كاتب الموضوع :
morano2
المنتدى :
القصص المكتمله
في الرياض
العنود\حنان تصدقين زوجك امس يخقق..
حنان وهي تاكل الايسكريم\ هههههه امحق..
العنود\ليش..؟
حنان\مغرور ..
العنود\طيري بس..
حنان\الا مكن ابوي سكت عن سالفتك..
العنود\اسكتي والله اني على اعصابي..
حنان\ههههههه..
مهاوي وهي جايه لجهتهم\السلام..
البنات\هلاااااااا.
مهاوي\بنات غنج دقت عليكم..
البنات\لا,,ليش.
مهاوي\ادق عليها ماترد..
العنود\تلقينها مع عزام ناسيه نفسها...
حنان\مدري يمكن..
العنود\وش فيك خايفه عليها...
مهاوي\مدري شفت البارح لها حلم الله يستر عليها بس..
العنود تعوج شفايفه\تطمني بسبع ارواح الي مثلها ينافسون شعيب في عمره..
مهاوي\اسم لله عليه وش ها اللسان الي عليك يبث السم اوووووووف...
,,,,,
باالامارات
عزام يمسك راسه بين رجوله\كيف صار كذا هي الحين وين؟
انا لازم اشوف وينها فيه ,,مافيه الا فارس ادق عليه...
مسك جواله ودق عليه لحظات وجاء رد عليه..
الو..
فارس\خير..
عزام ببحه\بلا لف ودوران غنج عندك..
فارس بهدوء اقرب للستهزاء\ايه عندي..؟ انت وش مسوي فيها؟؟ انت ماتئمن عليها؟؟ صدقني عزام لو ادري ان الدعوه فيها انت صدقني موتك على ايدي..
عزام بخوف\غنج كيفها؟؟
فارس\\ارتاح قضيت عليها البنت فيها انهيار بس صدقني انتظرها لماتصحى وقتها بس اوريك شغلك...
عزام\لا تقعد تهدد الموضوع سوء تفاهم وبنحله...
فارس\هههههههه ماظن ورقمي هاذا لا عاد تدقه..
قفل فارس الخط بوجه عزام
عزام انفجر منه وضرب جواله الكرسي الي كان قدامه
انهيار تام لهذين العاشقين فراق لا يكون له لقاء فا الخيانه تهدم صروح الحب مهما علا شموخها وتعالت قسمات الحب بين ثنياها ..انتم معي في المبدا فا الخيانه لايمكن ان نغفرها فل نتفق بلمبدا اما التفاصيل فئترك لكم الحكم فيها فانتم فيها القضاه وانتم الحكام والخصمان فيها هم العاشقان
ماذا توتقعون يحصل لهاذان العاشقان اذا انهار صرح الحب تحت الخيانه؟
مع او ضد عزام؟؟؟
حنان حكاية بنات في مجتمع مهمش ومنبوذ الرئي فيه والاراده؟
ابو بدر يمثل شريحه نراها امامنا ونسمع عنها وتتمثل شخوصها تتراقص امام عيني وتستفزني اكتب ولو نبذه عن جزء بسيط عن شخصيتهم الظالمه والمتجبره والقاااااااااااااااااااسيه بلا رحمه
ايه الزمن قف ,,,,,فمامك الحب يعلن انتحاره........................................... ..........
دمتم بحب ضمني بين الاهداب..
...
بسم الله الرحمن الرحيم
مساءكم ورد...
بار جديد...
