على رمال سيلين للكاتبة غجرية - الصفحة 3

05-07-10, 09:18 PM

المشاركة رقم: 11

المعلومات
الكاتب:	retaj
اللقب:

البيانات
التسجيل:	Aug 2007
العضوية:	36407
المشاركات:	55
الجنس	أنثى
معدل التقييم:
نقاط التقييم:	25

االدولة

مدونتي

الإتصالات
الحالة:
وسائل الإتصال:

كاتب الموضوع : retaj المنتدى : القصص المكتمله

الفصــل الســادس

سحبت نورة المها قبل لاتطلع لهم وحده من البنات وتسوي لهم مشكله .. ابتسمت المها ــ يالخوافه ! ,,
نورة ــ انتي ماتعرفين قوتهم .. اذا استفردوا فيج مايعرفون الله !!,,
المها ــ خل يقربون خطوة والله ..
نورة ـ لاتحلفين .. تراهم حزب واحد اذا دخلت وحده في هوشه يفزعون لها الباقي بشراسه ..

المها ــ حيوانات مب انس .. اجتمعوا عالمنكر !!.. لابارك الله فيهم ..

نورة ـ المها الله يخليج لاتسولفين تراني خوافه حدي .. . كلمني عن هذا ..راعي سيلين .. تراني مب مستوعبه الموقف ولا في الافلام الهندية ..
المها ــ هههه صراحه هو فيلم هندي من قلب !!.. بس مااعتقد الايام بتجمعنا مثل الأفلام الهندية ..
نورة ـ ماتدرين !!..
_________________
ترددت العنود .. كان قلبها يدق بقوة .. اصابعها ترتجف . لكنها مصممة ..اختارت رقمه اللي حفظته واتصلت ..
كان تحس قلبها وقف في بلعومها !!,,, ماقدرت تتنفس وهي تسمع التلفون يرن ..
على الناحية الثانية ..احمد ماصدق عيونه ..يطالع التلفون وهو مب مصدق ..متصله ؟؟ . اكيد ماتبيه .. لا .. يمكن .. طالع الشاشه وتنهد
غــالي على قلبـي يتصل بك ..
طالع اجتماعه والخبراء .. طبعا العنود اهم !!.. استأذن
ــ عن اذنكم مكالمه مهمـه . .
طلع برا القاعه وراح لمكتبه وقال للسكرتير انه يوقف اي اتصال ومايدخل احد عليه ..

اول مادخل المكتب .. انقطع الأتصا ل.. انقهر ..
رجع يتصل فيها ,
ردت العنود على طول ...

ــ الو ..
ــ صباح الخير .
ابتسمت ــ الحين صار الظهر ..
ــ عيل مساء الخير... عسى ماشر ؟؟ انتي بخير؟
انحبطت ــ اي .. بخير ..ماشر...
ــ ..................
ـــ ...................
حس بخجلها فقرر يبادر ..
ــ شلونج ؟؟
ــ بخيــر الحمدالله وانت ؟؟ .
ــ بخير ...
العنود ـ بس حبيت اتطمن .. مع السلامه ...
حس ان قلبه بيوقف ــ العنود لحظه ,,,
ــ نعم ..
ــ انا عندي اجتماع الحين .. برد اتصل فيج بعد شوي اوكي .. ؟
ــ براحتك ..
ــ احبج ..
وسكت وانقهر ..طلعت الكلمه لااراديا منه .. حس انه استعجل ..
ــ قصدي مع السلامه !!!
وصكر التلفون منحرج ولماانتبه شقال ضرب على راسه بقوة !!!.. الحين بتحسبه يلعب عالبنات دايم ومستخف بكلمة الحب !!.. استعجل خصوصا اول مكالمه من صوبها !!تقريبا من صوبها .. مع انه هو اللي اتصل بس هي اللي بادرت !!
طلع لاجتماعه وهو يحاول انه مايفكر بغبائه ..
اما العنود تمت تطالع جوالها مصدومه !! اول شي كلمة احبج ..بعدين الاعتذار عنها قصدي مع السلامه !!!! ليش؟؟ .. لو ماعتذر عنها كان فهمت انه يعنيها بس دام اعتذر عنها .. لا اكيد في ان .. هل له رفيجات وايد وتعود لسانه عالكلمه ؟ وثالث شي العن شي .. صكر في وجهها التلفون .. حست انها رخيصه في عين نفسها .. مانطر يسمع منها مع السلامه !!.., تستاهل هي اللي بادرت ..واتصلت .. حذفت جوالها عالسرير ونزلت تحت ..
محد فالبيت .. وماتقدر تروح بيت جدها .. ماشافت امها من اسابيع .. واخوها .. وعرسها قريب .. تحس انها بتطق .. اشتاقت لاخوانها .. كرهت هالبيت المليان صبيان ...
ــ عمتي باابا يتصل يقول انه يسافر اليوم الصبح ..
ــ زين مبروك .. روح الميلس ..
رفعت التلفون واتصلت بجارتها وطلبت منها انها تجي وتبات عندها ..
**********
اليوم أول يوم لها فالدوام .. حست بغربه .. مع ان صالح وعدها انه بيكون معاها .. لكن ..
حاولت تندمج مع البنات الي معاها .. لكن فكره ان مبارك على بعد مبنى واحد .. كانت ترعبها .. ركزت في شغلها .. وحاولت تثبت نفسها ,,
كان صالح في مكتبه لليوم ما قدر يكلم جاسم ,,, يتصل فيه لكن جواله مغلق ..
اتصل في العنود يتطمن عليها ..اتصل في راشد وحمد .ركز في شغله وهو مكتئب مب متعود ان جاسم يطنشه بهالطريقه ومايرد عليه ..
خديجه ـ اللي ماخذ عقلك ..
طالع الباب مبتسم ــ جسوم ماغيره .
جلست عنده ــ نرجع البيت ؟؟ .
صالح ــ اوك .. قومي ..
في المبنى الثاني كان مبارك جدام الكمبيوتر مركز في شغله وطارق يطالع من الدريشه ..
ــ غريبه ..
رفع مبارك راسه ــ شنو ؟
طارق ــ اقول غريبه ..
قام مبارك من على مكتبه وطالع مكان مايطالع طارق وعقد حواجبه ورجع لمكانه ..
طارق ــ ماهقيت ان صالح راعي سوالف ! , , اف ركبها سيارته بعد ..
مبارك ـ هذي بنت اخوه ..
طالع له منصدم ـ اختك ؟؟ .
ـــ لا .. بنت العم ..

انحرج طارق ـ السموحه ترى ,..
مبارك ــ لا تحاتي ..

رجع طارق على مكتبه وهو يطالع مبارك مستغرب ..
لكن مبارك كان في عالم ثاني .. كان صالح مايتكلم معاه .. من آخر موقف بينه وبين خديجه .. كتب بلاوعي حرف الــكاي على ورقة بيضا جدامه .. اكيد اليوم اول يوم دوام .. سوا نفسه مشغول بشغله لكن عقله ماكان حاضر ولا قلبه .. بس صورتها في جفونه ..

