كاتب الموضوع :
dali2000
المنتدى :
القصص المكتمله
بارت 85
-----------------------
في بيت اهل الجوهره ..
هديل صحت و جهزت فطور لها ولامها وشالت الصينيه متجهه لصاله وامها جالسه جنبها التلفون
يآ الله
..يآ عآلم بمآ يخفى ومآ تخفيه الصدور ,,
إنك تعين إللي يخفي في شموخه ..
إنك تعين إللي يخفي في شموخه .. إنكسآر ..
هديل : ما اتصلت
الام : لا
هديل ( تحط الصينيه وتجلس) : عطيهم وقت تعرفين المراجعات يبغى لها وقت ( عطت امها خبز اسمر) الله يرزقهم
الام : امين
هديل : امس العرس كان حلو مع انه بسيط
الام : احلى شيء ان كان في بيت
هديل : أي والله وناسه مو كثيره صح معازيم من طرف المعرس اكثر بسبب اسمه يعني مجاملات
الام : عبدالله رجال معروف كرجل اعمال وهذا السبب
هديل : يمه لاحظتي الحريم امس كيف يطالعون لي وهمزاتهم ونغزاتهم
الام : ما عليك منهم يا بنتي هم لهم الظاهر
هديل ( نزلت عيونها للكوب ) : يمه يقولون اني دخلته السجن واني السبب في اللي صار وأمه تمشي وتتكلم تقول الجوهره وخواتها قلبو عقل الاب على ولده حسبي الله عليهم
الام : ولدها محنا السبب في اللي صار له هذا فعل ايديه مثل ما علمك عمك
هديل ( رمشت بعيونها وهي تحاول ما تبكي ) : يمه قالوا اذا هي سوت كذا بولد عمها اجل ما عندها أخلاق هذي من ياخذها ويبتلي فيها
الام : هديل حكي الناس ما يخلص لما تبدأ محاكمته راح تظهر الحقيقه هم يعرفون ان بالسجن وللحين ما بدأ التحقيق وتظهر الادله يا بنتي ان كان لك نصيب راح تاخذينه
هديل ( في نفسها) : كان لي نصيب وأرتحت له وبنيت احلامي معه ولكن تبخر والسبب عليان من شفته نبض قلبي له آآه يا قلبي اللي ما عمره عرف الحب ويوم عرف الحب الحبيب اختفى
الام : هديل
هديل ( طالعت لها) : لبيه
الام : ليه ما تاكلين
هديل : أكل ( أخذت خبزه وهي تاكل ) يمه بطلبك
الأم : اطلبي
هديل : أبغى اسافر أحس الفتره اللي فاتت تعبت كثير
الأم : وين
هديل : مدري أي مكان بس ابتعد عن الناس ونظرهم وكلامهم
الأم : هذا هروب يا بنتي افهمي انتي ما غلطتي عليان اكتشفوا ان كان مورد للمخدر كان يدخلهم على اساس ان هدايا لاهله على شكل ميك أب وبدل المكياج كانت بودره مصففه وكمان اكتشفوا ان مطلوب دوليا بسبب شقق اللي استغفر الله حرام يا بنتي بيشيب راسه ولا طلع زين ما يتخذون فيه اجراء القصاص
هديل : انا قلت اني ارتحت ولكن الشيء زاد وكبرت المسأله
الأم : سوالف الناس لا تتبعينها فاهمه وسالفة السفر اجليها لين تولد اختك وتبشرين أنا وعمك بنسافر معك لوين ما تبغين
هديل : ان شاء الله ( ناظرت لجوالها وابتسمت ) هذي هاجر
الأم : هاجر صاحيه بدري غريبه
هديل : بلا ما تعرفين الحبيب معزوم اليوم عندهم
الأم : الليله ( ناظرت ساعتها) ما صارت 11 علامها
