كاتب الموضوع :
morano2
المنتدى :
القصص المكتمله
11ص
ابو فيصل يطوى جريدته اليوميه ومسك كوب الشاي \تكلم يامراد ياولدي مافي احد غريب
كان في القعده الي بحديقة الفلل بدر,عزام,فيصل,سعود
مراد بتوتر ومحاولته الجاده ان ما يطلع في وجه غير الهدوء\انا ياعمي بصراحه عندي اشغال في دبي..
تعرف نحنا طولنا هنا انا والاهل وبنمشي لدبي الليله
ابو فيصل\ليش ياولدي ترانا والله مبسوطين فيكم..
مراد\تسلم ياعمي بس انا حبيت ان موضوع خطبتي با بنت اخوك تكون رسميه عشان اسافر وانا مطمن واجيها بطريقه رسميه بصفتي خطيبها
ها وش قلت ياعمي..
ابو فيصل\والله ياولدي هاذي الساعه المباركه بس صراحه انت فاجتني ..
مراد\والله ياعمي تعرف ظروف شغلي وانا صراحه ماظن انها ترفض؟؟
بدر الي تكهرب جوه بشكل خلاه يرمى الفنجال حق قهوته بصينية القهوه الي قاعد يصبها فيصل لهم,,
التفت سعود لعزام الي كانت عيونه جليد في جليد برود وهدوء غريب ماينبئ بقرب اعصار ولاشي,,
ابو فيصل التفت لبدر ينتظره يقول شي لاكن بدر التزم الصمت لئن رفض غنج له حطم كل شي جواته..
ابو فيصل\براحتكم ياولدي انا ماعندي مانع ..
مراد ابتسم ونزل راسه لكوب الشاي يشرب منه
عزام بصوت واضح وجهوري\بس حنا عندنا مانع يا ابو فيصل؟
ابو فيصل رفع راسه لعزام وتعلقت عيون الجالسين فيه
عزام\من بعد اذنك ياعمي هاذي بنت عمنا مانرضى انها تطلع لغيرنا
مراد\بس؟!!
ابو فيصل\ياولدي انتم موفرينها؟؟؟
عزام وهو يناظر بدر\من قال؟من بعد اذن بدر انا ابيها لي...
بدر بهدوء\هي رفضتني يا عزام ...وانت اغلى عندي من ان احجرها عليك.. من وحده تبيها
عزام \تسلم ياولد سلمان
مراد انهبل\وشو انت بئي عقليه تتكلم ان ابي البنت والبنت تبيني وشو محجر عليها؟؟؟
عزام بحده\بعقلية بدوي انا بدوي لنخاع والبدوي ينزل بنت عمه من الفرس وانا مابيك تاخذها..
مراد يناظر ابو فيصل\عمي تكلم شف هاذا وش يقول نحنا متفقين من البدايه؟؟
ابو فيصل\ والله ياولدي انك عزيز علي بس وش تبيني اسوي عزام يبيها وهو ولد عمها.. واحق فيها
مراد\بس خطبه على خطبه ماتجوز..؟؟
عزام وهو يوقف\ماعندنا لك بنات ؟؟والله ان خذيتها ان اخذ فيك قصاص..
سكت مراد وقام من المجلس ونادى على اهله يتجهزون عشان يمشون للدبي وبان عليه العصبيه والقهر
فيصل\اهب يا المقوي والله انك شي..
ناظره عزام وابتسم
سعود\اخوي واعرفه يضبطون الي يضبطونه واخر شي ياخذ الي يبيه..
فيصل\عساه يكسر راس الي داخل والله ان تنتفنا كلنا ونصير كنا دجاج مختبري..
عزام\ههههههههه
ابو فيصل وهو راجع من مراد في محاولات منه ان يرضيه
ابو فيصل\سويت الي براسك ياولد خالد؟؟؟؟؟؟؟؟؟
عزام\ماني على خالد ان خذو بنت عمي وانا اشوف ..
بدر\استذن..
عزام حط يده على بدر\ولد العم ؟؟
بدر ناظره نظره بارده\ومو انا الي اخذها وهي ماتبيني الله يهنيكم..
عزام نزل يده من بدر ومشى بدر وتركهم
ابو فيصل\يعني انت الحين تبيها؟؟..
عزام\اكيد ياعمي ابيها..
ابو فيصل\بشوف رايها ونتكلم بعدها؟؟
فيصل\هههههه الحين بديت افهم؟؟
عزام\ وشو ياذكي زمانك ضف خلاقينك بس.
طلع عزام من المجلس مبتسم وتوجه لسيارته معلن خروجه من الفلل
.......
