السلام عليكم ورحمة الله وبركاته


اخبارك ياعسل؟؟!
*
السمووحه على الغياب بس والله
الظروووف اجبرتني
*
*
البارتات رااائعه بجد رائعه عجبتني الاحداث
اللي صارت فيها والتغير اللي صار بحياة ابطالنا
*
*
نبدأ تعليق بسم الله ^_^
*
*
جواد

بدااخله انسان طيّب وعنده احساس لكن اللي صار
ربّى عنده عقدهـ خلته جواد السيئ ..البارد..الجاف..القاسي
لو لقى له يد بيضا تساعده للخروج من وحل الرذيله كان تغير حاله
للأحسن..
يعني تربى بجو أقرب مايقال عنه تشوبه الرذيله
يعني القتل وشافه بعيونه
الاعتداء على الحرمات شافها بعيونه
ناصر ومغامرته السيئه بعد شاف نتائجها بعيونه
انا ما ابرر له لكن شخصيه الانسان تتكون على حسب البيئه
اللي هو فيها..
وبيئه جواد ماكانت خاليه ابد
بس الغريب انه علق كلام كلام خالته يومها تقوله يتزوج ندى
بس ما حط بباله كلامه يومها تقول بريئه
هل ممكن هذا عقاب من الله لـ ندى في ان برائتها ماتنكشف ألحين ؟؟
*
*
*
وردينال
اللي فيها وماظنتي لا هو حقد ولا هم يحزنون إلا مرض
اللهم ياكافي غيره+شر+حقد يارب لا تبلاانا..ودها تذوق الكل
من كاسر القهر والحزن والضيم
ماتبي تشوف احد يضحك او يبتسم من قلب تبي الكل مثلها
يلبس قناع غير قناعه المعروف ..
ربي سترها عليها من محاوله اعتداء حميد عليها لكن مو كل مره تسلم الجره
ومثل ماسعت في هدم بيت خالها رح يجي من يهدم حياتها مع يزيد
*اتوقع اسمه كذا خخخ الكبر شين *
حتى قبل تنبني وممكن تكون سبب هدمه حياتها ندى ..ممكن..
..ياترى حياتها الجديده هل رح تكون تغيير لوردينال او لأ..
*
*
*
جابر & غلاا
ههه يااحليله ذا عليه تشبيهات عجيبه غريبه
بس ان جيتي للحق انا مع غلا انها ترفضه مو بس عشانه مو قد المسؤوليه
لكن مافي وحده رح تقدر تتخيل نفسها تكون زوجة لإنسان تعتبره اخوها
بجد والله شعور صعب جدا ان اللي تحسيه اخوك امس يجي زوجك اليوم
البعض ممكن يقول ان كلاامها فاضي يعني شلون مو شقيقها ولا راضع معاها وتقول له اخوها
الاخوه مو شرط انهم يكونو من نفس الام والاب ولا تكون من الرضاعه
الاخوه بالاحساس اللي ممكن يحسه الشاب او الشابه بداخلهم
واللي مستحيل يجي يوم ويتغير هـ الاحساس
*
*
*
ندى
اتوقع مشاري هو اللي رح يجيب راسها بالأخير ورح
يخليها تندم على كل لحظه مرت بحياتها
ممكن تتعلق فيه وهو كذلك لكن رح يجي شي ويخليه
يكتشف انها على علاقات عدة وانها بالأساس متزوجه ...الخ
ورح يكرهها ساعتها وهنا رح ترجع جرااح ندى من جديد
>>في حال اعتبرت مشاري هو طوق النجاة من اللي فيه
ولكن ليه ماا يجي جوااد ويخليها معاه بنفس البيت ويسنعها من جديد
..يعني غلط اللي هي فيه مشترك هي..جواد..امها..جابر...و ظلم القدر
اللي محد حااول يكشف عنه ابد
*
*
*
مشاري
فَقَالَ رَسُولُ اللَّهِ عَلَيْهِ السَّلامُ : ((إنَّ الشَّيْطَانَ يَجْرِي مِنْ ابْنِ آدَمَ مَجْرَى الدَّمِ))
مهما كان الانسان طيب وعلى خلق ودين مو محصن من وسوسه الشيطان
..مشاري راضي تمام الرضى عن زوجته لكن بوجود ندى ومساعدة الشيطان
خلته يكره الصفات اللي يحبها بزوجته
رح تستمر علاقته مع ندى ولكن رح يجي وقت وتنكشف الارواق له
وساعتها رح يلتفت لزوجته ومارح يلقاها
وكذا خسر زوجته..بيته..واهمها خسر رضا ربه..ورضى نفسه
*
*
*
حور
ماضي رحمة كان رح يتكرر وان اختلفت الطرق
ولكن ستر ربي اليوم منع من وقوع الكارثه لكن الله اعلم بكره
وش رح يصير
كنت قايله عذر لـ رحمة ان مافي حاجه فتحت عيونها على الدنيا
لا صديقات لا ام تقولها الصح من الغلط لا تلفزيون لا نت
لكن حور ماعندها عذر لآن امها حذرتها من الغلط حذرتها
تكون هي نسخه امها وتجيب بنت تتعذب
ممكن مانحمل رحمة الغلط ميه بالميه لكن حور تتحمله
لآنها لقت من يحذرها وهي بعد عااشت مرارة براءه امها
ولكن اللي صار اليوم رح يغير بحور شي كبير واولهم
انها معاااااد تثق في شخص كاائن من كان
*
*
*
ناصر &حميد
وجهين لعملة واحده في التعدي على المحارم
ولكن الفرق ان حميد للحين مانجح باللي يبيه
وياترى رح يجي يوم وينجح فيه؟؟
*
*
*
الباقين الله يستر علينا وعليهم
*
*
*
بالتوفيق الدائم للجميع

