كاتب الموضوع :
مايا مختار
المنتدى :
روايات عبير الاحلام المكتمله
اقتباس :-
المشاركة الأصلية كتبت بواسطة حسن الخلق  |
السلام عليكم و رحمة الله و بركاته
بجد بجد يا مايا مش قادره اتكلم شوفى مداخلتى الساعه كام؟ قرأت الفصل ده مرات مره بعينى و مره بقلبى و كل مره بيخلق جوايا شعور جميل عارفه زى ما يكون خدر لذيذ و مش عايزه اصحى منه
فى الفصل ده حسيت بك اوى حسيت انك وضعت فيه من اعصابك و مشاعرك الكثييير اكثر من اى فصل فات
كل كلمه تحمل دلاله و معنى خاص لو بدأنا من البدايه مع رد فعل ليااان لما سألته عن والدته و توتره الشديد و عصبيته و بالمقابل نجد جرأة هيت فى مواجهته و لاول مره لم تهرب بل تشبثت بموقفها للنهايه فهذا الفصل هو فصل سمهيت بلا منازع
ادمى قلبى و هو يصرف هيت لغرفتها حتى لا ترى لحظة ضعفه و هو لا يقوى على مغادرة الكرسى
يا ربى تانى ندبه تتسبب فيها هيت له و ربما ليست الاخيره فهانحن نكتشف اسباب الندبات فمركيزى الساحر يحمل منها الكثييير
عرفت لما رفض ان يجرى عمليه التجميل لإزاله ندبة وجهه عرفت سر مرضه الغريب و حساسيته النادره و لم لا فهو نفسه فارس نادر فهل يعقل ان تكون ردات فعل جسده عاديه ؟ لا طبعا لا بد و ان يكون مميزا حتى فى مرضه
سقطة هيت فوقه من اربع سنوات تسببت فى حالته و يا لها من حاله بصراحه يا مايا انت قفلتيها ببراعه
اتحرق شوقا للباقى عشان اشوف هتفتحيها إزاى و لكنى لا ارغب فى رؤية كلمة النهايه لا ارغب ان انفصل عن ابطالك الذين ارتبط بهم و كأنهم جزء من عائلتى
سأحاول ان اتناسى هذا الان و نعود لهيت
ظهور السنجابه الصغيره جاء فى وقت قاتل و طريقة ليااان فى صرف هيت من الغرفه كان من شأنها فى الماضى ان تجعلها تترك كل شىء و تغادر اما الان لا فبعد كلام ليديا لها عن عدم الإستسلام ادركت انها ستقدم على شىء مجنون و لكن ان تتعلق فى الإفريز وااااو لا انه اكثر جنونا من تخيلى بكثير
دوما تفاجئنى هيت بعد كل هذا و الموقف المزرى الذى كانت فيه و بعد ما حدث بينهم تتسائل عن الصداقه ؟؟؟؟؟!!!!!!!!!!!!!!!!!
و الان مشهد القمه قمة ابداعك يا عزيزتى لقد بلغت فيه يا مايا قمة النضح الفنى و البلاغه ان تعبرى عن الفكره بجمله واحده تعبر عن كل شىء
طبعا اكيد انت فهمت انا بتكلم عن ايه ؟ يا الهى لقد تركت كيس الاحجار من يدها هل تعرفون ما معنى هذا ؟ انه قمة التعبير عن ذهولها و ارتباكها و عدم توازنها لو قلت فى هذا المشهد يا مايا سطور طويله لم تكن تنجح فى التعبير عن حالتها مثل تلك الجمله تركت كيس احجارها فى يده و اتجهت للباب ثم عادت و اخذته
بالضبط هى دى حاله هيت مفيش اى كلام يعبر عنها الا كده الانفصال التام عن الواقع و العوده مجددا ابلغ طريقه ترسم لنا حالتها
كيس احجارها حياتها تركته فى يده
الكيس الذى رفضت التخلى عنه و هى معلقه و تكاد تسقط فى سبيل إنقاذها و مفيش بين الحدثين ثوانى يا خبااااااااار مش ممكن فضلت اقرا الجزئيه دى و اتمتع عدد لا حصر له
طبعا لازم اتكلم عن هند و شخصية هند و ما ادراكى ما هند دى طلعت دماااااغ و دلوقت بس عرفت احمد مجنون ليه و ربنا يستر على عقل ليديا كمان كل موقف ليها مجرررررم و خصوصا لما سن قالت لها انسه ازاى تقول لها انسه هى مش عارفه انها مدام احمد ههههه يا ستى عديها هى الكلمه لزقت و تعبيرتها المدهشه خصوصا الانسه ثلاثيه الاسم اكله الثلج مش ملاحظه حاجه يا مايا كل بطله عند لها تيمه تميزها مش ممكن تكون عاديه ابدا
شكرا يا مايا على الحاله الجميله الى بعيشها بسببك ربنا يسعدك و يحفظ لك حبايبك امييييين
انتظرك دوما لكن بدون النهايه ممكن نسميها البدايه
دمتى بكل حب 
|
حبيبتى هومى
عارفة انا قرات مداخلتك دى كام مرة..وبدون مبالغة واللة
ست مرات ورا بعض..اروح المطبخ شوية..وبعدين أرجع جرى أقراها تانى..اعمل حاجة للبيت والاولاد..وأرجع جرى أقراها تانى
عارفة لية..لانى كان بأقرا تلخيص كامل لافكارى ومشاعرى فى الفصل..
انتى دخلتى جوا دماغى يا بنتى ولا اية
اد اية مداخلة اكثر من رائعة
من خلالها اعطى الفصل ثمانية من عشرة..
فعلا مشهد تركها لكيس الاحجار مهم جدا جدا..وكنت عارفة انك هتعرفية وتلمحى معناة وبسرعة..لانى قلتلك قبل كدا..انو احنا على موجة واحدة
وانا سعيدة جدا فوق الوصف بهذا...
اهنئك على الاشراف الذى اعلم انك ستستحقينة وببراعةز.لانك ناقدة اكثر من ممتازة..تعلم جيدا كيفية قراءة ما بين السطور
تسلمى يا قلبى..وربنا يحفظ لنا كل عزيز وغالى..وهذا اهم ما فى الحياة بنظرى
موووووووة..دامت مودتى وحبى لك
|
28-06-10, 06:24 PM
جديد مواضيع قسم روايات عبير الاحلام المكتمله
العرض العادي