مدخل
انـا زعـلان منـك حيـل وشايـل لـك بقلـبـي عـتـاب
واتـمـنـى تحمـلـنـي مـثــل مـــا اتـحـمـل عـتـابــك
ترى بعض الصراحة جرح وثقل ونرفزه واعصاب
ابـي تسمـع كلامـي زيـن وتـمســك زيـن اعصـابـك
تعاهـدنـا انــا وانـتـه عـلـى إنـــا نـكــون احـبــاب
واحبـابـك هــم احبـابـي واحبـابـي هـــم احـبـابـك
وش الــي غـيـرك فجـأه تكـلـم واذكــر الأسـبــاب
انـا بسمـع كـلامـك زيــن وبسـمـع زيــن اسبـابـك
رغـم كـل الخطـاء منـك فوجهـك مـا قفـلـت الـبـاب
ويـوم اخطيـت فـي حقـك قفـلـت فوجـهـي ابـوابـك
رخصـت الغالـي لعيونـك حنيـت لخـاطـرك ارقــاب
رضـيــت احنـيـهـا ارقـابــي ولا تحنـيـهـا ارقـابــك
كفايـه تمتحنـي هــم وخــل مــن ذم فيـنـي وعــاب
ترى من عاب في غيـرك ولـو طـال الزمـن عابـك
ولا تفكر في يـوم انسـاك او يشغلنـي عنـك غيـاب
انــا اتنفـسـك اهــواك وفـيــك امـــوت واحـيـابـك
انـا مـا شـوف احـد غيـرك جمـيـل بفـتـنـتـه جــذاب
انـا إعجـابـي فيـك اعمـى يفـوق اعجـاب اعجـابـك
انـا مهـمـا قـسـى قلـبـي بكلـمـه مـنـك احـسـه ذاب
انا من زود عشقـي لـك عشقـت العطـر فـي ثيابـك
انـا ياليـت مـغـرم فـيـك انــا كـلـي فغـرامـك شــاب
احـسـك جــزء مــن روحــي ولا اتـحـمـل غـيـابـك
ولا قد طـاب لـي جرحـك ولـو جرحـي لذاتـك طـاب
عجـزت اقـدر اشـوف الدمـع بـل اطـراف اهـدابـك
ولـكـن كـــل شـــي إلا جـــزاة الـصــد بالـتـرحـاب
إذا صـديــت تـرحـابـي تـــرى بــاصــد تـرحـابــك
ولانـي مرتـضـي ذلــي ولــو كــان الـهـواء غــلاب
إذا مـاكـان تـرضـا بـي حـشـاء لا يمكـن ارضـا بـك
ولانــي قــادر اتحـمـل عشـانـك غـرسـت الأنـيـاب
انـا كـلـي غــدى مـجـروح مــن غـرسـات انيـابـك
تجافيـنـي ولا هـمـك ولا تحـسـب لــي أي حـسـاب
وانا من زود عشقي لك اصونك واحسـب حسابـك
ألآ يـا قـسـوة الصـدمـه تجـيـنـي مـنــك الأصــواب
وانا الي كنت اقول الجـرح إذا مـا صابنـي صابـك
أمـانــه قـــول وش بـقـيّـت لـلـعــذال والأغــــراب
اذا هــذا مـعـي طبـعـك اجــل وش حــال اغـرابــك
تـمـرد كــان يحـلـى لــك تعـيـب فطيبـتـي وتغـتـاب
ولكـنـي تــراي اكـبــر مـــن انـــي يـــوم اغـتـابـك
حقيـقـه اكتشـفـت انــك سخـيـف بطبـعـك الـكـذاب
وانـي كـنـت لــك لعـبـة سخيـفـه تـشـبـه الـعـابـك
انـا عيبـي غبـي طـيـب وضـنـي فـيـك والله خــاب
ولا قـــد كـنــت اتـوقــع تـجـافـي يـــوم اصـحـابـك
انا جيتك بطيب الطيب وفيـك الطيـب ابـد مـا جـاب
ابـي تعذرنـي هـا القـسـوة لأن الطـيـب مــا جـابـك
كيف المجرم يعشق؟؟؟هو قلبه يعرف العشق والحنان..الحب والامان...يعرف يكون الصدر الحنون..وهو اصلن بحر ماله ابد يم ولا له ابد قاع
كيف تكون عيونه لنا الامان...وهو الي يضيعنا ويتوهنا ويدخلنا بمتاهات....كيف يتسلل الحب النقي الطاهر البريئ الى قلبه وهو (((مجرم)))
قلبه ماعرف الا الكره وعيونه ماعرفت الا الحده ويده ماعرفت الا البطش ...كيف تسلل الحب الى قلبه وبخجل طرق بابه...عيونه القاسيه تتحول الى نبع من الحنان معها وقلبه وهي عنده يصير لها المكان ويده تصير لها الامان تضمها لصدره وتقول ....لاتخافي ,وهي منه تخاف
اهلن بكم من جديد في بار جديد يحمل لكم بين سطوره مفاجئات من عشق تفجر به عاشاقان ومن صدمات استقبلتها قلوب رقيقه خيانه عتاب كره حقد حب جارف كذب وتزوير للحقائق كل شي تستقبلوننه في هاذا البار الجديد ...........
