تابع>>
ا اسفه نسيت...
My live&&&&
لا عادي ما تنلامين ثالث تنسي اللي ما ينسي مجربين خخخ

6666666
انا بنيه *وطبع النت* علمني اشيل*فستان* الدلع والبس* شماغي*
خخخخخخخخ ايه والله تعبت وطفشت متى اخلص بس..
My live&&&&
لا مابقى شي هانت بس انتي ركزي
انا بنيه *وطبع النت* علمني اشيل*فستان* الدلع والبس* شماغي*
انشاء الله وانت اخبارك واخبار الدراسه
My live&&&&
انا بخير الحمد الله باقي لي كم اختبار وارجع
انا بنيه *وطبع النت* علمني اشيل*فستان* الدلع والبس* شماغي*
ترجع بالسلامه انتبه لدراستك ولنفسك
My live&&&&
وانتي انتبهي لدراستك عشان تحققين اللي تبينه الا ما قلتي لي وش ناويه عليه
انا بنيه *وطبع النت* علمني اشيل*فستان* الدلع والبس* شماغي*
الله يسلمك ناويه على طب اسنان
My live&&&&
اوووه يعني زملاء
انا بنيه *وطبع النت* علمني اشيل*فستان* الدلع والبس* شماغي*
ههههههههههه ممكن تقول كذا بس انشاء الله ربك يسهل
My live&&&&
امين الا كم باقي لكم على الاختبارات ؟؟؟
انا بنيه *وطبع النت* علمني اشيل*فستان* الدلع والبس* شماغي*
يعني باقي شهر ونص

My live&&&&
يعني باقي شوي شدي حيلك كلها شهر وانتي مخلصه
انا بنيه *وطبع النت* علمني اشيل*فستان* الدلع والبس* شماغي*
انشاء الله انا مضطره اطلع الحين انشاء الله اكلمك بعدين
My live&&&&
انشاء الله ذاكري زين خخخخخخخخخ
انا بنيه *وطبع النت* علمني اشيل*فستان* الدلع والبس* شماغي*
خخخخخخخخخخخخخخ وانت بعد بااااي
My live&&&&
بااايات
******
بعد ما تعرف عليها وشافها بالجامعه تطورت علاقه نرمين بزياد زياد صريح وقالها عن علاقته قبل بخلود ونرمين قالت عن علاقتها اللي قبل
اتفقو يطلعون يتمشون مع بعض
واهم يمشون في الشوارع وبين الناس اضواء الشارع معطيته جمال والكوفيات منتشره والناس هاديه ومافي مشاكل كانت جمبه يناظر بأعجاب صدق البنت حلوه وجمالها يجذب أي شخص
بس احساسي وانا جمبها ما يقارن احساسه لما يكون جمبها
قاطع تفكيره كلام نرمين: وينك وين رحت
زياد : لا موجود موجود
نرمين طفشت واهي تستناه ينطق: زياد ممكن سؤال
زياد: تفضلي بس خلينا نجلس في هالكوفي ونشرب شي اول
نرمين: بيكون احسن تفضل
جلسو في كوفي موقعه مره حلو وجوه احلى كان ستايله شرقي كله فوانيس وسجاد ايراني بس ما فيه اكل شرقي كوفي وبس
جلسو على طاوله كان جمبها حاطين انواع البخور ورد وعود روائح تذكرك بالخليج
يمكن لان صاحب الكوفي عربي وحب يستغل هالشي في شغله لان الكوفي باين عليه زحمه اكثر من أي مكان ثاني...
نرمين: نرجع لسؤالنا
زياد حس وش في راسها : اسألي
نرمين بخجل مصطنع:انت في بنت بحياتك
زياد يبي يقطع الامل عندها: ايه فيه
نرمين ما ساعتها الدنيا من الفرحه اخيرا يا زياد:بعرفها
زياد يهز راسه بالنفى: لا
نرمين انصدمت ودها تكسر الطاوله اللي قدامها : ما اعرفها طيب ممكن تعرفني عليها
زياد:ممكن واحنا نمشي لاني تأخرت وبكرا عندي محاضرات بدري
نرمين قامت تجر رجولها جر: يله بس وصلني اول لانو شقتي اقرب من شقتك
زياديبي يتخلص منها وبس: ولا يهمك
كانو يمشون مشي لان شققهم قريبه ويفضلون المشي من انهم يوقفون تكسي وشغله..
نرمين تقول الكلمه طالعه من دون نفس: ايوه ممكن هلق تقولي من هي اللي بحياتك
زياد يحاول يخليها تفقد الامل فيه من دون تجريح:هي بنت صاحب ابوي واخو دنيا
نرمين : كيف خي دنيا
زياد:يعني كانو اصحاب من يوم هم صغار وصار مثل الاخوه
نرمين: طيب كفي حكيك
زياد: انا بنته احبها وتحبني
طعنتها كلمته في قلبها حست بأنها انرفضت واهي عمرها ما انفرضت الشباب يلحقونها واهي اللي ما تعطيهم وجه ولا تكلم احد الا بمزاجها يعني لمصالح وبس
زياد يأشر : ها وصلنا شقتك مع السلامه
نرمين خاييفه:ممكن تطلع معي
زياد بستغراب: ليش؟؟؟
نرمين: في واحد ساكن بالشقه اللي جمبي عم بيضايقني
زياد: كيف يضايقك لا يكون تحرش فيك
نرمين : بيجلس جمب باب شقتي وكل ما جيت بطلع بلاقيه واقف ويحاول يتحرش فيني
زياد بحزم: تعالي واذا شفته انا اوريك فيه
نرمين احتمت فيه والفرحه مو سايتعها انه اهتم وطلع معاها
طلعو الدرج كان الاصنصير متعطل وشقتها بالدور الثاني واهي تحاول تقرب منه
واهو يبعد بدون ما تحس
وصلو
زياد جلس يتلفت: شكله مو موجود
نرمين: ما بعرف هو هيدا وقتو بيجي وبضرب علي الباب بقوووه
زياد: طيب ادخلي وقفلي الباب واذا حاول يتحرش فيك اتصلي علي شقتي قريبه او اتصلي على الشرطه..