هديل : كل الايام اللي فاتت اتصال ولكن ألحين وجه لوجه البنت من امس ما نامت خايفه هههههههههههه
الأم : ههههه الله يهنيها
هديل ( اخذت الجوال ووقفت) : بكلمها في غرفتي
الأم : والفطور
هديل : ما ابغى ( ردت عليها وهي متجهه لغرفتها ) هلا
هاجر : هلا فيك وينك
هديل : في البيت
هاجر : يا سخيفه أقصد اتصل ولا تردين من اول رنه
هديل : كنت أتفطر علامك كذا
هاجر : يمه هديل خايفه ومرتبكه
هديل ( تسكر الباب وتجلس على سريرها) : وش له الخوف ترى كله عشاء اجل يوم عرسك وش تسوين هههههههههه
هاجر : ووجع تضنين سهل اشوفه
هديل : اكيد سهل مو هذا الحب
هاجر : أي والله ان الحب والحبيب
هديل : اجل وين الصعب
هاجر : اني اشوفه
هديل : هويجر تكلمي عدل مو فاهمه شيء
هاجر : شوفي انا صراحه خايفه منه
هديل ( عقدت حواجبها ) : كيف
هاجر ( عضت شفتها بخجل) : هو جريء وأخاف يسوي حركه كذا ولا كذا
هديل : هههههههههههههه
هاجر ( بعصبيه ) : لا تضحكين من امس مو نايمه عدل من بابا وصل وقال ترى عزمت ناصر لأن من ملكتوا ما ألتقيتوا بس مكالمات وانا نومي متقطع وكوابيس
هديل : ترى ما راح يسوي شيء لك خصوصا امك وابوك فيه
هاجر : لما يكلمني وربي استحي منه جريء مره كيف لو اشوفه وجه لوجه
هديل : الجوال يحجب كل شيء يعني يقدر يوصل مشاعر بس لما يواجهك صدقيني راح يكون عكس خصوصا ان ما شافك قبل كذا بيكون لقاء مميز بينكم
هاجر : طيب تقدرين تجين
هديل : وش اسوي لك حمايه هههههههههههههههه
هاجر : لا بس ارتاح
هديل : اقول والله لو تشوفين ناصر بتنسيني اسكتي بس ههههههههههههههههه
هاجر : يا شينك لما احتاج لك
هديل : بكره لو اقول لك اجيك باللقاء الثاني تقولين انقلعي
هاجر : أي والله هههههههههههه
هديل : وربي حيوانه ههههههههههههههه ( سمعت امها تنادي ) هجور امي تنادي اكلمك الليله وتعطيني تقرير عن اللي صار
هاجر : اوك سلمي على خالتي
هديل ( تسكر الجوال وتطلع شافت امها ماسكه السماعه وتسمح دموعها) : بسم الله ( جلست جنبها بخوف) يمه علامك
الام ( تعطيها السماعه وبهمس) : مزون تبغاك ترى نفسيتها سيئه
هديل : ما ضبط الحمل
الام ( هزت راسها بلا وعيونها تدمع) : ...................
هديل ( أخذت نفس وهي تحاول تبتسم ) : هلا وغلا مزمز
مزون ( تبكي ) : هدوووووول أنا مو حامل
هديل ( غمضت عيونها وهي تبلع غصتها) : قولي الحمد لله هذا اول خطوه يعني مو من اول محاوله تحلمين
مزون : تعبانه
هديل : مزون اهدي واسمعي هذا قدرك هذا نصيبك وانتي صغيره وأحمد صغير
مزون : كنت متبعه كل التعاليم وكل التنبيه والتحذيرات ايش الخطأ
هديل : أحمد وين
مزون : طلع بس انا عارفه ان طالع متضايق
هديل : لا تزيدين عليه يا مزون خصوصا ان السبب بالعقم خليك معه
مزون : وش اسوي
