كاتب الموضوع :
احاسيس طفله
المنتدى :
القصص المكتمله من وحي قلم الاعضاء
الجزء السادس
الموت كله في عيونك طاغي سحرها هايم لك القلب
في الصدر صابتني طعونك اصيح لك وانا معذب
ماعيش صدقني بدونك الجميل كل مافيه ينحب
اخذت روحي من عيونك واخذت قلبي من عيونك
ماعيش صدقني بدونك الجميل كل مافيك ينحب
طالع هو انصدم ملاك بصورة انسانه عيونها بحر بلا ميناء جمالها سحره واخذ عقله مب قادر ينزل عينه سبحان اللي خلقها
ملاك بصورة بنت ايش جابو ايش الموضوع ناظرت عيونه وضاعت ما تبي تعرف شالي يبونه يكفي وجوده جنبها كانت العيون تحكي
وتكمل قصتها وعيونها يزيد السحر فيها كلام وغرام تترجمه عيونها وعيونه تحاول تعرف شالحزن والنظره الغريبه
عيونها تكمل حكي وعيونه تحاول تفهم ولو كلمه عيونهم كانت تحكي وما احد حس بدخولها يسولفون وهي ما عاد تشوف احد
ضلوا ثواني كأنها ساعات بس هيا انتبهت انو كاشفه اللثمه رفعت يدها بسرعه تغطي وجهه بس بعد ما سحرته وصورتها انطبعت
في عيونه نظره وحده وسحرتني لو بقت معي العمر آه يا اسماء أول مره انطق الاسم وأحس بشي غريب اسماء
كل شي فيها سحرني كنت خايفه من وجودك ابي اعرف صدق كلامهم ابي اعرف انت معاهم كلمني وفهمني يا اغلى من ليا
قطع حديث عيونهم صوت
ابو فهد :تعالي يابنتي
اسماء مشت بهدؤ وشموخ بعكس العواصف اللي داخلها وجلست جنب ابوها
الجده : اكشفي وجهك يابنتي فيصل بيشوفك النظره الشرعيه
انقلب وجهها الوان جدتي ايش تقول معقوله كل شي بيسير حقيقه وحلمي حقيقه التفتت جهته كان يطالع بالارض
طالع فيني قول كلامهم مب حقيقه فيصل ابي اعرف فعلا انت ما تبيني تكلم يارب خايفه احبه واتركه بدون ما عيش معاه
ولا اعيش معه وانا ولاشي بحياته لانو ممكن ادمر هذي اللحظه الاخيره لازم اقرر انا ايش افكر اغير قراري لا مستحيل
بس انا ما اقدر اتحمل جرح من فيصل احبه واعشقه من بعيد ولا ادخل حياته واكون اسوء شي فيها لو عاملني بكره ممكن تنكسر
صورته كل شي ولافيصل تنكسر صورته بنظري رفعت عينها وشافت الكل يناظرها الا هو كانت تبي تقول خلاص ما ابي
يضل حبه مدفون ابعد عنه وانا احبه وما اعرف ايش انا بالنسبه له ولا ادخل حياته واحس بكرها كره معقوله فيصل يكرهني ما اتخيل وكلامهم
كله كلام فاضي ما له اساس مستحيل اغير راي مستحيل انا احبه واعشقه رفعت يدها بسرعه لوجهه وفكت اللثمه لتنهي اي فكره
ممكن تغير رأيها
اما هو كان ينتظر اي احد يدخل فهد او سعود مب قادر يواجه الوضع بروحه يمكن مشكلته بس كان يتمنى تعرف بعيد عنه
ما يبي يشوف ردة فعلها مرتبك ومب قادر يسوي شي اسرته بسحرها وعيونها يحس بسر غريب بهالعيون يجذبه ويسحره
