كاتب الموضوع :
الروح الطاهرة
المنتدى :
الارشيف
مرت اللحضات الصعبة
ومرت الايام الاليمة
والشهور الحزينة
وسنوات الصبر
1432
تغير الوضع
مرت سنتين
وأركان الرواية لم تنتهي....!
لاتسأليني عن ماضي..!
انطوى بين الصفحات
لاتسأليني عن أيام ذهبت ولاتعود..
رمت المشط بإنفعال على تسريحتها الفخمة اللي تجمع
أنواع العطور والمجهورات اللي تزين عنقها الناعم
لابسة قميص نوم أبيض ناعم على جسمها النحيل
ابتسمت وهي تحط يدها على بطنها
بعد ماكبرت لانها
" توها في الشهر الثاني"
نظرت فيه وهو نايم على سريرهم اللي جمعهم سنتين
إبتسمت بحب عكس مشاعره الجليدية اللي تحملتها عشان تعيش في ظله
أخذت العطر اللي يحب ريحته فيها
رشته على عنقها ورمت شعرها على جسمها بإنسياب
مشت بهدوء ناحية السرير
جلست ورفعت رجولها
وحطت رأسها عى المخده وهي تناظر السقف
وهو معطيها ظهرها
حطت يدها بهدوء وبرقه على كتفه
وهمست له بحب : جوجو نايم
جواد بدون نفس : إيه
حطت يدها على رقبته وقربت منه اكثر حتى التصق جسمها فيه حتى ترخي الصد وكملت بدلع : وكيف ترد علي
بعد يدها بقوة: حوووووور ماني فاضي لك
حطت يدها بنفس المكان : حبيبي اهدى وش فيك اليوم
التفت لها وتأملها كيف تحاول دايم تغريه بكل شيء تقدر عليه
وحاولت تصبر عليه وعلى مزاجيته وكلامه اللي يسمعها لها دايما
يحس ان اللي قدامه بعد طفلة ماكبرت مهما قست عليها الايام تضل صغيره بعينه
رد عليها وهو يحاول يتماسك بعصبيته :حور تعبان
قربت منه اكثر وبخوف : حبيبي ليكون انخفاض الضغط رجع لك
حط يده على رأسه وضغط عليه أكثر : لا مافيني شي
ونظر فيها بحدة مزاج: بس حطي رأسك خليني ارقد
تنهدت بخوف وخيبة أمل تعودت على مزاجه ونفوره منها
بس تعودت عليه
ولازم تتعود عليه هو كم شهر بيصير ابو بنتها أولدها
عدلت جلستها وقربت منه اكثر
جواد: وش فيك انتي قلت لك حطي رأسك
عندت أكثر: بسوي لك مساج ماقدر اشوفك كذا قلبي مايتحمل يشوفك كذا وانا ماسو يلك شيء
تنهد بتعب وهو يغمض عيونه
وهي تحط يدها على جبهته وتفركها بلطف حتى مايحس بتعب
جواد يعاني كثير من انخفاض ضغط الدم ويعاني من فقر دم شديد
هو كل همه شغله مايهتم بنفسه ولابصحته
تعبت كثير معاه بس كل محاولاتها فشلت من عناده
كانت تسوي له المساج بلطف خايفة عليه هو كل شيء الحين
وهو شيء مهم في حياتها وهو ابو الطفل اللي في بطنها
حاول يتنفس اخير ارتاح من المساج كانت لامة رجولها
ومركزة على المساج اللي ريحه وبدا يتنفس
نظق اسمها بتعب : حور
حور: هلا
جواد: شكراً
حطت يدها على الالم وابتسمت له :ماسويت شيء
سحب يدها اللي كانت على راسه وباسها بهدوء وسحبها لحضنه بنفس الهدوء
دفنت جسمها النحيل في حضنه وهي تحس بالحضن اللي حماها
من نادية
ومن فهـــ...د
ومن كل شيء
هو كل شيء صار لها مد يده لها وأنقذها من كل شيء
بس ماقدر يحميهآ من شيء واحد
ماقدر يحميها من نفسه
ومن غروره
ومن قلبه اللي دايم يقابلها بالصد
ظلت تبكي في حضنه ماحست بشي تبي تنطق بالجرح
تبي تقول أي شيء الجرح بدأ يكبر
شهقاتها تزيد كل ماحست انه يحتويها
هي اللي حماها من كل شيء
لازم تعوضه هي دايم تشوفه يتعذب ودايم تحس بعذابه
جواد مايحبها
وهي داخل حضنه ماتحس بمشاعر الحب
هي تفهم هي مو غبيه
بكل بالطرق حاولت تخليه يحبها بس ماقدرت
جواد قلبه مع ندى للحين
تزوجها عشان يقهر ندى
عيشها اميرة عشان يقهرها
والحين يبي يصير ابو للي في بطنها عشان يقهرها
بدى يلمس ظهرها العريان ويطبط عليها : حور اش فيك اهدي وش فيك قلبتيها بكاء
حور: اشتقت لصوت امي سنتين وهي بغيبوبه وانا م اسوي لها شيء
جواد: الله يشفيها وتقوم لك بالسلامة
حط يده على وجهآ وهو مركز على عيونها: حور ليه كل هالدموع
حور: أبي أموت
جواد : بسم الله عليك
حور: ابيك تتزوج ندى مابيك تتعذب وانا السبب في عذابك
ادري مايصير تتزوجها الا اذا مت او طلـ
حط يده على فمها بقوة: وهو يكتمها عن الكلام
حتى إختنق تنفسهآ
نظر فيه بشدة : حور قومي إطلعي برى مابي اشوفك في وجهي
على صوته اكثر: قوممممممي
سحبت نفسها والدموع على وجها
تدري انها دايما تعكر مزاجه
بس تحس اللي بتسويه في هالشيء معجزة-
[?ل شي من? إفهمهه إلا ?لمه إحببببب?ّ ]
لاتسأليني عن ماضي..!
