كاتب الموضوع :
dali2000
المنتدى :
القصص المكتمله
مشكلة لآ صِرت تجهل في حياتكْ وش َتبي ؟
ومشكلة لآ صِرت تَدري بسْ \ ما تقوْى الوصوْل !
خالد : لمتى يعني راح تشرب زقاير لين تذبح نفسك وتعدم صحتك
فهد : من عذبتني وخلتني أعيش وجع قلبي وهنت عليها يوم ودعتها وهي موادعه الرياض وأهلها وما لها نيه ترجع لها وأنا كاره عمري وما عدت مهتم زي قبل ( رفع رأسه والألم واضح بصوته) ليه تعذبني وأنا طلبت رضاها واعتذرت ليه الكل عايش بفرحه وأنا لا
خالد : كان قدامك فرصه ترجعها لك وحملها كان لصالحك
فهد : لأني وعدتها ووعد الحر دين
خالد : ندمان أنك ألتزمت بوعدك
فهد : قد شعر راسي تعرف يوم تركت الرياض وراحت القريه يوم خلصت اختباراتها سافرت ( ابتسم بألم) كنت طول الليل عند باب بيت عمي لين الفجر صليت ورجعت لسيارة كنت ماخذ سيارة واحد أعرفه ما كنت أبغى أحد يعرفني شفتها وهي تطلع كان لها 3 شهور توها داخله شهر 3 للحمل ركبت السيارة ورى أبوها اللي يسوق وجدها جنب أبوها وجدتي ورى جدي بالكرسي الخلفي تلطمت ( تلثمت) ولأن الفجر توها الشمس ما طلعت مشيت ورآهم خطوه بخطوه ومرات كنت اخلي سيارتي جنب سيارة خالي من ناحيتها وهي تلتفت تناظر للسيارة بس أبغى لمحت عيونها وبس ذيك العيون اللي ذبحتني
خالد : للقريه وصلت معهم
فهد : لا نص الطريق خفت خالي يعرفني ورجعت وروحي سافرت معها رجعت جسد من غير روح ( تنهد وناظر لاخوه) ودعتها وأنا اهمس لها من غير لا يوصل همسي لمسمعها أحبها والله
خالد : لهذي الدرجة أثر عليك غيابها
فهد : كنت أتمنى أنها ما تصبر عن بعدي طول الشهرين تعودت أروح لهم وأعودها وجودي بس اللي صار ولا حرك فيها شعره أنا اللي مو قادر على بعدها وفرقاها
خالد ( ناظر لشباك غرفة ليالي المضيء ) : تظن بتحضر ملكة ليالي
فهد ( هز رأسه لا) : عرفت أنها ما راح تحضر وتعذرت لأنها بشهرها السابع وتتعب من الطريق وخالي وجدتي وجدي هنا وحتى أمها اااااااه تمنيت تحضر معهم بس فقدت الأمل
خالد ( يؤلمه قلبه لحاله) : فهد
فهد ( ناظر له) : هممممم
خالد : تتمنى تشوفها ثاني
فهد ( غمض عيونها وتنهد) : آآآآه إيه أتمنى يا خوك بعدها عذاب أبغى أكحل عيوني بشوفتها رجعت عصبي ما أتحمل شيء ولا أحب اكلم أحد لو تكلمت ممكن اذبح أحد والسبب بعدها وفراقها
خالد : واللي يريح لك قلبك ويبشرك بالغالية
فهد : أعطيه اللي يبغى
خالد : هي بالطريق ( ناظر ساعته) لا أظن هي عند الباب
فهد : تمزح
خالد : لا والله خليفه ألحين كلمني وقال ترى محد يعرف أنها بتحضر قايله للبنات ما تقدر تبغى تسوي مفاجئه لهم وطلب مني افتح الباب الثاني عشانها هههههههههههههههههههههه ( اشر له على الباب اللي انفتح) ناظر هذي معشوقتك وقلبك
مـا جبرني كنت بالموقف مخير !
كل شي الآ المفارق .. ما اتفقنا ., !!
مشكلتنا حلمنا وقته .. صغير !
ما مدانا نعيـش فيه الا .. وقفنا ., !!
شيّ واحد بس ., هو اللي تغير !
صرت احبه حيل من يوم [ افترقنآ ] ., !!
