كاتب الموضوع :
dali2000
المنتدى :
القصص المكتمله
جهزا العشاء وفيصل اخذ عشاء نجود اللي رجعت لبيتها بعد 5 أيام من ولادتها لان عيالها سببوا إزعاج واستحت من أهلها اللي رفضوا بس هي قالت أن خدامتها معها وعيالها محد يقدر لهم غير صالح يخافون منه وعشان كذا رجعت بيتها تاخذ راحتها وأمها كل يوم تجهز لها عشاء وترسله مع أخوانها أو السايق لها والغداء ترفض نجود وتقول ما يحتاج كفايه متعبتهم بالغداء
رجع فيصل بعد ما وصل العشاء واخذ عهد اللي طول الطريق سرحانة وصلوا وصعدوا لغرفتهم ودخلت عهد تغير ملابسها بعد ما فيصل غير ملابسه بينامون
فيصل( يشوف عهد تطلع من الحمام وهي تسكر بجامتها ) : كيفك
عهد( تجلس جنبه على طرف السرير) : بخير حبيبي
فيصل : وكيف عمتي وفواز
عهد ( تنهدت) : بخير بس
فيصل : ايش
عهد : فواز صاير عصبي ما اعرف ليه ويعزل نفسه بغرفته
فيصل : ليه
عهد : ما اعرف
فيصل : صاير معاه شيء بمدرسته
عهد : ما اعرف كيف اعرف وأنا بنت ما اقدر أروح اسأل ولا احد يسأل
فيصل : ليه ما قلتي لي
عهد : شفتك مشغول لان بننقل لجناح إبراهيم وسلمى القديم وسالم يبدأ يجهز جناحه
فيصل (حاوط خصرها وقربها له) : تعرفين فواز عندي غالي ولأني ما أشوفه إذا وصلتك تقولين يذاكر ولا طالع
عهد : ما حبيت تشوفه واهو معصب خفت يزعلك بأسلوبه
فيصل : يعني بيزعلني لو صد عني اهو لا يتكلم ولا يسمع كيف بيزعلني
عهد : اللي حاصل
فيصل : خلاص بكره بطلع معاه وأشوف ايش فيه
عهد : أي والله فيصل تكفه صدق حالته قاعده تسوء وأمي تقول هذاك اليوم شافته
فيصل( شافها سكتت) : ايش شافت
عهد : سجاير
فيصل ( ابتعد عنها بصدمه) : ايييييييييييش
عهد : شافت بغرفته وهي تنظف ولما واجهته عصب وبدأ يحرك أيديه بعصبيه واخذ السجاير وطلع لساعات ما رجع وأمي بكت وهي تنتظره لين رجع وقال لها لا تسأله ولا بيطلع ولا يرجع
فيصل : والسجاير له
عهد : قال لامي أن لصاحبه طلب يخبيهم بس أمي شمت بغرفته ريحتهم وخافت تقول له يطلع ولا تعرف وين يروح لان ما يسمع ولا يتكلم وبعده صغير دخل 12 سنه
فيصل : سن هذا سن خطير الولد يكبر وتبدأ المراهقة عنده يمكن عشان كذا تغير
عهد : تكلم معاه
فيصل : بتكلم ارتاحي حبيبتي
عهد : وإذا خجل منك ولا تكلم ايش الحل
فيصل : أجيب اللي زي عمره يتفاهمون معه
عهد : ما فيه زي عمره
فيصل : محمد ولد نجود
عهد : تظن
فيصل : صدقيني محمد عقليه ما شاء الله وأنا بفهمه
عهد : براحتك
فيصل : خلينا ننام أحس تعبان
عهد : سلامتك من التعب ( تمددت جنبه) بكره عندك دوام
فيصل ( يغطيها ويغطي نفسه) : لا بكون مع فواز
عهد ( باست خده وابتسمت ) : الله لا يحرمني منك
فيصل : ولا منك
عهد : فيصل
فيصل( مغمض عيونه) : هممم
عهد : لو فواز ما تكلم وزادت حالته ايش نسوي
فيصل : حبيبتي اتركي الأمر لي وأنا بتصرف ما هو أنتي تثقين فيني
عهد : أثق بس فواز امممم
فيصل( يفتح عيونه ويناظرها ) : بلا اممم ولا شيء أنا بتصرف
عهد : طيب
فيصل( باس جبينها) : تصبحين على خير نامي
عهد ( تغمض عيونها) : تصبح على خير
انا ما كنت أبي أكثر من اللي فيك لاقيته
حنان و ..
