كاتب الموضوع :
حفيدة الألباني
المنتدى :
مدونتي
اقتباس :-
المشاركة الأصلية كتبت بواسطة حكآية غيمه  |
الكل سألن كيف كان القاء
وعدت حبايبي اني اقولهم كيف كان اللقا
اه بس لو تشوفون الوالده كيف كانت فرحته
تصدقون من صبح الخميس وإنا نستعد لزيارتهم
اللي اتفقنا على الموعد معاهم بعد صلاة المغرب
امي يا عساه الجنه اشتغلت واشغلتن كلنا معه
واه لو تشوفون حال بيتنا ذاك اليوم
تقدرون تقولون كان خلية نحل
الكل قام يحضر لهالزياره
عفسنا بيت أمي فوق تحت تنظيف وستعداد وتوجيب لهم لهالزياره الميمونه
وكيف ماتكون ميمونه وهي زيارة غوالي على قلب أمي وعلى قلبي
واستعدينا بكل شي من استقبال واجب الضيافه
وريحة قهوة أمي فاحت بكل الرس
وغدى بيت امي كنه قصر وقاعة افراح ينتظر له عروس
كعكعكعكععكعكعكعكععكعكعك
الموهم صلينا المغرب وتكشخنا من كبير لصغير
وجانا اتصال من غسق حتى ندله البيت حيث أنهم قريب ببريده
ودلينا لهم وصف البيت وما اخذو وقت دلوه بسرعه
وقلطوا اضيوفنا بقلوبنا قبل مجلسنا
وهاتي يا دموع واحضان بين أمي وام غسق
ياحبي لهم قلبو فلم هندي اول ما شافوا بعض
<< تخيلو الصوره قصميات وبعد بطى تجمعوا وش توقعون يكون
وضعنا من سلام أمي وام خالد اختبصنا أنا وخواتي صرنا بس نهدي في أمي وهي تبكي وترحب
حتى ما لقينا مجال نسلم على باقي ظيوفنا غسق وخواته اللي معه وكان معهم بنوته ياحلوه تهبل بوسط زحمتنا
اما بزراينا كنا حاجرينهم بالدور الثاني مفتكين من زعاجهم
الموهم بعد سلام امي واحضانه وترحيبه ** عاد ام عبد الاله بالاخير انتبهت وقفت عرض فلمه الهندي شوي
وعطتنا ىمجال نسلم على باقي البنات
تخيلو هم ثلاث بنات ولا ادري منهم غسق تقريبا ملامحهم متشابهه كثير ونفس الطول وبنوته صغيره كبر بناتي تقريبا
سلمت على اول بنت قابلته بعد ام خالد
عاد أنا انحرجت بس اتبوسم
غسوق الله يهداه ماعطتن علامه تعلمن عليه يعني تركتن بالمعمعه
خواتي حولي كل شوي تضربن وحده وتقول يالله عرفين منهي خويتس فيهم
عاد أنا نفخة ريشي ورفعت الصدر وقلت للاولى حي الله ام فراس
عاد البنت تبسمت لي وكن وجهه يقول لي غلطانه يا بعدي سلمت عليه بكل حفاوه( يا فصوحه شوي شوي
مانيب قدي) الموهم بادلتن البنيه السلام ةالاحضان
ثم وقفت للي جنبه البنت الثانيه وسلمت عليه والبسمه شاقتن الخشه تبوسم الموهم قلت لنفسي بلاش احراج
خل اسلم عليهم وارحب ومن عقب اعرف منهي غسق بينهم وين هي بتطير
مصيري اشوفه ماهيب طايره متعلقه فيه متعلقه
هعهعهعهعهععههعهعهعهعهععهع وسلمنا عليهم أنا وخواتي كلهم ورحبنا فيهم
عاد وشوي تذكرنا أنا واقفين عند المدخل ما بعد ما قلطناهم
واخزياه علينا بس ماش مضيفين
اخخخخخخخخخخخخخخخخخخخخخخخخخخخ
الموهم قلطوا البنات بعد ما امي سحبت امهم قبلنا ب ساعه وتركونا
ههههههههههههههههههههههههههههههههههه
الموهم قمنا بالواجب وقهويناهم وإنا ما نسمع غير صوت أمي ترحب وتهلل فيهم
