كاتب الموضوع :
حفيدة الألباني
المنتدى :
التهنئة والاهداءات
يافرسان العلا جينا وجبنا حلمنا معنا
وضمينا من الفرحه أيادينا بأيادينا
يا صرح الخير حبك غير ونبعك علم ينفعنا
يا بنت الغيم ونفح الديم وطيبك دوم يغرينا
تخرجنا تخرجنا وخل الكون يسمعنا
وصافحنا مدامعنا على سكة أمانينا
رحلنا للسماء والحلم فوق الحلم يرفعنا
وشكلنا من الغيمه على الغيمه أسامينا
تهجينا مسافات العيون إلي تتابعنا
وتابعنا فرح كل العيون إلي تهجينا
زرعنا الحلم في أرض المعالي قبل يزرعنا
جنينا الفرح قبل الحزن لا يقبل ويآتينا
تداعب بسمة الورده نداها بين أصابعنا
ولا أدري كيف حنا ورد ونحضن ورد في أيدينا
فرحنا والمكان إلي جمعنا أبتهج معنا
رفعنا رؤوس ترعانا وشرفنا اهالينا
تفاخر يا السحاب إلي تحت ضلك تجمعنا
تشرف يا الطريق إلي مشت فوقك خطاوينا
كما الفرسان شف حنا على القمه تدافعنا
وهـ القمة لنا ما دام هـ الفرسان تحوينا
وإذا لمس القمم طمعه تشرفنا مطامعنا
واذا كان الأمل غلطه بنفخر لا تمادينا
وهذي باقة من حب للي وقفوا معنا
تحسبونا تناسينا وربي ما تناسينا
عصافير وغلاكم عش في عرشه تربعنا
تعابير وفاكم رش عطره في معانينا
عزانا يوم نبكيكم وصوركم في مدامعنا
عزاكم لا بكيتونا طيوف في كراسينا
نبي نسمع بدال كلمة توادعنا توادعنا
تلاقينا عسى ربي يبارك في تلاقينا
عسى ربي مثل ماهو في صرح الخير جامعنا
على درب اللقاء يجمع بقايا حلمنا فينا
للإستماع
|
24-06-10, 02:32 PM
تخرجنا تخرجنا وخل الكون يسمعنا
جديد مواضيع قسم التهنئة والاهداءات
العرض العادي
