كاتب الموضوع :
Queen of the feeling
المنتدى :
مدونتي
مع فيروز غنيت وسرحت لمفرق الوادي
ذكرتهـ وإنسجمت أكثر مع الكوبليه بزياده
تغني: ياهوى دخل الهوى خدني على بلادي
وآغني: ياهوى دخل الهوى خدني على بلاده
اسج بصوتها واسقي به النوير والكادي
واحس اني مع السجه اسير بدون زواده
وتروح الاغنيه واسمع بعدها اغنيه شادي
ويصحي اسمهـ والأقيني بدون شعور منقاده
اسافر لهـ مع ان اليوم هذآآ عيد ميلادي
اجل وش عاد لاقالوا تعالي عيد ميلاده
اشك اني بجي قبل الوعد واستنزف اعيادي
واكون اول من اتطبق فكرة عيدي اعياده
تجي في وقتها فيروز لكن تعصر افوادي
تذكرني بمرسال المراسيل وبميعاده
( انا بالصيف حبيتك ) عبارة ترسم أبعادي
و ( أنا عندي حنين) تمد للأشواق سجاده
انا لاقلت مشتاقه شوقي ماهو بعادي
وربي لو نثرت الشوق يمكن بأصل أحفاده
لاني أعتبرالآحساس مجد من أعظم أمجادي
وأصلا كل أمجادي جزء واحد من امجاده
صحيح أبعد مع اني أمتطي الأحلام وآنادي
ولكن أبعد من أني أفكر يوم في أبعاده
بقت لي منه الذكرى تكفيني مع زادي
تسليني وأعيش ابها ولكن أيها الساده
اذا شفت الهوى نسم علي من مفرق الوادي
بغني ياهوى دخل الهوا خذي على بلاده
..,
نسّم علينا الهوى من مفرق الوادي
وخلاني اشتاق .. للوااادي ../ وللمفرق!!
يالمفرق:..انصت معاي لحلمي ../ الشادي
خلّه بصوته.. يغيض"الواقع" ../ آلاخْرَق ..!!
احلامي اكبر كثييير .../ وإسأل رقادي :
عن كل حلمٍ مثييير لا.. بحضْرِته يمْرق!!
ولو تسأل افكاري الشرّد .. وأبعادي :
هل للبحر لون.. بتقول : [ البحر ازرق]...!!!
واسمع حكايه لطفله ../ طبعها هادي
كانت عن اطفال ذيك [ المدرسه ] .. تفْرق!!
على يديها .. يِحَسْد النرجس .../..الكادي
ماكنها الا .. [جــداول ماء] ../تترقرق!!
وفجأه../ لمَحْت الذبول فوجهها .. بادي
وماعادت الشمس من"شبّاكها"..تشرق!!
هذي انا /.. ضـااايِعَه .. لايُمكن ايجاادي!!
وتنوح ِ ورقا الهموم../.. لْهمي المورق..!!
اشعل [ ثمَنْ طَعْش ِ ] شمعه لجل.. ميلادي
وتذوب وآنا آتحرى .... [ باكر المشرق ] ..!!
اللي اجي له واوَقّـف ..[ وقفة اجدادي]
ويسحبني الليل .. \ وافلت يدّه .. واغرق..!!
واطرق على باب حظي واجلس آنادي :
(ياحظي وش فيك/ كم لي عام وآنا اطرق !)
شفني شَعَلْت التفاؤل ....وَسْط منطادي
وشف كيف سكين يآسي يضحك ..\ ويخْرق!!
يسرقني الدمْع ِ ../ من بسماتِ أعيادي
وانا ولاربع ِ بسمه.. قادره .... اسرق ..!!
عادي لو آموت ../ دام الموت شيْ عادي
ودام المواجع / مراسي ... : [ بنتبه و../ اغررررق!!]
العنوود العبدلله .. ~
|
16-03-11, 11:26 PM
جديد مواضيع قسم مدونتي
العرض العادي
