كاتب الموضوع :
dali2000
المنتدى :
القصص المكتمله
عذاري تحاول تداري دموعها وهي تشوف مي تطلع بسرعة للحديقة فزت يوم رن جوالها وحطت يدها على صدرها
كَالعَادَة أَنَا اْلمِخْطِي وَانا الغَلْطانِ,
أَنَا الّلي كَلمِتي تِجْرحْ ..
وجَرحِـك تُوصفَـه (عَادِيْ)
ولِيتكْ تِذكِر بْلَحظَة ’’
(أَنَا مِثْلِك تَرَى إِنْسَان )
عذاري : بسم الله ( ناظرت الجوال رقم ليالي ردت عليها) هلا
ليالي ( استغربت تغير صوتها ) : علام صوتك تغير
عذاري ( تمسح طرف رمشها قبل تنزل دمعتها) : احم ولا شيء
ليالي : طيب عطيني مي تأخرتي
عذاري ( تناظر باب الفيلا ) : مي مشغولة شوي
ليالي : نزلت
عذاري : أي ومن نزلت والحريم استلموها سلام وأخبار مسكينة ما هي قادرة تتحرك
ليالي ( صدقتها وابتسمت بفرح) : الحمد لله المهم طلعت اوك خليها تكلمني متى ما خلصت
عذاري : اوك
ليالي : باي
عذاري : باي
طالعت جوالها وهي تسكره وتنهدت
عذاري : ايش أقول لك يا لولو مي ما صرت اعرفها أو ايش تفكر فيه ولا كيف أكون معها وهي تفكرنا ضدها مي لوين تبغين توصلين بتفكيرك تعبانه وتعبتينا معاك وأخرها يا مي معاك كيف تفهمين وتطلعين من هذي الهاله اللي محاوطتها حولك تكابرين وتسوين نفسك قويه وأنتي من داخل محطمه أنتي قريب راح تنهارين ما ابغى أشوفك كذا اكره أشوفك كذا
عذاري تتجه للحديقة بدون لا تلاحظ الباب اللي كان مفتوح شوي كان موجود بمكتبه يأخذ أوراق مهمة له ولان مكتبه متصل بالبيت من خلال باب للمجلس وباب داخل الفيلا قدر يدخل بدون لا يضايق الحريم ويستأذن الدخول وبدون علم احد بوجوده سكر الباب بهدوء وقفله ضغط بقوه على الأوراق اللي بين أيديه كان طول الوقت يبتسم وفرحان واهو يتذكرها ويفكر ايش صار بينهم من حوار لو من طرف واحد من طرفه بس كان فرحان أن قدر يشوفها ويجلس دقائق معدودة ولكن بعد الحوار اللي دار بينها وبين عذاري فقد فرحته واختفت بسمته من شفاه لما حس بأحد بالصالة ما حب يطلع صوت ويكتشفه احد ويسبب إحراج لهم ولما ميز الأصوات صوت بنت عمه تكلم بالجوال وشده اسم مي اللي أنذكر وسمع الحوار لو من طرف واحد طرف رغد ما فهم الكثير بس عرف أسرار وخفايا عن مي وتصرفاتها واختفى الصوت ورجع يبحث عن أوراقه بس صوت حبيبته وزوجته مي قاده الفضول يسمعهم وقرب من الباب وفتحه شوي يعطيه مجال لسمع أفضل تمنى أن ما قاده فضوله واخذ الأوراق وطلع ولا سمع اللي قالته وفكرتها عنه وعن بنت عمه وشكها فيهم هي متزوجة واهو متزوج كيف تفكر كذا
عبدالله ( تنفس بعصبيه ورمى الأوراق على مكتبه ) : ما اقدر أتحمل أكثر والله يا مي لو انك تشوفين وجه عبدالله الثاني لتكرهيني بحق لو تعرفين عبدالله الحقيقي لأخليك ترجفين من تسمعين اسمي أنا تساهلت معاك وأرخيت لك الحبل كلن قال أكلت قلبك وكلن قال صرت غير وكلن قال صرت لين يا عبدالله وعطيتها مجال ما باقي غير يقولون بصريح العبارة صرت لها حمار ( صر على ضروسه لا يصرخ من شدة الغضب) تخسين طفله مثلك تلعب علي أنا اعرف كيف أطلعك من القاع وكيف أخليك تشوفين عبدالله وايش اهو أنا يا مي اللي اعرف لك
جلس على كرسي المكتب وطلع سيجاره يدخنها وينفث هواها بعصبيه يخفف من حدة غضبه لا يفتح الباب ويدخل بين الحريم ويسحبها منهم ويعطيها كف يمكن تصحى من أفكارها الغبية سمع جواله يرن شاف المتصل حسن اللي ينتظره عشان الأوراق
عبدالله ( رد على الجوال) : هلا حسن ... اجل الأوراق لبكرة .... مافيني شيء ..... ما ابغى اتصالات ولا ابغى أشوف احد .... لا ما ابغى روح للأستراحه والليلة ما راح احضر عندي شغل مهم ... باي
مالي ترى بـ الحُب والله × مقسوم ×
تآريخ حُبي بـ الخيانات > حآآآفل
أنا ترا زيك من [ الحُـب محروم ..