انطوى بين الصفحات
لاتسأليني عن أيام ذهبت ولاتعود..
مسك يدها بقوة : أبي فلوس
حطت ولدها الصغير ولحفته وهي تأشر له ان يطلع برى
كان في حالة وضع صعب يتفاهم معاه
كان شارب وهاذي حالته من أول ماتزوجها وطلق مشاعل
صار 24 ساعة مو بعقله
نزلت يده بقوه : ماعندي فلوس شايفني بنك
سحب شعرها بقوه: كم مرة اقول لك لاترفعين صوتك علي
صرخت بألم : مشششاري حرام عليك قطعت شعري
ندى : بعددين انت وين تودي هالفلوس غير في هالبلاوي ماعمرك جبت لولدك شيء واحد ولا لي
جلس عى الكرسي وهو مو قادر يسند نفسه: كله منك انتي السبب
نزلت لمستواه عند رجوله: مشاري ادري اني غلطت بس نقدر نصلح الخطأ
رماها بقسوة: قومي من وجهي انتي وحدة خاينة
ندى : أجل ليه عايش معاي للحين
مشاري: متى مارميك ارميك بس ساعتها ارميك مثل الكلاب
بقآيآ صيد آلذياب .. مآ تآ?له"¬» غير آل?لآب
لاتسأليني عن ماضي..!
انطوى بين الصفحات
لاتسأليني عن أيام ذهبت ولاتعود..
تنظر في ملامح ولدها هاذي حالته من أول ما اعرس
عين وماصلت على النبي حسدتهم
كملت بضعف: حسبي الله على من نظر عليكم ماتهنيتو في بعض
جامل أمه في ابتسامة والقلب مجروح : الله كريم يمة الله كريم
دخلت اميرة : زيد
نظر في أميرة: سمي
أميرة: قفلت السطح اللي فوق
تنهد : إيه قفلته
جلست قريبة من اخوها : شدة وتزول ياخوي
ابتسم لها : الله كريم
يمكن الشي اللي صار له يجرحه في الثانية مليون لكن قوى ايمانه بالله
وهذا الخير اللي استفاده من مرض وردينال النفسي
أميرة: هي كيف بغت تطيح من فوق
اشر ت أم زيد على اميرة بإشارة اسكتي
زيد تم ساكت و عيونه تحت ويقلب في يده
ام زيد: يمة اليوم كلمت وحدة تعرف حرمة تقرأ قرأن
وتطلع الجني من حرمتك
زيد: يمة وردينال مافيها شيء
أم زيد: وشلون يعني ماتبي تعرس وماتبي تشوف لها وحدة تقرأ عليها
زيد: يمة اتخلى على حرمتي في هالوقت شيليه من راسك انا جربت حظي في الزواج مرة وانا راضي في عيشتي
أم زيد: جالس مع وحدة مجنونة وتقول راضي في عيشتك أي عيشة ذي تسميها
اميرة نظرت في امها بإستغراب اول مرة امها تغلط على وردينال وتغلط على أحد
بس من حقها هي تشوف ولدها متعذب سنتين ولاراضي يتزوج
أي ام بتكون انانية لولدها
زيد تنهد ومارد على امه يكفي اللي فيه مايبي يسمع أي احد يغلط عليها
يكفي اللي هي فيه
مسكينة بتلاقيها من وين ولا من وين
نزلت نورة من الدرج معاها الدكتورة النفسية لوردينال
وريم بجنب الدكتورة
كان زيد ينظر في اخواته كيف متحمسين
للموضوع ابتسم لهم
ريم: تقول الدكتورة ان شاءالله بتتحسن واللي حست فيه شي طبيعي لان بدت حالة الاكتئاب عندها وانها كاره شخصيتها
كملت نورة بحماس
