في الهوى اللي تتنفسينه وبالتراب اللي تمشين عليه
مروة بخجل : بااروح البس
يوسف : هههه ايه عليج
في البحرين
احمد : يلا يا بيون
بيان : بقى اخر شي
احمد : اففففف
بيان : بقى الكحل
احمد يسمت بيان من يدها : خلاص مافي امشي
بيان : احـــمـــد لحظه
احمد : مافيه يلا
بيان ركبت بهدوء السياره مع احمد اللي عصب شوي
احمد بهدوء: عمري تعرفيني اذا قلت بهالوقت نمشي يعني نمشي ما احب انتظر
بيان تلتفت عليه : بس لا تتعود تسمتني جذي كل مره بعدين لا سمح الله ( بهدوء وتمسك بطنها ) يصير في ولدي شي
احمد مبقق عينه ومبطل حلجه ويجوفها : انتييييييي حـــامــــل
بيان : ايييييي
احمد : من متى
بيان : هههههههه من شهرين بس من يومين ادري تدري انه الاسبوع الياي راح ادخل 3 شهور
احمد : انا ما اعرف هالسوالف المهم بابشر امي ( يتصل حق امه )
بيان : هههههه يحليلك
احمد : هلاهلا يمه
شيخه : هلا فيك يا وليدي شحبارك
احمد : بخير يا الغاليه عندي بشاره لج
شيخه : خير ياوليدي
احمد شوي وينشق حلجه من الوناسه : بتصيرين يده يمه جريب
شيخه : الله احلف يعني بيوون حامل
احمد : ايييييه يمه حاامل جريب بيي نيووف
شيخه : هاا من ؟
احمد : ههههه نايف يمه نايف
شيخه : فديته والله وليدي نويف انزين يلا خلني ابشر العيله
وبـخمس دقايق الخبر انتشر والتباريك توصل لبيان واحمد الميتين ونااسه
بيان : الله يبارك في حياتج حبيبتي
العنود : ونااسه باصير خاله الالالالالالاي فديتج اختي
بيان : ههههه بس تدرين احس انه فيني صبي مو بنت
العنود : لالا نبي بنوته حلووه تهز البيت بضحكتها
بيان: ههههه اللي الله كاتبه انا راضيه عنه
العنود : انزين خبرتي دانو ومرو ؟
بيان : ايييي اهمه اول وحدين يدرون ههههه
العنود : مالت عليج هاي وانا اختج ماتقولين لي الا احين
بيان : ههههه حرام عليج توني ادري من يومين وامس قلت حق مرو ودانو واليوم قلت لكم اي سلمو عليكم تعالي سلمي على امي وابوي وبشريهم
العنود : الله يسلمهم انزين يوصل ,, يلا خلني ابشر رفيجاتي باصير خاله جريب ونااسه هههههههه
بيان : هههههه اوكي باي
العنود من الوناسه طقت الرقم غلط
العنود : مراايم اختي حااامل ونااسه باصير خاله جريب تخيلي هههههههه معني توني صغيره ههههه وناسه مرايم وينج ؟
الطرف الثاني : اووه زين مبروك خخخخخ بس شكلج طاقه غلط انا مو مرايم انا علي حبيبتي
العنود عصبت على كلمة حبيبتي : احترم الفاظك يا اخ ولا بتشوف شي عمرك ماجفته والسموحه
سكرته في ويه واهي معصبه
اتصلت لها مريم
مريم : عنودوو شفيج تصارخين جذي فشلتينا الله يغربل بليسج
العنود : هااا !! وانتي شدراج
مريم : هاي اخوي علوي ههههههههههه
العنود ماتت خجل من اخو مريم في بالها (ويي هاي علوي فديته بو كاكو جلكسي ههههه ) : ههههههه امبيه فشيله
مريم : ههه لا عادي انزين مبرووك حبيبتي
العنود : الله يبارك فيج وناسه يعني باصير خاله
علي : رجعت الموجه ههههههههه
مريم : انجب انت مالك شغل
العنود : هييييي مخليته speaker
مريم بأسف : اسفه بس موبايلي خربان وكله صاير speaker لا تزعلين بليزز عنودو
العنود : لا فديتج عادي انزين هههههه يلا باي بروح اخبرهم عدلي تلفونج ترى مابتصل لج مره ثانيه ههه باي
مريم مستانسه على رفيجتها : ههههه اوكي باي
في لندن
دانة : خالد تدري
خالد في الصاله ياكل Ice Cream: عن شنو
دانة : بيون حامل
خالد : اووه يستاهل احمدو
دانة : اي والله فرحة لهم من قلبي تدري بيون تقول تحس انه فيها صبي
خالد : اووه وشنو بيسمونه اذا كان صبي
دانة : تقول احمد اخوك يبي نايف
خالد : الله عجيب الاسم
دانة : اي فن حتى ياتهم بنت يمكن يسمونها نوف
خالد بنظرة خبث : يستاهلون وان شاء الله احنا نبشر الاهل
دانة بحزن لانها تعرف انها ماتبي تيب ياهل : ان شاء الله
خالد حس فيها : ليش هالنظره الحزينه ؟
دانة تبتسم : لا نظره ولا شي انا باروح الغرفه
خالد : الله معاج حبيبتي
دانة تصعد على الدري وتحس الدنيا مو شايلتها تحس انه حياتها راح تنتهي بس بتخطيط واحد من امل واذا انتهت حياتها مع خالد الياهل اللي راح اتيبه راح يربطها فيه واذا انفصلو راح يضيع الياهل ويمكن خالد ياخذه عني ويخلي امل امه بدالي
دانة تصرخ على الدري واهيا تقعد عليه: لالا مـــســتــحيــل
خالد راح لها : دانو شفيج
دانة تنزل دمعتها
خالد خاف عليها : شفيج فيج شي
دانة مسحت دمعتها ونزلت راسها خذت نفس وابتسمت لخالد : لا حبيبي مافيني شي
خالد مو مطمن : ....
دانة : باروح الغرفه
خالد يجوفها واهيا تمشي رايحه للغرفه وفي باله ( اه يا دانة مادري ليش ماتفتحين قلبج لي ومادري ليش ذيج النظره الحزينه معقوله ماتبين ياهل !! لكن كل بنت تتمنى ياهل ودانة تحب اليهال !! غريبه هالنظره والله اني مو لاقي لها تفسير )
بياان واحمد مبرووك عليهم الياهل لكن تتوقعون ولد ولا بنت ؟
العنود ليش ماعصبت يوم عرفت انه الجوال كان على السبيكر ؟ بينها وبين علي شي ؟عيل ليش عصبت عليه ؟
مروة ويوسف لحين عايشين حياة الحب ؟ معقوله اتي عاصفه وتدمر حياتهم ؟
دانة وخالد !! دانة ليش هالنظره الحزينه ؟ معقوله تفكر بهذا التفكير ! يعني ماتبي ياهل طول حياتها وراح تعيش بحياه تعيسه وخايفه من امل ؟ معقوله راح تكون نهاية حياة دانة الخالد بكلمة من امل !!
امل وينها هالمره !! يمكن ماتت ؟ يمكن صادها شي !! يمكن افتكو من شرها ؟ ولا شفيها ؟
|
05-08-10, 11:15 AM
جديد مواضيع قسم القصص المكتمله
العرض العادي
