** البارت الثامن **

ابو جاسم : ميخالف قومي معاهم احسن
( قامت ام جاسم معاهم ودتهم غرفهم وروان حست بضيق لأن هذا اول يوم وجذي عاملتهم الله يستر من الياي )
ام جاسم : هذي غرفة مشاري
مشاري : خيريه حطي جنطتي اهني
ام جاسم : ( اطلعت ودشت الغرفه يمها الحقوها البنات ) وهذي غرفتكم انتي ومنال .. ( خلتهم وانزلت تحت )
- روان دشت غرفتها اهي و منال وخيريه يت وراهم شايله جنطة ملابسهم .. الغرفه كان فيها سرير واحد بس كبير -
منال : ( اتطالع روان ) ابي سرير بروحي
روان : ( تبتسم لها ) بقول حق عمي واذا تبين غرفتج كلها اييبها اهني هم راح اقوله
منال : لا .. غرفتي لا تجيسونها لأن راح نرجع اهناك على يوم
روان : ( اتطالع اختها ومنصدمه من ردها اتحس انها وايد اكبر من عمرها ) خلاص انييب لج سرير واحطه بهالزاويه .. اوكي؟؟
منال : اوكي
روان : زين الكبت مشترك بينا عادي ؟
منال : اي عادي
روان : خيريه عفيه دخلي ملابسنا بالكبت .. ملابس البيت سفطيهم وملابس الطلعه تتعلق
خيريه : اوكي
روان : انا بروح ارتب ملابس مشاري
- راحت حق مشاري دشت عليه لقته مبطل جنطته ويطلع الملابس –
روان : شتسوي؟؟ خلهم عنك انا ارتبهم بالكبت
مشاري : لا بس بشوف خيريه حطت بنطلوني الجيشي ولا نسيناه ؟
روان : عادي اذا موموجود انييبه يوم ثاني
مشاري : ( رفع راسه وطالعها واهو معصب ) لا .. ابيه الحين هذا كان آخر شي ابوي شراه لي
روان : ( حست بنغزه قويه بقلبها ) حبيبي خلاص اقعد عالسرير وخلني ادوره لو مالقيناه باجر من الصبح اروح اييبه لك
مشاري : زين ( قام قعد عالسرير )
روان : ( قاعده اتدور بالجنطه وقلبها معورها من اللي قاله ) لقييته مو هذا اهو؟؟؟
مشاري : ( نزل من السرير وخذاه منها واهو مستانس ) ايي هذا
روان : خلاص خله اهني وروح حق منال انا بحط ملابسك بالكبت
مشاري : خليه فوق عشان بلبسه اذا طلعنا
روان : زين روح الحين
( طلع مشاري من الغرفه وتمت روان ترتب الملابس وتتذكر امها وابوها وعينها مليانه دموع )

يا حلو الايام لو ترجع على كيفـــــــي
ما كان قلبي شكى فرقا مواليفـــــــــه
كانوا بقربي ولا يحتاجون تكليفـــــــــي
واليوم راحوا ودمعي صعب توقيفــــه
من عقب الاحباب مكسورة مجاديفــي
غرقان والموج يلعب بي على كيفــــه