ويمكن بعد مريت في حُب [ فآشل ]
سكر الجوال وقفله ورماه على طاولة مكتبه واهو يشوف سيجاره قريب تخلص طلع وحده ثانيه وأشعلها قبل يشعل بالبيت من الغضب اللي يحسه بصدره
-------------------
اليوم الثاني ................
في المستشفى ...
من فتحت عيونها وهي تشوفه عندها وصل فرح البيت ورجع يجيب لها فطور ويفطر معها ويجبرها تأكل وهي تبغى واهو يصر
آطيش لآمن قلت ..! لبـىٰ عيونگ !..
وآنآ [ جنوني عشق ] لآ صآبني طيش
يعني جنوني لو يوآفق جنونـگ
سلم على آلعشآآق يآ }.. نگهـة آلعيش ..
وضحه ( تبعد الخبزه) : شبعت فهد
فهد : لا هذا ما هو أكل
وضحه : أكلت وخلاص ( أخذت الخبزه منه وحطتها في فمه) أكل أنت وبس
فهد : ايش أكل ابغاك تتغذين
وضحه : فهد تراني والد مو طايحه بالمستشفى بسوء تغذيه
فهد : ههههههههههههههههه
وضحه ( تبعده من كتفه ) : مالت عليك
شافت الباب ينفتح ودمعة عيونها وهي تشوف أهلها كلهم يدخلون مع بيت عمها أبو خالد سلمت عليهم وهي فرحانة وضمت أمها وهي تبكي وفهد سلم عليهم وشافها تبكي والأنظار توجهه له رفع كتوف بطريقه استسلام أن ماله دخل والكل ضحك عليه
أم خليفه : بسم الله عليك وضحه وش فيس
وضحه ( بحضن أمها ) : ضمني يا يمه ضمني وحشتيني والحين عرفت غلاتك والتعب
الجدة ( تجلس وتبتسم) : عرفتي التعب اللي أمس حسته لما تولدس والله أن زمنس ارحم من زمنا ( ناظرت لفهد) وأنت ما غير مقابل وجها و ذا اللي بيدك وش
فهد ( يأكل فطيره) : فطور يا جدتي
الجدة : لمن
فهد : لحبيبتي وأم بناتي
الجده ( تحط يدها على كبدها ) : ياويل سبدي عز الله ما تفتهم
أم خالد : هذا ما يصلح لنفاس أكله أنت وأبوك وخالك
فهد ( يشوف حافضات أكل تطلعهم أمه) : ايش كل هذا عندنا بوفيه بالمستشفى
الكل : ههههههههههههههههههههه
أم خليفه ( تبعد عن وضحه وهي تمسح دموعها) : لا ذا لنفاسنا عشان تتغذى
وضحه ( تمسح دموعها) : كل هذا
فهد ( يقرب ويشوف خبز بحافضه( مطبقيه) ) : يصير أكل
الجدة : لا ذا بس لنفاس
فهد : بشوف ايش تأكل
خليفه : اترك سوالف الحريم عنك
الجدة : وش تحتري أنت واهو يالله
فهد : أي اطلع ايش مجلسكم سحبت الأكسجين كله
الجدة( تأشر عليه بعصبيه) : أنت أول من تطس وش مجلسك
فهد ( فتح عيونه مسوي مصدوم): افااااااااا أنا أبو البنات
الجدة : صدمتني بس أخاف نفاس اطلع لا والله بعصاتي وشف جدك قده بين الممرضات هالفلبن والهند أي اعرفه
فهد : الفلبن هههههههههههه
الكل : ههههههههههههههههههههههههه
خليفه : يا رجال خلنا نطلع زوجتي تبغى تأخذ راحتها
فهد : قل زوجتك يالله يحييك ويحييها طيب يصير نأخذ قهوة ولا بعد لنفاس
أم خالد : خذ هذي قهوة بس الباقي لا
فهد ( يشيل الدله والفناجيل ويتجه للباب) : انتبهوا لها ووضحه لو زعلك احد صيحي يا فهد وأنا عندك
الجدة : تهقى نبغى نأكلها ترى بخلي لك القلب
فهد ( يغمز لجدته) : اخص منتي هينه عارفه ايش ابغى
الجدة : واخزياه الولد ما يستحي أبكم طلعوه طالعن على جده أي العرق دساس
الكل : ههههههههههههههههههههههههههههههههه
العنود ( ترفع برقعها يوم اطلعوا) : ....................