ما كان متوقع سرعت التنفيذ عند اهله وانهم ممكن يجمعوهم الان وفي ذا الوقت متوقع انو بعد ما تهدى الاواضع ما توقع هالسرعه
فيصل رفع راسه شافها فكة اللئمه وبان سحر وجهها ساكت ما قدر يتكلم اسحرته لدرجة انو فكر للحظه ما يتكلم ولا يقول شي ويطلب من الشباب يسكتون
ولا يخبرون احد عن شي
قطع افكاره ابو فهد : هذي زوجتك ياولدي
الجده : يلا الان نتفق على الامور الملكه والعرس
انتفضت اسماء على طاري العرس كل شي سار واقع مستانسه وبنفس الوقت خايفه ليكون كلام الكل واقع
اما فيصل يبي يحكي الموضوع بس مب قادر
ابو فيصل : حنا جمعناكم تتكلمو مع بعض وهذي نظره شرعيه لاجل تتفاهمو مو ساكتين
فيصل بتوتر : اخبارك يا بنت العم
اسماء ما قدرت تتكلم الان اول مره تسمع صوته من اول مااجو من السفر صوته هز قلبها هز
الجده وهي اطلع باسماء تكلمي اسماء بسوط يالله ينسمع :بخير الحمد الله
الجو كان متوتر وبالاخص انو الجده وابو فهد وابو فيصل موجودين هذا زاد حيا اسماء اللي تحس بنار تبي تطلع مب قادره
تتحمل الوضع
الجده : ها يافيصل موافق على بنت عمك
سكت فيصل وهنا اسماء قلبه يدق صابها خوف انو ممكن يرفض رفعت عيونها تشوفه كان منزل راسه على الارض ويحرك
اصابعه بتوتر ابو فيصل انشدت اعروقه خايف ولده يفشله مع انه يعرف فيصل زين اهم شي عنده رضى والدينه
الجده رجعت تتكلم بعد ما حست بالتوتر اللي سار وابو فهد اللي انقلب وجهه وكلهم ينتظرون جواب فيصل
خاف ابو فهد لو رفضها فيصل الجده : ياولدي ايش فيك تكلم شفت شي على بنت عمك
اسماء قلبه دق بخوف وارجولها تهتز بإرتباك وبقوى معقوله ما عجبته
بس قطع عليهم دقت الباب
دخلوا فهد وسعود هنا تنفس فيصل وتنهد اجو ينقضوه لازم يتكلمو هو مب قادر يواجههم بروحه يمكن هيا مشكلته بس محتاجهم جنبه
اسماء بدت الدموع تتجمع بعينها معقوله ممكن يرفضني تبي تقوم بس رجولها مب شايلتها تحس بشلل
جلسو فهد وسعود ابوفهد : ايش عندكم
فهد طالع باخته وابوه وتنهد :فيه موضوع عن فيصل لازم تعرفونه قبل ما يسير اي شي ولازم اسماء اول وحده تعرفه وبعدين
تقرر اذا تبيه اولا
ابو فيصل اللي ناظر فيصل : ايش الحكايه ياعيال تكلمو
اسماء بدت الافكار تتجمع معها معقوله يكون متزوج لجل كذا رفضني فهد لمن كلمني وقال انتي موافقه وليش موافقه
اكيد فيه موضوع كبير دموعها متجمعه في عيونه بس متحجره فيها مب راضيه تنزل حست بعجز ودقات قلبها سريعه
فيصل اللي تكلم بعد صمت : يبه انا اقولكم ايش حكايتي ورفع عينه لااسماء اللي كانت تتطالع فيه وابي بنت عمي تقرر اذا
تبيني اولا
سكت فيصل والكل سكت ينتظره يكمل بس هو يحاول يجمع شجاعته موقف صعب الاصعب هو انه انسحر فيها وما يبيها ترفضه
بس مب بيده هيا اللي تقرر رفع راسه وتكلم بصوت هادي برجفه بسيطه : انا...
