كاتب الموضوع :
dali2000
المنتدى :
القصص المكتمله
من سنين افترقنا من سنين
وابتعد كل(ن) في دربه
بس شووقه والحنين
شالهم في وسط قلبه
كنت اظن ان بينسى حبي
او يخونه يوم صبره
الله الله كيف ينسى
اللي قلبه حب مره
امل : مالي شغل اذبحها اذبحها
ايمان: صلي على النبي شنو تذبحينها
امل : ماجفتيها شلون ترد علي بكل وقاحه
ايمان اللي ماترضى على رفيجتها دانة : صلي على النبي وتعوذي من الشيطان وبعدين الصراحه كلامج اهوه الوقح اهيا ماقالت لج شي
امل : جب بس انجلعي عن ويهي لا اسطرج
ايمان بهمس : غلط خالد يوم حبج يا امل مادرى انج تنقلبين بنت ثانيه في وقت الجد ااه مسكينه يا دانو الله يصبرج على مابتلاج بس ان شاء الله ماتخترب حياتج ياارب
راحت ايمان تصلي وامل قعدت تعد الدقايق والساعات علشان تروح حق خالد ودانة على انها تبي تبارك بس مافي القلب اعظم كانت تبي تفضح خالد وتاخذه معاها على انه حبيبها اهيا وزوجها ودانة مالها اي علاقه فيه
دانة : كلمني لييش ساكت انا اعرف انك شافق علي وماخذني لاني لاني يتيمه يا خالد
خالد يجوف دانة وساكت مايعرف شيرد يخاف يجرح شعورها ويخاف يجروح شعور امل حتى لو ماكانت موجوده بس اهيا موجوده بقلبه ودانة بس مركزه بعقله
دانة : كنت اعرف ,, اعرف انك يا خالد شفاق علي الله يسامحك يا ولد عمي
خالد : لالا يا بنت عمي (بهدوء ) دانة انا بافهمج كل السالفه بس ياليت يا بنت العم ماتحطين في الخار علي ولا تقاطعيني
دانة : ان شاء الله تكلم فسر قول
خالد: سمعي يا دانة اذا بتسأليني عن امل فأهيا كانت حبي الاول والاخـيـ( سكت خالد )
دانة بضحكت استهزاء : عادي عادي حبك الاول والاخير انزين كمل
خالد انزعج بس كمل : وكنت احبها حب جنون ما اقدر على زعلها وغيابها عني
دانة : وممكن سؤال
خالد : اذا خلصت سألي( يكمل ) اكيد بتسألين شلون تعرفت عليها انا اقولج ,,يوم ابوي كان باعثني حق دراسة الطب كانت اهيا معاي بكليه الدراسه وكنت اجوفها نظرة اخت وعادي بس من المواقف الكثيره اللي صابتنا عرفت اني ( يبلع ريجه ) ا..احبها بس يا دانة يوم رجعت وقلت حق ابوي قال مااخذ وحده من برع الديره وانتي تعرفين من عاداتنا وتقاليدنا بنت العم لولد العم وانتي تعرفين انه ابوي اذا قال كلمة مايرد فيها امل ماتت يوم عرفت اني مابقدر اتقدم لها وقفت في ويه الكل علشانه بس ابوي قال يا تتزوج وحده من بنات عمك وما ابيك تفكر بس تفكير تتزوج بنت الديار الغريبه واذا فكرت منت ولدي ولا اعرفك ومنها امل يوم عرفت قالت بتهدني يمكن بتصرفها ترضي ابوي بس انتي تعرفين ابوي اذا قال كلمة مايرد عنها ومنها وانا ابتديت انسى امل واهيا راحت لندن تكمل دراستها ويوم التقينا وعرفت رقم موبايلي انا مادري عنها بس اكيد اهيا سألت