كانت ديمـه جالسه مع نوف في الصالة .. ماسكه كتابها وتدرس بجديه وقفت نوف ــ بروح الملحق اكيد بيجي منصور اليوم ..
ديمه ــ لا تتأملين وايد ..
نوف باستسلام ـ لاضير من أمل ..
ديمه ــ بل اسوأ الانتقام مامني ب أمل من لا أمل منه ! .
نوف ـ هههه ضحكتيني من قلب .. بأمل من لا أمل منه . سي يو .
ديمه ـ في حفظ الكريم ..
راحت نوف لملحقها ودخل حمد الصاله ..
ــ سلام ديوم ..
ديمه ـ جبت لي شيكن هلابينوو ؟؟
حمد ــ خذي يالدبه !!.
ديمه ـ شكـرا أخي العزيز ..
حمد ـ صيري مثل البنات و ازعلي قولي نفسي انسدت مسويه ريجيم !
ديمه ـ الحمدالله واثقه بنفسي وبوزني وبجمالي . فشكـرا عالوجبه صج جوعانه .
حمد ــ ماتاكلين اكل بيت كله تيك اوي .. مب زين لج ..
ديمه ــ دافع من جيبك كله على حساب ابوي ..
عاد حمد رفع الكيس بعيد عنها
ــ لا حمدد فديتك اسحبها عطني والله ميته جووع ..
حمد ـ اعتذار وتبوسين يدي وتمدحيني اذا اجتمعوا الكل ..
ديمه ــ شالذل !اعتذار اوكي بوسه يد لا! والله اقول لابوي وبعدين لش امدحك تجي زوجتك وتمدحك .. مب مسؤولة عنك !!.
حمد ـ مافي هلابينوو .!!.
تمت ديمه تنط تبي تمسك الوجبه وتنط لكنه اطول منها ــ حمد .. اماانه ..
حمد ــ تمدحيني ؟ .
ديمه ـ خلاص بس فديتك انا جووعانه ماذقت شي ناطره الوجبه..
عطاها الوجبه .. ــ يبت اثنين حاسب حساب نوف..
ديمه ـ فديتها مرت اخوي .. ماعندها حظ ..
حمد ـ ليش ؟ منصور مداوم ؟.
ديمه ـ حمد .. منصور مابين من ايام .. تدق عليه مغلق جواله ..
تكدر حمد .. ــ اوكي روحي ودي لها الوجبه .. وكلي معاها . .
طلعت ديمه طلع حمد جواله ودق على رقم منصور الثاني .. ولحسن حظه رن ..
ــ ألو ؟ .
ــ وينك ؟؟ ولا نسيت حضرتك انك متزوج ؟؟
ــ حمد الله يخليك لا..
ــ رز طولك وتعال هنا . .دامك مب قد الزواج ليش تتزوج؟؟ .
وصكر التلفون في وجه اخوه .. كان معصب .... راح لغرفته يريح شوي ..

كانت تكره شعور العاله .. كانت بنت عمها ترحب فيها وماحسستها انه مثقله عليها .. لكن طيبه كانت العكس تماما .. كانت تطالع لفاطمه كأنها ثقل . .فتمت فاطمه طول اليوم فالغرفه .. عطت أوراقها لعبدالرحيم علشان يدور لها على وظيفه ..
في غرفتها تقرأ كتاب لقته في الصاله .. استغربت من يقرأ كتب ؟؟ . الكتاب انجلش ويتكلم عن الحرب لعالمية الاولى . ولأنها قوية في الانجليزي وتخصصها انجليزي عجبها الكتاب وتمت تقرأ بنهم ..

في الصالة كانت طيبه وامها جالسين كانت طيبه حاسه بقهر
ـ لين متى بتظل هذي هنا ؟
استغربت ام عبدالرحيم ـ هذي بنت خالي .. احترميها شوي .
طيبه ـ يمه مب مرتاحه .. شفت عبدالرحيم شلون يطالع لها مايسوى علينا تخرب بيت اخوي البنت حلوة وبيتنا فيه شباب .
ام عبدالرحيم ــ اي شباب مافي الا اخوج صالح وهذا هو مايدخل البيت من سنين الا الجمعه . وعبدالرحيم مب ياهل عشان تزيغ عينه وابوج ما اشتكى البنت يتيمه شتبين منها ؟ وبعدين ماتطلع من غرفتها الا ونقابها على وجهها . .

طيبه ــ شجابها تضيق علينا البيت !!
ام عبدالرحيم ــ البيت كبير ويوسع ثلاث عوايل .. لاتحسسينها انها عاله علينا ترى ماارضى خالي عزيز على قلبي الله يرحمه .
طيبه ـ اوف يمه . احسها على جبدي !. الله يفكنا منها ..
طالعتها ام عبدالرحيم معصبة ... وقامت لغرفتها .. ماتنكر ان نظرات عبدالرحيم ماكانت طبيعية للبنت .. وماقالت لأحد انه سألها عن عمرها . الشرع حلل اربع .. مافيها شي لو تزوج فاطمه .. البنت حلوة ومنها يسترون عليها بدل قعدتها في بيت ناس اغراب عنها ..

مرت الغرفة دخلت بدون ماتطق الباب .. كانت فاطمه فارده شعرها الكستنائي على جتوفها وهي تقرأ الكتاب ..
قالت ام عبدالرحيم برضا ـ لا إله الا الله .. ماشاء الله مزيونه مثل امج الله يرحمها ..
قامت فاطمه وردت شعرها لورى . .وسكرت عيونها الناعسه بخجل
ــ يا بنت عمتي والله تخجليني بهالكلام .. ..
ام عبدالرحيم ــ ماقلت الا الحقيقة .. حسافه ان خالي ماتهنى فيج .. تزوج بآخر عمره ..الله يرحمه ..
فاطمه ـ الله يرحمه ..
ام عبدالرحيم ـ وشفيج غاديه عود ؟ .. ماتاكلين ؟؟ ..
فاطمه ـ والله ا ام عبدالرحيم نفسي عايفه الأكل من زمان .. يالله قلاص الشاي وقطعه توست ..
ام عبد الرحيم ــ يابنتي مب زين لج .. قومي تغدي وكلي لج يدام وصالونه ..
فاطمه ـ تغديت يا ام عبدالرحيم .. مشكورة وخيرج سابق ..

ام عبدالرحيم ـ براحتج يا يا بنت الخال .. اتركج تدرسين ..
فاطمه ـ ماادرس .. اقرأ كتاب .. لقيته فالصاله .. اتوقع لطيبه ؟ .
ام عبدالرحيم ـ لا .. طيبه وينها ووين الكتب .. تركت المدرسه من عمرها عشر سنين .. يمكن لصالح ..
فاطمه ـ صالح ؟ ..
ام عبدالرحيم ـ ايه .. اخو عيالي ..
استغربت فاطمه بس ماحبت تسأل .. تركتها ام عبدالرحيم وطلعت . تمت تطالع الكتاب وتذكرت الشخص اللي استقبلها .. اكيد هذا صالح ..
رجعت للكتاب وتمت تقرأ ..
_______________________

كانت نوف تضحك مع ديمه اللي قلب ويهها احمر من الفلفل ..
ــ اف اف ..
نوف ــ والله مب حار وايد اوكي طعمه ..
ديمه ــ انا مااتحمل الفلفل !!
نوف ـ عيل ليش طلبتي هلابينو ؟
ديمه ـ مدحته رفيجتي لي انا اراويها عهوودوه .. ياويلي من الفلفل ..
نوف ــ اشربي حليب .. تلاقين فالثلاجه .
ديمه ــ شربت ماي ..
نوف ــ معروف ان الماي يزيد الحراق .. اشربي حليب او سفن اب .. ترى الهنود كله يشربون سفن عقب الاكل عشان ماتتضرر معدتهم من الفلفل ,,,
ديمه ـــ وين الحليب؟؟
نوف ـ في الثلاجه .. مراعي قليل الدسم الصغير ..
فجت ديمه الثلاجه وتمت تضحك ــ عندج حليب فراوله ؟؟ حق اليهال !!.

نوف ـ مافيها شي احب الحليب فراوله !!!.. ليه تضحكين ؟؟..
خذت ديمه واحد وقالت ــ وانا احبه بعد !!!..
بعد دقايق حس تديمه انها ارتاحت شوي وشفايفها بردت ..
ــ السندويشه رووعه بس لولا الفلفل !!..
نوف ــ انا عجبتني .. بعتمدها من هارديز خلاص..
كانت ديمه تقلب بالريموت لما انفتح الباب بقوة ..
كان منصور واقف معصب ..
ابتسمت مرتبكه جدام ديمه ــ هلا ..
راح لغرفته ومارد عليها .. وماتبعته تمت جنب ديمه ويدها ترتجف وهي ماسكه السندويش ..
ديمه ـ روحي لريلج ..
هزت نوف راسها بلا ــ لا عادي ..
طلع شايل اغراض له وطالع لنوف ــ مالج قعده في هالبيت .. روحي بيت اهلج انتي طالق ..