( بعيدا عن العائله
في مكان ثاني )
كانت جالسه على السرير تبكي وولدها بحضنها ايش ممكن يسوي معقوله ممكن يطلقها مستحيل دموعها تنهمر على وجهها ومب قادره
تستوعب الفكره عبد العزيز يطلقني لا انا احبه هو يحبني ليش سمعت كلام حصه ليش انا مجنونه اللي خربت بيتي بيدي نوره ما بتعدي
الوضع انهارت اكثر لمجرد فكرة انو عبد العزيز ممكن يطلقها لا هو يحبني تركت ولدها على السرير ونزلت وهيا تمشي بالغرفه
بخوف تنتظره يرجع اكيد بيسامحها بتفهمه هيا ماسوت كذا الا لانها تموت عليه وما تقدر تتركه تحبه وما تقدر على بعده يارب يرجع وينسى وهيا
تشهق من البكى اصلا انا بخليه ينسى بس لو نوره درت ادريبها ما بتخليني بحالي ولدها يبكي على السرير وهيا تلف
بالغرفه ودموعه تسري على خدها انفتح الباب بقو طاح قلبها من الخوف والرعب هذا اللي كانت خايفه منه نوره تدري
دخلت نوره بقوى ومسكتها من شعرها بدون رحمه وسحبتها على الارض نوره بصراخ وقهر :هذي أخرتها يامزنه
هذي أخرتها تسحرين اخوي وهيا تزيد في سحبها وصرخات مزنه تزيد وصرخات الولد الصغير اللي ما كمل
سنه تزيد ونوره تزيد بسحبها لشعر مزنه نوره بعصبيه : سعيت لزواجك من اخوي وجبتك لبيتنا وهذا جزاتي
تسحرين اخوي ياللي ما تخافين الله لو ما تكلمت حصه ما عرفنا الله يستر عليها
هنا مزنه انفجرت وهيا تحاول تسحب شعرها من يد نوره : نوره والله حصه السبب هيا اللي قالت نروح نعمل سحر لاجل ما يتركني انا احب
عبد العزيز وما اتخيل اعيش من غيره مزنه وهي تلف نفسها وتمسك يد نوره ابوس يدك ما اقدر اعيش بدونه اكون خدامه تحت رجله بس ما يتركني
نوره وهيا تزيد سحب لشعر مزنه وتخلي وجهها بوجه مزنه بصرخه : ولك عين تطلبين تجلسين عنده ولا تتهمين حصه بس لانه خبرت عنك
مزنه تقطعها : والله حصه السبب الله لا يسامحها
نوره تقطعها : الله لايسامحني كان خليتك يوم واحد على ذمت اخوي
زاد صراخ مزنه ونوره تسحبها وزاد صراخ الولد دخلت ام نوره : نوره مب كذا تنحل الامور ومسكت نوره بس ما قدرت تسحبها
نوره : يما خليني امسكها واعلمها كيف الأخلاق تسحر اخوي لو ما عرفنا بدري كان حالته تغيرت خليني أربيها
دخل عبد العزيز بصرخه وهو يشوف نوره ما سكه مزنه من شعرها
عبد العزيز : نوره اتركيها
نوره :بس يا اخوي
عبد العزيز بقوى :اتركيها
تركتها نوره وراحت مزنه بسرعه ترتمي على عبد العزيز بس انصدمت لمن رماها
عبد العزيز: انا كنت رازك ومعيشك احسن عيشه ايش ناقصك لاجل تعملين كذا تكلمي ايش ناقصك ياحسافه
الحب اللي عطيتك ياه مزنه انتي طالق ولا ابي اشوف رقعت وجههك ثاني ومالك ولد عندي
مزنه تمسك رجله : ابوس رجلك يا عبد العزيز الله يخليك ما اقدر اعيش بدونك خليني لو خدامه بالله
رماها عبد العزيز بقوى وطلع وهو يقول :بروح وارجع وما اشوفك بذ ا البيت ليسير لك شي تندمين عليه وولدي تنسيه نهائيا
قامت مزنه وهيا تبكي كلهم طلعو من الغرفه راحت لولدها وضمته وطلعت اخذت غراضها وطلعت ومن اول ماطلعت من
حيات عبد العزيز طلعت من حياة ولدها تشوفه بالسنه مره او مرتين بعد عبد العزيز سارت انسانه قويه متسلطه بعد ما كانت
طيبه وحنونه حتى ولدها تكرها لانه بالنسبه لها نسخه من ابوه بعد ست سنوات من طلاقها تزوجت وجابت ولد وزوجها مات
ولان هيا سيدة اعمال بعد مامسكت كل فلوس زوجها وهيا المسؤله عن بنته مرت اكثر من خمسه وعشرين سنه والموقف ما يفرقها