رقه و ..
طيبه و ..
قلب يا كبر بيته
تسكني وسط صدرك | بيدينك جرحي داويته
كفايه بسمتك هذي | تنسيني اللي عانيته
نامت وهي متطمنه أن فيصل دخل بالموضوع أكيد بينحل وهي تحس عبئ انزاح عنها وهي تلاحظ تصرفات فواز المتغير ما تعرف هل السبب مدرسه ولا مراهقة ولا ايش
---------------
اليوم الثاني ..............
في بيت بندر ..
من كثر مآ أجي لگ وأنآ گلي إحسآس
أشوف گل النآس قدَّآمگ ..
.. دُمآآ !
مآ قول : أشوفگ وآتعيمآآ عن النآس ..
أقول :
أشوف النآس .. وأجي لگ ..
.. أعمآآ !
مي تنزل السلم معها عبايتها وشنطتها وتكلم بالجوال عبدالله
مي : لا بجلس بالبيت
عبدالله : والسوق
مي ( تسكر ساعتها وهي تسند جوالها بكتفها) : تقريبا خلصت
عبدالله : محتاجه شيء أرسل لك مبلغ
مي : لا نص المهر باقي ما اعرف ايش أسوي فيه
عبدالله : اشتري كل اللي خاطرك فيه ما أبغى ينقصك شيء
مي : ما هو ناقصني شيء بس بسألك بتحضر ملكة ناصر بعد كم يوم
عبدالله : أي وعلى فكره بسهر عندكم
مي : وليه تسهر عندنا
عبدالله : افا ما تبغيني
مي : ههههههههههههه أبدا
عبدالله : كأن طرده
مي : لحظه عبدالله ( تمسك الجوال بيدها وتكلم أمها) ليه تهاوشين
الأم ( تصب حليب وبعتب) : أكيد اهاوشك تقولين ليه تسهر عندنا بدل لا تقولين حياك
مي : ههههههه يمه اجلس معاه كيف باقي أسبوع تقريبا على العرس لا بيمل مني
الأم : لو قبل ليلة العرس جاء بقول حياك
مي : شنوووو ( رجعت تكلمه لما حست تأخرت) ألو عبدالله
عبدالله ( يتنهد) : متى تقولين ألو عمري حبيبي حياتي أن شاء الله تقولين لي عبودي موافق بس ( يقلد صوتها) ألو عبدالله
مي ( تاخذ كوب الحليب من أمها وتجلس) : ههههههههههههههههه ما هو حلو صوتك صوتي احلي
عبدالله : اشهد أن حلو وكلك حلوه
مي : احم احم بس
عبدالله : وهـ استحينا
مي : ايش اللي استحي منه اعرف أني حلوه بس شوف أمي تهاوشني والسبب أنت
عبدالله : ليه
مي : تقول كيف تقولين له ليه تسهر عندنا
عبدالله : كفو عمتي
مي : لا كفو اسمع اجل تقول لي والله لو قبل ليله العرس جاء بقول حياك
عبدالله : بالمجلس ولا الغرفة إذا الغرفة موافق
مي ( عضت شفتها بخجل ) : عبدالله
عبدالله : ههههههههههههههههههه
مي : أنت وين ألحين
عبدالله : بمحل أثاث
مي : من هالصبح ليه عاد
عبدالله : أبدا بس البارح تحلمت أنا وأنتي متزوجين وبعد 9 شهور كان بيدك بيبي بنوته قلت بروح أجهز غرفتها من ألحين
مي : عبووووووووووووووووودي
عبدالله : فديت عبودي ههههههههههههههههههههههههههه
مي : ايش صاير لك وايش 9 شهور بدري على هالكلام
عبدالله : ايش بدري لا حبيبتي أنا رجال ما عندي بدري وما بدري سامعه ههههههههههههههههههههههه
مي : والله اسكر جوالي ولا أخليك تسهر عندنا
الأم : مي قصري صوتك
مي : يمه شوفيه يقول 9 شهور يبغى بيبي
الأم ( بفرح) : هذي الساعة المباركة
مي : بعد أنتي
عبدالله ( سمعها) : يا قلبي يا عمتي ابشري قولي عبدالله احسبيها 9 شهور واهو بين يديك
مي : لما يكون بكيفك وكيفها هههههههههههههههههه
عبدالله : والله لنشوف من بكيفه بس أشوفك
