الآن الساعه اربع الا ربع فجر يوم الجمعه
يوم مميز من كل اسبوع الله يطرح لنا البركه فيه


جالسه امام الشاشه اقلب افكاري وش بدون

((مالقيت الا الله يبارك لكم بهالجمعه))
((ومبارك عليكم شهر رمضان مقدما))

احلى عبارتين وتهنئتين لانها تهنئه ماتخص احد بعينه تجمع الكل
وانا احب يكون الفرح جماعي يكون لها نشوه غييييييييييير

وانبساطنا بهالشهر دليل ايمانا بعطاء رب العباد اللي من علينا بفضله ,, ليالي نسامر الخالق ونتوق للقياهنتلو آياته ,, عشقا
نتوجه لوجهه ,, شوقا
نرجوا عفوه ,, املا

هذا حال العبد المؤمن ,, جمعنا الله جميعا بجنات الخلد,,
وادام علينا نعمت الاسلام العظيمه


اخيرا ,,احبكم فالله ,,

صباح \مساء الخير
اليوم حبيت اطل عليكم خصوصا انو بكره ينتصف شهر رمضان وتبقى بالضبط قد عدد الايام اللي عدت منه

احلى شي بالوجود تحقق طموح وحلم تصبو له طول عمرك او راسم حياتك بهالصوره حلمي بسيط بس الحمدلله تحقق

اتمنى الله يوفقني باللي اتمنى وارضاه
وينولني اللي ببالي

توته ياقلبي مبسوطه بالقرقيعان لابسه فستان ومعها خريطه تركض من الصغار بمختلف الاعمار تجمع الحلاو من البيوت مع انها ماتعرف وش المناسبه او السبب لكن على ماقالوا -مع الخيل ياالشقرا-

اللي عنده حلم ومستصعبه يتاكد انه الوحيد اللي لو بغى يسهله ويوصله بيقدر يوصله

لعيون اغلى الغوالي--شجن الروح--فتحتها اليوم
وشكرا بلا نهايه وبدون تحديد ارقام ل--بسمة براءه--
فاجاتيني بالتصميم المذهل جيتي على الوتر الحساس
اللون خرافي-الدمج مذهل-ويعبر عن الجمله
انا حبيت اللون البينك لانه لوني المفضل
--وهذي اكبر بوسه لك ياقلبي--

الثلاثاء ::--

بعد ايام العيد السريعه نرجع لروتينا المعتاد,,,

شي ممل ,,

بس لما الانسان ينتظر خطوه تغير مجرى حياته,,,

اعتقد ان هذا كسر حقيقي للروتين,,

كونك تعيش حلمك القادم,,,

تتخيل وش ممكن يصير,,

وكيف بتحرك ووش بسوي شي جميل ورائع,,,

انا انتظر تغيير حقيقي لحياتي,,

بدايه حقيقيه لشوشو,,,

بنيان طوال حياتي اشتغل عليه بتمكن ,,

وحرفيه والحين اقص شريط افتتاح هالمبنى,,,


تدرون يمكن الانسان يكره شي يسويه بماضيه,,

لكن اذا هالشي بياثر ايجابي بحياتي ,,,

اعتقد اني ببدى احب اغلاطي واتقبلها,,




همسه--ادري تقولون هذي انسانه حياتها رموز ويمكن اللي يقرا مايفهم
وش اقصد لكن كون اني ماظهرت باسمي واحمل لقب يعبر عني
فاكيد كل كلامي عباره عن رموز او القاب تعبر عن الحقيقه بصوره رمزيه
او تشبيهيه--

ارجع اعيد((انا صادق واصدق كل كلمه))

لايمكن ان احد يطبق هالعباره ولايرتاح

اصدقوا مع اللي حولكم بترتاحون

حتى لو كذبوا وصدقتوا كذبهم

يمكن هالشي افضل من انكم تكتشفون الحقيقه!!!

اعتبر اكبر هديه اللي تجيك من شخص تعب عليها لمجرد انه يشوفك تستاهل هالشي
الله لايحرمني من مصمماتنا الغاليات

ببدى بحبيبتي سرور:***



الغاليه على قلبي وقلب الكل بوح قلم:***



ملكة الابداع توري:***



والغاليه بسومه الله يهون عليها يااااااااااارب:***

هههههههههه توته جدلت كل مواعين المطبخ للصاله
الظاهر بنتي بتطلع رفله وماتحب الطبخ حتى المواعين ظهرتها من المطبخ بكبره


بنات وانا صغيره كنت العب مع بنات جيرانا اقسم الغرفه اللي نلعب بها نصين نصف بيتي ونصف بيت قصيرتي اللي هي بنت جيرانا

المهم يابلفيت اني جيده وراعيه عزايم اعزمهم على غدا ههههههه
احط فلفل بارد مقطع وطماط مقطع وناكله حتى اللعبه لازم اكل فيها

والا نقلد انا واختي اللي اصغر مني المسلسلات البدويه
اذا انا بنت مابعد اعرست اخلي الشيله هدد على راسي ولازم اربط ربطه عصابه
واذا تزوجت الف الشيله والربطه لازم على راسي بصراحه ذكريات تفشل خخخخخخخخخخخخخخخ