تحقد على نوره اللي كانت من اعز صديقتها وتحقد على لطيفه اللي وافقة على عبد العزيز بعدها وتحقد على حصه اللي خربت حياتها
سار قلبها اسود رجعها للوقع صوت بنت زوجها
ريم بدلع وهي تدخل غرفة نوم خالتها : خالتي يلا انا جاهزه لاجل يمدي نروح العرس
(ريم بنت دلوعه وتعودت كل شي تبيه تاخذه لو بالحيله والقوى وما احد يقدر يوقف بوجهه حتى مزنه مرت ابوها
اللي يتعاملن مع بعض كصديقات ريم كان جمالها غير بشرتها بورنزيه رائعه وعيونها سودا جذابه وجسمها خطير
وشعرها لونه كستنائي محليها عمرها 21 فاتحه لها مشغل وتشتغل فيه بفلوس ابوها )
ام فهد اللي رجعت للواقع ووقفت بكل شموخ وغرور : طيب بس البس عبايت
(ام فهد مزنه وهيا طليقت ابو فهد تزوجت بعده وتوفى زوجها كانت على رغم تقدم سنها الا انها تحتفض بجاذبيه
قويه كانها في عمر الثلاثين مع انها عدت الأربعين اهم شي فلوسها وطلعاتها وسهرتها وأخرى شي أولاده فهد
ومحمد اللي كل أوقاته مسافر ولد سكير ضايع بحياته وأمه ولا سأله عنه اهم شي حياته وصديقاتها وبرستيجها
اما فهد فهي تكرها اكثر من انها تحبه لانه يذكرها بابوه ولانه بعد تعلق بلطيفه اكثر من امه )
مشت ريم ونزلت الدرج تتنظر ام فهد ونزلت بعدها ام فهد ركبو السياره مع السواق
ريم : أتحرك يلا التفتت على ام فهد خالتي مب اليوم يرجع ولدك فهد
ام فهد :إيه بس اكيد ما يبي يشوفني لو يبيني جاني اكيد عند العقربه لطيفه اللي تعمل حالها الام الحنونه
ابتسمت ريم بتريقه يعني انتي الحنان انتي اشك ان عندك قلب فهد متى يزورنا اشتقت له ابي اشوفه بس ابي اعرف
شالسبب
اللي يخليه ما بحبني ولا يحب شوفتي بس انا وراك والزمن طويل ما اكون بنت عزام اذا ما خليتك تيجي بنفسك
انتبهت ريم انهم وصلوا ونزلو ودخلو العرس الفخم اللي يناسب برستيجهم
( بيت الجده
ام فوزيه )
كانت جالسه بصالت الرياضه حقتها هيا اللي عملتها كلها ماراي من فوق وعلى طول الجدران وكلها اجهزه رياضيه
وعلى جنب فيه كنب بالون الأبيض وكان لون الارضيه قيشان ابيض منقش كانت الغرفه هاديه وبنسبه لها
اكثر مكان تروق فيه أعصابها جزء فيه الاجهزه وجزء فيه الدفيدي و شاشة بالزما كبيره اما الاستريو فكان كبير
وسماعاته تتوزع على الأربع زوايا مشغله الاستريو على اعلي صوت كانت اغنيه لحظة وداعك بصوت ابراهيم الحكمي
لحظة وداعك آه يا لحظة وداعك ياهي صعبه بالحيل صعبه
وانا اللي ابي قربك وابي قلبك وابيك بدنيتي تبقى معي تبقى
نسيت اني اعشقك ولاتنسى اني بفقدك لحظة واداعك ياهي
صعبه بالحيل صعبه
كانت تمشي على السير وتغني مع الاغنيه ورايقه
من لي غيرك ياعمري لو بعدت ورحت عني
لو تحسب بس
اللي فيني لحظه ما تتخلى عني
نسيت اني اعشقك ولاتنسى اني بفقدك
خلص وقت السير ونزلت منه كانت لابسه برمود ابيض وبدي وردي كان جسمه رائع ولاعارضت ازياء
دائما تهتم برشاقتها وجمالها جلست تفكر اكيد ولد أختها اجى نفسها تشوفه اشتاقت له بس امها قالت بكره
يرحون العزيمه وتشوفه تغير احلو فديته فيصل اموت عليه ذا الولد اقرب واحد ليا ماادري ليش امي ما خلتنا نروح اليوم
اكلم البنات لا ذلحين اكيد مشغولات وناسه بكره بنفـلها راحت تجلس على الكنبه البيضاء بعد ما قفلت الاستريو
ومسحت وجهها بالمنشفه جلست تشرب عصير برتقال بارد يبرد عليها مسكت روايه من روايات عبير رواية (حتى اخرى العمر )