غصت ديمه لكن نوف تمت تطالعه منصدمه ... قالت تنقذ كبريائها وكانت مصدومه بقوة حاسه انها لو تحركت بتتحطم لمية جزء
ــ طيب جات منك .. مابغيت ..
طالع لها منصدم .. لفت ويهها واضطرت تمثل انها عادي وانها مب سائله فيه وحركت السندويش لفمها تبي تاكل لكنه دفعه من يدها وضربها على وجهها بقوة ..
حسته يفرغ فيها ألم او كره او .. شي لأن ضرباته كانت قويه لين وقفته ديمه عند حده ..وحجزت بينهم ..
ديمه ــ وكسر يدك ان شاء الله .. اطلع .. اطلع ..
خذ اغراضه وطلع .. طالعت ديمه لنوف اللي تصلبت ملامحها وانحبست دموعها .. كانت تحس ببلاده مو طبيعيه ..
ــ تعالي اجلسي خل نكمل سوالف ...
انصدمت ديمه ــ نوف .. انتي بخير ؟؟
نوف ــ ايه .. ديمه لاتقولين لحد ..
ديمه ــ انتي شتقولين ؟ طلقج يا نوف ..
نوف ــ وانا بتم هنا لين تشفى جروحي . .. مابي ارجع بيت اخوي ذليله .. ومااتوقع انه بيرد قريب .. اخذ كل اغراضه اللي هنا .. وهذا بيت عمي .. مابيمانع اذا بقيت ..
كان على ويهها كدمه بشعه .. وعينها متورمه .. وفي عيونها نظرة ضياع حست فيها ديمه ..كرهت اخوها منصور .. وخذت راس نوف وحطته في حضنها . وقالت
ــ احس انا في حلم ..
نوف ـ كابوس ..
كانت دنيا نوف توقفت .. كانت عارفه انها بتسبب مشاكل بعايلتهم .. كانت تعرف ان اخوها راشد مابيسكت .. تنهدت بقوة كارهه حظها .. ابتسمت لديمه اللي شافت هالمشهد البشع ..
ــ لاتحاتين .. الطلاق شيء كنت احلم فيه .. لاني مااعتبر نفسي عايشه مثل الناس .. وثقلت على حمد ومبارك ..
ديمه ــ عيال عمج ومسؤولين عنج ..
نوف ـ لا تحاتين .. انا الحين قراري بيدي .. فقررت ان مريم تمرني وتوصلني لدوامي .. قبل زوجي ماكان راضي وكنت خايفه من الله .. اني اعصي زوجي .. لكن الحين .. انا ملكه قراري..مابثقل عليهم ومريوم تعيش قريب ماياخذ منها الا خمس دقايق . .
ديمه ــ ياقلبي و لله مفتشله من فعايل اخوي ..
نوف ـ مب ذنبج يا حياتي .. لاتفتشلين .. احنا ربع . وبنات عم ماتفرقنا مثل هالامور ..

مسحت ديمه بحنان على راس نوف .. وحست بدموع نوف المكتومه .. واحضنتها بقوة ..
__________________
دخل منصور للغرفه .. كانت روز نايمه ولاداريه فالدنيا .. نام بقربها وتم يطالع ملامحها ..
ـ انا لج .. انا زوجج انتي بس .. محد يشاركج فيني .. بتموتين وانا منصورج .. حبيبج ..
مسح ويهها مب سائل في احد لانوف ولا ااي احد .. المهم روز .
روز ــ حبيبي ..
فتحت عيونها ــ وير ار يو ؟.
ــ جنبج ..
روز ــ ابي اروح انديا ..
منصور ـ حجزت لنا تذكرتين .. بنروح باجر ..
مسكت روز يده ورجعت نامت ..

كان صالح في غرفته والتلفون جدامه .. يتصل في جاسم بس جاسم سافطه ..
اتصلت المها ــ الو .
ــ هلا ..
المها ـ تودين يالمخازن ؟ ..
ــ بروحج ؟
المها ـ لا معاي خلود .. ولد عبدالرحمن ..
ــ ليش وين هله ؟
المها ـ ماادري بس عطوه الخدامه وراحوا ..
ــ خمس .. واجيج .
اتصل في جاسم .. اللي اخيرا رد ..
ــ هلا ..
ــ وين ادق لين عجزت وين اختفيت ؟
جاسم ـ موجود .. شفت المس كول . من قبل شوي كنت ناسي تلفوني ..
صالح ـ لا صدقتك .. انزين انت وين ؟
جاسم ــ فيلاجيو ..
صالح ـ انطرني في ستار بكس اللي عند المخازن في الغراند ..
جاسم ـ اوكيك ..
صكر منه صالح .. ولبس ملابسه وراح لبيت اخوه وخذ المها وخالد ..
اول ماوصل المخازن ــ خذي لج عربه وتسوقي وانا باخذ خلود واقعد في ستاربك...
المها ـ عمي بتخليني بروحي ؟؟
صالح ـ منتي بياهل !!.
المها ـ بس عمي .. مااقدر ..
صالح ـ المكن فاضي .. ولا تطولين .. نص ساعه .. لان مافي حد .. انا بستار بك ..
المها ـ خل خلود عندي . .
صالح ـ خلاص خليه عندي روحي تقضي .. يلا .
راحت المها واخذ صالح خالد اللي كان يطالع المها بخوف .. مب متعود على صالح ..
ــ تعال حبيبي نشتري لك لعبه وحلاوه . .

اخذ له سياره وحلويات وراح ستاربكس لقى جاسم ناطره .
شال جاسم الولد وقطعه بووس ..
ــ ياحلاه خدوده .. انت ش تصير له ؟
صالح ـ جده !
جاسم ـ مشاء الله عليك جد قبل لا تكون أب !!
صالح ـ انا عم ابوه وامه .. يعني اخو اجداده .. يعني جده ..تقريبا مثل اذا أ =ب وب=ج اذن أ=ج !!
جاسم ـ لا .. شرحتها .. تعال يابابا .. تعال اعطيك عيديه ..
صالح ـ لاتخرب الولد علينا شعيديته وحنا في نص الصيف !!
جاسم ــ انت شتبي ؟ تعال عمو .. تعال ..
لكن الولد تمسك في صالح مخترع ..
صالح ــ تعال نقعد مناك وراى هالساتر ..
جاسم ـ ليش ؟
صالح ـ في ناس تدخن هنا ومب زين للياهل ..
ــ احسك وانت تتكلم بهالطريقه مرة مربية وعندها اولاد .. مب زين للياهل ..
صالح ـ اقول .. انطم ..
جاسم ــ وش له جار هالصغير معاك ؟؟ وين اهله ؟
صالح ـ جبته مع بنت اخوي .. عمته .. بس هي راحت تتقضى .. لحظظة انت ليش تسأل شاللقافه ؟؟
جاسم ـ
just asking !!
بعد ماشربوا الكابتشينو وتموا يسولفون كان خالد كله لازق في صالح خايف من جاسم وفجأة بدأ يصيح يبي امه . اتصل صالح في المها
ــ تعالي .. الولد مدري شفيه ..
المها ـ كاني احايب وجايه طيران وينك فيه ؟
صالح ــ روحي عند مكدونالد بجيبه لج .باي . .
جاسم ــ انا بقوم ابعد عشان الولد فضحنا .
صالح ــ روح لابارك الله فيك شيسكت هالمخلوق الحين ؟ بس بابا .. بس..
جاسم التفت وهو يمشي ـ بابا قول جدوو .. اصدق ..
صالح ـ اسحبها لاا اتوطى في بطنك ..
جاسم ــ شبتسوي يعنـ......................