فهد ألتفت وانصدم لما شافها تدخل كانت ماسكه عبايتها وتمشي والحمل واضح من بطنها اللي قدامها كبير والوضحه ما انتبهت أن فهد موجود كانت تناظر الأرض وتخاف تطيح بشيء ويدها على بطنها
فهد ( ابتسم) : ما اصدق أن يتحقق كنت واقف هنا قدام الملحق وطيفها يمر قدامي أشوفها هنا جالسه وهنا واقفه وهنا تضحك وهنا تبكي أراقبها كل يوم وهي ما تعرف
خالد : شفتها وقلبك فز لها فرحان يا فهد
فهد ( ابتسم بخبث) : ايه بس خلاص ما أقدر أمنع نفسي أشوفها عن قرب أنت توكل على الله للمجلس
خالد ( مسك يده بصدمه) : فهووووود لاااااا
فهد : لا أنت لهنا كفايه جاء الوقت اللي أنا أتقدم وأسيطر على الموقف عطيتها فرصه ومشيت على رأيها واللي أنا واثق منه محد يعرف من البنات أنها بتجي
خالد ( عقد حواجبه) : كيف عرفت وكيف واثق
فهد ( أبتسم) : حلفت فرح اللي حلفت أنها رفضت تجي وهي تظن بتسوي للبنات مفاجئه وأنت بعد زليت بلسانك وقلت أن محد يعرف بوجودها بس أنا بسوي لها مفاجئه هي لي
خالد : فهد خل الوضحه وأنت حلفت يمين وبعدين ايش بيكون موقفي قدام خليفه قالي ما أبغى أحد يعرف وأظن يقصدك أنت
فهد : الكل يعرف كفاره اليمين الله تعالى بقوله: ( لا يُؤَاخِذُكُمُ اللَّهُ بِاللَّغْوِ فِي أَيْمَأنكمْ وَلَكِنْ يُؤَاخِذُكُمْ بِمَا عَقَّدْتُمُ الأَيْمَانَ فَكَفَّارَتُهُ إِطْعَامُ عَشَرَةِ مَسَاكِينَ مِنْ أَوْسَطِ مَا تُطْعِمُونَ أَهْلِيكُمْ أَوْ كِسْوَتُهُمْ أَوْ تَحْرِيرُ رَقَبَةٍ فَمَنْ لَمْ يَجِدْ فَصِيَامُ ثَلاثَةِ أَيَّامٍ ذَلِكَ كَفَّارَةُ أَيْمَأنكمْ إِذَا حَلَفْتُمْ وَاحْفَظُوا أَيْمَأنكمْ كَذَلِكَ يُبَيِّنُ اللَّهُ لَكُمْ آيَاتِهِ لَعَلَّكُمْ تَشْكُرُونَ )
خالد ( بعصبيه) : وضحه حامل اتركها خايف يصيبها شيء لو شافتك فاهم
فهد ( هز رأسه بالنفي ومسك يد خالد يدفه للمجلس) : عارف بس لا تحاتي بكون أحرص منك عليها هذي نور عيوني
فهد ولا اهتم لخالد ولا توصية خليفه أن فهد ما يعرف ولا أهتم أن أحد يشوفه وفي باله شيء واحد وأهو يتجه لوضحه اللي ما تعرف أنه يتقدم لها
يشوفها وهي تنزل نقابها واضح تعبت من كبر بطنها وتمشي على مهل وهي تلم عباتها اللي خايفه تطيح فيها وتراقب خطواتها حست بأحد يقرب رفعت النظر وشافته انصدمت وعدلت نقابها ووقفت
ششفتهـہ بعد .. / غيبهـہ
= فزُ قلبي / وصصديتُ
ععزة النفسس : ترفضض
( حظرتت جنإبكك )
فهد( ابتسم) : حيالله أم فيصل
وضحه( تلفتت حولها ) : فيصل من
فهد( أشر لبطنها واهو يبتسم) : ولدي
وضحه( حطت يدها على بطنها وخزته بعيونها) : لما تحمل فيه أنت تقرر وش أسمه دامه ولد وضحه اسمه محمد على أسم أبوي
فهد( رفع حاجبه) : محمد الثاني بأذن الله بس ألحين فيصل وبعدين من أنتي تقررين لولا أن خالد حلفني ما أسمي على أسم أبوي كان أسمه إبراهيم وأبوك على عيني وراسي بس هذا ولد الفهد وأنا اسميه
وضحه(كتفت أيديها وتناظر له) : إيه خير وألحين وش تبغى واقف تسولف معاي
فهد( قلدها و كتفت أيديه) : ابغاك
وضحه ( تحط يدها قرب أذنها باستهزاء) : وش ما سمعت
فهد : ابغاك
جيتك : ( خلاصـة شـوق ) .. وعيونـك تشـوف
حتى حروفـي أكـدت : بـ/ ( إيـه مشتـآآق ) ..!!
جيتـك : لـو إنـه حـدّنـي .. عـنـك ظــروف
لكن ( عوآفي ) .. صـدري إبهـا .. ولا ضـآق ..!
جيتـك : معـي ( شـوق ٍ ) تشكـل لـك حـروف
أبيآت .. تشهدلي .. بـ/ ( نعم .. حيل مشتآآق ) ..!!
وضحه : أنت شارب شيء ولا الشهور اللي خليتك فيها ما عقلت
فهد : لا عاقل
وضحه : إيه واضح ترى ما بينا شيء ولا يربطنا شيء وافترقنا بالمعروف
فهد : وضحه ما كان بينا شيء بس بينا طفل بالطريق رجعي يا وضحه أبيك
وضحه : وأنا ما أبيك
فهد( غمض عيونه وهز رأسه واهو يتنهد) : ارحميني
اي والله أني [ اشتقت لكـ].. بس اكابر
واقول لكـ : في غيبتكـ ما تأثرت ..
والخافق اللي بالجفا .. كان [ صابر ]
بغى يمووت من الوله لو .. تأخرت ..
