كاتب الموضوع :
مايا مختار
المنتدى :
روايات عبير الاحلام المكتمله
شكراا ماياااا على البارت التحفه الرهيب ده آآآآآآآآآآآآآآه يا قلبي
مايا على فكرة انا مكنتش اعرفك كويس انتِِ جبارة ومفترية جداااا ضحكتيني بهسرتية ووجعتي قلبي لاقصى حد
استمري انا بحب الافتراء والجبروت من النوع ده هههههههههههههههههههه
لا لا لا تكذبي لالالالالالالالالالالالالالالالا تكذبي هههههههههههههههههه
روبي ..... يا تحفه يا اعصار على بركان مدمر وانتِ بتغني فكرتيني بمسرحية انا وهو وهي بتاعة فؤاد المهندس وشويكار عرفاها طبعاً القناة الاولى الروسية مش بتعرضها ابقي اتفرجي عليها وانتِ في مصر فرصه
لما كانت شويكار بتغني وتقول لالالالالا تكذبي ههههههههههههههههههههه وتقول لقؤاد المهندس انا واحده ست انا عندي برد هههههههههههههههههههههه
تعرفي يا روبي انا نفسي اجيب العصايه اللي بخوف بيها العيال اللي عندي في الفصل واضربك لما فكرتي تدلقي عليه القهوه يا بت اركزي واعقلي اتعلمي من مؤسسة الهدوء والرزانة سيزار باشا " مايا هو مافيش من سيزار نسخة مصرية لو فيه لو سمحت بهدوء ده بتاعي اوكي "
النص ساعه اللي فضلوا يتفاهموا فيها وهما في الوضع ايااااااااااه موتتني من الضحك خصوصاً لما كان جابريل الرهيب يبصلهم ويتعجب ويرجع يكمل مراقبة لقارب الحراس اللي جه يسأل عنها
ولا لما قالت على عليه ضفدع عجوز وربنا وربنا انا انفجرت في الضحك زي جابريل بالظبط مش عارفه سيزار الراسي ده قدر يمسك نفسه ومايضحكش ازاي وااااد تقيل بقى مين قده هههههههههههه انا مش بعاكس انا بحلل المشهد بس اوعى حد يفهمني صح
ولا لما بتقول حاجه وتقعد تقول غبية معتوه يا خرابي على السكر بمووووت فيها وهي بتقول كده انا تعبت والله من كتر الضحك
عارفة يا روبي انتِ في الاول بتقولي عليهم كده منافقين مرفهين لكن شوية شوية الموجه هتسحبك وهتغرقي في حكاية سيزار حاسه ان هيجي في وقت هيبقى صعب عليه يعترف بمشاعره ناحيتك لانه هيعتبرها خيانة لزوجته وساعتها هتعرفي ان الحب مش رفاهية على العكس اد ما هو اجمل شيء في الدنيا اد ما هو عبء على اللي بيجربه اي نعم عبء لذيذ بس مسؤلية والتزام وقلب بيحب 24 ساعه وشوق كبير حتى وحبيبك ادام عنيكِِ دي قصه كبيره يا روبي عمره ما كان رفاهية بالعكس احياناً القلب الخالي هو اللي بيبقى رفاهية
تجربة جديدة والوان للدنيا عمرك ما شفتيها بيها الشمس هيبقى لونها مختلف المطر هيكون معزوفة جميله والقمر هيبقى صديقك الامين اللي هتحكيله كل اسرارك
جابريل .... هكلمك قبل سيزار عايزة اختم بيه هههههههههههه يابني انت نبض
الجماهير والقراء انا بضحك معاك في نفس الوقت ببص ببلاهة برده معاك في نفس الوقت دمك خفيف بشكل مش ممكن يا بختك والله قاعد في الكوميديا دي لوحدك
سيزار .... احم احم اهلا وسهلا انا فاطمة كرم هههههههههههههههههههه وصاحبة مايا على فكرة
تعرف ان بينا حاجات مشتركة هههههههههه هقولك زي ايه زي تحليل الشخصيات
عجبتني جداااا انك عرفت روبي في كلمتين رغم انها كذابة نمرة اولى بس عرفت معدنها من تصرفاتها
هروبها من الفرح شجاعتها وهي في البحر والدليل عدد اللكمات والرفسات اللي تلقتها حضرتك
شخصيتك على فكرة حقيقية جداااا شفت وفائك لزوجتك بس صراحة مش على راجل على واحده قريبة مني جدا زوجها توفى صوره على كل موبايلاتها اي ورقة قديمة تلاقيها كاتب فيها اي شيء تافه عملالها قايل وشيلاه عندها
الوفاء شيء جميل ونضيف اوي لكن خلي بالك انه ممكن يتحول لظلم للنفس قلقني جدا تغير نظرتك لروبي لمجرد حبها المزعوم لإيفان قدرت إخلاصها لكن هل ده مؤشر انك ناوي تكمل كده
الوفاء والاخلاص ممكن يتحققوا بدون اتعاس الذات وظلمها لان زوجتك نفسها اللي كانت بتحبك الحب ده كله اكيد نفسها تكون دلوقتي سعيد زي ما سبت خصلات روبي تداعب وجنتك في المره التانيه وارب الباب شويه لقلبك لان الشمس لازم تشرق من جديد والحياة مستمره من غير نصايحي القدر اكيد مخبيلكم مفاجأت رهيبة ليكم انتوا الاتنين ولينا احنا كمان معلش مضطرة امشي لأن مايا بتشدني عايزني اخرج بتحابي روبي حضرتها ماشي يا مايا لن انسى لكِ هذا الموقف طالعه طالعه
اه نسيت حاجه يا سيزار ..سبيني بقى .. خلي بالك إيفان حاسه انه راجع تاني يعني لازم تصحصح للكذبة تتقلب بجد ويمثلك خطر حقيقي سلام بقى هههههههههههه 
تصفيق حاد لمـــايـــــا اكثر الكاتابات شفافية لأن كل كلمة من كلامها نفذت لقلبي بدون مجهود بكل عفوية وبساطة وبدون ابتذال واسفاف راقية يا مايا ربنا يزيدك تألق
الفصل الخامس زي ما قالت حسن الخلق العسل اللي بشكرها على تنزيل البارت بارت محوري في الرواية
منتظرة بشوووووق الفصل الجديد ونفسي الرواية تكون خمسين فصل لو فيه اكتر اوكي معنديش اي مانع
بحبك جداااا
في امان الله
|
26-09-10, 01:01 AM
جديد مواضيع قسم روايات عبير الاحلام المكتمله
العرض العادي