وتشرب وتقرا قطع صمتها دخول امها الصاله
ود قفلت الروايه وعدلت جلستها :هلا وغلا بامي الغاليه
( ود اخت فوزيه ام فيصل اهم شي عندها رشاقتها وجمالها وكشختها تموت بالكشخه بس عليها لسان شذى مب رايحه
بعيد طالعه لخالتها بس فيها جمال طفولي برائه بوجهها شعرها قصير قاصتو فراوله وصابغتو احمر طالع عليها يجنن
وهيا بيضا ام جسمها من كثر الاهتمام كان متناسق وكانها عارضة ازياء دلوعه بقوى )
ام فوزيه وهيا تجلس جنب بنتها :هلا يمه
( ام فوزيه اخت الجده ام عبد الله وهيا ام فوزيه وود الله مارزقها بولد وماعندها الا ذا البنتين زوجها متوفي وعايشه
هيا ود بروحهم وبين فتره وفتره نايف ينام عندهم لان له غرفه خاصه في بيت جدته )
ود : اف ماما اكيد ذلحين فصولي وصل ياريت رحنا كنا شفناه اشتقت له
ام فوزيه : يابنتي اليوم اول يوم واكيد يبون يجلسون جلسه عائليه بكره على العزيمه نروح وتشوفينه
ود : انشاء الله
ود ترجع تفتح الروايه وتقرا وام ود فتحت التلفزيون وجلست تتفرج بعد فتره
ام فوزيه :ايه يابنتي يبون يرحون المزرعه وفوزيه قالت نروح معهم قلت اشوف ود وارد عليكم
نقزت ود ورمت الروايه جنبها وتربعت على الكنبه : وناااسه يماما اكيد ما يبيلها كلام بنروح واو بنفلها مع البنات
ام فوزيه :بدون طفاقه يابنتي خليك بنت راكده لتفشلين
ود : ماما اصلا من دون البنات رجه يعني عادي لو انرجيت هههههههههههه
ام فوزيه : اجل قومي جهزي اغراضك واغراضي
نقزت ود ونزلت من الكنبه :جورينا
ام فوزيه :انا قلت انتي مب الشغاله
طلعت ود وهيا مستانسه بتروح معهم المزرعه وناااااااسه انا لازم اجهز كل شي حسافه ما يمدي اروح السوق اقضي للطلعه
بكره العزيمه عادي العصر أدق على نايف او فواز يودوني واخذ البنات معي
( بيت الجده )
في المطبخ كان كل الحريم موجودات طبعا بدون البنات يجهزون العشاء يشرفون على الشغالات
نوره : اصلا هيا تزوجت
لطيفه ام فهد وهيا تشيل دية السلطه : بعد ايش بعد ما وقفت بوجه اهلها كلهم
ام فيصل :الله يستر على بنات هذا كله من كلامها وحشاها بالناس الله بلاها ببنتها
ام خالد : الله يستر عليهم بس ولا فيه بنت تتزوج غصب عن اهلها
نوره :بنات اخرى زمن اقول الا امي واخواني ايش عندهم
ام فيصل أطالع ام فهد يعني يتكلمو ولا ينتظرو اخوانها يقولون لها اشرت لها ام فهد لاتتكلمي لان نوره معروفه عصبيه
وما عندها اسلوب
نوره لمن طولوا بالكلام : انا داريه انهم يتكلمون عن خطبت فيصل واسماء بس ليش تاخرو وسعود وفهد دخلوا
شكل ولدك يافوزيه مسوي شي
فوزيه بنفسها ما يفوتك شي : ايش يعني بيكون مسوي
نوره بدقه بالكلام :الله اعلم توه رجع من ديرة غربه ليكون بس ساير شي والشباب ما خبرونا
ام فيصل فوزيه اللي عصبت بس مسكت اعصابها : والله يانوره عيالنا مربينهم ونعرف اخلاقهم
نوره : يافوزيه ما قصدت تربيه بس شباب لحالهم 6 سنين في بلد غربه يعني
قطعتها فوزيه: يعني ايش
ام فهد لطيفه : اذكرن الله
فوزيه : الا إله إلا الله
في الحديقه ما شيه تكلم صديقتها وهيا تضحك صديقتها مها بنت مرحه بالمره شالت اللثمه تتهوى كانت بالحديقه الخلفيه
تكلم تضحك بصوت عالي :مهاوي والله خلاص ما عاد فيني اضحك
مها :سكتي ياغصون لو توشوفين الموقف تضحكين غصب الاخ رزه وكشخه وبالاخير يزحلط على البلاط ويطيح