مي : سوالفك ما هي حلوه
عبدالله : أي على خاطرك السوالف قولي أنتي سوالف حلوه ولا ترى بدخل بسوالف أحلى ما أتحمل جرأت لساني
مي( كتمت ضحكتها وهي تفهم كلامه والمغزى منه) : بفطر طيب سكر
عبدالله : تصريفه
مي : بليز هههههههههههههههه
عبدالله : طيب أكلمك الليلة بسوالف أحلى
مي : لا بنام بدري هههههههههههه
عبدالله : لو نمتي يا ويلك ههههههههه يالله باي حبيبتي
مي : باي
الأم ( تشوفها تسكر الجوال) : الله يهنيكم
مي : أمين
الأم : ليه ما قلتي له بتروحين الطبيب
مي ( تلمس كتفها) : ما أبغى اشغله وبعدين بروح يعطيني مسكنات الألم يزيد
الأم : نايمه عليها
مي : لا بس يمكن من الجهد لتجهيز عرسي
الأم : طيب ما باقي شيء عليه بسألك يا قلبي تحبينه
مي : عبدالله
الأم : أي
مي : ما اعرف ما اعتقد حب بس ارتياح أمان ما اعرف كيف أقولها أكيد ما هو حب
الأم : مع الوقت راح تحبينه
مي : أتمنى ( تحط الكوب وتوقف) بروح الموعد وبعدها يمكن أروح لخالتي خوله اتغدى عندها
الأم : سلمي عليها
مي ( تبوس رأس أمها ) : أن شاء الله مع السلامة
الأم : مع السلامة
,’,
حاولت أجبرْ القلب أنه يحبكْ
و حاولت أكسر جموحيّ
و أسخره غلا لكْ , بس ما قدرتْ
أجلس معك و أنا مو معكْ , أحكي لك و الحكيّ مو لكْ
أعاتبك و أضحككْ و خاطريّ ما هو معكْ
تسولف لك و أسولف لكْ و أناظر عيونك
و عيونيّ للأسف رجاها مو لكْ
تعبت أناديكْ و صوتيّ ما يوصلكْ
تعبت من المشيّ ورا أحلامكْ
تعبت ألمح لكْ / تعبت من الوهمْ
تعبت منك
.. تعبت منكْ
.... تعبت منكْ
تعبت أقولك / القلوب ما هي بملك أصحابها
و أعذرنيّ ما عرفت أحبكْ ما هو بذنبيّ
ذنب الهوى و قلوبنا
و لو الحب يخيرنيّ
والله لآ اختارك
,’,
طلعت مي واتجهت للمستشفى وعلى حسب الموعد الساعة 8 مع طبيبه دخلت
مي : السلام عليكم
الدكتوره : وعليكم السلام اهلا يا مي
مي : هلا دكتوره
الدكتوره : خير يا مي بتشكي من أيه
مي ( تلمس كتفها) : مثل عارفه انا صابني خلع قبل كم شهر بكتفي
الدكتوره ( تناظر الملف) : أيوه وأيه المشكله
مي : قبل كم أسبوع طحت وضربته بسور وتقريبا من أسبوع كذا ضربته أخذت مسكنات بس الالم يزيد ساعات ما اقدر احركها لما اصحى من النوم إلا بعد فتره
الدكتوره : والكريم
مي : ما نفع دقايق يسكن المكان بس يرجع مره ثانيه
الدكتوره : حكتب ليكي تعملي أشعه وتقيبيها لي
مي : ممكن يرجع الخلع
الدكتوره : انتي عارفه أن العظام عندك خفيفه وما تستحملش أي جهد
مي : صح والظاهر اني تعبت نفسي خلال هذا الاسبوع
الدكتوره : في ايه
مي : عقبال عند حبايبك عرسي بعد فتره واجهز
الدكتوره : مبروك
مي : الله يبارك فيك
الدكتوره : يبئه دا المشكله راح اتاكد من الاشعه اللي حعملها وبعدها راح أقرر ( أخذت ورقه وكتبت فيها وعطتها مي) روحي مع الممرزه هند وهي راح تهتم
مي ( تعدل نقابها وعبايتها) : مشكوره
الدكتوره ( تبتسم) : العفو يا عروسه
طلعت مي تسوي اشعه عشان الدكتوره تعرف شنو المشكله ومن خلالها تقرر العلاج
---------------------------
في بيت عبدالرحمن ..