فيصل يركض مع الدرج كئنه طفل با الابتدائي
ام فيصل وهي تحت الدرج وفيصل بنص الدرج يركض\شوي شوي وشفيك ياولدي مطفوق كذا؟؟
ام بدر تضحك على ام فيصل\اصلن من يوم جبتيه مطفوق والاتذكرين انس جايبته مسابعه فيه من يوم يومه مطفوق..
فيصل\بلاكم ماتدرون وش صار عند ابوي والله يانها سالفه فاتتكم؟؟؟!!!
ام فيصل بفضول\قل وش هي؟؟
ام بدر وهي متحمسه\ها شصاير؟؟
فيصل فوق الدرج ويطل عليهم\تبببببببببببببببطون..
ركض فيصل لغرفة مهاوي وصار يطق الباب بنغمه\اما اما مهاوي.. نعمين.. خلي غنج تكلمني اماه مهاوي نعميييييييين خلي غنج تكلمني
مهاوي تفتح الباب بعصبيه وكشتها منفوشها\وجع يوجعك يا مزعج هاهاها وشتبي؟؟
فيصل\هههه اكيد موانتي ابيك.. ابي قمري ,,,,,,,,قمري..قمررررررررررري
مهاوي\وجع انشاء الله يخمك با كليتك تراك مزعجني وناشب لي هنا وتئشر لحلقها,,البنت مكسره ومانامت البارحه فااااااااااارق
فصيل\خليها تقوم عشان اعلمها كيف عزام كرش خطيبها اقصد الي كان خطيبها
غنج تفتح الباب\ايش؟؟وش فيه مراد ؟؟وش صاير؟؟
فيصل بدفاشه ومسوي ناعم\كيفك؟؟؟؟!!!!!!!!!!
مهاوي\اخلص ياقرد انجز عطنا المفيد
فيصل يحط اصبعه عند فمه\خخخخخخخخخ مابي
غنج\قول؟؟
فيصل بدلع\عشانك بس..
مهاوي\ الحمدلله يارب والشكر
فيصل\هاذا ياطويلة العمر طلبك مراد اليوم رسمي وحجر لك عزام..
غنج بببلهاه\كيف؟؟
مهاوي بحماس\هههه والله اني قايله انه خاق عليها بس هو مقوي..
غنج\ماتقولون كيف حجر علي؟
مهاوي تناظر فيصل \ههههه ماتعرف وش معنى حجر عليها؟؟
فيصل\واه واه بطني مدلخه والله بنت عمك..
مهاوي\ههههه لا عادي ماجابته من بعيد منك ياستاذ الدلاخه كلها..
فيصل\تصدقين عاد انهم يمدحوني بس يقولون فيك عيب لو ان مهاوي البقره مو اختك..
غنج\بسسسسسسسسسسسسسس
التفت لها فيصل ومهاوي بخوف
غنج بعصبيه\قول وش معنى كلامك؟
فيصل\يعني قال لمراد انها بنت عمي وانا اولى بها منك وفارق على بلاطه هاها تطورنا اقصد على رخام...
مهاوي\ياحلوك وتنكيتك..
فيصل\اشكرك!!
غنج فتحت عيونها بقوى ونشف ريقها\كيف وشلون ؟هو الدعوه بكيفه ؟؟؟؟؟؟؟والانا جاريه من جواريه!!!!!!
فيصل ومهاوي صارو يناظرونها بحيره وقلة صبر
غنج تعقد حواجبها البنيه\يعني هو خطبني الحين؟
فيصل بحماس\يقول لبوي انه هاويك ويبيك وماحد بياخذك غيره..
مهاوي\اخس يا الرجل الغامض وصاير رومنسي قويه ذي..
فيصل\ههههههههه
غنج ناظرتهم ودخلت من دون تعليق
فيصل\ياويله منها..
مهاوي\خخخخخخخ والله انها تبيه مثل ماهو رايح وطي معها هو وخشته..بس مسوي لي فيها
فيصل\عاد لايسمعك ان يعلقك مثل الذبيحه..