غصون :وانتي اكيد ما صدقتي على الله فرجه ببلاش
مها :اسكتي اختي وعمتي يسحبون فيني وانا اضحك مب قادره اسكت
غصون :هههههههههههههههه اصلا انتي اذا ضحكتي مين يسكتك
كان يكلم وحده من صديقاته لفته صوت كله دلع وضحكه غريبه هاديه وكلها دلع طبيعي من الله راح لمصدر الصوت
وشاف وحده من بنات عمه كاشفه وجهه وتكلم ما انتبهت له انبهر فيه وجمالها وكان نور القمر عاكس على وجهه
ماقدر ينزل عيونه وكان جريئ بالمره قفل الخط من البنت اللي معه ولا عبرهاوراح جهت بنت عمه قرب منها
هيا انتبهت قفلت الجوال ورفعت لثمتها بسرعه قرب منها وهيا يارب ليش يقرب ارتجفت وقلبها يدق بقوى وبخوف
اما هو سار قريب منها وهيا تبي تمشي بس كان لازم تمر من جنبه لمن قربت تمرى من جنبه ابتسم وهيا ارتجفت من ابتسامته
كان لازم تمرى من جنبه اجباري لمن وصلت لمستواه قال لها بصوت هادي
نايف بجراءه : انتي من الارض او قطعه من القمر
هنا غصون دخلت بسرعه من الخوف وهيا ترجف صوته وجرائته بحت صوته خلتها ترجف رجفه غريبه اول ما وصلت المطبخ هدئت في
مشيتها لاجل ما احد يحس دخلت بهدؤ ومرت من المطبخ
ام خالد :غصون يمه عطيني الملعقه من جنبك غصون برجفه بيدها عطت امها الملعقه
ام خالد : ايش فيك ترتجفين
غصون بصوت هادي وهيا لسه تحت تاثير سحر صوت نايف :ولا شي عادي
اما هو اول ما راحت ضحك بينه وبين نفسه حتى بنات عمي ما سلموا مني بس غصب عليا فيها شي غريب
دلعها طبيعي مب تصنع وجهه وهو عاكس عليه اشعة القمر كأنه لوحه فنيه مبهره والله اني حركات سرت شاعر دخل وكان يبي يدخل
من باب المطبخ بس سمع صوت عماته وقال لو دخل ممكن يشكون بشي وراح دخل من الباب الرئيسي
اما عند غصون ام خالد : ايش ولاشي عادي
غصون تحاول تكون هادئه قد ما تقدر : مافيه شي
وطلعت من عندهم وهيا تمسك قلبها تحاول تهدي دقاته دخلت الصاله شافتو بوجهه ويبتسم ارتجفت بزياده تمنت انها مادخلت
وجلست مع الحريم بالمطبخ دخلت بهدؤ وجلست بين غاده وندى
الصاله ما كان فيها الا البنات وراشد فواز ونايف وخالداما العم حسين طلع برى كان عنده مشوار
نايف وهو يطالع جهة غاده وقصده اللي جنب غاده : اخبارك ياغاده
هنا انتفضت غصون من صوته
غاده : بخير الحمد الله كانك ماسلمت عليا قبل شوي
راشد : يؤ ياغاده طلع ورجع شكله اشتاق لك هههههههههههههه
فواز : هههههههههههه اقول شكلك مافهمتي الشوق هذا المدرسه قربت
خالد : وما الحكمه
فواز : فيها توصيله وبنات ههههههههه
الكل :هههههههههههههههههه
نايف : افا تشمتينهم فيني وهذا انا اعبر عن مشاعر الشوق لك
غاده وهيا تكلم الشباب :خلاص كله ولانايف هذا الغالي ما احد يتكلم عنه
راشد :لا ياعمتي ترى انا اغير بقوى
غاده : ولا تزعل وانت بعد غالي
راشد : ومن قال عليك على بعد قلبي نيوفي وهو يمد يده على كتف نايف
الكل :هههههههههههههههه
غاده : هين يادب مردوده
البنات ساكتين ويستمعو على حوار الشباب وغاده
نايف: تدرين ياغاده انك تجننين وانك جزء من القمر ولا كانك من الارض
هنا غصون عرفت انها المقصوده وبطنها مغصتها تبي تقوم باي طريقه
غاده : اليوم انت راضي عليا يسلمو يالغالي كللك ذوق
فواز : اقول نايف لاتنفخ راسها علينا
نايف بابتسامت خبث : يحق لها اصلا الغرور مخلوق لها
خالد : نايف فيك شي شارب شي هههههههههه
راشد : ههههههههه وانا بعد بديت اشك