وضحه ( تنهدت وهي ترفع نظرها للسماء تصد عن عيونه اللي تتأمل عيونها) : تصدق يا فهد من عرفتك شلت الرحمه من قلبي مثل ما أنت شلتها من قلبك يوم عرفتني أنا مو قاسيه ولا تظن أني أحب أشوفك منذل أو في حاله ضعف ( هزت رأسها يمين ويسار) بس أنا إنسانه شالت الرحمه من قلبها من فعايلك ما تركت في قلبي لك ذره رحمه أو سويت شيء يغفر لك اللي سويته فيني
فهد ( اشر لنفسه) : إذا قصدك عن أول كنت رافضك عشان أني مجبور عليك صدقيني ما أكرهك كوضحه كنت أكره فرضهم لك علي
وضحه : ما كان ذنبي ولا باختياري وأن كنت بنت مفروض علي أنت ولد وكان ممكن ترفض وبعدين خلنا ( عقدت حواجبها وهي تناظر له) اممممم نرجع للزمن ورى عطوك حريه القرار ( شافته يعض شفته وينزل رأسه) وقالوا الوضحه ماهي لك مثل منت تبغى بس أنت عاندت وكابرت وخططت لين قدرت توقع أبوي في شركك وشبكتك اللي نسجتها مثل العنكبوت لين زواج أخوي وخليت أبوي قدام الأمر الواقع عرفت تلوى يده قدام الرجال عشان ما يرفض هذا وش أجبروك بتقول فرضوني عليك لا عطوك فرصه تبتعد ولا تكون الوضحه لك بس أنت صابك غرور وكبرياء كيف هي ترفضني أنا فهد اللي كل بنات الرياض يتمنون رضاي
فهد : كنت والحين أتمنى رضاك أنتي أتمنى توافقين على وترضين فيني
وضحه ( أشرت لرأسه باستهزاء ابتسمت) : خل هذا الشيء في عقلك لا يمكن أوافق أو أرضى عليك ما صدقت أني أتحرر من قيودك وأنطلق خارج القفص اللي أنت حاصرتني فيه
فهد( ناظر لها بنظرت حملت الحزن والأسى) : وضحه منين جبتي هالقساوه أنا أول مره أوقف قدامك وأطلبك طلب تكفين أنا أبغاك وموافق على كل شروطك بس تكونين لي
وضحه : ما راح أكون لك قريب بكون لغيرك
فهد : غيري إيش قصدك
وضحه : تظن أني ببقى على ماضيك ولا تستمر حياتي وأعيش مع أحد غير
فهد : غيري في أحد متقدم لك
وضحه : أي
فهد( عقد حواجبه) : من
وضحه( ابتسمت) : خطيبي واللي في المستقبل بيكون زوجي
فهد( أنصدم ) : زوجك
قلت اخونك !!
يمكن أن حسّيت فيني ..
تشتعل نظره عيونك ..
يمكن " أشتات " الهوى اللي غاب فجأه !!
تجتمع "تُشعِل" جنونك .. ,
للاسف ماكنت حاضر !!
ولا قدرت / أصلا ً أخونك .. !!
وضحه( ناظرت له بنظرة تحدي) : طبعا زوجي ولا تظن أني بعيش كذا تعتقد أن وضحه البدوية محد بيرضى فيها لا اصحى رضى فيني من هو أحسن منك دكتور في الجامعة الكل يشهد لك بالاخلاق وأسمه المعروف بين الناس
فهد( صر على ضروسه يكتم غيضه) : شوفي أنا كنت من اليوم ماسك نفسي ولكن توصل فيك تقولين بكل وقاحه أنك مخطوبه وتتفاخرين قدامي وأنتي للحين زوجتي
وضحه( باستهزاء رفعت يدها) : اوووبس خلك فاكر طليقتك ولا يمكن أكون زوجتك أو أرجع زوجتك
فهد( بعصبيه) : غـــــــــــصــــــــــب عــــــــنـــــــــــــك
وضحه ( حبت تستفزه ) : هههههههههههه ومن بيغصبني أنت
فهد( بخبث ابتسم ويقرب لها) : إيه
وضحه( تتراجع وبدأ الخوف بقلبها من نظرته) : فهد أنا طليقتك لا تقرب ماهو محلل تلمسني أو تقرب لي تكفه
فهد : ههههههههههههه بس هذي المشكلة راح تكونين محلل لي من اليوم ( حط أصبعه على شفايفه) امممممم صح نسيت محد يعرف أنك هنا والكل يتوقع ما تحضرين ( أنتبه لنظراتها وخوفها وهو يقرب لها) واللي في المجلس يعتقدون دخلتي ( اشر خلفه) ملحق للحين مثل ما خليتوه
وضحه( تبلع ريقها) : وش
فهد( مد يده لخدها بس وقف قبل يلمسها) : أنتي لي ومحد راح يعرف أنك معاي اللي داخل يضنون أنك ما حضرتي واللي في المجلس يضنون أنك دخلتي ههههههههههههه يعني زوجتي أنتي ولي
وضحه( غمضت عيونها وأخذت نفس وناظرت له) : تذكر أنك حلفت ما تتعرض لي تذكر يمينك
فهد( ابتعد شوي وحك خده باستهزاء) : ليه ما عمرك سمعتي في كفارة اليمين
وضحه ( صرت على ضروسها وبعصبيه ): لأنك منت رجال قد كلمتك وراح تبقى طول عمرك فهد النذل الحقير اللي ما يعرف أن الرجوله بالكلمة والقول والفعل مو كل شوي له كلمه
طرااااااااااااااااااااااااااااااااااااااخ
فهد( خزها وصر على ضروسه) : لهنا وبس ما جابتها أمها من تتجرأ علي وتهيني كنت جاي طالب رضاك وقربك كنت أبغاك ترضين وأبغاك لي كنت بعتذر وأنا ندمان على كل اللي صار ( بعصبيه أكثر مسكها بقوه من زندها ) لكن لهنا وبس يا بنت محمد كنت بجيك بالحسنى وكنت أبغاك ترجعين لي برضاك بس ألحين لا بعلمك من الرجال بعلمك أني ما أطلب أفرض نفسي على الناس بعلمك أن اللي أبيه بيصير غصب عنك ماهو برضاك وأول شيء بعمله بعملك كيف تتجرئين علي وترفعين يدك هذا واحد من ديونك علي
طراااااااااااااااااااااااااااااااااااااخ
أنصدمت وضحه و حطت يدها على خدها وناظرت له بشموخ وهي تداري دموعها عشان ما تنزل قدام غروره قابله شموخ وعزتها
لآتسيل دموعك وإن سمعت ڪلمـه
من ~ حقير .. آضحك !