الموقف لايوصف وهو طالع من ستار بك دعمه واحد بالعربه فطاح على الأرض .. قام معصب ويبي يهاوش ــ ماتشوف يالحيوان يال..
ةقفه صالح ومسكه بقوة ـ خلاص ماصار شي . .
رفع العربه مع وحده .. انتبه جاسم انه البنت نفسها طاحت وتبهدلت وانتبه لمسكه صالح لها .. حركت عربتها لجدام وهي تعرج متألمه .. هو تألم بس خفيف ..بس انزعج وايد .. طالع للبنت وانصدم .. لما شاف عيونها مغرقه دموع وهي تكلم صالح .. شفيه صالح من متى وهو ..لكنه انلجم !!.. لما صالح ا ا عطى خالد الصغير للبنت .. حتى حطه فالعربه لانها متلمه وايد وماتقدر تشيله .. ركز في البنت ..والتقت نظراتهم .. عرفها ..وعرفته !!.. وقف قلب جاسم .. اكيد بتقول لصالح .. اكيد واكيد .. شاف نظرة عيونها المندهشه رغم الدموع .. ..
رجع لمكانه بهدوء وقعد وحس ان الزمن توقف ..
اما عن المها كانت متألمه بقوة ... الضربه جات في صدرها ..ماكان ذنبها كانت جايه مسرعه لما طلع هالطوفه من العدم وصدم فيها .. لكن انه يكون نفسه هو راعي سيلين ؟؟ .. هذي صدمه اقوى !!..
هل عرفها ...؟..اكيد نظرته لها تدل على انه تعرف عليها ..
قالت والدموع فعيونها وهي تحس انها مخنوقه ــ الله يكسر عظامه مثل ماكسر عظامي ,,,
صالح ــ لاتدعين هذا جاسم رفيجي !!.. مثل اخوي لاتدعين عليه .
كانت الصدمه اكبر .. صديق صالح ؟ شسوت في دنيتها ؟؟ قامت ترجف وحست الدم في عروقها نشف .حست انها ماتقدر تتنفس ..حاولت تسحب هوا لكنها ماقدرت ... وماقدرت تسند عمرها ... طاحت عند مكدونالد ... صيح صالح
ــ المها . . جاسم .. جاااااسم ..
جاسم سمع صالح وقف شعر جسمه اكيد عرف ..بخطوات بطيئة طلع من ستاربك وقرب من صالح لكنه تفاجأ ..
ــ جاسم تعال ساعدني ..
كان صالح ساند البنت .. خاف جاسم اكثر خاف انه سوى شي في البنت ــ شفيها ..
صالح ــ ماادري.. بس باخذها لين السياره وانت جيب خالد ..
اول ماجاسم يبي يقرب من خالد انهار الصغير بالصياح مايبيه .. ويصيج وياشر للمها مخترع ولصالح
طالع لصالح منصدم ..
صالح ــ انت شيل المها للسيارة وانا بجيب الصغير ...
وقف قلب جاسم للمره المليون ــ هاا ..
صالح ــ ووجع شفيك مفهي تشيل البنية وانا باخذ الولد اعوذ بالله من الشيطان الرجيم ...
قرب جاسم مع ان قلبه كان موقف عن النبض بس استجمع قوته وشال البنت بخفه من يدين صالح كانت خفيفه بس انها بهالقرب منه ماكان قادر يتنفس فتعب وايد . وتبع صالح اللي خذ الولد والاغراض للسيارة .حط النت فالسيت الوراني .. . الناس اجتمعوا يسئلون شفيها البنت س محد رد عليهم ساعدهم السكيورتي وانطلق صالح للمستشفى وجاسم معاه .

ــ ثقب بالرئة .. .. الحمدالله قدرنا ننقذها قبل فوات الاوان .. كان المفروض تسألوا اي حد عنده خبره فالاسعاف الاولي يقوم بالاجراءت الازمه . ماكان لازم تنطر الوقت هذا كله ..
صالح ــ الحمدالله ان الشوارع كانت فاضيه ..
جاسم ـ صراحه انت خوفتني بهالسواقه فوق ان الرادار صادك فوق اني كنت خايف لاندخل في عمود ..
صالح ــ خفت على المها .. ماكنت بعقلي اصلا .. والياهل انهار علي ..
جاسم ــ كله بسببي الولد خاف مني .. وانا دعمت البنية ..
صالح ــ انت شنو ماتحس كسرت ضلع فالبنت وانت صاغ سليم !!
جاسم ـ قول اعوذ برب الفلق مو ذنبي ان بنتكم رقيقه زياده عن اللزوم ..
صالح ــ توكل زين .. تعبتك معاي ..
جاسم ــ السموحه بس انا اليوم سببت لك وايد مشاكل ..
صالح ـ توكل بيتكم .. البنت عندها اختها الحين .. وماعليها شر..

عند المها كان راشد وخديجه يضحكون عليها ..
راشد ــ لوري كسر فيج ضلع افا .. الناس شاحنات وانت .. عظام عصفور مب عظام انسان ..
المها ـ لاتضيقون خلقي كله من هالطوفه رفيج صالح .. انا كنت يايه مسرعه خايفه على الصغير وهو طلع في ويههي .. اعوذ بالله .... انا اللي كليت الصدمه كلها ...
خديجه ـ ـ عمي قال انج طيحتيه على الارض .
المها ــ وهو كسر فيني ضلع ..
راشد ــ مب ذنبه عظامج هشه .
المها ــ شبس مب عظام بني آدم ..
خديجه ــ فديتج . ... حمدالله عالسلامه ..
المها ــ وين خالد ؟
راشد ــ يا عبدالرحمن من قبل شوي . طل عليج وخذه ..
طق الباب العامل .. ودخل بوكيه ورد ضخم .. استغرب راشد ..
مسك الكرت
(( ركشا فدصلا يللا انتعمجا تاملاس ج ))
ــ شنو هذا ركشا فدصلا يللا انتعمجا ؟؟؟ .. شالخربطه ؟؟
عطى الكرت لمها .. اللي قالت ــ يمكن مب لنا .
راشد ــ لا لنا مكتوب رقم الغرفه ..
المها ــ يمكن لحد قبلنا .. عاد الباقه عوده . يعني مكلفه راعيها شي وشويات ..
راشد ــ من نصيبج عاد ..
لكن المها انتبهت لشي ولما ركزت تأكدت شكوكها .. وحست انها مقهورة .. حركة بايخه اكتمت الصرخه في داخلها .. صرخـه القهــر...

06-07-10, 10:48 AM

المشاركة رقم: 12

المعلومات
الكاتب:	زارا
اللقب:	ملكة الالماسية

البيانات
التسجيل:	Jul 2006
العضوية:	8455
المشاركات:	10,839
الجنس	أنثى
معدل التقييم:
نقاط التقييم:	2892

االدولة

مدونتي

الإتصالات
الحالة:
وسائل الإتصال:

كاتب الموضوع : retaj المنتدى : القصص المكتمله

حلووه القصه. اذكري اني قريتها السنه اللي فاتت بالطريق وانا مساافره للديره.. >>فيس رابطها بذكرياته..هخهخه

06-07-10, 04:07 PM

المشاركة رقم: 13

المعلومات
الكاتب:	رقة مشاعر
اللقب:	ليلاس متالق

البيانات
التسجيل:	Apr 2010
العضوية:	159284
المشاركات:	425
الجنس	أنثى
معدل التقييم:
نقاط التقييم:	14

االدولة

مدونتي

الإتصالات
الحالة:
وسائل الإتصال:

كاتب الموضوع : retaj المنتدى : القصص المكتمله

السلام عليكم

حلوه القصه..