هديل : لا يرجع يلقاك كذا بيزيد الهم بقلبه والحمل على كتفه ويضيق زياده قومي ألبسي وتعدلي بخري شقتك ونظيفها سوي لكم حفله صغيره غيري جوه وجوك لو دفنتي نفسك يالدموع منتي مستفيده شيء
مزون ( يزيد بكاءها) : ما اقدر والله ما اقدر
هديل ( بعصبيه وهي تمسح دمعه خانتها ونزلت) : تقدريييييييين مثلي ما تعرفين تمثيييييييل أرسمي ابتسامه أحمد محتاج لك محتاج تحسسينه بأن اللي صار ما ضايقك وأن في أمل يا مزون والله لو رجع أحمد وشاف حالتك كذا راح ينهار راح يتضايق ويمكن يبتعد عنك
مزون ( بصدمه ) : ااااااايش يبتعد
هديل : هذي الحقيقه اذا حس انك مو قادره تتحملين وهذي اول محاوله لكم بالحمل راح يرفض المحاوله ويبتعد من نفسه
مزون : ما ابغى يبتعد
هديل : اجل قومي خذي دش وغيري لبسك اطبخي نظفي بيتك غيري جوه وأبعدي تفكيره عن اللي يضايقه يا أختي احتوي زوجك وخففي عنه
مزون ( تمسح دموعها ) : حاضر
هديل : يالله روحي وبكره كلميني اوك
مزون : حاضر يالله مع السلامه
هديل : مع السلامه ( تنهدت وهي تسكر التلفون وناظرت لامها) يمه لا تبكين
الام ( تمسح دموعها) : الله يجزاك الخير ما عرفت ايش اقول لما اتصلت وهي تبكي تقول الدكتور قال ما فادهم العلاج يبغون يجربون شيء ثاني
هديل : يمه لا تضنين ان بيكون سهل هم سافروا وهم عارفين كل الصعاب عارفين كل الاحتمالات للفشل لازم نكون قريبين منهم عشان لما ينهار واحد منهم نشد من عزمه ونسنده لا يطيح ويتراجع عن المحاوله مره ثانيه لين تحمل مزون
الام ( تضمها وهي تبتسم) : الله يحييني ليوم اشيل عيالك بين أيدي
هديل ( بغصه تهمس) : أمين
هديل كل ما تذكرت كلام بعض النساء امس بالعرس تتضايق البعض يصد عنها ويفكر ان اخلاقها سيئه بأن رمت ولد عمها بالسجن والبعض يدعي الله يرزقها ويحمد الله فكها من عليان وهي تتضايق لانها ما تحب تكون علك في حلوق الناس تبغى بس يتركونها لوحدها ترتاح وبس
--------------------
في بيت أهل وليد ..
نزلت تظن بتلقاه قدامها جالس مع أمهاته بس خاب ضنها والكل يسأل عنه ويسألها صاير شيء بينكم وهي تقول لا فرح جالسه تفكر ايش بتقول لهم يبغى قربها وهي رافضته ما تبغى تصغر بعيونهم كفايه الماضي ليالي تحاول تطلعها من حالة السرحان والحزن وبشرتها بولادة العنود زوجة خليفه
فرح : ما شاء الله ولدت امس
ليالي : أمس ما حضرت العرس لأن تعبت قالت لهم راسي مصدع والحقيقه ان كانت تطلق وخليفه عنده خبر لان على كلام ناصر رجع بدري لشقته والولاده كانت ميسره الحمد لله ما احتاجت وقت
ليالي : بشرتني رغد طلبت من خالتي هي تبشرنا
فرح : الحمد لله ان ولدت بالسلامه كنت خايفه عليها لو شفتيها بالقريه مسكينه
ليالي : كان الخوف أن تولد بعمليه بس الله رحمها وولاده طبيعيه قلت لامي بنزورها بكره
فرح : انتظري لين تطلع
ليالي : لا هي بتطلع من المستشفى للقريه
فرح : تعب الطريق