ترى غبن آلحقير .. آبتسـآمـه آلآحتقـآر !
فهد( رفع أصبعه بتهديد وصر على ضروسه) : تذكري أنا فهد مهما حبيتك وعشقتك أنا فهد تاج راسك والكف هذا رد على كفك لي عشان تذكرين يوم ترفعين يدك علي أني اقطعها
وضحه( نزلت يده ورفعت رأسها له بتحدى وهي تبتعد للخلف كم خطوه) : تخسي لا تحلم تكون تاج راسي بيوم ولا تحلم توصل لي
فهد ( ناظر لها من فوق لتحت ابتسم ابتسامه جانبيه) : لو أبغاك ما يردني عنك أحد بس رغبتي فيك عشان ولدي لولا اللي في بطنك كان علمتك قدرك بس حرص عليه وخوفي عليه هو ماسكني عنك لكن بصبر وإن الله مع الصابرين بيجي يوم أعلمك من فهد بس يوصل ولي عهدي بالسلامة
وضحه : هههههههههههههههههههه ضحكتني ومن اللي توه يترجى فيني اقبل ارجع له (ناظرته بطرف عينها) حراااام كان بيبكي زي الأطفال عشان أرضى فيه تضحك على من
فهد( خزها واهو ماسك نفسه لا يذبحها) : يعني تتحدين
وضحه ( بنفس نظرته) : أتحداك
فهد قرب لها وأهو ناوي على شر ووضحه خافت من نظرته رغم أنها توها متحديه بس فهد مهما يكون وحش ونظرته كان راح ينقض على فريسته ماهي عارفه وش ناوي عليه بس اللي تحس فيه أن ما هو ناوي على خير عضت على شفايفها وحطت يدها على بطنها وعقدت حواجبها
وضحه : آآآآآه
فهد( وقف لما شافها تتوجع) : وش فيك
وضحه( مسكت بطنها أكثر ) : امممممممم بطني آآآآآآآه
فهد( خاف عليها وقرب) : وش يوجعك
وضحه( تجلس على الأرض) : لا تقرب ااااااااااه يمااااااه بطني
فهد ( تلفت حوله يمكن يشوف أحد ): وش أسوي أنادي لك أمي أو أمك من أنادي
وضحه : الألم شديد اممممممممممممممممممممم
فهد : وش أسوي قولي لي وش فيك
وضحه : دواء
فهد : وش
وضحه : وجع شديد لازم الدواء أبغى ماء بسرعه ( غمضت عيونها بقوه وهي تحس بوجع ) آآآآآآآه بسرررررررررررعه
فهد : بروح أجيب ماء لا تحركين
وضحه : بسرعة بطني يتقطع من الوجع اااااااااااااخ
فهد( برجاء) : قومي أخذك للمستشفى شوفي شكلك
وضحه : لا لا ما يحتاج هذي حاله تجي دايم للحامل بس أبغى ماء عشان أكل علاجي
فهد : وضحه خليني أخذك للمستشفى
وضحه : روووووووووح
فهد من الخوف نسى أن توه معصب منها وبسرعة قرب للمطبخ من الباب الخلفي
فهد ( بخوف وقف جنب باب المطبخ وبارتباك وخوف صرخ ) : عمتي خوله
خوله ( طلعت له) : خير فهد
فهد( بعصبيه) : عطيني قلاص ماء بسرعة
خوله ( خافت منه) : فيك شيء
فهد : لا لا بس عطيني ماء وارجعي لرجلك
خوله : طيب
عطته الماء ورجع يركض واهو ماسك بيد كوب الماء والثانية ماسك شماغه ولما وصل للمكان عقد حواجبه ما لقاها ألتفتت حوله يشوف وينها يمكن راحت مكان ثاني عشان محد من الرجال يشوفها تعجب توها من دقايق كان جالسه هنا واختفت فجاه دور بكل مكان وأيده على قلبه وش صار لها ووين أختفت فكر أن ممكن دخلت من كثر الوجع وخاف أن صار لها شيء طلع جواله بسرعة
فهد ( حط الجوال عن أذنه) : ألو فرح وينك
فرح : هلا فهد عند البنات
فهد( أرتبك وأحتار كيف يسألها) : طيب من فيه
فرح( عقدت حواجبها) : وش فيك وليه تسأل
فهد( صر على ضروسه) : سألتك من فيه صعب الجواب يعني
فرح( خافت من عصبيته) : البنات
فهد : بسألك سؤال محدد ولا تسألين ليه فاهمه
فرح : طيب
فهد : أنتي عند البنات ولا تحت
فرح : لا تحت
فهد : وضحه شفتيها
فرح : إيه توها دخلت خالد أتصل علي وقالي أن وضحه وصلت أنزلي لها بس وش عرفك أنها جايه حتى عبايتها ما نزلتها
فهد ( رفع حاجبه ) : هي بخير
فرح : إيه