مبارك وش هالمنطق الغريب اللي عنده الله يصلحه ونشوف وش راح يصير معه

فاطمه باين انه بيكون لها دور مع صالح لكن هل عبد االرحيم راح يتدخل ويخطبها..

المها وجاسم والصدف اللي تجمعهم اما انه جرئ يرسل ورد وحركات الكتابه بالمقلوب ننتظر وش راح تسوى مهاوي..

06-07-10, 09:17 PM

المشاركة رقم: 14

المعلومات
الكاتب:	retaj
اللقب:

البيانات
التسجيل:	Aug 2007
العضوية:	36407
المشاركات:	55
الجنس	أنثى
معدل التقييم:
نقاط التقييم:	25

االدولة

مدونتي

الإتصالات
الحالة:
وسائل الإتصال:

كاتب الموضوع : retaj المنتدى : القصص المكتمله

زارا + رقة مشاعر

هلا وغلا نورتو صفحتي :)

06-07-10, 09:24 PM

المشاركة رقم: 15

المعلومات
الكاتب:	retaj
اللقب:

البيانات
التسجيل:	Aug 2007
العضوية:	36407
المشاركات:	55
الجنس	أنثى
معدل التقييم:
نقاط التقييم:	25

االدولة

مدونتي

الإتصالات
الحالة:
وسائل الإتصال:

كاتب الموضوع : retaj المنتدى : القصص المكتمله

الفصـل السابـع

كانت المها محتارة بين شيئين ..انها تكتم هالأمر ..أو تعلنه لعمها صالح .. علشان ياخذ حذره من هالانسان اللي يسميه صديقه ..وقررت انها تفاتح عمها في الموضوع في اقرب فرصة ممكنه ..لأن اي بنت محترمه مابترضى على نفسهـا هالاهانة .

طالعت الكرت مرة ثانية ( (أشكر الصدف اللي اجمعتنا ..سلامات ..ج )) ..

عفست الكرت بقوة واستغفرت ..حطت يدها على صدرها حست بألم خفيف...
دخل صالح وديمه مبتسمين شايلين سلة شوكلوت ..
ــ واااو .. شكرا عمي العزيز وبنت عمي العزيزة عاد بطلع اليوم ..
ديمه ـ نوف تسلم وحنا يايين ناخذج البيت ..
طالعت لها المها مبتسمة ــ نايس نشوف افلام هنديه ..
صالح ــ شنو ؟؟
طالعت لها ديمه معصبه ــ مافي شي ناس تحلم بس احلام يقظة لا اكثر..
ابتسم صالح بخبث ــ بدفع الف ريال ...
كانت المها بتتكلم بس الكزتها ديمه بقوة في صدرها فصارخت من الألم .ــ آآآآآآآآآآآآآآآآآآآآآآآآآآآييي ...
ــ والله آآآسفه .. اووه ...مهوي حياتي عورتج والله يوووه جعلي المووووت ..
كان صالح يضحك وهو مع انه مستهم على المها بس ماقدر يمسك عمره ـــ آآه ياقلبي .. اكيد كسرت فيج ضلع ثاني ..
المها ـ عمي انا اتوجع وانت تتطنز ..
ديمه ــ اي روح ناد الطبيب .. اي حد . .
المها ـ ماله داعي .. ياعل ايدج الكسر مب يد اثقال .. اوك راح الألم .. خل نطلع ..
ديمه ــ والله مانطلع لين يكشف عليج الدكتور ..
صالح ــ واذا سألوج من كسرج قولي ديووم .. لاني تعبت وانا اشرح للشرط ان محد ضربج وانج مجرد انصدمتي فالعربه مب مصدقين ان لورري يكسر في الانسان ضلع .. بيحطونج في موسوعه جينيس للارقام القياسيه..

ديمه ــ هههههههههههههههههههههههآآآآآآآآآآآآآآآآآآآآآآي ....
عصب صالح بقوة ــ شالضحكة .. قاعده فالمستشفى مب في كباريه ..احترمي المرضى..
ديمه اسكتت وصار ويهها احمر وقالت المها تلطف الجو ــ عمي لاتلومها ...مكبوته كوميدياً !!...محد ينكت في بيتهم بروك ودمه مثل الجاي الثقيل ..حمد الله بالخير ..منصور حدث ولا حرج ..هيا .. للمواقف التراجيديه فقط ..الا على طاري منصور..مب يشتغل هنا .؟ وينه محد شافه ؟؟

انتبه صالح لويه ديمه اللي صار اصفر ولنظرة عيونها ..حس ان في شي صاير ..لكنه ماسأل ..قالت ديمه ــ مادري ماشفته .وبعدين كأنج استلمتي اخواني ..حدج عاد ..ماااارضى ..خصوصا بروك وحمود فدييييييييييييييييت روحهم .... عسل مووواه ..
صالح ــ اقول ام سعيد وعذيجه ..قوموا خل نروح البيت لا تسووون لي شاعر المليون ..وين خديجه ؟
المها ــ اووه عمي متابع فرييج .. كدووج راحت مع راشد البيت..
ــ وتركوج بروحج ؟
ــ قالوا لي ان ديمه بتجيني ..تو راحوا قبل لايكتبون لي خروج .عمي ابيك بموضوع بعدين ...
صالح ــ انزين .. قوموا خل نطلع .. الواحد من يرجع بيته يحس بالراحه .. ...
ديمه ـ اشكره ماتبيني موجوده !!
رد صالح يحرها ــ اللبيب بالاشارة يفهم ..
ديمه ــ عشتوا ..ايه معليه ..الشره عليّ يايه ورازة الفيس..
قرب عمها وحب رااسها ودزها جدامه عشان تطلع .. واول ماطلعت التفت صالح للمها وهمس ـ آسف لاني خليت جاسم هو اللي يشيلج ..بس خلود الكلب انهار وخفت على الصغير ... والناس تجمعت وانا احترت .خفت يقولون خاطفينهم !!..والولد يتعقد بروحه يخاف من جاسم ...
تصلبت المها .. شالها ؟.. الحين فهمت الأخ ليه مستخف .. الا تقول لعمها .. هذا الامر ماينسكت عنه ... شالها ؟؟؟.. الحمدالله انها غايبه عن الوعي .. شلون بعد اللي سواه يستجري يمسكها؟؟ . كرهت نفسها .. كرهت ان واحد مثله يمسكها !..
صالح ـ شفيج واقفه .. تحركي ..
تحركت المها ببطء وقعدت عالكرسي المتحرك واحمدت الله ان عمها جاب الكرسي لانها ماكانت بتقدر تركز وهي تمشي ..
ــ عمي وين اغراضي ؟؟..
طالع لها صالح مستغرب ــ اغراض شنو ؟
المها ـ شنطتي ... فيها بوكي وجوالي..
ــ يمكن فوحده من هالسيايير ..ماادري والله .. بشوف ..
المها ـ بس لايضعون مالي مزاج للمعاملات بدل فاقد ..
صالح ـ المهم سلامتج ..
ــ الله يسلمك

____________________________

كانت في غرفتها تحس بغربة فظيعه تتمنى تروح تشوف اختها ..تتحمد لها بالسلامة ..بس تخاف تنفضح .. ليش طلقها ؟ .. ماطلبت منه الطلاق..ماطلبت منه اي شي .. مر مرور الكرام ونطق بالطلاق .. حسافه فيه كل المشاعر .. بتتعلم تعيش بأنانـية .. الانانيين هم بس اللي عايشين حياتهم .. لازم تصير أنانية .. لازم تحرق قلبه وتبين له انها مب سائلة فيه ..
مسكت جوالها اتصلت في اختها المها ....