مدخل
ياصدمتي فـي أكثـر احبابي00 ويا خيبة ظنوني
يا ضيق صدري00لاذكرت انّي عليهم ماكذبت
ياطعنة خلتني انسى من سبايبها00طعوني
يـا جـرح مالـه طـبّ حتـى لـو أقـول:- اليـوم طـبْـت
البارحـه والله يكـون بـعـون احاسيـسـي .. وعـونـي
أحــاول اهــرب مــن عمايلـهـم ولـكـن مــا هـربْــت
ما كنت احسّ انـي أنـا أنـا .. وهـذا الكـون .. كونـي
أمُـرّ فـي حالـة ضيـاع .. وشبـه غيبـوبـه .. وكـبْـت
أحباب!! أي أحباب ذول اللـي علـى موتـي خذونـي
الظاهـر انـي شبْـت .. ياعالـم .. وانـا مـا بعـد شبْـت
سألـت نفسـي هُـم يبونـي صــدق؟؟ ولا ّ مــا يبـونـي
أجـبْـت نفـسـي وليتـنـي عـلـى سؤالي ما اجبت
اللـي لهـم مُــدّه وهــم فــي داخـلـي .. واستغفلـونـي
يـامـا استغـلـوا طيبـتـي معـهـم وكــل الـلـي وهـبْـت
وهبتهـم قلبـي..وصدقي. وكلـمـا حـولـي ودونــي
تعـبْـت معـهـم بــس مــا كـنّـي رغــم هــذا.. تعـبْـت
شعـرت فـعـلاً بالـعـذاب.. وغـصّـة الـدمـع بعيـونـي
قرّبتـهـم مـنّـي 00وانــا الـلـي كـنـت احسْبـنّـي قـربْــت
عشانهـم قــررت ابـيـع الـلـي مــن العـالـم شـرونـي
عشـانـهـم بـطّـلـت لـعــب .. ولـيـتـنـي والله لـعـبْــت
مادامهـم مـا قـدّروا صدقـي .. ومعـهـم جرجـرونـي
لـو ادري آخرهـا كـذا .. مـن أول الـدرب انسحبْـت
أحبابهـم واجـد .. ولا ادري ليـه بالـذات اخدعونـي؟
مع ان عمـري مـا خدعـت انسـان .. أو حتـى قلبْـت
يـا قوّهـا صدمـه .. وانـا لـون الغـدر مـاهـو بلـونـي
وربّـي مــا أنــلام لــو بـعـد الــذي ســوّوه .. غـبْـت
ماكنت ناقص صدمه اخرى في حياتـي واصدمونـي
مصـدوم خِلقـه .. ليـن مـات الحـب فينـي وانعطبْـت
الحيـن مـدري كيـف اعاملهـم .. وهُـم مــا قـدّرونـي
ما استوعبوا للّي كتبْـت مـن الجـروح .. ومـا كتبْـت
الله يجازيهـم عـلـى استنـزافـي .. وعلى حـرقـة جفـونـي
مـا كنـت حاسبهـم يبيعـون الغـلا .. يـومـي حسـبْـت
اثْــر الغـلـط مـنـي لأنــي كـنـت معطيهم جـنـونـي
لكـنّـي أعلـنـهـا صـريـحـه "تـبْــت والله ثـــم تـبْــت"
مـا عـاد لــي رغـبـه أجــدّد فــي علاقتـهـم طعـونـي
خسرت في هذا الطريق اضعاف ضعف اللي كسبْت
أحسن لي ابعد واشتري نفسـي .. ولا خيبـة ظنونـي
إن طبْت من جرحي .. وإلا ّ.. جِعْلِني ما يـوم طبْـت
ا..
كيف يحمل لنا انسان قريب من ارواحنا هاذا القرب الشديد ولا يخالجنا الشعور مطلقن انه يحمل في داخله رغبه جامحه للانتقام ..
واشفاء الغليل..
لم نشعر معه الا با الحب الاخوي الصادق.. ولا يروادنا شعور غيره,,,
..
ومضه:هل يمكن يجي يوم يصحون فيها الناس وماصحى؟
تشرق الشمس لتعلن يوما جديد. بشعتها الذهبيه ترسلها دافئه الى الكوكب الازرق وانا نائمه لم استيقض
تبدا الحياه لدوره جديده من دوني..
وانا في عالم آخر في عالم النيام للابد...؟
عالم الاموات وانعدام الحياة..في عالم اخر بعيدا عن من احب عالم غريب حالك السواد وبارد برود الجليد
في يوما ما يستقيضون الناس ولن استيقض
..
00اهلن بكم من جديد في هاذا البار الذي يحمل في طياته مفاجئه سعيده لكم ..
___
تأملها زي الملاك نايمه ببراءة الاطفال ....نايمه على سريره الفخم ...وهو كان مقابلها على الاريكه الي كانت بعيده عن السرير..
رفع عيونه العذاب..