صحت وهي تتلفت حولها شافته نايم ومعطيها ظهره مدت يدها لساعة وتفاجئة أنها 10 الصبح نامت من أمس ولا حست من التعب وهي منبهه ليه يصحيها تسلم على عمها أبعدت الغطاء وأخذت منشفتها ودخلت تأخذ دش وتغير ملابسها بعد الدش طلعت وجلست تجفف شعرها على التسريحه
.. في / قآنون الحب
الصبآح الذي لم : تسمع به
.. [ صبآح الخير ] !
مِن : مَن تحب
( يبقى ليلاً حتى إشعاراً آخر
سمر : حبيبي اصحى ( تناظر له من المرايه وتمشط شعرها) حمني بيبي اصحى
عبدالرحمن ( نايم ولا يرد) : ...............
سمر : قلبي أنت يالله بس نوم ( اتجهت لسرير وحركته بشويش) حبيبي قوم
عبدالرحمن ( بنعاس) : بنام
سمر ( تسحب الغطاء بشويش): ايش تنام الساعة صارت قريب 11 يالله
عبدالرحمن(سحب الغطاء على راسه) : سمورتي رجاء بنام تعبانه
سمر( شهقت وهي تشوف يده وجلست جنبه) : حبيبي ( مسكت يده الملفوفة) ايش هذا
عبدالرحمن : ولا شيء اتركيني أنام
سمر : قولي ايش هالضماد ومتى انجرحت
عبدالرحمن ( يلفت للجهة الثانية ) : لما اصحى ألحين اتركيني
سمر ( تهز كتفه) : قلبي والله يعورني قولي ايش فيك
عبدالرحمن ( يبعد الغطاء بعصبيه ) : يوووووه يعني ما أنام ( يجلس واهو يفتح عين ويسكر) تعبان ما نمت غير الصبح الساعة 7
سمر : طيب قولي ريح قلبي تبغى أخليك تنام ويدك حالتها حاله
عبدالرحمن ( يناظر يده) : ما عليها شر كم غرزه وبس
سمر : كماااااااااااان
عبدالرحمن( يقرص خدها بشويش): أي والحين بنام ( تمدد وتغطى) لما اصحى
سمر : ايش يصبرني أروح لهاجر أحسن اعرفها أم السوالف
قررت تلبس وتجفف شعرها وتأخذ جلالها وتروح لغرفة هاجر وخلال 5 دقايق كانت مندفعه لغرفه هاجر اللي نايمه ولا حاسه بشيء
سمر( تحرك هاجر) : هاااااااااجر هووووووويجر هاااااااجر قووووومي
هاجر(فزت واقفه على السرير وماسكه الغطاء) : من ش ايش من ماتوووووووووووو من وين يمااااااااه
سمر( تسحبها بقوه وتجلسها) : اجلسي أقول
هاجر ( تفتح عيونها) : من
سمر(باستهبال) : ناصر
هاجر(بعصبيه) : يمااااااااال اللي ماني قايله ووووووش تبغين مع وجهك تنكتين من الصبح وجايه مندفعه خيرررررررررر
سمر : الخير بوجهك كلمه ورد غطاها علام يد عبدالرحمن
هاجر( صرت على ضروسها بعصبيه) : قالوا لك أمه ولا أمه أخاف أمه
سمر : لا أمه ولا أبوه اخلصي كل أخبار البيت عندك زين بعد أخبار اوباما ما وصلت لك أعرفك
هاجر : وليه ما سألتيه جايه لي
سمر : قال بنام لما اصحي
هاجر( تنسدح وتتغطى) : اجل انتظري يا ناقصة العقل وطايره لين يصحى
سمر ( تسحب الغطاء بقوه) : وش ينطرني عمك لين يصحى تبغين أشوف يد حبيبي مجروحة ولا اعرف
هاجر : حبك صرصور حبك تيس حبك ايش بعد طيرتي عقلي من دخلتك هذي اتركي الغطاء يا سمررررر