( واهي ترتب الملابس دش مشاري عليها جان تمسح دموعها قبل لا يشوفها )
مشاري : روان ماخلصتي ؟؟ منال نامت وآنا نعست ابي انام
روان : زين نام شوي وانا بروح حق فروس
مشاري : اوكي
روان : لا تجيس شي بعدين خيريه تكمل اللي بقى .. واذا قمت قول حق منول تدرس وانا اذا ييت اشوف شنو عندك واجبات اوكي؟
مشاري : اوكي
- اطلعت لقت خيريه بويهها –
روان : منول نايمه ؟
خيريه : اي نامت وانا خلاص سويت ملابس كله
روان : زين انا بروح المستشفى حق فروس انتي كملي سوي ملابس مشاري و لا تخلين اليهال ينامون وايد .. قعديهم قبل أذان المغرب
خيريه : ساعه 5 زين؟
روان : اي زين
- راحت غرفتها البست جينز وبلوزه وسوت شعرها عنقوص وخذت جنطتها .. انزلت تحت لقت جاسم وام جاسم –
روان : ( شافت جاسم ارتبكت تذكرت كلام عمها ) السلام .. اشلونك جاسم
جاسم : هلا والله روان اشلونج انتي؟ واشلون اخوانج ؟
روان : الحمدلله .. واخواني بخير واهم نايمين الحين
ام جاسم : شكلج طالعه؟؟
روان : اي بروح اشوف فراس
جاسم : اي انا وابوي مرينا عليه الصبح الله يقومه بالسلامه
روان : تسلم مشكور .. يللا عن اذنكم ( اطلعت )
ام جاسم : ابوك لو شافها طالعه بهالشكل جان تضايق حيل مسكين وايد تعبان بسبة هالبنت
جاسم : يمه ميخالف تره توه متوفين اهلها خل يصبر عليها مايصير بيوم وليله يبي يغير كل شي تعودت عليه
ام جاسم : بس اهي تعودت عالغلط واهلها كانو سامحين لها بهالشي بس احنى مانرضى بالغلط
جاسم : انا ماقلت شي بس عالأقل عطوهم وقت ينسون.. بعدين خل يكلمها بهالمواضيع على راحته
ام جاسم : اوووه عطوهم وقت وعطوهم وقت مادري ليمتى بنصبر عليهم ( وتمت تتحلطم )
جاسم : استغفرالله .. انا قايم انام
ام جاسم : اي روح انت بعد وخلني بروحي .. هذا اللي فالح فيه
---
- بالسياره روان دقت على فجر –
روان : انتي كل ما ادق عليج نايمه ؟؟
فجر : يعني انتي اتدقين العصر طبيعي الناس نايمه وبعدين انا اداوم وارد تعبانه مو مثلج بطاله
روان : ( تضايقت من كلمتها ) انجبرت عالبطاله .. ويللا أخليج كملي نومتج
فجر : روان والله ماقصدت شي لاتزعلين تره والله انا نايمه ومخرفه
روان : لا عادي حبيبتي ماقلتي شي .. مع السلامه
فجر : اكيد مازعلتي؟؟
روان : اي اكيد
فجر : زين اشوه .. يللا عيل مع السلامه
روان : باي
واهي عند الاشاره دزت حق بدر مسج اكتب فيه :
" انا رايحه اشوف فراس دعواتك لي .. وان شاءالله يكون الامتحان سهل موفق يارب "
- اول مادزته الا اللي وراها يطق هرن حيييل عشان تمشي –
روان : اشدعوه عليك راح تموت .. ماصارلها ثانيه شبت خضره
- بعد شوي وصلها مسج من بدر مكتوب فيه -
" nothing is IMPOSSIBLE ..cuz impossible it self says I 'M POSSIBLE "
// ماقدر اترجمه لأن معناه احلى واهو انجليزي .. بس حق اللي مايعرف انجليزي معناه باختصار ( ماكو شي مستحيل ) //
روان : ( قرت المسج وابتسمت ) الله يحفظك لي
- اوصلت المستشفى وانزلت راحت حق فراس تمت مده واقفه اتطالعه وقلبها معورها وتدعيله –
الدكتور : اشلونج اخت روان
روان : ( فزت لأن ما كانت تدري ان واقف وراها ) بسم الله
الدكتور : آسف ماكنت قاصد اخرعج
روان : لا عادي بس انا كنت سرحانه ومانتبهت
الدكتور : الله يلوم اللي يلومج .. لا تخافين على فراس اهو ياهل والأطفال احباب الله .. وان شاءالله يرجع لكم وتشوفينه يراكض جدامج
روان : آمين يارب .. مشكور دكتور والله كلامك ريحني
الدكتور : ( يبتسم ) والله اني كل يوم امر عليه اول واحد واشوف اذا صار بحالته تغيير او لأ
- الدكتور طويل و تقريبا بآخر الثلاثينات شعره كثيف اسود –
روان : ( انحرجت من نظراته ) تسلم يعطيك العافيه
الدكتور : الله يعافيج ماسوينا الا الواجب .. تبين قهوه شي ؟
روان : ( ارتبكت ) لا لا مابي شي مشكور
الدكتور : ( يطالعها ويبتسم ) زين عيل انا اخليج اشوفج باجر ان شاءالله
روان : مع السلامه
( أول ما راح الدكتور روان بسرعه طلعت تلفونها ودزت حق بدر هالمسج )
" بدر تره الدكتور يطالعني بنظرات غريبه وقالي تبين قهوه ؟ ان بعض الظن اثم بس انا مارتحت حق نظراته "
- اول مادزته تحسفت -
روان : ( بقلبها ) ياربي الحين اكدر خاطره عالفاضي .. زين ماقدرت انطر لين يشبك عالاقل؟؟
- شوي رن تلفونها وكان بدر روان انصدمت لأن داق بالعاده يدز مسج .. راحت الممر ودرت عليه –
روان : الو
بدر : ( معصب ) وينج الحين ؟
روان : بالمستشفى
بدر : ووين الدكتور الزفـ..
روان : والله راح وماصار شي اشفيك معصب
بدر : روان لاتعطينه ويه زين؟؟ وان تمادى معاج قوليلي موتسكتين و بالعطله اذا ييت ادشله المستشفى وربي اكسره
روان : زين خلاص بدر ماصار شي
بدر : يللا اذا خلصتي وشفتي فراس طلعي ماله داعي تقعدين بروحج
روان : اوكي الحين امشي
بدر : زين يللا باي
روان : باي ( تمت مده اتطالع الشاشه مصدومه )
روان : ( بقلبها ) اشهالمسج اللي دزيته؟؟ اهو أي شي ينقال ؟؟ والله ساعات احس اني سخيفه
- اطلعت من المستشفى جان اتدق عليها فجر –
روان : الو
فجر : روان حبي تعالييلي
روان : لا ماقدر بروح ادرس اليهال
فجر : اخاف زعلانه وماتبين اتيين
روان : لا اشدعوه والله ما ازعل منج بس صج بدرسهم
فجر : زين قعدي عندي شوووي و روحي .. ضايق خلقي والله
روان : زين و آنا اقدر على حنتج؟
فجر : ( تظحك ) لا طبعا ماتقدرين .. يللا ناطرتج .. باااي
روان : باي
- اوصلت عند بيت خالتها وانزلت –
يعقوب : وين مشاااري ؟؟ ليش مايبتيه معاج ؟
روان : لأن كان راد من المدرسه تعبان ونام
يعقوب : اوووففففففف
ام محمد : يعقوب عيب شنو اوف؟؟
روان : ( تبتسم ) ياهل خليه .. انا بصعد حق فجور
ام محمد : اي حبيبتي روحي
( راحت اصعدت و دشت غرفة فجر )
فجر : ( قامت سلمت عليها ) ولهت عليج والله
روان : انا بعد وتره عندي سوالف اقولها لج
فجر : قعدي بس خل اقولهم اييبون عصير وارجع
روان : لا لا عفيه مابي وماراح اطول قعدي بسولفلج
فجر : زين يللا سولفي ( اقعدت جدامها عالسرير وتربعت )
روان : عمي خطبني حق جاسم
فجر : شنووو؟؟؟!!!
روان : اي امس كلمني بهالموضوع
فجر : وليش انا مادري ؟؟
روان : امس صارت السالفه وكاني قاعده اقولها لج
فجر : لا يعني ليش مادريت امس أول ماصارت
روان : فجر عاد اشفيج لا تطلعين من الموضوع و خليني اكمل
فجر : زين زين كملي واشقلتيله ؟
روان : قلتله مابي جـ..
فجر : ( قاطعتها ) و اشرد عليج؟؟
روان : ( عصبت ) اي خليني اتكلم ماصارت سالفه قطعتيها الف مره
فجر : اي شسوي مو مني والله انصدمت كملي خلاص بسكت
روان : شوفي بكمل واذا قاطعتيني والله اروح زين ؟؟
فجر : زين كملي والله ماراح اتكلم ( حطت ايدها على حلجها )
روان : قلتله مابي جان يقول فكري بالموضوع واحسن لج عشان تكونين يم اخوانج وهم انا اتطمن عليج لأن جاسم طيب وقام يمدح فيه
( فجر حاطه ايد على حلجها وايدها الثانيه ارفعتها جنها تستأذن عشان تتكلم )
روان : فجر عااد وتكلمي والله اني منقهره مالي خلق ملاقتج
فجر : اي اشدراني خفت اتكلم اتقولين قاطعتج .. لا بس يعني جد مافهمت اذا تزوجتي بدر اليهال بيتمون عند عمج ؟
روان : اي هذا اللي فهمته
فجر : زين عادي .. اهو يعني لو مو متوفين اهلج الله يرحمهم وانتي تزوجتي هم كنتي راح تطلعين بيت بروحج
روان : بس في فرق .. اهني بيكونون عند عمي ومرته .. وانا ماقدر اخليهم
فجر : عيل اشبتسوين ؟؟
روان : مادري مابي افكر بشي وبنطر بدر يخلص دراسته بعد 3 سنين والله كريم
فجر : زين قلتي حق بدر هالسالفه ؟
روان : منصجج ؟؟ ماقدر اقول لو شنو .. قلتله عن الدكتور انه يطالعني بنظرات غريبه دق وصرخ علي وحسيته حيل منقهر فاشلون اقوله ان عمي يبيني حق ولده وانا عايشه معاهم بنفس بيت ؟؟
فجر : زين وانتي شكو اتقوليله عن نظرات الدكتور صج لقافه
روان : اي والله اعترف اني ملقوفه بس مادري شاللي خلاني اقوله .. زين فجور والله تأخرت وراي تدريس لازم اروح الحين
فجر : اوكي امشي اوصلج لي الباب
روان : يللا
( راحت و اوصلت بيت عمها )
روان : السلام عليكم
ابو جاسم : وعليكم السلام ورحمة الله وبركاته .. يبه قعدي شوي بكلمج
روان : ( اقعدت ) هلا عمي
ابو جاسم : يبه انا اهني بحسبة ابوج يعني اذا بتروحين مكان عطيني خبر
روان : اي انا قلت حق خالتي اني بروح المستشفى صح خالتي ؟
ام جاسم : اي
ابو جاسم : يعني انتي طول هالوقت عند فراس ؟؟
روان : لا قعدت عند خالتي شوي
ابو جاسم : اي مو لازم تعطيني خبر اول ؟ عالأقل يكون عندي علم اذا لا قدر الله صار شي صح يبه ؟؟
روان : ( تضايقت من كلامه بس ماكانت تبي النقاش يطول ) اي صح
ابو جاسم : وعندي معاج موضوع ثاني واتمنى تتقبلينه وماتتضايقين
( روان اتطالع ام جاسم ماحبت يكلمها واهي جودها )
ابو جاسم : ( فهم نظرة روان ) قومي معاي الصاله الثانيه
ام جاسم : وليش يعني ؟؟
ابو جاسم : ( عطى ام جاسم نظره معناها ميخالف عشان خاطري ) شوي بس ماراح نطول
( راحت معاه روان واقعدت يمه )
ابو جاسم : انا فتحت معاج هالموضوع من قبل والحين بفتحه مره ثانيه .. يبه انتي كبيره ماشاءالله وصرتي عروس والحجاب فرض مو سنـّه وانا والله لأني احبج قاعد اقولج تحجبي .. مايصير أي ريال يشوف شعرج الا محارمج وريلج اذا تزوجتي ان شاءالله
روان : ( ساكته )
ابو جاسم : تدرين كل واحد يشوف شعرج وتعجبينه تاخذين اثمه فوق اثمج ؟؟
روان : ( ساكته وتلعب بأظافرها ماتدري شترد عليه )
ابو جاسم : وهم عشان اختج .. ابيها تشوفج قدوه لها وتقلدج
روان : ان شاءالله راح اتحجب قريب
ابو جاسم : بارك الله فيج ريحتيني
روان : عمي انا الحين لازم اروح ادرس اليهال
ابو جاسم : روحي درسيهم واذا احتجتي شي قوليلي ( يبتسم لها ) تره انا جامعي
روان : مشكور عمي .. عن اذنك ( قامت وخلته اصعدت فوق حق اخوانها )
روان : ( تحاول ماتبين لهم انها متضايقه ) اهليين بالحلويين ها بديتو دراسه ومانطرتوني؟
منال : انتي تأخرتي .. وماعندي شي بس حفظ 10 آيات وحفظتهم و ناطرتج اتسمعينلي
روان : وانت مشاري؟
مشاري : عندي واجب حساب و عربي
روان : وانتو للحين اتسمونه حساب ؟
منال : لا انا اقول رياضيات
روان : ( تبتسم ) اي احسن من حساب
مشاري : زين شالفرق ؟ ليش احسن؟
روان : مادري انا احس حساب كلمة قديمه.. المهم ماعلينا يللا اول خل اسمّع حق منول بعدين ادرسك زين ؟
مشاري : اروح داري ؟؟
روان : لا اقعد اهني لين اخلص منها وادرسك
مشاري : زين
( خلصت درستهم وعقب اقعدت تسولف معاهم )
خيريه : ( دشت عليهم ) روان بابا يقول انتي مشاري منال كله ينزل تحت
منال : انا مالي خلق انزل
روان : ميخالف حبيبتي عشان خاطري امشي نقعد معاهم
منال : شنو اهو غصب ؟
روان : لا ماقلت غصب .. قاعده اقولج عشان خاطري
منال : زين
( انزلو تحت اقعدو مع ام جاسم وابو جاسم )
مشاري : عمي ابي تلفزيون بداري
ابو جاسم : ليش يبه ؟
مشاري : عشان العب بليستيشن .. في بيتنا كان عندي تلفزيون بداري
ابو جاسم : حااضر احطلك تلفزيون بدارك .. وانتي منول تبين شي يبه ؟
منال : اي ابي سرير
ابو جاسم : السرير انا مفكر فيه منزمان ومن باجر بيكون عندج
روان : تسلم علي
ابو جاسم : الله يسلمج .. انتي بعد أي شي محتاجته قولي
روان : لا مابي شي تسلم
- دش جاسم البيت –
جاسم : السلام عليكم
ابو جاسم : هلا يبه وعليكم السلام ورحمة الله
جاسم : ( طالع روان ) اشلونج روان ؟
روان : الحمدلله
جاسم : دوم ان شاءالله .. انا رايح الغرفه عن اذنكم
ام جاسم : لا يمه وين اقعد بعد شوي بنحط العشى
ابو جاسم : لا خليه يروح يرتاح اكيد متعشي
جاسم : ( طالع ابوه ) اي الحمدلله متعشي .. تصبحون على خير
ام جاسم : وانت من اهله يمه .. ( لفت على بوجاسم ) ليش جذي قلت افرض مو ماكل ؟؟ ولا عشان روان اهني ماتبيه يقعد تره ماراح يصير شي كلنا قاعدين .. عاد لا تصير متشدد وايد
ابو جاسم : خلاص نتفاهم بعدين العيال موجودين ماله داعي هالحجي
( رن تلفون ابو جاسم )
ابو جاسم : الو ؟؟ ( قام وقف ) اي اي عرفتك هلا دكتور خير اشصار ؟
روان : ( قلبها قام يرقع وتطالع عمها واهي خايفه )
------------------------------------------------------