مهاوي\تراني معطيتك وجه... وتدخل وتصك الباب بوجه
نزل فيصل مع الدرج \الشرهه علي انا يابقره,,,
نزل وهو مع الدرج يتحلطم على ان حظه ردي يوم فكر ابوه وامه يجيبون مهاوي هو لونهم وقفو علي كان احسن مب ذي الي ناشبه لي بحلقي
حصل ابو فيصل مع ام فيصل وام بدر والنقاش محتد
ابو فيصل بعصبيه\يعني ايش تبيني اسوي يام فيصل..؟؟
ام فيصل ووجها احمر\اجل يفركش خطبت ولد اختي وتطلع اختي وعيالها زعلانين من عندي تو ماحلوت بعينه بعد خطبة مراد لها تو ماهواها تو مازانت بعينه والا الدعوه دايم عند عزام عناد كل شي بحياته لازم يجيبه بطقاق وصراخ ...انت الي كبرت راسه من يومه صغير انت
ابو فيصل وهو يتنهد\هو ولد عمها والوصيه تقول..
ام فيصل بعصبيه\انا مالي شغل كيف عزام يسوي كذا البنت موافقه والولد بعد بس ولد خالد مثل ابوه بضبط يبي يعند وبس ماخذ نشافة راسه من خالد ابوه و....
ابو فيصل يقوم وبعصبيه\اشوف صوتك قام يعلى علي الولد اولى بها من ولد اختك لانه ولد عمها خلي هاذا ببالك وسكري على الموضوع
طلع ابو فيصل وترك ام فيصل مشتبه نار
ام بدر\هي ساس البلاى فرقتنا وياما بيجينا
ناظرة ام فيصل ل ام بدر وانتبهة انها موجوده وسمعت كل شي\طيب انا اوريك يابو فيصل اجل تطلع اختي زعلانه مني
ام بدر\بردي اعصابك هي السبب من يوم دخلتها علينا والعيال شوي ويتذابحون عليها
ام فيصل بقهر جلست على الكنب\وش فيها زياده عن بناتنا
ام بدر\الله يحفظ بناتنا عنها هي وسواد وجها من يوم دخلت البيت وانا ماحبيتها ابد وتقولي العنود عن سوالفها ومغازلتها والشباب الي يعرفونها اصلنن ولد اختك مراد ماخطبها الا لما هي صارت تغريه بلبسها الفاضح ولمساتها الي تسويها على انها صدفه وفري عندها لاازيدس ياوخيتي ولدي بدر حسبي عليها تحسب نوح على قومه هي الملعونه ساس البلى ههي الي خلته يتعلق فيها ويحبها اكيد انها تعرف با السحور والطبول ايه ماهي تربية كفار ويهود على قولة عمها ابو بدر
ام فيصل بهدوء حطة يدها على جبهتها\يووووه يم بدر وش ها الي تقولينه في البنت لا حول ولا قوة الا بالله استغفر الله
ام بدر\انتي مارلح تصدقين لما
ام فيصل\مابي اصدق شي اسكتي ولي يخليك الضغط عندي انخفض
سكتت ام بدر وهي تشوف ام فيصل بادي عليها التعب وغيرة الموضوع
********
وفوق في جناح غنج الي ماتعرف عن كلام ام بدر شي...
غنج على سريرها\هلا فارس..
فارس\وينك عن جوالك؟؟
غنج تذكرة طيحتها وتوقعت انه طاح منها ومنتبهو له\مدري ضاع مني؟
فارس\كيفك الحين؟؟
غنج\بخير,,بس يدي انكسرة وتجبرة..
فارس بخوف\كيف ؟!!وشلون؟!! ومتى ؟؟؟
غنج\ههههه يالله منك فارس ياكثر اسئلتك..
فارس\اذاماخفت عليك من اخاف عليه.؟؟
غنج بخبث\على وعد....
سكت فارس ومارد على غنج
غنج\الوووووووووووو
فارس بهدوء وصوته فيه رجفه \معك يا الملقوفه..
غنج\عن جد شخبارهم..
فارس\مابي نتكلم عن ها الموضوع...
غنج\طيب مابي اضايقك
فارس\لااااااااا زين..قولي كيف يدك لازم اشوفك واطمن بنفسي عليك..
غنج\يدي.. يعني ماقدر اقول كويسه وهي تعورني بس عشان تتطمن بخير
فارس\عن قريب بجي اطمن عليك..
غنج بضحكه\طيب يالله باي الحين..
فارس\باي
سكرة غنج تليفون غرفتها وسمعت مهاوي تدق بيدها على اكومدينه\اقول ترى عزام شديد وغيور وماعنده يمه ارحميني..
غنج بغرور\لاكن انتم ماتعرفوني للحين موانا الي تمشون كلامكم علي..
مهاوي\هيه انتي تراك تموتين فيه انتي الي تقولينه..
غنج\كنت.. انا لا صديت صديت..
مهاوي\وليش؟
غنج\مالا احد فيني شغل بعدي عن وجهي..
