كاتب الموضوع :
مايا مختار
المنتدى :
روايات عبير الاحلام المكتمله
اقتباس :-
المشاركة الأصلية كتبت بواسطة f_troy2010  |
شكراً مايا على الفصل الروعة المفروض يبقى اسمه لقاء الجبابرة تصاعد المشاعر فيه على مستوى رهيييييب يا تيشنجو
ريري يا مقطقطه لا خالص سيزار مش ضايقني ده رفع ضغطي بس انا خايفة على نفسي على ما تيجي النهاية والله لادفعه فواتير اي علاج
سيزار .... جبـــــان عماله افكر وانا بقرأ الفصل هقولك ايه تعرف لقيت أجمل كلمة مقطقطة وكميلة لايقة عليك يا ننوس عين مامتك جبان إتصدمت فيك بجد ايه حركات العيال دي يا سيزووو كل ده عشان تثبتلها انك مش ممكن تحبها بس تعرف انك مكشوف أوي ولولا إنها كمان غرقانه لشوشتها في غرام حضرتك كان زمانها كشفتك يا بابا دا أنت انهرت بس لما قربت منك واللكمة المنورة على فكك تشهد كان هيغمى عليك ساعتها تعرف كنت ساعتها بشرب عصير برتقال وأول لما لكمتك شرئت حتة شرئة ماما إتخضت عليا جداا ما علينا أنا مش هحكي معاك زي زمان ومش مخصماك برده لأنك ببساطة مثير للشفقة لأبعد حد
حركاتك مفتعلة الصورة تصلحها وتجيبها في اليوم اللي هي جايه فيه وكلامك عنها في الوقت اللي انت عايز تتم زواجكم موضوع الحفيد ومامتك مش داخل دماغي مش عارفة ليه أصلها إنسانة قوية حججك مشكوفة بصورة مضحكة
همووووت وأشوف منظرك يا بطل لما تشوف صورها في الصحف ومتقولش شكلي الإجتماعي بقى دا أنا حاسه إنك هتجيبها من خصلاتها الحمرا اللي مجنناك دي بس حضر كده إجابة لسؤال مهم لو سألتك أنت غيران عليها ليها أصل الغيرة بتفرق عن الغضب الأنثى يا ساحر المجهورات يا خبير ولا أنت خبير ولا بتاع دا أنت طلعت مبتديء الأنثى عندها الحاسه السادسه ومدامتك روبي الموضوع عندها عالي شويه وده لنسبة الكهربا العاليه شويه اللي عندها هتفهم انك غيران عليها ردار يا بني
طول النهار أوعي تفتكري أني ممكن انساها وأوعي تفتكري أني هحبك لالالالالالا يا أمي انتِ غلطانة والله العظيم مسكين وجبان ودي أكتر صدمة إتصدمتها فيك مش قادر تواجه قلبك
إيفان ... أين انت " لسه فكراه يا مايا ههههههههههههههههههه ده سيزار الغالي نفسي اشوفه ولا بلاش هشوفه قريب "
روبي .... إيه الصبر اللي نزل عليكِ ده أي نعم طبعك هو هو لكن بجد بجد صبرك كان عليه كبير وهو بيحكيلك عنها بجد كلامه قاسي وبارد كنت حاسه إنك هيغمى عليكِ وأنتِ بتسمعيه قلت مايا جابت سيرة عدم اكلك من مده اكيد هيغمى عليكِ بس الحمدلله قدرتي تتتماسكي لأنك لو وقعتي وهو ظن إنك بتمثلي كنت انفجرت انا
معجبة جدا بروبي الجديدة الواثقة المُربكه لسيزار بكل ثقته ورزانته الفصل ده نجاح ليكِ رغم كل الآمك رغم أن تأثيره عليكِ كل بيقوى عن اليوم اللي قبله لكن أنتِ إتغيريتي تسريحتك هي هي يمكن شوية ملابس غاليه وماركات عالميه لكن التغيير الرهيب جواكِ فرحانة جدااا عشانك قدرتي تكوني أنتِ مستقلة بكل ما في الكلمة من معنى
فكرتك للحفلة مع أصدقائك رووووعة مادام ده سلو بلدكم خلاص خليه يشوفك وانت مهيصه ولا على بالك يمكن الغيره تغلب جبنه ويتحرك بس خايفه اوي من تحركه ده هيكون صادم للكل حتى لنفسه هيخرج فيه عن ضبط النفس والأعصاب ويمكن يعترفلك الله أعلم بس متأكدة إنها هتكون لحظة مشتعلة زي براكينك يا ثكر
لون طقم السرير جميل جدااا عجبني والله تخيلت خصلات شعرها عليه فنانة ديكور يا كتموتو ههههههههههههههه
