السلام عليكم و رحمة الله و بركاته

وااااو واااو واااو

الفصل من البدايه قنبله و خلص بسرعة البرق

من اول كلمه و انا مش قادره امنع نفسى من الضحك ( عمرو كان قاعد جنبى بيكتب واجبه و شايف امه عماله تحدق فى الشاشه و تضحك اكيد فكر ان امه اتجننت و قال فى نفسه امال مين الى هيخلص معايا الواجب !!!!! هههههه )

يا عينى يا سيزار على الى جرا لك

يا مايا انت مدهشه و كل مره تدهشينى اكثر رغم انى المفروض اتعودت على كده منك لكنك مبهره المره دى

الصراع فى الماء كان حيوى و حى جدا حسيت انى بشهق معاهم و نفسى ضيق و شعرى المبلول مضايقنى امال ايه طبعا اختك عويمه لكن فى البانيو بس ههههه

ايه الحلاوه دى يا مايا انت غرقتى قبل كده يا بنتى ؟؟!!! وصفتى احساس الغرق بدقه مزهله انا حاسه انى عايزه اكح و طعم الماء المالح فى فمى

قالها سيزار كلمه حكمه ( مجنونه اعصاريه )

جابريل ههههه الاشارات مش هتنفع احسن حاجه تنزل بنفسك و تديها روسيه محترمه خليها تهمد شويه

برافو يا روبى مخيبتيش ظنى فيكى بركان ثائر يقذف الحمم فى كل مكان

على فكره اكثر واحد اتأثرت له فى مشهد الغرق ده كان جابريل لان الى بيكون داخل الحدث بيكون مشغول و مش مدرك بالخطر المحدق به انما الى بيراقب من بعيد بتمر عليه الثانيه الواحده بسنه و 1000 هاجس سيء بيمر به الله يكون فى عونه و هو شايف اخوه اختفى تحت الماء و لا حس و لا خبر

كل شىء مع روبى معكوس حتى ضغط سيزار و كل الموازين مقلوبه

هاهااااى يا مايا انه فعلا لقاء السحاب على اليخت و إعصار روبى يكتسح الاخوين بجداره

قويه اللكمه الى اخذها سيزار الى بيضرب زى البنات ههههه
انا مت من الضحك الفصل ده و خصوصا لما عقله سول له انه يعمل لها تنفس صناعى و اتفاجأ بيها قدامه

جابريل نفدت بعمرك و تراجعت على الفور ال كلب البحر ال الحمد لله شتمته بس

و بدأت رحلتنا فى كشف لغز روبى اميرالد يا ترى ما هى قصة والدتها الحقيقيه يكاد يقتلنى الفضول

وااو وصف الحمام رائع و خصوصا مع دندنة روبى تيرالالالالا .. لالالا اااااا فعلا صوتها جميل انا سمعته

حلو الكلام الكبير الى قالته روبى من حيث الاراء الخاصه الخاصه بالمستقبل ههههه

اما المشهد الختامى فيه فلسفه خطيره
دلاله واضحه على وحدة روبى و افتقادها للحنان و الرعايه فهى لم تكذب حين تحدثت عن والدها المزعوم و لكنه عقلها الباطن الذى يتحدث عن شعورها الباطنى فهى تتوق للإحساس بأنها مدللة والدها الذى يحبها و يحميها و اهم شىء لديه سعادتها

و الان ماذا تنوى يا سيزار ؟؟؟ بدأت خيوط اللعبه تكون فى ايده لأول مره
المبادره هتكون معاه و ماذا يخبىء لحورية البحر الصهباء

مايا حرام عليكى البنت حافية من بداية القصه
يا ترى هى دى الى بترقص حافيه القدمين فى مدخل شريانى
لبسيها حذاء بقه رجليها وجعتها هههههه

الى اللقاء فى الاعصار القادم انا فى رايى كل فصل يعتبر اعصار مدمر لاعصابنا ربنا معانا

منتظراكى يا حبى

دمتى بكل حب