أم خليفه ( تصب بكوب حليب بحلبه وتقربه لوضحه) : دوس الحلبه
وضحه : حلبه
أم خليفه : أي انتبهي حار
وضحه : فرح وين ما جت معكم
أم خالد : نامت تقول العصر بتجي عندك عشان ترافق
وضحه ( تناظر للعنود) : ما ولدتي قلت راح تغيرين مني وتركضين لين تولدين
العنود ( تبتسم) : وين أولد ألحين دخلت شهري وأخاف أكله وادخل العاشر
وضحه : والله يالعنود دامك جيتي هنا ليه ما تسوين فحوصات وتطمنين على نفسك والجنين
العنود ( تمسح على بطنها) : قالي خليفه وأخذنا موعد بكره بأذن الله نفس الطبيبة اللي رحتي لها
الجدة ( تشرب قهوة) : وش لس فيها أهلنا لا عرفوا طبوب
وضحه : والله بعد اللي حسيت فيه أنصحك الطب أحسن
أم خالد : جاتك لك الطبيبة
وضحه : أي يا عمه وتقول الحمد لله تقدرين تطلعين بكره
أم خليفه : وبناتس
وضحه : يعني أسبوع بأذن الله
الجدة : سميتوهم
وضحه : لا للحين فهد أمس ارسل على اللي يعرفهم يبشرهم وقال ابغى اسمين وأكثر اسمين يسميهم
الجدة : هماه كمخه ألحين عجزان يفكر بأسمين
وضحه : لا يبغى نفس الشيء ههههههههههههه
الجدة : سموهم حمده وحميده ولا عيده وعايدة أسماء تسذا
وضحه ( ترمش بعيونها بسرعة وهي تناظرها) : لا لا ايش يا جده الناس ما تسمي كذا
الجدة : علامهن هاه
وضحه : قديمه مره مره أتخيل نفسي أم حميده ولا أم عايده والله ما يصلح
الجدة : والله فسقتي وخربتي تعيبين على أسماء أصيله يا وضيح
وضحه : لا والله أبدا بس ابغى اسمي بناتي أسماء من جيلهم
الجدة ( باستهزاء ) : تبغين تسمين يارا ومدري فارا ولا تبغين دينا ولا دنيا أسماء
العنود : يا جدتي هذا أسماء الوقت هذا أسمائكم لها جيل والجيل غير
وضحه : جدتي الحين أسماء البنات ملاك ومنال بنات عيال عمه تبغين بناتي اسميهم أسماء ما تصلح
الجدة ( تضرب على فخذها بعصبيه ) : أسماء ما تصلح يا بنت محمد ناسيه أن اسم أمي حمده وخالتي حميده
وضحه : وأنا ايش ذكرني زين والله اذكر اسمك وضحه يا جدتي يوم انولدت كانوا ماتوا الله يرحمهم
الجدة : رحمه الله عليهم
العنود وأم خالد وأم خليفه ( ماسكين نفسهم لا يضحكون على أشكالهم ) : .........................