قامت غنج ونزلت تحت وحصلت ابو فيصل عند الدرج...
ابو فيصل\هلااااا كنت ابيك بموضوع..
مسك ابو فيصل يد غنج وجلسو با الصاله..
ابو فيصل بحنيه\كيفك ياعمك اليوم؟؟
غنج\بخير,,,,و
ابو فيصل\اكيد فصيل خبرك با الموضوع مراد.......
غنج\ايه
ابو فيصل\وموضوع عزام..
غنج\ايه..
ابو فيصل\ورايك..
غنج تصرف عن الموضوع\ اصلن مراد ماكنت ابيه بس قلت فترة تعارف وكنت متصله على فارس يجي يحل الموضوع معكم
ابو فيصل\ وليش من الاساس توافقين انا كان قلبي حاس انتي مستحيها منا..
غنج\لا ياعمي انا احب فارس زي اخوي عشان كذا انا ارتاح له اكثر..
ابو فيصل\ايه..
غنج\كيف,,
ابو فيصل وهو يقوم\يابوك البنت مالها الاولد عمها هو الي يصونها ويعرف لها اكثر من الغريب...
غنج\مو شرط؟؟
ابو فيصل\كيف؟
غنج\قلت مو شرط؟
ابو فيصل\انتي فكري والله الي يكتب الي فيه الخير...
غنج قامت ودخلت غرفتها وقابلت مهاوي الي ميته ضحك\والله وتدبستي با المزيون..
غنج\والله ها الكلام راجع لي وانا اوريكم فيه انا حلفت وحلفي ماراح احنث فيه....
مهاوي وهي ترفع يدها بتهديد\انتي مو صاحيه كيف وانتي تحبينه وتموتين بتراب رجوله وترفضينه الحين بعد كل ها الحب الي كان بيوديك بستين داهيه..
غنج ترفع حاجبها بغرور \انا قلت مو انا الي تمشون كلامكم علي؟؟
مهاوي ترمي الخداديه الي بيدها با الارض \سلامات ترانا اهلك ليش تتكلمين بصفة الضمير انتي هيه ترانا نحبك..
غنج قعدة بنرفزه\مال احد شغل فيني انتم مو قصة حب انتم تحكموتو بحياتي وفرضتو علي عادات مابيها ؟؟
مهاوي وهي عند باب الغرفه\صدقيني انتي غلطانه كلنا نموت فيك وعادتك انتي غلط وعزام لا تطيرينه من ايدك وانا اكثر وحده متاكده انك بتندمين.
سكتت غنج وخذت الب توب حقها وصارت تشتغل عليه ومطنشه مهاوي..
طلعت مهاوي من غرفة غنج معصبه وواصله حدها..
***********
في بيت ابو بدر
ام بدر تراقب ارتشاف شفايف ابو بدر لقهوته وهي متوتره من يوم دخل وهو معصب
دخلت حنان والعنود \السلام عليكم
راحو لجهت ابوهم وباسو راسه ويده
العنود\الحمدلله على السلامه يبه
ابو بدر\الله يسلمك
حنان\كيفك يبه
ابو بدر \طيب
التفتو على الجلسه الي بصاله شافو بدر يقرى له جريده وامهم جالسه قريب من ابوهم بهدوء يخالجه التوتر راحو وجلسو قريب من بدر
ورجع الهدوء المرعب يعم من جديد الا من صوت رشفت ابو بدر من فنجال القهوه الي قدامه وكانت الجلسه متوتره بحكم جدية ابو بدر
وعصبيته الكبيره وفرض هيبته على الجميع
وفتور علاقته الكبير مع اهله واقتصار الكلام بينهم على السؤال عن كيف الحال؟؟؟
ابو بدر يناظر بدر بحده\اليهوديه خطبها عزام؟
بدر بدون مايرفع عيونه عن الجريده\اذا قصدك غنج ايه خطبها..
ابو بدر\وانت وينك ياحظي ؟؟
بدر رفع عيونه لاكن لجهة الطاوله الي نزل عليها الجريده\هي رفضتني وانا ماني جابر احد علي وعزام يستاهل..
ابو بدر\خله يلهف البنت والي وراها وانت اقعد تفرج عليهم يا قيس زمانك؟؟
بدر قام معصب ولا رد على ابوه ومشى وتركه.؟
ام بدر\وشفيك على الولد..؟؟
ابو بدر\ولدس هاذا عقدة عليه امال ملاين ماجد بس هو فاشل مثلس بضبط..
قام ابو بدر وطلع لغرفه فوق وترك الجلسه..
العنود تصغر عيونها وهي تتكلم بحماس\ياربي لونه يبطي بسفراته مايجينا كان احسن لنا وله..