نرمين برجفه: ما اقدر بخاف الله يخليك اجلس معي خمس دقايق بس
زياد : وين اجلس
نرمين: اجلس معاي بالشقه خمس دقايق وبعدها روح
زياد وافق بعد ضغطها عليه قرر يجلس خمس دقايق يتطمن عليها ويطلع بعدها ...
نرمين دخلت الشقه بعد ما حست بنتصار
نرمين تنزل شنطتها عن كتفها على الطاوله:انا بشكرك كتير يا زياد انا كتير كنت خايفه منو
زياد حاس انه متضايق ويستنى متى تخلص الخمس دقايق عشان يطلع حس انه غلطان بدخلته شقه بنت وفي الليل بعد: لا ولا يهمك
نرمين : دقيقه وراجعه
دخلت غرفتها وطلعت لابسه قميص قصير يطلع رجليها الطويله اللي تسحر
زياد فتح عيونه انصدم من جرأتها او وقاحتها لدرجه انها تطلع عنده كذاا
قربت منه وجلست جمبه على الكنبه..
زياد قام بسرعه قبل ما يغلط عليها بكلمه: انا استأذن
نرمين قامت لحقته ومسكت يده بقوه: وين وين
زياد لف عليها وعطاها احقر نظره وسحب يده: انا اسف يا نرمين اني سمحت لنفسي ادخل شقتك
وراح للباب
راحت تركض وراه ومسكت يده: انا اللي سمحتلك ما تروح
زياد: اتركي يدي اول
مازالت متمسكه بيده كنها تتمسك بشي راح ينقذها: ماراح اتركك تطلع قبل ما تنفذ اللي بدي ياه
زياد سحب يده بقوه: انا بطلع انا دخلت لاني كنت اظن انك وحده محترمه بس انتي تعطين فكره عن البنت العربيه فكره غلط وانا ما انفذ لاي احد أي شي فاهمه
نرمين بدت تعصب:انا ما في حدا بيرفض لي طلب
زياد بدى يستفزها: ليش لانك حلوه يا كثر الحلوين بس في ناس حلوين من برا ومن جوا عكسك
نرمين تبي تجرحه: قصدك مين في
زياد يبي يحرق دمها: شوفي اسمها ما تجيبينه على لسانك لانها انظف منك واهي احلى منك بمليون مره جوا وبرا
نرمين اهي اكثر شي يجرحها ان احد يسب جمالها او ما يبدي اعجابه فيه:انا واثقه من نفسي مو محتاجه شهادتك
زياد مع ابتسامه احتقار:الا محتاجتها والا كان ما رحتي تلبسين هاللبس قدامي تبيني اتكلم بس ما توقعتك بهالحقاره
نرمين طلعت على حقيقتها: انت الخسران انا اللي عرضت لك نفسي ورفضتني وانا عمري محد يرفضني وراح اخليك تندم انت مو عارفني صح
زياد: شوفي انا ندم اكثر من اللي انا ندمانه الحين ما في ضيعت وقتي مع وحده مثلك صايعه ما تربت
نرمين تأشر على الباب: اطلع برااا
زياد بستهزاء: ههههههه ضحكتيني يقالك تطرديني انا طالع من دون ما تعصبين
نرمين وفي قمه عصبيتها: ان ما خليتك تندم يا زياد ما بكون نرمين ويله اطلع برا
زياد:ههههههههه مع السلامه ياااا حلو
نرمين خبطت بالباب خبطه هزت العماره
كانت شبه منهاره من داخلها ما في احد قد جرحها وكرهها في نفسها مثله
لها فتره تحاول تتقرب منه وتسمعه كلام واهو مطنشها..
نرمين واهي تبي تحرق كل شي قدامها: طيب يا زياد ان ما كانت نهايتك على ايدي ما اكون نرمين مو انا اللي بيهيني واحد متلك ..