سمر : والله ما اتركه قولي لي كيف أنا اعرف أن عندك خبر
هاجر ( تجلس وهي تنافخ بعصبيه) : وش قالوا لك سي أن أن ولا الجزيرة
سمر : واهم عندك شيء بسم الله قبلهم تعرفين قولي لي
هاجر : طيب بقول واطلعي سامعه ما نمت غير الصبح
سمر : كمان أنتي ما نمتي غير الصبح خير علامها الناس
هاجر : شايفتنا مثلك نكبر المخدة ولا ندري وش يصير احترقوا ماتوا صحوا
سمر : اخلصي
هاجر : طيب جرح بيد عبدالرحمن من مشاعل
سمر : ايشششششششششششش
هاجر : أي مشاعل جرحته بمشرط ( تشوف سمر توقف بعصبيه مسكت يدها) على وين
سمر( بعصبيه) : اتركيني بروح اذبحها اللي ما تستحي تبغى تذبح رجلي واسكت والله لأقطع لحمها والله لأعلمها قدرها لأخليها تكره اليوم اللي شافتني فيه
هاجر : ول ول ول عليك بس بس اهدي
سمر : اتركي يدي بروح لها اللي ما ترتبت ترفع يدها على رجلي تخسي
هاجر : خلااااااااص اجلسي
سمر : بروح لمشاعل ابعدي
هاجر : مشاعل ما هي هنا
سمر( تضرب فخذها بعصبيه ) : وين بتروح مصيرها ترجع وتطولها يدي تظن أني سهله واسكت أول يدي وبعدين يد عبدالرحمن ااااااخ بقطعها بضروسي
هاجر( تنسدح وتحط راسها على الوساده) : مهي براجعه خلاص
سمر( ألتفتت لها) : ليه
هاجر : اللي سمعتي ( حركت أصبعها قريب من راسها بشكل دائرة) البنت انجنت والعقل طار
سمر( بصدمه ) : ااااااااااااااااااااااايش
هاجر : البنت بمسشتفى المجانين دخلوها الصبح الله يخلف على أمها ولا يبلانا يارب العقل
سمر : هاجر أنتي تضحكين معي ولا تسوين مقلب عشان ما أتعرض لها ولا أروح اذبحها
هاجر : اللي سمعتي مشاعل مهي براجعه الدكتور قال أن البنت فقدت عقلها ولازم يدخلونها مستشفى مجانين هناك مكانها
سمر : ليه مستشفى ويد وجرح وايش
هاجر ( ترجع تجلس) : عارفه ما راح تتركيني أنام ايش رأيك تنزلين تسوين لنا كوبين نسكافيه ولا أقول أنتي حامل سوي واحد لي وعصير لك واغسل وجهي وافرش أسناني وانزل لك
سمر : أخاف تنامين
هاجر : لا ما أنام دام أنتي فوق راسي ما راح أنام ويا خوفي احجز عنبر جنب مشاعل
سمر(تضربها بيدها) : لا تشمتين
هاجر : استغفر الله قومي بس
سمر : بنتظرك دقيقتين لا تأخرين
هاجر : اوك
نزلت سمر وهي تستغرب الهدوء اللي في البيت مع أن بهذا الوقت تشوف عمتها تتقهوى دخلت المطبخ وشافت الخدم ابتسمت لهم واتجهت تسوي نسكافيه لهاجر و شاي مع الحليب لها وحست بجوع عملت لهم توست وطلبت من احد الخادمات تطلعه للحديقة الخلفية وبعد 5 دقايق شافت هاجر وهي تتجه لها
هاجر : لا يكون تأخرت
سمر( تجلس) : لا حياك
هاجر(تجلس قدامها) : تسلمين فديتك يم يم ريحته روعه خصوصا البيض
سمر : بالعافية
هاجر ( تشرب نسكافيه) : سكر مضبوط فقدته بسفرك بس لازم تعلميني ايش سويتي بتركيا
سمر : بقول لك بس قولي لي ايش حصل أمس