** البارت التاسع **

( رن تلفون ابو جاسم )
ابو جاسم : الو ؟؟ ( قام وقف ) اي اي عرفتك هلا دكتور خير اشصار ؟
روان : ( قلبها قام يرقع وتطالع عمها واهي خايفه )
ابو جاسم : اي خلاص مسافة الطريج اكون عندك .. مع السلامه ( سكر التلفون )
روان : ( دموعها معلقه بعينها من الخوف ) ها عمي بشر ؟؟
ابو جاسم : اللي فهمته من كلامه ان فراس صحى
روان : ( انزلت ادموعها واقعدت عالقنفه واهي تظحك ) الحمدلله يارب الف حمد وشكر لك
مشاري : ( يكلم منال ) شفتي قلتلج راح يقوم
منال : ( تبتسم ) اي صح قلتلي
روان : ( تمد ايدها حق اخوانها ) تعالو
( مشاري ومنال اقعدو واحد يمينها وواحد يسارها ولموها )
روان : قولوا الحمدلله
مشاري : الحمدلله بس ليش تبجين تره قام
روان : ادري حبيبي.. ابجي من الوناسه يللا تعشو ونامو انا وعمي رايحين انشوفه
مشاري : لا بننطركم اتييبونه بنشوفه
روان : لا حبيبي مايطلع اليوم باجر بعد المدرسه اخذكم تشوفونه زين؟
منال ومشاري : زين
روان : ( قامت ) تعشوا وناموا .. تصبحون على خير .. يللا عمي
ابو جاسم : ( يطالع ملابسها – جينز وبلوزه – وده يتكلم بس ماحب يخرب وناستها ) توكلنا على الله
- بالطريج كانت تحمد ربها وحدها مستانسه مو عارفه شتسوي –
روان : عمي ؟؟ اهو صج قال ان صحى ؟؟ ولا بس تحرك ؟
ابو جاسم : قالي فراس طلع من غيبوبته .. طبعا بفضل الله سبحانه
روان : الحمدلله يارب
- اوصلوا المستشفى وانزلوا شافوا الدكتور –
الدكتور : ( يبتسم ) الف حمدلله على سلامته
ابو جاسم : الله يسلمك
روان : الله يسلمك يارب.. زين اكيد قام ؟؟
الدكتور : اي اكيد .. أول شي حرك ايده وريله بعدين فتح عينه وبجى ونقلناه غرفه بس طبعا تحت الملاحظه بس تقدرون تشوفونه تعالوا معاي
( راحوا مع الدكتور ودشو الغرفه كان فراس عالسرير يحن – يبجي بس مو حيل - وموصل بيده الدريب )
روان : ( شافته جان تبجي وتروح تبوسه على راسه وعلى ايده ) حيااتي ياقلبي انت.. الف حمد وشكر لك يارب
فراس : ( يبجي ) ماما
روان : ( ماتت من البجي زياده ) الله يرحمها .. انا ماما حبيبي انت
الدكتور : هدي نفسج اخت روان مافيه الا العافيه كلها اسبوع وبيرجع معاكم البيت
ابو جاسم : ( ماعجبه يكون الدكتور موجود وروان تبجي جذي ) مشكور دكتور ماقصرت تقدر تخلينا مع فراس شوي ؟
الدكتور : اي اي اكيد .. عن اذنكم والحمدلله على سلامته
ابو جاسم : الله يسلمك اذنك معاك
- فراس بس يبجي وروان تبوسه وتحاول تسكته –
ابو جاسم : اتوقع مو عارفج .. لأن ماشافج وايد كنتي مشغوله بدراستج وماتيين الا بالسنه مرتين أو ثلاث
روان : اي ادري بس راح يعرفني وماراح اخليه كلش مره ثانيه
ابو جاسم : الحمدلله الله نقذه
روان : الحمدلله
( تمت قاعده عند فراس واهو كل شوي يحن متملل .. وبعد فترة نام واقعدوا عنده لين تأخر الوقت )
ابو جاسم : يللا نمشي ؟
روان : لا بقعد عنده لي باجر
ابو جاسم : لا يبه قومي معاي نرجع البيت
روان : عمي يمكن يقوم ويبجي مايلقى احد يمه ؟
ابو جاسم : في دكاتره وممرضات لا تخافين عليه
روان : بس اهو مو ولدهم واذا قام ماراح يهدون شغلهم ويقعدون عنده .. و يمكن يخلونه يبجي بروحه .. وبعدين اهو ياهل لازم يقعد احد من اهله عنده
ابو جاسم : تعوذي من ابليس وقومي معاي اخوانج اهناك محتاجينج
روان : اخواني نايمين وباجر انت ودهم المدرسه بطريجك .. عمي والله ماقدر اخليه بروحه
ابو جاسم : وانا بعد ماقدر اخليج بروحج اهني
روان : خلاص اقعد معاي انا ماني رايحه
ابو جاسم : ( يتنهد ) يارب صبرك
روان : عمي ماراح اخليه بروحه .. عفيه افهمني وخلني على راحتي
ابو جاسم : خلاص امشي وانا اقول حق جاسم يقعد عنده
روان : لا انا بقعد عنده اليوم
ابو جاسم : خلاص تمي عنده الليله بس باجر اخلي جاسم مكانج زين؟
روان : ( اتطالع فراس واهو نايم ) اوكي
ابو جاسم : لحظه اكلم الدكتور وارجع
- طلع راح حق الدكتور –
ابو جاسم : دكتور عبدالله .. مافي مشاكل اذا احد نام عند فراس عدل ؟
الدكتور : اي اكيد عادي ماكو أي مشاكل بس لازم شخص واحد مو اكثر
ابو جاسم : مشكور يعطيك الف عافيه مع السلامه
- راح حق روان –
ابو جاسم : خلاص انا رايح ديري بالج على نفسج أي شي يصير دقي علي
روان : ان شاءالله
( طلع عمها جان تروح حق الممرضات اللي بره اطلبت منهم مخده وغطى عشان تنام عالقنفه اللي يم سرير فراس .. وردت الغرفه شوي جان اييبون لها اللي اطلبته )
- اقعدت وسندت ظهرها عالمخده وطلعت التلفون دزت حق بدر هالمسج -
" بدر باركلي فراس صحى وانا الحين نايمه عنده ماقدر اشبك مايبت اللاب توب معاي "
- شوي يالها هالرد –
" الف الف حمدلله على سلامته .. بس انتي نايمه بروحج ؟ "
- ردت عليه –
" اي :× "
- رن تلفونها وطبعا بدر –
روان : الو ؟
بدر : تدرين ان هالشي مايرضيني وهم سويتيه ؟؟
روان : ( مقصره صوتها عشان لا يقوم فراس ) شسوي يعني ؟ اهو ياهل يعني اذا قام ومالقى احد يمه..
بدر : شنو مايلقى احد يمه اهو بمستشفى المريخ ؟؟؟ روان لا تيننيني وهذا الزفـ.. موجود ؟؟
روان : مادري بس اتوقع راح
( انطق الباب ودش الدكتور ماغيره صاحبنا الحلو )
الدكتور : قوه روان محتاجه شي ؟
( روان شافته اخترعت وماردت عليه خافت بدر يطلع من التلفون ويطقها )
بدر : منو هذا ؟؟؟
الدكتور : روان ؟؟ سامعتني؟؟
بدر : روان اكلمج منو هذا
روان : ( نزلت السماعه ) هلا دكتور .. لا مشكور مابي شي
الدكتور : اشغلتج عن شي ؟؟
روان : لا بس كنت اتكلم مع بنت خالتي
الدكتور : ( يبتسم ) خلاص عيل اخليج أي شي تحتاجينه تره انا موجود بس سألي عني
روان : ( ودها تبجي لأن بدر عالخط ) تسلم ما احتاج شي ان شاءالله
الدكتور : ان شاءالله تحتاجين شي .. عشان نكسب شوفتج .. مع السلامه
روان : مـ ـع السـلامـ ـه
( راح الدكتور جان تحط السماعه على اذنها لقت بدر يصارخ )
بدر : اقولج عطيني اكلمه ماتسمعين ؟؟
روان : بدر لا تصرخ .. وبعدين خلاص والله راح
بدر : شكو اتقوليله اكلم بنت خالتي ؟؟ اترقعين ليش ؟؟؟ خايفه على مشاعره يعني؟؟
روان : بدر والله مادري بس ماعرفت شقول و..
بدر : شنو ماعرفت شقول ؟؟ اخاف معجبه فيه وتبينه ؟؟ قولي اذا تبينه عشان اخليج وامشي تره عادي مايهمني
روان : ( انصدمت ) بدر اشهالحجي انت اشقاعد تقول ؟
بدر : اشدراني عنج ؟؟ واخر شي طوّل يسولف معاج مادري اشقال انتي بعدتي التلفون عشان ما اسمع صح ؟
روان : لا ماقال شي مهم بس يتطمن على فراس
بدر : روانووو لا تجذبين تره اعرفج لي جذبتي
روان : بدر خلاص عاد لازم اسكره الحين
بدر : ليش ؟؟ بتروحيله ؟؟
روان : ( اتصرخ ) بدر اشفييك؟؟؟
بدر : واتصرخين بعد ؟؟ ماشي روان يللا اخليج معاه ( سكر الخط بويهها )
( روان انصدمت منه بدل لا يكلمها عدل ويهنيها بقومة فراس بالسلامه قاعد يصرخ عليها بهالطريقة ؟ )

- تمت اتدزله مسجات بس اهو حاقرها و بالليل عالساعه ثنتين تقريبا كانت منسدحه عالقنفه تحاول تنام مو قادره –
( امسكت تلفونها ودقت على فجر )
روان : ردي عفيه ردي
فجر : الو ؟؟
روان : فجر قاعده ؟
فجر : اي كنت بالحمام توني داشه الغرفه .. اشفيج ؟
روان : أول شي فراس صحى
فجر : صج ؟؟!!! الف حمدلله على سلامته خل اروح ابشر امي وادق عليج
روان : لا عفيه لحظه خل اقولج اللي صار اول
فجر : شنو فيه ؟؟ طلع فاقد الذاكره ؟؟
روان : فجووور ؟؟ انتي ولا عمرج صرتي جد ؟؟
فجر : لا والله من صجي وايد اسمع يقومون من الغيبوبه فاقدين الذاكره
روان : فجر يعني جد مادري شقولج اهنيج عالمخ اللي عندج
فجر : روّون عن الطنازه زيين
روان : ( متضايقه ) زين فجر بكلمج بموضوع مضايقني
فجر : شنو صاير قولي؟
روان : انا الحين نايمه عند فراس بالمستشفى .. ودق بدر كان يكلمني جان يدش الدكتور ومادري اشصار المهم عصب بدر حيل وآخر شي سكر الخط بويهي وادزله مسجات مايرد
فجر : اهو اشفيه جذي وايد حار
روان : اي اصلا حتى بره كان مطلع روحي كل ما كلمت احد زفني جدامهم
بدر : الله يعيينج عليه
روان : زين شسوي؟ اهو حاط في باله اني قاعده اكلم الدكتور الحين
فجر : تبيني اشوف اذا شابك اكلمه ؟
روان : اي عفيه قوليله اني والله احبه واموت فيه ولا راح اطالع غيره كلش .. وقوليله بعد اني قاعده بروحي وماعندي احد وافكر فيه بكل ثانيه
فجر : اقول روان اشرايج تكتبين لي مشاعرج مسج لأن جذي ماراح احفظ
روان : فجر عااد لا تذبحيني والله اني متضايقه
فجر : زين زين دزيلي ايميله مسج
روان : اوكي .. بس عفيه ناطرتج قوليلي شيصير
فجر : اوكي .. باي
( سكرته منها ودزت لها الايميل Dr.bader_***@hotmail.com )
---
- بغرفة ابو جاسم –
ابو جاسم : كانت مستانسه ماقدرت اضيق خلقها
ام جاسم : اذا انت تبيها اتعيش اهني خلها تمشي مثل ما انت تبي مو كيفها تكسر كلمتك متى مابغت
ابو جاسم : اهي ماكسرت كلمتي انا اللي سمحت لها تنام عند اخوها .. وبعدين كافي اللي شافوه لازم اخف عليهم شوي
ام جاسم : انت ماسويت شي غلط واهي لازم تمشي على طريقتنا
ابو جاسم : خلاص انا قلت لها من باجر جاسم اللي راح ينام عند فراس
ام جاسم : وولدي اشعرفه منصجك انت ؟
ابو جاسم : لي متى بتعاملين الولد على انه ياهل ؟؟ لو متزوج جان منزمان عنده عيال
ام جاسم : اي لو تزوج ساعتها يصير خير .. الحين اشعرفه يعتني بياهل بالمستشفى
ابو جاسم : استغفرالله يارب .. خليني انام باجر عندي دوام تصبحين على خير
ام جاسم : من يو بيتنا اعفسونا .. لا وبعد بيي ياهل يترس البيت صراخ
ابو جاسم : هذيله يتامى اتعرفين شنو يتامى ؟؟
ام جاسم : وانا اشسويت عذبتهم ؟؟ طقيتهم ؟؟
ابو جاسم : ( حقرها وعطاها ظهر ونام )
--
- بيت فجر –
( فجر ضافت بدر واستقبل الاضافه وكان حاطه Busy – مشغول – بس قررت اتدش وتكلمه )
// ملاحظة الحركات اللي بالحوار :| :S :$ .. الخ.. اذا ماعرفتوها حطوها بالمسنجر شوفو شيطلع لكم