كان في سيارته وفجأة ..
((هههمممممم ياارب نور دربي...يارب اسعد قلبي يامليكي يارجاءي يا دليلي وضيائي نور دربي...ليس لي حول فاني بك حول وعليك في شهيقي وزفيري انا محتاج اليك ..انا محتاج اليك ..ياارب يارب نور دربي ...لللالالالالالا ..
ربي لا ارجو ملاذا آمنا إلا حماك ..ربي لايسعد روحي ابدا الا رضاك ..
ياارب ياارب نور دربي .. ))) ..
قعد يدور الجوال لين لقاه .. وانصدم بشنطه نسائية في سيارته .. شلون ؟؟ .. انتبه .. طلع الجوال كان فيه 8 مكالمات لم يرد عليها. اكيد شنطة المها .. مامسك بوكها ..ولا قلب رسايلها احترم خصوصياتها .. لكنه اتصل على نفسه اخذ الرقم ...
حط الجوال فالشنطه ..واتصل بصالح وخبره له ان الشنطه عنده ..

في السيارة ــ لقيت شنطتج في سيارة جاسم .. يوم طحتي خذينا سيارته كانت في موقف قريب ؟؟
ــ زين ماضاعت ..
صالح ــ ها .. شتشربون ؟؟
ديمه ــ باسكن روبنز !!!
صالح ـ تشربين باسكن روبنز ؟ اكيد تاكلين الشاي ..
ديمه ــ القصد ابي من باسكن روبنز .
صالح ـ صج ؟؟ على بالي شي ثاني ..ومهوي شبغيتي ؟
المها ـ انا بطيح بسله هالشوكليت اذا تبي لي الخير يبي لي نسكافيه ... علشان مفعول السكر مايدوخني ..
صالح ـ انطري شوي لين اوصلكم البيت بعدين اوح اجيب لكم ..
ديمه ــ وليش التعب ؟؟ بطريقنا ..
ــ لازم أسأل خديجه شنو تشرب ..
ديمه ــ وان مابغت تشرب اي شي..
صالح ـ اقعد وانطم في مكاني .. مب صعبه
انغاضت ديمه ــ وحنا ؟؟
المها ــ انا تعودت على هالعزوومات اللي على مزاج خديجه ..فلاتحسبيني معاج قولي وانا .وشوفي من يعطيج ويه!!..ولا.... تدرين افا عليج انا اعرف من بيعطيــج ويه ..
مدت ديمه يدها من على جنب وقرصت المها في السيت الجدام وصاارخت مها ــ ووووووووجع !
صالح ــ بنات بتبدون الحرب النوويه الاولى ؟؟.. بس خلاص ترى صدعتوني ..
المها بهمس ـ انا اراووييج ؟
ديمه ــ اعلى مافي خيلج اركبيه !عمي صالح قطني بيتنا ..
صالح ـ قطني ؟؟ .. متأكده مب صوفي؟؟؟.. ولا حرير ..
انغاضت ديمه ــ يااااربي ااووووووووووووووف ..ابي بيتنا انتم ماتحبوني !!..
صالح ــ نموت فيج ديوووم ... نموووت عليك ... مثل مايقولون اخوانا المغاربه ومنتي بشايفه بيتكم .. خل حد من اخوانج المصرقعين يمرج ..

في البيت راحت المها ترتاح في غرفتها خديجه وصالح يتكلمون عن الشغل ومندمجين وراشد يالس على طرف وديمه يالسه في الطرف الثاني ..مسكت جوالها وطرشت لمبارك تبيه يوصلها فطلب منها تنطره ساعتين .. راشد كاان يقلب القنوات وسرحان ..مب مركز في شي يحاتي مشروع في شغله ... ...
ديمه ــ عمي وصلني الله يخليك ..
طالع لها صالح ــ قاعد اخطط مع خديجه حق شوي تعديلات في المختبر ..راشد وصلها ..
ديمه لا اراديا ــ لا ماابي !!.
التفت صالح مستغرب ـ نعم !!.. حاشرتني تبين ترجعين البيت والحين ماتبين .. قومي مع ولد عمج ..ومب من بعد بيتكم يعني ..
راشد وهو متكدر ـ قومي ..
قام وراح السيارة وقامت خديجه ــ بوصلها عمي . .
صالح ـ ليش توصلينها ماتآمنين عليها مع اخوج ؟
خديجه ـ امبلى بس... فشيلة بعد بوصلها وارجع لك ..
صالح ـــ خلاص انا بطلب عشا من مكدونالدز ...
ومسك جواله وقعد يكتب مسج ..
خديجه ـ اوكي ..
حطت عباتها من على راسها وقامت وهي تسحب ديمه الي زعلانه .. ماكان راشد معاهم ابد في السالفه .. ساق السياره وبدون وعي طلع من شارع فريجهم للشارع الثاني .. استغربت خديجه
ــ راشد .. وين ماخذنا ..
طالع راشد جدامه فانتبه انه دخل الشارع بالغلط ..
ــ زين ..
ــ راشد وين عقلك .؟؟ .
انتبه راشد ان مسج وصله قراه ..وابتسم ..
ــ عندي مشوار صغير ..
ديمه ــ ممكن توصلني بيتنا اول !.
ـ لا ..
بعد عشر دقايق وقف عند محل باسكن روبنز ــ ديمه انزلي ..
ــ ماابي ..
خديجه ــ انزلي ..
ديمه ــ ماابي ..
راشد ـ ان مانزلتي بجيب كل انواع الايسكريم في باسكن روبنز ..
ديمه ــ كيفك ..
راشد ــ ديمه لاتمصخينها انزلي عمي صالح موصيني اخذج لهالمحل .. مب من اجتهاداتي يعني .. انزلي ..
ــ انا اللي ادفع ..
عصب راشد ونزل وصفق الباب بقوة .. طالعت لها خديجه ــ امبيه عصب .. انتي من صجج ؟؟ وين قاعده تدفعين ..الرياييل مايحبون هالكلام .. انزلي بسرعه راضيه ..
نزلت ديمه وهي تجر نفسها غصب وقفت جنبه ..
ــ جايه تدفعين ؟؟
ديمه ــ اسفه ماقصدت .. بس ..
ــ شتآخذين ؟ ..
ــ نعناع ..
ــ تبين ايسكريم الشيز كيك الجديد ؟.
ــ ماجربته ..
ـــ بخذ لج فراوله .. مع النعناع ..
ــ مابقول لاء .
فجأة استحت ديمه .. مابتقول لاء .. ياحبها لبطنها بس !!.. قرب منها شوي
ــ شفيج اليوم مب على بعضج ؟..
طالعت ديمه برا المحل لخديجه اللي كانت تقلب في جوالها فالسيارة .. ـــ مافي شي ..انت للي كنت في عالم ثاني .. لدرجه انك مانتبهت انك كنت تقلب في قنوات الراديو ..
راشد ـ صحيح .. متأذي واايد من واحد عندي فالدوام زاعجني .. وعندي مشروع ووايد اشياء .. شخبار نوف ؟ .. ماشفتها ؟ .
في هاللحظة تذكرت ديمه فعايل اخوها وحست نفسها مقهورة ..وانزلت دمعتها غصب ولفت ويهها وقالت ـ تسلم خل نرجع ابطينا على خديجه .. وماخذيت لها ايسكريم ؟ ..
ــ قالت ماتبي .. وصالح يقولج انه بس يغايضج لا اكثر ولا انتي حبيبه قلبه ....وقلبي ..
ماكان راشد فاهم نفسه ليش نطق بهالكلمه ..يمكن لان ديمه عاجبته .. رغم انها صغيرة بس .. مال لها بقوة ..
استحت ديمه قاعد يغازلها في محل باسكن روبنز !! لا انجن رسمي .. طالعت له بحسره نظره مافهمها .. نظرة معناها ماصدقك لان فالحظة اللي تعرف بطلاق اختك مابتفتكر فيني ولا بطوايفي ..
استغرب هالنظرة .. كان بيسألها لكنها اطلعت واركبت السيارة ..
ابتسمت خديجه تحت نقابها وقبل لايدخل راشد ــ ايه كل هذا تختارين ايسكريم ..
ديمه ــ يوزي عني ..
_________________________________