أم خليفه ( تحط صحن قدام وضحه ) : لا تجلسين تراددين وسبحانه مسميهم ببطنس لا تشدين دوس الاكل
وضحه ( تسحب الصحن وتناظره) : هذا ايش
أم خليفه : خبر بر سويته وعجنته لك مع شوي سمن
وضحه : ألحين أكلت فطاير مع فهد أحس معدتي ما تتحمل والحليب بعدي ما خلصته
أم خليفه : مره ثانيه لا تفطرين زي ذا بغطيه لك بعد ساعة راح تجوعين
وضحه : الله يعين صدق لازم اجلس أكل كذا جسمي يخرب
الجدة ( بعصبيه) : أنتي ما تفهمين أن النفاس غير عن البنت العادية
وضحه : طيب طيب لا تعصبين ( في نفسها) يمه جدتي شابه نار علامها كله عشان حمده وحميده الله يرحمكم والله لو فهد يسمعها لتصيبه جلطه أتخيل حمده فهد وحميده فهد لايق مره ههههههههههههههههههههههه
العنود ( تشوف وضحه تبتسم أشرت لها بعيونها يعني علامك ) : ....................
وضحه ( تهمس لها) : تخيلي حمده فهد وحميده فهد شيء صح
العنود( حطت يدها على فمها لا تضحك والجدة تعصب) : .........................
الجدة ( تناظر رجول وضحه) : وين جواربس ما تعرفين أن البرودة مهب بزينه لس
وضحه : اعرف بس البارح حسيت بحرارة ونزلتهم عمتي أم خالد ما قصرت قالت لي بس حسيت رجولي مورمه
الجدة : لو تموتين تصببين عرق ما تنزلينهم والسروال الطويل
وضحه : سروال ايش
الجدة : بنططلونس مدري وش تسمونه تلبسينه لا احلف عليك تلبسين اثنين من زين سيقانس
وضحه : بس حر
أم خليفه : يا أمي أنتي البنت فتره النفاس تحافظ على نفسها عشان الهواء ما يدخلس وتتأذين حتى لو حر هي فتره 40 يوم ترى أن ما انتبهتي لنفسس ما تكونين بصحه وترجعين بجسم زين يرتخي الرحم وتعانين
وضحه : بسم الله علي
العنود : خليس مثلي مجهزه لي كل شيء
وضحه ( تأشر على شنطتها) : عطيني ألبسهم يمه ما ابغى أعاني بعد نفاسي من أوجاع بجسمي ولا آلام
أم خالد : ترى جهزت الشماغ لك يا أم خليفه مثل ما طلبتي
وضحه : ليه ألبسه هذا
الجدة : صحيح بنات قالات عقولهن وش تلبسينه ذا تدهنين بطنس فيه وتلفينه حوله سذا ما ترتخي رحمس ولا يطلع لك بطن يشدس
العنود : سمعتي فيه
وضحه : سمعت المشد بس ما هو شماغ
الجدة : خليس على سلم جدودس أمس تعرف تسويه وكل فتره تشدينه وبعدين طرحتس ما تنزل عن شعرس عشان الهواء ما يدخلس ( تناظر كوب وضحه) صبي لبنتس حلبه علامس
أم خليفه : بصب لها بس تتعفف
الجدة : مهوب على خاطرس خلينا بس نرجع القرية و أعلمس فيها خربتها المدينة وأهلها
وضحه : قريه ايش
الجدة : أنتي علامس على كلمه ايش وايش انهبلتي تنفسين وين
وضحه : أي أنفس بس أروح القرية وبناتي هنا
أم خليفه : بناتس نجيبهم لك بس بكره نطلع للقرية
وضحه ( كتفت أيديها) : لا والله ما أتحرك إلا مع بناتي تبغون قلبي يحترق
الجدة : علامس قالوا بناتك بعد أسبوع يطلعون وين تبغين نجلس
أم خالد : يمه الله يهديك عندنا تجلسون
الجدة : وين نجلس وقردها كل شوي يتنطط بذاء
وضحه ( ابتسمت) : فديت قردي والله
الجدة (بعصبيه) : وووووووووووووووجع