جلست والحقد والكره في قلبها له يزيد مالقت نفسها الا تدق على مهند ابن خالتها
**>مهند كان ولد خالتها كان يموت في الارض اللي تمشي عليها شخص مجنون وممكن يسوي أي شي لها لو تطلب منه يقتل واحد يقتله عشان ترضى عليه والامر في الموضوع ان نرمين عارفه ومستغله الوضع على قد ما تقدر**
نرمين من طرف خشمها: هاااي مهند
مهند رجع يناظر الجوال مو مصدق انها اتصلت: هاااي بهالصوت
نرمين: كيفك؟؟
مهند: انا بخير انتي كيفك صوتك مو عاجبني
يتبع>>

تابع>>
نرمين بدلع : انا متضايقه كتيررر
مهند: ومين اللي مزعلك بكسر لو راسو
نرمين: شوف انا راح اقولك كل شي بس التنفيذ ماراح يكون هلق يكون بعد شهرين او هر ونص اوكي
مهند بأنصات : اوكي
&&&&&&في مدرسه البنات&&&&
نوف تجلس جمب مي وفي تجلس وراهم وكانت حصه رياضيات اخر حصه
بنت تشوفها حاطه راسها وتشخر
وثنتين مع بعض داقينها سوالف ...
وبنات دوافير قدام مركزين والابله مصريه وبس تبربر حاله صعبه خاصه اخر حصه يكون الواحد نفسه في خشمه وشلون اذا كانت حصه رياضيات..,,
مي والزهق ينط من عيونها نط: نوفوه كم بقى وتصفر
نوف تناظر ساعتها:افرحي خمس دقايق
في كانت حاطه راسها وساحبتها نومه
نوف تناظر في: اقول متى نامت
مي: مدري عنها انا من العشا مو شايفتها يا جالسه تذاكر والا الماسن لعب في مخها كاثره جلستها عليه هاليومين
نوف:عاد مو وقته الاسبوع الجاي بنبدى مراجعه لازم تجي مصحصه المراجعه اهم من الدروس
مي: وانتي الصادقه
في فجأه قامت:بووووووووووووو
مي نوف: بسم الله
رن الجررررررررررررررررررررررس×××
في: انا ترا مو صمخى سمعت كل شي واعرف مصلحتي الاسبوع الجاي خلاص بنظم نومي صح
نوف: شطوره يله بروح بيتنا
مي : واحنا بعد

**************في بيت ابو متعب**
حصه كانت تكلم بالتلفون ومها ومشاعل كانو معاها بالصاله
حصه: ايه انشاء الله انا اكلم ابوها ونشوف انشاء الله مع السلامه
مشاعل جالسه تحوس بجوالها: يمه مين هذي
حصه: هذي ام محمد
مشاعل: وش تبي
حصه:تبي تخطب
مها ومشاعل سكتووو..,,..,,..,,..,,.
حصه: ايه تخطب مها
مها دارت فيها الدنيا وما تبي تعاند امها عارفه انها اذا عاندتها اهي الخسرانه لا ابو بيوقف معاها ولا اخو يقدر يساعدها ولا اخت زي الناس ما يهمها الا نفسها..
حصه تكمل: تبيها لولدها الكبير محمد
مشاعل تتلقف: يمه كم عمره
حصه: يعني 27 26 شي كذاا
مشاعل: يله مبروك
مها عطتها نظره عشان تسكت:مو وقته
حصه : مو وقت ايش انتي الثانيه اذا كان الرجال سنع وزين ماراح تقولين لا فاهمه
مها ما تبي شي يضايقها الحين: ان شاء الله >>وقامت لغرفتها
جلست تفكر واول من خطر في بالها خالد كيف راح تعيش من دونه لو غصبوها اهلها تتزوج لازم تفكر وتلقى طريقه تتصرف فيها
مها" الحين انا عندي اختباراتي وهذا بيعطيني وقت للعطله واذا جت العطله لكل حادث حديث واقدر اتصرف فيها"
مشاعل رقت فوق لها وقفت عند الباب: ممكن
مها: ادخلي من وين نازل عليك الادب
مشاعل : انا من يوم يومي مؤدبه
راحت ونطت على السرير وكملت:انتي ليش انقلب وجهك لما سمعتي كلام امي عادي تعودي تنخطبين انتي حلوه وبنت ناس بيجيك خطاب بالهبل
مها تحاول ما تبين شي: بس لانه مو وقته الحين ما ابي اتزوج
مشاعل: وشلون مو وقته انتي كم عمرك الحين ؟؟؟
مها: بكمل 22 شهر 7
مشاعل: اجل ايش اللي مو وقته اللي اصغر منك تزوجو اذا الرجال اخلاق ليش تقولين لا\
كملت: الا اذا
مها متفأجاه: الا اذا ايش
مشاعل بنبره تهديد: الا اذا في احد
مها تتغابى: احد زي مين
مشاعل رفعت رجليها ومسكت المخده في حضنها: أي احد ما في بالي شي انت قولي
مها ببرائه: ما في احد لا تجلسين تقولين اشياء انتي مو قدها
مشاعل: لا يا قلبي قدها وقدود
مها: سكري على الموضوع يكون احسن
مشاعل: اخرتها انا عارفه ان قلتي بنفسك والا لا.
###############################
يوم الخميس السابق للأختبارات
كان بيت ابو احمد هادي كل شخص بغرفته وام احمد تمشي وتدور على غرفهم تشوف وش محتاجين وش يبون
ام احمد راحت اول شي غرفه مي
مي والنوم هالكها: هلا يمه بغيتي شي
ام احمد: لا انا ما ابي شي انتي تبين شي تشربينه جوعانه والا شي
مي: لا يمه مشكوره ابي اخلص ذا الرياضيات وش طوله باقي لي فصلين يبيلهم ثلاث ايام التكامل الله ياخذه
ام احمد مو عارفه شي: وش تكامله يله ارجعي ذاكري بس
مي تسحب شعرها وتنطط على السرير: ابي اخلص ابي اخلص يمممه الحقوني اه اه
ام احمد شافت حاله بنتها خافت عليها جلست تقرى ايه الكرسي خخخخخخخخ
وطلعت راحت لفي...