ليالي : خليفه يقول بيجهز الجيب من الخلف بحيث تكون متمدده خاطري اشوف محمد
فرح : يرجع بالسلامه
ليالي : لا قصدي محمد ولد خليفه سماه على اسم ابوه
فرح : اها طيب
ليالي ( تصب حليب لفرح) : سرحانه بأيش
فرح ( تلتفت لها) : بفهد ووضحه
ليالي : فهد ووضحه ولا اللي طلع ولا تعرفينه عنه
فرح ( تأخذ الحليب وتدعي عدم المبالاة) : طلع بيرجع هذا محمد وهذا طبعه مهمل ولا يهمه الناس
ليالي : معقوله من البارح طلع ولا رجع وأنتي ولا مهتمه
فرح : مهتمه طبعا
ليالي ( تبتسم) : حلو في تقدم
فرح : خليني أكمل كنت بقول مهتمه طبعا عشان عمي وعماتي ما هو عشاني
ليالي ( تكش عليها) : مالت عليك وأنا قلت قلبك حياء ويحس
فرح ( تبتسم) : تبريكات أخوك إلا وين عماتي لا يكون زعلوا على
ليالي : لا بس طلعن مع ناصر لان حاب يختار هديه لهاجر على ذوقهم وبيني وبينك هذا شيء ناصر ما هو محتاج فيه احد بس شاف حالتهم ضيق خلقهم من حالة محمد واختفائه حب يغير جوهم وينسيهم شوي لين يجينا خبر عنه
فرح : الله يطمن قلوبهم عليه
ليالي : ويطمن قلبك ( شافتها تنزل رأسها وتتنهد) مشكلتك يا فرح مهما تحاولي تقسين قلبك عليه يغلبك قلبك ويحن له بس مشكله محمد عصبي ما يشوف اللي إحنا نشوفه ولا يسمع كيف تتغني باسمه لما تطرينه
فرح : مشكلتي أحبه وحبه يهد حصون اللي أشيدها حول قلبي عشان امنعه يحن ويحب ويرق ويسلم له الأمر محمد ما يترك لي فرص أسامح كل ما بغيت احن له يقابلني بصدمه أما بلسانه ولا أفعاله
ليالي ( ابتسمت ) : تحبينه
فرح ( على حالها منزله رأسها ومكتفه أيديها لصدرها) : أحبه اعتقد محد عرف الحب مثلي كبرت على حبه لو روميو وجولييت يرجع فيهم الزمن كانوا قالوا أسطورتنا ما تعادل أسطورتكم بالحب تجاوزت كل مسميات الحب لمحمد ملكني وأسرني ولكن سجني أي والله سجني بحكم مؤبد له
ليالي : ليه تتعاملين معه كذا
فرح : أبغى اشربه من نفس الكأس اللي شربته من أيديه ( ناظرت لها ) كان يجرعني الألم وسم كلامه علقم كل ليله أذوقه واجبر نفسي ابلعه تهم مالي دخل فيها ورمى كل أسباب تدهور حياتنا علي واستثنى نفسه منهم ليه طيب ناسي أنا نتشارك بكل شيء ناسي أن الحياة بينا قسمه ونصيب ناسي أن سقوط الجنين هو السبب فيه مع أني أقول أنا السبب بس الحقيقة هو أي هو والله هو
شهقت لما حست بأيدين تحاوط كتوفها وخد يلامس خدها وبهمس يقول لها
محمد : عارف والله أني أنا السبب لو تبغين أوقف على أعلى جبل بالسعودية واصرخ أنا السبب
ليالي ( توقف وهي تبتسم) : ألحين تممت مهمتي وأظن انك سمعت اعترافها وكل الخطة تمت الباقي عليك
فرح ( رفعت النظر لها بتعجب وهي تحاول تبعد يد محمد عن كتفها) : ايش قصدك
ليالي : سامحيني بس البارح طلع اخوي من عندك معصب وكان ممكن يسوي بنفسه شيء من كثر ما كبت بصدره بينفجر كان لازم أرسيه على بر واعلمه بحقيقة مشاعرك وسبب تصرفاتك
