كاتب الموضوع :
الروح الطاهرة
المنتدى :
الارشيف
(O `~*.*~تعليقي` O.o )
أغلب الردود اللي جاتني من المنتدى ومن المقربين ليا على البداية
لامت رحمة بشكل كبير وركزت في اللوم عليها للاسف ماجاني رد لام فيه ناصر اتوقع لو طرحت نفس المشكلة في مجتمع أكبر
بيلومون رحمة اكثر ويتغاضون عن ناصر؟!
`~*.*~` `~*.*~` `~*.*~` `~*.*~` `~*.*~` `~*.*~`
O(`~*.`البارت الاولO.o )
(مطار الملك عبدالعزيز - جدة)
.......أستاذ نوار ناصر العالي
تأمل ملامح الشخص المرسول له شخصيا
وهز راسه بمعنى ماسمعت
...... إنت استاذ نوار ناصر العالي
إبتسم بخبث وبتلذذ هو يسمع اللقب
رغبة قوية بداخله يسمع اسمه أكثر من مرة
رفع النظارة الشمسية وإبتسم بنفس الابتسامة الغريبة
: إيه أنا نوار ناصر العالي
..... حياك طال عمرك نورت ديرتك إسمي طلال طال عمرك سكرتير العم صالح
ناظر المكان و تأمل اللحظة يحاول يستوعب المكان
والظروف
كل شي يتغير بين يوم وليلة
وبين ثانية وثانيةتختلف الموازين
أول مرة يشوف هالارض أرض ابوه وأعمامه
سنين عمره هو عايش برى في ايطاليا
مفروض يكون فيها من زمان
بس أبوهـ حرمه من أبسط حقوقة
سحب نفس عميق: بنوقف كثير هنا
انتبه لنبرة صوته: لا طال عمرك السواق والسيارة
تحت أمرك
سواق وسيارة وكلها ساعة وأكون في قصر
ابتسم بخبث: كل ثروة ناصر العالي المحروم منها سنين بتكون لي
طلال: تفضل طال عمرك
التفت له :اسمي نوار
طلال: ايه طال عمرك
حط النظارة على عيونه ومشى قدامه: وأكره الرسميات قولي نوار وبس
طلال :مايصير طال عمرك
التفت له : تعرف إني جديد على المكان وماعندي أحد أعرفه
طلال فهم قصد وابتسم له: لاتخاف يا استاذ
وصل عند السيارة الفخمة
نوار: من وين تفهم قلت لك ما أحب الرسميات
فتح السواق باب السيارة ودخل
بعد ماتأكد إن السواق قفل الباب
ابتسم السيارة اللي كان يشوفها في المطعم الخليجي
اللي يشتغل جرسون فيه في ايطاليا ما تخيل يوم يركب مثلها
أحلامه ما تعدت حدود السواق اللي يسوقه سيارته
غمض عيونه
( عمره في حياته ماحب أبوه كثر مأأحبه في هالحظة)
ركب قدام وقفل الباب
طلال مصدوم: لون عيونه الخضر مختلفة عن المكان وعن عايلة العالي
عقلي مايستوعب إن نوار يكون من عايلة العالي
كل شي فيه غريب
معقول يطلع يشبه لامه وما ورث شي من ابوه .!
｡｡｡
عندما أحس بالحب أحس بالجنون
وعندما أحس بالكره أحس بالجنون
نعم ماهو إلا جنون!
عندما أحس بالحب أحس وكاني أميرة في عالما لست فيه غير أنـا
وعندما أحس بالكره أحس وكأني منبوذة في عالم لست فيه غير أنا
إنه إحساس
فلا يحق ليا أن أحب أو أكره
ولا يحق لي ان أصل لقمة الحب
ولا قمة الكرهـ
أني أجهل
أحب أم أكره
ولكني لا أجهل من يمنعني
نعم
هو.؟!
يمنعني عن شعوري بالحب
وشعوري بالكره
فـأنكرت شعوري بالحب
وشعوري بالكره...!
دموع تشبه دموع مسجون مظلوم بقضية هو بريء منها
شعور صعب أي أحد يحسه الا لوكان بمكان المسجون
غطي شعرها المنثور وجها
دموعها اللي أخذت راحتها على خدها
روحها الحيـة في بقايا جسدها المجروح من يده
إبتسمت بوجع : ليه تبكين ؟
دموع فرح أو دموع خوف من اللي جاي أو بتودعين الدموع مع روح ناصر اللي راحت
رفعت شعرها عن وجها
أمها ماسكة قرآن
سمعت صوتها الخاشع حست بطمأنينة
التفتت لجهة غرفتها (المشهودة ) بالضرب والكلام اللي يجرح
تنهدت (بأأأهـ) هالمكان إنضربت من يده
وماقدرت تقوم بعدها تألمت وحست بشلل يمنعها عن الحركة
غمضت عيونها تمنع الدموع
ثلاث ايام ماسمعت صوته الخبيث
اللي عذبها عشرين سنة
ثلاث ايام ماسمعت انتي( بنت حرام) ( بنت شارع )( بنت....)