Fjo0oOo0o :
السلام .. اشلونك بدر
Dr.Bader :
هلا منو معاي ؟
Fjo0oOo0o :
انا فجر بنت خالة روان
Dr.Bader :
اهلين فجر .. اشلونج ؟
Fjo0oOo0o :
تمام الحمدلله .. انت اشلونك
Dr.Bader :
بخير الله يسلمج .. ها طرشتج روان ؟
Fjo0oOo0o :
بصراحه اي .. وتره والله حالتها تكسر الخاطر يعني انت تخيل فقدت امها وابوها بنفس اليوم .. وكانت بغربه وتخلت عن دراستها وحلمها ويت تربي اخوانها وواحد منهم كان بين الحياة والموت .. وهم فوق هذا انت تصرخ عليها وتزعل منها ؟
Dr.Bader :
بل بل بل كاتبه قصيده انتي؟ نطري خل اقراها
Fjo0oOo0o :
:s
Dr.Bader :
والله ادري انها تكسر الخاطر بس ماتحملت اسمع الدكتور يكلمها وادري انها عاجبته ويوم سألها منو تكلم قالت بنت خالتي ؟؟؟ شكو تبررله اساسا؟؟
Fjo0oOo0o :
:| اهو شكو يسألها منو تكلم ؟؟
Dr.Bader :
اشدراني عنه الخسيس وتبيني ما اعصب ؟؟
Fjo0oOo0o :
والله مادري اشهالملقوف قطيعه .. زين تره اهي تحبك وايد وعطتني جم شغله ووصتني اعطيك اياهم وصراحه ثقلو على مسنجري اخذهم فكني منهم ... هاك
(L) (L) (L) (L) (L) (F) (F) (F) (F) (F) (F)
Dr.Bader :
اكيد اهي قالت عطيه جذي ؟؟
Fjo0oOo0o :
اي و قالت بعد اشياء اكثر بس انا استحي اقولهم :$
Dr.Bader :
هههههههه زين زين خلاص سامحتها والحين بدز لها مسج رصيدي خلص ماقدر ادق
Fjo0oOo0o :
ونااسه ثااانكس .. يللا عيل سي يووو لييييييتر << تره حتى انا اعرف انجليزي مو شرط الواحد يسافر بره عشان يصير مثقف (H)
Dr.Bader :
ههههههه اي ماشاءالله عليج خطيره .. يللا عيل عن اذنج ادز مسج حق الحب
Fjo0oOo0o :
:$ اووكي .. الى اللقاء
Dr.Bader :
Bye
---
- عند روان –
وصل لها مسج بطلته كان من فجر
" تمت العملية بنجاح نطري بيدزلج مسج بعد شوي مايقدر يدق لأن ماعنده رصيد .. بس عاد هااا ابي الحلاوه "
- ابتسمت روان وتمت اتطالع الشاشه ناطره مسج بدر بعد 10 دقايق وصل لها مسج –

" أحبج يا احلى ماخلق ربي .. مهما سويتي تراج غالية وادري ماتطالعين غيري .. بوسيلي فرفر << دلع فروس الخاص ..
اذا ينقفل باب الغرفه قفليه يكون احسن .. أحببببج نوم العوافي "
- ابتسمت واهي تقرا اللي كتبه وباست الشاشه ودزت هالمسج –
" احبك يالغالي .. تصبح على خير "
- بعد مادزته قامت تشوف فروس كان نايم باسته على راسه وردت مكانها انسدحت ونامت –

( بعد حوالي ساعه ونص حست بحركه بالغرفه افتحت عينها ولا تطالع الدكتور واقف يم سرير فراس ويطالعها أول ماشافها افتحت عينها ابتسم لها )
--------------------------------------------------

** البارت العاشر **

( بعد حوالي ساعه ونص حست بحركه بالغرفه افتحت عينها ولا تطالع الدكتور واقف يم سرير فراس ويطالعها أول ماشافها افتحت عينها ابتسم لها )
روان : ( شافته فزت من مكانها واقعدت عدل ) خير دكتور؟
الدكتور : ( يبتسم لها ) لا خير بس دشيت اتطمن على فروس الحلو عسى مازعجتج؟؟
روان : ( تعدل شعرها ) لا خذ راحتك
الدكتور : أقول روان .. اقصد اخت روان
روان : ( مرتبكه ) هلا
الدكتور : انا تعودت على شوفتكم انتي والاستاذ بو جاسم .. يعني ماودي تقطعون الزياره وبنفس الوقت استانست لأن فروس قام لكم بالسلامه
روان : ( تفكر ببدر ) الف حمدلله انه قام وهذا اهم شي
الدكتور : اي اكيد طبعا كلنا فرحنا بقومته
روان : زين الحين اهو فيه شي ؟
الدكتور : لا لا ابد .. بس حبيت اتطمن عليه بنفسي ومنها اشوف اذا محتاجه شي
روان : لا دكتور مو محتاجه أي شي .. بس ودي انام شوي
الدكتور : ( يبتسم ) يعني اطلع ؟؟
روان : ( ودها اتقوله اي اطلع بس ماتعرف تحرج احد ) لا مو قصدي بس يعني اخاف يقوم بعد شوي وانا جد والله تعبانه و..
الدكتور : خير في شي يعورج ؟
روان : ( اتطالعه مصدومه ) لا مافيني شي بس تعبانه يعني دايخه بناام
الدكتور : اشوه عبالي مريضه .. يللا عيل اخليج ترتاحين تصبحين على خير
روان : وانت من اهله
( طلع وخلاها واقعدت اتفكر اتقول حق بدر او لأ )
روان : ماله داعي اقوله صاير وايد عصبي هالأيام
( قامت اوقفت عند سرير فراس وقاعده تلمس خده بيدها .. باست راسه )

- فراس ابيض طالع على امه الله يرحمه وشعره نااعم بس حاليا محلقينه عشان الحادث فصاير اقرع -

( تمت شوي واقفه تطالعه عقب ردت عالقنفه نامت بس نومها متقطع وكل شوي تقوم )
عالساعه 7 الصبح قامت وراحت الحمام اللي بالغرفه - عزكم الله - وغسلت ويهها وبطلت شعرها عشان تعدله جان تسمع بجي فراس و اطلعلته بسرعه )
روان : حيااتي لا تبجي عمري انت فرووسي انا رواان
فراس : ( يبجي ويمد لها ايده ) مااامااا
روان : ( تمسك ايده عشان لا يحركها و يعوره الدريب ) حيااتي لا تبجي خلااااص
فراس : ( ميت بجي وويهه صاير احمممر )
روان : ( موعارفه شتسوي طقت الجرس عشان اتيي الممرضه ) حياتي اشفييك ؟؟

- شوي الا يدش الدكتور معاه ممرضه هنديه –

الدكتور : ( يطالع روان اول مره يشوفها مبطله شعرها بالعاده كله لامته عنقوص ) صباح الخير
روان : ( حطت شعرها وره اذنها ) دكتور شوفه ليش يبجي هالكثر؟
الدكتور : ( يمسك ايد فراس ) هاا فروس تبي نغير حفاضه ؟؟ ( يكلم الممرضه ) change diaper // غيري الحفاضه //
الممرضه : اوكي
فراس : ( يبجي ) مااامااا
( الدكتور راح زاوية الغرفه و معاه روان )
روان : زين دكتور متى يصير نعطيه حليب مايصير يتم جذي عالدريب
الدكتور : من باجر نبدي نخليه ياكل
روان : شكله مل من السرير مايصير يقوم ؟
الدكتور : لا نطري عليه ميخالف .. كلها اسبوع يرجع معاكم البيت ولو اني بفقدكم .. عاد تدرين اني خذيت هالشفت بس عشان اكون يم فروس اذا احتاج شي ؟
روان : ( ارتبكت ) تسلم ماقصرت

- انطق الباب ودش جاسم –

جاسم : ( شاف الدكتور راحله ومد ايده سلم عليه ) اشلونك دكتور عساك طيب؟
الدكتور : اهلين اخ جاسم انت شخبارك ؟
جاسم : الحمدلله بخير اشلونج روان ؟
روان : ( ترد شعرها ورا اذنها ) الحمدلله عن اذنكم ( دشت الحمام )
جاسم : ( راح عند فراس ) هلااا بالبطل الصغيير .. ها دكتور اشلونه اليوم ؟
فراس : ( يحن ويرفع ايده )
الدكتور : الحمدلله طلع من منطقة الخطر وبعد جم يوم يرد مثل قبل واحسن
جاسم : الحمدلله
( روان اطلعت من الحمام لامه شعرها عدل – عنقوص- )
جاسم : روحي البيت ارتاحي وتعالي شوفيه العصر ابوي راح اييب اليهال من المدرسه .. و الليله انا راح انام عنده
روان : بس اخاف يحتاج شي
جاسم : لا تحاتين كلنا عنده
الدكتور : انا بعد لازم استأذن شفتي خلص ارجع بالليل ان شاءالله .. عن اذنكم
جاسم : يعطيك العافيه اذنك معاك
روان : اليهال راحو المدرسه ؟
جاسم : اي انا وديتهم وييت
روان : تسلم ماقصرت عطلتك عن دوامك
جاسم : الله يسلمج.. لا عادي أخذت اجازه
روان : ( تلمس ايد فراس جان يمسك اصبعها ) حيااتي انت ( ارفعت ايدها وباست ايده )
جاسم : الحمدلله على سلامته
روان : الله يسلمك
جاسم : يللا روحي ارتاحي
روان : لا بنطر عمي .. انا ماييت بسيارتي
جاسم : خلاص امشي اوصلج وارجع
روان : ( بصوت عالي شوي ) لا
جاسم : ( سكت )
روان : ( انحرجت ) لأن مابي اخليه بروحه
جاسم : ميخالف مسافة الطريج بس اوديج البيت وارجع
روان : ( اسكتت مده تفكر ) اوكي
جاسم : يللا عيل
روان : ( باست راس فراس ) حياتي لاتبجي عفيه عالشاطر .. راح ارجع العصر
فراس : ( ساكت يطالعها وحاط ايده بحلجه )
( روان خذت جنطتها وراحت مع جاسم ووصت الممرضه تقعد عنده )

- بالطريج –
روان : جاسم والله منحرجه منك تعبناك معانه
جاسم : ( عينه عالطريج ) لا اشدعوه انتو عيال عمي ولكم حق علي
روان : ( اسكتت )

- تمو طول الطريج ساكتين لين اوصلت البيت –

روان : مشكور .. أي شي يصير دق عالبيت قول حق خيريه تقعدني اوكي؟
جاسم : ان شاءالله .. مع السلامه
( دشت روان البيت كان هادي .. راحت غرفتها وبدلت ملابسها وانسدحت دزت حق بدر مسج )
" حياتي انا رجعت البيت وحيل تعبانه والعصر بروح حق فروس "

- اول مادزت المسج حطت راسها عالمخده ونامت .. الظهر ارجعوا اليهال من المدرسه ودشوا الغرفه يقعدونها –
مشاري : روّوووون قوومي خل نروح حق فرووس بشووفه
منال : قوومي يللا بنروحله خلصيينا بسج نووم
روان : ( حطت ايدها على عينها ) خلووني اناام راح اوديكم العصر طلعوا بره
مشاري : ( يسحب ايدها ) لا قوومي الحيين
روان : ( معصبه ) مشيريووه وخر خلاص عاد
منال : والله اذا ماقمتي الحين بنزعل عليج للأبد
روان : ( افتحت عينها طالعتهم ) زين خلاص شوي خلوني وانا بعد الغدى اوديكم زين ؟
منال ومشاري : زيين
( روان امسكت تلفونها شافت 4 مسجات من بدر و أول واحد فيهم كان بعد مادزت له المسج ب 9 دقايق )