الكل : هههههههههههههههههههههههه
أنضرب الباب وتغطت العنود وأم خليفه وأم خالد دخل الجد وخلفه عياله وأحفاده
أم خالد : تفضل
الجد ( يدخل ويبتسم) : السلام عليكم
الكل : وعليكم السلام
الجد : ماشاء الله مبروك ما جاس ( قرب وسلم عليها واهو يتسند على عكازه) بسم الله حلوين
وضحه : يبارك فيك
مساعد ( يسلم عليها ) : مبروك أخيرا صرت خال
وضحه : يبارك فيك
الجد ( يجلس على كرسي جنبها) : سيف حالس
وضحه : بخير يا جدي أنت كيفك
الجد : والله من شفت هالوجه الحلو كل تعبي اختفي
فهد ( نفخ صدره بغرور) : احم احم نغار
الجدة ( تعدل برقعها) : والله أن مادرى عنس هماه من شاف وجيه هالممرضات ردت الحياة فيه بعيون زايغه
الجد ( يناظر فيها) : أنتي هنا
الجدة : اجل وين تباني
الجد ( ابتسم) : يالله والنيه تراني امشي وأنا راسي بالأرض ما أناظر ولا رفعته من باب المستشفى لهنا ( اشر على مساعد وغمز له) واسأليه
الجدة ( تميل فمها على جنب وبسخرية تناظر له) : بالحيييييييل يا عيشتن قشرا ما لقيت اللي تلوذ على خاطرك
مساعد ( ابتسم بخبث) : عز الله ما رفع عينه من الأرض يلقط الأرقام اللي جته من المزيونات عشان يتصل
الكل ( ضحك على شكل الجدة اللي صدقت) : ههههههههههههههههههههههههههه
الجدة ( تحرك عصايتها وهي تكتم عصبيتها ) : الحمد لله أن بنرجع بكره ولا كان سحبت لك وحده معاك
أبو خالد : ايش ترجعون بكره اجلسوا اليوم وصلتوا يا عمي
الجد ( اشر على زوجته) : الرأي بأيد هالحبيبه قالت نمشي نمشي قالت نجلس نجلس
أم خالد : يمه اجلسوا تبغون ترجعون والبنات ما طلعوا من الحضانة
فهد ( عقد حواجبه) : ايش دخل بناتي بروحتهم للقرية
الجدة : ما دخل بناتك بس بنتنا رافضه ترجع لين يطلعن بناتها
فهد ( ناظر لوضحه اللي نزلت رأسها وناظر لهم) : هوب هوب تقررون وأنا مالي كلمه
الجد : افاا والله من قال
فهد : اسمعهم يقولون يبغون يمشون بكره ويأخذون زوجتي معهم وأنا مالي رأي ولا شاوروني
الجدة : مالك لوآ إحنا قلنا ما نرجعها البنت نفاس تبغى من يهتم فيها ويراعيها
فهد : طيب يعني الرعاية بالقرية
أم خليفه : أنا حابه بنتي تنفس عندي بس عشان انتبه لها
فهد ( قرب ووقف قدام عمته) : يا عمتي يعني نفاسه الوالد ما تصير هنا والله لو تبغون شقه لأوفرها قبل يمسي الليل ( ناظر لوضحه ) بس لا تبعدونها والله ما أتحمل
وضحه ( ابتسمت وهي ما رفعت رأسها مستحيه كثير) : ......................
أبو خليفه ( يبتسم) : يا ولدي ما نقدر نجلس هنا عندنا كثير أالتزامات بالقرية وفرته النفاس 40 يوم صعبه وأنت تقدر تجينا هناك أنت اخف
الجدة : ذلحين قدنا بناكلها ترى بتنفس وتعود لك
فهد : ياليل يا جدتي علامك علي
أم خالد : ما هو بس أنت حتى حرمتك جاها نصيبها
فهد : يعني متقصدتنا افااا تبغين تبعدينها عني وهذا أنا بسمي بناتي حمده وحميده عشانك
وضحه ( رفعت رأسها بصدمه ونست الكل) : شنووووووووووووووو
الكل ( ناظر لها مستغرب ) : ...................