محمد ( جلس جنبها وضم يدها بين أيديه يمنعها توقف) : أنا ما طلعت ظول الوقت هنا قريب منك بغرفه هذي ( اشر خلفها) طول الوقت أراقبك وأنتي منتي حاسه فيني ولا بوجودي
ليالي : حلفت ما يطلع بهذي الحالة خفت عليه يتهور ويندم قلت له نام هنا وأنا بتصرف بخليك تعرف أن كل هالتصرفات ما هو من قلبها لا تصرفات تخفي حبك وتخفي خوفها عليك
فرح : لا من قلبي ولا تجلسين تقولين شيء ما قلته والحين أخوك هنا وأنتي ساكتة طيب خليني أنا مو مهمه بالجدار أمهاتك كيف جاك قلب تجلسين كذا وأنتي تشوفينهم
ليالي : أمهاتي عارفات أن موجود
فرح ( بصدمه) : يعني خليتوني مثل الهبله اجلس اهدي خالتي مره وعمتي مره وكل شوي أقول بيرجع تطمنوا وانتوا ماخذيني زي المغفله بينكم ( ابتعدت زي المقروصه من قربه وبعصبيه) معقوله يا ليالي ترضينها لي كذا كم ساعة جالسه وأنتي عارفه أني أفكر وينه وايش صاير ( أشرت على محمد وبعصبيه) وأنت ياللي تقول تحبني وتموت فيني كيف ترضاها لي أموت من التفكير وامسك دموعي لا ابكي وكل ما رن الجوال كنت ارجف خوف يكون خبر شين عنك طول عمرك تحب تعذبني أما بالكلام ولا الأفعال
ليالي : فرح أنتي فاهمه غلط ما قصدنا نعذبك نبغاك تعرفين حقيقة مشاعرك وتعترفين بحبك له
فرح ( نزلت دمعتها وزادت عصبيتها) : أنتي عارفه بس كل اللي تبغين تثبتين لاخوك وتريحين قلبه أما أنا لا فرح ما هي مهم طلعتي أنانيه يا ليالي وأنا اللي ضنيتك أخت قبل تكونين بنت عمي وخاله
محمد ( وقف ) : اهدي أنا اللي قلت لها تسوي كذا
فرح : أنت تحب تسير الناس على هواك وتطلب ولازم يلبون طلباتك بغض النظر عن نتائجهم لا تبغى يسوون كل شيء عشان راحتك أنت وبس راحتك
محمد ( مسكها من كتوفها وبعصبيه) : لان أنتي دلوعة أنتي السبب تركتيني كذا حاير ما اعرف تحبيني ولا كرهتيني تصرفاتك متناقضه مره تبغيني ومره تصديني ايش خلاك تتحملين تكلمي عطف على حالتي وشفقه ولا حب ما احد يتحمل اهانات حبيبه وكلامه القاسي غير اللي يحب ويسامح محبوبه يا فرح أنا كنت اكره وجودك ما هو لشخصك والله واللللللللللللللللله ما هو لشخصك كنت اكرهه بسبب دموعك وحركاتك بدون شعور منك تدمع عيونك على ذكرى انك كنتي حامل وبدون شعور منك تنزلين يدك تلمسين بطنك كأنك تقولين كنت هنا يا ولدي أتعذب والله أتعذب من سرحانك للماضي كأنك تعذبين نفسك بذكرى راحت أشوف بعيونك ألم وحزن ونفس الوقت عتاب لي صح ما نطق لسانك فيها أنت السبب بس اعرف تلوميني وأنا لمت نفسي باليوم ألف ألف مره
فرح ( تبتعد عنه وهي تبكي) : تلوم نفسك بعد ما خسرناه وبنفس الوقت خسرنا حياتنا استقرارنا والسعادة
ليالي ( انسحبت بهدوء للمطبخ وتاركتهم لوحدهم يصفون حساباتهم) : ..........................