بسقف الاوتيل يتئمل تصميمهم الشرقي با السقف.. وتاخذه الذاكره لبعييييييييد.. لعند وعد اخته..؟
يتذكر اليوم الي راح بقوى راسخ بذاكرته...
لما كان عمره صغير تسع او عشر سنين...
كنا صغار انا وعد ..وكنى بغرفة الجلوس.. او الي ينقالها غرفة الجلوس..كانت وعد تلعب با الاوراق الي بشنطه الجلد ..
الي كانت مركونه بزاويه لما ناتدني\فارث..
التفت لها معصب من اسمي على فمها\اسمي فارس مو فارث...
وعد\سوف هاذا اثم بابا صح علي انا اعلف اقلاء= سوف هاذا اسم بابا صح علي اعرف اقراء
خذت منها الاوراق عشان اصير امثل دور الكبير اشوف صح عليها ولا خطى..
كان الكلام المكتوب اكبر من فهمي... كان اسم ابوي موجود فيه واسم شخص ثاني اسمه ماجد ...
مانبهت الا على ضربة امي على يدي ..وخذت الورقه مني وتهاوشني ..طلعت... وجيت وراها ...
لاكن كانت ورى الباب تبكي بصوت مبحوح وبحسره...
وبالم \الله لا يوقفك يا ماجد العالي....... لا حي ولا ميت الله لا يوفقك انت السبب في رمية حامد=ابو فارس..بسجن
رسخة هاذي الكلمات براسي وماقدرت تمسح ماجد العالي....... سبب في رمية ابوي بسجن ..وبعدين فهمت كل شي من امي ..
ابوي مثلي الاعلى رمز الكفاح بنسبه لي ..والاب الطاهر مثال الاخلاق ..اكتشفت من امي انه زور في اوراق رسميه.. تخص الشركه
بيعاز من واحد من شركاء ماجد العالي....... الي كان حاقد عليه.. ووانكشفت بنهايه اللعبه الغبيه ...لماجد..
الي كانت هاذي االحركات ماتمشي عليه ..ابوي ماكان مزور ..ولا طماع.. ولا حرامي ..الحاجه الله يلعن الحاجه ...
هي الي دفعته لتزوير الاوراق ...كانو بيطردونا من بيتنا الصغير الايجار.. وهاذا الشريك عرض عليه عرض مغري...
ماكان يحلم فيه.. عرض عليه مبلغ ينقله هو وحنى لحياه ماتوقعنا نعيشها ولا في الاحلام .. لاكن انقلب السحر على الساحر وانسجن ابوي وشريك ماجد ..تذكرت امي بعبياتها الرثه وهي تترجاه يتنازل عن زوجها الي مالها بدنيا سواه وضحك وقهقته عليها وكلامه\ليش تحسبون مال ماجد وحلاله سايب ههههه ... قامت امي بكسرة عين وهي تضغط على يدي الصغيره الي ماسكتها والي كنت مافهم شي من الي يدور حولي وطلعت من المكتب الفخم على ضحكاته... ومشت الايام بسرعه او ببطئ على ناس وناس مشت الايام وكبرت وصار عمري بمراهقه صحيح ان سني صغير لاكن بنيتي وجسمي يعطوني اكبر من سني وطارت بي الاقدار لما دخلت شركته صار اسمي فارس حمد بدل فارس حامد ههههه ماابن الوز يطلع عوام وليش مازور في اسمي كمان مادام ان ابوي انسجن بنفس التهمه تزوير بس هين انا اوريك كيف تزوير الحقائق ياماجد على حقيقته.. وترقيت له بسبب لساني المعسول وعلاقاتي الي تشعبت مع الموظفين ولباقتي وصرت مثل الاخطبوط بشركه ومشت الايام لما كسبت ثقته وسافرت معه لمازعل من اخوانه .. وزادة ثقته فيني ومات وهو مستئمني على وحيدته عشت معه عشر سنوات من عمري ضيعتها مع ها الشايب بس الي كان مهونها علي بنته الي ماكان لها معارف كثيرين بسبب ابوها الي كان مخبي زواجه من امها عن اخوانه.. و ماكن اصدقاءه الا انا وصديقتها جاكلين الي بعد ماعرفتها الا عن طريقي.. بنته غنج الي لما شفتها لما جيت قصره الكبير الفخم شفتها وكان عمرها قريب من عمر اختي وعد كان عمري وقتها تسعة عشر سنه بتمام وهي كان عمره بحدود عشر سنوات اوو تسع سنوات اول ماشفتها ماستوعبة ضحكة من قلبي كنها عروسه ايه عروسه صغيره ومنحوته صحيح اني كنت اشوف بنات بس بحدود بنات حارتنا بس كان فيهم لمحة جمال بس مثل ها البنت كيف شكلها غريب.. وبحكم خطتي مع السنوات تعلقت فيني بس مو التعلق الي انا مخططه تعلقت فيني كئاخ مو كاحبيب بس مو مشكله كنت اقول بكرى تحبني بعض الاوقات كنت اناظرها وارحمها وبعض الاوقات اتمنى ادوسها برجلي لن ابوها يستاهل يصير لغلى شي عنده كذى...حط فارس يده على جبينه \اوووووه وين سرحت لبعيدددددد .....