دنووووووووووووووون
روووحي منااااااك انا زعلاااااااانه
ليييه ما أخرتي الباااارت على الأقل انزل ردي
وبعدين نزليه اهئ اهئ اهئ
ع العموووم ترى ردي يشمل آخر ثلاث بارتاات
>>عدى الباارت الآخير

ومن ألحين البااارت اللي نزلتيييه مااااني قااااريته
لييييييييييين استوووعب الصدمه
ومن ألحين انا مخصمااااك يامااي سستري

البارت ماأشبع الفضول اللي عندي لأني مارتويت منه بعد " فعلا جميل"

جواد ....غرور مسيطر وأخلاق في الحضيض ومعامله قاسيه جدا

حور ....تغيرها الله يستر منه وأخاف عليها من الزمان والأيام بس القوة مطلوبه هذي الأيام حتى يواجه الدنيا

التي قد تكون ظالمه بعض الأحيان

نوار ...أعجبتني شخصيته وإن شاء الله يتأقلم مع عائلته الجديدة .

ندى ....كرهت هذه الشخصية وهذا الضياع اللي هي تعيشه سيجارة ...وخداع ومكلمات وغزل ...لكن راح

تقع بشر أعمالها .

مشاري .... أكره الرجل الخائن لزوجته وحلاله



تسلمين يارائعه,,,,,الله يوفقك

السلام عليكم ورحمة الله وبركاته

مساء الخير والرضا ربي يعطيج ألف عافية على هالبارت الرائع جدا والطويل جدا

======================
(( حور ))

تصرفات حور اتجاه أمها وصديقتها أو نفسها بحرمانها من الأكل والشرب تعتبر معاقبة لنفسها على اللي صار

أو حاجة بنفس حور أحنا نجهلها ؟؟ اتوقع هالشيء اللي صارلها راح يولد حور جديدة قوية مستعدة تحارب كل

شخص ممكن يتعدى حدودها بالنسبة لتصرف حور لما راحت الشركة الصراحة ما عجبني لانها حيل استعجلت

بانتقامها أو بالاصح ردة فعلها اتجاه نادية كان المفروض أنها تتروى وتتحكم بتصرفها عشان تعرف تأخذ حقها

منهم وبشكل صح وانه محد مره ثانية يتجرأ أنه يتعدى عليها -- يعني للحين بتصرفها هذا اخسرت وظيفتها

ومصدر رزقها -- بس أتوقع جواد راح يكون له تدخل بالموضوع وممكن أنه يأنب نادية على طردها لحور

======================
(( جواد ))

وش قساة القلب اللي عنك اللحين تهاني تقوله ولدي مات يقولها راح أكتبلج شيك --ليش هالدرجة صار الضنا

رخيص ويتعوض بشوية فلوس --البلى أن الرجال ما جربوا عذاب الامهات من الحمل إلى الولادة إلى التربية

سؤال ___ تهاني بعد زوجته المسيار أو مجرد عشيقة يقضي معاها وقت ؟؟لان تهاني قالت أنه واحد شالها

من الفقر وعرضها بالاسترحات يعني ما أضن جواد يتزوج وحدة جذي ؟؟؟

أما تصرفه مع نوار أبد مو حلو بغض النظر أنه ولد عمه وجاي يعيش معاهم بعد كم سنه هو ضيف أول مره يزورهم

ببيتهم يعني مفروض الاستقبال يكون أول من جذي -أبي أعرف سبب كره جواد لندى بما أن يعرف أنها مظلومة من