هاجر( تأكل بيض) : اللي صار أمس نزلت مشاعل بكل بساطه لابسه فستان زواج روعه كلمه قليله فيه وطرحتها اللي خلفها بكم متر وبيدها مسكه عروس ومكياج وشعرها نازل على ظهرها وغرتها على طرف مثبته بإكسسوار ملكي لشعرها وبكل رقه نزلت وخجل واضح وملامح عروس صدمت الكل
سمر ( ترمش وهي تحاول تستوعب) : ايش كرري كلامك
هاجر ( تكرر نفس الكلام ) : استوعبتي
سمر( بلعت ريقها) : وبعدين
هاجر : قالت لنا أشياء ما يصدقها العقل
هاجر حكت لسمر كل شيء من بداية لين شال عبدالرحمن مشاعل يجري فيها وأبوها ينتظر بالسيارة وبعدها طلع ضاري معه أبوه وأمه وعمته اللي تبكي على بنتها يلحقونهم للمستشفى
سمر( تشرب عصير تبلل حلقها اللي نشف) : وبعدين
هاجر : ضلينا ننتظر لين تقريبا الساعة 5 الفجر وبعدها رجع عمي ضاري معه أبوي وجدتي وكلنا ننتظر حتى خوله رفضت تروح لين تطمن وخافت تجلس لوحدها
سمر : وعمي وعبدالرحمن
هاجر : ضلوا مع عمتي أم مشاعل و أبوي اخذ أمي وأخواني للبيت يبغى يرتاح ووصلهم السايق وأنا وفجر طلبناه نجلس ولا رفض بعدين عمي ضاري جلس يحكي لنا وجدي استأذنت تبغى تستريح وتصلي وقال لنا أن مشاعل بخير والجرح خيطوه وحطوا لها مغذي ولازم ينتظرون على الأقل 4 ساعات لين تصحى لان فقدت دم وعمي عبدالرحمن بعد خيطوا جرحه كم غرزه وان بخير
سمر : طيب كلام سليم بس كيف حولوها لمستشفى النفسية ومتى
هاجر : هذا يا طويلة العمر عمتي رفضت ترجع عشان بنتها وجدي شافها منهارة وخاف عليها وقال بيجلس معها وبهذي الحال اضطر عمي عبدالرحمن يبقى معهم عطاه أبوي سيارته ورجع مع عمي ضاري وجدتي للبيت كلنا ضنينا أن مشاعل بتطلع على الصبح وانتظرنا وعلى الساعة 7 رجع جدي وعمي وكانت وجيهم ما تبشر بخير
سمر : ليه
هاجر : عمي عبدالرحمن قال أن مشاعل صحت على الساعة 5 الفجر وكان الكل نايم عمتي أم مشاعل وجدي وعمي على الكراسي من التعب طلعت من الغرفة وجمعت من غرف المرضى باقات الورد وحطتهم في غرفتها عبدالرحمن يقول ما حسينا فيها أبدا كانت تتحرك بهدوء
سمر : وليه تجمعهم
هاجر : الكوشه
سمر( تعقد حواجبها) : ايش
هاجر : تجهز كوشه لها بخيالها أنها عروس
سمر : كملي
هاجر : حطت الورد حول كرسي اللي عبدالرحمن نايم عليه وبعدها انتبهت لفستان الزواج اللي كانت لابسه ويوم دخلت المستشفى غيروه لها بملابس المستشفى كان على كرسي أخذته ولبسته
سمر : هي كانت لابسه فستان الزواج
هاجر : ما لحقنا نغير لها قطعة شريان من هنا وحملوها من هنا والفستان كله دم من دمها تحول من الأبيض للأحمر
سمر : و ايش صار