في حالها احسن من حال اختها مشغله شريط قران يهدي النفوس وجالسه بالقلم في اذنها وبجاما مرقعه بنطلون وحده وبلوزه الثانيه وشعر كششه
والعيون تحتها اسوود
خخخخخخخخخ لا احسن ولا شي
ام احمد: ها فيويه خلصتي دراسه
في تهز راسها: ايه يمه من زماااااااااااااااااااااااان
ام احمد: صدق والله اجل ليش اختك ما خلصت مثلك
في:هههههههههههههههههههههههههه >>جلست تهز خصرهااا
ام احمد : بناتي انهبلو وقعدو الله ياخذ الاختبارات وش سوت فيهم
ام احمد: اجلسي يالمجنونه احد يرقص والقران يشتغل
في مكمله رقص: يمه ماااقدر ما اقدر خصري يهز لحاله هههههههههههههههه
ام احمد: بروح اجيب لكم مويه مقري عليها يمكن تعقلون انتو الثنتين
راحت وشربتهم وكنهم هدو شوي
راحت تتصل على ام فهد تشوف اخبارها واخبار نوف لا تكون انهبلت مثل بناتها
ام احمد: هلا والله
ام فهد: هلا وغلا وشلونك
ام احمد: مو طيبه والله
ام فهد: عسى ما شر ليش
ام احمد: البنات بناتي انهبلو
ام فهد:ههههههههههه عندي وعندك خير
ام احمد: لا عاد وش مسويه نوف
ام فهد: توني ساحبته من السور جالسه تغسله
ام احمد:هههههههههههه تغسله ليش وسخ
ام فهد: وش وسخ الله يهديك توني مخليه السواق يغسله منهبله بنتي
ام احمد: والله اجل يا حليل بناتي عاقلات وحده ترقص استغفر الله والقران يشتغل والثانيه تنطط على السرير وميته ضحك
ام فهد: لا عاقلات بناتك امس توني مخليه اخوها يربطها بالسرير كنها خروف
ام احمد: ليش بعد
يتبع>>

تابع>>
ام فهد: تبي تنط من السطح الله ياخذ هالاختبارات هبلت ببنتي الوحيده
ام احمد: اقول روحي شوفي بنتك لا تسوي شي بعد عطيها مويه قرايه واقري عليها
ام فهد: على قولتك يله مع السلامه
ام احمد: مع السلامه
***في كندا**
كان جالس يذاكر اختباره الاثنين ويبقى له اختبار اخير الاثنين اللي بعده وياخذ الشهاده
محمد: اشوف طلعاتك قاله ياخوي
زياد: اللي كنت اطلع معها صارت وحده خلني ساكت بس
محمد: مين نرمين وش سوت
زياد: سالفه الله يستر عليها بس هالانسانه ما ابي اسمع اسمها مره ثانيه ابدا
محمد: ولا يهمك بس مشاء الله عليك اسبوعين وتخلص انا باقي لي شهر
زياد: اعوذ بالله من عينك لا تحسدني كلها اسبوعين وبتلحقني
محمد رافع يديه: اميييييييييييييين يارب ابي ارجع واتزوج خطيبتي تستناني
زياد:هههههههههههههه ميت على العرس انت
محمد: اه بس وش ميت الا مت وخلصت ابيها ابيها يا زويد احبها واهي بنت ناس لها ثلاث سنين تستناني وابي الحين ادلعها واكفئها على صبرها وانها ما صبرت على واحد ما يستاهلها لانها تستاهل اللي احسن مني بعد
زياد: ياعيني ياعيني على الحب
محمد: لو انك مجرب كان حسيت فيني
زياد" حطيتها على الجرح يا محمد محد جرب اللي فيني احبها وتحبني وبعد ما تموت اكتشف خيانتها وتقولي ما جربت "
زيااد ابتسم يخفي جروحه: الله يسمع منك ونجرب قريب
محمد: طيب متى سفرتك انشاء الله
زياد: بأذن الله يوم الاربعاء عشان اخلص اختباري الاثنين واروح اضبط اوراقي يوم واحد يكفيني واسافر
محمد: توصل بالسلامه مو تنسانا
زياد: وانا اقدر
محمد صديق زياد من الدراسه تعرف عليه من خلال سكنه معاه انسان طيب خاطب وصار له اربع سنين مأجل زواجه عشان دراسته واهل زوجته ما واقفو على الزواج الا بعد ما يخلص دراسته
&&&&&&&&&&&&&&&&&&&&&7
وفي احد قاعات الاختبارات الوزاريه كانو متقسمين وصار من حظ مي ونوف انهم مع بعض وفي المسكينه لحالها..