دانة سكتت واهيا تفكر بقصه ولد عمها كان يبي يضحي بكل العيله علشان حبه الاول والاخير لكن فجأه اظهر انا واعفس كل مخطاطاته وافكاره خلاص يا خالد لازم انا اوقف بويه الاهل واقول اني ما ابيك معني والله وربي يا خالد اموت فيك اموت في الهوى اللي انت تتنفسه احبك يا خالد بس ( نزلت دموعها ) ماباليد اي حيله مالنا الا نهايه وحده نفترق انا وانت يا خالد لكن ابي تعرف اني احبك وابي سعادتك يا ولد عمي يا حبيب قلبي يا خالد
خالد جاف دموع دانه بس عزة نفسه رفضت تمسحهم وقام عنها وراح بعيد
دانة في هاي اللحظه كانت محتاجه لحظن دافي يظمها ويقول لها انها بحلم تتلقى صدمات ورا بعض وفات امها وعقب وفات ابوها وخالد يحب واهيا سبب ابتعاد خالد عن حبيبته وانا السبب في كل هالمشاكل انا السبب
خالد واقف عند الباب
ودان ةمع افكارها وكل شي يدور في بالها نسته وتمت تكرر عبارت انا السبب وسمعها خالد : اناا الـــــــــســــــــبـــــب
خالد وقف يمها : السبب في شنو يا بنت العم ؟
دانة بحزن حتى ماتناديني بأسمي : لا يا خالد ولا شي
خالد يمسح على شعرها وبدون شعور لمها ودانة ماقدرت تمنعه للانها كانت محتاجه لهالحظن في هالحظه تذكرت ابوها تذكرت كل لحظه قضتها معاه تذكرت كلمته الاخيره كان يقول لها : انا راضي عليج يا الدانه
كان يحبها ويغليها ويعزها وايد ومحد ينكر هاي الشي وكان اكره شي عده يجوف دموع دانة بسبب ولا بدون سبب دانة عزيزه على قلبه وايد
خالد مشاعر غريبه تتحرك بداخله ماحسها بأمل كان يحس بحب قوي لدانه وكان يبي يحميها من كل شي يحس انه دانة وايد جريبه منه بس اهيا بعيده بنفس الوقت يحس انه دانة اهيا اللي بتخليه يوتعي من صدمة ابتعاده عن امل كان يحس بأمان وبحنان اتجاه دانة وكان مبتسم رغم اللي فيه
قسى هالوقت على قلبي .... وضــيــع كـــل راحــــاتـــي
جروحــي فوق طاقاتــــــي .... بــكــيـت وفـي عيوني دم
رضــيـــت انا على القسوة .... وضاعـت كـل بـســماتـــي
قـــســـاة الـــكـــون ... في عيني ..
تــعــبــت من قساة الوقت ... وفوق الهم أشيل هـــم
صــغــيــر فــي الـعـمـر أنـا ... وكبيرة حيل مأساتــــي
مـحـد يدري عن أخــبــاري ... ومحد في دنيتي مهتم
وحـيـد انـا مـــع هـــمــــي ... وكبير الهم في ذاتـــي
قـــســـاة الـــكـــون ... في عيني ..
سـمـعت انا عن الراحـــــة ... وهي من الوهم أوهـم
أعـيـش انا بــوسط واقـــع ... بداياتي نــهـايـــاتــــي
يا لـيـت تفيدني الحــسـرة ... يا لـيــت ارتاح لو أنـدم
صــعـــب يرتاح بــهالدنــيـــا ... منهو مثل حــالاتـــــي
قـــســـاة الـــكـــون ... في عيني
سفـيـنـة أنـا صعب ترسـى ... وهي من الموج تتحطـــم
أشـوف الـمـوج فـي عـيـني ... لـقيت البحر دمعاتــــــــي
كـــثــيـر قــلــوب غــرقـانــة ... وهي من الوقت ما تسلم
بــحـر هالوقت هــم يــغــدر ... وهذا معنى كلماتــــــــي
قـــســـاة الـــكـــون ... في عيني
__________________
|
05-08-10, 11:10 AM
جديد مواضيع قسم القصص المكتمله
العرض العادي