فهد ( يغمز لها وبهمس) : اكذب عليها عشان تخليك عندي ولا تأخذك
الجدة ( سمعته و عصبت ورفعت عصايتها ورمته عليه) : يااااااااا قليل الحياااااااااء شايفني بزر عندك
الكل : هههههههههههههههههههههههههههههههههههه
أبو خالد : اسمعني يا فهد
فهد ( يناظر له) : لبيه
أبو خالد : البنت دايم تنفس في بيت أهلها ووضحه بكريه محتاجه احد ينتبه لها
فهد : طيب أمي فيه ( نزل واخذ عصايه جدته ) ووضحه مثل بنتها في فرق
أم خالد : لا والله ما فيه فرق وهي مثل بناتي وان بغت تنفس عندي أنا بنتبه لها واباشرها بنفاستها
أم خليفه : والله ما تقصرين يا أم خالد بس قلبي بينشغل عليها وهي بنتي الوحيدة وما اقدر اجلس هنا واخلي بيتي وعيالي والعنود مثلكم شايفين على رأس شهرها يعني لازم انتبه لهم
أبو خالد : وأنت مقرر بعد طلعتها من الأربعين تسوي عرس ما هو كذا اتفقنا
فهد : أي
أبو خالد : بتكون مشغول بتأثيث وتجهيز بيتك وبتكون مشغول بتجهيز للعرس خل البنت تروح مع أهلها ومثل ما اتفقنا على أمور العرس
فهد : بس
الجد ( يقاطعه) : لا بس ولا شيء عرفنا انك تحبها وقلنا لك بنرجعها كاملة خلك من سوالف الحريم
فهد : .............
أبو خالد : ايش قلت موافق
فهد ( يتجه للباب ) : كيفكم يالله مع السلامة
وضحه ( تناظر له وفي نفسها ) : زعل أكيد زعل الله يهديكم لازم سوالفكم النفاس هنا نفس هناك كيف يتحمل بعادي وبعاد بناته الله يعينه ويعين قلبي على الفراق
الجد ( ابتسم وناظر لوضحه ) : أكل قلبس هاه ترى قده طلع ( ناظر لهم وضرب بشويش على الأرض بعصاه) شوفوا بكره ما راح نرجع نبغى نجلس أسبوع هنا أو 10 أيام لين خليفه والعنود يراجعون الطبيبة وبنات وضحه وفهد يطلعون وفهد يوافق من طيب خاطر نروح ما ابغى قلوبهم يتعبون
وضحه ( ابتسمت له ) : ........................
الجدة : وان ما وافق تبغى ننقسم هنا وهناس
الجد : لا بيوافق بس لا تكسرون قلبه
الجدة ( تناظر له باستهزاء) : عاد أنت الخبير بالقلوب
الجد ( بخبث غمز لها) : منتي خابره قلبي يومنه عشق مزيونه اسمها وضحه
الجدة ( استحت من نظراتهم لها وبعصبيه متصنعه) : أقول وضحه نسيتها يوم لمحت زول الدختورات
الجد : والله ان ما فيه مثلس لا بالزين ولا بالزول حتى القلب لس
الجدة ( استحت والكل يناظرها وسكتت) : ..............................
أم خليفه( تصب قهوة للجدة ) : صدق خليفه وأنا أمك بروح أشوف البنات ترى ما شفتهم
خليفه ( يحط الفنجال ويوقف) : حياتس يمه نروح نشوفهم قبل يكثرون الزوار
أم خليفه : يالله
خليفه : العنود تروحين
العنود : لا تعبانه شوي ما فيني أروح وارجع إذا طلعنا نشوفهم
مساعد : خليفه اجلس أنا بروح مع أمي وأنت وزوجتك شوفوهم إذا طلعتوا
أم خليفه : خلاص مساعد يروح
وضحه : يمه قولي لهم يجيبونهم ابغى أشوفهم
الجدة : ما تروحين
وضحه : لا
الجدة ( توقف وتستند على عكازها وتبتسم) : تبشرين أجيبهم ( ناظرت لها وهي تلعب بحواجبها وتستفزها) هذولا الغاليات حمده وحميده سميات الغاليات أشيلهم لس لو تبغين
وضحه ( انصدمت) : لاااااااااااااااا والله ما تسمونهم كذا
الكل : ههههههههههههههههههههههههههههههههههههههه
طلعوا الجدة وأم خليفه ومساعد يشوفون البنات بالحضانة وضحه أخذت جوالها ترسل لفهد رسالة تطلب يختار أسماء وهي خايفه أن جدتها تسويها وتطلب يسمون البنات حمد وحميده ولا يرفضون لها طلب
------------------
|
07-07-12, 05:34 PM
جديد مواضيع قسم القصص المكتمله
العرض العادي