هاجر : سحبت كرسي وقربته من كرسي عبدالرحمن ومسكت ورده وجلست ولا تحركت والساعة 6 دخلت الممرضه وتفاجئة باللي صار وشهقت من المنظر صحى عمي وجدي وعمتي أم مشاعل عمي ألتفت وشافها جنبه وتبتسم بحياء قال لها ايش فيك قالت اليوم عرسنا جهزت الكوشه وانتبه لكميه الورد الكبيرة اللي حوله والورد المنثور على الأرض وعليه قرب جدي من مشاعل وقال يا بنتي إحنا بالمستشفى قالت لا إحنا بعرسنا ليه تأخر الشيخ وبعدين قالت ما نبغى شيخ مسكت يد عبدالرحمن وقالت أنا موافقة أتزوجك
سمر( شهقت) : حرام
هاجر : أي والله حرام تكسر الخاطر وبعدين لولشت لنفسها وهي تقول تزوجنا دخل الدكتور بعد ما استدعته الممرضة وكم ممرضه وقال لمشاعل ايش تسوين قالت أتزوج وبحماس تسولف لدكتور أن اليوم زواجها وان عبدالرحمن زوجها وتقول له زفونا للفندق وشهر العسل هديه من أبوها اللي دخل عليهم قبل دقايق وبارك لها وطلع عنده شغل وبيرجع بعد الزفه يوصلهم بنفسه وان فرحان شاف اليوم اللي يتمناه لابسه فستان الزواج وكانت تقطع ورد وترميه على عبدالرحمن وهي تدور حول الكرسي ولما وقف عمي وابتعد عنها لحقته ومسكتها الممرضات بس هي بدت تصرخ وتضربهم بالورد وتقول اليوم عرسي أنا عروس ليه كذا تلمسوني وحاولوا يغيرون الفستان بعد ما طلع عمي والدكتور وعبدالرحمن وهم يسمعون صراخها أن فستان عرسها وان لها كيف تنزف من غيره وتبكي زي الطفلة وتقول أنا بتزوج أنا بروح وتنادي عبدالرحمن
سمر : لا حول ولا قوة إلا بالله
هاجر : عمتي أم مشاعل أغمى عليها ما تحملت ونقلوها غرفه ثانيه لان ضغطها ارتفع مشاعل ما هدت وتبكي تقول ليه أنا عروس زوجي راح يزعل إذا ما شافني بفستاني وان بيخليني أنا أحبه بس هو ما يحبني أبوي قال مبروك انتوا ما قلتوا ليه انتوا تحسدوني أكيد تكرهوني وأنكم تحبون سمر الكل يحبها وأنا لا أنا ما أحبها هي تأخذ زوجي قدرت تفك أيديهم وهي ترمي الورد عليهم وطلعت شايله الفستان وكان ظهرها واضح لان فكوا السحاب يحاولون ينزلونه عنها بالممر تبكي وتنادي عبدالرحمن وتقول زوجي اهو عبدالرحمن شافها كذا اخذ شماغ جدي وفكه وغطاها وهي ضمته وتبكي ليه تركها وان هي رافضه يلمسون فستانها
سمر : ضمته
هاجر : لا تحكمين على تصرفها لان بهذي اللحظة ألعنت جنونها مثل ما قال الطبيب اللي طلب من عبدالرحمن يهديها ويرجع معها للغرفة بعيد عن عيون الناس رجعوا وهي رافضه تبعد عنه الدكتور عطاها مهدأ بعد ما طلب تدخل عبدالرحمن لان ما يقدون يسيطرون عليها نامت والممرضات غيروا لبسها بلبس مستشفى واضطروا بربطون أيديها بالسرير
سمر : طيب
