المنتدى :
الشعر والشعراء
ودي بــــك وابــيــك وابــــاك وابـغـــاك
ودي بــــك وابــيــك وابــــاك وابـغـــاك
جـمّـعـتـهـا لــرضــاك واخــتـــار فيــهـا
شف ويش منها يتبع احكـاك ورضـــاك
واللي لك اسقـي مسمعـك لاضميهـا
غـديت (افر)احكـاي واسـايــر احــكـاك
وانـــا تـشّــرف لكنــتـي واهــتــويـهــا
مضـمونهـا ودي بشـوفـتـك واهــــواك
ياللـي دروب اهـل الــردى مـا تجــيهـا
صــانـك ولـــي امــرك وحـبــك وداراك
ولاقـــــدر ردع الحـــظــوظ ومــجيــهـا
نفســـك مــهذبـهـا وعــز الله ربّــــاك
مايــــدري ان جيـش الهيــام يغزيـهـا
الله قـسم يبــلاك بـي وانـــت يبــلاك
باللـي سواتـي فـي العـرب يرتجيهـا
محبة (ن ) ذربه من القلـب تكـسـاك
محبـة (ن) صــدق الهـوى يكتسيهـا
يامــرك قلبــك بالوفــا لــي وتنهــاك
نـــاس (ن) على لامـاك تفـرك يديهـا
رزين عـقـل ومـن مــزايــا مــزايــــاك
نفســك تحـب وعـفـتـك تمـتطـيـهـا
تطـيع عقـل (ن) ما بعـد زل واغــواك
مشاعـرك تعـصـاه ..وانــت تعصيهـا
ماشفـت منـك الا عيونــك ويـمنـــاك
محبــة (ن) راع الــردى مـــا يـبـيـهـا
يـقبــض فـوادي لا تـخيـلــت فـرقـاك
ياشــف عيـن(ن) مـا ـسـواك يعنيهـا
وياعزوة اخوانــك ومطلــب هـــذولاك
ناس (ن) محبــة والـــدك تـــدعيــهـا
ناس (ن) تخـدم ابيـك كـلـه لعينـــاك
وهـو يحسـب ان الله عـليـه يـهديهـا
ياجعلها تفدى علـى الارض مــاطـاك
والله بــمــن هـــو مــثلـهـا يبـتليـهـا
لكـن لعــب فــي يــاوليـفـي تـغّــلاك
و نفسي غلاك مـن الصـدود يحديهـا
تبطـي علـي وانــــــا هنــا واتحــراك
و كبـدي لواهيـب الصــبـر تشتويــهـا
واجمّع علـومك امــن هنــاك وهـنــاك
وو الله لـو انهـا تــشـرى لا اشتـريهــا
وعذرك (انا لاهي) يا ويش اللي الهاك
لااهــي ومر(ن)منــت لاهـي تـليــهـا
كانك مشـكك في الوفا والغـلا هـااك
جـوالـي اقــر القــائمــه كـــل ابيــهـا
رقمك مع (الصادر) ولا (وارد ) اسواك
والناس في اللي ( لـم يـرد عليهـا ).
وايـــاك وايـانـــــي...وايــانـي ايـــاك
ومن غيبة (ن) مـن دون عذر يحميهـا
|
09-06-10, 05:06 PM
جديد مواضيع قسم الشعر والشعراء
العرض العادي