مي تكلم نوف قبل ما توصل الاسئله تناظر حولها كل بنت حالها ما يعلم بهاالا الله وحده شعره وتدقها صيحه
وحده جالسه تقرى الاذكار ويديها ترتجف والبرد في القاعه مغطي على المكان يخلي الواحد يشعر بالتوتر والخوف اكثر مما هو اصلا خايف برد يخلي شعر جسمك يوقف ويشل عقلك عن التفكير
وصلت الاسئله وتوزعت وتشوف كل بنت اللي كانت ماسكه نفسها ما تصيح صاحت
واللي كانت تقرى الاذكار بدت تحل
واهي واقفه تناظر اللي حولها والوقت يمشي
ناظرت نوف وجهها مقلوب بس على الاقل تشوفها تكتب عكسها اللي ما عرفت ولا سؤال..
خنقتها العبره ومسكت نفسها سمت بالله قالت اذا الكسلانات جالسين يحلون يعني انا اقدر احل
................في مكان ثاني من قاعه ثانيه
كانت تحس بالوحده والخوف اللي حولها تاكل بندول من جهه واللي جالسه تناظر تنورتها شكلها كاتبه الكتاب كله عليها >>بس ابي افهم وش هالغباء وحده تغش في الراياضيات ..
كانت تناظر ورقتها سوداء مو قادره تفكر والوقت مو من صالحها قرت الاذكار والمعوذات وبدت تكتب
بعد مرور ثلاث ساعات مرهقه عقليا وجسديا طلعو البنات اللي تصيح في حضن صديقتها
وصراخ عن الاسئله وشلون صعبه وما تنحل
طلعت ودها تصيح حست كل مستقبلها ضاااع بسبب اختبار واحد كانت تظن انها مستعده له زين
مي واهي خانقتها العبره: ها وشلون حليتي
في من طرف خشمها: ززفت وانتي ونوف
نوف: انا ماسكه نفسي ما ابي اصيح هنا بصيح في بيتنا
مي: وان بعد يله بروح البيت جا احمد
في: ايه قلتله الساعه 10 تلقينه برا
نوف: وخالد اكيد برا بعد الله يجيب اخر يوم على خير
مي: امييييييييين بس متى يجي
طلعو لقو احمد وخالد جالسين يسولفون
ركبو السياره بهدوء
احمد: ها وشلون حليتو
ما قال الكلمه من هنا الا بدى الصياح من هناك
احمد خاف انه قال شي غلط: وش فيكم وش فيكم ما حليتو
وزاد الصياح
مي ودموعها اربع اربع: حسبي الله عليهم الله ياخذهم ما حليت ما حليت بسقط
في تكمل معاها: وانا بسقط بعد الله حسبي الله عليهم
احمد مرتاع من الصياح ما يقدر يتحمل:طيب خلاص اكيد حليتو انتو مذاكرين
مي واهي تصرخ: اييييييييييييه مذاكره مذاكره ولاشي من اللي شرحته جا الله يخذها معاهم
احمد: هدو بس انتو خيره خيره
في: أي خيره خيره اننا نسقط انت بعد سق وانت ساكت
احمد اتبع النصيحه وسكتت طول الطريق واهو يسمعهم يشاهقون وكل شوي الصياح يزيد بدال ما ينقص
وصلو البيت وكل وحده راحت غرفتها تكمل مناحتها....
سياره خالد.......
خالد: ها وشلون اختباركم
نوف ودها تصيح ماسكه نفسها: زين زين بس انت اسكت ما ابي اتكلم
خالد: ليش عسى ما حليتي ترا بتسقطين اهم شي الرياضيات
نوف سمعت كلامه وسوتها مناحه: لا ماحليت بسقط يا حسافه دراسه 12 سنه يا حساافه
خالد خاف تورط وش يسوي اهو اللي جاب الكلام لنفسه: لا استهبل معاك لو حليتي زين في كل المواد خلاص تجيبين نسبه تجنن بس ذاكري زين
نوف تصيح وما ترد عليه
مرت الايام على هالحاله يوم اصعب من اليوم اللي قبله الاسبوع الثاني من الاختبارات كان اسهل
كانو يظنون ان الرياضيات كان صعب يعني الباقي بيكون سهل بس كانت المواد العلميه كل ماده اصعب من اللي قبلها بس صار عندهم تبلد مشاعر
اخر يوم كانت الساعه ثلاث الفجر والبنات فالينها يذاكرون على راحتهم
مي واهي تاكل دونات وتشرب عصير تفاح: ما اصدق بكرا اخر يوم ما اصدق
نوف كانت على التلفون: ولا انا بسوي ببكرا عرس بطلع من القاعه وازغرط
مي: اتحداك
نوف: لا تتحدين اسويها الا وين اختك
راحت المجلس تذاكر طفشت من غرفتها يله نوفه اشوفك بكرا وش بتسوين
نوف: ههههههههه اوكي نشوف مع السلامه
مي : مع لسلامه
...كانت تعبانه وفيها نوم اسبوعين مالقت نفسها الا نايمه على الطاوله اللي قدامها من دون ما تحس....
طوووط طوووط طووط طووط...
