السلام عليكم
الفصل تحفة بس اعذوريني مش هقدر اقول اللى فى نفسي علشان كنت بقاوم النوم وانا بقرأ الفصل بس ما قدرتيش انام من غير ما أكمله وبالرغم من كده كانت المواقف والاحداث بتنعشيني كأني شربت فنجان قهوة كبير وعمل مفعوله فى ثواني دايما يا مايا كلماتك لها تأثير مهما كان الزمان والمكان بتفرضى علينا الاصغاء والانتباه الكامل مع ان كل ده برضا منا بل وبالعكس احنا موافقين على كده بل عاشقينه
كافية روعة لحظات سيزار العاشق والله يشيب الواحد، البنت طوال ما هى معاها بتحارب طواحين الهواء بسبب مشاعرها مش عارفة تسيطر على اى جزء من مواقفها ضد طريقة حبه وبرغم كده قلبها بينصاع وراءه راكضا ولاهث وراء كل حركة بل وهمسة منه بس انت عارفة وانا عارفة ان مفجاءاتك لم تنتهى بعد وحتى فى اخر كلمات النهاية فى الرواية ابداعتك مش هيبقى لها حدود
علشان كده بصبر نفسي كل يوم ان دايما فيه الافضل عند مايا فى كل قادم
وعلى فكرة هتوحشينا كتير بعد الرواية وهنفتقد كل حاجة فيك رواياتك وتعليقاتك ودمك الخفيف
خالص بطرية شحني خلصت والسرير يناديني
تصبحي على خير واحلام سعيدة يمكن تكون فكرة لرواية جديدة
شوفتي هحتكرك حتى من قبل ما تخلصي الرواية
مع سلامة الله