- افتحت المسجات –

1 - " الحمدلله عالسلامه .. ها الدكتور كلمج امس "
2- " ليش ماتردين ؟؟ قالج شي ؟؟ قوليلي والله ماراح اعصب "
3- " شنو يعني بتقنعيني انج نايمه ؟؟ ماصار على مسجج جم دقيقه اشلون فجأه نمتي ؟ "
4- " ماشي روان كثري من هالحركات "

( روان قرت المسجات وحدها تنرفزت )
روان : يااربي اشفيه هذا صاير جذي
منال : ( تبدل ملابس المدرسه ) منو ؟؟
روان : انتي اهني؟
منال : اي .. منو اللي اشفيه صاير جذي
روان : ماكو شي لبسي ونزلي تحت شوي وايي وراكم
منال : اوكي ( البست ملابسها وانزلت )
( روان معصبه حيل ودزت حق بدر هالمسج )
" بدر اشفيك؟؟ اشصاير لك بالظبط؟؟ احسك وايد متغير .. والمفروض انك توقف تواسيني مو تزيدها علي .. وانا والله العظيم من دزيتلك المسج نمت من التعب ماقمت الا الحين "
( قامت غسلت و بدلت ملابسها وانزلت )
ام جاسم : ( بنفسيه ) اهلين وسهلين
روان : هلا خالتي
مشاري : ها متى انروح ؟؟
روان : نتغدى اول بعدين انروح
ام جاسم : ( تتحلطم بصوت واطي ) أي مو بيتنا فندق حق الاكل والنوم
روان : ( طالعتها بس ماتكلمت )
ام جاسم : خير؟
روان : ( ابتسمت واهي منقهره وطالعت اخوانها ) ها عندكم واجبات ؟
منال : اصلا باجر عطله
مشاري : اي باجر عطله مابي ادرس
روان : خلاص اوكي
( دش عمهم وسلم عليهم وراح بدل ورجع عشان يتغدون )

- عالغدى –
روان : عمي بعد الغدى على طول بنروح انا واليهال حق فروس
ام جاسم : اي والله روحو خلو وليدي يرجع يرتاح مسكين من الفير اهو اهناك
ابو جاسم : خليه ميخالف ريال
ام جاسم : أكيد ريال بس عاد لازم يرتاح
روان : منول .. مشاري اول ماتخلصون تروحون تسبحون عشان نمشي
مشاري : لاااا مالي خلق اسبح
روان : مايصير لازم تسبح
مشاري : عميييي كلمهااا
ابو جاسم : خلاص يبه .. لازم تسبحون سمعوا الكلام
مشاري : زين
ام جاسم : ( تعد القفاش – الملاعق – وتنادي خدامتها ) راانيي رااانيي
راني : نام مدام ؟؟
ام جاسم : هذي سلة القفاش كلها ؟؟
راني : يس مدام
ام جاسم : قفاشي ناقصين
ابو جاسم : مو وقته الحين خلينا ناكل بعدين يصير خير
ام جاسم : لااا واخلي خيريه تبوقني واسكت ؟؟؟؟
روان : ( اتطالع ام جاسم ) وليش يعني خيريه ؟؟
ام جاسم : لأن راني عندي من سنين ولا مره انباق شي
روان : بس اهي ماتاخذ شي مو لها وعمرها ماباقت
ام جاسم : يعني افهم ان القفاش طارو ؟؟؟
ابو جاسم : يا مره ان بعض الظن اثم
ام جاسم : بعض الظن .. وانا ما ظلمت احد يتلنا خادمه يديده والقفاش انقصت شنو يعني ؟؟ انت فسرها
منال : ( معصبه ) بس خيريه ماتبوق
ام جاسم : شفت يابوجاسم ؟؟؟ هذي الصغيره ماخذه اختها قدوه .. طبعا اذا الكبيره تقل ادبها نشره عاليهال ؟؟؟
روان : منول مشاري يللا قوموا سبحوا
مشاري : قام على طول وركض فوق
منال : ( قطت القفشه عالطاوله وقامت )
ام جاسم : شايف ؟؟؟ شايف اشلون قطت القفشه ؟؟ صج مو متربيه
روان : خالتي ما اسمحلج
ابو جاسم : لا يبه روان عيب هذي حسبة امج
روان : ( فيها غصه ماسكه دموعها غصب ) الحمدلله شبعت ( قامت واصعدت فوق )

- دشت الغرفه لقت منال تبجي –
روان : ( راحت يمها ولمتها وانزلت دموعها ) خلاص حياتي لا تبجين
منال : انا مابي اعيش اهني
روان : ميخالف انا معاج لا تبجين عفيه
منال : ( تبجي ) زين دام ماتحبنه ليش نقعد عندها ؟؟
روان : لأن عمي مسؤول عنه ولازم نقعد عنده
منال : وانتي راح تروحين و تخلينه ؟؟؟
روان : ( امسحت دموعها ) أكيد لأ .. منو قالج هالشي
منال : محد قالي
روان : زين يللا عمري غسلي ويهج وسبحي انا شوي وارجع بشوفج خالصه اوكي؟؟
منال : اوكي
( اطلعت راحت حق مشاري )
روان : ها للحين قاعد ماسبحت ؟؟
مشاري : ( منزل راسه ) الحين اقوم
روان : مشاري اشفيك ؟؟
مشاري : مافيني شي
روان : لا تزعل تره خالتي طيبه بس اهي تحب قفاشها وايد عشان جذي ازعلت وعصبت
مشاري : ( يطالعها ) ليش تحبهم وايد ؟
روان : ( تظحك ) انت مو تحب اشرطة البليستيشن ؟
مشاري : اي
روان : اهي تحب القفاش
مشاري : ( يظحك ) زين اقولج شي بس موتعصبين ؟
روان : قول
( مشاري قام راح تحت السرير طلع طاسه فيها قفشه )
روان : ( انصدمت ) مشاري ؟؟؟ وليش ماتكلمت ؟
مشاري : خفت منها .. كانت تصرخ حيل
روان : يعني ماسمعتها اتقول ان خيريه بواقه ؟؟ ليش ماقلت شي ؟
مشاري : ( ساكت منزل راسه )
روان : و شنو هالطاسه .. شنو كنت تاكل ؟
مشاري : امس بالليل يعت نزلت حطيتلي شوربه
روان : ليش انتو ماتعشيتو امس ؟
مشاري : بلى بس لأن انتي مو موجوده ماكلينا وايد بس شوي وقمنا
روان : ( لمته ) خلاص حبيبي هالمره سامحتك .. بس هذي آخر مره تسكت وتخلينا نتهم احد ثاني زين ؟؟
مشاري : لاتقولين لها اني انا خذيت القفشه اخاف تطقني
روان : محد يقدر يطقك دام انا موجوده .. يللا روح اسبح انا انزّل الأغراض تحت
مشاري : زين

- انزلت تحت بيدها الطاسه والقفشه وراحت بالصاله كانو قاعدين عمها ومرته –
روان : مشاري امس كان يوعان وحطله شوربه
ابو جاسم : ( يكلم ام جاسم ) شفتي ان بعض الظن اثم استغفري الحين
ام جاسم : وليش ما تكلم ؟؟
روان : كان خايف لأنج كنتي تصارخين .. وعفيه لا تكلمونه عن هالموضوع
ابو جاسم : لا تحاتين يبه .. روحوا الحين و انا بعد صلاة العصر ايي المستشفى
روان : اوكي .. عن اذنكم

- اصعدت فوق لقت من بدر هالمسج –
" انا الحين بفترة امتحانات وراسي كله مصدع .. مالي خلق نجره .. بس هالدكتور لو كلمج زفيه وحتى لو طالعج مجرد نظره قوليله رجاءا لا تطالع .. خليه يحس انج رافضه هالشي .. مو تقعدين تتبوسمين ماشي؟ "

- ردت عليه –
" ان شاءالله "

- خلصو سباحه والبسوا ملابسهم وراحو المستشفى دشوا الغرفه لقو جاسم ماسك بيده سياره لعبه ويحركها عالسرير وفراس يطالعه وحاط ايده بحلجه –
روان : السلام عليكم
جاسم : هلا وعليكم السلام
( مشاري ومنال اركضوا راحو حق فراس )
مشاري : ( يظحك ) اشفيه صار اقرع ؟
منال : لأن راسه تعور شالوا الشعر صح روان ؟
روان : اي صح عشان يخيطون راسه
فارس : ( يمد ايده لهم ويخربط - حجي يهال مو مفهوم - )
مشاري : اغووو .. اغوووو فرووس
روان : ( تظحك ) لاعبوه شوي شوي لا تحركون ايده وايد
منال : تعوره الابره ؟ ( تقصد الدريب )
روان : اذا حركتو ايده تعوره .. ( التفتت على جاسم ) جاسم والله مادري شقولك تعبناك معانا
جاسم : اشفيج روان احنا اهل
روان : تسلم ماقصرت والله .. خلاص انت روح البيت الحين
جاسم : زين تبون شي اييبه معاي بالليل وانا ياي؟
روان : لا سلامتك مشكور
جاسم : الله يسلمج ..( يكلم اليهال ) مع السلام شباب .. ( مسك ايد فراس ) مع السلامه يابطل .. يللا عن اذنكم
روان : الله معاك

- مر اسبوع وكانت روان كل يوم اتمر المستشفى والدكتور يطالعها بنظرات ويعطيها ابتسامات واهي تصد عنه وكل ما يسألها بدر عن الدكتور اتقول ماتشوفه الا نادر –

الدكتور : ديرو بالكم عليه تراه غالي
ابو جاسم : مشكور دكتور ماقصرت والله
روان : ( شايله فراس ) مشكور دكتور
الدكتور : ماسوينا الا الواجب .. وفروس يستاهل

- اطلعو من المستشفى وردوه البيت واليهال استانسو فيه حتى خيريه شالته وقامت اتبوسه –

( بالليل روان نومت اليهال واشبكت اتكلم بدر )