في قامت تناظر جوالها اللي حمدت ربها ان ساعه الجوال تدق كل يوم على الساعه 4ونص
قامت مرتاعه باقي لها كم درس ما ذاكرتهم طارت تشوف مي وينها
لقتها نايمه على الطاوله حقت الاكل ملزقه كرسين جمب بعض ونايمه كتاب مفتوح عصير مشروب منه نصه
علبه دونات كبيره كل نوع مأكول منه شوي
يتبع>>

تابع>>>
ضحكت عليها ورحمتها شكلها كنها متسوله
في تهزها: ميووو قومي يله راجعي شوي ونروح المدرسه
مي تحاول تفتح عيونها بصعوبه: ها يله خلصتي انتي
في ماسكه كتابها في يدها: لا ما خصلت باقي كم درس
مي شهقت:هييييييييي وانا بعد يله بروح اتحمم والبس واجلس اذاكر
في: وان بعد ما اصدق اخر يوم عرررررررس
مي تمشي تفرك عيونها وتهز خصرها: برقص برقص
*****في كندا****
زياد كان جالس يجهز شنطته يودع الشقه اللي احتضنته سنين فيها الحلو وفيها المر هنا كان يدرس وهنا كان ياكل
هنا يجلس يسولف مع محمد
راح يمشي بخطوات ثقيله للبلكونه يتفرج اخر مره يشوف هالمنظر الناس تمر ناس تسوي رياضه وتركض اثنين يحبون بعض جالسين على هالكرسي
ناس تشتري خبز من المخبز اللي في الزاويه منظر ما ينسي احلى ذكرياته واحلى ايام عمره عاشها هنا
على كثر ما كان يفارق هالمكان على كثر ما حزن وحزفي نفسه انه يفارقه جمع اخر ذكرياته وحمل شنطته وسلم على محمد
محمد : مثل ما قلتلك اذا وصلت طمنني
زياد واهو يحضنه: من عيوني انتبه لنفسك وذاكر عشان تنجح وتلحقني بسرعه وتعرس وتفكنا مو تسقط اعرفك كسلان لازم الواحد يلاحقك بالكتاب عشان تذاكر
محمد:هههههههههههههههههه لا لاتوصي بذاكر يله انتبه لنفسك عاد
زياد: فمان الله والله راح توحشني ياولد
محمد: وانت اكثر اقول روح قبل ما اسويلك فيلم هندي هنا الحين
زياد: لالالا الا افلامك تجيب الهم
محمد:هههههههههههه اجل فارق
زياد: مقبوله منك فارق فارق مع السلامه
محمد: متاكد ما تبي اوصلك
زياد: ما ابي اتعبك
محمد: تعبك راحه يله بس تعال
ركبو وراحو المطار.....
&&& في المدرسه&&&
نوف نفذت وعدها وقفت عند باب الاداره.كلوووووووووووووووووووولوووووش
والبنات ما صدقو كل بنات ثالث كملو معاها:كلوووووووووووووووووولووووش
نوف:هههههههههههههههههههههههها ي استانسو يا بنات افراااج
هيييي
البنات:هييييييييييييييي
مي: والله كفو بنت عمي سويتيها
نوف تسوي حركه بشعرها: انتي مو عارفه انا مين انا نوف بنت عبدالله وهياا افااا عليكم بس
مي: يله بس خلينا نروح البنات كتبو على ملابسي لحد ما شبعو
في طقوس يسونها البنات في نهايه كل سنه يكتبون ذكرياتهم على ملابس بعض
وحده تكتب على تنوره صديقتها والثانيه على بلوزتها..
نوف: يله وش رايكم نطلع نتغدى في مطعم بهالمناسبه
مي: لا واحنا كذا اشكالنا
نوف: وش فينا نجنن
مي: شوفي وشلون شكلي من الحر
في: انا بروح ما علي لو اني ماشيه بخيشه بروح بروح
مي بستسلام: معاكم وش نسوي بس تتوقعون يرضون يودونا
في: مو بكيفهم مو بكيفهم غصب احنا ثالث وتونا مخلصين لازم يدلعونا شوي
نوف: وانتي الصادقه يله نطلع
***احمد وخالد واقفين يستنون كالعاده***
مي: حمود نبي نتغدى في مطعم
احمد: لا مافي
في تهمس في اذن نوف : شوفي وش بسوي
نوف ما تدري وش الطبخه
في: حمودي طيب نوف مشتهيه تتغدى الحين
احمد سمع الاسم من هنا: يله مشينا
الكل:ههههههههههههههههههههههههه
نوف استحت الفتره اللي راحت كانت الامور بينهم هاديه يمكن احمد متحكم بتصرفاته يستنى جوابها بعدها يرجع احمد اللي تعرفه بس
نوف" اه يا احمد لو تدري بس صعب صعب"
ركبو وراحو يتغدون بالمملكه....
كانت زحمه وكلها بنات نوف ومي جالسين معصبات وفي اهي الوحيده اللي موسعه صدرها
في: وش فيكم انتو الثنتين مادين البوز
نوف على اعصابها: ما فيني شي
مي: وانا بعد
في: الا علي وش فيكم اقول تعالو نجلس على ذيك الطاوله حلوه..
جلسو..
في: يله قولو وش فيكم
مي تكلمت: شوفي البنات وشلون يناظرون احمد كلووه بعيونهم
نوف: وعينها على البنات يناظرون خالد يتكلمون ويضحكون بصوت عالي ويغمزون له واهم ما عطوه وجه..
في:اقول انتي وياها منقهرين على اخوانك كذا اجل اجل رجاجيلكم وش بتسون فيهم بتعلقونهم بالسرير وتطلعون وتخلونهم خخخخخخخخخخ
نوف: هه ما تضحكين اقول اسكتي بس
خالد كان واقف يطلب عصير له ولنوف....
