بنون انا واختي دائما تجينا صاغه من مكه ولا المدينه اذا احد سافر يجيب لنا دمى بنات عاد انا مخوفيني منها الى عمر الروضه تقريبا 5 سنين ما تدرين انا اقوم البيت ومااقعده اذا شفت دميه حتى اني كان عندي موعد للمستشفى حق عيوني في الدمام ورحت بيت عمتي ماارضى العب معاهم ولا حتى اشوفهم بس الحمد لله الحين مااخاف من شيء الا صورة الثعابين والحيايه مااحب اشوفها بس غيره الحمد لله مااخاف ولا حتى اصرخ
ولا احب احد يصارخ عندي لا شاف حشره ولا عصفور اقولهم تروعون الواحد يفكر ان فيهم شيء وهي بس حشره
يلا بنات قولوا لنا مواقفكم وانتوا صغار

اذكر اني عنيده وانا صغيره في ابتدائي الصف الثالث كنت اروح بيت جيراننا لان امهم ربة منزل مع بنتهم اللي كبري
لانه امي معلمه وتروح الدوام ماتجي الا بعدي انا اطلع 11 هي يمكن 12وحده كذا المهم يوم من الايام تهاوشت ( تشاجرت) مع بنت جيراننا ومارضيت اروح بيتهم ضليت على باب بيتنا في عز الظهر والشمس حاميه لانه في عز الصيف ما جات امي الا وانا جايتني ضربة شمس وصخونه وحاله ومرضت يمكن ثلاث ايام اذا مو اكثر وانا تعبانه بسبب العناد

لما كنت صغيرة كنت عفريتة جدا كانت امي الله يرحمها ويسكنه فسيح جناته يومية الصبح
تسويلي ضفاير ومن اوصل المدرسة افتحهم وارجع للبيت شعري مفتوح وشكله لا ما اوصفه لكم احسن عشان ما تنصدموا
ههههههههههههههههههههههه ايام ما تنسي