RaWo0o0N :
بدر مشغول؟؟
Dr.Bader :
هلا روان .. كنت ادرس بس خليته باخذ بريك معاج .. اشلون فراس عسى ماتعبج ؟
RaWo0o0N :
بلى تعبني شوي يحليله .. الحين نايم
Dr.Bader :
زين وهذاك كلمج ؟ قالج شي قبل لا تروحين ؟
RaWo0o0N :
لا
Dr.Bader :
روان اكيد ؟
RaWo0o0N :
اي اكيد .. فجور دشت اشبكها معانا ؟؟
Dr.Bader :
اوكي
(( ضافت فجر معاهم ))
RaWo0o0N :
اهلييييين فجّووو اشلوونج
Fjo0oOo0o :
هلا بحبيييبتييي ولهت علييييييج تعاليلي باجر وييبي اقرع مقيرع معاج
Dr.Bader :
هلا فجر وعليكم السلام ورحمة الله وبركاته
Fjo0oOo0o :
امبيه فشله :$ :$ .. السلااام عليكم
Dr.Bader :
لا تو الناس
RaWo0o0N :
لا تحرجها تره بسرعه تبجي
Dr.Bader :
والله ماكو بالدنيا شخص بجاي كثرج انتي
RaWo0o0N :
ههههههههه
Fjo0oOo0o :
زين صج صج روّون تعاليلي باجر
RaWo0o0N :
أول خل استأذن :$ :$
Fjo0oOo0o :
عشتوو .. يللا استأذني اشوف
Dr.Bader :
(H)
RaWo0o0N :
بدوووري .. اقدر اروح حق فجر المسكينه باجر؟
Dr.Bader :
مممممممم ... لا حبيبتي ماتقدرين
Fjo0oOo0o :
ليييييييييييييش اشهالنحاااسه ؟؟
Dr.Bader :
جذي مزاجي يقووول ماتروح
RaWo0o0N :
خلاص دام مزاجه قرر .. انا ماقدر اقول شي
Fjo0oOo0o :
وييع مليقيييييين .. صج الطيور على اشكالها تقع
Dr.Bader :
يللا خلووني ادرس .. باي .. وروانوو ماكو روحه هذي تخربج علي
Fjo0oOo0o :
انا اخربها ؟؟؟ @@
Dr.Bader :
اي اي .. ياما تحت السواهي دوااهي
RaWo0o0N :
ههههههههههه لا عاد حرام مسكينه والله
Fjo0oOo0o :
لا اصلا حتى لو الحين قال روحي انا مابيج تيين خلاص
Dr.Bader :
ومن قال اصلا بخليها تروحلج .. يللا باي وراي امتحان (( طلع من المحادثه ))
Fjo0oOo0o :
من صجه هذا ؟؟
RaWo0o0N :
لا يتغشمر :× بس يبي يطفرج
Fjo0oOo0o :
موصاحي
RaWo0o0N :
فجور انا لازم افصل فروس يبجي باي
Fjo0oOo0o :
باي .. الله يعينج ماما روان

- اليوم الثاني –
ابو جاسم : يبه روان تعالي معاي شوي بكلمج
روان : ان شاءالله عمي .. خيريه ديري بالج على فروس خليه يلعب بالتركيب بس شوفي لا يتعور
خيريه : اوكي

( راحت روان مع عمها بالصاله الصغيره واهي تقول بقلبها اكيد موضوع الحجاب )

ابو جاسم : يبه انتي الحين ماشاءالله عمرج 24 يعني مره كبيره .. والبنات من عمر 17 قاعدين يتزوجون واييبون عيال
روان : ( ساكته )
ابو جاسم : يبه انا صج ابيج حق ولدي وكنت اتمنى انج توافقين .. بس انتي مارديتلي خبر .. وكلمني امس الدكتور عبدالله وخطبج مني
روان : ( طالعته منصدمه ) منو؟
ابو جاسم : الدكتور عبدالله .. دكتور فراس
روان : ( ساكته بس اتطالعه )
ابو جاسم : مابي اسمع رد الحين .. ومثل ماعطيتج فرصه اتفكرين بجاسم .. الحين بعطيج فرصه اتفكرين بالدكتور عبدالله .. وشوفي شنو اصلح لج وقوليلي .. تره يبه انتي كبرتي و السنين تركض تبين يصير عمرج 30 وانتي للحين ماتزوجتي ؟
روان : عمي .. اصلا ماصار على وفاة امي وابوي الا جم شهر اشلون بفكر بالزواج ؟
ابو جاسم : محد قال ان العرس قريب بس عالاقل اعرف رايج .. فكري يبه ورديلي خبر بارك الله فيج
روان : مايحتاي افكر
ابو جاسم : بلى .. اخذيلج 3 ايام فكري عدل ومن كل النواحي وبعدين بسمع ردج ( قام ) يللا انا اخليج الحين

---------------------------------------------------

** البارت الحادي عشر **

روان : عمي .. اصلا ماصار على وفاة امي وابوي الا جم شهر اشلون بفكر بالزواج ؟
ابو جاسم : محد قال ان العرس قريب بس عالاقل اعرف رايج .. فكري يبه ورديلي خبر بارك الله فيج
روان : مايحتاي افكر
ابو جاسم : بلى .. اخذيلج 3 ايام فكري عدل ومن كل النواحي وبعدين بسمع ردج ( قام ) يللا انا اخليج الحين ( طلع من البيت )
( راحت روان حق خيريه واليهال بالصاله )
روان : ( اتحس انها مختنقه ) خيريه حبيبتي لبسي فروس بنروح بيت خالتي حصه
مشاري : بنروح حق يعقوووب؟؟
روان : اي حبايبي قوموا لبسوا يللا
( منال ومشاري قامو اصعدو فوق وروان اقعدت بالصاله دقت على فجر من تلفون البيت )
فجر : الو ؟
روان : فجر انتي بالبيت ؟
فجر : اي اشفيج ؟
روان : انا بييلج
فجر : شنو سمحلج عنتر زمانه ؟
روان : فجر مو وقت غشمرتج .. عندي موضوع بكلمج فيه لاتطلعين
فجر : قاعده وين اطلع ياحسره
روان : يللا باي ( سكرت التلفون )
ام جاسم : ( توها داشه الصالة ) من كنتي تكلمين؟؟
روان : فجر بنت خالتي .. الحين بنروح لها وقاعده اشوف اذا اهي بالبيت او لأ
ام جاسم : اي روحولها استانسوا احسن لكم
روان : ( تطالعها تدري انها تبي الفكه منهم ) خالتي قولي حق عمي اني رحت و ماراح اطول ( خلتها واصعدت فوق )

- اوصلوا بيت فجر –

ام محمد : حيااا الله اعيالي الحلوين
روان : ( سلمت عليها وباستها واهي شايله فراس ) الله يحييج خالتي
ام محمد : ( سلمت عاليهال ) حيااااتي فروووسي عطينياه
روان : ( عطتها فراس ) هاج
يعقوب : مشااااري زين انك ييت يبت شريط مصارعه WF اليديد حددده رهييييب
مشاري : الللله امش نلعبه ( راحو مع بعض )
روان : منول روحي معاهم انا بصعد حق فجر
منال : بصعد معاج
روان : شوي قعدي معاهم بعدين تعالي اوكي؟
منال : اوكي ( راحت غرفة يعقوب )
روان : خالتي انا صاعده اذا تعبج فروس خلي خيريه اتييبه لي
ام محمد : لااا فرووسي عسل مايتعـّب خالته
روان : ( تبتسم ) خيريه خليج اهني عند فروس
خيريه : اوكي
( اصعدت روان حق فجر وكانت قاعده عالنت )
روان : السلام عليكم
فجر : ( قامت لها وسلمت عليها ) وعليكم السلام .. ها طلعتي مو مستأذنه من بدر ؟؟
روان : اي مامداني اقوله
فجر : اي ادري لأن كاهو شابك وسأل عنج قلتله انج يايتني بالطريج عاد قال انج مو قايلتله
روان : وشكو قلتيله اني يايه بالطريج ؟
فجر : اشدراني انج موقايله
روان : زين خل اكلمه بايميلج دامج شابكه
فجر : اوكي
( اقعدت روان وجدامها الجهاز واهي متضايقه )
Fjo0oOo0o :
قوه بدر .. انا روان
Dr.Bader :
روان؟
Fjo0oOo0o :
اي
Dr.Bader :
انا مو امس قلتلج ماكو روحه ؟؟؟ ليش صايره تعاندين ؟
Fjo0oOo0o :
بدر انت يوم قلت ماكو روحه مبين انك كنت تتغشمر .. وماعندي رصيد عشان ادزلك مسج
Dr.Bader :
زين حياتي خلاص مسامحج .. و لاتزعلين علي اذا عصبت .. والله مو مني من الامتحانات جد اتعبت نفسيتي
Fjo0oOo0o :
أدري حياتي الله يكون بعونك
Dr.Bader :
يعني انتي قبل كنتي يمي وكل شي صعب نسهله مع بعض وندرس مع بعض .. الحين احس اني فاقدج واعصابي تفلت مني حتى عالدكاتره
Fjo0oOo0o :
لا بدر امانه شد حيلك .. ابيك ترجعلي دكتور ومو أي دكتور جراح بعد
Dr.Bader :
وانتي معاي ان شاءالله .. لأن برجع بخطبج وبالعطله الكبيره بعد 6 اشهر نملج وترجعين معاي
Fjo0oOo0o :
نتفاهم بهالموضوع بعدين .. الحين بقعد مع فجر
Dr.Bader :
اوكي قلبي .. انا بعد لازم افصل مع السلامه
Fjo0oOo0o :
مع السلامه حياتي
---
روان : فجور طلعي من المسنجر لأني بكلمج بموضوع مهم
فجر : اوكي ( لفت اللاب توب عليها وسكرته ) طفيته بكبره يللا قولي اسمعج
روان : خطبني الدكتور عبدالله
فجر : ( انصدمت ) والله؟؟
روان : اي والله
فجر : وانتي كل يوم خاطبج واحد ؟؟ زين انا ليش حظي واقف ؟
روان : فجر هذا وقته تنكتين ؟؟
فجر : والله ما انكت منصجي بس يللا ماعلينا قلتي حق بدر ؟
روان : لا اخاف
فجر : من شنو
روان : صاير وايد عصبي وادري راح يصرخ ويتنرفز وهم مابي اعفس مزاجه واهو بأيام امتحانات
فجر : يعني بتسكتين ؟
روان : اي لأني راح ارفض وليش اضايقه عالفاضي ؟
فجر : روان يعني فرضا ماخذاج .. انتي جذي قاعده تضيعين نصيبج
روان : ( ساكته )
فجر : زين اذا يه بالعطله خل يملج عليج ويرد يكمل دراسته
روان : اي مابقى شي وايي باقي شهرين وساعتها بقوله نملج ويرد يكمل وبعد ال3 سنين نسوي العرس وما اضطر اسافر
فجر : الله يوفقكم ان شاءالله
روان : فجوور مو تقوليله شي بالغلط
فجر : لا منصجج .. اصلا انا ماسولف معاه اهو بس يدش يسأل عنج ويسكت كله حاطه Away
روان : ( تبتسم ) اي اهو ولا عمره حطه متصل

- دشت منال –
فجر : منوول اشلووونج تعالي سلمي علي
منال : ( سلمت عليها ) زينه الحمدلله
روان : ها لعبـّوج معاهم ؟
منال : ماحب العب مصارعه
فجر : ( تلم منال ) فديييت البنااات
روان : ( تظحك ) زين فروس عند خالتي ؟
منال : اي حاطتله دفتر و الوان وقاعد يلون
فجر : وااي حدي ولهت عليه بنزل اعضه وارجع
روان : هيي حرام عليج توه طالع من المستشفى
فجر : كيفي بعضه واقطـّع خدوده بعد ( اطلعت من الغرفه )
روان : ( قامت وراها ) هيي يالمجلوبه والله اذا عضيتيه اذبحج