جاه صوت من جمبه: الاخو هنا اجل
التفت على مصدر الصوت تفأجأ من وقاحته: هذا انت
وليد: ايه انا وش عندك
خالد: انا مو قايل لك ما ابي اشوف رقعه وجهك مره ثانيه احمد ربك اني ما بلغت عليك
وليد يبي يستفزه: ما بلغت لانك ما تقدر تفضح بنت عمك
خالد: لا تصير واثق انا اذا حطيت احد في بالي اجيب راسه الارض ومو احسن لك احط في راسي
وليد : اوعدك اني اانا اللي بجيب راسك الارض
خالد:هههههههه حلوه ياالاخو روح العب بعيد مو خالد اللي ينقاله هالكلام اعرف من تكلم
وليد انقهر من ثقته بنفسه: نشوف يا خالد ياولد عبد الله ما اكون وليد ابن عبد الرحمن ان ما خليتك تندم على كل اللي سويته تشوف
خالد: اقول فارق لااخليك ما تعرف تشيل نفسك من الارض
وليد سحب نفسه واهو يتوعد في خالد: نشووف نشوووف
بعد ما تغدو راحو البيت البنات رقو يرتاحون ما صدقو لحد الحين انه اخر يوم اللي راحت ترقص لانها حالفه
واللي راحت تجلس على الانترنت...
جلس بتعب في الصاله يتفرج على التلفزيون كان مقصر عليه لان امه جالسه تكلم بالتلفون
لاحظ في شريط الاخبار
وبعدها صرخ من دون احساس:لااااااااااااااااا
وش اللي صار خلا احمد يفقد اعصابه كيف راح تتعامل مها مع الخطاب وايش راح تكون رده فعل مها وكيف راح يكون استقبال العائله بوصول زياد من السفر؟؟؟
كله في الجزء العاشر

؟؟؟ الجــــــــــــــــــــــــــــــــــــــــزء العاشر؟؟؟
88888888888888888888888888888888888
جلس بتعب في الصاله يتفرج على التلفزيون كان مقصر عليه لان امه جالسه تكلم
بالتلفون
لاحظ في شريط الاخبار
وبعدها صرخ من دون احساس:لااااااااااااااااا
ام احمد من الخوف رمت سماعه التلفون: بسم الله عليك وش فيك
احمد كان مثل التايه يدور له نقطه نور مسك الريموت كنترول وطول على الصوت

&ننقل لكم هذا الخبر العاجل وقوع طائره ركاب من نوع بوينغ 747 رحله رقم 535 في المحيط الاطلسي نتيجه عطل في المحرك الذي سبب سقوط الطائره بعد ربع ساعه من القاعها في نطاق ان القوات الكنديه كثفت قوات للبحث عن الجثث المفقوده حيث انه لم يتم العثور حتى الان الا عن عشر جثث من اصل 300 راكب عند حدوث أي جديد سنوافيكم بأهم الانباء
&&في خبر اخر مقتل اربع عراقين وثلاث جنود....................................
كان واقف ما قدر الا ان طاح في حاله انكار تامه مو مصدق اللي صار زياد زياد رااااح
ام احمد شافت ولدها سكرت التلفون وجت تركض: احمد وش السالفه وش صاير
احمد كان يناظرها بعيون مليانه دموع: لا حول ولا قوه الا بالله لا حول ولا قوه الا بالله
ام احمد طاح قلبها تأكدت ان الموضوع فيه موت احد:مين
احمد صوته يعبر عن حزنه المدفون: زياد يمه زياد
وبدى يبكي بضوت مكتوم على اعز اصحابه واخو دنيته مات وماتت جواه احساسيس كثيره فقد شخص من اعز الناس وقوه احتماله اضعف من كذا
ام احمد اللي بدت تبكي لانه في مقام احمد عندها فقدت ولد ولد ما يتقدر بالذهب قالت والبكاء يغطي على الكلام: الله يعينك يا ام سعد الله يصبرك الله يصبرك

&كانت نازله للمطبخ خذت عصيرها وطلعت الدرجتين الاولى سمعت كل شي وقفت دقيقه خمسه او ساعه ما حست برجلها وبجسمها كلها متجمده وحاسه بالبرد طاح الكاس منها وطلعت بسرعه البرق مرت جمب غرفه مي مي شافتها تركض خافت ولحقتها
مي جايه تركض: وش فيك
في وفي عمرها ما ظنت انها ممكن تقولها: مي زياااد زيااد
مي قرصها قلبها من سمعت اسمه ودموع في قالتها وما تبي تسمع الجواب:وش فيه
في ودموعها على خدها ترد على مليون سؤال: مات يا مي مات
مي طاحت مغمى عليها
في واهي تصيح : احممممممممممممممد احمممد الحقني
احمد طلع يركض يمسح دموعه ما يبي يبين لاحد ما عرف ...
