مسااء الورد..~


My mood : is bad

حأحكيكم اليوم حكاية أمنا الغوولة

اليوم صار لي حدث غبي إلين الحين أعاني من تبعاتو

طبعا أمس مانمت بدري جالسة أكمل آخر واجب جامعي ليا >> إنشاء الله يكون آخر واحد ما يطلعو لي واحد ثاني ..~

المووهم سهرت عليه لما الساعة 3 ونمت وصحيت الساعه 7 رحت الجامعة ..

طبعا ما يحتاج أقوولكم كيف كان مزاجي بالجامعة .. كنت فاصلة جميع أسلاك المخ وأسلاك الاستشعار وأعلنت حالة الطوارئ الشاملة

خلصت محاضراتي وخرجت من الجامعة من بوابة الجامعة وكأنو عندي عيد من كثر الفرحة

وأول مارجعت وشفت السرير يالللله مايحتاج أوصف لكم الشعور الرائع


وأول مانمت إلا وأسمع الصوت اللي بيفجر البيت من قوته

وأقوم أسال وأشوف ايش هذا ؟؟

تتوقعو ايش طلع ؟؟

البلدية دوبها افتكرت انو الشارع اللي قدامنا يبغالو تصليح ..

أنا هنا لاحد يسأل عني صرخت أبغى أنااااااااااااام وكان نفسي أنزل أمسكهم من رقبتهم وأدفنهم بالأرض ..

طبعا مافي أمل أنام وأنا باقي شوويا ويغمى علياا من التعب

ايش سويت ؟؟

عملت لي كووفي وركزتو وحاولت أصحصح ..

بس تخيلووووو ايش صاار ؟؟

وقفو الشغل ولمو أغراضهم ومشيوو

لااااااااااااااا

حقدت عليهم جلست ساعتين مو راضي يجيني النوم من الكوفي طبعا

بعدها بكم ساعة من المصارعة والمضاربة نمت وصحيت بعد ساعتين بس ..~

حاسة أنو أسلاك راسي حتنفجر ويصير انفجار عميق وبدل ما يصلحو الشارع يجو بووكرا يصلحو مخي


وبعد هذا كلو عندي مناقشة بحث بووكرا أنا بفهم كييف ممكن أناقش بالحالة هذي ؟؟

الساعة : الثالثة عصراً

النشاط الحالي : أكتب ردأعلى رواية من الروايات التي أعشقها ..~

... هذي أنشودة مررررره أحووبها ..~

..~ مسااء الورد..~

اليوم مر عليا جدا ًعادي مثل كل يوم ..~

لكن مرت عليا آية تغيبت عن بالي فترة من الزمن ..~


( وماتدري نفس ماذا تكسب غداً .. وماتدري نفس بأي أرض تموت )


بصراحة لما سمعتها وقفت عندها فترة وبدأت أعيد حساباتي من جديد ..~