هاجر : الطبيب اجتمع بجدي وعمي وعمتي أم مشاعل بغرفتها اللي حطوها فيه وطلب يشرحون له كل اللي حصل لمشاعل وعن حياتها وشرحوا له عن الفترة اللي فاتت وعمتي شرحت له عن الأسبوع كيف تصرفت وتحركاتها قرر الطبيب أن مشاعل خلال الأسبوع اللي عاشت بوحدة وانغلقت على نفسها أغلقت عقلها على فكره أن زواجها يوم رجوع عبدالرحمن وكيفة حياتها القادمة بخانة المتزوجين رافضه كل الناس وحلمها عبدالرحمن وبسبب صد عبدالرحمن وصدمتها في قراره وكلامه اللي جرحها وهي كانت تحلم بأحلام ورديه سبب لعقلها فقدان السيطرة والتحكم وانعكس عليها برفض التصديق أن عبدالرحمن ما يبغاها وترجع تجهز لزوجها قبل أسبوع وراح تتم تجهز لعرسها كل يوم وتتخيل أنها عروس وعريسها عبدالرحمن عشان كذا لازم يحول أوراقها لطب النفسي
سمر : يعني مجنونه
هاجر : صح يكون يومها كأن عرسها وكل يوم عرسها وكل يوم عرسها
سمر : كيف
هاجر : يعني أمس لما صحت وقالت لنفسها اليوم يرجع عبدالرحمن اليوم زواجي وكل اللي عملته بهذا اليوم من صحوتها لين انتحارها راح يتكرر
سمر : ترجع تنتحر
هاجر : يرجع يومها يتكرر كأن شريط تعيدينه تصحى تغسل تأكل تجهز نفسها على أساس عروس وتلبس وتنتظر وتسمع رجع وتنزل له كعروس وتنصدم منه وترجع تنتحر
سمر : فهميني شوي شوي
هاجر : يعني لو تركنا مشاعل ترجع للبيت معاهم و نامت تصحى ثاني يوم ناسيه أمس ايش حصل وتفكر أن اليوم رجعت عبدالرحمن وراح تتجهز مثل ما فعلت أمس وتلبس فستان وتنزل من نفس السلم تشوفه وتقول اليوم عرسنا ويرفضها عمي ويقول لا ترجع تأخذ مشرط وتجرح وريدها
سمر : معقولة
هاجر : كلام الطبيب يقول انطبعت في عقلها بس هذا الشيء وكل شيء نسته ما تشوف بس عرسها وعبدالرحمن
سمر : وهي وين
هاجر : بالمستشفى ألحين الطبيب طلب يتركونها يومين لين يتأكد جايز أن اللي فيها بس صدمه نفسيه ما وصل الأمر للجنون وعمتي رفضت ترجع وتتركها
سمر : مع أني قاسيت منها شفت الويل ومحاولات لموتي بس ما تمنيت أن تفقد عقلها لان عقلها يوزن بلد ولا تمنيت نهايتها كذا
هاجر : سبحان الله عقلها يوزن بلد بس بتخطيط لشر والكذب والنفاق والخداع وبالأخير ما فادها انعكس وكان السبب بنهايتها
سمر : لا حول ولا قوة إلا بالله اللهم أجرها في مصيبتها
هاجر : اتركينا من الحزن وقولي لي ايش هديتي
سمر ( تبتسم) : بس يصحى عبدالرحمن بتشوفينها
هاجر : لا سمر عاد قولي
سمر : انتظري لين يصحى
هاجر : أنتي ما انتظرتي لين يصحى ويقول لك جيتي لي وصحيتني غصب اسولف
سمر : والله أنتي اللي ما صدقتي تسولفين لي وبعد من طيب خاطر مسويه لك فطور ونسكافيه
هاجر : تذلينا طيب ننتظر بس ما هو تقولين لي بعد ما ارجع من أهلي
سمر : ههههههههههههه لا قبل اطلع بعطيك بعدين أنا بروح لأهلي بعد صلاة العصر
هاجر : طيب قولي لي شنو صار بسفرتكم
سمر : صار اشياء كثير غير جو وغيرت نفسيتي راح والله
هاجر : يالله قولي
بدت سمر تحكي لهاجر بحماس شنو صار وهاجر تتحلطم ليه ما اخذتوني يالغدارين وسمر توعدها يروحون السنه الجايه معها
--------------------------
|
18-07-12, 06:45 AM
جديد مواضيع قسم القصص المكتمله
العرض العادي