نورة: وإيه قالت انها لما حاولت ترمي نفسها رافضة ذاتها
ريم : وهاذي الروشتا حقت الادوية
نورة : والحين عطتها الدكتورة ابرة مهدية
ريم : والله هالدكتورة غلا حبابة
نورة : ايه والله نفسي اصير دكتورة نفسيه مثلها
ريم : ايه وانا بعد نفسي اكون بس تهقين امي توافق
نورة : مدري زيد تتوقع امي توافق
زيد: هاه
ريم ضحكت وضربت يد نورة: عقله مع الحبيبة يلا اطلع لها فوق فضينا لكم الجو
نورة تسبل بعيونها : يختي حرمتك حتى وهي تعبانة تدوخ
زيد ابتسم :الله لايحرمني من احلى توم وجيري
ريم : قصصصدك اني توم
نورة اشرت على نفسها بعباطة : وانا جيري
ضحك بصوت عالي: اللي على راسه بطحه
طلع فوق وهو يجري من الدرج
قبل لايسمع سواليفهم اللي ماتنتهي هههه
مشتاق لها
ولصوتها
كلها خطوات قدام جناحهم الخاص
ماتهنى فيها ولا ليلة
وقف عند الباب
" ليه انتقمو منها ومانتقمو مني
ليه .؟!"
فتح باب غرفته وهي يمشي بهدوء لها
كان يمشي للسرير
وهي ماسكة في يدها عروسه
وشعرها منثور على وجها وتضحك
مع نفسها وجنبها الادوية النفسية
يتألم وينجرح لما يشوفها كذا
قرب من عندها بهدوء
اول ماشافته حضنته بقوة : بابا بابا
زيد: عيون بابا
من اول ليلة هم مع بعض وهي عاشت معاه كأب تحس بحنانه وعواطفه كأبو ومرفوضة لها كل مشاعر ثانية
وهو يحس بالعكس عمره ما قرب لها وتعدى الخطوط اللي مفروض تتخطى بين أي زوجين
لانها في حالة علاج نفسي وحالتها سيئة
حرك شعرها عن وجها : وردينال لاتسوين الشي اللي سويتيه اليوم
تدرين اللي ينتحر يروح النار
نظرت له بطفولة: منجيد بابا
زيد : ايه تبين تروحين النار
هزت راسها : لا
زيد: اجل لاتسوين هالشيء
هزت راسها بايه
رمت نفسها بحضنه : بابا قول لي قصة
تنهد وهو ينظر في ملامحها العذبة : بتذبحيني انتي هههه
ردت عليه وهي مو فاهمة قصده: ليه بابا
عض على شفته وهو يضحك على قصده : ولاشي يا حبيبة بابا
رفعت راسها لفوق عنده: تيب يلا احكيلي قصة
ورمت نفسها على حضنه
زيد: من عيوني
حرك شعرها
مسكينة ياوردينال ماعشتي لحظة في عمرك
كل اللي حولك تخلو عنك بس مستحيل اتخلى عنك
حتى ابوها مايبي يشوفها من اول ماغتصبوها في ذيك الليلة الملعونة عيال الكلـ...
وعذبوها وابوها تخلى عنها ورماها علي
وكأنه مو مسؤل عن الشي اللي سواه
كله مني كله مني
ليه تركتها تروح لوحدها
ليه تركتها تروح لوحدها وماوصلتها
ماكان صار هالشيء فيها
ماكان فقدت عقلها من العذاب والاغتصاب اللي ضلت فيه ثلاث ايام
لين فقدت كل شيء وصارت ماتحس بشيء
الا بالموت
تنفس بعمق
ليتني ماخليتك لحظةة
أحبك هي ...~ نقطة ضعفي...!
لاتسأليني عن ماضي..!
انطوى بين الصفحات
لاتسأليني عن أيام ذهبت ولاتعود..