خالته مو شرط يحبها بس هالكم الهائل من الكره ماله سبب معين -- عندي أحساس أنه ما يكرها بالعكس يحبها

حيل بس مجرد ردة فعل أنها انفرضت عليه من عمه

====================
(( نوار ))

أنا قلت أنه هو اللي ممكن أنه يغير حياة خواته للأحسن طلع الرجال همه الاول الفلوس -- ما ألومه بما أنه انحرم

من شيء من حقه مدة طويلة وجاء الوقت اللي يرد فيه حقه --بس هم المفروض عليه أنه يهتم بخواته ويحاول يصلح

من حالهم وما يكون همه الوحيد الفلوس -شنو ردة فعل نوار إذا شاف السيجارة هل راح يتخذ موقف أو يمررها مرور

الكرام ويقول أنا مو شغلي فيها بما أن عندها أمها وأخوها ؟؟ وإذا شافها هل ممكن أنه يعلم أحد مثلا جابر او جواد بما

انه زوجها وهو للي له حق التصرف معها للحين ؟؟؟؟؟؟؟؟

====================
(( جابر ))

الشخصية اللي قلبت كل التوقعات --بالعكس طلع إنسان قمه واسلوبه روعة مع الكل قد يكون السبب في بعض تصرفاته

أنه كل الشغل متكفل فيه جواد وهو مو شغله شيء --فصار إنسان اتكالي -- أتوقع جابر راح يكون له دور قوي بحياة

خواته وخصوصا ندى بس تو ما جاء الوقت المناسب او انه امه مو معطته فرصة أنه يتدخل بحياتها ويوجهها إذا غلطت -

حلو استقبالة الرائع لأخوه نوار - تدرين توقعت أنه ماراح يستقبله عدل وممكن أنه يطرده (مو أقولج قلب التوقعات )

====================
(( ندى ))

قاعدة تتمادى حيل بتصرفاتها الغير مسوؤله وانحرافها -والسبب شنو من وجهه نظرها << الله أعلم او أنها ما لقت

أحد يوقفها عند حدها بماان امها واقفة بصفها ومو معطيه جابر أنه يتدخل وجواد رافع ايده منها ومن كل شيء له دخل فيها

بس إن شاء الله نوار يكون هو الشخص اللي يوقفها عند حدها شوي -- اتوقع نوار راح يشوف السيجارة وراح يكون

السبب الوجيه اللي يخليه يتدخل فيها --أما علاقتها مع مشاري اتوقع ندى قاعدة تضحك على روحها وما تحبه بس لقت

الحب والكلام الحلو اللي هي فاقدته من جواد فيه فقاعدة تعوض النقص اللي فيها بمشاري بماأنه عطاها وجه شوي

====================
(( مشاري ))

أما الرجال اللي مثله ما لهم آمان أبد اللحين تحب زوجتك كل هالحب واتشوفها إنسانه قد تكون قريبة للكمال ليش قاعد تخونها

مع ندى ؟؟ هل مجرد هواية أو تسلية وتقضيه وقت ؟؟؟ لاني ما أتوقع حبيتها من كم مكالمة بس << هذا موقلب اللي عندك

عمارة يحب كل من هب ودب

====================
(( وردينال ))

إنسانه غريبة جدا مستحيل تقدرين تحكمين عليها كل بارت لها شخصية وأسلوب حيرتنا معاها << فيسي المحتار منها حيل

أبي أعرف إذا أنتي رافضة زيد ليش تأثرتي لما قال انه يحب بنت عمه هل لانه جرح مشاعرج وأنوثتج ما أضن بس هذا السبب

في سبب ثاني وهذا اللي أبي أعرفه << فيس فضولي

أتوقع وردينال ما راح تتنازل عن خوض هالمعركة مع زيد وراح تجيب رأسه مثل ما راح يجيب رأسها <<لاقين لبعض

====================
(( زيد ))

من وين يعرف وردينال وليش مصر عليها هل له معرفه فيها من زمان أو أنه شايفها بمكان من أول وأعجب فيها ؟؟؟؟

ومثل ماقال زيد راح يجيب رأس وردينال وراح يجيبه وأول الغيث قطره وهذا اللي استنتجته من ردة فعلها لما قالها أنه

يحب بنت عمه وأنه مجبور عليها -- اتوقع حياتهم راح تصيل فيها أكشنات ممتعة حيل بانتظارها

====================

مشكورة دندون مره ثانية على هالبارت حيل استمتعت وأنا أقراه

ربي يعطيج ألف عافية << وسامحيني على هذرتي الواجد سوري