دخل غرفه في لقى مي مغمى عليها وطايحه على الارض وفي جمبها تبكي وبكاها كل ماله ويعلى
احمد ينزل لمستواهم: وش فيها
في واهي تشهق:مدري مدري قوم خلنا نوديها المستشفى
دخلت ام احمد وشافت بنتها طايحه على الارض والثانيه تصيح مو عارفه السبب توقعت من خوفها على اختها
في كانت عندها مزيج من المشاعر المتضاربه تزعل انها فقدت الشخص الوحيد اللي حبته ايه احبه مو مصدقه انها قالت الكلمه وحياتي من دونه ما تسوي فراقه لها يعني فراق روحي لجسدي يارب صبرني على فراقه ياارب
احمد شال مي وطار بها مع في ام احمد اقرب مستشفى دخلو بها الطوارئ لها فتره ما ردت وكانت طيحتها قويه على الرخام ممكن عورت راسها&&
777777777777
ام احمد اتصلت وقالت لابو احمد عن اللي صار بس حذرته انه يقول لاي احد لحد ما يتأكدون من الخبر..
وصل ابو احمد اللي ترك كل شغله اللي كثر هاليومين بسبب مشاكل وفلوس تنفقد ما ينعرف مصدرها..
ابو احمد والخوف باين على وجهه: وش فيها اختك طمني
احمد والحيره على وجهه: مدري يبه طلعت فوق لقيتها مغمى عليها
ابو احمد:طيب وين الدكتور
احمد: شوي وبيطلع وبيطمننا انشاء الله
ابو احمد تغيرت ملامحه: طيب تأكدت من خبر وفاة>>وسكت
احمد رجعت عيونه تغرق بدموعه: يبه اكيد الاخبار واهو قالي ان بيوصل اليوم وحذرني اني ما اعلم احد عشان بيسويها مفاجأه >>ورجع يبكي
ابو احمد حزن من قلبه حط يده الدافيه على كتف ولده:ياولدي ادعي له بالرحمه وبعدين في امل يقولون مفقودين لسى ما لقو جثثهم
وحضن ابوه وصار يبكي على صدره كان يتمنى ان كلام ابوه كله صح وان في امل ان زياد يرجع كبر ايمانه بربه وحاول يصدق هالكلام
ام احمد وفي كانو في الانتظار....

وحده تبكي على حال بنتها اللي طاحت من دون سبب مو مصدقه ولدها اللي ما جابته ببطنها مات واشين موته ما لقوه بدت تبكي ودموعها تشق طريقها على خدودها...تدعي لامه بالصبر والسلوان...

اما في اللي كانت مو مصدقه تستنى احمد يدخل ويقول ان الموضوع كله مزحه لان زياد ما قال لاحد عن موعد رجعته الا لاحمد اللي حب يسويها مفأجأه
تعبت من التفكير وكرهت كل شي حولها ليش زياد يروح عنها ويتركها ليش اهو الشخص الوحيد اللي حبته
حست بحنانه لها مشاعره ونظراته كانت تحسسها بقيمتها واهميتها
دارت فيها الدنيا ورجعت تبكي بحرقه ...

صحت في غرفه بيضاء وكل شي فيها ابيض حسبت نفسها ميته كان ريقها ناشف وتدور كاس مويه في أي مكان فتحت عيونها تدور شي
شافت في جالسه اول ما شافتها تناظر حولها قامت لها بسرعه
في بلهفه: ها ميوو كيفك الحين
مي بتعب: عطشانه ابي موويه
في تدور كاس مويه : ها تفضلي
شربتها وسحبت الكرسي وجلست جمبها وتحاول تمنع دموعها من انها تنزل : كيفك الحين تعبانه
مي تذكرت سبب طيحتها في الاساس ورجعت تبكي بحرقه مسكت المفرش وغطت وجهها: في اطلعي برااا ابي اجلس لحالي
في وقفت عندها : مي يا حبيبتي لا تبكين امسكي نفسك وادعي له بالرحمه
يوم سمعت كلمت اختها زادها صياح...
في ما قدرت تمسك نفسها اكثر كانت متماسكه بس ما تدري ان اختها متدمره واهي منهاره اكثر منها
تبي تبكي على حظها على حزنها على نفسها وعليه ..
مي من تحت المفرش وصوتها كل بكي: وين امي ابي امي
في : امي واحمد وابوي برا الحين بيجون ما يدرون انك صحيتي مي امسكي نفسك قدامهم لا تحسسينهم بشي الله يخليك الله يخليك >>وجلست تبكي
مي رفعت المفرش عن وجهها بعد ما انتبهت لصوت اختها اللي تغير في لحظه
شافت في منزله راسها ودموعها انهار
مي مدت يدها : في امسكي نفسك انا بمسك نفسي بحاول الله يخليك محتاجتك جمبي تكونين قويه
في رفعت عيونها في عيون مي: انا بحاول بس
مي صوتها مخنوق: انتي تحبينه
في فتحت عيونها :...................
مي : في لا تحسبني غبيه انا شفت وشلون تغيرتي وشلون تتصرفين لما يكون موجود في انا اختك واحس فيك انا عارفه انك خايفه على مشاعري عيونك كانت تلمع لما تشوفينه انا مو غبيه يا في مو غبيه انا اسفه انا >>ما قدرت تكمل كلامها وبدت نوبه صياح مره ثانيه
كملت: انا اسفه اني حرمتك منه خفتي انك تجرحيني والله اني احبك واهم شي تكونين سعيده انا خلاص زياد نسيته من زمان من زمان
يتبع>>