" عُيونك:
لا تُشوفْ أحزَان هَالدنيا ,
وَ أنَا عَايش !
قَسَم بالله ..
لَوْ ضَاقَتْ عليك الأرضْ ....
- ما أبيها

وش فيني .؟
وش هو باقي من{الضياع} .. ماهو فيني !
لا فرحي ادري وينه
ولا ضيقي خلص أنينه
ولا ادري من هو له حنيني .؟
،،
وش فيني .؟
كل شي فيني أبيه ..{مايبيني} !
مل مني ومن ضياعي
مل من ضيق اتساعي
مل من خوفي ورجفة يديني :|
،،
وش فيني.؟
كل مافيني {فراغ}
...احس فيني وماني فيني
زي الورق لأحترق
زي الطفل لاشهق
زي "الحكي" اللي مت ومات فيني !

,,
وش فيني .؟
ياسؤال سألته حرك لي{أنيني}
زحمة مشاعرموجعه
قلبي حي ونبضه مومعه
عرفت اللحين .. وش فيني .؟!

اليوم دخلت على منتدى دايما ازوره بس مافكّرت اسجّل فيه عشان كثير من قرايبينا مشاركين فيه
دخلته لأن ريم قالت لي روحي شوفي وش قاعدين يسبّون فيه..رحت طيران
أنصدمــــــــــــت
ضاقت بهم الوسيعه ومالقوا في نجران بكبرها إلاّ هو يطيحون فيه سب
انقهرت منهم..هذي ماهي سلوم رجاجيل>>فيس يدلّع لسانه لهم
وربي تمنيت اني مشاركه عشان اكوفنهم بس طلع الموضوع مغلق من يومين :)
قفّلته ورحت اكلمه وقال لي:ماعليش منهم ..لاترمى الا الشجره المثمره>>فديت الواثق ياناااس
قلت له بغيت اسجّل واطخرهم...قال والله ماكان امسيتي الا في قبرش ^^~؟!

يوم الجمعه الفجر زواج الامير ويليام من كيت ميدلتون
جاتني بطاقتين دعوه من الامير تشارلز بس انا رفضت
لأن مافيني حيل اتكشّخ للعرس =)
والسب الثاني لأني خايفه اغلب كيت ميدلتون بالشياكه والجمال >>فيس التواضع
وفي النهايه قررت اتابع الحفل مع امّي على التلفزيون..بس مدري على اي قناة بينعرض الحفل =\