,,, غنج &منصور,,,
.
.
.
با الاوتيل
دخلت غنج الجناح نزلت على طول طرحتها وفكت عباتها ..
-كان نمتي عندهم احسن..؟؟
التفتت غنج وهي انرعبت ان في الجناح احد توقعت مافي احد بسبب الانوار الي كانت مطفاه
شافت الابوجوره القريبه تنكبس وشافت منصور جالس على الكنبه الي عند الابجواره ..ويكبسها تطفى.. وتشتغل..و تطفى ..وتشغل..واخر شي ترك
الابجور شغاله...
غنج تطالعه بصمت مطبق ..انتبهت للطاوله الصغيره الي جنبه... كيسين غزل بنات ..وابره مستخدمه مرميه بهمال ..
غنج ابتسمت بحزن مستحيل يترك ها القذاره مهما صار.....
منصور بحده يتخللها صوته الي كان مبحوح\يعني ماصارت ساعه ..؟؟من كم ساعه وانا منطق هنا مثل الكلب لحالي..!
غنج فكت جزمتها الطبيه وحطتها على جنب ..
وتفكيرها انحصر في ها الوقت في الشهرين الي طافو.. ماوجودي وعدمه واحد يامنصور.. بس انت
تمسك عليك مسكات...
اهملت كلامه..
منصور بنفعال وهو يوقف \مانتي ماتنعطين وجه اساس.. انا كيف خليتك تروحين..؟؟ مافي احد لك هناك.. وش يهمونك الي هنااك..
ماهمك الا هو
وانتي رحتي له مخصوص..قوللي ..قوللي..قابلتيه..اكيد انك قابلتي..هاالزفت..ماتتكلمين والا صمخى..؟؟
غنج تناظره وتحاول تكون مالكه اعصابها \من,,؟؟
منصور بقلة صبر\عزام الزفت,,يعني تستهبلين..
غنج ببلعت ريق\واذا يعني,,.؟؟؟وقابلته..؟؟شصار..؟؟
منصور مات قهر ..وتوجه لها بعصبيه.. ودفها على باب الحمام الي كان مسكر ويده كانت على ذراعها\وتقولينها ياحيوانه ..؟؟
المره الاولى عدتيها بمزااجي..
والحين راح اخليك تكرهين اليوم الي طلعتي فيه لدنيا..مو منصور الي يكون اطرش بزفه مو منصور,,.؟؟
غنج المتها شدة منصور له وضغطه لها على الباب الي كان مقبضه يعور جنبها بقوى تماسكت \منصور هدني..
عزام ماصار يعني لي شي خلاص..
انت وطفلي دنيتي الحين... منصور انت تعورنا ....تعورني انا وطفلك ...هدني..
وغمضت عيونها بئلم.. وانشد مع عيونها وجها الي طلع ماهو مرتاح ومتئلم..
منصور انتبه في ثورة غضبه وحدته لحركته البايخه..
كيف يشدها كذا وهي حامل...ويمكن تتئذى من اي شي..ياني غبي...اساس ليه عصبت عليها
كذا...؟؟
تركها منصور وعطاها ظهره.. وراح لجهت الاريكه ..ورمى نفسه عليها.. وحط يده على عيونه وسوى نفسه بينام..
غنج مسكت جنبها بئلم ...ناظرته بيئس..لفت عنه ودخلت الحمام....
فتحت موية الحنفيه غسلت وجها الحار...رفعت وجها لمرايه ...
شافت وجه..ماهو وجها..جديده عليها ها الملامح..ملامح كبرت...كبرت..كبرت..
انرسمت عليها خطوط الجديه...وانها صارت كبيره الحين..وتبي تحمي عائلتها الصغيره...
ماتبي تخسر شي في ها المعادله..من امس دخلتها,,وهي
تبي تربح..مافي مجال للخساره,,
ائلمها بطنه كثير..من لما قامت الصباح وهو يئلمها بقوى....ماتقدر اكثر من كذا..وحركت منصور زادتهاا الم .عورها بشدته عليها..
-با الجناح
منصور انا سخيف..يعني..شها الحركه الي سويتها..كني بزر...طيب انا سمحت لها بتروح..ومتئكد انها احتمال كبير تقابل الزفت..
وفهيد كان يراقبها..بس ماشاف انهم تقابلو ابد..يعني معقوله كلامها صحيح..انها تبي تفتح صفحه بيضا..جديده..مادري..مادري..بس
انا مابي..مابي..لاصفحه بيضا..ولاحياه ثانيه..معجبني وضعي كذا..راح اسفرها مع رانيا..انا ماراح اروح..مابي اروح...مابي اطلع منه هنا
مايعجبني شي اسمه تغير.....تتعالج وترد..وخلاص..اذا هي تبي طفل..بكيفها..انا مابيه..خلها ترببيه..ماراح ااغير شي في حياتي..لي
هدف وراح احققه,..راح ادمر جراح الشامخ..راح اخليه يشحذ بكل شارع..مايلقى احد حتى يساعده..راح يشوف مايكره..
لفته باب الحمام لما انفتح.. طالع شكلها ووهي طالعه من الحمام ..
حاول يبعد عيونه عن الاعتذار لها لاكن ماقوى..غلطان يامنصور من راسك لساسك ..
غلطان..
طالعها وهي ماسكه جنبها ..وشوي تمسك بطنها.. كئنها تضغط عليه...
قام له بسرعه...وقف قريب,,وبحه\غنج اسف عورتك,,
غنج ماطالعته طنشته..الالم الي فيها ..ماهي متحمله منصور واعتذاره..اساس ما شالت عليه.. تعودت خلاص,,
منصور قرب منها ومسك جنبها والي كانت ايدها عليه وحط يده البارده على يدها \عورتك..