نظرت في شكلها على المرايا
ليه إخترب شكلها بعد الولادة وطلع لها بطن بارز
وسمنت كثير عن قبل جسمها من قبل ممتلي
ماتقدر تلبس ووتتتشيك مثل قبل لان مافي شي يجي على مقاسها
حقدت على نفسها كثير
يمكن نفسيتها كانت السبب اكثر
لبست جلابيه واسعة حتى مايبين جسمها المترهل
ورفعت شعرها الاسود فوق
وتعطرت بعطر هاديء وحطت مكياج خفيف عى ملامحها الجميلة واللي ماقدرت السمنه تخبيها
طلعت معصبة من غرفة النوم على نفسها
ماتقدر تقاوم الاكل من بعد ماولدت بنتها شهد
وهي بس تأكل ونفسها مفتوحة وخاصة ماعندها لا شغل ولامشغلة
طلعت لقت جسار حاط على القنوات الفضائية يتفرج في الاغاني
والاستعراضيات اللي اجسامهم تخبل
انقهرت وغآآآرت كثيييير
جسسسار كان مندمج مع الاغنية اول ماشاف هنادي ابتسم لها
وهي عبست بوجه: وش تسوي
جسار: شو تشوفين جالس اسمع اغنية
هنادي: انتبه بس لعيونك لاتطلع وإنت تناظر في الجياكر
ضحك بينه وبين نفسه على غيرتها :
جسسسار: ماتعرفين كل هالزين وجياكر
هنادي: عدآآآآآآآآآل بس وين الزين يابو زين رجعنا في طاري ياللي
جسسار رفع حاجبه يعني لازم كل مرة تذكره انه كان راعي مغازل : هنادي انطمي
اخذت الخديدة الصغيرة وحطتها حرتها عليها وهي تشوف اجسامهم كيف تهبل مع انهم مايملكون شوية من ملامحها الجذابة
ولو كانت تهتم بنفسها كانت احلى
هنادي: جسسار عشاني غير القناة
جسار نظر فيها : ياحرمة وش فيك بالله في ثريا تغار من الثرى
ابتسمت بعذوبه : صدق
استغل فرصه حياها وقرب منها اكثر له زمان ماشافها كذا وحتى انه يتمناها تتهتم بنفسها اكثر بس تضل بعيونه حلوة: ايه صدق آه ياقلبي
كملت بدلعها اللي ذكر جسار في اول شهور لهم: سلامت قلببكـ حبيبي
جســـار: تحبيني هنادي
هزت راسها : إيه احبك بس غير القناة عشاني
يعني كل هالدلع عشان اغير القناة للحين تشك فيني
نظر فيها بقسوة : هنادي اسكتي وقناة ماني مغير
واشر على راسها : وكبري عقلك الصغير
حطت يدها عى خسرها :جسسار
كان بيتكلم الا صياح شهد
جسار: قومي شوفي بنتك
قامت من مكانها وقفت في نص الصالة
ولفت عليه وكملت كلامها براءة: بس انا احبك مو عشان تغير القناة
جسار ابتسم لها : مو مصدق
ماحست بنفسها الا انها قريبه من خده وتبوسه : صدقت
حست بغبائها وانها متهورة وغبية وغيرتها بتذبح كل شي فيها
وكملت بربكة من حركتها :بروح اشوف شهد
ضحك بأعلى صوته عليها وعلى وجها اللي حمر
مو متخيل يبعد عنها
يادنيا عذبينا بهذلينا بس انا وهالخبلة لاتفرقينا =)
لاتسأليني عن ماضي..!
انطوى بين الصفحات
لاتسأليني عن أيام ذهبت ولاتعود..
فتح ذراعه الثنتين : وحششششششششششششششتيني
جريت لاحضآن نوار : ورمت نفسها داخل احضانه بطفولة
ورفعها فوق : وشلون بنتي الغالية ملوكة
هزت راسها : زينة
جابر اللي واقف قريب من نوار: يعني مو نحول خخخخ
ضحكت على جابر : ههههههههههههههه
باس خدها نوار : هي لاتكلم حرمتي ترى اغار
ضحك جابر: ماعرفناك هي بنتك ولاحرمتك خخخخ
ضحك نوار: لا انا لو كبرت ملوكة وجابت دايم الاولى بعرس عليها وبأخذها ايطاليا وياي
استحت بحياء طفولي
وجابر ماسك نفسه من الضحك : ههههههههههههههههههههه
ملك بطفولة وهي تخبي وراه يدها شهادتها وترفعها بفخر : جبت الاولى
نوار حضنها وصار يلف فيها بسرعة وهي تضحك بطفولة
وفرحانة بفرح نوار لها وهي دايم تسوي كل شي عشانه
وعشان يفرح فيها
وعشان يحقق حلمها الطفولي الوحيد
[يتزوجها]
جابر مد خده : مافي بوسة لعمه يلا بوسيني
باسته وهي فرحانة بفرح الكل حولها
نوار: وش تبين اجيب لك هدية
حطت يدها على فمها : ابي توديني الملاهي
نوار: بس
هزت راسها : ايه
نوار من عيوني
كمان عندي لك مفاجأة
ملك : ايش
عمو جابر بيتزوج الدكتورة غلا....!
تبغي ][آلصرآآحھ][ صدق حب?ت? _?آحت?ت ?شل?ن آعب?ل? عن آش?آقي ،،،!
|
15-02-11, 08:17 PM
جديد مواضيع قسم الارشيف
العرض العادي
