المنتدى :
قهوة ليلاس
$ البخل$ لآطحتي برجلُ آو آخو آو آخت‘$ بخلآء$‘ مآذا تسوين‘ ؟ ~ ~ > بوه جوآيز بالدآخل
رغم كل الظروف العنا والألم والجفاء الذي بيني وبين كيبوردي المصون ورغم الازعاج الذي اسمعه حول بيتنا اللي يقطن بين برحتيين التي حان وقت بنائها .. واللي زاد الطين بله جارنا العزيز ابو حصيصه مدري وش فيه الظاهر انه ينافس اللي يبنون وبروايه اخرى هو مشارك في الاسهم بشركه اسمنت ولما درا ان سهم الاسمنت نازل حبتين استغل الفرصه وقام
يرمم بيته بس كذا طناخه ودي اروح لهم واقولهم يرحم امكم زينو كل ابو بيتكم بس لاصرت طالعه طقطقو لحد ماتطلعون الارض السابعه من قوة الطقطقه والتكسير جابوا لي الصداع والسكر والزنجبيل وعن قريب يجيبون لي نعناع آحس راسي يقوول ‘وزز وزز‘ وهاك يا كومت خرسان رايحه ويا حزمة اسمنت جايه .. والله مابقى الا يسوون اسطبل خيول بالحي وماتبداالطقطقه الامن الصبوح مايقووولون هناك فتاة جميلةٌ رقيقه تقطن بغرفتها >> والله لو يصير لونتس اخضر محدن درابتس آقول من يقط لي دريهمات كود اغير غرفتي واحط به آبجورات واحس اني رومنسيه شوي
البخل هو: الإمساك عما يحسن السخاء فيه، وهو ضد الكرم.
ياخي مدري ليه ساعات تجيني طناخه ودي لو اني مليونيره بس عشان اوزع على الناس فلوس يوم الله منعم عليكم انتم هييه يالي معكم فلوس ليه البخل ؟! ماتدرون ان فلوسكم تبي تأكله الدود عسى الدود يقرض جنوبكم طيب قدر الله وصارو الي حولتس بخييلين وانتي لاهذي ولا ذيك وش تسوين تطرين منهم من هنا لبعد 7 شهور ونص ويمكن يتحلحلون بـ حتة قريشات ويمكن لا بهالحاله وش تسووين تقطعين هدومتس في روآية اخرى * تقطعين ملابسكي * وتندبين حظك ولا تجلسيين وتولولين على حضتس العاثر ؟! ويدور فوق راستس الف شي وشي وتجلسين تمنين
* وحده من البنات تقول ان اخته موظفه وتستلم $ راتب $ يجمد على الشارب يعني مبلغ وقدره المهم الله يعطيه ماعطانا ماعلينا تقول مره ودتن للمستوصف والعلاج على حسابه طبعا على حساب الاخت الموظفه طلع حساب العلاج بميتين وعشرين واخته اعطته ميتين وخمسين طبعا كم يبقى يبقى ثلاثين تقول يوم ركبنا السياره الا تقولين وين الثلاثين هاتيهن ؟! تقول تنحت من قوة الصدمه يعني وقفت الدنيا على الثلاثين انا قلت لها يابت زين الي عالجتك قالت ماهو لمصلحتي هي تبي تاخذ اجازه باسمه !!
هنا انا مانلام يوم اقول ليتن مليونيره واوزع على الناس فلوس >> ياخوفنا بس لاصرتي مليونيره تدفنين فليساتتس تحت الارض
مو كني نسيت سالفه الجوائز >> ترى هالجائزه بطآقة شحن للي تعرف هاللغز
الي تعرف وشلون البجامة الي انا لابسته وانا اكتب هالموضوع هو لونين (2) و كل وحده له تخمين وآحد بس والي بس ترد على سالفة اللغز ماله شين >> بدى شغل القعاطه والبخل
* بس ابوريكم اني مطنوخه وتسريـمه وسخيةٌ العطاء ليلاسيات احبكن
|
12-05-10, 12:03 AM
جديد مواضيع قسم قهوة ليلاس
العرض العادي