- انزلوا تحت واقعدوا شوي بعدين ارجعوا بيت عمهم –

( بالليل روان شافت عمها قاعد بالصاله بروحه راحت اقعدت يمه )
روان : السلام اشلونك عمي
ابو جاسم : هلا ببنيتي .. ها يبه خير فيج شي ؟
روان : اي عمي بخصوص موضوع الزواج انا قررت
ابو جاسم : يبه انا قلتلج اخذي وقتج وفكري مابيج تستعيلين
روان : ميخالف عمي .. فكرت عدل ومابي اتزوج حاليا
ابو جاسم : انا ماراح اردله خبر الحين يمكن تغيرين رايج
روان : لا عمي ردله خبر قوله اني مابي اتزوج
ابو جاسم : على راحتج
روان : ( قامت ) تصبح على خير
ابو جاسم : وانتي من اهله
--
- بعد شهرين –
( بالليل روان قاعده بغرفتها جان تسمع صوت ام جاسم تتكلم بصراخ )
روان : منول خليج اهني مع فراس اذا قام ناديني
منال : روّون لاتروحين خليها تصرخ مالنا شغل فيها
روان : ميخالف حبيبتي نطريني شوي وارجع

- انزلت تحت لقت خيريه واقفه جدام ام جاسم وابو جاسم –

ابو جاسم : عيب تعلين صوتج على جذي موضوع .. انا عمهم ومسؤول عنهم
ام جاسم : بس هم مايصير نصرف عليهم بكل شي.. عندهم خير ماشاءالله بعد مايصير فلوسهم تنخش وفلوسنا تنقط بالهبل عليهم
روان : اشفيكم ؟؟ اشصاير؟
خيريه : انا قول حق بابا مافي..
ابو جاسم : خلاص خيريه روحي نامي تأخر الوقت
روان : لا لحظه خيريه .. عفوا عمي بس بعرف شاللي صار ؟
ابو جاسم : ماكو شي يابنيتي سوء تفاهم وانحل روحي نامي
ام جاسم : ( ساكته ومنفسه )
روان : خيريه اشفيكم ؟؟
ابو جاسم : ( يطالع مرته ) لا حول ولا قوة الا بالله العلي العظيم والله فشلتيني مع اعيال اخوي
ام جاسم : انا ماقلت شي غلط
روان : خيريه تعالي معاي شوي
خيريه : اوكي ( راحو مع بعض المطبخ )
روان : شنو صار ؟؟
خيريه : انا قول حق بابا هفاض هليب شوية فيه.. بعدين ماما سوي جنجال واجد ( تقصد ان الحليب والحفاضات باقي شوي ويخلصون )
روان : ( عصبت ) وليش ماقلتيلي انا ؟؟
خيريه : روان انتي واجد تعبان كله منول مشاري فروس يبجي حرام انتي والله مسكين
روان : ( معصبه ) ميخالف أي شي عن اخواني قوليلي انا مو عمي زين؟؟
خيريه : جين
روان : يللا روحي نامي ( اطلعت وراحت الصاله )
روان : عمي انا موصيتها أي شي يحتاجونه اخواني تقولي بس الظاهر نست .. والحفاض والحليب انا راح اييبهم لا تشيل هم
ابو جاسم : لا روان اشهالكلام هذيله عيالي انا بعد وخالتج تره ماقصدت ومن باجر الاغراض بيكونون عندج
روان : لا عمي مشكور انا اللي راح اشتريهم
ام جاسم : ( قامت ) تصبحون على خير
ابو جاسم : استغفرالله العظيم من كل ذنب عظيم .. يبه روان روحي نامي حصل خير
روان : تصبح على خير ( اصعدت فوق وخلته )
منال : ها اشصار ؟
روان : ماكو شي نامي وراج مدرسه تصبحين على خير
منال : وانتي من اهله
( روان غطت راسها واقعدت تبجي من غير صوت )
روان : ( بقلبها ) الله يرحمكم .. لو كنتوا موجودين ماجان حسينه بالمذله .. الله يصبرني
---
- بعد 3 ايام –
( يوم وصول بدر من السفر )

- روان تكلم فجر بالتلفون –
روان : ماني قادره اصدق بدر شوي ويصير بالكويت احس قلبي راح يوقف من الوناسه
فجر : وليش ما تستقبلينه بالمطار
روان : اهله بيكونون اهناك حسافه بس باجر راح اقط اليهال عندج واروح اشوفه
فجر : شايفتني حضانه ؟؟
روان : و احلى حضانه بعد
فجر : يممه منج ومن كلامج المعسول .. زين زين ييبيهم راح أأجـّل طلعاتي عشانهم
روان : الله والطلعات مادري الأخت سيدة أعمال
فجر : ايي ان شاءالله واشهر سيدة اعمال بعد ( فجر تدرس ادارة اعمال )
روان : كاهو دق باي ( ردت على بدر ) الو؟
بدر : ها من تكلمين ؟
روان : ( تظحك ) أول شي الف الف الف الف الف حمدلله على السلامه نورت الكويت توك واصل ؟؟
بدر : اي والله تووني الحين وصلت حتى اهلي للحين ماشفتهم .. والله ياني ولهان عليج حييييييل
روان : انا اكثر والله ودي الحين ايي اشوفك
بدر : لحظه شوي كاهم يو ( تسمعه يكلم اهله ) اهليييين بسام الله يسلمك يارب اشلون امي والله ولهت عليكم كلكم .. هلااا بوجراااح اشلون الكتاكيت والله لهم وحشه
بدر : ( يكلم روان ) انا ادق بعدين مع السلامه
روان : مع السلامه حياتي ( سكرت التلفون )

- بالليل –
بدر : روان عمري باجر بتغدى معاج
روان : ماقدر شقول حق عمي ؟ خلها بالليل احسن اودي اليهال بيت خالتي واشوفك
بدر : اوكي عاد شيصبرني
روان : ( تظحك ) اصبر نطرت كل هالايام ماتنطر زياده يوم واحد ؟
بدر : اصلا لو يصير جان الحين ييت عندج
روان : وين اتيي عندي؟
بدر : بالمكان اللي انتي فيه الحين
روان : مايصير منول وفروس نايمين
بدر : لا مانطلع صوت بس نسولف بالعيون
روان : ( تظحك ) زين نام نام ادري السفره تعبتك
بدر : تره حطي في بالج اني خاطبج خاطبج مالي شغل مو تقولين لأ
روان : ( تضايقت ) باجر نتفاهم بهالموضوع
بدر : لا ماكو تفاهم تفاهمنا خلاص واخوانج ماينخاف عليهم عمج خوش ريال ويتأمنون عنده .. وكل عطله بتشوفينهم
روان : باجر نتفاهم نام الحين
بدر : قلتلج خلاص سكرنا الموضوع واتفقنا ماكو تفاهم .. يللا تصبحين على خير عمري
روان : وانت من اهله .. باي
بدر : باي ( سكر التلفون )
روان : ( دمعت عينها وحاطه التلفون على صدرها ) والله خايفه انك ماتفهمني

- اليوم الثاني روان ودت اخوانها عند فجر وقالت لهم عندها شغل بالسوق تخلص وترجع لهم –

( اوصلت عند المكان اللي اتفقوا عليه اهي وبدر واسفطت يم سيارته واركبت معاه )
روان : ( شافته وعينها دمعت من الوناسه ) الف حمدلله على سلامتك
بدر : ( يبتسم ) جذي من بعيد لي بعيد ؟؟ ماتبين تلميني يعني ؟
روان : ( قطت عمرها عليه واقعدت تبجي ) ولهت عليك حيل
بدر : ( لامها ) عمري بس لا تبجين فديت قلبج
روان : والله كنت اعد الأيام عد عشان اشوفك يمي
بدر : ( وخر عنها ومسح دموعها ) مابي اشوف هالدموع كاني يمج خلاص عاد ظحكي
روان : ( تظحك ) ها شنو يبتلي ؟
بدر : يبتلج نفسي مو كافي ؟؟
روان : ( تظحك ) أكييد كاافي
بدر : لالا صج يبتلج هدية ( مد ايده وره وطلـّع جيس أحمر ) تفضلي حبيبتي
روان : ( تبتسم بس ماخذته ) والله جد شوفتك تكفي
بدر : ( يظحك ) يللا عاد اخذيه وعن الدلع
( روان تبي تشوف شنو داخله بس مسك ايدها )
بدر : خليه شوفيه بالبيت لاحقه عليه .. سولفي معاي والله ولهان عليج
روان : ( تبتسم ) اي انا بكلمك عن موضوع الملجه
بدر : لا هالسالفه خلصنا منها .. سولفيلي عن عيشتج مع عمكم
- روان تضايقت لأن موراضي يسمعها بس طوفت السالفه واقعدت معاه ساعتين تقريبا –
روان : يللا قلبي لازم امشي وايد تأخرت
بدر : بس انا ماشبعت من شوفتج
روان : ادري والله انا بعد بس شسوي لازم اروح
بدر : باجر بشوفج
روان : خلاص احاول
بدر : لا ماكو احاول وراح أشوفج
روان : اوكي يللا لازم اروح مع السلامه

- في بيت فجر -
فجر : خل اشووف شنو يابلج
روان : لا بشوفه بروحي بعدين
فجر : عيل ليش نزلتيه معاج ؟
روان : بس عشان احرّج
فجر : ويع يالمليقه يللا عاد خل اشووف
روان : اوكي ( طلعت الأغراض اللي بالجيس جان تشوف شي شالته وايدها ترجف )
-------------------------------------------------------

** البارت الثاني عشر **

- في بيت فجر -
فجر : خل اشووف شنو يابلج
روان : لا بشوفه بروحي بعدين
فجر : عيل ليش نزلتيه معاج ؟
روان : بس عشان احرّج
فجر : ويع يالمليقه يللا عاد خل اشووف
روان : اوكي ( طلعت الأغراض اللي بالجيس جان تشوف شي شالته وايدها ترجف )
فجر : ( اسحبته من ايدها ) اشوووووووووووف
روان : ( معصبه ) فجور عطينياه وعن السخافه
فجر : ( بطلة العلبة ) الله يهبل روّون
- كان بالعلبة خاتم ذهب ابيض وفيه الماس شوي مو وايد بس كان ناعم وحلو -
روان : ( خذته منها واقعدت اتطالعه وقلبها يرقع ) ليش؟!!
( فجر قاعده اتطالع باقي الأغراض اللي طلعتهم روان من الجيس .. كان في دبدوب صغير وظرف )
فجر : ( خذت الظرف وورتها كلام مكتوب عليه من وره ) واااي روّوون .. بدر عليه حركات اجانب حده يونـّس
( روان شافت اللي مكتوب عالظرف "Marry Me" // تزوجيني // )
روان : ( متضايقه ) بس اهو ماعطاني فرصه اشرحله .. انا ماقدر اهد اخواني و أسافر معاه لو شيصير
فجر : ( ماسكه الظرف ) زين راح اتبطلينه ولا ابطله واقرى اللي فيه ؟؟
روان : ( خذته منها وردته بالجيس اهو والدبدوب والعلبه ) لا انا بقراه بروحي بالبيت
فجر : اشدعوه انا فجوور حبيبتج .. يللا عاد بشوف شنو كاتبلج
روان : ( متضايقه ) خلاص فجر انا بمشي الحين
فجر : زين خلاص بس قوليلي شيصير معاج
روان : اوكي ( انزلو تحت )
روان : خيريه شيلي أغراض فروس .. منول مشيري لبسوا جواتيكم بنمشي
ام محمد : لا تمشون والله ماشبعت من شوفتكم
روان : خالتي والله تأخر الوقت لازم نمشي
مشاري : لاااا عفيه رواان مابي اروح
روان : مشاري البس بسرعه ولا تعاند
مشاري : زين باجر عطله خليني انام اهني
يعقوب : اي اي عفيه خليييييه
روان : لا .. يللا مشينا
مشاري : خااالتي قوليلهاا
ام محمد : روان خليه انا ابيه ينام عندي
فجر : لا تحاتينه انا كل شوي اطل عليهم وخلي منوله العسل تنام عندي بعد
منال : لا انا بروح مع روان
روان : يللا عيل مع السلامه