كل حركة من حركاتهم وصفتيها بدقة وعناية مصور عدسة كاميرا حساسة للغاية
رغم إن الفصل كله موقف واحد وهو غرفة الفندق لكن فيه زخم للمشاعر رائع فظيه رهيب يا جبارة
طبعاً مفيش داعي أقولك إني نفسي أقرأ ال 14 دلوقتي بس أهو أمري لله هصبر وخلينا عايشين مع قلق مايا اللذيذ ده
في أمان الله يا أحلى تيشنجو مووووووووووووووووووه
|
بقا هو دا اتفاقنا..شوفى بقا العيال اللى بترجع فى كلامها...هاهاهاااااااااااى
توتة يا حياتى اولا وحشتينى موووت ..ثانيا قلتى انك هتحاولى تبقى باردة وهادية وما قدرتيش..هاهاهاااااااااااىىىىىىىىى ...ياترى لية..هل الشخصيات للدرجة دى مستفزة للمشاعر..سلامتك الف سلامة من الضغط يا قلبى..ان شاللة اللى يكرهوكى...ولا حرام..بعد الشر عنك وخلاص...مووووووة
محاكمتك لسيزار كانت قاسية اوى..لكن عندك حق..هو يستاهل..داااااا من وجهه نظر القارىء اكيد..لكن وجهه نظر الكاتب اللى هو انا وعارف كل حاجة..بتقول غير كدا خالص..متوقعة اية من واحد مش قادر يثق فى المراة اللى اختارها قلبة..طيب يقوللها انو بيحبها وهى عارفة انو مش واثق فيها..طب تقتنع هى ازاى..هو فعلا ماعندوش ثقة فيها..دى كذابة ومدمنة صرف فلوس والكارثة انو مش عارف فى أية..كمان باوصف كلامة عن الينا دا حلاوة روح..فى النزع الاخير لحب كان..وكأنة ولادة جديدة متعسرة لحب جديد ومستقبل جديد..
يمكن يكون جبان من مواجهه مشاعرة..لكن الفصل القادم هتفاجئى بية..وهتفاجئى بيها..هيكون لقاء جبابرة جديد..وستنحرف المشاعر انحراف جدييييييد تماما..
سلامتك من الشرئة يا قلبى..مش هسامح نفسى لانى السبب..بس قوليلى..شرئت من الضحك ولا الخضة...ههههه
الصورة مش مخطط انها تقع..ولا مخطط ترجع فى يوم وجودها معاة..مجرد صدف..وكمان ماكانش عارف انة هيعترف لنفسة بالحب اليوم دا..
طبعا موضوع الحفيد حجة فارغة..هو دا يدخل دماغ مين..دا هو اللى هيتجنن ويمتلكها..وهنشوف دا واضح فى الفصل الجاى وبقوة..وسينقلب السحر على ساحر المجوهرات..
دا هيشوف صور كوارث..لكن هيكون عـ........هتعرفى المرة الجاية...
ايفان هيفتح صناديق مقفولة كتير..واشباح كتير هتخرج من مخابئها على غير التوقع...
لا صبر ولا حاجة..ما هى انفجرت فى الاخر لدرجة انها قالتلة انت ولا حاجة..بس انا متأكدة انو هيحاول يصالحها المرة الجاية..بس اشك انها هتقبل..
انتى عارفة انو انا احيانا لو بمنطق العقل بقول عليها عبيطة..فيها اية لما تاخذة على قد عقلة وتقولة طيب يا بابا ماشى..حبها على كيفك..لكن هى تنسية اسمة واسمها بعد كدا...ههههههه..لكن روبى شخصيتها مختلفة..فطرية..وحتى تخطيطها اعتقد انو مش هينجح للنهاية..دى طبيعتها..شىء خارج من الطبيعة بشوائبة وسحرة..بيتصرف بتلقائية..ولا تملك المكر الكافى..قلبها هو الذى يرشدها..
ما تقلقيش دا سلو بلدهم فعلا..واحكمى عليها الفصل الجاى واللى بعدة من وجهه النظر دى..ماتنسيش..هم مجتمع اجنبى..
امنيتى انى اظل جبارة فى عيون احلى جبارة بنظرى..جبارة بموهبتها ورهافة حسها..اللى بيحكم دوما بمنظور قلبى بحت..يا رقيق انت يارقة..بحبك اوى..
زكالعادة نورتينى..والسبب الوحيد اللى مخلينى اتمنى الايام تطول رغم الارهاق الشديد اللى انا فية..
لمتنا الحلوة دى ونقاشاتنا اللى هفتقدها جدا...
|
27-10-10, 10:04 PM
جديد مواضيع قسم روايات عبير الاحلام المكتمله
العرض العادي
