كاتب الموضوع :
مايا مختار
المنتدى :
روايات عبير الاحلام المكتمله
شكراً مايا على البارت الجميل بهدوئه وعواصفه ههههههههههههههه
سيزار ..... يا سلام على الناس الواثقة اللي بتحسب كل خطوة من خطواتها نفسي اعرف اكون سوسه كده ههههههههههههه حتى الهدايا متقدرش تنتفع بتمنها ايه الجبروت ده انا مكنتش اعرف انك فظيع كده
كل حاجة بتحسب حسابها بس ما علينا من ده كله كل ده كوم واللي عملته انهارده كوووم تاني ايه التطورات الرهيييبة الفظيعه دي خلاص اخييييييرا اعترفت بحبك ليها ياااااااااااااااااااااه والله انا تعبت في انتظار اللحظة دي
مبسوطه جدااااا رغم الحرب البارده اللي متعتنا بيها انهارده انت وروبي لا الحق يقال انت حربك بارده بتقول الكلمه وتخليها تتنطط ياااااه عليك مستفز اوي اتعلمت ده كله فين
مشكلتكم انتم الاتنين لحظة ضعف تلفكم انتم الاتنين بعيد عن كبريائها وبعيد عن آلينا يارب تيجي بقى اللحظة دي حاسه انها قربت هقولك حاجة بدأت أحس بيها يا سنيور سيزو أنت مش حبيت آلينا أد ما أنت ممتن ليها لشيء نبيل عملته معاكم ومش عارفه ايه هو روبي هي حبك الأول نصيبك بقى يكون نووي على راي هومي كده بس انت ادها يا رزين يا تقيل يا فارسني
أنا ضحكت ضحك على ملابس السباحة وقلت لالالالا أكيد الموضوع فيه مقلب بس ياله خدت لكمه صحيح بس عملت اللي انت عايزه تعيش وتاخد غيرها هي اول مره متزعلش
روبي .... مش عندي حاجة أقولهالك إلا ربنا معاكِ يا حبيبتي نصيبك ولازم ترضي بيه اتجوزتي واحد مخه بيشتغل بسرعه أوي رغم إنك جيتي فجأة ولا إرتبك ولا حاجة واثق ومتحكم في الموقف وعملتي في الأخر اللي هو عايزه
بس بصراحه بقى انتِ غيظاني جداااا ما تقوليله يا ماما فيها ايه يعني حاسه انك لو مره واحده سمحتي لدمعه من دموعك المحبوسه وسبتيها تنزل حاسه ان الدنيا هتلف بيه اي نعم هو مستمتع بالأكشن بتاعك لكن صدقيني لحظة السحر اللي كلنا مستنيانها مفتاحها في دمعه ولحظة صدق ولو مش صدقك مالكيش دعوه بقى ساعتها ابعدي بعيد وهذنبه لحد البارت اللي بعده
جابريل ... تعرف إنك مفاجأة البارت بجد أهلاً يا بني فييينك منها لله ماجي اللي قالبه حياتك بالشكل ده حد يحب مكعب مرقة دجاج مالوش طعم صراحة صراحة سيزو ذوقه احلى منك كتير يعني كالي ناقص تخطبك هي حبة جرأة وشجاعة مش عارفة هي فرحت إزاي بعد ما قالتلك ده كله وفي الأخر سبتها ورحت لـ سيزار
شخصيتك مرحه وجميلة لكن أضعف من أخوك بكتيييير إتعلم منه شويه ده يدرس كورسات في كيف تفرس وتشل اللي قدامك ماجي مش هتاخد في ايده نص ساعه يجبلها الضغط والسكر وياخد منها تعويض كمان على تضييع وقته معاها
موتني من الضحك وانت بتودع القرود ثكر ثكر بجد انا عماله اقول هو بيسأل على قسط التأمين ليه حسيت إنك كنت عايز تشيلهم في جيبك وأنت ماشي يله خدوا الشر وراحوا عالم معاها فلوس ومش عارفه توديها فين
مايا يا سكر بارت لطيف ورقيق زيك أتحفتينا فيه بهدايا كتييير إعترافه بالحب ولو على طريقته ظهور جاب ههههههههه منتظره بقية هداياكِ في الفصول الجايه بس بجد كنت منتظره الحفل وإنفعال سيزار بتفاجئيني يا تيشنجو عليه برود أعصاب يفرس بلد
في أمان الله يا قمر مووووووووووووه
|
30-10-10, 10:36 PM
جديد مواضيع قسم روايات عبير الاحلام المكتمله
العرض العادي