- بالطريج وصل حق روان مسج –
" بخليج على راحتج لين القى الرد اللي يريحني ويريحج وتذكري أحبج for ever // للأبد // "
روان : ( بقلبها ) والله اني احبك أكثر

- بيت ابو جاسم –
ام جاسم : شوف الساعه 10 ونص متى ناويه اتشرّف يعني ؟؟
جاسم : يمه اهي ترتاح نفسيتها عند خالتها خليها على راحتها
ام جاسم : انت وابوك راح تيننوني .. ماتفهمون انها بنت والجيران تتكلم .. وبصراحه انا مالي خلق عوار راس بروحهم مو عيالي
جاسم : خلاص يمه هدي نفسج موزين انتي فيج ضغط

- دشت روان معاها منال وخيريه شايله فروس نايم -
روان : السلام عليكم
ام جاسم : وعليكم السلااام .. مسكين هالياهل معذبينه بالسهر والله منحقه يتعب الوقت تأخر واهو بره البيت
روان : ( ضايق خلقها ومالها خلق شي ) خيريه عطيني فروس و روحي نامي
خيريه : لا روان انتي في كيس .. انا ودي فروس فوق
روان : لا عادي عطينياه ( شالت فراس وبيدها الجيس ) يللا تصبحون على خير
جاسم : وانتو من اهله
ام جاسم : لحظه وين اخوكم ؟
منال : ( بنفسيه ) نايم عند خاالتي
ام جاسم : استأذنتوا من عمكم اول ؟؟
روان : لا والله ما استأذنت عن اذنكم الياهل نايم ( اصعدت فوق )
ام جاسم : اتشوف قلة الأدب ؟؟ وخصوصا الصغيره تقلد اختها مال اقص السانها عشان تتأدب
جاسم : يمه ليش حاطه دوبج بدوب هالمساكين ؟؟
--
- بعد مانامت منال اقعدت روان عالسرير وطلـّعت الظرف من الجيس وبطلته .. كان هذا المكتوب بالرساله –
" أحبج حب ما اقدر اعاند فيه احساسي .. لقيت الحب شي أكبر من اني آخذ انفاسي ..
روان تدرين اشكثر احبج .. وافقي وراح اكون اسعد انسان
من حبيبج الأول والأخير :
Bader "
----
( روان تقرا الرساله وعيونها مدمعه خذت التلفون ودقت عليه )

بدر : الو ؟؟ ها عمري قوليها
روان : أول اسمعنـ..
بدر : لا مابي اسمع الا كلمة وحده قوليها يللا
روان : بدر انا موافقه بس اول لازم اقولك شي
بدر : زين قولي يللا اسمعج
روان : ما اقدر اتكلم الحين
بدر : خلاص نامي وباجر اشوفج ونتكلم اوكي؟
روان : تصبح على خير
بدر : وانتي من اهله .. احبج باي ( سكر الخط )

( روان قامت من مكانها وراحت انسدحت يم منال )

روان : ( باست منال على خدها ) ماراح اتخلى عنكم ( غمضت عيونها وادموعها تنزل وبعد مده نامت )

- اليوم الثاني روان خذت اخوانها وقطتهم عند خالتها وراحت اتشوف بدر –

روان : الو .. كاني ثواني عندك
بدر : اوكي انا سافط بنفس المكان
روان : اي اشوفك كاني الحين اسفط يمك ( اسفطت يمه وانزلت اصعدت معاه )
بدر : ( يبتسم لها ومسك ايدها وباسها ) اشلونج يا قمر
روان : ( تبتسم بضيق ) بدر عندي وايد كلام بقوله واتمنى انك تفهمني وماتتضايق مني
بدر : ( حرك السيارة ) ولو اني بغيت اسمع كلمها وحده بس ميخالف بسمعج
روان : وين رايحين ؟ ليش تحركت ؟
بدر : بوديج مطعم كباين اتسولفين على راحتج
روان : أخاف احد يشوفني
بدر : لا تخافين محد يروح هالمطعم

- اوصلو عند مطعم صيني بحولـّي وانزلو اقعدو بكبينه –

بدر : اشتاكلين ؟؟
روان : لا مابي شي
بدر : زين عصير ؟
روان : اوكي عصير
بدر : ( طلب عصير وراح الجرسون ) يللا قولي اللي عندج اسمعج
روان : (طلعت علبة الخاتم من جنطتها وحطتها عالطاوله )
بدر : ( يطالعها واهو ساكت )
روان : بدر انت تدري اني ابي اكون على طول يمك وودي نتزوج اليوم قبل باجر .. بس هم تدري ان اخواني ماعندهم احد غيري وماقدر اسافر واخليهم
بدر : بس انا ماقلت الحين ... قلت عالأقل اخطبج الحين وبالعطله اللي بعد هذي نملج وانسافر .. يكون مار عالوفاة تقريبا سنه .. وبعدين انتي بنفسج قلتي ان عمج طيب فلا اتحاتينهم و صدقيني كل عطله اييبج لهم
روان : ( منزله راسها اتطالع العلبه اللي بيدها ) ماقدر اخليهم
بدر : يعني ماراح نتزوج ؟
روان : ( طالعته ) بلى .. بس نملج عالأقل وبعدها اتكمل دراستك وعقب 3 سنين ان شاءالله تكون خالص واتيي ونصير بنفس البيت
بدر : أول شي خل اصحح معلوماتج .. دراستي اتخلص بعد 3 سنين .. بس الدورات الميدانية تاخذ هم سنه زياده .. يعني اشلون انا كل هالوقت بره ومخلي مرتي اهني ؟؟
روان : بدر افهمني والله ماقدر اخليهم بروحهم
بدر : وانا ماقدر اخلي مرتي كل هالسنين
روان : اتشوفني بالعطله
بدر : ( معصب ) ماقدر روان اشلون اخلي مرتي واروح مادري شيصير لج .. انا جذي واحس بموت واي واحد يطالعج انفجر بمكاني ولا اقدر اسوي شي .. بعد بتكونين مرتي وهم اخليج ومادري شيصير؟؟
روان : شنو يعني ممكن يصير ؟؟
بدر : أي شي مثل الزفـ.. الدكتور اللي طالعج .. وهم انتي الحين عايشه مع شاب بنفس البيت .. عبالج هالشي مو مأذيني ؟؟؟ بس اتشوفيني اسكت لأن ما باليد حيله .. بس اذا تزوجتج لازم آخذج معاي

( دش الجرسون وحط العصير وكان بيطلع بس وقفه بدر )

بدر : لحظه ( دفع الحساب وقام ) يللا مشينا
روان : ( قامت معاه وتحس انها مخنوقه )

- بالسياره –

روان : بدر انت الحين ليش مكبر السالفه ؟؟؟ والله العظيم ابيك بس ماقدر اسافر ماقدر
بدر : ( يصرخ بصوت عالي ) و آنا بعد ماقدر اخلي مرتي بديره ثانيه .. يعني خلاص ماكو زواج ولا ملجة
روان : ( خافت من صراخه وتكلمت بصوت هادي ) انا بنطرك لين تخلص
بدر : لا تنطرين كيفج و تزوجي اول واحد يخطبج
روان : ( دمعت عينها ) بدر انا انخطبت ورفضت
بدر : ( لف عليها وقعد يخزها وويهه مبين حييل معصب ) شنو؟؟
روان : بدر ديربالك وطالع الطريج عفيه
بدر : ( يصرخ ) ردي علي ؟؟
روان : ( خافت واسكتت )
بدر : ( وقف سيارته يم سيارتها وطالعها ) عيدي اللي قلتيه ؟
روان : ( بصوت واطي حيل ) خطبني الدكتور ورفضت عشـ..
بدر : ( يصرخ ) علـّي صوتج ما اسمع
روان : بدر لا تصرخ الله يخليك
بدر : ( ياخذ نسم عشان يهدى ) عيدي اللي قلتيه
روان : خطبني الدكتور تقريبا من شهرين وماقلتلك خفت اتعصب .. بس والله رفضته عشانك
بدر : وليش ماقلتيلي ؟؟
روان : لأن كان عندك امتحانات فاينل ومابغيـ..
بدر : ( يقاطعها بصراخ ) انا مو طوفه انا ريال أي شي يصير كان المفروض اتقوليلي
روان : ( ادموعها معلقه بعينها واتطالعه مصدومه ) بس انا رفضته والله بدر ابيك ومستعده انطرك لو بعد 10 سنين
بدر : ( حيل معصب بس يتكلم بصوت هادي ) شوفي يابنت الناس .. اهي كلمة وحده يا نملج وتسافرين معاي بعد 6 اشهر او خلاص الله يوفقج تزوجي اللي تبين
روان : ( طاحت دموعها ) بدر
بدر : ( لاف ويهه عنها ويطالع الشارع ) انا قلت اللي عندي
روان : ( حطت ايدها على ايده ) الله يخليك لا تخيرني بينكم .. الله يخليك اترجاك
بدر : نزلي يللا بمشي
روان : بدر طالعني الله يخليك
بدر : ( ما طالعها ) نزلي سيارتج خلصيني
روان : والله احبك لا تسوي فيني جذي
بدر : ( يصرخ ) اقولج نزلي

( روان حطت علبة الخاتم على الطبلون واهي تبجي وانزلت )
- اول ما انزلت مشى .. اركبت سيارتها وماشغلتها كانت حاطه راسها عالسكان و ميته بجي –

" عشان الحب واللي بيني وبينك
عشان الحب عشان ايامي وسنينك
ابيك تراجع احساسك
وتنسى جروحي و ألامك
حرام ان بهذا البعد تضيع ايامي ويامك
ادري البعد اثر فيك وتدري البعد ذابحني
حبيبي الله يخليك ابي ترجع تريحني
عشان الحب واللي بيني وبينك
انا ترجاك لاتنسى ليالي الحب وسنيني
وحاول لجل حبي لك انك ماتخليني
عشان الحب واللي بيني وبينك "

اهداء مع اللحن حيل يعور القلب