غاده : ليش تشكون بس لانه قال الحقيقه
فواز :قلت لك اسكت بتنغر علينا
نايف وهو يضحك :ههههههههههههههههههههههه فداها وفدوه لعيونها الحلوه
غصون ما عاد فيها تتحمل قامت وقفت تبي تروح بس الطامه لمن راشد نادها
راشد : اقول غصون جيبي معك ماي ولاترسلين الشغاله انتي تعرفيني ما احبهم
هنانايف ابتسم وعرف مين هيا اما غصون تجمدت في مكانها
غاده وهيا اطالع غصون اللي وقفت فجاءه : غصون ايش فيك
غصون بهدؤ وهيا تكمل طريقها : ولاشي ولا شي
مشيت وتحس انها ممكن تطيح باي وقت من الارتباك و كان الي ناقصه انها اتقابل
مشاري ومهند الي يحبون يثقلو دمهم على غصون
مهند : اف انتي هينا اقول المكان مظلم
مشاري الي كان يحب يتبع اسلوب خاله : اكيد لانو غصون موجوده
غصون بصوت واطي: هذا الي كان ناقصني بلوط وعلقم
خالد : اقول انتو وياه ابعدو عن طريق اختي
مهند:انا احب اعند عليها تجنن لما تعصب
مشاري يقلد غصون لما اتعصب (نعم صوته وبدلع ):بلوط علقم ابعدو عني
الكل :هههههههههههههههههههههههههههههههههههههههههههه
خالد : هذا اول تعمل فيها كذا الحين انا جيت اذبحك لو تعصبها
فجر بتريقه وصت عالي ما تقدر تمسك نفسها من غير ما تعلق :اوه ابعد عن الفارس النبيل
البنات كل وحده تناضر بالثانيه مو مستوعبات انو فجر ترد على خالد
خالد : ههههههههه اوه البزره عندك شك بجرب السيف اول شي فيك
فجر : يماما خوفتني مابزر غيرك
الكل :هههههههههههههههههههههههههههههههههههههههه
غاده بصوت واطي ونضره تهديد: فجر عيب
نايف بصوت قوي : مهند ابعد عنها
مهند وغصون ارتجفو مهند خوف منه وغصون صوته هزها بعدو مهند ومشاري اللي سكت يموت خوف من خاله نايف
طلعت غصون من الصاله وقلبها يرجف خوف من نايف وراحت المطبخ
اما بالصاله
فجر : يؤ اول مره اشوف مهند مرعوب ههههههههههههههههههه
غاده تحاول دق في فجر بس لاحياه في من تنادي فجر فلتها ولا همها احد
مهند اللي يطالع بشرار على فجر بس مب قادر يتكلم خايف نايف يتكلم عليه
خالد : ليش يعني كلكم حاقدين على مهند
راشد :بلاك ما جلست معه وشفت مقالبه مطلع قرون للبنات
الكل :ههههههههههههههه
فواز دق جواله وكانت مرام تناظر فيه اما انوار فتناظر في مرام مقهوره نفسهاتقوم وترميها باي شي
شذى انتبهت للوضع طالعت بانوار وابتسمت بخبث وبصوت واطي : فديت اللي يغرون
هنا انوار نقزت هذي ايش عرفه اي غيره انا اغار وعلى مين : ايش قصدك
شذى وهيا اطالع بفواز : الحبيب
انوار بعصبيه وبصوت عالي ما انتبهت لنفسها لانها ما تبي تعترف بالحقيقه : انتي مجنونه
الكل التفت لانوار يشوف ايش فيها واول من التفت كان فواز
خالد : ايش فيك من المجنونه صمختي اذان الكل
انوار بهدؤ: ما احد ما كان قصدي
شذى قربت منها اكثر :لاتحاولين تهربين كل شي بعيونك يبين وبعدت شذى وقربت من فجر بعد ما فجرت القنبله بوجه انوار
معقول باين عليا انو فيه شي لا ما اتوقع طالعت بفواز وهو يكلم كانت بعالم ثاني تتامل كل شي فيه مب حاسه باحد حولها
ام هو اول ما لتفت لهم شافها تناظره هيا نزلت عيونها برتباك كانها حرامي مسكوه يسرق هو ابتسم كانت فيه وحده تغلي نار
انتبهت على نظراتهم وانقهرت اكثر لمن فواز ابتسم كان نفسها تقوم وتذبحهم كانت مرام
غصون رجعت من المطبخ ومعها كاسة الماي راحت لراشد بس ماكانت تبي تدخل لان نايف جنب راشد
