كاتب الموضوع :
احاسيس طفله
المنتدى :
الارشيف
اول شي السلام عليكم ورحمة الله وبركاته
..
تذكار ولا احاسيس طفله
المهم اني لقيتج واخيــرا ..!!
عاد ببدي من اول ما تعرفت على هالروايه
كان هالشي قبل سنه
كنت << منو قال انه مستعد يسمع قصة حياتج ..ظ
لا هي مو قصة حياتي كامله انما جزء بسيط والله يعينج تحمليه عاد ^_^
هع هع
احم
كنت ادور على رواية تعجبني وتشدني ولاني زهقت من الروايات الي تعودنا عليها
والروايات العالميه
قلت بغير وارجع للخليجي
وانا ادور لقيت روايتج
حسيت بالبدايه بنت وتعاند وقويه .. شخصيه ما تناسب ذوقي
خاصة اول مشهد وهي تصارخ ومدري كيف
قلت اطلع بسرعه
بس بعدين قررت اشوف البدايه
ما حسيت على حالي وانا قاريه اكثر من جزء
وداخله جوو يقوووه مع الروايه
صرت اقراها ليل مع نهار على بالي مكتمله ومستعجله اشوف النهايه
بعدين اجتني الصدمه انج غايبه ومافي تكمله
حسيت انو نفسي ابكي
ما عليه قلت انتظر
انتظرت رجعتي بعد كم شهرلا وكان الشهر الاول من هالسنه على ما اذكر
قريت الجزء ومتحمسه حيل
بس كمان الفرحه ما تمت وغبتي
رحت سجلت بالمنتدى الي انتي فيه
اطالبج مثل الباقين بالتكمله
وما احس الا ردي انحذف لانه من الردود المخالفه لاني استعجلج ^_^
وبعدها بفتره انقفلت الروايه
تخيلي وقتها شو صار فيني
والحماس واصل حده
صرت كل فتره ادخل اشوف عل وعسى فتحو الروايه وانج بتكملينها
بس مافي فايده ما لقيت شي
ومرت الشهور << شعندها الاخت
لا راح اسولف قصتي كلها لحتى أأثر فيج
ما عليه
بعدها رجعت وعملت بحث وكمان مافي فايده الروايه مقفله
وانا على نار
وبعدها سافرت شهرين مدري اكثر
قلت اكيد لما ارجع حيكون فيه تكمله
^_^
ورجعت وانا فرحانه
بس كمان نمافي شي
لاني كنت اروح على طول على اول رابط بالبحث
وكان رابط الروايه الي انقفلت
وما الاقيهم فتحوها
بس كمت ادخل واشوفج متواجده يعني بالبروفايل
ققلت اشوف مواضيعج ومشاركاتج لاني شفتهم مخلين رسائل زوار
ويشكرونج على البارت الجديد
وانا ما اشوف شي
وكانت الرسايل بأوقات قريبه
المهم وانا ادور على مواضيعج
طلب مني المنتدى تسجيل دخول ولا ما ادخل هالصفحه
انا كنت اساسا مسجله عشان روايتج ولقيت نكي ماخوذ هع
بما انو احباب الروح هو نكي المفضل
ما عليه اضفت عليه نقاط وحركات
المهم مو هذا موضوعنا
لما طلب مني المنتدى ادخل
حاول .. وحاولت .. وحاولت
بس مافي فايده
متت قهرررر
شكلي مو مكتوبلي اكمل الروايه
طلبت كلمة مرور حديده
وما نفع لانهم ما راسلوني
المهم بحثت عن الروايه ولقيت وحده يجزاها خير ناقلتها
وفيها الاجزاء الي كملتيها
بس بعد رحت شاركت من جديد بالمنتدى الي انتي فيه والي هو نفسه عذبني بالبدايه
لقيت الناس يتكلمون عن موت عبد العزيز
وانا مافي شي واصلني من هالاخبار
معناها في جزء ضايع
دورته هناك وما لقيت من الزحمه
رجعت ابحث ولا الاقيج مسجله هنا عندنا والجزء الي ما كنت قاريته لقيته
بس كمان يا فرحه ما تمت ..!!
بنفس اليوم الي لقيت روايتج وسهرت الليالي وانا اكمللها
لقيتهم قفلوها هناك لانج غايبه
تخيلي شلون تحطمت :(
فأجيت هنا اشكيلج الحال
^_^ يمكن تحنين علي وتكملينها
البارحه اقول لأختي نيالها هالكاتبه على وجود قارئه مثلي لها
على قد ما احب روايتج
وطبعا احبج ^_^ << ما استاهل لي جزء ع الاقل هع هع
..