جت منه التفاته لغنج ..
الي كانت نايمه بسريره ..وبنفس الغطى الي كان عليه قبل لحظات ..ومتلحفه بعطره الي معبي الفراش ..
عطره المخلط المركز ..الي دايم تقول له انه قوي عليه.. عكس شخصيتي الهاديه وتئشر دايم لي بصابعها التوتيه \ماحب عطرك ماحبه مره صعب
ابتسم لها بتعب وهي تحت عينه ...
تحركت غنج في السرير لحظات محدوده.. وفتحت عيونها الزمرديه..تئملت السقف الاوتيل وعقدة حواجبها البنيه
قامت بشويش وقعدة.. حطت يدها على راسها.. تحس بصداع.. و..وصوت طنين بذونها..
لفتها المغذي الي في يدها.. استغربة..؟
لاكون با المستشفى ..؟رفعت راسها لجهه الي قدامها ..و شافت فارس يناظرها بهدوئ ..ولما طاحت عيونها بعيونه ابتسم
سكتت غنج وفكت بسرعه المغذي من يدها.. لاكن استوقفتها حركة يد فارس السريعه.. ومسك يدها ..
فارس:لا لا
غنج وهي تناظر ساعت يد فارس الي حاطها على يدها.. جورج ارماني ..رفعت عيونها له :اتركني مافيني شي..
مسك كتوفها فارس :بتقنعيني ان مافيك شي ..؟والبارحه اخر الليل جايه الاوتيل ببجامه..! و جايك انهيار..؟
ارخت كتوفها غنج بضعف وقلة حيله..
فارس:انا ماراح اسئلك عن اسبابك بس صدقيني عزام لو يحفى ماراح تأخذينه..
غنج تحط يدينها على اذونها:خلاص مابي اسمع اسمه..؟
فاارس\وماراح تقوليلي الاسباب؟؟
غنج\تكفى فارس اتركني انا نفسيتي تعبانه..
سكت فارس وتئملها للحظات.. وتركها ودخل الغرفه الثانيه الي با الجناح..
رجعت غنج وحطت راسها على المخده.. لتعلن عن بداية دموع ليس لها نهاية قريبه..
معقوله يخوني معقوله..؟ ينسى الحب الوليد.. الي توه با المهد ماعلن ظهوره عشان يقاوم...
فارس يحط كاس عصير برتقال عند الكومدينه\غنج انا طالع اجيب اغراضك لاتروحي مكان...؟
اومئة غنج براسها الصغير با القبول...
وغمضت عيونها لترتسم من جديد شكل الجناح حق عزام لما دخلته..
حست نفسها بتتختنق حطت يدها على رقبتها ..
تحس بخنقه حاولت تتنفس بس تحس الهوى انقطع وضاع عن شفايفها التوتيه ..حركت يدها بضعف..
تبي فارس ينتبه ..لاكن كان فارس طالع برى الجناح استمر هاذا الوضع لثواني..
وبعدها حست بصورة عزام تداعب عيونها وتلمس كفوفها الممتده شهققققققققققققققققت وحست ان الهوى دخل بقوى لفمه وكحت بقوى لماحست القفص الصدري حقها بيتكسر
|
31-07-10, 11:46 AM
جديد مواضيع قسم القصص المكتمله
العرض العادي