حنان\نطر ونفخ اعوذ بالله ماعمري شفته مبتسم..
ام بدر\عيب عليكم تتكلمون كذا عن ابوكم؟؟
العنود\والله هاذا الحقيقه المره ان سفره احسن من قعدته عندنا حنا نبسط اذا سافر
ام بدر بتنهيده\اييييييييييييه
*********************
الساعه 11م
غنج ببلوكونتها جالسه بكرسي المرجيحه الجديد الي اشترته من ايكيا وقدامها ياسمين توه متفتح
طالع شكله جنان وهو مسكر اوراقه على نفسه كانت هي لابسه بجامه ميد حرير بكمام لونها سكري وفاكه شعرها الاشقر
وقاعده تتمرجح با الكرسي وتحرك خصلات شعرها بدندنه موسيقى غربيه
فتحت البلوكونه الثانيه وطل منها عزام الي كان توه جاي من الدوام وكان متاكد انه بيلقها قدامه بوجها الطفولي
..وفعلن شاف الي يتمناه لوحتى نظره من نظرات عيونها الخضرا
عزام يقرب من التربزين لبلكونته\ ..غنج
غنج بلحظة كهربه ماكانت متوقعتها التفت له بشوق وسكتت لما تلاقت عيونهم مع بعض
ابتسم عزام لما قربة من سياج بلوكونتها
عزام وهو يناظر يدها\كيفك؟
غنج تغطي كلمت احبك يصابعها الصغار\تمام ..وانت؟؟
عزام ببتسامه تسحر\بخير..
عم الهدوء من جديد الا من صوت كرسي غنج الي كان يحركه الهوى ويصدر صوت كئنه اهازيج
عزام بتوتر\اظن ان عمي ابو فيصل كلمك عن موضوع خطبتنا؟؟
غنج بنظره هاديه\ايه..
عزام بهدوى\طيب ماقررتي ..
غنج\وانت حطيت بيدي قرار..
عزام بعقدة حاجب\وش قصدك؟؟
غنج بحده\قصدي انك طفشت خطيبي مني وانا ابيه وهو يبيني...
عزام بصدمه\انتي تكذبين علي والاعلى نفسك؟؟
غنج\لا علي ولا عليك خلاص موضوع مراد انت انهيته وماحطيت بيدي قرار..
عزام\والحين؟؟
غنج بحيره\مدري..
عزام بعصبيه\مدري...انتي تحبيني ياغنج لاتنكرين؟
غنج\وانت تحب بعد لا تنكر..
عزام بصدمه\احب؟؟؟؟
غنج تبعد عيونها منه لاتفقد الكنترول منها\ايه تحب؟؟
عزام\من؟؟
غنج\انت الي تسئل اسئل نفسك ؟؟؟
عزام بحيره\بس...
غنج بصدمه\\والحين مابي اسمع شي تصبح على خير..
عزام بعصبيه\غنج استني انا اكلمك..
بس غنج طنشته ودخلت غرفتها وتركته
عزام ناظر ها الطفله تتركه وتدخل مسفه فيه هو الي الكل يهابه حتى بوقوفهم قدامه وهي تسفه فيه وتمشي وتتركه ينادي عليها وتمشي طلع البكت من جيبه فتحه شاف مافي شي نزله على الطاوله ودخل لغرفته ..
**********
يوم جديد...............................
الخميس 9ص
ابو فيصل وابو بدر وعزام وبدر وفيصل وسعود وام فيصل في الجلسه با الحديقه جالسين يشربون قهوة الصباح ,,
ابو فيصل\والله من زمان يابو بدر عن الجلسه معنا..
ابو بدر\ايه والله انت عارف اعمالنا بروسيا ماتخلي الواحد يرتاح..
ابو فيصل\وعسى صناعة المجوهرات اليوم زينه..
ابو بدر\ها مثل البورصه مره طالعه ومره نازله..
ابو فيصل\ياخي خل منك وجع ها الراس وادخل معي في الاعمارشغلتنا وكارنا..
ابو بدر ينكت حوض الاشجار الي جنب كرسيه بعصى معه\لالا انا من يوم يومي احب ها الشغله ولاتنسى خاتم ماجد؟؟
ابو فيصل\في هاذي صدقت..
سعود يناظر فيصل الي يتثاوب في الجلسه وضحك عليه بصوت واطي لمحه ابو بدر وخزه بنظره ارعبته..
بدر\عزام شخبار الخيل؟؟
عزام وهو يلبس نظارته\بخير ياخير..
بدر بذكاء\والمهره الجديده؟؟
عزام بذكاء اكبر\تبي ترويض..وبروضها
بدر\ايه المهره هاذي لك وانت فارسها؟؟
عزام\ماعليك زود يابو سليمان
غنج متجه للجلسه\صباح الخير...