فهد : متأكدة
فرح ( ألتفتت لوضحه): أشوفها تضحك ما فيها شيء وتسلم على الحريم
فهد ( رفع حاجبه واهو يغمض عيونه بقوه) : عطيها الجوال
فرح ( تعجبت ) : أنت صاحي
فهد( بعصبيه) : عطيهاااااااااااااا الجواااااااااال
فرح( خافت منه ومن عصبيته) : حاضر
فهد( سمع صوتها وهي تقول ألو) : تضحكين علي
وضحه( ابتسمت وهي تبعد عن الحريم مع فرح متجهه لسلم وبهمس) : ما كان عندي طريقه غير أني استخدم ولدك عذر عشان تتركني وأقدر أبتعد عنك لأني أعرف ولدك أهم عندك من أي شخص بالدنيا
فهد ( بعصبيه) : يعني كل اللي صار متعمده وتخليني أخاف وأركض مثل الخبل عشان أجيب لك ماء
وضحه : ههههههههههههه أنت خفت على ولدك ماهو علي نصيحه أشرب ماء يمكن يبرد أعصابك
فهد ( صر على ضروسه لا ينفجر) : هالمره بس أدعي ربك ما أشوفك لأن بيكون آخر يوم بحياتك وساعتها لا ولدي ولا أي أحد يقدر يساعدك ويشفع لك عندي
رحل
وقعدتَ اناِ وقلبيَ
نربيَ بآقيَ " آشوآقيَ " ..
سكر الجوال بعصبيه بدون لا يسمع ردها ومن كثر ما كان معصب رمى الكوب بكل قوته على الجدار وتحول لقطع صغيره من الزجاج المتناثر على الأرض حس من كثر ما هو معصب يتمنى لو هي قدامه عشان يهشم رأسها وتتحول مثل هذي القطع المتناثره على الأرض غمض عيونه وأخذ نفس وملء صدره منه يحاول يخمد النار اللي استعرت فيه من حركتها وتمثيليتها عشان تهرب منه وأهو يصدق أنها تعبانه وتكون فرصه لها للهرب منه بعد ما كان مقرر أنها بتكون له غصب عنها اتجه للمجلس واهو ناوي على نيه ويرجع لها هالحركه بقوه ويصدمها صدمة حياتها ولأن من يوقف ضد فهد
يخسر وفهد يربح بالنهاية
---------------------
في المطبخ ...
طلع ضاري بعد ما أنضرب الباب وترك خوله معصبه منه ومن تصرفاته واهو يضحك فتحت قفل الباب وشافت الجوهره
الجوهره : علامك قافله الباب
خوله : أدخلي وربي إحراج
الجوهره : وش
خوله : ضاري كان هنا دخله وليد
الجوهره : صدق
خوله : والله وربي أحرجني
الجوهره : تراك ثقلتي عليه والرجال يموت على تراب رجليك
خوله : ما هو مني من الوحام إلا صدق قبل شوي أسولف مع ميثه قالت لي أنك رجعتي زعلتي من بندر أمس عسى ما شر
الجوهره : أحد يزعل من بندورتي
خوله : لا لا فيه بندورتي أجلسي شكل السالفه غير ولا ميثه فهمت غلط وقالت أن لازم أرجع اليوم وأصالحكم لأني أمس نمت في بيت أخوي أبو وليد عند ليالي أنا أغيب يوم أنتوا مثل القطو والفار تتهاوشون
الجوهره : لا هي فهمت صح بس صار أشياء
خوله : تالي الليل
الجوهره ( تضرب يدها بعصبيه) : تفكير وصخ أي ما ألومك شفتي ضاري وانهبلتي
خوله : لا والله ما أقصد ههههههههههههههههههه
الجوهره : أقول شكلي ما راح أقول لك
خوله : لا سولفي بليز وربي متحمسه أعرف لأن أنتي وبندر تزعلون لازم أصالحكم أنا وهذي المره خونتوا فيني وزعلتوا وتراضيتي بنفسكم
الجوهره : تذلينا
خوله : ههههههههههههههههههههه أقول لا تغيرين السالفه وش صار ونزل جنونك بين يوم وليله