غنج بتعب\منصور..انا ..معي دم..
منصور طالعها بعدم فهم \يعني كيف....؟
غنج ببحه\يعني معي نزيف..يعني تعبانه..من الصباح كان خفيف..لاكن الحين انا تعبانه..
منصور خاف وطار قلبه في ها اللحظه مسكها بخفيف ومشى فيها للكنبه جلسها عليها وماقال ولاكلمه
غنج جلست وحطت راسها على الكنبه مددت رجولها بتعب,,انتبهت له وهو يتكلم بجواله..
منصور بحده\جيب لي دكتور او دكتوره لنساء من تحت الارض ربع ساعه بضبط عندي دق على رانيا اكيد انها تعرف ورح جبها
بنفسك ولاتتئخر كثير ,,اذا تئخرت ماراح انتظرك راح اطلع للمستشفى..ولماتجيني راح تعرف كيف التئخير يالله بسرعه,,,
سكتت غنج ماردت عليه,,
مانتبهت الا على منصور يكلمها بعكس نبرته الي كانت\غنج شتحسين فيه الحين..؟؟
غنج فتحت عيونها وبتعب\عادي مافي الم كثير ..لاتخاف...طفلي قوي...
منصور طلع برى الجناح بسرعه سوى حوسه با لاوتيل تسمع غنج صوته الحاد على مرافقينه...ماتوقعته..كذا...يخاف..يصير شي بطفله او فيني...
توقعت الجمود منه مثل ماعودني...
شخصيته مركبه وغريبه...مامر علي مثله..شخصيه ماتنبئ بلي راح يسويه..يناقض نفسه...بتصرفات كثيره..حنون..وقاسي..ماله قرار او قاع..
منصور فتح الباب بخشونه\غنج انتي الحين طيبه في معك شي,,...؟؟؟
غنج مافتحت عيونها اشارات بس بصباعها انها بخير
طل منصور من جديد على المرافقين\ياحوش جهزو السياره بسرعه بنزل فيها للمستشفى...
غنج ببحه\منصور ماراح اقدر اطلع خلاص بمكاني انتظر الي بتجيبها لاتخاف مافي شي يخوف..انا بخير...
منصور التفت لها وصد عنها وطلع...
دقايق ودخل عليها\غنج يالله انا ماقدر اخليك ..هاذاالتبن مو قريب من الاوتيل
غنج ووجها معرق\لا ماقدر راح استنى...
منصور قرب منها وجلس على ركبه\يالله خلينا نروح..
غنج صارت تبكي في هاالوقت
منصور ماتحمل وشالها لما شالها انتبه للكنبه الي امتلت دم...
انصدم منصور من قوة تحمل غنج..وتكورها على نفسها...ماتبي تخبره حتى بتعبها
خذى بسرعه عباتها ورماها عليها ومشى فيها بسرعه لتحت,,,.
دقايق وكانو المرافقين يفتحون لمنصور الباب الخلفي لسيارته..
دخل غنج با المقعد الخلفي وتوجه هو للمكان السايق
منصور بصراخ\بعد انا الي بسوق ...وانتم الحقوني با ااسياره الثانيه
بعد عبد اللطيف من منصور الي كان قمه في العصبيه..
ركب منصور السياره وتوجه بسرعه لجهت مستشفى قريب من الاوتيل..
..
بمكان مظلم ومهجور...بعيد عن النور..
اصوات غرغره..
ودماء غريبه..
ديك اسود..
واصوات تعويذات غريبه..
طلاسم...تجدد..وادعيه..وايات معكوسه وغريبه..واسم حنان..بينها يذكر..
....
با المشفى
وغنج داخل غرفة الدكتوره,,,
الدكتوره بعد ماطلعت من الكشف على غنج\لا اتطمن المدام بخير..
منصور بقلق\لاكن هي معها دم..
الدكتوره\هي شوية مرهقه وهاذا ناتج عن ضغط..لامشاكل بحملها ولاشي والحمدلله..انا عطيتها شوية ادويه..وابرة مغذي..وبذن الله تطلع معك
منصور بقلق\يعني هي الحين بخير
الدكتور باابتسامه وهي تفتح الستاره على غنج الي كانت مغمضه عيونها ولما انفتحت الستاره فتحت عيونها الزمرديه
ولتقت بعيون منصور الي كان قاعد بتعب قريب من مكتب الدكتوره...ولما شاف عيونها ..وقف بسرعه..
الدكتوره\احلا بيبي بذن الله ينتظركم...
منصور يتضايق من فكرة حمل غنج..بس ابتسم بتعب
وقف قريب من سريرها ..
غنج وهي تحاول تجلس..وتسكر الازره تبع بلوزتها...
منصور مد يده يساعدها تجلس
طلعت الدكتوره من الغرفه
جلست بتعب ..
منصور رفع دقنها لجهته,,,مارفعت عيونها له,,,
تحاول تلتهي بئي شي..بجرح الي تحت شفايفه..بسمه المرسوم بحروف اسبانيه على كبكه الفضه...
ساعته..اي شي..بس تتقبل..قربه..لو بشوية راحه..وتتئقلم...
رفع يدها لفمه وباسها..
اسف..
اسف..
اسف..
اسف..
ياغنج..آسف..
رفعت غنج عيونها لعيونه ..
منصور بهدوء\صدقيني من اليوم..راح اخليك بدنيتي اميره..
ابتسمت غنج بهدوء وبلعت غصة حزن مارضت تروح..
..
..
31-07-10, 01:47 PM
جديد مواضيع قسم القصص المكتمله
العرض العادي
