المنتدى :
الشعر والشعراء
ياللي هجرت القلب مـاتـفـيـد الاعذار
ياللي هجرت القلب مـاتـفـيـد الاعذار
ماانته على مافات بيني وبينك
اول بدايـــــة حـبـنـا عـهــد واقــرار
والـيـوم ودعـنـا نهايــة حنينك
نـسـيـت حـب ٍ صـار مابـيـنـنا صار
واغليت منهم بالغلا خــادعينك
مـاكـنـت احـسـبـك للمحبيـن نكار
بـس الـزمـن طلع خفايا كنينك
حب ٍ غـرسـتـه طلع ازهـار واثمار
واليوم قطعت .. الزهور بيدينك
واثـمـار حـبـك قطعه حــد منشار
منشار هجرك والتغلي وشينك
حـق ٍ عـلـي لاكـون عـــازم وصبّار
وانسى حنينك يامجافي ضنينك
اصـبـر لـو ان القلب بــه واهج النار
واقول ياقلبي عسى الله يعينك
وش عـاد لـو جرحك على قلبنا جار
اضمد جروح ٍ جرّحه رمشك عينك
وش عـاد لـو قلبي على واهج ٍ حار
مـوتـك عـزيـز ولاحـيـاة ٍ تهينك
لاتـحـسـب انـك صـرت للـحــظ عثار
انساك وانسى كل حـبـك وزينك
ابـقـى عـزيـز الـنـفـس عـن كل غدار
حـقـك عـلـي ماقول يازيـن وينك
لابـــد مـاتـمـضـي والايـــــام تـنـدار
تـنـدم وتصفق فــي شمالك يمينك
يـجـفـاك خـلك ثـــــم تــنــدم وتحتار
زهـرة غـلانـا ؟ لازم انـه تـديـنـك
حـقـك عـلـي يـازيـن يـاظـبـي الاقفار
إنــي اقــول الله يـسـعـد سنينك
ماارضى لك الصادوف ياهاف الاخصار
يـسـتـاهـل الـتـوفـيــق غرّة جبينك
وش عـاد لـو انـــــي تـجـرعـت الامرار
وجعلتني بأسباب هجرك سجينك
يـبـقـى لكم نصحـي مـع الوقت تذكار
قلبـي حنون ٍ وبالدعاء ذاكرينك
لشاعر فلاح عشوي العنزي
|
11-07-10, 12:27 AM
جديد مواضيع قسم الشعر والشعراء
العرض العادي