الجوهره : خليني اجلس من دخلت شهري السادس وأنا بس اتعب لو وقفت دقايق تعرفين خلال 4شهور كانت حياتي بس يوم حلو ويوم مر أو لأكون صادقه معكم يومين حلو وأسبوع مر ( ناظرت لخوله ) رغم أن بندر كمل علاجه النفسي وصار رجل قليل العصبية قليل الشك إلا أن ينسى نفسه لما أزور أهلي ويتصل كل شوي فيني متحجج مرات في أن يذكرني ما أجهد نفسي ولا أجلس كثير لازم شوي أنام على ظهري ومرات يتصل شوق اشتاقت لي وقالت أتصل عليك ومرات يجي فجاه لبيت أهلي وجايب معه شوق أنها ما تحملت غيابي تبيني كنت أظن أن كلامه حقيقه ( تنهدت) لين قالت شوق لي أن بابا طلب ألبس لأنك أتصلتي وقلتي لبابا جيب شوق لبيت أهلي اكتشفت بندر للحين يعاني من الشك ولا يمكن يكون تخلص منه نهائي أو على الأقل قدر الدكتور يقتلع نبتت الشك بس بقى جذورها هنا جاء دوري أقتلع هالجذور و بذرة الشك المتأصله بقلبه لازم أمحيها وأواجهه بحقيقه اللي يسويه وأخليه يعترف ليه يسوي كذا أمس رجعنا من بيت أهلي وكانت معانا شوق اللي جابها بندر لي العصر حبيت أوضح له أني كشفت لعبته قلت لشوق
الجوهره : شوقي
شوق : هلا
الجوهره ( ألتفتت شوي للكرسي الخلفي مكان شوق) : استانستي اليوم
شوق ( ابتسمت) : كثير
الجوهره : تعرفين اليوم لما وصلت لأهلي سألتني هديل ليه ما جبتي شوق قلت لها شوق بتروح مع عمتها مي للسوق ما تقدر تجي وزعلت لأني ما خليتك تجين معاي
شوق ( قربت لها ومسكت الكرسي) : لا ليه تزعل اصلا بابا قال لي أنك اتصلتي وقلتي لازم تجين ولبست بسرعة وجيت وحتى قال لعمه مي بكره تروحون السوق لأن لازم أروح بيت الجوهره
الجوهره( ناظرت لبندر) : بابا قال لك
شوق : إيه قال أنتي قلتي جيب شوق هديل زعلانه لأنها ما زارتنا وصار لها وقت ما شافت شوق
الجوهره( ابتسمت لما انتبهت لملامح بندر اللي تغيرت) : اها
بندر ( شد على الدركسون(المقود) : شوق جلسي عدل بالكرسي
شوق( ترجع تجلس) : حاضر
بندر : تحبون ناخذ عشاء من مطعم
شوق : إيه شبس بابا وكتشب
بندر( التفت للجوهره) : وأنتي
الجوهره( ناظرت له ) : أحس بتخمه
بندر( حس بنبرتها الزعل) : بالعافيه
الجوهره( صدت للشباك) : يعافيك
طلب من المطعم و طلب زيادة لامه ومي و ميثه وصلوا ونزلوا ولما دخلوا كانت أمه وميثه ومي جالسات بالصاله سلموا ونزلت الجوهره عباتها وجلست جنب ميثه
الأم : جايب عشاء ليه
بندر( يحط الأكياس) : جوعان واشتهيت نتعشى ( التفت لشوق) روحي قولي للخدامه تجيب صحون وسفره وبيبسي ولا عصير
شوق( تحط الشبس على الطاولة) : حاضر
ثواني وكانت الخدامة جايبه كل اللي طلبه بندر
بندر( يحط السفره على الأرض قدام أمه ويفتح الصحون) : ميوه ساعديني
مي ( تجلس جنبه) : ريحته تشهي
بندر : مشاوي وحمص وسلطات
ميثه : زين ما تعشينا ولا كانت النعمه بالزباله
بندر( يحط الصحون ويطالع للجوهره بطرف عينه وهي تلعب بخاتمها) : جوجو ما تقربين
الجوهره( ناظرت له واغصبت نفسها تبتسم) : تعشيت بدري بالعافيه
بندر( يفك المشاوي ويأخذ كباب ويقرب لها) : ما ترديني
الجوهره : تعشيت والله
بندر( يبتسم ويقرب الكباب لفمها) : من يدي
ميثه ( تبتسم) : حركات
الأم ( تبتسم) : عشاني لا تردينه
الجوهره( تأخذ الكبابه) : عشانك ما أرده يا خالتي
بندر : افااااا عشانها بس يعني أنا مو مهم
الجوهره : أنا قلت لك بالسيارة أني شبعانه
بندر( ابتسم ورجع يجلس جنب أمه) : طيب ( قطع من الريش واكله) شيء هالمطعم
مي( تذوق الحمص) : شكلك مغير المطعم اللي متعود عليه
بندر : إيه أحمد مدح لي هذا المطعم وصراحة اختياره موفق
الأم : ليه وين شفته
بندر : وأنا جاي أخذ الجوهره وشوق كان ينتظر زوجته تطلع سلمت عليه و قلت له وربي جوعان ومدح لي مطعم
ميثه ( تأكل تبوله) : ماشاء الله صدق حلو ( ألتفتت للجوهره) تعالي وربي لا يفوتك روعه
الجوهره( توقف وتأخذ عباتها وشنطتها) : مو مشتهيه يالله تصبحون على خير
بندر ( ناظر لها) : ...............
