المنتدى :
الشعر والشعراء
عسى الهون رائعه
عسى الهون لاهل الهون والجود لاهل الجود
بصوت العذب
YouTube - ‫ط´ظٹظ„ط© ط¹ط³ظ‰ ط§ظ„ظ‡ظˆظ† - ط§ط¯ط§ط، ط§ظ„ط¹ط°ط¨‬‎
عسى الهون لاهل الهون والجود لاهل الجود
عسى الله يعطـي كـل حـي علـى ظنـه
وعسى اهل النوايا الباطله والقلوب السـود
يعاقـبـهـم الله مايدخـلـهـم الـجـنـه
حشى مايجدد لـك جـروح الحشـا ياكـود
ليـا جـت مـن اللـي ماتوقعتهـا مـنـه
تصبرت اخاف إمـن المشاريـه والمنقـود
وانـا مومـن واصلـي الفـرض والسنـه
تعاملت بحـدود الصبـر والصبـر محمـود
وشامـان مايحتـاج اسـلـه ولا اسـنـه
اقدر واسامـح واحسـب نقصهـا والـزود
إليـن إيتمـادا بالخطـا راعــي العـنـه
واحب الصميدع واذخره فزعـة المضهـود
واداري عليـه إمـن المناقـيـد واحـنـه
وفعل الوفـا منـي لـراع الوفـا مـردود
ولاهـوب لكـنـي لـيـا صــار لكـنـه
هواجيسي وشعري كمـا النـار والبـارود
ومـن غيـر لاعمـر مـن التتـن واكنـه
على ماقسم ربي وجـودي مـن الموجـود
احفر الصخر واصخـر القـاف ليـن إنـه
يجـي سلسبيـل صافـي حالـي قـرهـود
ومثل الجنيهـي فـي بريقـه وفـي دنـه
وهبنـي جزيـل المـد والفضـل للمعبـود
ولاغيـر وهـاب الوهايـب لـه المـنـه
على طول حبـل المعرفـه حبلهـا ممـدود
وعلـى كـل فـن وكـل فنـان لـه فنـه
ادور عليهـا درب لـو دربهـا مـسـدود
وادندن واجـر الصـوت واطـوح الونـه
طموحي ولو دونـه حنيـن ودوي رعـود
ولوصـار مهمـا صـار ماعنـي وعـنـه
لعين الهنوف الفـارع إم العيـون السـود
وذيـك الجـدايـل والشفاتـيـن والبـنـه
|
16-07-10, 07:10 AM
جديد مواضيع قسم الشعر والشعراء
العرض العادي