محمد : خسرنا أي بس ما انتهينا أنتي خسرتيه بس ما هو مثل خسارتي أنا أنا خسرتك وخسرت ولدي وخسرت عمي وعيال عمي وحتى أبوي أبوي يا فرح ما يكلمني وبنظراته عتاب كبير علي وزعل اكبر مني كيف تتحملين أبوك قدامك ولا يسلم عليك حتى كلمه الحمد لله على السلامة ما قالها الكل قالوها حتى أبوك قالها لو من غير نفس بس أبوي لا كأن يقول ليه رجعت
فرح : هذا شيء بينك وبين أبوك مالي دخل فيه
محمد : لهذي الدرجة قاسيه حتى بكلمه تريح ما قلتي حتى لو ما تقصدينها قولي معليه قولي هذا أبوك تحمل قولي راضيه ويرضى قولي أنا معك
فرح ( تمسح دموعها وتتجه لسلم) : أنت بالماضي ما ريحتني تبغى اريحك بالحاضر ذوق من نفس الكأس يا محمد
محمد ( عصب واتجه لها قبل تصعد مسك رسغها ولفها له) : لهذي الدرجة ما صار عندك احترام لي أكلمك وتصدين ايش أنتي
فرح ( بخوف شهقت من مسكته) : محمد انتبه
محمد ( هزها بعصبيه ) : ارجعي يا فرح تعبت من هالشخصيه الجديدة اكرررررررها أبغى فرح القديمة أبغى حبيبتي
فرح( حطت يدها على بطنها واهو يحركها بقوه) : ولدي
محمد ( جمد عن الحركة من قالت ولدي ) : ايش
فرح ( ابتعدت عنه وهي تحاوط بطنها بأيديها كأنها تحميه) : لا تكررها يا محمد تكفه ما أتحمل ضربتين على الراس توجع
محمد ( ابتعد واهو يناظر لبطنها ورجفت أيديها ) : أنتي ايش تقصدين ضربتين ( بلع ريقه بخوف ) أنتي
صعدت فرح وما تركت له مجال يتكلم معها بعد ما حست بباب الصالة ينفتح وصوت ناصر دليل على رجوعه اهو وأمهاته محمد ناظر لها وهي تصعد صعد خلفها ولا ترك لها مجال تهرب منه كانت تقفل باب الغرفة بس محمد عرف بخطتها ولا ترك لها مجال تقفله دخل وهي ابتعدت عن الباب وصدت
محمد : بسألك سؤال واحد ومحدد أنتي حامل
فرح ( كتفت أيديها ) : ...............
محمد : جاوبيني أنتي حامل
فرح : يهمك
محمد : لا تجلسين تلعبين بأعصابي تكلمي
فرح : مدري
محمد : يعني ما هو حامل ولا حامل ( وقف قدامها وبرجاء) تكفين يا فرح لا تلعبين بأعصابي تكلمي تبغين تضايقيني أكثر هذا قصدك أني انكسر وأتعذب وأحس بالألم
فرح : ا ا ن
محمد ( بعصبيه وصوت عالي) : تكلمي اجبري بخاطري تبغين تعذبيني تراني ميت من العذاب والله يا فرح ما عاد أتحمل خلاص أسلوبك تصرفاتك طريقتك نظراتك كل شيء كل شيء يذبحني خلاص ( تنهد واهو يبتعد ) تعبت أراضيك تعبت شربت من نفس الكأس يا فرح أي بس ما عاد لي طاقه أتحمل أخرها تكذبين علي وتقولين حامل ( ناظر لها) تعرفين ايش سويتي فيني أنتي رفعتيني عن الأرض وفجأه ضربتيني فيها كل هذا عشان تكرهيني فيك كل هذا عشان ابعد عنك كل هذا كررررررررررره لي أنا حبيبة الطفولة ليه قاسيه ليه
فرح : محمد
محمد ( غمض عيونه وبصوت المتألم) : يكفي ما ابغى تلعبين فيني أكثر تقولين حامل وتخلين الفرح يحتويني وفجأه تسلبينه مني ليه لهنا وبس
فرح : ايش تقصد
محمد : طلاقك
فرح ( بصدمه تناظر له) : تطلقني
محمد ( ألتفت لها ) : ما هو هذا طلبك
فرح ( ابتسمت على طرف) : أي طلقني
محمد : بسهوله تقولينها أي فرحانه تبغين الطلاق