زفرت (بأآهـ)
مات ناصر
اللي ضربها وعذبها
مات ناصر
اللي عذب أمها ليل ونهار بالضرب والكلام
مات ناصر
اللي دمر أمها عشرين سنة
مات ناصر
اللي دمرها ومنعها تكمل دراستها
مات ناصر
ومابقى غير الذكرى الخبيثة
مسكت شعرها ولفته ثلاث مرات ورفعته فوق
حست بضربة قوية على كتفها
هنادي:كل هالدموع حب في ناصر ولا خايفة تشتاقين لضرب نويصر خخخخخ
حور :هههههههـ
هنادي: ههههههـ ايه اضحكي يابنت من قدك انفكيتي من نويصر وجسمك بيرتاح من الضرب
وانا برتاح من المساج اللي اسويه لك كل بعد ضربه خخخخ
تنهدت بوجع: مايجوز على الميت الا الرحمه الله يرحمه
هنادي بقهر: هالانسان أول ماتشوفه ملائكة النار بترميه في جهنم بتعذبه اشك يشم ريحة الجنة
حور: إستغفري ربك وبعدين مهما كان هالشخص ابوي الله يسامحه ويغفر له
سحبت المسجادة القريبة من حور
وحطت راسها عليها: إستغفر الله بس لاتلوميني من قهري في اللي سواه فيك وفي أمك
تنهدت : غيري السالفة
لفت وجها على وجه حور: زين بغيرها
قولي وش سويتي في موضوع وظيفتك
حور: ماكلمت أمي للحين
عضت على شفتها بعصبية:ياخبلة الوظيفة بتطير من يدك وين بتلاقين مثلها
حور دفتها : بسم الله لا تاكليني اليوم بكلم أمي وتعرفين أمي مشغولة في الندوات
هنادي: الله يجزاها خير
لفت على رحمة اللي تقرأ القرآن بخشوع: أجل روحي كلميها الحين
حور: أكلمها في الليل
هنادي بصوت عالي: لاآآآآا ضآآآآعت الوظيفة
عضت على شفتها تمسك نفسها من الضحك على شكل هنادي وكملت تغيضها: أمممم لا ضآعت الوظيفة عندي هنودة الله لايحرمني منها
رفعت حاجبها : لاياشيخة
حور: ههههههههههههـ
إبتسمت وهي تسمع صوت ضحكتها
ضحكتها البلسم على قلبها وعلى جروحها اللي ماطابت من سنين
ولا بتطيب الجروح الا لما تتأكد على مستقبل حور
تأملت في ملامح هنادي بنت نورة الجارة الطيبة
والاخت الغالية اللي ربي عوضها عن أهلها المحرومة منهم
نزلت دمعة حارة محبوسة في عينها من سنين
ميلت شفتها: حور ماعندك شي أكله جعت
حور : ما عندنا اكل
دفتها : حوووور قومي اشم ريحة اكل
حور: توك أكلـتي اصبري بعد ساعة
نظرت فيها بتهديد وعلت صوتها: خالتي رحمة شوفي بنتك ماتعلمت تكرم الضيف
ابتسمت : حور يابنيتي قومي حطي اكل لهنادي
حور: يمة انا خايفة عليها تسمن
ونظرت في هنادي: توك اكلتي
فتحت عيونها: قولي ماشاء الله لاتحسديني وتنسد نفسي عن الاكل خخخ
｡｡｡
دخلت الممرضة: دكتورة غلا في مريض برى
عدلت طرحتها: خليه يتفضل
رفعت نظرها للممرضة اللي واقفة في مكانها :
غلا: منال قلت لك خليه يتفضل
بتردد: بس المريض...!
ركزت على عيونها: فيك شيء
الممرضة : المريض معاه بوكيه ورد شكله...
وقف عند الباب وعلى وجه إبتسامة يتأملها وركز على عيونها
:أقدر أدخل دكتورة غلا
وقفت : جاآآآآآآبر
تنهد و على وجه نفس الابتسامة: تعباان
جلست على الكرسي وأخذت ورقة وقلم تشغل نفسها من نظراته : سلامتك
جلس على الكرسي: وعلاجي في يدك يا دكتورة
غلا تحرك القلم: جابر أنا مشغولة ماعندي وقت أسمع لكلامك الفاضي
جابر: افا ولد عمك تعبان معاه مرض نفسي وفي يدك تعالجينه يادكتورة
سحبت الورقة والقلم : تفضل أستاذ جابر قول مشكلتك.؟
ناظر للكرسي الممدود: مو مفروض هنا أجلس
ارتبكت: لا مو مشكلة تقدر تجلس وتقول مشكلتك تفضل
جابر: اللي أعرفه إن المريض النفسي أهم شي راحته
تحرك من كرسية وجلس على الكرسي الممدود: أنا مرتاح هنا
نظرت فيه بعصبية وتنفست بعمق سحبت الورقة والقلم:
غلا: تفضل قول مشكلتك
تنفس بعمق: أنا يا دكتورة أحب
أخذت نفس عميق: وين المشكلة.؟
جابر هو يتأملها : المشكلة في اللي أحبها لو تدري وش كثر أحبها
تنهد (بآآآهـ مقصودة)
المشكلة الثانية إنها ماتعتبرني مثلها الاعلى ما ألومها يا دكتورة
هي أحسن مني طموحة ومتفوقة ومثقفة وأنا عكسها يا دكتورة بس والله يادكتورة أحبها أحبها ومجنون فيها
يا دكتورة ليه ماتحس فيني ليه
وأنا ماحبيت غيرها يادكتورة
آآهـ يادكتورة تعرفين أخر شي توقعته منها يا دكتورة
ركز في عيونها بعتب
ارتبكت من كلامه
كمل كلامه: قالت عني فاشل يا دكتورة بس الله يسامحها
أحبها يادكتورة ومجنون فيها بس هي الله يهديها ماتفهم
خطبتها ثلاث مرات وكل مرة أنطرد منها يادكتورة
دكتورة ليه هي ماتحبني وأنا أعشقها ما تخيل حياتي بدونها
يادكتورة..!
همسة
(لا أظن أن قيس فهم الحب أكثر من عنتر)
|
01-08-10, 11:20 PM
جديد مواضيع قسم الارشيف
العرض العادي