الجميع\صباح النور....
غنج وهي تقرب لعمها ابو بدر وتبوس راسه\حيى الله عمي كيفك؟؟؟
ابو بدر بدون نفس\من الله طيب...
غنج ماستغربة رد ابو بدر لنه من يوم جت ماشافته الا كم مره فما تتنبئ بنفيسته...
ابو فيصل وهو يبتسم\لا لالا الصباح هاذا اليوم غير اصبحت بوجه بنت ماجد اكيد اليوم بيكون حلو,,,,,,
غنج ابتسمت لعمها\يخليك للي ربي ياعمي..
ابو بدر يرمقها بنظرات حاده ويرجع ينكت التراب بعصاه ويرجع يناظرها وهي مانتبهة له ابد كانت مرتبكه وتفكر في شي ومدري كيف تبدئ فيه
غنج وهي تشرب كوب شاي قدامها\عمي ابو فيصل..
ابو فيصل\سمي ..
غنج\انا عندي موضوع ودي افاتحكم فيه؟؟
ابو فيصل يعدل جلسته\قولي يابنيتي..
ابو بدر نزل الجريده والشباب شدو انتباهم للكلام الي بتقوله غنج
اما عزام الي كان جنب ابو بدر فما غير وضعيته الهاديه..
غنج\والله ياعمي فارس نقل المقر الرئيسئ لموسسة الماجد في دبي...
ابو فيصل \طيب...
غنج برتباك\وانا الي بدير شغل ابوي بنفسي؟؟؟؟؟؟؟؟؟
ابو فيصل ناظرها بصدمه والشباب زيه تمام وعزام بدة ملامحه تتغير
ابو بدر بعصبيه\ماعاد الا هي؟؟؟
غنج\نعم؟!!!!!!!
ابو بدر بعصبيه\اقول ماعاد الا تسافرين هناك وديرين املاكك مع الداشر الثاني ماعندنا بنات يسافرون لحالهم...
غنج برفعة حاجب\انا بعتبر اني ماسمعت ها الكلام منك وانا اقول ها الكلام لجميع كا اخذ العلم بشي مو كا الاستشاره من احد
ابو بدر\وشو ياالفسقاانه وش تردين وش تقولين والله ان عتبتي برى السعوديه مع الرخمه فارس ان احش رجليس تحسبين انس با لندن تصيعيين وتسرمحين لحالس وما عليس لارقيب ولا حسيب
غنج توقف بعصبيه\ماعلي منك واعلى مافي خيلك اركبه من متى تعرفني عشان تجي الحين تحاسبني؟؟
ابو بدر يوقف ويرفع عصاته الي كان يسوي بها القعده على غنج\ترى انتي مالقيتي احد يكسر لك راسك وتراني انا بكسره لك الحين..
((فز عزام ومسك العصى من يد عمه))
عزام بكلام واثق للعصبيه اقرب من هدوئه المعتاد\مو خطيبتي الي تنضرب قدامي وانا اناظر يابو بدر؟؟؟
ابو بدر بستخفاف\خطيبتك طل.. خلها توافق الحين ؟؟
عزام \غنج موافقه ,,ورمقها بنظره...وماسمح لحد اي كان يمس شعره من شعر راسها
ابو بدربعصبيه\انت صاحي..؟؟ ماتشوف الدرر الي تنزل من فمها؟؟ هاذي ناويه تروح تسافر تخربط هناك على كيفها مع ذاك السربوت وشرف عايلة ال..... بطقاق...
عزام بعصبيه اكبر\اسمعني زين (ياسليمان) غنج اشرف بنات ال.... ولو ها الكلام مو منك كان والله والله لدفنه برضه وبعدين انت ماتركتها تكمل كلامها؟
ابو بدر\ ههههه ياسلام وش تبيها تقول اكثر من كذا والله عال؟؟
عزام\كان بتقول بروح مع عزام ياعمي..
مسك عزام يد غنج وسحبها معه وترك الجلسه
ابو بدر بعصبيه وهو يشوف غنج محميه منه وبظهر مو اي واحد بظهر عزام\ماتشوف وش قاعد يقول ولد خالد؟؟؟
ابو فيصل بهدوء وهو ييشوف غنج وعزام مشبكين كفوفهم ببعض ودخلو الفله\يعني تتكلم عن مرته كذا وتبيه يسكت ولا ماتكلمت الاعلى عزام
ابو بدربتريقه\وخير ..
ابو فيصل\انت عارف من هو عزام لا تعاديه يا سليمان ترى دمه حار زي ابوه..