كانت العنود تعاني وحده فظيعه ومن اخر مكالمه بينها وبين زوجها المفترض ماكلمته ولاشافته لوا تبي تكلمه ولا تبي تشوفه .. تبي تروح بيت خوالها . تبي تجتمع معاهم خصوصا ان اليوم جمعه .. واخوها مااتصل من سافر ..وابوها رجع امس ..وليته مارجع ..
بعد ماكانت مسؤوله وحياتها مليانه باخوانها وامها ودراستها .. مافي شي الحين غير الانتظار .. رغم ان عرسها قريب لكنها ماجهزت شي لانها ماتحتاج كل شيء عندها ..ووصت على الفستان من عند مصمم وتفاصيل العرس بتهتم فيها ام واخت العروس ..
في بيت الجد كانت الجمعه المعتاده وموضوع المها هو النكته السائده .. الكل يضحك عليها .. عمامها وجدها وجدتها والكل استلمها ..
المها ـ بس عاد والله العظيم كرهت عمري..
راشد ــ عادي تعودي مابننسى لين تشفين على الاقل ..
المها ـ ياااربي ,, متى ارتاح ,,
راحت خديجه المطبخ وتمت تشرف على الغدا .. وهي تفكر في فاطمه اللي منعزله في غرفتها .كسرت خاطرها .. .
ــ شلونج ؟.
التفت منصدمه .. كان مبارك يكلمها هزت راسها ـ الحمدالله .. ..
كان قلبها يدق بقوة ...وتمثل انها تركز لكنها مب مركزة قالت للخدامه اكثر من خمس مرات انها تقص اليح لين عصبت الخدامه ـ ماما انا في معلووووم !!..
انحرجت ..وسمعت صوته ــ مالومها صار لج اكثر من خمس دقايق تعيدين نفس الجمله ..
انحرجت واسكتت ابتسمت عادي ابتسامه مجامله ورجعت ملامحها تجمدت ..
ــ شلون شغلج ؟.
ــ الحمد الله ..
مبارك ــ عن اذنج ..
ماردت بس راح حست بنفسها في حاله ثانية ..شفيه؟؟. شاللي غير؟؟ من سنوااات ولامره سألها شلونج !!.. ولا مره .. رجعت وكملت اشراف .. وقلبها يدق بقوة ..مب قادره تستوعب ..

_______________________

كان مبارك سرحان لما دخلت ديمه غرفته تبي تاخذ الاب توب ,
ــ في من سرحان .؟
مبارك ــ في خديجه .
ــ لاتتعشم وايد ...
ــ ليش.؟\
ــ راشد مابيعطيك اخته بعد ماترجع اخته ...
طالع مبارك لديمه مستغرب ــ شتخرفين شلون يعطي وترجع ...شتقصدين ؟؟..
ديمـه وهي تفتح الباب ببطء وتراجع نفسها مليون قبل لاتنطق ..
ـــ الأسبوع اللي فات منصور طلق ...نوف..ولاتسألني ليش ..
طلعت وسكرت الباب ببطء ماتبي تشوف ملامح اخوها ..ماتبي تشوف صدمته ..خيبته .
تم مبارك منصدم ...مب قادر يستوعب ...طلاق ؟؟ عايلتهم ماكان فيها طلاق من سنييين ...طلاق ؟؟؟.. نوف ؟؟.. بينجن راشد .. وقف ودخل على حمد معصب ..
ــ شفيك كسرت الباب ..
صكر مبارك الباب بعصبية ـــ منصور طلق نوف !!...
انتفض حمد ــ شنووووووووووووووو؟؟
ــ اللي سمعته !!.
حمد ــ من قال لك ؟؟
ــ ديووم ..
فج حمد الباب ونادى
ــ ديوووووووووووووووم ديمــــه ..
سمعته ديمه وقامت متعاجزة ..طلعت من غرفته وطاحت عينها في عين حمد ..
ــ متى هالكلام صار ؟؟
ديمه شافت مبارك واقف في غرفة حمد فقالت
ـــ يوم اللي جبت لي هلابينو جكن ...وجبت لها وجبه ..رحت اكل معاها ..و...دخل منصور معصب وشال اغراضه ..ونطقها ..
كانت ديمه تمسك نفسها عن لاتفضح زياده ..عن لاتتكلم عن ضربه للبنت المسكينة ..
لكن حمد وجهه صار اسود ورجع متضايق للغرفة وصكر الباب ..
ـــ انا السبب !
مبارك ـ شتقصد ؟.
حمد ـ انا اتصلت بمنصور وصرخت فيه ليش تارك زوجته ..
مبارك ـ مب عذر!!...لاتلوم عمرك مب عذر هذا طلاق ...انا المصيبه هنا ..
ــ ليش؟
ـــ خديجه ..
ــ شفيها ؟
ــ راحت من يدي !!..
استغرب حمد ــ شالجديد طول عمرك ماتبيها ..
مبارك ـابيها ..ابيها ...بموت اذا ماخذتها !والحين راشد مابيسكت !!...
زفر حمد بقوة ــ شنو بتموت من دونها ..انت تحبها من متى؟؟
سكت مبارك ..مارد لكن وجهه كان

ينطق بمشاعره ...جلس على السرير معصب
ــ شالحل ياحمد؟؟ شالحل مع هذي الملطوعه في الملحق ..وشو الحل لمصيبتي لاني حاس ان قلبي بينفجر من قالت لي ديمه..

حمد ـ ماادري بس لازم ماينسكت على هالوضع ..لازم تقول لابوي ..
مبارك ـ اول شي اتصل بمنصور...
حمد ــ منصور ...لحظة..
حاول حمد على يدق على كل ارقام منصور لكن منصور مايرد ...دق على واحد من ربع منصور..
سكر التلفون معصب ..
ــ شفيك .؟
ــ منصور سافر الهند امس ...ورفيجه يقول انه استقال من دوامه!
مبارك ــ هذا انجن باع بنت عمه عشان هالبقرة الهندية .؟
حمد ــ سواها الجلب..سواها ...
مبارك ــ لاتعصب ..بروح اقول لابوي ..
كان صعب على مبارك..لكنه الكبير بعد منصور..ولازم ينقل الخبر لابوه علشان يحشم نوف ويطيب خاطرها...وعلى الاقل يرجعها معززة مكرمه لبيت اخوها ...دخل المجلس وسلم على ابوه وجلس جنبه ..
ــ يبه ..
ــ شفيك يا مبارك ..من دخلت وانت مب طبيعي ..
ــ يبه بقول خبر بس ابيك تطول بالك ولاتعصب اوتزعل ..
التفت عبدالرحيم لولده ــ هلك بخير؟؟خوانك خواتك ؟؟
مبارك ــ الحمدالله يبه لاتشغل بالك الكل بخير..بس..منصور.
ــ شفيه..
ــ طلق نوف..
وقف عبدالرحيم على طوله ــ نعم !!.
مبارك ــ طلق نوف ..
عبدالرحيم ـ وتعيدها ببساطه ؟لاحول ولاقوة الا بالله ..وين اخوك؟
مبارك ــ مسافر ..محد يعرف اراضيه ..
عبدالرحيم ـ قوم من قدامي ..وناد مرت اخوك ..
مبارك ــ تبي نوف يبه؟.
عبدالرحيم ــ لازم اعرف شصار...اخوك وين يشتغل في اي قسم في المستشفى؟
ــ يبه ماعاد يشتغل ..استقال...
ــ هذا انجن وقعد !! ناد امك خل تنادي مرة اخوك وشغل السيارة ..
مبارك ــ بتردها بيت اخوها؟
ــ لا ..بنروح بيت جدك وهو اللي يقرر..ونشوف شنسوي..