وامي معطيتن طاف وجاحدتن وساحبه علي ما كني أنا لي الفضل بعد الله
وكل شوي اخز امي بعين واقول له يمه تعالي شوي ابيتس
وامي ما هنا ولا هي بحولي ماسكه خط مع خويته وداقته سوالف وضحك
وأنا مدري وش صار فيني انبلع لساني ودي احكي واقول يا غسوق عرفين بنفسك بلاش دس الله يهداتس
الموهم قامت أختي الكبيره وقالت حي الله ب .... عاد هذي النقط اسم أخت غسوق
ياحوبي باين عليه تعب وكريشته شوي باينه
الموهم وشوي البنات اللي هم ضيوفنا فطسو ضحك وقعدو ينا ظرونن وفطسات ضحك
امممممم اثاري غسوق ما تبي تعلمن من هي بينهم تبي تشوف اعرفه ولا لا
مسويه الاخت مخطط هي وخواته ياحوبي لهم
تدرون من طلعت الثانيه بين البنات اللي رحبت فيه وترددت لا اساله هي غسق ولا لا
ليش أنا حسبته الاولى اللي رحبت فيه ترحيب ما ينوصف وضميته لصدري ضمه كبيره
لان البنت الاولى كانت هي اللي ماسمه يد البنوته الصغيرونه قلت اكيد هذي حواره حور بنت غسق
ومن غباي البنيه الاولى كانت كرشته شوي بارزه يعني شكله حامل وغسوق على حد علمي
ما خبر فيه شي ولا عمره بسوالفه جابت لي سيرة حمل
الموهم مسكت غسق من يده وضميته ثاني مره وقلت له وه اخيرا شفنا هالغسق
اللي حلمت فيه سنييييييييييييييييييييييين
كعكعكعكعككعكعكعكعكعكعكعكعععكعكعك
والله تهبل هالبنيه تنحب صدق يوم قلت مره انه تدخل القلب وتنحب على طول وجهه سموح واخلاقه
تقوطر منه لا ب حيا ولا بشكل ولا ب لفظ ماشاء الله تبارك الله
وابي اقوووووووووووووووووووووولكم سر حور تشبه امه كثيير
تهبل الله يخليه له ويرزقه بره
حتى خواته يهبلون كل عايلتهم وكل طوايفهم يهبلون يهبلون وش حلاتهم قبله واخلاق ما مثله
بعذره أمي يومن تحب أمه بهالكثر صدقت أمي يوم دمعت وبكت بشوفهم صدقت أمي يوم هللت ورحبت فيهم كنه ترحب برجعت غالي له رجع صدقت أمي يوم شفنا الفرحه والوناسه بعيونه كنه فرحة ام بعرس بنته
الموهم ما طولو بالجلسه ساعتين ثم تيسروا الله يستر عليهم دنيا وآخره رغم إنا ماشبعنا منهم
حلفنا عليهم بالعشاء بس كانو مرتبطين مع بزيارة اهلهم مابين بريده والهلاليه والرس
الموهم وعدون يكررون الزياره لنا وتواعدنا ان تكون بينا زيارات ماتنقطع وان شاء الله ما تنقطع
مابين القصيم والرياض تصافحت بريحة أهلها
وبس هذي كااااااانت زيااارة الغسق يا شعب ليلاس لي وفي بيت أمي كانت الجمعه
لام غسق جارته القديمه من 45 سنه وياهني القصيم والرياض بعودة الماضي والذكريات
|
ياااااااه ياغيووومه
أحلى لقاء وربي
وأخييييييييراً الوالده قابلت خويتها من 45 سنة
سبحان الله مافرق إلا جمع ثانية ..
وأخيراً قابلتِ غسق << يافرحتك ياغيوومه
تصدقين كان نفسي أكون معكم باللقاء << فيس يحب مواقف اللقاء
الله يخليكم ويحفظكم ويسعدكم يارب
وعسى دوم اللقاء يدووم بينكم ياااارب
|
29-10-10, 06:26 AM
جديد مواضيع قسم مدونتي
العرض العادي