الشباب كانو يطالعون بعض باستغراب من الي قاعد يصير والجو الي متكهرب وقام واحد ورى الثاني لداخل الفلل
عند درج فلة ابو فيصل
عزام بعصبيه وصاير صوته ببحه \غنج اعقلي لاتجنيني..
غنج والدموع في عيونها\اجننك.. في وحده ترضى يتكلمون عن شرفها وتسكت هاذا وانا تربيتي اجنبيه مارضيت كيف ترضى انت يا الحر
علي كذا..
عزام بعصبيه\ومن قال راضي ؟؟
غنج\اجل اتركني اروح ومالك شغل فيني انتم ماتعرفت عليكم الامن فتره يعني عشت حياتي كلها من دونكم وماشكل لكم شي بحياتكم
عزام يمسك كتفها بعصبيه ويضغط عليها\هم بكيفهم تشكلين ماتشكلين لهم شي في الحياه شي راجع لهم.. لاكن انتي بنسبه لي.....
غنج تناظره با العيون الزمرديه الي تربك كل واثق بنفسه فيها\ايش؟!!
عزام بصوت هادي\كل الي تبينه؟؟؟
غنج\بس انا بسافر ما عاد ابي اقعد هنا..
عزام\تسافرين وين ؟ومن معه؟
غنج\انا بروح لدبي مع فارس......
عزام\تستهبلين ..مع مين؟؟
غنج\مع فارس!
رفع حاجبه عزام \لو تموتين؟؟ ماتروحين مع فارس!!
غنج بضعف \حرام عليك عزام كيف ادير اشغال ابوي شركات ابوي باديه تفلس فاهم..
عزام بتنهيده\افضي نفسي ها اليومين واسافر معك نشوف وش الوضع هناك..
غنج بضحكه\طيب اوكي؟؟
عزام ببتسامه\ايوه وموضوعنا ..؟؟
غنج بخبث\اي موضوع؟؟
عزام\خطبتنا؟؟
غنج بضحكه\انت تقرر عني دايم مدري ليش!!
عزام\هههههه قلت ليي ..
غنج بدلع\عزززززام
عزام\عيووووووونه
غنج\ايوه خلاص لاتزيد علي...
عزام\اممم طيب يدك اليوم كيفها؟؟
غنج\كويسه بس اليوم بروح لدكتور عشان اغير الضمادات
عزام\انا ابمر عليك واخذك بعدها عشان نشتري
غنج\نشتري ايش؟؟؟
عزام$\خلياها مفاجئه؟؟؟
غنج بحماس\يالله قولي..
عزام يناظر ساعته\اقولك خلياه مفاجئه امر عليك متى؟
غنج\ اممم الساعه 8
عزام\طيب
غنج طلعت الدرج وتم يناظرها لما دخلت الغرفه وابتسم ومشى
+في مكان ثاني من العالم وبتحديد بلندن
-كيف ذلك يا استاذ فارس
فارس\ انقل المقر الرئيسي لدبي هي مدينه الحين متطوره وتستقطب الاسماء الضخمه..
المحامي\لاكن المؤسسه تحقق ارباح جيده وليست كما تقول انها تخسر.
فارس\بس اانا افهم امور التجاره اكثر منك وانت شغلك بس الامور القانونيه او نسيت ان ماجد ال.... مستمنني على بنته مو تجارته وبس
المحامي\لاكن؟؟
فارس\انا قررت وقلت لها ارجو ماتعارضني عندها والا اشطبك كا محامي للعائله وانت تعرف مكانتي عندها ايش؟
لويس وهو يتنهد\كما تريد انتم العرب غريبون كثيرن؟
فارس فتح الستاره الضخمه الي في مكتب ماجد ال... بلندن وناظر الجليد الي كان يغطي لندن بمثل هاذا الوقت من السنه وابتسم ابتسامه جانبيه تخفي الكثير من المكر والدهاء داخله ومافي احد يتنبئ فيه...ماحد يتنبئ با الخبث الذي موجود داخل ها الشخص الاقرب للمودل من مقايس الوسامه التي يخفيها شخص اذا ناظرته اعتقدت بكميه هائله من البرائه التي تغلفها وسامه وتبطنها الدهاء الغريب..
طلع المحامي والتفت لجهت المكتب شاف اطار لصورة ماجد وهو حاضن غنج قرب من المكتب وشال الصوره وناظرها مرر اصبعه على صورة غنج بهدوء ملامحها كانت اصبعه تمرر على وجها الصغير حرك عدسة عينه بسرعه لصورة ماجد الي كان حاضنها بيدينه و(تف) على الصوره ورماها وطاحت با الارض وداس عليها برجله بقوى حتى سمع صوت تكسر اطارها وطلع من المكتب..
|
31-07-10, 11:40 AM
جديد مواضيع قسم القصص المكتمله
العرض العادي