كانت خايفه بقوى قربت وهيا ترتجف عطت الكاس لراشد ونايف لف وجهه لجل ما يحرجها حس انها مرتبكه يبي
يخفف عليها الوضع هيا لمن نايف عطاها ظهره اتنفست براحه ورجعت جلسة بين غاده وندى
ندى بهدؤ وهمس باذن غصون : ايش سارلك ما انتي على بعضك
غصون بصوت واطي وخانقتها العبره: ندوش سكتي لو تكلمت بصيح
ندى التفت عليها بهدؤ : ايش فيه
غصون وهيا اطالع نايف اللي مندمج بالسوالف : بعدين بعدين
دخلت عليهم وهيا تمسح على عيونها توها صاحيه نوم وفستانها الوردي اللي الى الركبه مع شراب ابيض طويل
وحاطه شريطه على شعرها كان شكلها كيوت ويجنن دخلت تدور احد تعرفه بعيونها بغت تبكي ما شافت ابوها والكل
متغطي ما عرفت احد بس لمن طالعت شافت نايف كأنه الفرج جاها وجرت بسرعه لحظن خالها
سارونه وخانقتها العبره وهيا تمسح على دموعها : حالي نايف وين بابا وماما د
نايف : ما ادري : بصوت عالى شذى وين شيماء ومشعل
شذى : راحو يتعشون برى
نايف: هم يتهنو وحنا نبتلش ببزرانهم
راشد : اقول ياختي وراك ما سكه بنت اختك
نايف بتريقه : يااختي شسوي كل مارحت مع زوجها تدبست انا ببزرانها
الكل ضحك على نايف وراشد :هههههههههههههههه
سارونه : خالو
نايف : ياعيون خالو
مشاري : ايه ساره دلوعه اما انا ولد اختك بالطقاق
نايف وهو يناظر جهت غصون كان ما خذ راحته لان الكل يحسبه يناظر غاده : العن ام الغير ه بعدين ذولي بنات
اجمل المخلوقات لازم تعاملهم برقه ونعومه
فواز : بدى افلاطون وغرامياته
الكل :ههههههههههههههههههههههه
دخلت نوره : مابعد طلعوا من اجتماعهم
تغير لون وجهه خالد كان خايف على فيصل الله يستر
( بالمقلط )
سكت فيصل والكل سكت ينتظره يكمل بس هو يحاول يجمع شجاعته موقف صعب الاصعب هو انه انسحر فيها وما يبيها ترفضه
بس مب بيده هيا اللي تقرر رفع راسه وتكلم بصوت هادي برجفه بسيطه : انا لمن كنت مسافر سار عليا حادث
الكل انصدم وكمل هو ما كنا نبي نقلكم طلعت من الحادث الحمد الله سليم بس سكت للحظات يجمع شتات نفسه مب قادر يكمل والكل مترقب
فهد وسعود ساكتين ما يبون يتكلمون يبونه يتكلم هو فيصل يكمل بعد صمت بس الدكتور يقول انو الحادث اثر عليا وانا
سكت رفع راسه وفجر القنبله بوجه الكل :انا عقيم
ابو فيصل انصدم ومسك الدمعه لاتنزل من عيونه هذا ولده بكره معقوله ما بيشوف عياله يارب سترك هزه الموضوع
الان عرف سبب رفض ولده هو اللي اصر عليه يارب سترك ابو فهد ماكان اقل صدمه من ابو فيصل يحس انه لو وافق
بيظلم بنته بس هيا اللي تختار بنفسها حزن على ولد اخوه اللي مثل ولده اما الجده اللي ما قدرت تعبر الا بدمعه من عينها
فهد وسعود ما تحملوا وطلعوا
اما اسماء كانت صدمه غيبتها عن الواقع فيصل معقوله مستحيل يارب سترك فيصل حبيبي انا كذا انا مااصدق انشل تفكيرها
وانشلت رجولها مستحيل اللي يسير يعني السبب ماكان مثل ما ضنيت
قطع تفكيره صوت فيصل وهو يطالع الارض :يابنت عمي دريتي بعلتي وبيدك قرارك
ابو فيصل بصوت مهدود ومهموم :يابنتي انا معك واذا رافضه حنا بنساندك وانا اول واحد يوقف معك
فيصل انجرح من كلام ابوه
الجده :يا بنتي القرار لك
اسماء مستحيل الموضوع ما فيه تفكير ولا واحد بالميه ممكن افكر وقفت والكل يناظر فيها واولهم فيصل اللي التقت عيونهم
ببعض اسماء لمن وقفت قالت :,,,,,,,,,
|
25-05-10, 05:13 PM
جديد مواضيع قسم القصص المكتمله من وحي قلم الاعضاء
العرض العادي