في بيت الجد ..ماقدرت نوف تنطق ..طالعت لديمه بعتب لكن ديمة قالت بهمس ــ ماقدرت اسكت ..
كان الجد يطالعهم وساكت ..كان عبدالرحيم ومبارك وراشد جالسين عادي..كان راشد مستغرب ليش جده اتصل فيه وناداه..دقايق ودخل عبدالرحمن...
ــ السلام جمعه خير ان شاء الله.. عسى ماشر؟..
ابوعبدالرحيم ـ وعليكم السلام..
عبدالرحيم ـ اجلس ..
قعد عبدالرحمن مستغرب ــ شفيك ياعمي ليش وجهك اصفر؟.
ــ ولد عمكم...
راشد وعبدالرحمن مع بعض ــ شفيه ؟
ــ طلق اختكم ..
سكت الكل منصدمين ..كانت عيون راشد بتطلع من مكانها لكنه تعوذ .سأل عبدالرحمن ــ متى ؟..وشالسبب؟؟..هو وينه اصلا !.
ــ عبدالرحمن اهدى ..
طالع عبدالرحمن لجده ــ ليش طلقها !!..شسوت !!.
راشد ــ شقصدك شسوت ..نوف ماتسوي الغلط لو على قص رقبتها !والغلط راكبه من راسه لرجلينه..وغلطتتك انت يوم غصبت اختك تاخذ هالخديه ..
وقف راشد ــ وين اختي؟.
رد جده ــ داخل ..
راشد ــ عن اذنكم ...وخيره انها جات منه ..ولا لا حنا طايقنه ولا اختي متهنية معاه ..
عبدالرحيم ــ راشد..انت شتقول؟؟.
راشد ــ خل يشبع بهالبقرة الهندية اللي ماخذها !
طالع له جده وعمه مستغربين فقال ــ ايه .. الاخ متزوج له هنديه ..نوووف ..
اول ماطلع انصدم بدموع نوف وصدمتها وهي تردد ــ هندية؟
حضن اخته وقال ـ تستاهلين احسن منه ..تعالي..
خذها السيارة وهو يطالع ديمه بطرف عينه كانت ملامحها متجمده وعيونها تتبعه .. ياحسافه ياديمه ..حلم ماكتمل ..
في المجلس كان عبدالرحيم معصب والجد يهدي فيه ..وعبدالرحمن سرحان في عالم ثاني ...انه خرب حياة اخته ..انه سمح لهيا انها تأثر عليه رغم ان منصور طرشس له مسج انه مايبي يتزوج لكنه يتبع سلطة ابوه ..باع اخته برخيص ...واليوم اخته تدفع الثمن ..
قام معصب وطلع ولحق سيارة راشد ..ونزل بيتهم ..كانت نوف تصيح بقوة .. عزت عليها كرامتها ..
استقبلتها خديجه والمها بالاحضان ..دخل عبدالرحمن وقرب من اخته..ونطق ــ كله بسببي ...
نوف ـ لا يا اخوي .. لاتحمل نفسك اللوم ..
حب راسها وانهارت في حضنه ..كان فيه من ريحه ابوها وايد ..يشبه ابوها وايد ..تنهدت وابتسمت وهي تراويه ابتسامتها
ــ اهم شي انك رجعت ودخلت بيتنا ...
طالع عبدالرحمن لراشد ــ اسف اراشد كله بسببي..
راشد ــ لاتعتذر ياخوي ...الحمدالله على كل شي .نوف .غرفتج تنطرج ...وبتعيشين معززة مكرمه ..ومنتي بعازه منصور ..
نوف ــ مشكور ياخوي ..

مر الشهر بسرعه ..كل جمعه يروح راشد وخواته يسلمون على جدهم وجدتهم ويطلعون مايتمون عشان مايلتقون حد من بيت عمهم ..رغم ان نوف قالت لهم ان محد له ذنب لكن راشد اتخذ هالسياسة عشان يبعد عن خواته كل ذكرى ..
كانت ديمه تتعذب ..مب كافي العنود الحين بتتزوج وماتكلمهم الا باذن ابوها ..والحين بنات عمها ماشافتهم من كانوا في بيت جدها ..كان حاسه بكآبه خصوصا انها خلصت دراسه وماتطلع مكان ..وحمد ومبارك سافروا صلاله من اسبوعين ..مافي الا ابوها وامها .وتعبت من مقابل صديقات امها وقرايب امها ..فكانت تم في غرفتها طول الوقت عالنت او تطالع التلفزيون ...
العنوج كانت تحاتي احمد ليش مااتصل فيها ؟..امها اتصلت مرة وحده تقول لها انها بتسافر لندن مع عامر وعبير وانها مابتحضر العرس..انقهرت ومالقت حد تتصل له الا احمد ..لكنها لما سمعت صوته صكرت في وجهه التلفون بتكون جليله اصل ان شكت له امها !..بتطيح من عينه ..اتصلت بسالم اللي اكد انه بيجي ويحضر ..كان عرسها في نهاية هالاسبوع ..
كان شهر كئيب ..راشد كان يفتقد ديمه ..وكان مستغرب من مشاعره ..لكنه كل مايشوف نوف ..ينسى مشاعره ويحس بأنانيته..
ــ بم تفكر؟؟
كانت نوف تسأله وهي مبتسمه وكل همها انها تحسسهم انها مب مضايقة ..
ردت خديجه ـ بمن بعد ...بحبيبه القلب....
المها ـ فديتــــــها ديوووم والله تولهت عليـــهااا ..
انحرج راشد نزل راسه طالعت لهم نوف وهي مبطله حلجها على كبر ــ حلفووووووااااا!!.
راشد ـ سكروا الموضوع ..
وقام يبي يقوم واجتمعوا الخوات ــ ايه والله ديمه ...طيحته ..
نوف ـ الحماره عايشه معاها ولاخبرتني ولا مره ..
المها ـ هي نفسها تكابر بس شوفي ويهها لي قرب راشد منها ..اوووف فيلم هندي ..
كان راشد واقف بره يسمعهم .ابتسم على الكلام اللي يقولونه ..وده يفرحهم ..بس مب وقته ابدا ..هل ديمه تحبه ؟؟ مايدري..
ابتعد وراح غرفته ..
______________

حس بالشتات اكثر واحد ..صالح..كان متعود عليهم على قلب واحد ..الحين كل بيت يدخله يتجنب يتكلم عن البيت الثاني ..يوم الجمعه الصبح يجي راشد وخواته وبعد صلاة الجمعه يجي اخوه عبدالرحيم ..العنود تكابر وماتقوله بمعاناتها ...اذا هو انقهر من سفر طيبه ..شلون بالفقيرة العنود...تنهد مقهور على حال هالمجانين ..
كان جاسم يراقب صالح وهو ماسك بجواله يفكر ..كان يطالع للاسم اللي حفظه في جواله ,,,**ظبي سيلين **.. ابتسم .. كتب الرسالة
بين رمـــال سيلين وبحرهـا ......سرق قلبي ومن العين نظرها

ظبي ملك روحي وأسرها ....... ملك قلبي وغدى للروح عطرها

كان بيحفظه ..بالغلط طرشه .. لـظبي سيلين .. غمض عيونه ندم .. حط الجوال في جيبه .. طالع صالح خجلان من نفسه ..

على الطرف الثاني .. كانت المها مب مصدقة عيونها ... المسج واضح وضوح الشمس .. مسحته بسرعه .. قررت تستعيذ من الشيطان .. مستحيل .. لازم تقول لعمها عن صدبقه ..لكن في شي يمنعها ..قالت لعمرها بهمس ((لا يالمها .. لاتحبين ..عاهدت قلبج مايحب .. لاتخونين العهد ..وقفيه عند حده قبل لا يهددج بأشياء ثانية .. لازم تقولين لعمج ...لان راشد متهور لكن صالح .. يقدر يتصرف .. صج بيخسر صديقه وخويه .. لكن احسن من انه يخسر بنت اخوه .. وشرفه على يد واحد مايعرف الله .. ))