الأم : فيك شيء يا بنتي ولا اهلك فيهم شيء
الجوهره( تبتسم) : لا يا خالتي بس شوي تعبانه وأهلي بخير لله الحمد ( ألتفت لشوق) شوشو خلصتي الشيبس
شوق : إيه
الجوهره : يالله نطلع عشان تغيرين ملابسك و تنامين
شوق ( توقف وتبتسم) : حاضر
مي : خليها إذا تعبانه أنا بس أخلص أخذها
الجوهره( تحط يدها على رأس شوق وتبتسم) : لا عادي مو لهذي الدرجة تعبانه ليت كل التعب مثل تعب شوق يالله تصبحون على خير
الكل : وأنتي من أهل الخير
ميثه ( ناظرت لبندر اللي يأكل) : صاير شيء
بندر( يأكل حمص) : لا
الأم : بندر
بندر : اكلوا ولا تفكرون هي تعبانه بس
مي : خلوهم أنتوا إلا تفكرون أن في شيء يمكن بس تعب من الحمل يا كثر فضولكم يالحريم
الأم ( ضربتها على كتفها) : وووووجع وش حريم ترى أمك و أختك
مي : ااااح أمي و أختي على راسي وعيني بس حريم ( ابتسمت وهي تناظر لامها) ولا أخاف رجال
ميثه : كر كر كر سخيييييييييييييييفه ( أخذت خبزه وحطتها في فم مي) كلي بس وسدي هالفم اللي يتفلسف كثير
مي ( تلعب بحواجبها) : طالعه عليك
بندر : ميووه لا تتكلمين وفي فمك أكل كل اللي في فمك صار على العشاء
مي : عسل سعابيلي
ميثه : ووووووووووووووووووع واثقه
الأم : بس أنتي وأهي تعشوا وأنتوا ساكتين
بندر( يبتسم وبهمس ) : ووووويه زفوهم هاوشوهم يا فشله لقطوا وجيهكم
الأم ( ناظرت لبندر) : بندر وش تقول
بندر( رفع رأسه ) : سمي يمه ما أقول شيء أقول العشاء حلو
مي و ميثه ( كتموا الضحكة) : ......................
الأم ( ابتسمت) : إيه والله نعمت ربي كلها حلوه
بعد العشاء صعد بنت لجناحه وأنتبه للجوهره طالعه من غرفة شوق
بندر : نامت
الجوهره( تسكر الباب بهدوء) : إيه
دخلوا جناحهم ودخلت الجوهره غرفة النوم تغير لبسها وبندر جلس بالصاله وشغل التلفزيون وعينه على الغرفة يعرف أن هدوء الجوهره الهدوء اللي يسبق العاصفه بس متى راح تكون العاصفه ما يعرف شافها لابسه بجامه وطلعت للمطبخ ودخلته ترك الريموت وأتجه للمطبخ شافها تشرب ماء
بندر : جوجو
الجوهره( ألتفتت له) : هلا
بندر : مشتهي شاي ممكن تسوين لي
الجوهره : حاضر تبغى دله ولا قلاص
بندر : لا قلاص يكفي وإذا في نعناع حطي فيه
الجوهره : دقائق ويجهز
بندر( دخل الغرفة غير لبسه ورجع الصاله يقلب بالقنوات) : ................
الجوهره( دخلت عليه وبيدها الشاي بالنعناع مدته له) : تفضل
بندر( مسكه بيد ومسك يدها الثانية بيد) : وين
الجوهره : بنام
بندر( يحطه على الطاولة ويجلسها جنبه) : أجلسي معاي شوي
الجوهره( تجلس) : والله مصدعه
بندر : سلامة راسك بس شوي
الجوهره : طيب
بندر( يحطه على mbc اكشن) : في فيلم حلو يسولفون عنه الشباب
الجوهره : طيب
بندر كان يطالع الفيلم وعيونه تسرق النظرة للجوهره الشاردة وفكرها مو مع الفيلم مد يده بعد نص ساعة من بداية الفيلم اللي ما يدري شنو قصته أو حتى من أبطاله اخذ الريموت وطفاه والتفت للجوهره مسك يدها وهي ناظرت له أبتسم
الجوهره ( انتبهت للتلفزيون مطفى ) : خلص الفيلم
بندر : لا بس ما عاد لي خاطر اتابعه
الجوهره : بتنام
بندر( هز رأسه لا) : بتكلم معاك
الجوهره : بشنو
بندر : باللي شاغل بالك
الجوهره( نزلت عيونها) : ما شاغل بالي شيء
بندر : جوجو قولي لي وش فيك
الجوهره( ناظرت لعيونه) : بتجاوبني
بندر : إيه
الجوهره : وعد
بندر( ابتسم) : وعد
الجوهره : ليه تشك فيني للحين
بندر( عقد حواجبه) : اشك من قال
الجوهره : لا تكذب
بندر : وش يعرفك أني ما اكذب
الجوهره : اتصالاتك وحضورك المفاجئ لبيت أمي وتعذرك بشوق اللي تقول أنها تطلبك تجي لي وأنت اللي تقول لها أصلا ليه كل هذا أحس بالإحراج قدام أهلي من تصرفاتك المكشوفة
بندر : طيب ليه تقولين أن تصرفاتي شك مو خوف عليك وعلى جنينك
الجوهره : كنت اعتقد أو أن خوف بس إحساسي يقول أنك رجعت على عادتك القديمة
بندر : بس أنا تعالجت
الجوهره( توقف وتبتعد عنه) : أحس ظاهريا بس جوهريا لا
بندر : الجوهره
الجوهره( ألتفتت له) : بندر صارحني شايف علي شيء
بندر( وقف وقرب لها) : لا أبدا ليه تقولين كذا
الجوهره : لو أحد شاف تصرفاتك بيقول أن زوجته أكيد فيها شيء ولا وش يخلي رجال يتابعها بكل وقت ويتصل ويتأكد هي وين
بندر ( مسح على شعره) : أقص لسان من يتجرأ ويتكلم عنك
الجوهره : ليه تترك لهم مجال يتكلمون بسبب تصرفاتك معاي
بندر ( كتفت أيديه وصد عنها) : ...................