فرح ( تجلس على طرف السرير) : يعني ايش أقول لك تبغى ابكي وأبوس أيديك لا تطلقني ماني ضايعه أبشرك ولا أني بنهار على فراقك ( أشرت لقلبها ) هالقلب تعود على فرقاك يا محمد لا تظن بيموت من بعدك وأهلي ما عافوني مثل ما أنت عفتني مره ومرتين وثلاث بيكونون الحضن الدافي لي بيكونون سندي وعزوتي بوقت اللي تخليت فيه عني وكرهتني هم حبوني واحتوني
محمد : عادي عندك نطلق وحبنا وأحلامنا وحياتنا كلها ذي ما تهمك
فرح : ليه هي همتك قول لي يا محمد أنت سويت لي خاطر لما سافرت ولا اهتميت لي أنت يا محمد اهتميت لحياتنا وأحلامنا وحتى حبنا اللي شككتني فيه أن في حب أصلا
محمد : لولا حبك ما هربت من مواجهتك لولا حبك ما كسرتني دمعتك لولا حبك ما تألمت لألمك يا فرح أنا كنت اهرب من مواجهتك بقسوتي وتمثيلي أني ما ابغاك وأكرهك كل ما تقربين لي أشوف الألم بعيونك وذكرى طفل ما احتويتيه بين أحضانك تلوميني بالعيون ولا لمتيني بالكلام اعرف شعورك صح انصدمت بأول الخبر وصح نكرت أني غلطان بس عرفت غلطتي ولما عرفت غلطتي تملكني خوف من مواجهتك كنت ارفض أشوفك عشان عيونك ما تلومني بنظراتها والله يا فرح احبك وما حبيت غيرك احبك كثر الهواء اللي أتنفسه كل نبضات قلبي كثر دنيتي كلها أنتي دنيتي كيف اعيف دنيتي
فرح : مستحيل يا محمد يكون خوفك من ردت فعلي أو اتهامي لك يسمح لي تسوي فيني كذا حتى كرامتي مسحت فيها الأرض
محمد : أفعالي والله ما كانت بإرادتي كان نتيجة توتري
فرح ( توقف وتتجه لدولاب) : كلام انتهى وقته والماضي طمسته والحين بجهز شنطتي
محمد ( يرفع حاجبه) : ليه
فرح : ما هو قلت تبغى تطلقني ايش يجلسني أكيد بروح بيت أهلي
محمد : طيب بطلقك بشرط
فرح : خير ايش شروطك وتفك اسري وارتباطي منك للأبد
محمد ( ابتسم وناظرها من فوق لتحت ) :الليلة تكونين بقربي ولا تفارقيني
فرح ( جمدت أيديها وهي ماسكه الشنطه وتناظر له) : ايش
محمد : من حقي يبقى لي ذكرى حلوه بآخر ليله تجمعني فيك أبغى أغفى وعيوني تحفظ صورتك موافقة
فرح : لا
محمد ( كتف أيديه ) : اجل ما فيه طلاق ولا طلعه من هنا
فرح : أنت تبغى تطلقني
محمد : أنتي تبغين الطلاق أنا ما أبغى أطلقك
فرح ( تنزل الشنطه على السرير وتبلع ريقها وهي مرتبكه) : يعني لو نفذت شرطك تطلقني
محمد : إذا طلبتي أطلقك
فرح : طيب
محمد ( ابتسم) : يعني موافقة
فرح ( هزت رأسها بنعم) : ....................
محمد ( قرب لها بفرح وضمها) : ما راح تندمين
بطلبك حآجہ وخلّ / صدّرك وسيٌـع ..
و " آوعَدك بَروح عنكٌ " وآلدنيـآ ; متـآع
بسّ ` آضمكّ .. كنّي آلطٌفل. آلرضيعـ ..
هٌي دقيقہ بس ّ ..
وآنهيهآ .. ودآآآآآآآع !!
كـــانك تبي الفرقاُاُاُاُ:
ترآإني بالهجر فنان , وكـــانك تبيني حب , ترآإني بالعشق مجنون .♥.
ابتسم براحه لما ما ابتعدت عنه مثل كل مره يقرب لها يحس بتوترها يحس برجفتها بين أيديه بس هو مصمم أن يغير رأيها وبنفس الوقت رافض يعطيها فرصه تفكر بالفراق والطلاق والبعد اليوم بتكون له واليوم بيكون محمد العاشق محمد حبيبها الأول بيثبت لها أن تغير يجوز أنها تغير رأيها وتعدل عن الطلاق
-------------------
|
18-07-12, 08:00 AM
جديد مواضيع قسم القصص المكتمله
العرض العادي
