يفنى الزمان وأنا منك ما مليت ,,,,,,
ان سمعت اني عنك تخليت فأكيد اني توفيت .....

ساااااره

اليوم بحكيلكم عن عم ابوي وجدتي

مرّه راح ابوي وجدتي>>امّه

وعم ابوي>>انا اسمّيه جدي

المهم راحوا لألمانيايعالجون جدتي

ومايعرفون يتكلمون انجليزي ولا الماني بس جدي معه كلمه وحده انجليزيه>>بقولكم ياها مع القصه
مرّه ركبوا الاسنسير وكانت معاهم وحده المانيه..فـ جدي >>شوفوني حافظ كلمه انجليزيه
قال لها:I love u

وجلست تضحك من ذا إلّي يحبها وهو مايعرفها..الوالد يسكّت فيه ومافيه فايده

الكلمه مافارقت لسانه إلين قالت له :Thank u
-----------------
ومرّه وهم يمشون في شارع لقوا رجال يبيع خبز
فقالوا خلونا ناخذ خبز..فراح جدي للرجال
حزروا وش قال له



قال :ياصديـــــق>>مفكرهم هنود في السعوديه هخهخ

وجلس يأشر للخبز

بس امّا صديق فظيييييعه...الله يحفظه

-----------
وبالنسبه لجدتي ماعمرها لبست بنطلون..وارغموها عيالها تلبس بنطلون

واشتروا لها بنطلون وسيـــــع مرّه .. ايش سوّت فيـــــه
7
7
7
7
7
دخّلت رجلينها الثنتين في بنطلون واحد..فاهمين كيف؟

وخلت الثاني يلوّح وراها وطلعت لهم..

قال الوالد إنّه ما انتبه إلاّ وهم في الشارع .. قال مادريت وش ذا القماش الطويل إلّي يسحب وراها
-----------
بالنسبه للوالد قال انها من احلى سفراته

والله كل ماذكرت السالفه ضحكت

علماً:أن القصه صار لها اكثر من عشرين سنه>>قبل ما انولد

وبثثثثثثث

البارحه توفّى خال عمّتي>>اخت الوالد على ابوه

وهي كانت عندي في البيت ومافي احد عندنا وماكانت تعرف

وكلمتني بنت خالتها وقالت:خالي توفّى وابيك تقوليلها وتخلون حد يجيبها عند امها..

طبعا انا توترت كيف اقولها>>ما احب المواقف إلّي مثل هذي وما عندي احد يقولها كلهم طالعين..

فخطرت في بالي فكره..

رحت لها وقلت عمتي فلانه كلمت عـ الجوال وقالت إنك تجين الحين تبيك..>>لو شفتوني ذيك اللحظه قاعده ارجف

يوم طلعت من البيت..طوّالي كلمت عمتي الكبيره وخبّرتها و وصيتها تخبرها..وقفلت منها ورجعت اكلم الوالد في جده وقلت له يكلّم احد يودّيها لخوالها..

الله يرحمه ويدخله فسيح جناته..

بس انا صراحه ما احب انقل خبر سيء..

حاسّه اليوم كئييييييب مادري ليــــه؟

مارقدت إلاّ بعد صلاة الظهر وصحيت المغرب>>كنت انتظر الوالد جاي من السفر

..بس كان خاطري ارقد في الليل ساعتين ولكن بنت خالتي ريم جاتني في البيت واصرّت نروح لـ بنات خالتي الثانيين..رحنا لهم وجلسنا نتكلم في الحوش وبعدين سوينا لفّه عـ الحاره..
كانوا لابسين عبايات إلاّ انا لابسه شيله بس..وتورطت كل شوي سياره تيجي..بس احسن شي إن حارتنا امان يعني مايدخل فيها إلاّ العيله الكبيره وكل واحد يعرف الثاني..حتى الحريم اكثرهم يمشون بدون عبايات>>فديت حارتنا واهلها
بس كان الجو اليوم غباااااااار
ولمّن صارت الساعه 11 وديت ريم لـ بيتهم وانا رحت طوّالي و تحمّمت
وسييييده على مخدتي ودقيتها نوووومه من 12ألى 3الفجر
وعلى طوووول فتحت ليلاس..وجلست اكتب
------------------------
كلما شفت برّا من الدريشه يجيني احباط على الجو المليان غبره
----------------------
ساااااره