تعليقاتي على الروايه << الله يعينج احاسيس على هالعله
^_*
احم
بالبدايه قلت لج تضايقت من تصرفات رغد واخلاقها
وحتى لو كانو غلطانين او قاسين معاهم
فموقفها كان غاط
ما كان لازم تحط ابوها بهالموقف مع اخوانه
وهالاحراجات
عبد العزيز حبيت انه بالبدايه قال البنت لأبن عمها
بس متت قهررر لما عرفت انه متزوج
لا ويموت على زوجته ثقيلة الدم ساره
مع الايام حبيت رغد
وفرحت كثير بجيت طلال
وحيكون البطل
وما حبيت عبدالعزيز
وفكرت بالنهايه حيطلقها قبل العرس
وترجع لحبيبها الاول من دون مشاكل
ومن دون ما يكون لها ماضي او زواج غيره
و عبدالعزيز فكرت حيكون مع زوجته سعيد وبحالهم
بس اكثر شي ضايقني زواجهم
رغد وعبدالعزيز يعني
ما كنت متوقعه وحلو انج تدخلينا يجو غير الي متوقعينه
بس هالزواج انا ما حبيته ابد ^_*
يعني لو تزوجت طلال وفرحت قلبي
بس بعدنا ما خلصنا وراح نشوف ..
طبعا راح ترجع له موو ..؟؟
بس كمان مو حلوه ترجع له ارملعه بعد ما كان يقدر يكون اول شخص بحياتها
وبالاخص سالفة الحمل قاهرتني
وياريت لو تنزله
رغم انه محد راح يرضى لانه من ريحة الغالي
بكيتيني الليله عن اسبوع << اطول فتره هع
صح ما كنت احب عبد العزيز الا اني ما كنت اتمنى موته
وحزنت كثير عليه
رغم اني ما كنت متوقعته
فكرتهم حيعيشون كل واحد مع حبيبه بسعاده
ساره تلفت اعصابي
ما احبها تقهرررررني
مع انها مسكينة وهي زوجته الاولى
بس ما قدرت اتحملها
وبالاخص لما يوقفو معاها ضد رغد
ما عليه الرجال مات
وما اتصور تقوم هي من الغيبوبه
حنان وتركي
لا تخرب حياتها بحبها القديم
لان تركي افضل من ماجد بكثيييير
حبيت قصة دانيه وفهد
هم المفضلين عندي
وزين ان طلعت علاقته برنيم بالحلال
هدى ومروان عصافير حب
^^
..
ما راح اكمل لاني تعبت حيل ^_^
<< واخيرا بتفتكون من هالرد هع
لا تفرحين احاسيس لاني ما صدقت لقيتج لي رجعه طبعا
بس بالنهايه حبيت اقول لج
احلا شي بكتابتج
انج لما تكتبين عن موضوع ما
تكونين فاهمته وعارفه كيف توصلينه
وكمان احلا شي << كلهم احلا شي ..؟
لا والله جد الحلو كثير انج خليتي فرق بين كل شخصيه والثانيه
يعني ما قلتي قويه ولا قلتي دلوعه ولا مدري ايش
وتلاقين ردود افعلهم نفس الشي
او قراراتهم وحه
لا كنتي تكتبين من وجهة نظر كل شخصيه
وقرارات الشخضيات وردود افعالهم مختلفه باختلاف الشخصيه
وبعد عجبني كثير انج وفيه لكل شخصيات روايتج
يعني لما تكتبين عن شخص
ما نشوفه من وجهة نظر احد بالروايه
وما نفمه
لا .. خليتينا نعرف كل واحد واسبابه وتصرفاته
لانج دخلتينا بكل شخصيه
يعني حتى رنيم
خليتينا نشوف وجهة نظرها وكيف هي تفكر
مو كيف انتي تفكري بشخص مثلها
مثل ما يسون بعض كاتبات
وانا جبت رنيم على سبيل المثال
الا انج كل شخصيه عملتي نفس هالشي المميز معها
ارفع القبعه لهالقلم الي اسرني وشدني
ولهاكاتبه الي اتمنى من كل قلبي انها تكمل وما تخلي شي يأثر على روايتها
مثل التأخير
او التراجع عن هالمستوى
فعلا قلم محترم
ولي عوده للتعليق على الاحداثو الشخصيات
هذا ردي المختصر ^_^
وما خفي كان اعظم هع
..
كل الحب
:)
وياريت لو تكملي او تتواجدي على الاقل
واذا في ضروف مانعتج عن التكمله ياريت تخبرينا
والله ييسر امورج
..
اعذريني على الاطاله لكن هالشي من حبي للروايه ^_*
ويعطيج الف عافيه حبيبتي
..
|
23-11-10, 03:20 AM
جديد مواضيع قسم الارشيف
العرض العادي