الجوهره ( ابتسمت وهي تهز رأسها) : يعني كلامي صح ( صدت واتجهت للغرفة) تصبح على خير
بندر : عليان
الجوهره( وقفت وناظرت له وهي عاقده حواجبها) : عليان وش فيه
بندر ( جلس وحط يده على ركبته) : عليان يتصل ويهددني
الجوهره( تقرب وتجلس جنبه على الكنبة الطويلة) : وش تقول وش يهددك فيه
بندر : عرف أنك حامل
الجوهره : وش دخله
بندر : اتصل علي معصب قال أن الجنين راح يربطها فيك وكذا ما اقدر أطلقها منك وأخذها بعيد وأن لازم الجنين يطيح
الجوهره ( بصدمه) : شنوووووووووووو
بندر : والله هذا اللي صار كنت أظن أن طلع من حياتنا بعد ما فقد الأمل ترجعين له بس فاجئني قبل فتره باتصاله من رقم خارجي وعصبيته وكلامه لي وتهديده
الجوهره ( غمضت عيونها) : وش رجعه
بندر: اعتقد أن ما نساك وللحين عايش في وهم تكونين له
الجوهره : يعني يعتقد أن لو صار لجنيني شيء أرضى فيه وارجع له وأتركك
بندر : اعتقد أن سافر بس له من يتابع أخبارك ويوصلها له ومنها معلومة حملك
الجوهره : .....................
بندر( ألتفت لها) : خفت عليك تطلعين وكنت أعرف أن إذا شوق عندك ما تتحركين لأنك تخافين تطلع برا بيت أمك ويصير لها شيء خفت اتصل عليك وتقولين طالعه مع خواتي وبالطريق يتعرض لك وأنتي راجع ولا طالعه ويصير شيء لك وللجنين
الجوهره : متى حصل هذا الشيء اللي أعرفه أن عليان مسافر وأمه قالت أن هاجر لأن ما قدر يوصل لي مو قادر يشوفني معاك حتى صارت هوشه كبيره بالبيت وان أنا السبب في هجرت ولدها لولا عمي وقفها عند حدها وحلف يمين طلاق لو تعرضت لي أو لامي أو خواتي لأنها طالق
بندر : الرقم اللي يتصل منه عليان من الخارج بس يقول أن يقدر يوصل لك لو هو بعيد عن ارض السعوديه يقدر يوصل لك
الجوهره( حطت يدها على بطنها) : ولدي
بندر ( حط يده على يدها) : لا تخافين
الجوهره ( دمعت عيونها) : يعني أنت ما تشك فيني
بندر : لا
الجوهره( سندت رأسها على كتف بندر ودموعها على خدها) : بندر لا تخليه يقرب لولدي تكفه
بندر : مستحيل يوصل لك اهو بس كلام واللي اطلبه منك تنتبهين لنفسك وخلي زيارتك لأهلك اقل أنتي هنا قدام عيوني بس لما تروحين لأهلك أيدي على قلبي من الخوف وتلاقيني على طول اتصل وأفكر فيك وحتى وصيت شوق عليك قلت انتبهي لجوجو والبيبي وإذا صار شيء اتصلي علي
الجوهره : ليه ما قلت لي وخليتني أفكر أنك للحين مو واثق فيني وأنك تشك لدرجه قلت اهو كان يشك بخصوص عليان وعليان سافر وانتهى من حياتنا ليه راجع ثاني يشك
بندر : كنت أفكر أقول لك بس ما حبيت تعيشين هم التفكير في عليان شنو ممكن يسوي لك وتحتارين والخوف يتمكن منك يخليك بهاجس أن ممكن تتعرضين لشيء يفقدك الطفل
الجوهره( ابتسمت ومسحت دموعها) : فعلا
بندر ( مسح على خدها وابتسم) : يعني معاي حق اتصل كل شوي ومعاي حق أخاف عليك
الجوهره ( حطت يدها على يده ) : معاك كل الحق سامحني كان تفكيري أنك للحين تشك فيني اقصد مرض الشك للحين موجود فيك
بندر : أنا تعالجت حبيبتي وبخصوص الشك مو مرض الدكتور قال لي أن بسبب صدمه تعرضت لها بحياتي هزتني سببت لي عقده نفسيه وشعور بالنقص أو قلت الثقه بمن حولي
الجوهره ( مسكت يده بأيديها اثنتين ) : ما جاء الوقت اللي تفتح لي قلبك وتحكي وش اللي خبيته فيه
بندر ( ناظر لعيونها بصمت) : ..............
الجوهره : إذا ما تحب قول لا بفهم
بندر : أنا حاب أتكلم
الجوهره : يعني بتقول لي
بندر( تمدد و حط رأسه على رجل الجوهره) : بقول لك
الجوهره ( مدت يدها تمسح على شعره) : ....................
|
30-07-10, 07:51 PM
جديد مواضيع قسم القصص المكتمله
العرض العادي
